លោក ត្រាំ បាននិយាយប្រាប់ប្រព័ន្ធផ្សព្វផ្សាយមួយ នៅឯសេតវិមាននៅថ្ងៃទី១៦ ខែមីនា នៅពេលសួរអំពីដំណើរទស្សនកិច្ចរបស់លោកទៅកាន់ប្រទេសចិននាពេលខាងមុខថា៖ “ខ្ញុំចង់ទៅណាស់ ប៉ុន្តែដោយសារតែជម្លោះ ខ្ញុំចង់ស្នាក់នៅទីនេះសិន។ ខ្ញុំមានអារម្មណ៍ថាខ្ញុំត្រូវតែនៅទីនេះ។ ដូច្នេះយើងបានស្នើឲ្យពន្យារពេលកិច្ចប្រជុំប្រហែលមួយខែសិន”។

ប្រធានាធិបតីអាមរិករូបនេះ បានបន្តទៀតថា ៖” វាសាមញ្ញណាស់។ យើងកំពុងធ្វើសង្គ្រាម។ ខ្ញុំគិតថាវាសំខាន់ណាស់ដែលខ្ញុំត្រូវនៅទីនេះសិន ដូច្នេះប្រហែលជាយើងនឹងពន្យារពេលវាបន្តិច ប៉ុន្តែនឹងមិនយូរនោះទេ”។

គួរឲ្យផងដែរថា កន្លងមកសេតវិមានបានប្រកាសថា លោក ត្រាំ ត្រូវបានរំពឹងទុកថានឹងធ្វើទស្សនកិច្ចទៅកាន់ប្រទេសចិន ចាប់ពីថ្ងៃទី៣១ ខែមីនា ដល់ថ្ងៃទី២ ខែមេសា ហើយនឹងធ្វើកិច្ចចរចាជាមួយប្រធានាធិបតី លោក ស៊ី ជិនពីង ពាក់ព័ន្ធទៅនឹងបញ្ហាពាណិជ្ជកម្មកន្លងមកផងដែរ។

ជម្រាបជូនថា កាលពីថ្ងៃទី១៥ ខែមីនា លោក ត្រាំ បានលើកឡើងពីលទ្ធភាពនៃការពន្យារពេលកិច្ចប្រជុំរបស់លោកជាមួយលោក ​ស៊ី ដោយបញ្ជាក់ថាការសម្រេចចិត្តនឹងអាស្រ័យលើថាតើប្រទេសចិនគាំទ្រការបើកច្រកសមុទ្រ Hormuz ឡើងវិញឬអត់។ អ៊ីរ៉ង់កំពុងបិទច្រកសមុទ្រ Hormuz ដើម្បីសងសឹកចំពោះសហរដ្ឋអាមេរិក និងអ៊ីស្រាអែលដែលបានចាប់ផ្តើមយុទ្ធនាការវាយប្រហារលើប្រទេសខ្លួន កាលពីចុងខែកុម្ភៈមក៕​

The post លោក ត្រាំ ប្រកាសចង់ពន្យារពេលកិច្ចប្រជុំជាមួយលោក ស៊ី​ នៅក្នុងប្រទេសចិន appeared first on .

ប្រភពដដែល បានរាយការណ៍ឲ្យដឹងទៀតថា វិធានការដែលត្រូវបានផ្អាកទាំងនោះរួមមានការហាមឃាត់ប្រតិបត្តិការរបស់ក្រុមហ៊ុន China Telecom នៅសហរដ្ឋអាមេរិក និងការរឹតបន្តឹងលើការលក់ឧបករណ៍ចិន សម្រាប់មជ្ឈមណ្ឌលផ្ទុកទិន្នន័យរបស់សហរដ្ឋអាមេរិក។

ទន្ទឹមនឹងនេះ សហរដ្ឋអាមេរិកក៏បានផ្អាកការហាមឃាត់ការលក់ដុំរ៉ោតទ័រក្នុងស្រុកដែលផលិតដោយក្រុមហ៊ុនចិន TP-Link និងអាជីវកម្មអ៊ីនធឺណិតរបស់ China Unicom និង China Mobile នៅសហរដ្ឋអាមេរិក ផងដែរ។

យ៉ាងណាមិញ ទាំងនេះត្រូវបាចាត់ទុកថាជាចលនាចុងក្រោយបំផុតរបស់រដ្ឋបាលលោក ត្រាំ ដើម្បីទប់ស្កាត់សកម្មភាពរបស់រដ្ឋាភិបាលសហរដ្ឋអាមេរិកដែលអាចធ្វើឱ្យទីក្រុងប៉េកាំងខឹងសម្បារ បន្ទាប់ពីការផ្អាកពាណិជ្ជកម្មដែលសម្រេចបានដោយលោក ស៊ី ជិនពីង និងប្រធានាធិបតីសហរដ្ឋអាមេរិកកាលពីខែតុលា។

មិនតែប៉ុណ្ណោះ នៅមុនពេលមានកិច្ចប្រជុំនាខែមេសាខាងមុខ ស្ថានទូតចិនបាននិយាយថា ទីក្រុងប៉េកាំងបានប្រកាសថាខ្លួននឹងប្រឆាំងចំពោះការប្រែក្លាយបញ្ហាពាណិជ្ជកម្ម និងបច្ចេកវិទ្យាទៅជាអាវុធនយោបាយ ខណៈពេលដែលស្វាគមន៍កិច្ចសហប្រតិបត្តិការរបស់សហរដ្ឋអាមេរិកជាមួយប្រទេសចិន ដែលអាចធ្វើឱ្យឆ្នាំ២០២៦ នេះ ជាឆ្នាំដែលប្រទេសធំៗទាំងពីរឈានទៅមុខឆ្ពោះ ដោយការគោរពគ្នាទៅវិញទៅមក ការរួមរស់ដោយសន្តិភាព និងកិច្ចសហប្រតិបត្តិការឈ្នះ-ឈ្នះ។

ជម្រាបជូនថា ប្រធានាធិបតី លោក ត្រាំ មានគម្រោងទៅទស្សនកិច្ចនៅទីក្រុងប៉េកាំងនៅខែមេសា ហើយក៏បានអញ្ជើញលោក ស៊ី ឱ្យត្រលប់មកធ្វើទស្សនកិច្ចនៅសហរដ្ឋអាមេរិក ក្នុងចុងឆ្នាំនេះផងដែរ៕

The post រដ្ឋបាលលោក ត្រាំ ផ្អាកការហាមឃាត់លើបច្ចេកវិទ្យាសំខាន់ៗរបស់ចិន មុនកិច្ចប្រជុំកំពូលជាមួយលោក ស៊ី appeared first on .

នៅក្នុងការលើកឡើងមួយដែលត្រូវបានចុះផ្សាយកាលពីសប្តាហ៍មុន មេដឹកនាំកំពូលចិន លោក ស៊ី បានធ្វើការកំណត់យ៉ាងច្បាស់អំពីគោលដៅនៃការធ្វើឲ្យរូបិយប័ណ្ណចិនរឹងមាំ ក៏ដូចជាមូលដ្ឋានគ្រឹះហិរញ្ញវត្ថុដែលទីក្រុងប៉េកាំងត្រូវកសាងដើម្បីសម្រេចបាននូវគោលដៅដ៏ធំនេះ។

នៅក្នុងការលើកឡើងនោះ លោក ស៊ី បានបញ្ជាក់ទៀតថា៖” ប្រទេសចិន ត្រូវការកសាងរូបិយប័ណ្ណរឹងមាំមួយ ដែលអាចប្រើប្រាស់យ៉ាងទូលំទូលាយនៅក្នុងពាណិជ្ជកម្មអន្តរជាតិ ការវិនិយោគ និងទីផ្សារប្តូរប្រាក់បរទេស ដោយសម្រេចបាននូវឋានៈជារូបិយប័ណ្ណបម្រុងបរទេស” ។

ហើយយ៉ាងណាមិញ​ ដើម្បីសម្រេចបាននូវគោលដៅនេះ លោក ស៊ី បានអះអាងថា ប្រទេសចិនត្រូវការធនាគារកណ្តាលដ៏រឹងមាំ ដែលមានសមត្ថភាពគ្រប់គ្រងគោលនយោបាយរូបិយវត្ថុ ស្ថាប័នហិរញ្ញវត្ថុដែលមានការប្រកួតប្រជែងទូទាំងពិភពលោក និងមជ្ឈមណ្ឌលហិរញ្ញវត្ថុអន្តរជាតិ ដែលអាចទាក់ទាញដើមទុន និងមានឥទ្ធិពលលើការវាយតម្លៃទូទាំងពិភពលោក។

ជម្រាបជូនថា ជុំវិញការប្រកាសនេះ បានធ្វើឡើងចំពេលមានភាពមិនប្រាកដប្រជានៃទីផ្សារពិភពលោក ខណៈដែលប្រាក់ដុល្លារអាមេរិកចុះខ្សោយ។ ជាមួយគ្នានេះ ធនាគារកណ្តាលអាមេរិក ក៏កំពុងប្រឈមមុខនឹងការផ្លាស់ប្តូរភាពជាអ្នកដឹកនាំនាពេលខាងមុខ ហើយភាពតានតឹងផ្នែកភូមិសាស្ត្រនយោបាយ និងពាណិជ្ជកម្មកំពុងជំរុញឱ្យធនាគារកណ្តាលវាយតម្លៃឡើងវិញនូវការកាន់កាប់ទ្រព្យសកម្មជាប្រាក់ដុល្លារអាមេរិករបស់ពួកគេផងដែរ៕​

The post លោក ស៊ី ជិនពីង ដាក់គោលដៅប្រែក្លាយលុយយ៉ន់ចិន​ ទៅជារូបិយប័ណ្ណបម្រុងបរទេស appeared first on .

យ៉ាងណាមិញ​ បើតាមលោក ត្រាំ​​ ពីមុនបាននិយាយថា កិច្ចប្រជុំនេះត្រូវបានរំពឹងថានឹងមានរយៈពេល ៣-៤ ម៉ោង ដើម្បីដោះស្រាយបញ្ហានានា​ ពាក់ព័ន្ធទៅនឹងសង្គ្រាមពាណិជ្ជកម្មរវាងប្រទេសទាំងពីរ។ ប៉ុន្តែវាមិនច្បាស់ទេថាតើមេដឹកនាំទាំងពីរនឹងធ្វើសន្និសីទសារព័ត៌មានបន្ទាប់ពីព្រឹត្តិការណ៍នេះឬអត់។

គួរឲ្យដឹងថានេះគឺជាសកម្មភាពចុងក្រោយនៃដំណើរទស្សនកិច្ចរយៈពេលប្រាំថ្ងៃរបស់ប្រធានាធិបតី ដូណាល់ ត្រាំ ទៅកាន់ប្រទេសអាស៊ីចំនួនបី ដែលធ្វើឡើងមុនពេលលោកវិលត្រឡប់មកសហរដ្ឋអាមេរិកវិញ។ ព្រឹត្តិការណ៍នេះក៏ជាលើកទីមួយផងដែរ ដែលមេដឹកនាំប្រទេសមហាអំណាចសេដ្ឋកិច្ចទាំងពីរបានជួបគ្នាផ្ទាល់​គិតចាប់តាំងពីកិច្ចប្រជុំរបស់ពួកគេនៅខាងក្រៅកិច្ចប្រជុំកំពូល G20 នៅទីក្រុងអូសាកា ប្រទេសជប៉ុន ក្នុងខែមិថុនា ឆ្នាំ២០១៩ មក។

ជម្រាបជូនថា ភាពតានតឹងពាណិជ្ជកម្មរវាងសហរដ្ឋអាមេរិក និងចិនបានបន្តកើនឡើងចាប់តាំងពីលោក ត្រាំ បានវិលត្រឡប់មកសេតវិមានវិញក្នុងខែមករា។ ប្រធានាធិបតីអាមេរិកបានប្រកាសពីពន្ធបន្ថែម ១០០% លើទំនិញនាំចូលពីប្រទេសចិន ដែលត្រូវបានគេរំពឹងថានឹងចូលជាធរមាននៅដើមខែក្រោយ។ ហើយចំពោះការផ្លាស់ប្តូរនេះ​ត្រូវបានកើតឡើងបន្ទាប់ពីទីក្រុងប៉េកាំងបានប្រកាសពីការគ្រប់គ្រងការនាំចេញថ្មីៗលើធនធានរ៉ែដ៏កម្រ និងបច្ចេកវិទ្យាពាក់ព័ន្ធនៅក្នុងវិស័យអេឡិចត្រូនិច និងយោធា៕

The post ទីបំផុត លោក ត្រាំ​ ជួបគ្នាផ្ទាល់ជាមួយលោក ស៊ី ជាថ្មីម្តងទៀត ក្រោយខកខានអស់ ៦ឆ្នាំ appeared first on .

ជុំវិញភាពតានតឹងចុងក្រោយនេះ បានបង្កើតឡើងបន្ទាប់ពីចិន បានប្រកាសថាខ្លួននឹងចាប់ផ្តើមពង្រីកការគ្រប់គ្រងទៅលើការនាំចេញធនធានរ៉ែកម្រ ដែលនាំឲ្យសហរដ្ឋអាមរិក បានដាក់ពន្ធបន្ថែម ១០០% ទៅលើទំនិញរបស់ចិន ដែលរំពឹងថានឹងចាប់ផ្តើម ពីខែវិច្ឆិកា តទៅ។

ប៉ុន្តែទោះជាយ៉ាងណាក៏ដោយ បើតាមលោក Bessent បាននិយាយថា មានការប្រាស្រ័យទាក់ទងគ្នាច្រើនរវាងភាគីប្រទេសទាំងពី ហើយរំពឹងថាកិច្ចប្រជុំជាច្រើនទៀត ក៏នឹងអាចធ្វើឡើងនាពេលខាងមុខនេះ ផងដែរ។

លោក Bessent បានសង្កត់ធ្ងន់ទៀតថា ៖” យើងបានព្យាយាមកាត់បន្ថយភាពតានតឹងយ៉ាងខ្លាំង។ ប្រធានាធិបតី ត្រាំ បាននិយាយាថា ពន្ធនឹងមិនចូលជាធរមាននោះឡើយ រហូតដល់ថ្ងៃទី១ ខែវិច្ឆិកា។ លោកគ្រោងនឹងជួយជាមួយ លោក ស៊ី នៅក្នុងប្រទេសកូរ៉េ។ ខ្ញុំជឿជាក់ថាកិច្ចប្រជុំ នឹងនៅតែអាចធ្វើឡើង”។

ជម្រាបជូនផងដែរថា កន្លងមកលោក ត្រាំ និងលោក ស៊ី មានគម្រោងជួបប្រជុំគ្នាក្នុងអំឡុងពេលកិច្ចប្រជុំកំពូលនៃវេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក ដែលរៀបចំដោយកូរ៉េខាងត្បូង នៅចុងខែតុលាខាងមុខនេះ៕​

The post លោក Bessent បង្ហើបថាលោក ត្រាំ នៅតែអាចជួបពិភាក្សាជាមួយលោក ស៊ី នៅកូរ៉េខាងត្បូង appeared first on .

ប្រធានាធិបតីអាមេរិក លោក ដូណាល់ ត្រាំ បាននិយាយនៅក្នុងការបង្ហោះសារមួយលើប្រព័ន្ធផ្សព្វផ្សាយសង្គម កាលពីថ្ងៃទី៤ ខែមិថុនាថា ៖”ខ្ញុំចូលចិត្តប្រធានាធិបតី ស៊ី ជិនពីង នៃប្រទេសចិនខ្លាំងណាស់ ហើយតែងតែមានឆន្ទៈ ប៉ុន្តែគាត់គឺជាបុរសតឹងតែង និងពិបាកចរចាដោះស្រាយជាមួយបំផុត” ។

យ៉ាងណាមិញ ជុំវិញសេចក្តីថ្លែងការណ៍នេះ ត្រូវបានធ្វើឡើងបន្ទាប់ពីលេខាធិការសារព័ត៌មានសេតវិមាន លោកស្រី Karoline Leavitt បាននិយាយថា មេដឹកនាំអាមេរិក និងចិនអាចនិយាយគ្នាតាមទូរស័ព្ទក្នុងសប្តាហ៍នេះ ដើម្បីដោះស្រាយការខ្វែងគំនិតគ្នាលើកិច្ចព្រមព្រៀងពន្ធគយ និងបញ្ហាពាណិជ្ជកម្មសំខាន់ៗផ្សេងទៀត។

នៅពេលត្រូវបានសួរអំពីលទ្ធភាពនៃការហៅទូរស័ព្ទរវាងលោកប្រធានាធិបតី លោក ត្រាំ និងប្រធានាធិបតីចិន លោក ស៊ី អ្នកនាំពាក្យក្រសួងការបរទេសចិន បាននិយាយនៅថ្ងៃទី៣ ខែមិថុនាថា រដ្ឋាភិបាលទីក្រុងប៉េកាំង មិនទាន់មានព័ត៌មានជាក់លាក់ណាមួយ ដើម្បីផ្តល់ឲ្យនៅឡើយនោះទេ។

មេដឹកនាំអាមេរិក និងចិន មិនបាននិយាយគ្នាតាមទូរស័ព្ទទេ ចាប់តាំងពីលោកប្រធានាធិបតី ត្រាំ ឡើងកាន់អំណាចមក។ ប្រធានាធិបតី​អាមេរិក​រូបនេះ ​ធ្លាប់បាន​លាតត្រដាង​ថា ប្រធានាធិបតី​ចិន​បាន​ទូរស័ព្ទ​មកកាន់លោក ​កាលពី​ខែមេសា ប៉ុន្តែ​រដ្ឋាភិបាលទីក្រុង​ប៉េកាំង​ បាន​ទទូច​ថា​មិនមាន​ព្រឹត្តិការណ៍​បែបនេះ​កើតឡើង​ទេ។

ជម្រាបជូនថា ភាពតានតឹងពាណិជ្ជកម្មរវាងសហរដ្ឋអាមេរិក និងចិនបានបន្តកើនឡើងចាប់តាំងពីលោក ត្រាំ ចូលកាន់តំណែងមក។ កាលពីខែមេសា សហរដ្ឋអាមេរិកបានដាក់ពន្ធនាំចូលសរុបចំនួន ១៤៥% លើទំនិញទាំងអស់របស់ចិន ខណ:ដែលរដ្ឋាភិបាលទីក្រុងប៉េកាំងបានសងសឹកជាមួយនឹងពន្ធ ១២៥% វិញ។ បន្ទាប់ពីកិច្ចចរចារយៈពេលពីរថ្ងៃនៅប្រទេសស្វីស កាលពីដើមខែឧសភា ក្រុមមន្ត្រីនៃប្រទេសទាំងពីរ បានយល់ព្រមកាត់បន្ថយពន្ធនាំចូលគ្នាទៅវិញទៅមក រយៈពេល ៩០ថ្ងៃ ដើម្បីអនុញ្ញាតឲ្យមានការចរចាបន្ថែមទៀត៕

The post លោក ត្រាំ ថាការចរចាកិច្ចព្រមព្រៀងពាណិជ្ជកម្មជាមួយ លោក ស៊ី មានភាពពិបាកខ្លាំង appeared first on .

ក្នុងអំឡុងពេលនៃការអញ្ជើញមកដល់ នៅឯព្រលានយន្តហោះអន្តរជាតិភ្នំពេញ លោក ស៊ី បានធ្វើដំណើរមកតាមរយ:យន្តហោះដ៏ពិសេសប្រភេទ China Boeing 747-8 ដែលប្រតិបត្តិការដោយក្រុមហ៊ុនអាកាសចរណ៍ចិន Air China និងមានសមត្ថភាពផ្ទុកអ្នកដំណើរបានដល់ទៅ ៣៦៥នាក់ ឯណោះ។

អ្វីដែលកាន់តែពិសេសជាងនេះ គឺយន្តហោះប្រភេទនេះ អាចមានសមត្ថភាពហោះហើរនៅក្នុងរយ:ចម្ងាយឆ្ងាយបំផុតរហូតដល់ទៅ ១៤ ៤៣០ គីឡូម៉ែត្រ ដោយពុំចាំបាច់ត្រូវចាក់បំពេញសាំងនោះឡើយ និងអាចហោះហើរបានក្នុងល្បឿនជាង ១ពាន់គីឡូម៉ែត្រ ក្នុងមួយម៉ោង។

មិនតែប៉ុណ្ណោះ Boeing 747-8 នេះគឺជាប្រភេទយន្តហោះដឹកអ្នកដំណើរខ្នាតយក្សមួយ ដោយមានតួខ្លួនវែងបំផុតប្រវែង ៧៦,៣ ម៉ែត្រ និងកម្ពស់ ១៩,៤ ម៉ែត្រ។​

បន្ថែមពីនេះ យន្តហោះដែលមេដឹកនាំកំពូលចិនធ្វើដំណើរនេះ ក៏មានលក្ខណ:ពិសេសផ្សេងទៀតផងដែរ ដោយភ្ជាប់មកជាមួយនឹងប្រព័ន្ធទំនាក់ទំនងសុវត្ថិភាព រួមទាំងប្រព័ន្ធប្រឆាំងគ្រាប់មីស៊ីល និងប្រព័ន្ធសម្រាប់ការទាក់ទងភ្លាមៗជាមួយនឹងថ្នាក់ដឹកនាំកំពូល និងមន្ត្រីយោធាចិន។

នៅលើយន្តហោះ Boeing 747-8 នេះ ក៏មានបន្ទប់ប្រជុំពិសេសផងដែរ ដែលអាចធ្វើឲ្យលោក ស៊ី​ ធ្វើការទាក់ទងភ្លាមៗ និងអាចបញ្ជាដោយផ្ទាល់ពីលើអាកាស ផងដែរ។

ជម្រាបជូនថា នៅក្នុងដំណើរទស្សនកិច្ចផ្លូវរដ្ឋនេះជាព្រឹត្តិការណ៍ដ៏សំខាន់ ដែលនឹងធ្វើឲ្យកាន់តែរឹងមាំថែមទៀត នូវចំណងមិត្តភាពជាប្រពៃណីដែលត្រូវបាន កសាងឡើងដោយថ្នាក់ដឹកនាំជាបន្តបន្ទាប់នៃប្រទេសទាំងពីរ។ ហើយដំណើរទស្សនកិច្ចរបស់លោក ស៊ី លើកនេះក៏នឹងបង្កើនសារៈសំខាន់បន្ថែមទៀតដល់ចំណងមិត្តភាពដែកថែប និងភាព ជាដៃគូយុទ្ធសាស្ត្រគ្រប់ជ្រុងជ្រោយ រវាងប្រជាជាតិទាំងពីរផងដែរ៕

The post យន្តហោះដែលលោក ស៊ី ជិនពីង ជិះមកបំពេញទស្សនកិច្ចនៅកម្ពុជា មានលក្ខណ:ពិសេសខ្លាំង appeared first on .

យោងតាមលទ្ធផល នៃដំណើរទស្សនកិច្ចផ្លូវរដ្ឋរបស់ ឯកឧត្តម ស៊ី ជីនពីង ប្រធានាធិបតី នៃសាធារណរដ្ឋប្រជាមានិតចិន នៅព្រះរាជាណាចក្រកម្ពុជា ពីថ្ងៃទី១៧ ដល់១៨ ខែមេសា ឆ្នាំ២០២៥ របស់ក្រសួងការបរទេស និងសហប្រតិបត្តិការអន្តរជាតិ កាលថ្ងៃទី១៧ ខែមេសា ឆ្នាំ២០២៥ បានឱ្យដឹងថា សម្រាប់វិស័យការពារជាតិ ភាគីទាំងពីរបានឯកភាពពង្រឹងយន្តការកិច្ចសហប្រតិបត្តិការរវាងកងកម្លាំងប្រដាប់អាវុធ នៃប្រទេសទាំងពីរ រក្សាការផ្លាស់ប្តូរទស្សនកិច្ចជាញឹកញាប់នៅគ្រប់កម្រិត និងបង្កើនសកម្មភាពកិច្ចសហប្រតិបត្តិការ រួមទាំងការហ្វឹកហ្វឺន និងសមយុទ្ធរួម ដូចជាការសង្គ្រោះបន្ទាន់ ការជួយសង្គ្រោះក្នុងគ្រាមហន្តរាយ និងការកែលម្អផ្នែកសេវាវេជ្ជសាស្ត្រ និងភស្តុភារកម្ម។

គួរបញ្ជាក់ថា កម្ពុជា និងចិន គឺជាមិត្តដែកថែប ជាបងប្អូនដែលបានរួមសុខរួមទុក្ខជាមួយគ្នា និងតែងមានជំហរគាំទ្រគ្នាទៅវិញទៅមក នៅលើឆាកអន្តរជាតិ ហើយទំនាក់ទំនងយោធាកម្ពុជា-ចិនទៀតសោត ក៏កំពុងមានកិច្ចសហប្រតិបត្តិការល្អប្រកបដោយផ្លែផ្កា ព្រមទាំងពង្រឹង និងពង្រីកបន្ថែមជាបន្តបន្ទាប់។

ជាក់ស្ដែង កងទ័ពប្រទេសទាំងពីរ កន្លងមក បានបង្កើតឱ្យមានសមយុទ្ធរួមគ្នាជាច្រើន ក្នុងគោលបំណង ចែករំលែកចំណេះដឹង បទពិសោធន៍ និងបច្ចេកវិទ្យាយោធា ក្នុងនោះមានសមយុទ្ធនាគមាស ដែលបានធ្វើឡើង ៦លើកកន្លងមក ចាប់តាំងពីឆ្នាំ២០១៦ ហើយកំពុងពង្រីកកាន់តែធំឡើងៗ និងសមយុទ្ធសុខាភិបាលយោធារួមគ្នា ឈ្មោះថា «ទេវតាសន្តិភាព-ឆ្នាំ២០២៣» ជាដើម។

កាលពីឆ្នាំ២០២៤ «សមយុទ្ធនាគមាស» ត្រូវបានពង្រីកវិសាលភាពបន្ថែមការហ្វឹកហ្វឺននៅលើគោកដោយបន្តធ្វើនៅលើទឹកថែមទៀត ក្រោមប្រធានបទ «ប្រតិបត្តិការរំដោះចំណាប់ខ្មាំងពីក្រុមភេរវករ ចាប់ជំរិតនាវាដឹកទំនិញ» ហើយ សមយុទ្ធនាគមាស ឆ្នាំ២០២៥ ដែលនឹងធ្វើឡើងកាន់តែធំជាងបណ្តាឆ្នាំមុនៗថែមទៀត ទាំងខ្លឹមសារ ចំនួនកងទ័ពចូលរួម យុទ្ធោបករណ៍កាន់តែច្រើននិងទំនើបជាងមុន ដើម្បីឱ្យស្របទៅនឹងទំហំនៃកិច្ចសហប្រតិបត្តិការរវាងកងទ័ពទាំងពីរ ដែលកាន់តែរីកចម្រើន និងស៊ីជម្រៅជាលំដាប់លើគ្រប់វិស័យ។

សូមជម្រាបថា លោកប្រធានាធិបតីចិន ស៊ី ជីនពីង បានអញ្ជើញមកបំពេញទស្សនកិច្ចផ្លូវរដ្ឋនៅកម្ពុជា រយៈពេលពីរថ្ងៃ ចាប់ពីថ្ងៃទី១៧ ដល់ថ្ងៃទី១៨ ខែមេសា ឆ្នាំ២០២៥។ ក្នុងដំណើរទស្សនកិច្ចនេះ លោកប្រធានាធិបតី ស៊ី ជីនពីង បានចូលគាល់ ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជ មាតាជាតិខ្មែរ នៅព្រះបរមរាជវាំង។ បន្ថែមពីនេះ លោកបានជួបពិភាក្សាជាមួយ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្តីពីការពង្រឹងពង្រីកទំនាក់ទំនងទ្វេភាគី និងផ្លាស់ប្តូរយោបល់ អំពីបញ្ហា តំបន់ និងអន្តរជាតិ ដែលមានការចាប់អារម្មណ៍ដូចគ្នា៕

The post កម្ពុជា-ចិន ឯកភាពពង្រឹងយន្តការកិច្ចសហប្រតិបត្តិការរវាងកងកម្លាំងប្រដាប់អាវុធ និងបង្កើនសកម្មភាពសមយុទ្ធយោធា appeared first on .

ថ្នាក់ដឹកនាំចិន បានបង្ហាញជំហររឹងមាំក្នុងការងារការទូតជាមួយប្រទេសជិតខាង ពិសេសកម្ពុជាដែលប្រកបដោយភាពជិតស្និទ្ធ ស្មោះត្រង់ ផ្តល់ផលប្រយោជន៍ដល់គ្នា និងបរិយាបន្ន និងគោលនយោបាយមេត្រីភាព និងសុខដុមរមនីយកម្មជាមួយប្រទេសជិតខាង ពង្រឹងកិច្ចសហប្រតិបត្តិការមិត្តភាពជាមួយប្រទេសជិតខាង ជំរុញឱ្យសមិទ្ធផលនៃទំនើបកម្មបែបចិន ផ្ដល់ផលប្រយោជន៍កាន់តែច្រើនដល់ប្រទេសជិតខាង រួមគ្នាថែរក្សាសន្តិភាពនិងស្ថិរភាពក្នុងតំបន់ និងជំរុញដំណើរការទំនើបកម្មរបស់អាស៊ីទៅមុខទៀតដោយឥតឈប់ឈរ។

សម្រាប់ចិន និងកម្ពុជា គួរតែធ្វើជាអ្នកត្រួសត្រាយនិងជាអ្នកគំរូ ក្នុងការអនុវត្តគំនិតផ្តួចផ្តើមអភិវឌ្ឍន៍សកល គំនិតផ្តួចផ្តើមសន្តិសុខសកល និងគំនិតផ្តួចផ្តើមអរិយធម៌សកល និងជំរុញការកសាងសហគមន៍វាសនារួមចិន-កម្ពុជាក្នុងយុគសម័យថ្មី ប្រកបដោយស្ថិរភាពនិងចីរភាព។

ដើម្បីសម្រេចបានការងារខាងលើនេះ ចិន និងកម្ពុជា យើងត្រូវតែជំរុញជំនឿទុកចិត្តខាងនយោបាយគ្នាទៅវិញទៅមក ឱ្យបានស៊ីជម្រៅ និងឈានដល់កម្រិតកាន់តែខ្ពស់ តាមវិធីរក្សាការផ្លាស់ប្តូរទស្សនកិច្ចរវាងថ្នាក់ដឹកនាំជាន់ខ្ពស់ជាញឹកញាប់ និងរៀបចំផែនការស្តីពីការកសាងសហគមន៍វាសនារួមចិន-កម្ពុជា ក្នុងយុគសម័យថ្មីដោយគិតគូរពីកម្រិតយុទ្ធសាស្ត្រ។ 

ជាមួយគ្នានេះ ភាគីចិនគាំទ្រកម្ពុជាយ៉ាងម៉ឺងម៉ាត់ក្នុងការជ្រើសរើសមាគ៌ាអភិវឌ្ឍន៍ដែលស្របនឹងលក្ខខណ្ឌជាតិរបស់ខ្លួន ការពារអធិបតេយ្យភាពជាតិ ឯករាជ្យ និងបូរណភាពទឹកដី និងដើរតួនាទីកាន់តែសំខាន់នៅលើឆាកអន្តរជាតិ។ 

ពោលគឺ ចិននិងកម្ពុជាយើងត្រូវតែពង្រីកកិច្ចសហប្រតិបត្តិការ លើគ្រប់វិស័យ ដែលផ្ដល់អត្ថប្រយោជន៍ទៅវិញទៅមក ប្រកបដោយគុណភាពកាន់តែខ្ពស់។ ក្នុងក្របខណ្ឌនេះយើងត្រូវតែប្រកាន់ខ្ជាប់នូវគោលការណ៍នៃការតម្កល់ទុកការអភិវឌ្ឍនិងប្រជាជនជាអាទិភាព ផ្តល់តួនាទីឱ្យបានពេញលេញដល់យន្តការគណៈកម្មាធិការសម្របសម្រួលអន្តររដ្ឋាភិបាលចិន-កម្ពុជា ជំរុញការតភ្ជាប់នៃគំនិតផ្តួចផ្តើមខ្សែក្រវាត់និងផ្លូវ ជាមួយយុទ្ធសាស្ត្របញ្ចកោណ របស់កម្ពុជា និងធ្វើឱ្យស៊ីជម្រៅនូវការកសាង «ច្រករបៀងឧស្សាហកម្ម និងបច្ចេកវិទ្យា» និង «ច្រករបៀងមច្ឆា និងអង្ករ»។ ជាការចាំបាច់ យើងត្រូវតែរួមគ្នាថែរក្សាប្រព័ន្ធពាណិជ្ជកម្មពហុភាគី លើកកម្ពស់កិច្ចសហប្រតិបត្តិការខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់ ពង្រឹងកិច្ចសហប្រតិបត្តិការក្នុងវិស័យផលិតកម្មកម្រិតខ្ពស់ ការអភិវឌ្ឍបៃតង សេដ្ឋកិច្ចឌីជីថល និងវិស័យផ្សេងៗទៀត ដើម្បីធ្វើឱ្យកិច្ចសហប្រតិបត្តិការ ត្បូងពេជ្រ កាន់តែរឹងមាំនិងត្រចេះត្រចង់ រួមចំណែកក្នុងដំណើរការទំនើបកម្មនៃប្រទេសទាំងពីរ។

ទន្ទឹមនឹងការងារពាណិជ្ជកម្មនេះ ចិននិងកម្ពុជាត្រូវតែរួមគ្នាពង្រឹងផងដែរ លើការងារការពារសន្តិសុខក្នុងលំដាប់ថ្នាក់កាន់តែខ្ពស់ តាមរយៈពង្រឹងការផ្លាស់ប្តូរ និងកិច្ចសហប្រតិបត្តិការ ក្នុងការប្រឆាំងការជ្រៀតជ្រែក ការប្រឆាំងការបំបែកខ្លួន និងការទប់ស្កាត់និងប្រឆាំងបដិវត្តន៍ពណ៌ ពង្រឹងកិច្ចសហប្រតិបត្តិការក្នុងការសមយុទ្ធរួមគ្នា ការធានាសន្តិសុខនៃគម្រោងខ្សែក្រវាត់និងផ្លូវ និងការឆ្លើយតបក្នុងគ្រាអាសន្នជាដើម ព្រមទាំងបង្ក្រាបសកម្មភាពឧក្រិដ្ឋកម្មដូចជាបទល្មើសឆបោកតាមប្រព័ន្ធទូរគមនាគមន៍និងអ៊ីនធឺណិត ដើម្បីបង្កើតបរិយាកាសប្រកបដោយសុវត្ថិភាពសម្រាប់ការអភិវឌ្ឍនៃប្រទេសទាំងពីរ។ 

ភាគីទាំងពីរគួរតែពង្រឹងការប្រាស្រ័យទាក់ទងជាយុទ្ធសាស្ត្រក្នុងវិស័យការទូត ការពារជាតិ និងវិស័យផ្សេងៗទៀត ប្រឆាំងដាច់ខាតនូវការជ្រៀតជ្រែកកិច្ចការផ្ទៃក្នុង ការបំបែកបំបាក់សាមគ្គីភាព និងការបំផ្លិចបំផ្លាញចំណងមិត្តភាពចិន-កម្ពុជា ពីកម្លាំងខាងក្រៅ ដើម្បីរួមគ្នាការពារសន្តិសុខនយោបាយ។

ជារួមចិន និងកម្ពុជា យើងត្រូវតែប្រកាន់ខ្ជាប់នូវចក្ខុវិស័យសន្តិសុខដែលផ្តោតសំខាន់ទៅលើការងាររួមគ្នា គ្រប់ជ្រុងជ្រោយ សហការគ្នា និងនិរន្តរភាព ជំរុញយ៉ាងសកម្មនូវការតភ្ជាប់គោលគំនិតសន្តិសុខ និងរួមគ្នាលើកកម្ពស់សុខសន្តិភាពក្នុងតំបន់និងពិភពលោក។

សូមបញ្ជាក់ថា ប្រធានាធិបតីចិន ស៊ី ជីនពីង អញ្ជើញមកបំពេញទស្សនកិច្ចផ្លូវរដ្ឋនៅប្រទេសកម្ពុជារយៈពេល២ថ្ងៃ គឺពីថ្ងៃទី១៧-១៨ ខែមេសា ឆ្នាំ២០២៥៕

The post ប្រធានាធិបតី ស៊ី ជីនពីង៖ ទ្រព្យ ២យ៉ាង ដែលចិនបបួលកម្ពុជាស្វែងរកនោះគឺសន្តិភាព និងការអភិវឌ្ឍ! appeared first on .

ការអញ្ជើញមកដល់របស់លោក ស៊ី ជីនពីង នៅព្រលានយន្តហោះអន្តរជាតិភ្នំពេញ, ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានយាងទទួលស្វាគមន៍ប្រធានាធិបតីចិន នៅព្រលានយន្តហោះអន្តរជាតិភ្នំពេញ ដើម្បីជាការផ្តល់កិត្តិយសដ៏ធំធេងដល់មហាមិត្តរបស់កម្ពុជា។

ក្នុងដំណើរទស្សនកិច្ចនេះ លោកប្រធានាធិបតី ស៊ី ជីនពីង នឹងចូលគាល់ ព្រះករុណាជាអម្ចាស់ជីវិតលើត្បូង និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជ មាតាជាតិខ្មែរ នៅព្រះបរមរាជវាំង។ បន្ថែមពីនេះ លោកនឹងជួបពិភាក្សាជាមួយ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្តីពីការពង្រឹងពង្រីកទំនាក់ទំនងទ្វេភាគី និងផ្លាស់ប្តូរយោបល់ អំពីបញ្ហា តំបន់ និងអន្តរជាតិ ដែលមានការចាប់អារម្មណ៍ដូចគ្នា។

ដំណើរទស្សនកិច្ចផ្លូវរដ្ឋនេះជាព្រឹត្តិការណ៍ដ៏សំខាន់ ដែលនឹងធ្វើឱ្យកាន់តែរឹងមាំថែមទៀត នូវចំណងមិត្តភាពជាប្រពៃណីដែលត្រូវបាន កសាងឡើងដោយថ្នាក់ដឹកនាំជាបន្តបន្ទាប់នៃប្រទេសទាំងពីរ។ ទស្សនកិច្ចនេះក៏នឹងបង្កើនសារៈសំខាន់បន្ថែមទៀតដល់ចំណងមិត្តភាពដែកថែប និងភាព ជាដៃគូយុទ្ធសាស្ត្រគ្រប់ជ្រុងជ្រោយ រវាងប្រជាជាតិទាំងពីរ។ ទន្ទឹមគ្នានេះ ក៏នឹងមានឯកសារជាច្រើនទៀត ដែលប្រមុខដឹកនាំចិន និងកម្ពុជា នឹងត្រូវបានចុះហត្ថលេខា ក្នុងឱកាសទស្សនកិច្ចនេះ ដើម្បីលើកកម្ពស់កិច្ចសហប្រតិបត្តិការក្នុងវិស័យនានាថែមទៀតផង៕

The post ឯកឧត្តម ស៊ី ជីនពីង ប្រធានាធិបតីចិន អញ្ជើញមកដល់អាកាសយានដ្ឋានអន្តរជាតិភ្នំពេញហើយ appeared first on .