សេចក្តីជូនដំណឹងដដែលបានបញ្ជាក់ថា “ចាប់ពីថ្ងៃទី១៣ ខែមីនា ឆ្នាំ២០២៥តទៅ ប្រព្រឹត្តកម្មលើការនាំចូលមុខទំនិញគ្រឿងក្នុងសត្វជ្រូកបង្កកខាងលើ ត្រូវអនុលោមតាមបញ្ញត្តិអនុក្រឹត្យលេខ ៣៧០ អនក្រ.បក ចុះថ្ងៃទី២៨ ខែធ្នូ ឆ្នាំ២០២៣ ស្តីពីការដាក់ឱ្យប្រើប្រាស់បញ្ជីទំនិញហាមឃាត់ និងទំនិញជាប់កម្រិតកំណត់ជាធរមានវិញ ”។

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា បានឱ្យដឹងថា ពាក់ព័ន្ធនិងការបិទផ្អាកមិនឱ្យនាំចូលជាបណ្តោះអាសន្ននៅគ្រឿងក្នុង និងបំណែកសាច់បង្កកអស់រយៈពេលមួយឆ្នាំ បានចូលមកដល់ថ្ងៃផុតកំណត់នៅថ្ងៃទី១២ ខែមីនា ឆ្នាំ២០២៥នេះ ហើយចាប់ពីថ្ងៃទី១៣ ខែមីនាតទៅនិងបើកឱ្យនាំចូលវិញនៅបំណែកគ្រឿងក្នុងនិងបំណែកសាច់បង្កកហាមឃាត់នេះ ប៉ុន្តែមិនអាចនាំចូលបានដោយសេរីនោះទេ បើចង់នាំចូលទាល់តែស្នើសុំផ្ទាល់មកក្រសួងកសិកម្ម រុក្ខាប្រមាញ់ និងនេសាទ ដែលជាអ្នកអនុញ្ញាត។

លោកបន្តថា “ខ្ញុំសង្ឃឹមជឿជាក់ថា រាជរដ្ឋាភិបាលនឹងគាំទ្រដល់វិស័យចិញ្ចឹមសត្វ ព្រោះវិស័យមួយនេះវាជួយឱ្យកសិករក្នុងស្រុករាប់ម៉ឺនគ្រួសារទទួលបានអត្ថប្រយោជន៍ ដោយសារនៅក្នុងវិស័យចិញ្ចឹមសត្វត្រូវការចំណីជាង១លានតោនក្នុងមួយឆ្នាំ”។

ទាក់ទងនិងវិស័យចិញ្ចឹមសត្វនៅប៉ុន្មានឆ្នាំចុងក្រោយនេះ បើយោងតាមមន្ត្រីជំនាញរបស់អគ្គនាយកដ្ឋានសុខភាពសត្វ និងផលិតកម្មសត្វធ្លាប់បានឱ្យដឹងថា ក្នុងរយៈពេល៥ឆ្នាំចុងក្រោយនេះ ផលិតកម្មសត្វសរុបមានអត្រាកំណើនមធម្យប្រចាំឆ្នាំកើនឡើង៥,៧%ក្នុងមួយឆ្នាំ ហើយក្នុងនោះផលិតកម្មសត្វលក្ខណៈគ្រួសារមានអត្រាកំណើនមធ្យមប្រចាំឆ្នាំកើនឡើង២,៨%ក្នុងមួយឆ្នាំ, ផលិតសត្វលក្ខណៈពាណិជ្ជកម្មមានអត្រាកំណើនជាមធ្យមប្រចាំឆ្នាំកើនឡើង១១,២%ក្នុងមួយឆ្នាំ។

នៅឆ្នាំ២០២៤ ប្រៀបធៀបនឹងឆ្នាំ២០២៣ ផលិតកម្មសត្វសរុបមានអត្រាកំណើន៤,១% ក្នុងនោះផលិតកម្មសត្វលក្ខណៈគ្រួសារមានអត្រាកំណើន១,៧% និងផលិតកម្មសត្វលក្ខណៈពាណិជ្ជកម្មមានអត្រាកំណើន៧,៥%៕SL

The post ការលើកទឹកចិត្តរបស់រាជរដ្ឋាភិបាលលើការហាមឃាត់ការនាំចូលជាបណ្តោះអាសន្នគ្រឿងក្នុង និងបំណែកសាច់សត្វបង្កកចូលថ្ងៃផុតកំណត់ appeared first on .

លោកស្រ៊ុន ពៅ ប្រធានសមាគអ្នកចិញ្ចឹមសត្វកម្ពុជា បានឱ្យដឹងថា «នៅក្នុងមួយសប្តាហ៍ដំបូងនេះ ហាក់មិនទាន់មានអ្វីប្រែប្រួលនោះទេមិនថាតម្លៃក៏ដូចជាតម្រូវការជ្រូករស់នៅលើទីផ្សារ ហើយសមាគមអ្នកចិញ្ចឹមសត្វកំពុងធ្វើការតាមដាន ហើយបាននិងកំពុងធ្វើលិខិតដាក់ស្នើទៅរាជរដ្ឋាភិបាលឱ្យមានការត្រួតពិនិត្យសាច់បង្កកបន្ថែម ព្រោះយើងសង្ឃឹមថាដល់ចូលខែមេសាខាងមុខនេះ តម្លៃជ្រូករស់លក់នៅលើទីផ្សារកសិករអាចទទួលយកបាន»។

បើតាមប្រធានសមាគមខាងលើរូបនេះ លិខិតគ្រោងដាក់ស្នើសុំទៅរាជរដ្ឋាភិបាល សមាគមកំពុងតែរៀបចំ ហើយនៅថ្ងៃស្អែកបើរួចរាល់នឹងយកទៅដាក់ជូនស្ថាប័នដែលពាក់ព័ន្ធ ដូចជាក្រសួងពាណិជ្ជកម្ម ក្រសួងកសិកម្ម រុក្ខាប្រមាញ់និងនេសាទ , ក.ប.ក.ក៏ដូចជាខាងផ្នែកពេទ្យសព្វជាដើម។

លោកស្រ៊ុន ពៅ សង្កត់ធ្ងន់ថា «លិខិតស្នើសុំរបស់សមាគមទោះបី មិនទាន់ធ្វើរួចរាល់ តែកាលពីប្រជុំនៅថ្ងៃសុក្រកន្លងមកនេះបានសម្រេចថា សុំឱ្យស្ថាប័នមានសមត្ថកិច្ចធ្វើការត្រួតពិនិត្យឱ្យបានម៉ាត់ចត់ទំាងនៅខាងព្រំដែន ទីផ្សារ និងនៅតាមឃ្លំាងស្តុកសាច់បើរកឃើញសាច់ដែលគ្មានគុណភាពសូមកំម្ទេចចោល»៕តាកែវ

The post តម្លៃជ្រូករស់នៅលើទីផ្សារមិនទាន់មានការប្រែប្រួលបន្ទាប់ហាមមិនឱ្យនាំចូលសាច់បង្កកចាប់ពីថ្ងៃទី១២ ខែមីនា appeared first on .

ថ្លែងក្នុងបទសម្ភាសន៍ជាមួយអ្នកសារព័ត៌មានកាលពីពេលថ្មីៗនេះ លោក ស្រ៊ុន ពៅបានមើលឃើញថាក្នុងឆ្នាំ២០២៣ វិស័យចិញ្ចឹមសត្វមានការរីកចម្រើនខ្លាំងហួសពីការស្មាន ដោយសារយើងចិញ្ចឹមបានច្រើន ប៉ុន្តែទីផ្សាររៀងចង្អៀត។

លោកបន្តថា សម្រាប់ឆ្នាំ២០២៤ មុនចូលឆ្នាំចិន សាច់ជ្រូករស់នៅកម្ពុជាលក់បានតម្លៃ៨០០០រៀល ក្នុងមួយគីឡូ ដល់ពេលឥឡូវនៅសល់តែ៧ពាន់ជាង។ដែលនេះដោយសារសាច់បង្កកដែលនៅក្នុងឃ្លាំង ត្រូវបង្ខិតបង្ខំចេញ ក្នុងនោះសាច់បង្កកដែលជិតផុតកំណត់ និងសាច់បង្កកដែលមិនសូវមានស្តង់ដារ។ ដូច្នេះហើយពួកគេត្រូវតែបង្ខំបញ្ចេញ ព្រោះខែមីនា ថ្ងៃទី១២ ឆ្នាំ២០២៤ខាងមុខ យើងនឹងអនុវត្តច្បាប់ដែលរាជរដ្ឋាភិបាលដាក់ឱ្យអនុវត្តគឺសាច់បង្កកណាមិនត្រឹមត្រូវ ខុសស្តង់ដារត្រូវតែកម្ទេចចោល។

លោកបន្តទៀតថា បច្ចុប្បន្នកសិករបានបិទផ្អាកការចិញ្ចឹមទាំងស្រុងសឹងថា១០០ភាគរយហើយ ដោយឡែកមានតែកសិដ្ឋាន ក្រុមហ៊ុនធំៗទេដែលនៅខាំស្មៅ តស៊ូ ដោយសារកសិដ្ឋានគាត់មួយសំណង់សាងសង់ និងដើមទុនគឺរាប់សិបលានដុល្លារ ដូច្នេះហើយគាត់មិនអាចឈប់ឬផ្អាកអាជីវកម្មនោះទេ ទោះបីជាគាត់ត្រូវលក់ដីក៏ដោយ ខ្ចីលុយធនាគារក៏ដោយ។

បើតាមប្រធានសមាគមអ្នកចិញ្ចឹមសត្វ បញ្ហានេះសមាគមក៏បានសហការជាមួយក្រសួងកសិកម្ម ក្រសួងពាក់ព័ន្ធ ហើយរាជរដ្ឋាភិបាលបានកំពុងយកចិត្តទុកដាក់លើវិស័យនេះ ជាពិសេសនៅថ្ងៃទី១២ខែមីនាខាងមុខ ជាថ្ងៃសម្រេចបិទផ្អាកបំណែកនៃសាច់បង្កកទាំងស្រុង។ដូច្នេះហើយដល់ខែមីនា យើងនឹងទទួលបានពន្លឺបណ្តើរៗហើយ លោកជឿជាក់ថាវាទើបតែបិទដំបូងមិនទាន់អស់ភ្លាមនោះទេ ក៏ប៉ុន្តែយ៉ាងយូរខែ៤នឹងមានតម្លៃមួយឱ្យកសិករយើងទទួលយកបាន។

ជាមួយគ្នានេះ លោកក៏បានលើកទឹកចិត្តឱ្យត្រូវតែរួបរួមគ្នាមិនថាអ្នកចិញ្ចឹម មិនថាអ្នកកាប់ឬមិនថាអ្នកនាំចូលទេ ត្រូវតែសហការគ្នាកាន់ដៃគ្នាទៅមុខ ទើបរីកចម្រើន រកប្រាក់ចំណេញអ្នកអស់គ្នាឃើញ។ហើយសមាគមបានខិតខំប្រឹងប្រែងដើម្បីរកដំណោះស្រាយ ជួបជុំគ្នាពិភាក្សាដើម្បីរកតម្លៃមួយដែលអាចចំណេញទាំងអស់គ្នា ចំណេញទាំងអ្នកចិញ្ចឹម ចំណេញទាំងអ្នកហូប ចំណេញទាំងអ្នកកាប់។

ទន្ទឹមនឹងនេះ ប្រធានសមាគមអ្នកចិញ្ចឹមសត្វក៏អំពាវនាវឱ្យស្ថាប័នតាមព្រំដែនអនុវត្តតាមអនុសាសន៍សម្តេចធិបតីដែលដាក់រឹតបន្តឹងសាច់ណាដែលខូចៗ ប្រាកដថាមានលិខិតស្នាមច្បាស់លាស់ និងជាពិសេសប្រជាពលរដ្ឋ កសិករទាំងអស់នៅក្នុងប្រទេសខំតស៊ូបន្តិចទៀត ដើម្បីវិស័យចិញ្ចឹមសត្វនៅកម្ពុជា ដោយយ៉ាងយូរ១ខែទៀត លោកជឿជាក់ថានឹងមានពន្លឺឡើងវិញ៕

The post លោក ស្រ៊ុន ពៅ អំពាវនាវដល់អ្នកចិញ្ចឹមសត្វខិតខំ ទ្រាំបន្តិចទៀត យ៉ាងយូរត្រឹមមួយខែទៀត តម្លៃជ្រូកនឹងមានពន្លឺឡើងវិញ appeared first on .

ក្នុងឱកាសនោះ លោក ឌិត ទីណា បានឱ្យដឹងថា សព្វថ្ងៃនេះវិស័យកសិកម្មកំពុងមានការរីកចម្រើនគួរឱ្យកត់សម្គាល់ ប៉ុន្តែយ៉ាងណាក្តីក៏វិស័យនេះមានកំណើនតិចជាងគេ១%បើធៀបនឹងវិស័យផ្សេងៗ ព្រោះកាលពីទីផ្សារមិនទាន់ពេញតម្រូវការនៅច្រើន យើងពង្រីកការចិញ្ចឹមសត្វពីមួយទ្រុងទៅមួយទ្រុង ប្រជាកសិករលក់ដាច់មានលុយចូល ប៉ុន្តែនៅពេលតម្រូវការគ្រប់គ្រាន់នឹងលែងមានតម្រូវការច្រើន។ដូច្នេះ មិនអាចបង្កើតតម្រូវការដូចវិស័យឧស្សាហកម្ម និងវិស័យផ្សេងៗបានទេ។

លោកបន្តថា ក្នុងន័យនេះហើយក្នុងនាមអ្នកចិញ្ចឹមសត្វត្រូវគិតគូរួមគ្នា អ្នកចិញ្ចឹម អ្នកទិញលក់អ្នកកាប់ អ្នកលក់ចំណី ត្រូវចូលរួមតភ្ជាប់ខ្សែចង្វាក់តម្លៃ។ មានន័យថាឈ្មួញកណ្តាលធ្វើការជាមួយនឹងអ្នកទិញ ឈ្មួញកណ្តាលធ្វើការជាមួយកុងស៊ី អ្នកកុងស៊ីធ្វើការជាមួយអ្នកចិញ្ចឹម ហើយអ្នកកុងស៊ីក៏ធ្វើការជាមួយអ្នកលក់បន្ត។

បើតាមលោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា បានឱ្យដឹងផងដែរថាវិស័យចិញ្ចឹមសត្វនាពេលបច្ចុប្បន្នឃើញថាមានការរីកចម្រើនខ្លាំងហួសពីការស្មាន ដោយសារយើងចិញ្ចឹមបានច្រើន ប៉ុន្តែទីផ្សាររៀងចង្អៀត។

លោកបន្តថា បច្ចុប្បន្ននេះរាជរដ្ឋាភិបាល ក៏ដូចជាក្រសួងស្ថានប័នពាក់ព័ន្ធបានយកចិត្តទុកលើវិស័យចិញ្ចឹមសត្វខ្លាំង ដោយក្នុងឆ្នាំ២០២៤នេះបានសម្រេចផ្អាកការនាំចូលកម្ទេចកម្ទីសាច់បង្កកដែលខុសច្បាប់ មិនត្រឹមត្រូវរយៈពេល៦ខែ គិតចាប់ពីថ្ងៃទី១២មីនា។ជាពិសេសរាជរដ្ឋាភិបាល បានចាត់ទុកវិស័យចិញ្ចឹមសត្វ ជាវិស័យមួយដ៏ថ្លៃថ្លា ក៏ដូចជាសរសៃឈាមនៃប្រទេសជាតិផងដែរ។

លើសពីនេះ លោកក៏បានលើកទឹកចិត្តដល់អ្នកចិញ្ចឹមសត្វត្រូវរួបរួមគ្នាមិនថាអ្នកចិញ្ចឹម មិនថាអ្នកកាប់ឬមិនថាអ្នកនាំចូលទេ ត្រូវតែសហការគ្នា កាន់ដៃគ្នាទៅមុខ ទើបរីកចម្រើន រកប្រាក់ចំណេញអ្នកអស់គ្នាឃើញ៕

The post រដ្ឋមន្រ្តីកសិកម្មជំរុញដល់អ្នកចិញ្ចឹមសត្វចូលរួមសហការ ដោះស្រាយបញ្ហារួមគ្នា ដើម្បីតភ្ជាប់ខ្សែចង្វាក់តម្លៃ appeared first on .

បើយោងតាមប្រធានសមាគមអ្នកចិញ្ចឹមសត្វកម្ពុជា បានឱ្យដឹងថា នៅក្នុងកិច្ចប្រជុំរវាងសមាគមអ្នកចិញ្ចឹមសត្វកម្ពុជា ជាមួយនិងក្រុមហ៊ុននាំចូលសាច់បង្កក នៅអគ្គនាយកដ្ឋានសុខភាពសត្វ និងផលិតកម្មសត្វ កាលថ្ងៃទី៩ ខែមករា ទទួលបានលទ្ធផលល្អប្រសើរ ពោលមានន័យថាវិស័យចិញ្ចឹមសត្វនៅកម្ពុជាចាប់ផ្តើមមានរស្មីវិញហើយ នៅពេលដែលតំណាងក្រុមហ៊ុនមានសិទ្ធនាំចូលសាច់បង្កកបង្ហាញចេតនាធ្វើការរួមគ្នាជាមួយខាងសមាគមថាផ្អាកការនាំចូលសាច់បង្កកមកពីខាងក្រៅ។

លោកស្រ៊ុន ពៅ មានប្រសាសន៍ថា «ក្រោយកិច្ចប្រជុំយើងទទួលបានលទ្ធផលល្អប្រសើរ មានន័យថាវិស័យចិញ្ចឹមសត្វនៅកម្ពុជាមានរស្មីហើយ ដោយសារក្រុមហ៊ុនដែលនាំចូលសាច់បង្កក គាត់ថានឹងធ្វើការជាមួយខាងសមាគមអ្នកចិញ្ចឹមសត្វ ដោយផ្អាកការនាំចូលសាច់មកពីខាងក្រៅ ធ្វើយ៉ាងណាជួយរំដោះសាច់ដែលកកស្ទះនៅក្នុងស្រុកឱ្យអស់ ពោលជួយ កសិករអាចលក់សត្វរបស់ខ្លួន បានតម្លៃរួចខ្លួន មិនខាតបង់នៅដំណាក់កាលដំបូងៗនេះ»។

លោក ស្រ៊ុន ពៅ លើកឡើងថា វិស័យចិញ្ចឹមសត្វចាប់ផ្តើមមានពន្លឺឡើងវិញនៅក្នុងខែមករា ឆ្នាំ២០២៤នេះ ដោយសាររាជរដ្ឋាភិបាល តាមរយៈក្រសួងពាក់ព័ន្ធជួយជំរុញនិងផ្តោតការយកចិត្តទុកដល់មកលើវិស័យចិញ្ចឹសត្វក្នុងស្រុក ជាជាងការនាំចូល។

លោកបញ្ជាក់ថា ក្នុងកិច្ចប្រជុំកាលថ្ងៃទី៩ ខែមករា ឆ្នាំ២០២៤កន្លងមកនេះ ផ្តោតលើពីចំណុច៖ ចំណុចទី១ ឱ្យក្រុមហ៊ុនផ្អាកការនាំចូលនៅបំណែកនៃសត្វជ្រូក សាច់មាន់និងសាច់គោ ហើយខាងសមាគមចង់ឱ្យក្រុមហ៊ុនងាកមកទទួលទិញសាច់នៅក្នុងស្រុក ហើយធ្វើការកែច្នៃបង្កកនិងលក់ទៅឱ្យអតិថិជនគោលដៅរបស់ខ្លួន។ ចំណុចទី២ ខាងសមាគមបានស្មើសុំទៅរាជរដ្ឋាភិបាលក៏ដូចជាក្រសួងពាក់ព័ន្ធ ផ្អាកមិនឱ្យនាំចូលគ្រឿងក្នុងរបស់សត្វរយៈពេល៦ខែ ដែលនិងចាប់ផ្តើមអនុវត្តនៅពេលខាងមុខ ហើយបើចង់នាំចូលត្រូវតែមានការអនុញ្ញាតពីក្រសួងកសិកម្មរុក្ខាប្រមាញ់និងនេសាទ ។

ពាក់ព័ន្ធនឹងការការនាំសាច់បង្កកពីខាងក្រៅចូលមកកម្ពុជា បើតាមប្រធានសមាគមអ្នកចិញ្ចឹមសត្វកម្ពុជា ថាក្រុមហ៊ុនមានសិទ្ធនាំចូលធំៗប្រហែល១០ក្រុមហ៊ុន ខណៈកន្លែងសម្រាប់បង្កកសាច់នៅក្នុងស្រុកមានប្រហែល១០០កន្លែង។

លោកស្រ៊ុន ពៅ សង្កត់ធ្ងន់ថា«វិស័យចិញ្ចឹមសត្វចាប់ផ្តើមមានពន្លឺពីខែមករាទៅហើយ ហើយក្នុងដំណាក់កាលនេះដែរ ប្រសិនបើជាខាងក្រុមហ៊ុននាំចូលសាច់បង្កក គាត់ពិតចង់ជួយវិស័យចិញ្ចឹមសត្វប្រសើរឡើងវិញ ប្រើពេលត្រឹមតែ១ខែ អ្នកចិញ្ចឹមសត្វអាចលក់សត្វបានតម្លៃរួចខ្លួនឬស្មើថ្លៃដើមផលិត ធ្វើឱ្យកសិករលែងរអ៊ូរទំាដូចមុនទៀតហើយ»៕ តាកែវ

The post វិស័យចិញ្ចឹមសត្វក្នុងស្រុកចាប់ផ្តើមទទួលបានពន្លឺនៃការរស់រានឡើងវិញហើយ appeared first on .

លោកស្រ៊ុន  ពៅ ប្រធានសមាគមអ្នកចិញ្ចឹមសត្វកម្ពុជា បានឱ្យដឹងថា សិក្ខាសាលាស្តីពីសាច់បង្កកសម្រាប់ប្រជាពលរដ្ឋដែលគ្រោងធ្វើនៅថ្ងៃទី៣០ ខែវិច្ឆិកាខាងមុខនេះ អ្នកជំនាញមកពីប្រទេសថៃ គេមកធ្វើបទបង្ហាញពីការប្រើប្រាស់សាច់បង្កកក៏ដូចជាការរៀបចំ ទុកដាក់សាច់បង្កកជូនដល់ប្រជាពលរដ្ឋឱ្យមានការយល់ដឹងបន្ថែម ហើយក៏មិនមែនបង្ហាញឬវាយប្រហាលើសាច់បង្កកទៀតទេ។ព្រោះសាច់បង្កកនៅពេលសព្វថ្ងៃនេះ គឺខាងសមាគមបានសហការល្អជាមួយសួងពាក់ព័ន្ធទំាងអស់ ធ្វើការចុះត្រួតពិនិត្យនៅតាមឃ្លំាង តបតាមអនុសាសន៍របស់សម្តេចធិបតី ហ៊ុនម៉ាណែតនាយករដ្ឋមន្ត្រី យើងធ្វើបានល្អហើយ។

លោក ស៊្រុន ពៅ មានប្រសាសន៍ថា តាមការសង្កេតកន្លងមកឃើញថាសាច់បង្កកដាក់លក់នៅលើទីផ្សារសព្វថ្ងៃនេះ សម្រាប់ប្រជាពលរដ្ឋយើងមិនសូវទិញយកទៅទទួលនោះទេ អ្នកទទួលបាននៅសាច់បង្កកនេះសព្វថ្ងៃនេះគឺមានតែតាមពិធីបុណ្យ ពិធីមង្គលការ កន្លែងអំាងសាច់ និងនៅតាមភោជណីយ៍ដ្ឋានធំៗ ហើយសព្វថ្ងៃនេះបើតាមខ្ញុំមើលទៅកសិករ ពួកគាត់ក៏មានការយល់ដឹងច្រើនដែរ សាច់ល្មមៗគាត់អត់ទិញនោះទេ។

លោកលើកឡើងថា  ការចុះបង្ក្រាបរបស់ ក.ប.ប. ពិនិត្យឃើញ ចាប់បានតាមរយៈការលូតនាំចូលសាច់បង្កកដែលគ្មានស្តង់ដារ តាមរយៈដឹកជញ្ជូនតាមរ៉ឺម៉ក ឡានក្រុង ហើយយកលក់នៅលើទីផ្សារ បានន័យថាបើសាច់បង្កកនោះល្អវាទាល់តែមាននៅក្នុងទូទឹកកក ដែលបង្កកនៅក្រោមកម្រិតដកសូន្យ(-១៨)។ សព្វថ្ងៃនេះ មានការលក់នៅលើរានឬតូប ដាក់ក្លាសេទឹកកកពីរបីដុំនេះធ្វើឱ្យប៉ះពាល់ទៅដល់សុខភាព ហើយសាច់បង្កងដែលមិនមានគុណភាពនេះវាធ្វើឱ្យពលរដ្ឋអាចកើតជំងឺទឹកនោមផ្អែក ជំងឺលើសឈានជាដើម។

បើតាមសមាគមអ្នកចិញ្ចឹមសត្វកម្ពុជា សិក្ខាសាលាស្តីអំពីសុវត្ថិភាពសាច់បង្កកសម្រាប់សុខភាពប្រជាពលរដ្ឋ នៅថ្ងៃទី៣០ខែវិច្ឆិកា ២០២៣ខាងមុខ សម្រាប់អ្នកចូលរួមពិតជាមានសារៈប្រយោជន៍ក្នុងការបង្កើនចំណេះដឹងនិងយល់ដឹងកាន់តែច្រើនថែមមួមកម្រិតទៀតអំពីសុវត្ថិភាពចំណីនិងគុណភាពសាច់បង្កកសម្រាប់សុខភាពប្រជាពលរដ្ឋនិងវឌ្ឍនភាពវិស័យចិញ្ចឹមសត្វនៅកម្ពុជានាពេលបច្ចុប្បន្ន៕អត្ថបទ៖ សារេត

The post សាច់បង្កកមានតម្រូវការច្រើននៅតាមពិធីបុណ្យ មង្គលការ និងនៅភោជនីយ៍ដ្ឋានធំៗ appeared first on .

លោក ស៊្រុន ពៅ ប្រធានសមាគមអ្នកចិញ្ចឹមសត្វកម្ពុជាបានឱ្យដឹងថា ក្នុងនាមជាប្រធានសមាគម និងតំណាងឱ្យកសិក ម្ចាស់កសិដ្ឋានចិញ្ចឹមសត្វទំាងអស់ដែលបានចូលរួមវេទិការាជរដ្ឋាភិបាល ផ្នែកឯកជនលើទី១៩ កាលពីថ្ងៃទី១៣ ខែវិច្ឆិកា ឆ្នំា២០២៣ ឃើញថាសម្តេចធិបតី ហ៊ុនម៉ាណែត នាយករដ្ឋមន្ត្រី មានការយកចិត្តទុកដាក់ ក៏ដូចជាការគំាំពារដល់វិស័យចិញ្ចឹមសត្វនិងវិស័យកសិកម្ម។

លោកបន្តថា សមាគមអ្នកចិញ្ចឹមសត្វកន្លងមានសំណូមពរឱ្យរាជរដ្ឋាភិបាលជួយ ឥលូវនេះយើងទទួលបាន ក្តីសង្ឃឹមហើយមានការជឿជាក់យ៉ាងមុតមំាទៅលើសម្តេចធិបតីហ៊ុន ម៉ាណែត។ទន្ទឹមនិងនេះ សូមស្នើទៅដល់ស្ថាប័នដែលពាក់ព័ន្ធជួយពន្លឿន និងធ្វើការងារនេះឱ្យបានទាន់ពេលវេលា។

លោកលើកឡើងថា  «កសិករនៅពេលគាត់បោះបង់មុខរបរចិញ្ចឹមជ្រូកហើយ គាត់មិនងាយងើបឡើងវិញទេ ដោយសារគាត់ក្ស័យទុន អីចឹងគាត់ក៏ត្រូវការមើលដែរ ថារយៈពេលប៉ុន្មានដែលយើងរកទីផ្សារជូនគាត់។ បើមន្ត្រីពាក់ព័ន្ធអនុវត្តបានតឹងរឹងដូចប្រសាសន៍របស់សម្តេច យើងសង្ឃឹមថាមិនយូរនោះទេ កសិករនឹងងាកមករកចិញ្ចឹមឡើងវិញ ព្រោះគាត់នៅមានទ្រុងសម្រាប់ចិញ្ចឹមជ្រូកក្នុងទីតំាងនៅឡើយ»។

បើតាមលោកស្រ៊ុន ពៅ ក្នុងនាមសមាគមអ្នកចិញ្ចឹមសត្វកម្ពុជា កសិករ ម្ចាស់កសិដ្ឋានតូច និងធំនៅក្នុងប្រទេសគឺមានការកក់ក្តៅនិងមានការត្រេកអរជាខ្លំាងនៅពេលបានលឺប្រសាសន៍របស់ សម្តេចធិបតីហ៊ុន ម៉ាណែត បានគិតគូទៅដល់វិស័យចិញ្ចឹមសត្វនៅកម្ពុជា។

ថ្លែងនៅក្នុងវេទិការាជរដ្ឋាភិបាល ផ្នែកឯកជនលើកទី១៩ កាលពីថ្ងៃទី១៣ ខែវិច្ឆិកា ឆ្នំា២០២៣ សម្តេច ធិបតី ហ៊ុន ម៉ាណែត នាយករដ្ឋមន្ត្រី មានប្រសាសន៍បញ្ជាក់ថា« ដើម្បីលើកកម្ពស់ការប្រកួតប្រជែងដោយស្មើភាព ការពារសុខភាពរបស់ប្រជាពលរដ្ឋរាជរដ្ឋាភិបាលសម្រេចដាក់ចេញនូវវិធានការ៖ ទី១) ក្រសួង ស្ថាប័នពាក់ព័ន្ធត្រូវពង្រឹងឱ្យបានម៉ាត់ចត់នៅការហាមនាំចូលម្ហូប ចំណីអាហារណាដែលខូចគុណភាព ឬគុណភាពទាប ដែលប៉ះពាល់ដល់សុខភាព មិនថាឡើយ សាច់ជ្រូកបង្កក មាន់ ស៊ុត ត្រី ខុសច្បាប់ មកព្រះរាជាណាចក្រកម្ពុជា,ទី២) កំណត់ច្រកទ្វារព្រំដែនដែលអនុញ្ញាតឱ្យវៀតណាម ការនាំចូលសាច់ជ្រូកបង្កក មាន់ ស៊ុត និងត្រីដើម្បីបង្កភាពងាយស្រួលក្នុងការគ្រប់គ្រងនិងត្រួតពិនិត្យការនាំចូលខុសច្បាប់ផ្សេងៗ និងទី៣) ធ្វើវិសោធនកម្មអនុក្រឹត្យលេខ១៧ អនក្រ.បក ស្តីពីការដាក់ឱ្យប្រើប្រាស់ បញ្ជីទំនិញហាមឃាត់ និងទំនិញជាប់កម្រិតកំណត់ ដើម្បីតម្រូវឱ្យមានការស្នើសុំសិលិខិតអនុញ្ញាតពីក្រសួងកសិកម្ម រុក្ខាប្រមាញ់និងនេសាទ ចំពោះការនាំចូលសាច់ជ្រូកបង្កក មាន់ ស៊ុត ត្រី សំដៅធានាពិនិត្យគុណភាពនិងការពារសុខភាពរបស់ប្រជាជន ស្របទៅតាមបទដ្ឋានគតិយុត្តិជាធរមាន ទៅក្រសួងកសិកម្ម រុក្ខាប្រមាញ់និងនេសាទត្រូវប្រើប្រាស់ប្រព័ន្ធបញ្ជរតែមួយ សម្រាប់ស្រួលដល់ការស្នើសុំលិខិតអនុញ្ញាតឱ្យបានលឿន»៕អត្ថបទ៖ សារេត

The post វិស័យចិញ្ចឹមសត្វនៅក្នុងស្រុក ចាប់ផ្តើមទទួលបានសេចក្តីសង្ឃឹមពីរាជរដ្ឋាភិបាលហើយ appeared first on .

បើតាមលោក ស្រ៊ុន ពៅ កិច្ចប្រជុំក្រសួងសេដ្ឋកិច្ច និងហិរញ្ញវត្ថុ មិនបានធ្វើនៅថ្ងៃទី១៨កញ្ញានេះទេ គឺបានលើកទៅប្រជុំនៅថ្ងៃទី២២ខែកញ្ញាវិញហើយ។

លោក ស្រ៊ុន ពៅ បានឱ្យដឹងថាសម្រាប់វេទិការរាជរដ្ឋាភិបាល ផ្នែកឯកជនដែលនឹងធ្វើឡើងនៅខែវិច្ឆិការខាងមុខនេះ ខ្ញុំឬក្រុមប្រឹក្សាភិបាលសមាគមក៏និងចូលរួមដែរ ព្រោះនេះជាវេទិការដ៏សំខាន់មួយសម្រាប់វិស័យចិញ្ចឹមសត្វ ដើម្បីសំណូមពរក៏ដូចជាតវ៉ាក្នុងន័យជួយដល់កសិករ។

លោកស៊្រុន ពៅមានប្រសាសន៍ថា «តាមខ្លួនខ្ញុំផ្ទាល់ដែលជាប្រធានសមាគមអ្នកចិញ្ចឹមសត្វកម្ពុជា មានក្តីរំពឹងនិងសង្ឃឹមថារាជរដ្ឋាភិបាលថ្មី លោកនឹងគិតគូរដល់វិស័យកសិកម្ម ព្រោះពិភពលោកបច្ចុប្បន្នកំពុងមានបញ្ហា។ដូចនេះ ខ្ញុំជឿជាក់ថាក្រសួងពាក់ព័ន្ធ ព្រមទំាងសម្តេចហ៊ុនម៉ាណែត នឹងធ្វើឱ្យវិស័យចិញ្ចឹមសត្វនៅកម្ពុជាទទួលបាននៅសេចក្តីសង្ឃឹមច្រើន នៅក្នុងអាណត្តិថ្មីនេះ»។

ប្រធានសមាគមខាងលើរូបនេះ សង្កត់ធ្ងន់ថា «កសិករដែលជាអ្នកចិញ្ចឹមសត្វនៅក្នុងស្រុកទំាងអស់ ត្រូវការការគំាំទ្រពីរាជរដ្ឋាភិបាល ព្រោះសព្វថ្ងៃនេះពួកគាត់ខ្វះភាពកក់ក្តៅ»។

យោងតាមខ្លឹមសារលិខិតរបស់ក្រសួងសេដ្ឋកិច្ច និងហិរញ្ញវត្ថុ បានឱ្យទៀតថា តបតាមការសម្រេចដ៏ខ្ពង់ខ្ពស់របស់សម្តេចមហាបវរធិបតី នាយករដ្ឋមន្ត្រី នៅក្នុងអំឡុងខែវិច្ឆិកាខាងមុខនេះ រាជរដ្ឋាភិបាលនឹងរៀបចំវេទិការាជរដ្ឋាភិបាល ផ្នែកឯកជនលើកទី១៩ ក្នុងគោលបំណងចូលរួមជំរុញការអភិវឌ្ឍន៍វិស័យឯកជននៅកម្ពុជា តាមរយៈការបង្កើតកិច្ចសន្ទនា និងកិច្ចសហការរវាងរាជរដ្ឋាភិបាល និងផ្នែកឯកជនដោយមានការតាមដានវឌ្ឍនភាពនៃសកម្មភាពអភិវឌ្ឍន៍ធុរកិច្ច និងការវិនិយោគ ព្រមទំាងការស្វែងរកដំណោះស្រាយ សម្រាប់បញ្ហាកង្វល់របស់ធុរជននិងវិនិយោគិន។ក្នុងន័យនេះ ក្រសួងសេដ្ឋកិច្ចនិងហិរញ្ញវត្ថុ បាននិងកំពុងរៀចបំកិច្ចពិភាក្សាពីគ្រោះយោបល់ជាមួយតួរអង្គពាក់ព័ន្ធ ដើម្បីស្វែងយល់ពីបញ្ហាប្រឈម និងសំណូមពរជាក់ស្តែង សំដៅដាក់ចេញនូវដំណោះស្រាយដែលមុតស្រួច និងចំៗ៕

អត្ថបទ៖សារេត

The post លោក ស្រ៊ុន ពៅ៖ កសិករនៅក្នុងវិស័យចិញ្ចឹមសត្វ ខ្វះភាពកក់ក្តៅ និងត្រូវការការគាំទ្រពីរាជរដ្ឋាភិបាល appeared first on .

យោងតាមខ្លឹមសាលិខិតរបស់ក្រសួងសេដ្ឋកិច្ចនិងហិរញ្ញវត្ថុបានកាលថ្មីៗនេះបានជម្រាបជូន លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា, លោក អួន ស៊ីឡុត ប្រធានសមាគមស្វាយចន្ទីកម្ពុជា, លោក ម៉ែន សុភក្តិ ប្រធានសមាគមអភិវឌ្ឍន៍កៅស៊ូកម្ពុជា និងលោក សុខ រ៉ាដែន ប្រធានក្រុមប្រឹក្សាភិបាលសមាគមវារីវប្បករកម្ពុជា ស្នើសុំជួបពិភាក្សាពិគ្រោះយោបល់ ដើម្បីស្វែងយល់ពីបញ្ហាប្រឈម និងសំណូមពរជាក់ស្តែងសម្រាប់ការរៀបចំ វេទិការាជរដ្ឋាភិបាល ផ្នែកឯកជនលើកទី១៩។

លោក អួន ស៊ីឡុត ប្រធានសមាគមស្វាយចន្ទីកម្ពុជាមានប្រសាសន៍ថានេះគឺជាការយកចិត្តទុកដាក់របស់រាជរដ្ឋាភិបាលលើវិស័យឯកជន ព្រោះវេទិកានេះគឺជាវេទិការដ៏មានឥទ្ធិពលមួយ អីចឹងខ្ញុំនឹងបញ្ជូនក្រុមការងារចូលរួម ដោយក្នុងពេលនេះខាងសមាគមកំពុងរៀបចំអំពីបញ្ហាដាក់ជូនក្រសួងសេដ្ឋកិច្ចនិងហិរញ្ញវត្ថុយកទៅដោះស្រាយពីកង្វល់ដែលវិស័យឯកជនកំពុងប្រឈម។

លោកបន្តថា« ខ្ញុំគិតថាវិស័យស្វាយចន្ទី គឺជាវិស័យអាទិភាពសំខាន់មួយក្នុងចំណោមវិស័យអាទិភាពផ្សេងទៀត ដែលអាចឱ្យយើងអាចរកចំណូលចាក់ចូលទៅក្នុងចរន្តសេដ្ឋកិច្ចជាតិ។ដូចនេះ ខ្ញុំគិតថារាជរដ្ឋាភិបាលនឹងគិតគូរបន្ថែម ហើយខ្ញុំសង្ឃឹមយ៉ាងមុតមំាចំពោះឆន្ទៈរបស់រាជរដ្ឋាភិបាលក្នុងការដោះស្រាយបញ្ហាប្រឈមនានាដែលវិស័យឯកជនបាននិងកំពុងតែជួបប្រទះដូចសព្វថ្ងៃនេះ »។

យោងតាមខ្លឹមសារលិខិតរបស់ក្រសួងសេដ្ឋកិច្ចនិងហិរញ្ញវត្ថុ បានឱ្យទៀតថា តបតាមការសម្រេចដ៏ខ្ពង់ខ្ពស់របស់សម្តេចមហាបវរធិបតី នាយករដ្ឋមន្ត្រី នៅក្នុងអំឡុងខែវិច្ឆិកាខាងមុខនេះ រាជរដ្ឋាភិបាលនឹងរៀបចំវេទិការាជរដ្ឋាភិបាល ផ្នែកឯកជនលើកទី១៩ ក្នុងគោលបំណងចូលរួមជំរុញការអភិវឌ្ឍន៍វិស័យឯកជននៅកម្ពុជាតាមរយៈការបង្កើតកិច្ចសន្ទនា និងកិច្ចសហការរវាងរាជរដ្ឋាភិបាល និងផ្នែកឯកជនដោយមានការតាមដានវឌ្ឍនភាពនៃសកម្មភាពអភិវឌ្ឍន៍ធុរកិច្ច និងការវិនិយោគ ព្រមទំាងការស្វែងរកដំណោះស្រាយ សម្រាប់បញ្ហាកង្វល់របស់ធុរជននិងវិនិយោគិន។ក្នុងន័យនេះ ក្រសួងសេដ្ឋកិច្ចនិងហិរញ្ញវត្ថុ បាននិងកំពុងរៀចបំកិច្ចពិភាក្សាពីគ្រោះយោបល់ជាមួយតួរអង្គពាក់ព័ន្ធ ដើម្បីស្វែងយល់ពីបញ្ហាប្រឈម និងសំណូមពរនជាក់ស្តែង សំដៅដាក់ចេញនូវដំណោះស្រាយដេលមុតស្រួចនិងចំៗ៕អត្ថបទ៖សារេត

The post ប្រធានសមាគម៤ នឹងលើកឡើងពីបញ្ហាប្រឈមនិងសំណូមពរជាក់ស្តែងទៅក្រសួងសេដ្ឋកិច្ចនិងហិរញ្ញវត្ថុ appeared first on .

លោក ស្រ៊ុន ពៅ បានឱ្យដឹងថាបញ្ហាការនាំជ្រូកថៃទៅវៀតណាម ដោយឆ្លងកាត់កម្ពុជានៅកន្លងមកនេះបើតាមអ្វីដែលខ្ញុំបានដឹង ខាងវៀតណាមគេបានបិទច្រកនៅតាមព្រំដែនហើយ មិនបានមានការដឹកឆ្លងចូលទៅប្រទេសគេទេ ។ បើគេឱ្យនាំទៅពេលត្រួតពិនិត្យជ្រូកទំាងនោះរកឃើញមានសារធាតុអ្វីមិនល្អ គេនិងដុតកម្ទេចចោល។

បើតាមលោកប្រធានសមាគមខាងលើ ដើម្បីដឹងព័ត៌មានកាន់តែច្បាស់អំពីការនាំជ្រូកពីថៃទៅវៀតណាមបានឬយ៉ាងណាទាល់តែអគ្គនាយកដ្ឋានសុខភាពសត្វនិងផលិតកម្មសត្វ ឬក្រសួងកសិកម្មរុក្ខាប្រមាញ់និងនេសាទទើបដឹង។
ទន្ទឹមនិងការលើកឡើងអំពីបញ្ហាការនាំជ្រូកថៃទៅវៀតណាមបានឬយ៉ាងណា សម្រាប់លោកស្រ៊ុន ពៅ បញ្ជាក់ថា« ខ្ញុំគ្រាន់តែដឹងថាជ្រូកក្នុងស្រុកធ្លាក់ថ្លៃដល់កម្រិត។ជ្រូកចិញ្ចឹមនៅតាមកសិដ្ឋានអាចលក់បានថ្លៃ៨០០០រៀល តែសម្រាប់កសិករអាចលក់បានថ្លៃក្រោម៨០០០រៀលក្នុងមួយគីឡូក្រាម»។

លោក ស្រ៊ុន ពៅ «លើកឡើងថាសព្វថ្ងៃនេះតម្លៃជ្រូកថៃនិងជ្រូករបស់កម្ពុជា ថ្លៃប្រហាក់ប្រហែលគ្នា អីចឹងយើងចំាបាច់អីនិយាយវែងឆ្ងាយ ឃើញថានៅប្រទេសថៃលក់ជ្រូករស់ក្នុងមួយគីឡូក្រាមថ្លៃជាង៧០០០ហើយនៅកម្ពុជាថ្លៃ៧០០០ទៅ៨០០០រៀលដែរ។ដូចនេះបើចង់ឱ្យជ្រូករបស់កម្ពុជាឡើងថ្លៃ លុះត្រាតែជ្រូកថៃឡើងថ្លៃដែរ នឹងទើបយើងមានសង្ឃឹម បើជ្រូកថៃចុះថ្លៃរបៀបនេះ ជ្រូកចិញ្ចឹមនៅកម្ពុជាយើងមិនអាចឡើងថ្លៃបាន មានតែចុះថ្លៃដូចគេដែរ តាមការមើលឃើញជាក់ស្តែងគឺអីចឹង»៕

អត្ថបទ៖សារេត

The post លោក ស្រ៊ុន ពៅ៖ ជ្រូកនៅក្នុងស្រុកធ្លាក់ថ្លៃដល់កម្រិតហើយ! appeared first on .