ក្នុងឱកាសនោះ លោក ស៊ុយ សែម បានលើកឡើងថា ការធ្វើការស្វាគមន៍ដល់វិនិយោគិនកូវ៉ែត ក្នុងការមកវិនិយោគលើវិស័យប្រេង និងឧស្ម័ននៅកម្ពុជានេះ ព្រោះដោយបច្ចុប្បន្ន កម្ពុជាមាន ប្លុកOffshore ចំនួន៤ និងប្លុក onshore ចំនួន១៨ទៀត ដែលស្វាគន៍ការវិនិយោគ។
លើសពីនោះ លោករដ្ឋមន្រ្តី ក៏បានលើកទឹកចិត្តឱ្យមានការវិនិយោគលើវិស័យថាមពល និងធនធានរ៉ែផងដែរ ព្រោះបច្ចុប្បន្នយើងអាចធ្វើការងារបានគ្រប់ទីកន្លែង មិនថាក្នុងព្រៃជ្រៅ ឬតំបន់ដាច់ស្រយាល ដោយសារពេលនេះកម្ពុជាទទួលបានសុខសន្តិភាពពេញលេញ និងមានស្ថេរភាពនយោបាយ។

ជាការឆ្លើយតប លោក Mohamad S. ALHAJRI ក៏បានសម្តែងនូវការកោតសរសើរដល់ការដឹកនាំ របស់រាជរដ្ឋាភិបាលកម្ពុជា និងមានបំណងចង់ផ្តល់អាហាររូបករណ៍ក្នុងវិស័យប្រេង និងឧស្ម័នដល់និស្សិត កម្ពុជា ព្រមទាំងបើកឱកាសការងារដល់និស្សិតដែលបានបញ្ចប់ការសិក្សា ដើម្បីឱ្យទទួលបានបទពិសោធន៍ការងារពីជំនាញនេះនៅប្រទេសកូវ៉ែតផងដែរ។

ជាមួយគ្នានោះ ភាគីទាំងពីរ ក៏បានជជែកពិភាក្សាអំពីសក្តានុពលនិងឱកាស ដើម្បីពង្រឹងកិច្ច សហប្រតិបត្តិការផងដែរ៕

The post រដ្ឋមន្រ្តីក្រសួងរ៉ែ ស្វាគមន៍និងលើកទឹកចិត្តដល់វិនិយោគិនកូវ៉ែត ឲ្យវិនិយោគវិស័យប្រេង និងឧស្ម័ន នៅកម្ពុជា appeared first on .

ថ្លែងក្នុងសិក្ខាសាលា ស្តីពី «ការផ្សព្វផ្សាយលិខិតបទដ្ឋានគតិយុត្តពាក់ព័ន្ធនឹងការធ្វើប្រតិបត្តិការ រ៉ែថ្មសំណង់ និងការប្រកាស ស្តីពីការបង្កើតសមាគមអ្នកផលិតថ្មសំណង់កម្ពុជា នាថ្ងៃទី២ ធ្នូនេះ លោក ស៊ុយ សែម រដ្ឋមន្ត្រីក្រសួងរ៉ែ បានបញ្ជាក់ថា ឥឡូវនេះថ្ម សំណង់វាគ្រប់គ្រាន់លើសតម្រូវការទៅទៀត ហើយចាប់ពីថ្ងៃទី២ ខែធ្នូ ឆ្នាំ២០២២នេះទៅ សំណុំលិខិតទាំងឡាយដែលបានដាក់មកដល់ក្រសួងហើយនឹងចេញឱ្យ តែក៏ជាថ្ងៃចាប់ផ្តើមផ្អាក ជាបណ្តោះអាសន្ន ការចេញអាជ្ញាប័ណ្ណ រ៉ែថ្មសំណង់ត្រឹមនឹងសិនចុះ។ លោកថា ពេលណាដែលគិតថាខ្វះខាត ចាំគិតគូរចេញឱ្យទៀត ឥឡូវនឹងផ្អាកពីថ្ងៃនេះជាបណ្តោះអាសន្នសិន ពីព្រោះអីមានច្រើនហើយ។

គិតត្រឹមឆ្នាំ ២០២២នេះ ក្រសួងរ៉ែ បានផ្តល់អាជ្ញាបណ្ណដល់អាជីវកម្មរ៉ែបើកអណ្តូងរ៉ែ និងអាជីវកម្មវាយថ្ម បានចំនួន ៤៧៨ កន្លែង ឧស្សាហកម្មរ៉ែ ចំនួន ២១កន្លែង អាជ្ញាបណ្ណរុករករ៉ែចំនួន ៣៤កន្លែង។​ នេះបើតាមលោក អ៊ឹង ឌីប៉ូឡា អគ្គនាយកនៃអគ្គនាយកដ្ឋានធនធានរ៉ែ នៅក្នុងសន្និសីទសារព័ត៌មានស្ដីពី “សមិទ្ធផលសម្រេចបានរយៈពេល ៥ឆ្នាំកន្លងមក របស់ក្រសួងរ៉ែ និងថាមពល នាពេលកន្លងទៅ។

លោក អ៊ឹង ឌីប៉ូឡា បន្តថា ក្នុងរយៈពេល ៦ខែ ឆ្នាំ២០២២នេះ ក្រសួងរ៉ែ និងថាមពល បានប្រមូលចំណូលប្រមាណ ២០លានដុល្លារ ចាក់ចូលទៅក្នុងថវិកាជាតិ ខណៈកាលពីឆ្នាំ ២០២១ ក្រសួង ប្រមូលចំណូលបានជាង ៣៥ លានដុល្លារ និងឆ្នាំ ២០២០ បានចំណូល ២៥លានដុល្លារ។​ 

លោកបន្ថែមថា ក្រៅពីចំណូល ដែលសម្បទានិក បានបង់តាមរបបស្វ័យប្រកាស ក្រសួងរ៉ែ និងថាមពល បានចុះត្រួតពិនិត្យភាពអនុលោម និងផ្ទៀងផ្ទាត់បរិមាណផលិតកម្ម ដោយប្រមូលចំណូលបន្ថែម នៅក្នុងរយៈពេល ៣ឆ្នាំ (២០២០ដល់២០២២) បានចំនួន ៦ ១៥៨ ៣១៧,៦២ ដុល្លារអាមេរិក និងផាកពិន័យចំនួន ៤៦ ៦៦០,៥៧ ដុល្លារ៕

The post ក្រោយមើលឃើញទីផ្សារថ្មសំណង់គ្រប់គ្រាន់ ក្រសួងរ៉ែសម្រេចផ្អាកចេញអាជ្ញាប័ណ្ណ រ៉ែថ្មសំណង់ បណ្ណោះអាសន្ន appeared first on .

ថ្លែងក្នុងជំនួបពិភាក្សានេះ​ លោកស្រី Beth Van Duynr តំណាងសមាជិកសភា បានស្វែងយល់កាន់តែច្បាស់អំពីបរិយាកាសធុរកិច្ចទាក់ទងនឹងវិស័យរ៉ែ និងថាមពល និងបានផ្លាស់ប្ដូរយោបល់ លេីវឌ្ឍនភាពនៃកិច្ចសហប្រតិបត្តិការក្នុងការអភិវឌ្ឍវិស័យរ៉ែ វិស័យថាមពល និងប្រេងកាតនៅកម្ពុជា។

ទន្ទឹមនឹងនោះ នៅក្នុងជំនួបពិភាក្សាការងារនេះ​ ក៏ជំរុញការវិនិយោគ និងពាណិជ្ជកម្ម រវាងកម្ពុជា និងសហរដ្ឋអាមេរិក ក៏ដូចជាជម្នះនូវឧបសគ្គភូមិសាស្ត្រនយោបាយដែលរារាំងដល់ការធ្វេីពាណិជ្ជកម្ម និងការវិនិយោគ ព្រមទាំងកិច្ចសហប្រតិបត្តិការក្នុងវិស័យរ៉ែ ថាមពល និងប្រេងកាត។

​ក្រសួង​រ៉ែ​និង​ថាមពល កាល​ពី​ពេលកន្លងទៅ បាន​ឲ្យ​ដឹង​ថា វិស័យ​រ៉ែ​និង​ថាមពល​​កម្ពុជា បាន​សម្រេច​សមិទ្ធផល និង​មាន​គម្រោង​អភិវឌ្ឍ​ធំៗ​សំខាន់ៗ​ជា​ច្រើនរួចមកហើយ។ ​

យ៉ាង​ណា វិស័យ​នេះ​នៅតែ​កំពុង​មាន​វិសាលភាព​នៃ​តម្រូវការ​បន្ថែម​ទៀត ពិសេស គឺ​ថាមពល​អគ្គិសនី​សម្រាប់​ប្រើ​ប្រាស់ ខណៈ​ដែល​ម្ចាស់​រោងចក្រ​សហគ្រាស​ជាច្រើន​តែងតែ​ត្អូញ​ត្អែរ​ពី​តម្លៃ​អគ្គិសនី​ក្នុង​ស្រុក ថា នៅ​មាន​ខ្ពស់​ជាង​ប្រទេស​ជិត​ខាង ដែល​ធ្វើ​ឲ្យ​ថ្លៃ​ដើម​ផលិត​មាន​ខ្ពស់៕ 

The post សហរដ្ឋអាមេរិក ចាប់អារម្មណ៍លើការវិនិយោគវិស័យរ៉ែ និងថាមពលនៅកម្ពុជា appeared first on .

លោក ស៊ុយ សែម រដ្ឋមន្ត្រីក្រសួងរ៉ែ និងថាមពល អះអាងបែបនេះធ្វើឡើងនៅក្នុងពិធីប្រកាស លោក ឡេង លាត ជាប្រធានមន្ទីររ៉ែ និងថាមពល ខេត្តសៀមរាប នៅព្រឹកថ្ងៃទី១៧ ខែឧសភានេះ។

លោក ស៊ុយ សែម ថ្លែងថា ពីវិបត្តិជំងឺកូវីដ១៩ និងសង្គ្រាមអ៊ុយក្រែន-រុស្ស៊ីនេះ ដែលធ្វើឱ្យវិស័យថាមពលមានការខ្វះខាតដោយសារប្រេងឡើងថ្លែ ធ្យូងថ្មឡើងថ្លៃ ដូចនេះ ហើយបានធ្វើឱ្យអគ្គិសនីដើរដោយធ្យូងថ្ម និងប្រេងក៏កំពុងតែឡើងថ្លៃ។ ​ប៉ុន្តែសម្រាប់នៅប្រទេសកម្ពុជា គឺមិនបានឡើងថ្លៃ ឬក៏បញ្ចុះតម្លៃទេ ដោយស្នើ សុំរាជរដ្ឋាភិបាលឱ្យនៅតម្លៃដដែល ដោយសារប្រភពអគ្គិសនីដែលកំពុងផ្គត់ផ្គង់នៅក្នុង ប្រទេសកម្ពុជាភាគច្រើន ជាប្រភពដែលប្រើវារីអគ្គិសនី ជាក់ស្តែងនៅក្នុងប្រទេសកម្ពុជា យើងមានវារីអគ្គិសនីចំនួន៧កន្លែងកំពុងតែដំណើរការទាំងអស់ ហើយសម្រាប់ប្រភព ដែលទិញមកពីក្រៅក៏ជាភាគច្រើនប្រើវារីអគ្គិសនីដែរ។ ​

លោកថា បច្ចុប្បន្ននេះ ការអភិវឌ្ឍវិស័យអគ្គិសនីកម្ពុជា មានការរីកចម្រើនគួរឱ្យកត់សម្គាល់ ដោយភូមិនៅទូទាំងប្រទេស យើងបានអូសខ្សែបណ្តាញអគ្គិសនី សម្រេចបានទៅដល់៩៨ភាគរយហើយ។ នៅសល់២ភាគរយ ហើយ២ភាគរយនេះមិនមែន យើងមិនបានធ្វើនោះទេ តែគឺជាភូមិដែលនៅដាច់ស្រយាល នៅក្នុងព្រៃអត់ទាន់មានផ្លូវចូល នៅលើកោះជាដើម។ ប៉ុន្តែ រដ្ឋាភិបាលក៏បានរកវិធីសាស្រ្តដើម្បីឱ្យពួកគាត់បានភ្លើងប្រើប្រាស់ ដែរ ដូចជាការរៀបចំដំឡើងផ្ទាំងប្រើពន្លឺព្រះអាទិត្យជាដើម។ ​

លោកបន្ថែមថា សម្រាប់ភូមិទាំងអស់នៅទូទាំងប្រទេសដែលមានបណ្តាញ អគ្គិសនីទៅដល់ គឺមានផ្ទះប្រជាពលរដ្ឋចំនួនជាង២លានផ្ទះបានភ្ជាប់ភ្លើងប្រើប្រាស់ស្មើ៨៤ ភាគរយ។ ​គោលនយោបាយរបស់រដ្ឋាភិបាលកម្ពុជា សម្រាប់វិស័យថាមពល គឺធ្វើយ៉ាងណា រកប្រភពថាមពលផ្គត់ផ្គង់ឱ្យបានគ្រប់គ្រាន់មានស្ថេរភាព មានចីរភាព និងថ្លៃសមរម្យ។ ​

ថ្លែងក្នុងពិធីប្រកាសតែងតាំងប្រធានមន្ទីរថ្មីនេះ លោក ស៊ុយ សែម ក៏បានជំរុញឱ្យប្រធានមន្ទីរដែលទើបតែងតាំងថ្មីត្រូវទប់ស្កាត់ និងលុបបំបាត់អាជីវកម្មធនធានរ៉ែ​ឱ្យខានតែបាន ចំពោះអាជីវកម្មដ្ឋានណាដែលគ្មាន អាជ្ញាប័ណ្ណ។ ត្រូវបន្តសហការជាមួយក្រុមការងារចម្រុះ ដែលដឹកនាំដោយរដ្ឋបាលខេត្ត ក្នុងការងារ​ចុះត្រួតពិនិត្យ​ស្ថានីយប្រេ​ង​ឥន្ធនៈ ស្ថានីយឧស្ម័នឥន្ធនៈ និង​ស្ថានីយរួមប្រេង និង ឧស្ម័នឥន្ធនៈ នៅក្នុងភូមិសាស្ត្រខេត្តសៀមរាប។ ​ត្រូវផ្តល់សេវាសាធារណៈ​​ឱ្យ​មាន​គុណភាព ប្រសិទ្ធភាព អាចជឿទុកចិត្តបាន​ហើ​យ​​អាចឆ្លើយ​តប​បាន​ទា​ន់​​ពេល​វេលា​ទៅ​នឹងតម្រូវ​ការ របស់ប្រជាពលរដ្ឋ៕

The post លោក ស៊ុយ សែម អះអាងថា ទោះបីកូវីដ១៩ និងសង្រ្គាមអ៊ុយក្រែន-រុស្សុី កម្ពុជាមិនបានឡើងថ្លៃ ឬបញ្ចុះតម្លៃអគិ្គសនីទេ ដោយស្នើសុំរដ្ឋាភិបាលឱ្យនៅតម្លៃដដែល appeared first on .

ការស្នើរដ្ឋមន្រ្តីក្រសួងរ៉ែនិងថាមពល ដូចនេះបានធ្វើឡើងនៅក្នុង ជំនួប​​សម្ដែង​ការគួរសម និងពិភាក្សាការងារជាមួយ គណៈប្រតិភូវិនិយោគិនជប៉ុន ដែលដឹកនាំដោយ លោក Fumaiki TAKAHASHI ប្រធានសមាគមជប៉ុន​កម្ពុជា​ និងជាអតីតឯកអគ្គរាជ​ទូតជប៉ុន​ប្រចាំ​ព្រះរាជាណាចក្រកម្ពុជា កាលពីថ្ងៃ​២៥ ខែមេសា ឆ្នាំ២០២២ ។

លោក ស៊ុយ សែម បានថ្លែងអំណរគុណដល់រដ្ឋាភិបាលជប៉ុន ដែលតែងតែគិតគូរ​ និងជួយ​ដល់ការអភិវឌ្ឍវិស័យក្រសួង ក្នុងនោះរួមមាន ការសិក្សាស្រាវជ្រាវសក្តានុពលរ៉ែ ការផ្តល់​ជំនួយហិរញ្ញវត្ថុក្នុងការសាងសង់រោងចក្រថាមពលអគ្គិសនី ការសាងសង់ខ្សែបណ្តាញបញ្ជូន គ្រឿងបរិក្ខាអគ្គិសនីជាដើម។

ក្រោយជំនួបសម្ដែងការគួរសម និងពិភាក្សាការងារ ភាគីជប៉ុន បានស្វែងយល់អំពីតួនាទីភារកិច្ច និងការគ្រប់គ្រងវិស័យរ៉ែ ថាមពល និងប្រេងកាត។ ហើយវិនិយោគិនជប៉ុន ក៏បង្ហាញចំណាប់​អារម្មណ៍អំពីការវឌ្ឍននៃវិស័យថាមពលនៅកម្ពុជា ជាពិសេសគឺការបង្កើនល្បឿនអន្តរកាល​ថាមពល ដែលជាការអភិវឌ្ឍថាមពលស្អាត ថាមពលដើរដោយពន្លឺព្រះអាទិត្យ អាចសន្សំសំចៃ​ថាមពលបានខ្ពស់ និងមានអព្យាក្រឹត្យកាបូន។

គួរបញ្ជាក់ថា ​ កាលពីដើមខែមេសា ឆ្នាំ២០២២ ក្រសួងរ៉ែ ​និងថាមពល ​បាន​អះអាងថា​ បច្ចុប្បន្ន​មានក្រុមហ៊ុន​មក​ពីបណ្តា​ប្រទេស​ចំនួន៥​ កំពុង​ចាប់អារម្មណ៍ ​និងសម្លឹង​មើល​អំពីលទ្ធភាព​ជីករុក​រក​ប្រេង ​និង​ឧស្ម័ន​នៅកម្ពុជាក្រោយក្រុមហ៊ុនបូមប្រេងរបស់សឹង្ហបុរីKrisEnergy បានប្រកាសក្ស័យធន់កាលពីដើមខែមិថុនា ឆ្នាំ២០២១ ។ ​ក្រសួងរ៉ែ ​និងថាមពល ចាត់ទុកថា វត្តមាន​នៃក្រុមហ៊ុន​ទាំង​អស់​​នេះ ​ជាក្តីសង្ឃឹម​ថ្មី​របស់កម្ពុជា​ក្នុង​ការបន្ត​ប្រតិបត្តិការ​បូមប្រេង​ឡើងវិញ ៕

The post រដ្ឋមន្រ្តីក្រសួងរ៉ែនិងថាមពល ស្នើឲ្យវិនិយោគិនជប៉ុន ​មក​វិនិយោគក្នុងឧស្សាហកម្មរ៉ែ និងប្រេងកាតនៅកម្ពុជា appeared first on .

លោក ស៊ុយ សែម បានពន្យល់ថា មូលហេតុដែលតម្លៃអគ្គីសនីមិនឡើង​តាមតម្លៃប្រេងសាំង​នា​ពេ​ល​នេះ ដោយ​សារគោលនយោបាយរបស់រាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រីនែកម្ពុជា​បាន​សម្រេ​ច​​​​ហើយ​ក្នុងឆ្នាំ២០២២នេះ ទោះបីជាយ៉ាងណាគឺអគ្គីសនីមិនឡើងថ្លៃ  ហើយការ​សម្រេច​នេះ​ធ្វើឡើងតាំងពីមុនពេលមានការឡើងថ្លៃប្រេងសាំង។

លោក ស៊ុយ សែម បានបន្តថា ជាធម្មតា​រាជរដ្ឋាបាលភិបាល​តែងមាន​គោល​នយោ​បាយបញ្ចុះ​ថ្លៃអគ្គិសនី​រៀងរាល់ឆ្នាំ ប៉ុន្តែឆ្នាំនេះរក្សាថ្លៃដដែលដោយសារ ទី១បញ្ហាសល់ថាមពលអគ្គិសនី​ដែលកម្ពុជាប្រើមិនអស់​ និង​ទី២ បញ្ហាប្រេងសាំងកំពុងឡើងថ្លៃ។

ជាមួយគ្នានោះ លោករដ្ឋមន្ត្រី​ ក៏បានសង្កត់ធ្ងន់ថា បច្ចុប្បន្ននេះកម្ពុជាមិនមានបញ្ហាការខ្វះ​ខាត​អគ្គិសនី​​​​ប្រើប្រាស់ទៀតនោះទេ គឺការប្រើប្រាស់ថាមពលអគ្គិសនីបច្ចុប្បន្ន​នៅសល់ប្រមាណ៥០ភាគរយ ដោយ​សារបញ្ហកូវីដ១៩​ ដែលបានធ្វើអោយផ្នែក​សេដ្ឋកិច្ចមួយចំនួនមិនទាន់ដំណើរឡើងវិញ​ជាពិសេស​វិស័យទេសចរណ៍។ ដោយឡែក​ បច្ចុប្បន្ន កម្ពុជាក៏មានក្រុមហ៊ុនផលិតថាម​ពល​អគ្គី​សនី​ដើរដោយពន្លឺព្រះអាទិត្យចំនួន៥ក្រុមហ៊ុន ដែលមានសមត្ថភាព​ផលិតថាម​ពល​អគ្គិសនី បាន៣៧១មេហ្កាវ៉ាត់ផងដែរ ។

គួរបញ្ជាក់ថា ក្រសួងរ៉ែនិងថាមពល បាននិងកំពុងរៀបចំផែនការមេអភិវឌ្ឍវិស័យថាមពល ដែល​​ជាផែនការពេញលេញសម្រាប់រយៈពេលវែង (២០២១-២០៤០) ដែលមាន​គោលបំណង​ធ្វើការសិក្សាវាយតម្លៃអំពីសេណារីយ៉ូនៃកំណើនតម្រូវការ ជម្រើសផ្សេងៗនៃការអភិវឌ្ឍប្រភព​អគ្គិសនី និងការសិក្សាស្វែងយល់អំពីតម្រូវការក្នុងការពង្រីកបណ្តាញបញ្ជូន និងបណ្តាញ​ចែកចាយ។

គោលការណ៍ដែលជាមូលដ្ឋានដឹកនាំដំណើរការរៀបចំផែនការមេនេះ គឺដើម្បីផ្តល់ឲ្យ​អ្នក​ប្រើ​ប្រាស់​​ទាំងអស់នូវថាមពលអគ្គិសនីមួយដែលមានថ្លៃសមរម្យ មានស្ថេរភាព និងអាចទុកចិត្ត​បាន ទន្ទឹមនឹងការធ្វើឲ្យប្រសើរឡើងនូវសន្តិសុខនៃការផ្គត់ផ្គង់អគ្គិសនី និងប្រសិទ្ធភាពនៃ​ការប្រើប្រាស់អគ្គិសនីក្នុងគ្រប់វិស័យ។

ក្រសួងរ៉ែនិងថាមពលបេ្តជ្ញាក្នុងការបង្កើននិងផ្តល់អាទិភាពឲ្យបានជាអតិបរមាការពង្រីកការប្រើប្រាស់ថាមពលស្អាត ជាពិសេសថាមពលកកើតឡើងវិញ និងប្រសិទ្ធភាពថាមពល។ វិធីសាស្ត្រ​នេះ គឺស្របទៅតាមក្របខណ្ឌយុទ្ធសាស្ត្រនិងកម្មវិធីស្តារ និងជំរុញកំណើន​សេដ្ឋកិច្ចក្នុងការរស់​នៅជាមួយកូវីដ ១៩ តាមគន្លងប្រក្រតីភាពថ្មីដែលបានកំណត់ដោយរាជរដ្ឋាភិបាល ដែលរួមមានសសរស្តម្ភចំនួន ៣ គឺ៖ ការងើបឡើងវិញ កំណែទម្រង់ និងភាពធន់ ៕ អត្ថបទ៖ ពុធិកា

The post រដ្ឋមន្ត្រីក្រសួងរ៉ែនិងថាមពល ពន្យល់ពីមូលហេតុដែលតម្លៃ​អគ្គិសនី​ មិន​ឡើង​ថ្លៃ​តាម​តម្លៃ​ប្រេងសាំង appeared first on .