នេះបើយោងតាមជំនួបពិភាក្សារវាង លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ជាមួយក្រុមហ៊ុន K.P Cement Industry Co., Ltd ដោយមានការចូលរួមពីក្រសួងពាក់ព័ន្ធ មន្ត្រីរាជការនៃអង្គភាពពាក់ព័ន្ធ និងតំណាងក្រុមហ៊ុន កាលថ្ងៃទី១១ ខែសីហា ឆ្នាំ២០២៥។

ក្រសួងសាធារណការ បានបញ្ជាក់ថា ជំនួបនេះធ្វើឡើងដោយមានគោលបំណងពិភាក្សាការងារ ស្វែងយល់អំពីទិដ្ឋភាពច្បាប់ និងបទប្បញ្ញត្តិស្តីពីការសាងសង់ និងធ្វើប្រតិបត្តិការកំពង់ផែ ដែលក្រុមហ៊ុន K.P Cement Industry Co., Ltd គ្រោងនឹងសាងសង់នៅខេត្តក្រចេះ។

សូមបញ្ជាក់ដែរថា «ការសាងសង់កំពង់ផែ ក៏ជាផ្នែកមួយក្នុងប្រព័ន្ធភស្តុភារកម្មរបស់កម្ពុជាផងដែរ។ភស្តុភារកម្មសំដៅដល់ការរួមបញ្ចូលគ្នាក្នុងការរៀបចំប្រព័ន្ធសម្របសម្រួល បែបបទទំនិញចេញចូល ការដឹកជញ្ជូន ឆ្លងកាត់ព្រំដែន ការកសាងហេដ្ឋារចនាសម្ព័ន្ធដឹកជញ្ជូននិងពាណិជ្ជកម្ម មានជាអាទិ៍ ផ្លូវគោក ផ្លូវដែក ផ្លូវ សមុទ្រ ផ្លូវទឹក ផ្លូវអាកាស និងកំពង់ផែជាដើម៕ អត្ថបទ៖ ហ្សាលីន

The post ក្រុមហ៊ុន K.P Cement Industry មានគម្រោងសាងសង់កំពង់ផែនៅខេត្តក្រចេះ appeared first on .

លោក ប៉េង ពោធិ៍នា បានបន្តថា ក្នុងនោះនៅតាមតំបន់ឆ្នេរសមុទ្រមានកំពង់ផែក្រុងព្រះសីហនុ និងកំពង់ផែចំនួន៣០ផ្សេងទៀត និងនៅតាមដងទន្លេមានកំពង់ផែស្វយ័តភ្នំពេញ និងកំពង់ផែចំនួន៨៧ផ្សេងទៀតដែលបាននិងកំពុងចូលរួមលើកកម្ពស់ប្រសិទ្ធភាពនិងពង្រីកវិសាលភាពការដឹកជញ្ជូនតាមផ្លូវទឹក និងផ្លូវសមុទ្រនៅកម្ពុជា។

លោកបានគូសបញ្ជាក់ថា សមិទ្ធផលថ្មីៗនៅក្នុងវិស័យសាធារណការ និងដឹកជញ្ជូន រាប់ចាប់ពីហេដ្ឋារចនាសម្ព័ន្ធ ផ្លូវថ្នល់ ស្ពានធំៗ ផ្លូវល្បឿនលឿន ផ្លូវដែក និងហេដ្ឋារចនាសម្ព័ន្ធកំពង់ផែនៅទូទាំងប្រទេសបានលេចចេញជារូបរាង និងកំពុងផ្តល់អត្ថប្រយោជន៍ដ៏មហាសាលគឺបានកើតចេញពីកត្តាសុខសន្តិភាព និងស្ថិរភាពនយោបាយ ដែលកម្ពុជាកំពុងមានដូចនាពេលបច្ចុប្បន្ន។

ជាក់ស្តែង កំពង់ផែទេសចរណ៍អន្តរជាតិកំពត ដែលទើបសម្ពោធនេះ នឹងរួមចំណែកលើកកម្ពស់ការតភ្ជាប់ការដឹកជញ្ជូនតាមផ្លូវសមុទ្រ ទៅកាន់គោលដៅទេសចរណ៍ផ្សេងៗ ដូចជា ខេត្តកែប ខេត្តព្រះសីហនុ ខេត្តកោះកុង និងបណ្តាកោះនានាក្នុងព្រះរាជាណាចក្រកម្ពុជា។នេះបើតាមការបញ្ជាក់បន្ថែមពីលោក ប៉េង ប៉េងពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន។

The post បច្ចុប្បន្ន កម្ពុជាមានកំពង់ផែសមុទ្រ និងកំពង់ផែទន្លេសរុប ១១៩កន្លែង appeared first on .

កិច្ចប្រជុំនេះប្រារព្ធឡើងក្នុងគោលបំណង ពិនិត្យពិភាក្សាលើខ្លឹមសារសេចក្តីព្រាង “យុទ្ធសាស្រ្តស្តីពីការរៀបចំសេវាអេឡិចត្រូនិកសម្រាប់ធុរកិច្ច ២០២៥-២០២៨” ដែលបានរៀបចំដោយក្រុមការងារអន្តរក្រសួងរៀបចំសេវាអេឡិចត្រូនិកសម្រាប់ធុរកិច្ច៕

The post លោក ប៉េង ពោធិ៍នា អញ្ជើញចូលរួមកិច្ចប្រជុំស្តីពីសេចក្តីព្រាង យុទ្ធសាស្រ្តស្តីពីការរៀបចំសេវាអេឡិចត្រូនិកសម្រាប់ធុរកិច្ច ២០២៥-២០២៨ appeared first on .

ថ្លែងក្នុងពិធីសម្ពោធបើកឱ្យដំណើរការជាផ្លូវការមណ្ឌលត្រួតពិនិត្យលក្ខណៈបច្ចេកទេសយានជំនិះសាខាខេត្តតាកែវ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងថា មណ្ឌលត្រួតពិនិត្យលក្ខណៈបច្ចេកទេសយានជំនិះសាខាខេត្តតាកែវ គឺជាសមិទ្ធផលថ្មីមួយបន្ថែមទៀត និងជាយន្តការមួយក្នុងការបង្ខិតការផ្តល់សេវាសាធារណៈឱ្យបានកាន់តែជិតប្រជាពលរដ្ឋ បង្កលក្ខណៈងាយស្រួលចំណេញពេលវេលានិងកាត់បន្ថយការចំណាយ ក៏ដូចជាបង្កើនប្រសិទ្ធភាព និងតម្លាភាពនៃការផ្តល់សេវាសាធារណៈរបស់ក្រសួង និងអង្គភាពថ្នាក់ក្រោមជាតិជូនដល់ប្រជាពលរដ្ឋស្របតាមគោលនយោបាយរបស់រាជរដ្ឋាភិបាល។

លោកបន្តថា មណ្ឌលឆៀកថ្មីនេះមានទំហំផ្ទៃដីប្រមាណ ៤ពាន់ម៉ែត្រការ៉េ ដែលចាប់ផ្តើមសាងសង់ឡើងនៅដើមខែតុលា ឆ្នាំ២០២៣ ហើយទើបបញ្ចប់នៅខែឧសភា ឆ្នាំ២០២៤ ។មណ្ឌលនេះរួមមានសំណង់អគារដែលបំពាក់ដោយឧបករណ៍ឆៀកចំនួន១ខ្សែ ផលិតនៅប្រទេសចិន ឆ្នាំ២០២៣ ក្នុងនោះរួមមានឧបករណ៍វាស់ផ្សែងសាំង-ម៉ាស៊ូត វាស់ល្បឿន វាស់ស៊ីផ្លេ វាស់លំងាកចង្កូត វាស់បាច់ពន្លឺហ្វាកូត ថ្លឹងទម្ងន់យាន និងវាស់កម្លាំង ហ្វ្រាំង និងមើលដោយភ្នែក មើលជុំវិញយាន មើលបាតយាន ក្នុងយាន និងប្រព័ន្ធម៉ាស៊ីន។

សូមបញ្ជាក់ថា ការត្រួតពិនិត្យលក្ខណៈបច្ចេកទេសយានជំនិះ ត្រូវប្រើប្រព័ន្ធស្វ័យប្រវត្តិកម្មត្រួតពិនិត្យលក្ខណៈយានជំនិះ ដើម្បីសម្រួលដល់កាផ្តល់សេវាសាធារណៈប្រកបដោយតម្លាភាព ប្រសិទ្ធភាព និងគណនេយ្យភាព ដែលប្រព័ន្ធស្វ័យប្រវត្តិកម្មនេះបាននិងកំពុងដើរតួនាទីយ៉ាងសំខាន់ក្នុងការធ្វើកំណែទម្រង់ និងបង្កើនជំនឿទុកចិត្តនៃការផ្តល់សេវាសាធារណៈជូនបងប្អូនប្រជាពលរដ្ឋ៕

The post កម្ពុជា មានមណ្ឌលត្រួតពិនិត្យលក្ខណៈបច្ចេកទេសយានជំនិះដែលកំពុងដំណើរការ២២ទីតាំង appeared first on .

លោក ប៉េង ពោធិ៍នា ស្នើដូច្នេះ នៅក្នុងឱកាសចូលរួមកិច្ចប្រជុំក្រុមប្រឹក្សារដ្ឋមន្ត្រីដឹកជញ្ជូនលើកទី១៦ ក្នុងកិច្ចប្រជុំកំពូលឆ្នាំ២០២៤ នៃវេទិកាដឹកជញ្ជូនអន្តរជាតិ (ITF) នៅទីក្រុង ឡែបហ្សិក ប្រទេសអាល្លឺម៉ង់ កាលថ្ងៃទី២៣ ខែឧសភា ឆ្នាំ២០២៤។

នាឱកាសនោះ រដ្ឋមន្រ្តីដឹកជញ្ជួនកម្ពុជា បានលើកឡើងថា ថ្វីត្បិតតែការបញ្ចេញឧស្ម័នកាបូនិកក្នុងវិស័យដឹកជញ្ជូនរបស់កម្ពុជាមិនទាន់ដល់កម្រិតធ្ងន់ធ្ងរ តែរាជរដ្ឋាភិបាលកម្ពុជាមានការតាំងចិត្តខ្ពស់ ក្នុងការចូលរួមកាត់បន្ថយការបញ្ចេញឧស្ម័នកាបូនិកក្នុងវិស័យដឹកជញ្ជូន។

លោកថា ៖”រដ្ឋាភិបាលបានប្តេជ្ញាចិត្តខ្ពស់លើរឿងនេះ តាមរយៈការដាក់ចេញនូវយុទ្ធសាស្រ្តអភិវឌ្ឍន៍រយៈពេលវែង និងឯកសារផ្សេងៗទៀតដើម្បីសម្រេចគោលដៅអព្យាក្រិត្យកាបូននៅឆ្នាំ២០៥០  តាមរយៈការជំរុញការប្រើប្រាស់យានយន្តអគ្គិសនី សិក្សាគម្រោងដឹកជញ្ជូនសាធារណៈ ដែលនឹងរួមចំណែកក្នុងការកាត់បន្ថយប្រេងឥន្ទនៈ លើកកម្ពស់សុខភាពរស់នៅរបស់ប្រជាពលរដ្ឋ”។

បន្ថែមពីនេះ លោករដ្ឋមន្រ្តី ក៏បានសង្តត់ធ្ងន់ថា ជាមួយនឹងការតាំងចិត្តខ្ពស់ កម្ពុជា ក៏ត្រូវការកិច្ចសហប្រតិបត្តិការជាមួយបណ្តាប្រទេសនានា ពិសេសជាមួយប្រទេសជាសមាជិក ITF ខណៈលោកក៏បានស្នើដល់បណ្តាប្រទេសជាសមាជិក ដៃគូអភិវឌ្ឍន៍ អង្គការអន្តរជាតិ ជួយគាំទ្រដល់កម្ពុជាក្នុងការបំពេញបេសកកម្មដ៏មានសារៈសំខាន់មួយនេះផងដែរ។

គូរបញ្ជាក់ថា កិច្ចប្រជុំក្រុមប្រឹក្សារដ្ឋមន្ត្រីដឹកជញ្ជូន គឺជាកិច្ចប្រជុំដ៏សំខាន់ នៃវេទិកាដឹកជញ្ជូនអន្តរជាតិដែលប្រព្រឹត្តទៅមួយឆ្នាំម្តង ដើម្បីពិនិត្យទៅលើការវិវត្តិនៃវិស័យដឹកជញ្ជូននៅក្នុងសាកលលោក។ កិច្ចប្រជុំឆ្នាំ២០២៤ នេះ បានប្រព្រឹត្តទៅក្រោមប្រធានបទ  ការដឹកជញ្ជូនបៃតង   និងមានរបៀបវារៈ ចំនួន ៥៖ ១. ពិនិត្យវឌ្ឍនភាពការងាររបស់ ITF ដែលបានអនុវត្តនាឆ្នាំកន្លងមក, ២. រៀបចំ និងអនុម័តផែនការសកម្មភាពសម្រាប់អនុវត្តបន្ត, ៣. កំណត់ទិសដៅ និងយុទ្ធសាស្រ្តក្នុងកែលម្អវិស័យដឹកជញ្ជូន និងគំនិតផ្តួចផ្តើមថ្មីៗសំដៅកែលម្អបម្លាស់ទី (Mobility) , ៤.កៀរគរការគាំទ្រពីសំណាក់ដៃគូអភិវឌ្ឍន៍, អង្គការអន្តរជាតិ និងវិស័យឯកជន និង ៥.អនុម័តសមាជិកភាពថ្មី របស់ ITF។

អង្គប្រជុំនេះដែរ ក៏បានផ្តោតការពិភាក្សាលើការរួមចំណែករបស់វិស័យដឹកជញ្ជូនក្នុងការរក្សានិរន្តរភាពបរិសា្ថន និងផលប៉ះពាល់លើអាកាសធាតុ សុខភាព និងភូមិសាស្រ្តនយោបាយ។ ជាការកត់សម្គាល់ ប្រទេសជាសមាជិកទាំងអស់ទទួលស្គាល់ថាសុវត្ថិភាពចរាចរណ៍គីជាប្រធានបទដ៏សំខាន់ ហើយរដ្ឋាភិបាលនៃប្រទេសទាំងអស់កំពុងបន្តរួមគ្នាធ្វើយ៉ាងណាកាត់បន្ថយអត្រាគ្រោះថា្នក់ចរាចរណ៍នៅក្នុងប្រទេសឱ្យបានជាអតិបរមា៕ អត្ថបទ៖ រង្សី

The post កម្ពុជា ស្នើបណ្តារប្រទេសនានា គាំទ្របេសកកម្មកាត់បន្ថយការបញ្ចេញឧស្ម័នកាបូនិកក្នុងវិស័យដឹកជញ្ជូន appeared first on .

លោក ប៉េង ពោធិ៍នា បានឲដឹងថា កំពង់ផែដើរតួនាទីយ៉ាងសំខាន់ក្នុងការជម្រុញកំណើនសេដ្ឋកិច្ចជាតិតាមរយៈការសម្របសម្រួលពាណិជ្ជកម្មជាតិ និងអន្តរជាតិ ការទាក់ទាញភ្ញៀវទេសចរ ការបង្កើតការងារជូនប្រជាពលរដ្ឋ និងការតភ្ជាប់កំពង់ផែក្នុងប្រទេស ទៅកាន់កំពង់ផែក្នុងតំបន់ និងពិភពលោក។

លោកបន្តថា បច្ចុប្បន្នកម្ពុជាមានកំពង់ផែ និងចំណតផែសរុបចំនួន ១១៩កន្លែង ដែលក្នុងនោះមានកំពង់ផែអន្តរជាតិចំនួន២កន្លែង គឺកំពង់ផែស្វយ័តភ្នំពេញ ដែលជាកំពង់ផែទឹកសាប និងកំពង់ផែស្វយ័តក្រុងព្រះសីហនុ ដែលជាកំពង់ផែសមុទ្រ។កំពង់ផែ និងចំណតផែនៅតាមដងទន្លេមានចំនួន៨៨កន្លែង និងនៅតាមឆ្នេរសមុទ្រមានចំនួន៣១កន្លែង។

បើតាមរដ្ឋមន្រ្តីក្រសួងសាធារណការ ទោះបីកម្ពុជាមានកំពង់ផែច្រើនពិតមែន ប៉ុន្តែក៏នៅមិនទាន់បានឆ្លើយតបគ្រប់គ្រាន់ទៅនឹងតម្រូវការជាក់ស្តែងតាមភូមិសាស្រ្តរបស់ប្រទេសកម្ពុជានៅឡើយ។ក្នុងនេះ យើងក៏កំពុងរៀបចំផែនការមេកំពង់ផែនៅកម្ពុជាទៅដល់ឆ្នាំ២០៥០ផងដែរ។

បើតាមផែនការមេគ្រប់ជ្រុងជ្រោយស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣ បានបង្ហាញថា បច្ចុប្បន្ន កំពង់ផែសមុទ្រនៅកម្ពុជា រួមមាន កំពង់ផែស្វយ័តក្រុងព្រះសីហនុក្នុងខេត្តព្រះសីហនុ កំពង់ផែកោះកុង កំពង់ផែស្រែអំបិល កំពង់ផែ ឧកញ៉ាម៉ុងក្នុងខេត្តព្រះសីហនុ កំពង់ផែកំពតក្នុងខេត្តកំពត និងចំណតផែទេសចរណ៍កែបក្នុងខេត្តកែបជាដើម។

ការដឹកជញ្ជូនតាមសមុទ្រនៅកម្ពុជាភាគច្រើន ប្រមូលផ្តុំនៅកំពង់ផែស្វយ័តក្រុងព្រះសីហនុ ដែលជាចំណតផែកុងតឺន័រសមុទ្រទឹកជ្រៅចម្បងសម្រាប់ការធ្វើ ពាណិជ្ជកម្មអន្តរជាតិដ៏សំខាន់នៅកម្ពុជា។ទោះជាយ៉ាងនេះក្តី សមត្ថភាពផែអន្តរជាតិកម្ពុជានៅមានកម្រិតធៀបជាមួយ កំពង់ផែសមុទ្រក្នុងតំបន់ដូចជា ប្រទេសថៃ និងប្រទេសវៀតណាមជាដើម៕

The post បច្ចុប្បន្នកម្ពុជាមានកំពង់ផែ និងចំណតផែច្រើនរហូតដល់ ១១៩កន្លែង តែនៅមិនទាន់ឆ្លើយតបគ្រប់គ្រាន់ទៅនឹងតម្រូវការកម្ពុជានៅឡើយ appeared first on .

សេចក្តីសម្រេចចំនួន៧ទំព័រដែលចុះហត្ថលេខាដោយលោក អូន ព័ន្ធមុនីរ័ត្ន ប្រធានគណៈអចិន្ត្រៃយ៍ក្រុមការងារគណបក្សប្រជាជនកម្ពុជាចុះមូលដ្ឋានខេត្តកណ្តាល បានចាត់តាំងសមាសភាពប្រធាន អនុប្រធា សមាជិកចំនួន១១៨រូប ក្នុងនោះមានឧកញ៉ាចំនួន ៦រូប។

ឧកញ៉ាដែលស្ថិតក្នុងសមាសភាពក្រុមការងារគណបក្សចុះមូលដ្ឋានស្រុកស្អាង រួមមាន៖ ឧកញ៉ា លូ គឹមឈន់ ប្រតិភូរាជរដ្ឋាភិបាលកម្ពុជា ទទួលបន្ទុកជាប្រធានអគ្គនាយកកំពង់ផែស្វយ័តក្រុងព្រះសីហនុ ជាអនុប្រធានទទួលបន្ទុកជួយស្រុក, ឧកញ៉ា ហ៉ី បាវី ប្រតិភូរាជរដ្ឋាភិបាល ទទួលបន្ទុកអគ្គនាយកកំពង់ផែស្វយ័តភ្នំពេញ ជាអនុប្រធានទទួលបន្ទុកជួយស្រុក, ឧកញ៉ា ឡាវ វ៉ាន់ រដ្ឋលេខាធិការក្រសួងសាធារណការ និងដឹកជញ្ជូន ជាអនុប្រធាន និងជាប្រធានក្រុមករងារចុះមូលដ្ឋានឃុំខ្ពប, ឧកញ៉ា លី តាក់ អនុប្រធាន ទទួលបន្ទុកជួយស្រុក, ឧកញ៉ា ចិត្រ សេរីសុភ័ក្រ្ត, ឧកញ៉ា ស៊ីវ ថា អនុប្រធាន ទទួលបន្ទុកជួយស្រុក។

ក្នុងពិធីប្រកាសសមាសភាពក្រុមការងារគណបក្សចុះមូលដ្ឋាន ស្រុកស្អាង នាព្រឹកថ្ងៃសៅរ៍ ទី១៦ ខែមីនា លោក ប៉េង ពោធិ៍នា បានលើកឡើងថា ក្រុមការងារដែលមានឈ្មោះក្នុងសេចក្តីសម្រេច សូមអនុវត្តភារកិច្ចប្រកបដោយសា្មរតីបុរសកម្ម និងទំនួលខុសត្រូវខ្ពស់។

បន្ថែមពីនេះ លោកបានស្នើដល់ថ្នាក់ដឹកនាំ និងសមាជិក សមាជិកានៃក្រុមការងារគណបក្សទាំងអស់ សូមបន្តបំពេញសេចក្តីត្រូវការរបស់ប្រជាពលរដ្ឋឱ្យបានជាអតិបរមា ហើយត្រូវបន្តដំណើរតាមមាគ៌ាដ៏ត្រឹមត្រូវរបស់គណបក្សប្រជាជនកម្ពុជាយើងបន្តទៀត ដើម្បីរួមគ្នាថែរក្សាសុខសន្តិភាព និងការអភិវឌ្ឍប្រទេសជាតិឱ្យកាន់តែមានការរីកចម្រើនទាំងក្នុងអាណត្តិទី៧ ក៏ដូចជាអាណត្តិជាបន្តបន្ទាប់ទៀតផងដែរ៕

The post លោក អូន ព័ន្ធមុនីរ័ត្ន ចាត់តាំងឧកញ៉ា៦រូបជាអនុប្រធានក្រុមការងារចុះជួយមូលដ្ឋានស្រុកស្អាងខេត្តកណ្តាល appeared first on .

ទិន្ន័យនេះត្រូវបានបង្ហាញឡើងដោយលោក ប៉េង ពោធិ៍នា រដ្ឋមន្រ្តីក្រសួងសារធារណការ ក្នុងពិធីបើកសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅឆ្នាំ២០២៤ របស់ក្រសួង កាលថ្ងៃទី២៨ ខែកុម្ភៈ ឆ្នាំ២០២៤។

នាឱកាសនោះ លោក ប៉េង ពោធិ៍នា បានឱ្យដឹងថា៖ «ក្នុងឆ្នាំ២០២៣កន្លងទៅនេះ ក្រសួងបានចុះបញ្ជីយានយន្តសរុបចំនួន ៦៥២ ១៦៣គ្រឿង ដោយរួមបញ្ចូលទាំងយានយន្តដើរដោយថាមពលអគ្គិសនី(EV)ចំនួន ៦០៤គ្រឿងផងដែរ។ ចំពោះយានយន្តដែលបានចុះបញ្ជីផ្លាក លេខពិសេស និងពិសេសផ្ទាល់ខ្លួនមានចំនួន ២៦ ៦៥៩គ្រឿង ហើយទទួលបានចំណូលសរុបប្រមាណ ១៦ លានដុល្លារអាម៉េរិក។ យានយន្តដែលត្រូវបានត្រួតពិនិត្យលក្ខណៈបច្ចេកទេសយានយន្ត (ឆៀក) មានចំនួន ៦៥៦ ៩១៦គ្រឿង»។

គួរបញ្ជាក់ដែរថា បើគិតពីឆ្នាំ១៩៩០ ដល់ត្រឹមខែធ្នូ ឆ្នាំ២០២៣ យានយន្តបានចុះបញ្ជីសរុបមានចំនួន៧ ៥៦៣ ៣៩៥ គ្រឿង ក្នុងនោះមានយានយន្តអគ្គិសនី (EV) បានចុះបញ្ជីមានចំនួនសរុប ១៣៣៥គ្រឿង។ ក្រសួងក៏បានសាងសង់ និងដាក់ឱ្យប្រើប្រាស់ស្ថានីយសាកថ្មយានយន្តដើរដោយថាមពលអគ្គិសនី (EV) មានចំនួន ១៨ទីតាំង។នេះបើតាមការបញ្ជាក់បន្ថែមពីលោករដ្ឋមន្រ្តី៕

The post ឆ្នាំ២០២៣៖ ក្រសួងសាធារណការ រកចំណូលបាន ១៦លានដុល្លារ ពីការចុះបញ្ជីផ្លាកលេខពិសេស appeared first on .

ការឡើកឡើងដូច្នេះ បានធ្វើឡើងក្នុងកិច្ចពិភាក្សាការងារ រវាងឯកអគ្គរដ្ឋទូតសាធារណរដ្ឋកូរ៉េ ប្រចាំកម្ពុជា ជាមួយលោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន កាលទី២១ ខែកុម្ភៈ ឆ្នាំ២០២៤។

នាឱកាសនោះ លោក ផាក ជុងវ៉ុក (H.E. Mr. Park Jung-Wook) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋកូរ៉េប្រចាំកម្ពុជា ក៏បានជម្រាបជូនអង្គប្រជុំអំពីវឌ្ឍនភាពនៃ គម្រោងសាងសង់ស្ពានមិត្តភាព កម្ពុជា-កូរ៉េ (ផ្សារចាស់-ជ្រោយចង្វារ-អរិយក្សត្រ) ដែលកំពុងអនុវត្តតាមនីតិវិធីជាបន្តបន្ទាប់ដោយរលូន ហើយរំពឹងថានឹងអាចបើកការដ្ឋានសាងសង់បាននាដើមឆ្នាំ២០២៥ ខាងមុខ។

ក្នុងឱកាសនោះដែរ លោក ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន ក៏បានលើកឡើងអំពីផែនការមេគ្រប់ជ្រុងជ្រោយស្តីពី ប្រព័ន្ធដឹកជញ្ជូនអន្តរមធ្យោបាយ និងភស្តុភារកម្មកម្ពុជា ២០២៣-២០៣៣ ដោយបានកំណត់នូវគម្រោងអាទិភាពចំនួន ១៧៤ ត្រូវការទុនវិនិយោគប្រមាណ ៣៦,៦ ពាន់លានដុល្លារអាម៉េរិក ដែលត្រូវបានអនុម័តដោយរាជរដ្ឋាភិបាលកម្ពុជា កាលពីថ្ងៃទី០២ ខែសីហា ឆ្នាំ២០២៣ កន្លងទៅ។

បន្ថែមពីនេះ  លោករដ្ឋមន្ត្រី ក៏បានសំណូមពរឱ្យភាគីកូរ៉េ ពិនិត្យលទ្ធភាព និងឱកាសពិចារណាលើការវិនិយោគ ចំពោះគម្រោងណាមួយ នៅក្នុងផែនការមេខាងលើផងដែរ។

សូមរម្លឹកដែរថា គម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េ (ផ្សាររាត្រី-ជ្រោយចង្វារ, ជ្រោយចង្វារ – អរិយក្សត្រ) មានទឹកប្រាក់ឥណទានចំនួន ២៤៥ ៩០៩ ០០០ ដុល្លារអាមេរិក វិសាលភាពរបស់គម្រោង គឺសាងសង់ស្ពានចំនួន ២ នៅទីតាំង «ផ្សាររាត្រី – ជ្រោយចង្វារ និង ជ្រោយចង្វារ – អរិយក្សត្រ» ជាស្ពានប្រភេទខ្សែកាបយោងខ្ពស់ សាងសង់ជា៤គន្លង ប្រភេទ A/C, ទទឹងស្ពានមានប្រវែងសរុប ២៧,៥ ម៉ែត្រ និងទទឹងផ្លូវប្រវែង ២២,៥ ម៉ែត្រ ដែលមានមេដ្យាន៣ម៉ែត្រ និងចិញ្ចើមផ្លូវ ៣ ម៉ែត្រ, ល្បឿនអតិបរមា ៨០ គ.ម/ម៉ោង។

គម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េនេះ ត្រូវសាងសង់ស្ពានចំនួន២រួមមាន៖ស្ពានទី ១៖ ឆ្លងកាត់ទន្លេសាប (ចាប់ផ្តើមពីចំណុចម្តុំសួនផ្សាររាត្រី (ផ្សារចាស់) ឆ្លងកាត់ទៅត្រើយម្ខាងជ្រោយចង្វារ (ក្បែរសណ្ឋាគារសុខា) មានប្រវែង ១,១៩ គ.ម និងស្ពានទី ២៖ ឆ្លងកាត់ទន្លេមេគង្គ ចាប់ផ្តើមពីចំណុចត្រើយម្ខាងជ្រោយចង្វារ (ក្បែរសណ្ឋាគារសុខា) ឆ្ពោះទៅប្រសព្វនឹងផ្លូវលេខ ៣៨០ ឃុំអរិយក្សត្រ (ស្រុកល្វាឯម/ខេត្តកណ្តាល) មានប្រវែង ១,១៨ គ.ម និងផ្លូវតភ្ជាប់ទៅផ្លូវប្រសព្វនឹងផ្លូវលេខ ៣៨០ មានប្រវែង ១,១៧ គ.ម ។ គម្រោងនេះ មានរយៈពេលអនុវត្តចំនួន ៥ ឆ្នាំ ២ ខែ (៦២ ខែ) និងរយៈពេលសាងសង់ចំនួន ៣ ឆ្នាំ ៩ ខែ(៤៧ខែ)។

សូមជម្រាបថា គម្រោងឥណទានទឹកប្រាក់ជាង ២៤៥ លានដុល្លារសម្រាប់សាងសង់ស្ពាន មិត្តភាពកម្ពុជា-សាធារណរដ្ឋកូរ៉េនេះ ត្រូវបានចុះហត្ថលេខានៅព្រឹកថ្ងៃទី៩ ខែធ្នូ ឆ្នាំ២០២២នេះ ក្រោមអធិបតីភាព សម្តេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា៕ អត្ថបទ៖ រង្សី

The post ទូតកូរ៉េ៖ ស្ពានមិត្តភាពកម្ពុជា-កូរ៉េ តម្លៃជាង ២៤៥លានដុល្លារ គ្រោងបើកការដ្ឋានសាងសង់នៅដើមឆ្នាំ២០២៥ appeared first on .

នាឱកាស លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា គម្រោងស្ថាបនាស្ពានចាក់អង្រែក្រោម-ព្រែកប្រា មានតម្លៃប្រមាណ ៦០,២ លានដុល្លារអាមេរិកនេះ នឹងងប្រើរយៈពេលសាងសង់ ៤២ ខែ ដោយប្រើឥណទានសម្បទានពីប្រទេសចិន និងត្រូវស្ថាបនាមួយខ្សែ(ដូចស្ពានកោះនរា ឬស្ពានឫស្សីកែវ)ទទឹង ២៧ម៉ែត្រ ៤គន្លងរថយន្ត ២កន្លងម៉ូតូ និង២គន្លងថ្មើរជើង។

លោករដ្ឋមន្រ្តីបន្តថា ស្ពានឆ្លងទន្លេបាសាក់-ចាក់អង្រែក្រោម នឹងត្រូវសាងសង់ប្រវែងសរុប ១.៦៥០ម៉ែត្រ (ប្រវែងស្ពាន ៨៤៥,៧០ម៉ែត្រ, ទទឹងផ្លូវ២៧ម៉ែត្រ,ផ្លូវតភ្ជាប់ក្បាលស្ពានប្រវែង ៨០៤,៣០ម៉ែត្រ, ទទឹងផ្លូវ ២៧ម៉ែត្រ)សាងសង់ដោយក្រុមហ៊ុន សំណង់សៀងហៃ, ទីប្រឹក្សាគម្រោង ដោយក្រុមហ៊ុនក្វាងចូវវ៉ានអាន។

ក្រសួងសាធារណការ ក៏បានអះអាងដែរថា ពេលសាងសង់រួចស្ពាននេះនឹងជួយ៖កាត់បន្ថយការកកស្ទះចរាចរណ៍លើស្ពានព្រះមុនីវង្សឆ្លងកាត់ទន្លេបាសាក់ ភ្ជាប់ផ្លូវជាតិលេខ១ នៅខណ្ឌច្បារអំពៅ ពិសេសជួយពង្រឹងដល់ទំនាក់ទំនងសេដ្ឋកិច្ចសង្គម រវាងរាជធានីភ្នំពេញប៉ែកខាងត្បូង ព្រលានយន្តហោះអន្តរជាតិតេជោក្រុងតាខ្មៅ ព្រមទាំងធ្វើឱ្យប្រសើរឡើងដល់ប្រសិទ្ធភាពនៃការដឹកជញ្ជូន និងភស្តុភារកម្មនៅក្នុងតំបន់រាជធានីភ្នំពេញ។ ក្រៅពីនេះ ស្ពាននេះ ក៏នឹងជួយកាត់បន្ថយការកកស្ទះចរាចរណ៍នៅតាមដងទន្លេបាសាក់ និងជួយពន្លឿនការអភិវឌ្ឍតំបន់នោះផងដែរ។

គួរបញ្ជាក់ថា នេះជាស្ពានទី៦ ក្នុងចំណោមស្ពានដែលបានសាងសង់រួច៖ ស្ពានឆ្លងកោះពេជ្រ-កោះនរា, ស្ពានព្រះមុនីវង្សទាំង២, ស្ពានព្រែកសំរោង-តាខ្មៅ, ស្ពានកោះអន្លង់ចិន, ស្ពានកោះធំ និងស្ពានមួយទៀតកំពុងសិក្សាភ្ជាប់ផ្លូវជាតិលេខ២៣៕ អត្ថបទ៖ រង្សី

The post សម្តេចធិបតី ហ៊ុន ម៉ាណែត ប្រកាសបើកការដ្ឋានសាងសង់ស្ពានឆ្លងទន្លេបាសាក់តម្លៃជាង ៦០លានដុល្លារជាផ្លូវការ appeared first on .