លោកស្រីឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជា មានប្រសាសន៍ថា «ដើម្បីទាក់ទាញភ្ញៀវទេសចរថៃបានទៅដល់ខេត្តសៀមរាប សមាគមទេសចរណ៍កម្ពុជា គ្រោងធ្វើទស្សនៈកិច្ចសិក្សាមួយអញ្ចើញខាងភាគីថៃ ពិសេសសមាគមទេសចរណថៃដែលមានសមាជិកជាទីភ្នាក់ងារទេសចរណ៍ឱ្យគាត់ធ្វើការសិក្សាមកទស្សនៈទៅដល់ខេត្តសៀមរាប តាមរយៈការធ្វើដំណើរតាមផ្លូវគោក តាមច្រកអន្តរជាតិ និងច្រករបៀង ដើម្បីឱ្យការផ្សព្វផ្សាយកើតមានឡើង»។

លោកស្រីឧកញ៉ាលើកឡើងថា កាលដើមឡើយសមាគមត្រៀមរៀបចំគម្រោងទាក់ទាញភ្ញៀវទេសចរជនជាតិថៃ នៅដើមខែមករា ប៉ុន្តែដោយសារពេលវេលានេះវាគៀកទៅនិងពិធីចូលឆ្នំាចិន ហើយម្យ៉ាងទៀតយល់ប្រជាជនថៃអាចនិងប្រារព្ធពិធីចូលឆ្នាំចិនផងដែរនោះ ទើបសម្រេចលើកពេល ថានិងរៀបចំក្រោយពិធីចូលឆ្នាំចិនរួចរាល់ ហើយគម្រោងខាងលើនេះមានការចែកចេញជាច្រើនដងដោយក្នុងពេលម្តង អាចមានក្រុមហ៊ុនចូលរួម៥០ទៅ៦០ក្រុមហ៊ុន។

លោកស្រីឧកញ៉ាប្រធានសមាគមទេសចរណ៍កម្ពុជា បានសង្កត់ធ្ងន់ថា«បើកម្ពុជាអាចទាក់ទាញភ្ញៀវទេសចរជនជាតិថៃឱ្យមកចូលទស្សនាកម្ពុជាតាមច្រកអន្តរជាតិ និងតាមច្រករបៀងដូចដែលកម្ពុជា ចង់បាននេះគឺវាបានចូលរួមបានយ៉ាងច្រើនក្នុងការផ្តល់អត្ថប្រយោជន៍ដល់ប្រជាជនរស់នៅតាមបណ្តោយផ្លូវចាប់ពីច្រកព្រំដែនមួយណាក៏បាន រហូតដល់ខេត្តសៀមរាប ហើយអាចទាញយកការស្នាក់នៅបានច្រើនថ្ងៃយូរជាងមុន។ បើភ្ញៀវទេសចរថៃ បើមិនបានមកដល់ខេត្តសៀមរាបទេ មានន័យថា គាត់បានតែទស្សនានៅខេត្តដែលជាប់ព្រំដែនតែប៉ុណ្ណោះ អីចឹងភ្ញៀវទេសចរថៃចូលមកទស្សនាកម្ពុជាបានត្រឹមតែក្នុងរយៈពេលខ្លី អាចថាមកព្រឹកហើយត្រឡប់ទៅថៃវិញនៅពេលល្ងាច ឬអាចស្នាក់នៅត្រឹមតែមួយយប់»។

ពាក់ព័ន្ធនិងការផ្តួចផ្តើមបង្កើតឱ្យមានគម្រោងសិក្សាដំណើរទស្សនកិច្ចខាងលើ បើតាមប្រធានសមាគមទេសចរណ៍កម្ពុជា ឧកញ៉ា ឆាយ ស៊ីវលីន ថា កាលពីចុងឆ្នាំ២០២៣ សមាគមទេសចរណ៍កម្ពុជា បានចូលជួបសម្តែងការគួរសម និងអបអរសាទរ នៃការទទួលបានមុខតំណែងថ្មីរបស់រដ្ឋមន្ត្រីក្រសួងទេសចរណ៍ថៃ។ នៅក្នុងជំនួប ពេលនោះសមាគមទេសចរណ៍កម្ពុជាបានស្នើសុំឱ្យមានការផ្សព្វផ្សាយរួមគ្នា ជំរុញការសហការកាន់តែជិតស្និទ ពិសេសជំរុញឱ្យមានទស្សនៈកិច្ចសិក្សាសម្រាប់ដំណើរកម្សាន្ត នៅតាមច្រកអន្តរជាតិ ផ្លូវគោក ពិសេសតាមច្រករបៀង ដោយមើលឃើញថាមានកំណើនភ្ញៀវទេសចរថៃ ចូលមកមកកម្ពុជាជាប់ចំណាត់ថ្នាក់នាំមុខគេ ហើយការធ្វើដំណើរតាមផ្លូវគោកក៏មានចំនួនច្រើន។ ក៏ប៉ុន្តែចំនួនភ្ញៀវទេសចរថៃ ដែលធ្វើដំណើរទៅដល់ខេត្តសៀមរាបនៅមានចំនួនតិចតួច ហេតុដូចនេះ ទើបសមាគមចង់ឱ្យមានទស្សនៈកិច្ចសិក្សាតាមផ្លូវគោកដើម្បីជំរុញឱ្យប្រជាជនថៃដែលចូលមកតាមច្រកផ្លូវគោក ធ្វើយ៉ាងណាបានទៅដល់ខេត្តសៀមរាប៕ តាកែវ

The post កម្ពុជាកំពុងរៀបចំគម្រោងទាក់ទាញ់ភ្ញៀវទេសចរជនជាតិថៃឱ្យចូលទស្សនាដល់ខេត្តសៀមរាបកើនឡើង appeared first on .

 លោកស្រីឧកញ៉ា  ឆាយ ស៊ីវលីន ប្រធានសមាគមទេសចរណ៍កម្ពុជា បានឱ្យដឹងថា «យើងកំពុងធ្វើការជាមួយទីផ្សារអារ៉ាប់រួម ដែលជាទីផ្សារកម្រិតខ្ពស់មួយ។ដើម្បីចាប់បានទីផ្សារមួយនេះ យើងត្រូវការធ្វើកិច្ចការជាច្រើន ទីមួយគឺត្រូវចុះអនុស្សរណៈយោគយល់ជាមួយខាងសមាគមនៅឯប្រទេសអារ៉ាប់រួម ហើយត្រូវធ្វើផលិតផលទេសចរថ្មី រៀបចំសេវាកម្មរបស់យើងឱ្យត្រូវនិងទីផ្សាររបស់ភ្ញៀវអារ៉ាប់រួម ដោយសារតម្រូវការរបស់គាត់ខ្ពស់ ដូចនេះយើងត្រូវការងារច្រើនផ្សេងទៀត»។

លោកស្រីឧកញ៉ាបញ្ជាក់ថា «សម្រាប់ទីផ្សារអារ៉ាប់រួមនេះ យើងគ្រោងចុះអនុស្សរណៈជាមួយគ្នានៅខែមករាឆ្នំា២០២៤ ហើយនៅក្នុងនោះយើងអញ្ចើញតារាៗដែលមានប្រជាប្រិយភាពនៅក្នុងបណ្តាញសង្គមនានាមកថតនៅក្នុងកម្ពុជាដើម្បីធ្វើការផ្សព្វផ្សាយផងដែរ»។

ស្របពេលសមាគមទេសចរណ៍កម្ពុជា កំពុងរៀបចំចុះអនុស្សរណៈជាមួយខាងសមាគមនៅឯប្រទេសអារ៉ាប់រួម, លោក ធឿន វុឌ្ឍី មគ្គុទេសក៍ ទេសចរណ៍ ប្រចាំខេត្តសៀមរាប យល់ឃើញថា កម្ពុជានៅមានកម្រិតនៅឡើយសម្រាប់ភ្ញៀវត្រូវការចំណាយលុយកម្រិតខ្ពស់ហើយពាក់ព័ន្ធនិងកន្លែងទំនើបៗកម្ពុជានៅមានការខ្វះខាតច្រើន ទាមទារឱ្យមានការអភិវឌ្ឍបន្ថែមនៅចំណុចនេះ។

លោក ធឿន វុឌ្ឍី លើកឡើងថា  ក្រោយពីជំងឺកូវីដ១៩ត្រូវបានបិទបញ្ចប់កម្ពុជាទទួលបានភ្ញៀវទេសចរជាបន្តបន្ទាប់រហូតមកដល់ពេលនេះ វាជាសញ្ញាណមួយធ្វើឱ្យយើងដែលជាអ្នកប្រតិបត្តករនៅក្នុងវិស័យទេសចរនេះ មានក្តីសង្ឃឹមបណ្តើរៗ។ប៉ុន្តែពីមួយខែទៅមួយខែ យើងឃើញថាប្រទេសចិន ដែលមានភ្ញៀវទេសចរច្រើន មិនទាន់បើកឱ្យជនជាតិរបស់ខ្លួនមកទស្សនានៅកម្ពុជានៅមានកម្រិតដដែល ហើយប្រទេសដែលយើងគិតថានឹងមកចូលមកកម្ពុជាលក្ខណៈទ្រុងទ្រាយធំឬភ្ញៀវមានចំនួនច្រើននេះ នៅមិនទាន់ឃើញនៅឡើយ។

 លោកបន្តថាសង្កត់ធ្ងន់ថា «ផ្អែកលើបទពិសោធន៍ដែលបានរងការខាតបង់ក្នុងកំឡុងពេលវិបត្តិជំងឺកូវីដ១៩កន្លងមក ចង់មិនចង់ អ្នករកស៊ីក្នុងវិស័យមួយនេះ អាចមានការប្រយ័ត្នប្រយ៉ែងខ្ពស់ក្នុងការបន្ថែមទុន ពង្រីកអាជីវកម្មរបស់ខ្លួន ព្រោះគិតអំពីហានិភ័យនេះឱ្យបានច្រើនជាងមុន ដោយសារដំណើរនៃការរីកចម្រើននៅក្នុងវិស័យទេសចរនៅមានកម្រិត»៕ តាកែវ

The post ឧកញ៉ា ឆាយ ស៊ីវលីន៖ កម្ពុជាកំពុងរៀបចំខ្លួនចាប់យកភ្ញៀវទេសចនៅប្រទេសអារ៉ាប់រួម appeared first on .

លោកស្រី ឆាយ ស៊ីវលីន ប្រធានសមាគមទេសចរណ៍កម្ពជាមានប្រសាសន៍ថា តាមការសង្កេតមើលឃើញថាបច្ចុប្បន្ននេះកម្ពុជាយើងកំពុងតែខ្វះខាតនៅធនធានមនុស្សនៅក្នុងវិស័យទេសចរណ៍ ដោយសារបរិបទវិបត្តិជំងឺកូវីដ១៩បានធ្វើឱ្យមានគម្លាតការងារនៅក្នុងវិស័យទេសចរណ៍ ហើយអ្នកជំនាញរបស់យើងដើម្បីក្រពះមួយពេលសិន គាត់ស្រវេស្រវាទៅរកធ្វើការងារជំនាញផ្សេងទៀត។ អីចឹងការចាកចេញរបស់ពួកគាត់មកដល់បច្ចុប្បន្ននេះអ្នកជំនាញមួយចំនួនក៏បានត្រឡប់មករកជំនាញវិញ ហើយមួយចំនួនផ្សេងទៀតគាត់ជាប់ការងារថ្មីៗនៅមិនទាន់អាចត្រឡប់មករកជំនាញវិញបាន។ដូចនេះហើយបានធ្វើឱ្យមានការខ្វះខាតនៅអ្នកជំនាញទេសចរណ៍។

លោកស្រី ឆាយ ស៊ីវលីន សង្កត់ធ្ងន់ថា«បើសិនជាយើងមិនបានធ្វើការបណ្តុះបណ្តាលជំនាញវិជ្ជាជីវៈទេសចរណ៍បន្ថែម ឬមិនជំរុញឱ្យខ្លំាងក្លាទេ នោះយើងនឹងជួបនៅការខ្វះខាតធនធានមនុស្សដែលមានជំនាញទេសចរណ៍ច្រើន ដែលធ្វើឱ្យរំាងស្ទះ ឬឧបស័ក្គក្នុងការទទួលភ្ញៀវ ព្រោះថាយើងកំពុងតែរំពឹងភ្ញៀវទេសចរនឹងមានការកើនឡើងរហូតដល់៧លាននាក់ក្នុងឆ្នំា២០២៥-២០២៦។ដូច្នេះនៅពេលបច្ចុប្បន្ននេះបើសិនមិនមានការកើនឡើងនូវធនធានមនុស្សដែលមានជំនាញទេ យើងនិងពិបាកនៅក្នុងការទទួលភ្ញៀវដល់ទៅ៧លាននាក់នៅត្រឹមឆ្នំា២០២៥-២០២៦ណាស់»។

បើតាមប្រធានសមាគមទេសចរណ៍កម្ពុជា បើសិនកម្ពជាមានសាលាបណ្តុះបណ្តាលជំនាញវិជ្ជាជីវៈទេសចរណ៍ជាតិ វាជួយបានច្រើនទៅដល់វិស័យទេសចរណ៍ ព្រោះប្រទេសកម្ពុជាមានសក្តានុពលខ្ពស់នៅក្នុងការវិស័យទេសចរណ៍។ដូចនេះដើម្បីប្រើប្រាស់សក្តានុពលឱ្យអស់លទ្ធភាព កម្ពុជាត្រូវការអ្នកជំនាញ ហើយដើម្បីបានអ្នកជំនាញទំាងនេះគឺយើងត្រូវតែមានសាលាបណ្តុះបណ្តាល ហើយតាមរយៈសាលាបណ្តុះបណ្តាលនេះ វាជួយផ្តល់ការងារដល់យុវជនកម្ពុជា ជួយទាក់ទាញភ្ញៀវទេសចរ ជួយទាក់ទាញការវិនិយោគ។បើមានការវិនិយោគច្រើនប្រជាជនមានគ្រប់ជំនាញហើយមានការងារល្អយើងអាចកាត់បន្ថយការចំណាកស្រុក ដែលជួយទៅដល់សេដ្ឋកិច្ចជាតិបានយ៉ាងច្រើន ហើយវិស័យទេសចរណ៍ត្រូវតែមានអ្នកជំនាញទើបបម្រើទេសចរបាន។

ទាក់ទងនិងវិស័យទេសចរណ៍និងការបណ្តុះបណ្តាលធនធានមនុស្សនេះ បើយោងតាមអគ្គនាយកដ្ឋានគ្រប់គ្រងឧស្សាហកម្មទេសចរណ៍ថ្មីៗនេះបានបើកកិច្ចប្រជុំ ត្រួតពិនិត្យការងារគម្រោងសាងសង់សាលាវិជ្ជាជីវៈទេសចរណ៍នៅរាជធានីភ្នំពេញនិងខេត្តព្រះសីហនុ៕អត្ថបទ៖សារេត

The post អ្នកជំនាញ៖ បើកម្ពុជាមិនមានការបណ្តុះបណ្តាលធនធានមនុស្សជំនាញទេសចរណ៍បន្ថែម ពិបាកទទួលភ្ញៀវទេសចរ៧លាននាក់នៅ៣ឆ្នំាទៀត appeared first on .

លោក Wang Wentian ឯកអគ្គរដ្ឋទូតចិនប្រចាំកម្ពុជាថ្មីៗនេះមានប្រសាសន៍ថា ចាប់តាំងពីបង្កើតទំនាក់ទំនងការទូតរវាងចិននិងកម្ពុជាអស់រយៈពេល ៦៥ ឆ្នាំមក ប្រទេសទាំងពីរតែងជួយគ្នាទៅវិញទៅមកនិងរួមសុខរួមទុក្ខជាមួយគ្នា ទំនាក់ទំនងមួយនេះឆ្លងកាត់ការសាកល្បងគ្រប់ប្រភេទ បានធ្វើឱ្យកាន់តែរឹងមាំមិនអាចបំបែកបាន បានក្លាយជាគំរូសម្រាប់ការរួមគ្នាកសាងទំនាក់ទំនងអន្តរជាតិបែបថ្មីនិងសហគមន៍វាសនារួមសម្រាប់មនុស្សជាតិ។

លោកសង្កត់ធ្ងន់ថា « ជឿជាក់ថាក្រោមការខិតខំប្រឹងប្រែងរួមគ្នាពីភាគីទាំងពីរ ទំនាក់ទំនងរវាងចិន-កម្ពុជានឹងស្វាមគន៍ជាមួយការអភិវឌ្ឍន៍កាន់តែធំធេង ផ្តល់ផលប្រយោជន៍កាន់តែល្អប្រសើរជូនដល់ប្រទេសនិងប្រជាជនទាំងពីរ ព្រមទាំងរួមចំណែកថ្មីដល់សន្តិភាព ស្ថិរភាព និងការអភិវឌ្ឍន៍ក្នុងតំបន់និងលើពិភពលោក»។

លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជាបានឱ្យដឹងថា ផ្អែកទៅលើទំនាក់ទំនងល្អរវាងកម្ពុជា-ចិន រយៈពេល៦៥ឆ្នំាកន្លងមកសម្រាប់វិស័យទេសចរណ៍កម្ពុជា យើងមានការរំពឹងថាភាគីចិននឹងជំរុញភ្ញៀវទេចរចិន ចូលមកទស្សនាកម្ពុជា ខណៈសេវាកម្មទេសចរណ៍របស់កម្ពុជាកំពុងតែងើបឡើងវិញ ពិសេសផលិតផលសេវាកម្មសម្រាប់ទីផ្សារចិន យើងបានត្រៀមខ្លួនរួចរាល់ក្នុងការទទួលបម្រើទេសចរចិន។ប៉ុន្តែសម្រាប់បច្ចុប្បន្ននេះគឺភ្ញៀវដែលបានចូលមកប្រទេសកម្ពុជាភាគច្រើនជាអ្នកដែលមានបេសកម្មប៉ុណ្ណោះ ហើយសម្រាប់ភ្ញៀវទេសចរវិញចូលមកកម្ពុជានៅមានកម្រិត។

លោកស្រី ប្រធានសមាគមទេសចរណ៍កម្ពុជា មានប្រសាសន៍ថា«មូលហេតុភ្ញៀវទេចរចិន ចូលមកទស្សនាកម្ពុជានៅមានកម្រិតនេះ បើតាមការសាកសួរអំពីព័ត៌មានពីភាគីដែលបានធ្វើកិច្ចសហប្រតិបត្តិការជាមួយគ្នាក្នុងវិស័យឯកជនគឺគាត់មានការលំបាកនៅក្នុងចេញទៅធ្វើទេសចរខាងក្រៅប្រទេសរបស់ពលរដ្ឋចិន ត្រូវបានសាកសួរនូវព័ត៌មានជាច្រើន ម្លោះហើយធ្វើឱ្យពលរដ្ឋចិនមានការរារេកក្នុងការចេញដើរ។ក្នុងន័យនេះខ្ញុំចង់និយាយថាប្រសិនបើរដ្ឋាភិបាលចិនបើកឱ្យពលរដ្ឋចេញធ្វើដំណើរទៅខាងក្រៅបានពេញលេញឬជំរុញឱ្យមកទទួលសេវាកម្មទេសចរណ៍នៅប្រទេសកម្ពុជា នោះនឹងធ្វើឱ្យយើងមានការរំពឹងខ្ពស់ថាភ្ញៀវនឹងចូលមកទស្សនាទៅតាមអ្វីដែលយើងចង់បាន»។

លោកស្រី លើកឡើងថា តាមរយៈការវិនិយោគរបស់វិនិយោគិនចិននៅកម្ពុជាគឺបានចូលរួមចំណែកយ៉ាងច្រើនទៅដល់វិស័យទេសចរណ៍កម្ពុជា ពិសេសផ្លូវល្បឿនលឿនដែលបានឱ្យរស់រវើក បើទោះបីប្រទេសកម្ពុជាស្ថិតក្នុងកំឡុងពេលបិទខ្ទប់វិបត្តិជំងឺកូវីដ១៩ក៏ដោយ។ យើងនៅមានការវិនិយោគជាច្រើនផ្សេងទៀត ដូចជាការអភិវឌ្ឍព្រលានយន្តហោះខេត្តសៀមរាប ព្រលានយន្តហោះភ្នំពេញ។ទំាងនេះសុទ្ធសឹងតែជាផលិតផលក៏ដូចជាទ្រព្យសម្បត្តិដ៏សំខាន់របស់កម្ពុជា សម្រាប់ធ្វើការទាក់ទាញការវិនិយោគពីខាងក្រៅជាបន្តបន្ទាប់ទៀត៕

អត្ថបទ៖សារេត

The post ទំនាក់ទំនងការទូត កម្ពុជា-ចិន កាន់តែល្អរំពឹងថាទទួលបានភ្ញៀវទេសចរចិនចូលមកទស្សនាកម្ពុជាមានកាន់តែច្រើន appeared first on .

លោកស្រី ឆាយ ស៊ីវលីន មានប្រសាសន៍ថាទាក់ទងទៅនឹងការបន្តវេនរបស់ថ្នាក់ដឹកនាំនៅក្នុងវិស័យទេសចរណ៍នៅកម្ពុជា ខ្ញុំមានការរំពឹងខ្ពស់ទៅលើថ្នាក់ដឹកនាំដែលទើបតែទទួលបន្ទុក ថានឹងនាំនាវាទេសចរណ៍កម្ពុជាប្រកបដោយគុណភាព រស់រវើក ភាពប្រកួតប្រជែង បរិយាប័ន្នដែលនឹងឆ្ពោះទៅកាន់អនាគតថ្មី ។

លោកស្រីសង្កត់ធ្ងន់ថា «ជាមួយគ្នានេះខ្ញុំសំណូមពរដល់រាជរដ្ឋាភិបាលក៏ដូចជាក្រសួងទេសចរណ៍ដែលជាសេនាធិការ សូមឱ្យមានគោលនយោបាយបន្ថែមទៀតដើម្បីលើកទឹកចិត្តដល់ផ្នែកឯកជនដែលធ្វើអាជីវកម្មក្នុងវិស័យទេសចរណ៍ឱ្យបន្តនូវនិរន្តរភាពដើម្បីត្រៀមទទួលភ្ញៀវនាពេលអនាគតដ៏ខ្លី ដើម្បីធ្វើឱ្យកម្ពុជាគោលដៅឈានមុខប្រកបទៅដោយភាពសំបូរបែប ពោពេញទៅដោយកាលានុវត្តភាពនិងភាពកក់ក្តៅ ដរាបណាកម្ពុជាពោពេញទៅដោយសេវាកម្ម ទើបយើងអាចទាក់ទាញភ្ញៀវទេសចរបាន»។

ពាក់ព័ន្ធនឹងវិស័យទេសចរណ៍កម្ពុជា បើយោងតាមរដ្ឋមន្ត្រីក្រសួងទេសចរណ៍ លោក សុខ សូកេន ថ្មីៗនេះបានឱ្យដឹងថា ដើម្បីធានាបាននូវស័ក្តិសិទ្ធិភាពនិងប្រសិទ្ធភាពក្នុងការចូលរួមរបស់ក្រសួងទេសចរណ៍ក្នុងការអនុវត្តកម្មវិធីនយោបាយនៃរាជរដ្ឋាភិបាលនីតិកាលទី៧ ខ្ញុំនឹងផ្តួចផ្តើមរៀបចំធ្វើបច្ចុប្បន្នភាពនិងកែសម្រួលក្នុងករណីចំាបាច់លើលិខិតបទដ្ឋានគតិយុត្តិ រចនាសម័្ពន្ធ របៀបរបបការងារធនធានមនុស្ស និងធនធានហិរញ្ញវត្ថុឱ្យស្របទៅតាមគោលដៅយុទ្ធសាស្ត្រចំនួន៣៖ ១-ភាពប្រកួតប្រជែងទេសចរណ៍ ២-ចីរភាពទេសចរណ៍ និង៣-បរិយាបន្នទេសចរណ៍។

លោករដ្ឋមន្ត្រីថ្មី មានប្រសាសន៍បញ្ជាក់ថា«ដើម្បីសម្រេចបាននៅគោលដៅយុទ្ធសាស្ត្រទំាង៣ខាងលើនេះខ្ញុំបានគិតគូរអំពីគំនិតផ្តួចផ្តើមថ្មី យោងតាមការស្រាវជ្រាវ បទពិសោធន៍ស្ថាប័ន ឯកសារគន្លឹះដែលបានអនុវត្តកន្លងមកក្នុងការជំរុញអភិវឌ្ឍន៍វិស័យទេសចរណ៍កម្ពុជាដោយផ្តោតទៅលើសសរស្ដម្ភយុទ្ធសាស្រ្តចំនួន៥ ហៅកាត់ថា «បង្កើន៥» ហើយដើម្បីគំាំទ្រសរសរស្តមយុទ្ធសាស្ត្រទំាង៥ខាងលើនេះប្រកបប្រសិទ្ធភាពនិងឈានទៅសម្រេចឱ្យបាននៅគោលដៅយុទ្ធសាស្ត្រទំាង៣នៃការអភិវឌ្ឍវិស័យទេសចរណ៍កម្ពុជា យើងមានការងារគំាំទ្រអាទិភាពចំនួន៣ ហៅកាត់ថាអភិវឌ្ឍន៍៣»។

លោកបន្តថា ការងារគំាំទ្រអាទិភាពទំាង៣ មាន៖១)-អភិវឌ្ឍន៍រចនាសម្ព័ន្ធនិងពង្រឹងយន្តការអភិបាលកិច្ចទេសចរណ៍ ដោយរាប់ទំាងការគិតគូរដល់ការរៀបចំបង្កើតក្រុមប្រឹក្សាជាតិទេសចរណ៍និងការពង្រឹងអង្គភាព គ្រប់គ្រងគោលដៅទេសចរតាមរាជធានី ខេត្តនិងតាមគោលដៅទេសចរណ៍សំខាន់ៗ ដោយបង្កើនកិច្ចសហការជាមួយដៃគូររវាងរដ្ឋនិងឯកជន និងកិច្ចសហការជាមួយស្ថាប័នពាក់ព័ន្ធនានា។ ២)-អភិវឌ្ឍន៍បរិវត្តកម្មឌីជីថលក្នុងវិស័យទេសចរណ៍ត្រូវមានផែនការនិងមានធនធានច្បាស់លាស់ស្របតាមដំណាក់កាលនីមួយៗ និង៣)-អភិវឌ្ឍន៍ធនធានមនុស្សដោយផ្តោតសំខាន់ទៅលើការអប់រំបណ្តុះបណ្តាលសមត្ថភាព ជំនាញវិជ្ជាជីវៈ ឆន្ទៈ គុណភាព និងសីលធម៌សម្រាប់បុគ្គលិក និយោជិត និយោជកនិងមន្ត្រីរាជការ ព្រមទំាងភាគីពាក់ព័ន្ធនានានៅក្នុងវិស័យទេសចរណ៍ឱ្យស្របតាមតួនាទីនិងការទទួលខុសត្រូវខ្ពស់ ដោយធ្វើយ៉ាងណាធានាបានបុគ្គលិកម្នាក់មានជំនាញមួយ ពិសេសបណ្តុះបណ្តាលអ្នកជំនាញវិជ្ជាជីវៈទេសចរណ៍ស្របតាមស្តង់ដារអាស៊ាន ព្រមទំាងលើកកម្ពស់សុខមាលភាពមន្ត្រីទេសចរណ៍ប្រកបសមធម៌ និងបរិយាប័ន្ន៕

អត្ថបទ៖សារេត

The post លោកស្រី ឆាយ ស៊ីវលីន៖ រដ្ឋមន្ត្រីថ្មីនឹងនាំនាវាទេសចរណ៍កម្ពុជាឈានឆ្ពោះទៅកាន់អនាគតថ្មី appeared first on .

ផ្អែកទៅលើទិន្នន័យនៃចំនួនភ្ញៀវទេសចរបរទេសខាងលើនេះ លោកស្រី ឆាយ ស៊ីលីន ប្រធានសមាគទេសចរណ៍កម្ពុជា មានប្រសាសន៍ថា តួលេខនៃចំនួនភ្ញៀវទេសចរបរទេសដែលកម្ពុជាទទួលបានជាង៣លាននាក់ ក្នុងរយៈពេល៧ខែ នៃឆ្នាំ២០២៣នេះ វាជាចំនួនមួយលើសពីការរំពឹងទុកបន្តិចហើយ  ព្រោះការរំពឹងទុករបស់យើងកាលពីដើមឆ្នាំមានតែជាង៤លាននាក់ទេ ប៉ុន្តែមកដល់ពេលនេះយើងទទួលបានជាង៣លាននាក់ អីចឹងដល់បំណាច់ឆ្នាំ២០២៣ខាងមុខនេះ យើងនឹងទទួលបានភ្ញៀវទេសចរបរទេសចូលមកទស្សនាកម្ពុជាកើនឡើងលើសពីការរំពឹងទុក។

លោកស្រី សង្កត់ធ្ងន់ថា «នេះជាចំនួនមួយវិជ្ជមានមែនទែនសម្រាប់វិស័យទេសចរណ៍ ហើយវាបង្ហាញឱ្យឃើញថាយើងកំពុងឈានទៅមុខក្នុងការទទួលបានភ្ញៀវទេសចរបរទេស នេះយើងមិនទាន់ទទួលបានភ្ញៀវទេសចរចិនបានពេញលេញផង គ្រាន់តែភ្ញៀវទូទៅប៉ុណ្ណោះ។ចំនួនភ្ញៀវទេសចរបរទេសនេះ កំពុងធ្វើឱ្យវិស័យទេសចរណ៍កម្ពុជាកម្រើកឡើង ធ្វើឱ្យប្រតិបត្តិករទេសចរណ៍ក្នុងស្រុកមានទឹកមាត់លេបឬចាប់ផ្តើមមានភាពប្រសើរឡើងវិញសន្សឹមៗ»។

បើតាមប្រធានសមាគមទេសចរណ៍កម្ពុជា ទេសចរបរទេសចូលមកទស្សនាកម្ពុជាច្រើននៅដើមឆ្នាំ២០២៣ ហើយមានការថមថយចាប់ពីខែមេសា តែមកដល់ខែកក្កដា កន្លងទៅថ្មីៗនេះ ភ្ញៀវចាប់ផ្តើមមានសន្ទុះឡើងវិញ។

បើតាមលោកស្រី ឆាយ ស៊ីវលីន ប្រធានសមាគមទេសចរណ៍កម្ពុជា កត្តាដែលចូលរួមជំរុញឬទាក់ទាញភ្ញៀវទេសចរបរទេសចូលមកកម្ពុជា គឺមានកត្តាសុខសន្តិភាព,ប្រព័ន្ធហេដ្ឋារចនាសម្ព័ន្ធផ្លូវថ្នល់,ក្រសួងទេសចរណ៍តែងតែផ្តោតទៅលើការរៀបចំនៅតាមរមណីយដ្ឋាន,វិស័យឯកជនបានវិលត្រឡប់ចូលមកធ្វើអាជីវកម្មក្នុងវិស័យនេះឡើងវិញ ហើយធ្វើសកម្មភាពផ្សព្វផ្សាយជាច្រើនតាមរយៈសមាគម។លើសពីនេះ វិស័យទេសចរណ៍បានបង្កើតឡើងនៅផលិតផលទេសចរណ៍ថ្មីៗ ហើយរាជរដ្ឋាភិបាលបានបង្កើតនៅព្រឹត្តិការណ៍ជាច្រើននៅពេលកន្លងមក ដែលជាផ្នែកមួយយ៉ាងសំខាន់ក្នុងការទាក់ទាញភ្ញៀវទេសចរបរទេរសឱ្យចូលមកទស្សនានៅកម្ពុជា៕

អត្ថបទ៖សារេត

The post កម្ពុជារំពឹងថាទទួលភ្ញៀវទេសចរបរទេស កើនឡើងលើសពីការគ្រោងទុកក្នុងឆ្នាំ២០២៣នេះ appeared first on .

យោងតាមប្រធានសមាគមទេសចរណ៍កម្ពុជា ក្រៅពីចាត់ទុកព្រលានយន្តអន្តរជាតិ សៀមរាបអង្គរ ជាទ្រព្យរបស់វិស័យទេសចរណ៍ ហើយនាំមកនូវការកើនឡើងនៃជើងហោះហើរត្រង់។ព្រលានយន្តថ្មីនេះបានបង្កើតឱកាសការងារនិងបង្កើតមុខរបរសេដ្ឋកិច្ចក្រៅប្រព័ន្ធបានច្រើនសម្រាប់ប្រជាពលរដ្ឋរស់នៅក្នុងតំបន់នាពេលខាងមុខនេះ។

លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជា មានប្រសាសន៍ថា «កាលណាព្រលានយន្តហោះថ្មីមានការហូរចូលនៅចំនួនយន្តហោះខ្នាតធំៗមានច្រើន នោះចំនួនភ្ញៀវទេសចរក៏មានការកើនឡើងច្រើនដែរ។នេះជាការផ្តល់នៅឱកាសការងារទៅដល់ប្រជាពលរដ្ឋនៅក្នុងតំបន់បានយ៉ាងច្រើន និងបង្កើតនៅមុខរបរសេដ្ឋកិច្ចក្រៅប្រព័ន្ធ តាមរយៈការផ្តល់សេវាកម្ម ការលក់ម្ហូបអាហារ វត្ថុអនុស្សាវរីយ៍រួមនិងសេវាកម្មផ្សេងៗ ជាច្រើនទៀត»។

ប្រធានសមាគមទេសចរណ៍កម្ពុជារូបនេះលើកឡើងថា ផ្អែកលើទំតំាងព្រលានយន្តហោះថ្មីមានចម្ងាយឆ្ងាយពីទីប្រជុំជន នំាឱ្យការធ្វើដំណើរចំណាយពេលវេលាយូរ។ដូចនេះអ្នកដំណើរអាចមានការឈប់សម្រាកខ្លះៗនៅតាមដងផ្លូវ ប្រមើមើលការលក់ដូរផ្សេងៗ ពេលនោះអ្នកប្រកបរបរសេដ្ឋកិច្ចក្រៅប្រពន្ធ័អាចទាញការចំណាយរបស់អ្នកដំណើរឬភ្ញៀវទេសចរជាតិក៏ដូចអន្តរជាតិបាន។

លោកស្រី មានប្រសាសន៍ថា ព្រលានយន្តហោះអន្តរជាតិ សៀមរាបអង្គរថ្មីនេះ អាចបង្ករលក្ខណៈឱ្យប្រជាពលរដ្ឋរស់នៅក្នុងតំបន់អាចប្រកបមុខរបរបន្ថែមបានទំាងខ្នាតតូចនិងខ្នាតធំ នៅតាមដងផ្លូវនិងនៅក្នុងព្រលានយន្តហោះបន្ថែមបាន ដោយសារការធ្វើដំណើរត្រូវការចំណាយពេលវេលា ជាហេតុធ្វើឱ្យអ្នកដំណើរត្រូវទៅមុនកាលកំណត់។ដូចនេះគេអាចចំណាយប្រាក់មួយចំនួនទៅលើសម្ភារៈ សេវាកម្មក៏ដូចជាទៅលើអាហារមួយចំនួន ខណៈពេលកំពុងរង់ចំាជើងហោះហើរមកដល់។

លោកស្រី ឆាយ ស៊ីវលីន សង្កត់ធ្ងន់ថា «ខ្ញុំមើលឃើញមានការចាប់អារម្មណ៍ខ្លះៗ ហើយទៅលើមុខរបរដែលទាក់ទងទៅនិងព្រលានយន្តហោះអន្តរជាតិ សៀមរាបអង្គរនេះ។គ្រាន់តែពលរដ្ឋខ្លះគាត់អត់ទាន់បង្ហាញសកម្មភាព ឬគាត់កំពុងរងចំាមើលសិន។ ក៏ប៉ុន្តែខ្ញុំគិតថា ពលរដ្ឋគាត់បានចាប់ផ្តើមនៅមុខរបរសេដ្ឋកិច្ចក្រៅប្រព័ន្ធនេះបណ្តើៗហើយ ព្រោះមានការសាកសួរនៅព័ត៌មានជាច្រើននៅពេលដំណើរទស្សនៈកិច្ចរបស់ពួកយើងបានទៅដល់ព្រលានយន្តហោះអន្តរជាតិ សៀមរាបអង្គរ នាពេលថ្មីៗកន្លងទៅនេះ»។

លោក ធឿន វុឌ្ឍី មគ្គុទេសក៍ទេសចរណ៍ប្រចំាខេត្តសៀមរាប បានឱ្យដឹងថា ទាក់ទងការដាក់ឱ្យដំណើរការជាផ្លូវការនៅព្រលានយន្តអន្តរជាតិ សៀមរាបអង្គរ នៅពេលប៉ុន្មានថ្ងៃដំបូងកន្លងមកនេះ មិនសូវមានអ្នករំជើបរំជួលប៉ុន្មាននោះទេ។

លោកបន្តថា «សម្រាប់ពលរដ្ឋរស់នៅខាងសៀមរាបផ្ទាល់ ពួកគាត់មិនទាន់មានក្តីសង្ឃឹមលើការបង្កើតមុខរបរក្រៅប្រព័ន្ធប៉ុន្មាននោះទេ គាត់រង់ចំាមើលសិន បើសិនមានភ្ញៀវទេសចរចូលមកច្រើនមែននោះ ម្នាក់ៗនឹងរៀបចំបណ្តើរធ្វើបណ្តើរ ទាក់ទងនិងការងារក៏ដូចជាការបង្កើតមុខរបររបស់ខ្លួន»៕

អត្ថបទ៖សារេត

The post ព្រលានយន្តហោះអន្តរជាតិ សៀមរាបអង្គរ បង្កើតឱកាសការងារសម្រាប់ពលរដ្ឋ និងអ្នកប្រកបមុខរបរសេដ្ឋកិច្ចក្រៅប្រព័ន្ធ appeared first on .

ក្នុងពីចុះហត្ថលេខាលើអនុស្សរណៈយោគយល់រវាងសមាគមទេសចរណ៍កម្ពុជា និងក្រុមហ៊ុនអភិវឌ្ឍន៍ទេសចរណ៍គ្រុបខេត្តក្វាងស៊ី ទៅលើកិច្ចសហការរួមគ្នាជំរុញផលិតផលអេកូទេសចរណ៍ទៅកាន់ទីផ្សារចិនបែបលំដាប់ខ្ពស់កាលថ្មីៗនេះ លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជា បានឱ្យដឹងថា នៅពេលកន្លងមកយើងឃើញតែសមាជិកដែលជាទីភ្នាក់ងារទេសចរណ៍គាត់ព្យាយាមលក់ដោយធ្វើយ៉ាងម៉េចសេវាឱ្យថោក ដើម្បីទទួលបានការទាក់ទាញ។ដូចនេះយើងចង់បំបែកចេញដើម្បីឱ្យទីភ្នាក់ងាររបស់ចិនបានដឹងនិងចូលរួមជាមួយយើងដោយធ្វើការផ្សព្វផ្សាយ និងលក់នៅផលិតផលអេកូទេសចរណ៍បែបលំដាប់ខ្ពស់របស់កម្ពុជា។

បើតាមប្រធានសមាគទេសចរណ៍កម្ពុជា ផលិតផលអេកូទេសចរណ៍បែបលំដាប់ខ្ពស់នេះមាននៅក្នុងខេត្តកែប ខេត្តកំពត ខេត្តកោះកុង ដែលមានសក្តានុពលទេសចរបន្ថែមទៀត ដែលកាលពីមុនមានតែខេត្តព្រះសីហនុ និងខេត្តសៀមរាប។

លោកស្រីសង្កត់ធ្ងន់ថា «បន្ទាប់ពីចុះហត្ថលេខារួមគ្នារួចហើយ យើងពិតជាមានក្តីរំពឹងថានិងទទួលបានភ្ញៀវទេសចរចិនលំដាប់ខ្ពស់ហូរចូលមកកម្ពុជា។យើងនឹងព្យាយាមដាក់បញ្ចូលខេត្តផ្សេងៗទៀត ដែលមានសក្តានុពលទេសចរខ្ពស់ផ្នែកអេកូទេសចរណ៍ ដើម្បីផ្តល់ជម្រើសនិងមានភាពទាក់ទាញកាន់តែខ្លំាងឡើង ស្របពេលតម្លៃផលិតអេកូទេសចរបែបលំដាប់ខ្ពស់ ភ្ញៀវទេចរចិនយ៉ាងហោចណាស់ត្រូវការចំណាយពី២៥០ទៅ៣០០ដុល្លារ សម្រាប់មនុស្សម្នាក់»។

លោកស្រី លើកឡើងថា ចាប់ពីយើងបានធ្វើកិច្ចសហការជាមួយក្រុមហ៊ុនចិនដ៏ធំមួយនេះហើយ យើងចង់បានការចូលរួមពីសេវាករទំាងអស់នៅតាមគោលដៅអេកូទេសចរណ៍ ដែលមានបម្រើសេវាកម្មដឹកជញ្ជូន សេវាកម្មម្ហូបអាហារ និងសេវាកម្មស្នាក់នៅ សូមឱ្យពួកគាត់ពង្រឹងនៅគុណភាពឱ្យបានល្អ ដើម្បីរួមគ្នាធ្វើការទាក់ទាញទេសចរចិន ដោយសារកន្លងមកយើងបម្រើសេវាកម្មជូនភ្ញៀវអឺរ៉ុប ដោយគិតថាភ្ញៀវចិនមិនសូវចាប់អារម្មណ៍ផ្នែកអេកូទេសចរណ៍។តែឥលូវនេះយើងចាប់ផ្តើមធ្វើការជាមួយនិងទីភ្នាក់ងារទេចរចិន ហើយពួកគាត់មានភាពជឿជាក់ហើយធ្វើការផ្សព្វផ្សាយ ជំរុញដោយនំាយកភ្ញៀវឱ្យកម្ពុជាឱ្យបានក្នុងពេលឆាប់ៗនេះ។

លោកស្រីគូសបញ្ជាក់ថា « ភ្ញៀវទេសចរបរទេសដែលចំណាយលុយច្រើនជាងគេនៅលើពិភពលោកនេះគឺភ្ញៀវទេសចរចិន ហើយចាប់ពីពេលនេះតទៅយើងព្យាយាមចាប់យកភ្ញៀវទេចរចិនដែលមានគុណភាពឱ្យមកចាយលុយនៅកម្ពុជាឱ្យបានច្រើន មិនមែនមកគ្រាន់តែថតរូបនិងប្រើរយៈពេលខ្លីនោះទេ»៕

អត្ថបទ៖សារេត

The post កម្ពុជា កំពុងបោះជំហានចាប់យកភ្ញៀវទេសចរលំដាប់ខ្ពស់របស់ចិន ឱ្យចាយលុយនៅក្នុងស្រុក appeared first on .

លោក ធឿន វុឌ្ឍី មគ្គុទេសក៍ ទេសចរណ៍ប្រចំាខេត្តសៀមរាបម្នាក់បានឱ្យដឹងថា ក្នុងនាមជាអ្នកប្រកបអាជីវកម្មក្នុងវិស័យទេសចរណ៍ យើងចង់បានការហោះហើរត្រង់មកកាន់ទឹកដីខេត្តសៀមរាប ដោយហេតុផលថាកាលពីមុនមកយើងពឹងផ្អែកទៅលើប្រទេសជិតខាង អីចឹងការរៀបចំកញ្ចប់ទេសចរ មុនមកដល់ស្រុកយើងភ្ញៀវទេសចរត្រូវចុះដើរលេងនៅស្រុកគេសិន។

លោក ធឿន វុឌ្ឍី មានប្រសាសន៍ថា «អ្វីដែលយើងសប្បាយចិត្តគឺភ្ញៀវចុះនៅសៀមរាបផ្ទាល់ យើងអាចរៀបចំកញ្ចប់ទេរសចរផ្ទាល់បាន ហើយយើងប្រើពេលវេលាវែង មានន័យថាលុយចូលមកស្រុកយើងវាបានច្រើន។យើងជឿជាក់ថានឹងមានការហោះហើរត្រង់នៅយន្តហោះដឹកអ្នកទេសចរមកកាន់ខេត្តសៀម បើទោះបីមិនទទួលបាន១០០% យ៉ាងហោចណាស់យើងបានខ្លះ ហើយការទទួលបានចំណែកខ្លះៗនេះវាជាផលចំណេញសម្រាប់កម្ពុជា»។

បើតាមលោក ធឿន វុឌ្ឍី ភ្ញៀវទេសចរបរទេសខ្លះគេធ្លាប់បានទៅលេងនៅប្រទេសជិតខាងកម្ពុជាបានច្រើនហើយតែគេមកលេងនៅកម្ពុជាតែមានរយៈពេលខ្លី ដូចនេះនៅថ្ងៃក្រោយសង្ឃឹមថាទេសចរទំាងនោះនិងទិញសំបុត្រយន្តហោះដែលហោះហើរត្រង់មកកម្ពុជាតែម្តង ដើម្បីចំណាយពេលដើរកម្សាន្តនៅខ្មែរឱ្យបានយូរ។

លោកស្រី ឆាយ ស៊ីលីន ប្រធានសមាគមទេសចរណ៍កម្ពុជា លើកឡើងថា ការប្រកាសបើកអាកាសយានដ្ឋានថ្មីនៅពាក់កណ្តាលខែតុលាដ៏ឆាប់ខាងមុខនេះ បានធ្វើអោយអ្នកពាក់ពន្ធ័វិស័យទេសចរណ៍មានការភ្ញាក់ផ្អើល ទើបយើងរៀបចំទស្សនៈកិច្ចលក្ខណៈបច្ចេកទេសនេះឡើង ដើម្បីបកស្រាយនូវរាល់ចម្ងល់ និងក្តីបារម្មណ៍របស់ប្រតិបត្តិករទេសចរណ៍យើង។

យោងតាមបណ្តាញទំនាក់ទំនងសង្គមផ្លូវការរបស់លោកស្រី ឆាយ ស៊ីវលីន បានបញ្ជាក់ថា«អាកាសយានដ្ឋានថ្មីនេះ នឹងក្លាយជាទ្រព្យដ៏សំខាន់មួយ សំរាប់អនាគតនៃវិស័យទេសចរណ៍យើង សូមចូលរួមបង្កើនទំនុកចិត្តដល់ភ្ញៀវទេសចរទាំងអស់គ្នាតាមរយៈការប្រើប្រាស់ចំណេះ ជំនាញ និងក្រមសីលធម៏នៃវិជ្ជាជីវៈ ដើម្បីប្រកួតប្រជែងក្នុងការទាក់ទាញភ្ញៀវនៅក្នុងតំបន់»៕ អត្ថបទ៖សារេត

The post អ្នកផ្តល់សេវាកម្មក្នុងវិស័យទេសចរណ៍រំពឹងទទួលបានជើងយន្តហោះផ្ទាល់ដឹកភ្ញៀវត្រង់មកកាន់ព្រលានយន្តហោះសៀមរាបអង្គរ appeared first on .

លោក ធឿន វុឌ្ឍី មគ្គុទេសក៍ទេសចរណ៍ម្នាក់ប្រចំាក្នុងខេត្តសៀមរាបបានឱ្យដឹងថា ដោយសារតែយើងខកខានរៀបចំអង្គរសង្ក្រាន្តរយៈពេល២ឆ្នំាកន្លងមក ហើយទើបចាប់ផ្តើមរៀបចំឡើងវិញក្នុងឆ្នំា២០២៣នេះមានលក្ខណៈទ្រុងទ្រាយធំ អ៊ីចឹងប្រជាពលរដ្ឋភាគច្រើនមានបំណងមកលេងនៅខេត្តសៀមរាប ហើយសង្ឃឹមថានិងបានការងារនិងបានប្រាក់ចំណូលមួយចំនួនចូលមកខេត្តសៀមរាប។

លោក ធឿន វុឌ្ឍី បន្តថា «ក្នុងនាមជាអ្នករកស៊ី ពិសេសវិស័យមគ្គុទេ្ទសក៍ទេសចរណ៍ ក៏មានការសង្ឃឹមខ្លះដែរថានិងមានបងប្អូនខ្មែរមួយចំនួនជួលសេវាកម្ម តែអាចនៅមានកម្រិត ព្រោះបងប្អូនខ្មែរយើងជាទូទៅ គាត់មកលេង មកសប្បាយនិងមកកម្សាន្ត ច្រើនជាងការចង់ចេះដឹងអំពីប្រាង្គប្រាសាទនិងប្រវត្តិសាស្ត្ររបស់ខ្មែរ។តែទោះជាយ៉ាងនេះក្តីឆ្នំានេះខេត្តសៀមរាបអាចជាខេត្តទីមួយដែលបងប្អូនខ្មែរនឹងទៅកម្សាន្តនិងមានបំណងចាយលុយច្រើន»។

លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា មានប្រសាសន៍ថាយើងឃើញថាមានការរៀបចំធំដុំឃើញនៅខេត្តសៀមរាប អ៊ីចឹងយើងរំពឹងថានិងមានការចេញដើរកម្សាន្តពីប្រជាពលរដ្ឋក្នុងយើងក៏ដូចជាភ្ញៀវបរទេស ពួកគាត់ចង់ឃើញនូវការគោរពពិធីបុណ្យចូលឆ្នំាថ្មីប្រពៃណីជាតិខ្មែរ នៅតាមប៉ូលសំខាន់ៗដែលប្រជាពលរដ្ឋចេញដើរមានតំបន់វប្បធម៌ខេត្តសៀមរាប,តំបន់ឆ្នេរសមុទ្រនិងតំបន់កម្សាន្តនៅភាគឦសាន្ត។

លោកជំទាវមានប្រសាសន៍ថា «នៅថ្ងៃបុណ្យចូលឆ្នំាខ្មែរខាងមុខនេះ សម្រាប់ខ្ញុំដែលជាអ្នកប្រតិបត្តិនៅក្នុងវិស័យឯកជនសូមលើកទឹកចិត្តឱ្យអ្នកទេសចរក្នុងស្រុកទំាងអស់ជ្រើសរើសយកគោលដៅកម្សាន្តសម្រាប់ថ្ងៃចូលឆ្នំាខ្មែរសូមជ្រើសរើសយកម្ពុជា ដើម្បីជួយទៅដល់សេដ្ឋកិច្ចមូលដ្ឋាននិងសេដ្ឋកិច្ចជាតិក៏ដូចជាផ្តល់ឱកាសការងារដល់អ្នកជំនាញទេសចរ ព្រោះថាទីទំាងទេសចរនិងសេវាកម្មទេសចរជាច្រើនកំពុងប្រឹងប្រែងបើកទ្វារនឹងត្រៀមខ្លួនបម្រើដល់ទេសចរដែលត្រៀមចេញដើរក្នុងកំឡុងពេលបុណ្យចូលឆ្នំាខ្មែរ។ទន្ទឹមនិងនេះខ្ញុំសូមអំពាវនាវទៅដល់ម្ចាស់ទីតំាងបម្រើសេវាទេសចរទំាងអស់ត្រៀមខ្លួនឱ្យបានល្អ ត្រៀមគុណភាពសេវាកម្ម ដោយធ្វើយ៉ាងម៉េចកំណត់តម្លៃឱ្យល្អសម្រាប់ភ្ញៀវក្នុងស្រុកក៏ដូចជាភ្ញៀវបរទេស ដើម្បីឱ្យមានការគំាំទ្រសេវាកម្មនៅក្នុងស្រុករបស់យើង»៕ អត្ថបទ៖ សារ៉េត

The post ខេត្តសៀមរាបអាចក្លាយជាគោលដៅដែលទទួលបានចំណូលច្រើនពីភ្ញៀវទេសចរក្នុងថ្ងៃបុណ្យចូលឆ្នាំខ្មែរ appeared first on .