ពិធីនេះ រៀបចំឡើងក្រោមអធិបតី លោកបណ្ឌិត ម៉ុង ឫទ្ធី ប្រធានគណៈកម្មការទី៣ ទទួលបន្ទុកផែនការ វិនិយោគកសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា និងវត្តមានចូលរួមពីថ្នាក់នាំក្រសួងពាក់ព័ន្ធ, លោក ស៊្រុន ពៅ ប្រធានសមាគមអ្នកចិញ្ចឹមសត្វកម្ពុជា, លោក លី ឡាវីល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា, សមាជិក សមាជិកា សមាគម និងភ្ញៀវកិត្តិយសជាតិ និងអន្តរជាតិជាច្រើនរូបផ្សេងទៀត។

ជាកិច្ចចាប់ផ្ដើម លោក ស៊្រុន ពៅ បានលើកឡើងពីគោលបំណងនៃការរៀបចំកិច្ចប្រជុំដ៏ធំនេះឡើង សកម្មភាពមួយចំនួនក្នុងកិច្ចប្រជុំ និងបានបង្ហាញពីលទ្ធផលការងារមួយចំនួនទៅកាន់អង្គពិធី។ លោក បានបញ្ជាក់ថា វិស័យចិញ្ចឹមសត្វនៅកម្ពុជាកំពុងមានសន្ទុះជាខ្លាំង ដោយផលិតកម្មជ្រូករស់ ធានាការផ្គត់ផ្គង់គ្រប់គ្រាន់ ទៀងទាត់ និងបាននាំចេញទៅប្រទេសជិតខាងផងដែរ។

ដោយឡែក ផលិតកម្មបក្សី និងស៊ុត អាចធានាការផ្គត់ផ្គង់បានគ្រប់តម្រូវការ ខណៈដែលផលិតកម្ម សត្វគោ ក្របី ពពែរ ចៀម កំពុងមានសន្ទុះកើនឡើងគួរឱ្យកត់សម្គាល់ពីមួយឆ្នាំទៅមួយឆ្នាំ។ លោក បានសង្កត់ធ្ងន់ថា៖ «លទ្ធផលទាំងនេះសរបញ្ជាក់ឱ្យឃើញថា វិស័យចិញ្ចឹមសត្វ ពិតជាបានចូលរួមធានាសន្តិសុខស្បៀង ចូលរួមចំណែកលើកកម្ពស់សេដ្ឋកិច្ចជាតិ និងការអភិវឌ្ឍប្រកបដោយចីរភាពនៅកម្ពុជា»។

ជាមួយគ្នានេះដែរ លោកបណ្ឌិត ម៉ុង ឫទ្ធី បានថ្លែងកោតសរសើរ និងវាយតម្លៃខ្ពស់ ចំពោះសមាគមអ្នកចិញ្ចឹមសត្វកម្ពុជា(CLRA) ដែលច្រើនឆ្នាំមកបានចូលរួមយ៉ាងសកម្មក្នុងការរួមចំណែកអភិវឌ្ឍវិស័យនេះ តាមរយៈការចែករំលែកចំណេះ ដឹង បច្ចេកវិទ្យា និងការសហការជាមួយដៃគូជាតិ និងអន្តរជាតិ។

ក្នុងបរិបទពិភពលោកបច្ចុប្បន្នដែលកំពុងប្រឈមមុខនឹងបញ្ហាសង្គ្រាម ការប្រែប្រួលអាកាសធាតុ ការរំខានខ្សែសង្វាក់ផ្គត់ផ្គង់ និងការកើនឡើងតម្រូវការអាហារវិស័យបសុសត្វមានតួនាទីសំខាន់យ៉ាងខ្លាំង ក្នុងការធានាសន្តិសុខស្បៀង ការបង្កើនចំណូលប្រជាពលរដ្ឋ និងការអភិវឌ្ឍសេដ្ឋកិច្ចជាតិ។

លោកបណ្ឌិត បានថ្លែងថា រាជរដ្ឋាភិបាលកម្ពុជាតែងតែយកចិត្តទុកដាក់លើវិស័យកសិកម្ម ជាពិសេសវិស័យបសុសត្វ ដោយបានដាក់ចេញនូវគោលនយោបាយ និងវិធានការជាច្រើនដើម្បីលើកកម្ពស់ផលិតកម្មក្នុងស្រុកកាត់បន្ថយការនាំចូល និងបង្កើនសមត្ថភាពប្រកួតប្រជែងលើទីផ្សារអន្តរជាតិ។

លោក បានគូសបញ្ជាក់ថា «វិស័យបសុសត្វមិនមែនត្រឹមតែជាអាជីវកម្មទេ ប៉ុន្តែជា «សសរស្តម្ភសន្តិសុខស្បៀងជាតិ» និងជាអ្នកបង្កើតការងារសម្រាប់ប្រជាពលរដ្ឋរាប់លាននាក់។ ទោះបីបញ្ហាប្រឈមមួយចំនួននៅតែមាន ក៏ប៉ុន្តែនៅពេលដែលភាគីទាំងអស់សហការជាមួយគ្នា បញ្ហានឹងត្រូវបានដោះស្រាយ»។

សូមជម្រាបថា វិស័យចិញ្ចឹមសត្វ គឺជាវិស័យស្នូលមួយសម្រាប់ការអភិវឌ្ឍសេដ្ឋកិច្ច និងសន្តិសុខអាហាររបស់ប្រទេស វាមានតួនាទីសំខាន់ក្នុងការផ្គត់ផ្គង់អាហារ បង្កើតការងារ កាត់បន្ថយភាពក្រីក្រ និងជំរុញកំណើនសេដ្ឋកិច្ចជាតិ ដែលយើងទាំងអស់គ្នាមិនអាចបោះបង់ចោលបាន។

ទិសដៅរបស់រាជរដ្ឋាភិបាល តែងតែផ្តល់អាទិភាពខ្ពស់ដល់ការអភិវឌ្ឍវិស័យ កសិកម្ម និងចិញ្ចឹមសត្វជាពិសេស ការពង្រឹងសុខភាពសត្វ និងការគ្រប់គ្រងជំងឺ ការកែលម្អគុណភាពផលិតកម្ម ការលើកកម្ពស់ស្តង់ដារ និងសុវត្ថិភាពអាហារ ការគាំទ្រកសិករ និងអ្នកវិនិយោគទាំងអស់។

លោកបណ្ឌិត ជឿជាក់យ៉ាងមុតមាំថាកិច្ចប្រជុំកំពូលថ្ងៃនេះ នឹងក្លាយជាវេទិកាសំខាន់សម្រាប់ការពិភាក្សា ការចែករំលែកបទពិសោធន៍ និងការកំណត់ទិសដៅអនាគតសម្រាប់វិស័យបសុសត្វនៅកម្ពុជា៕

The post សមាគមអ្នកចិញ្ចឹមសត្វកម្ពុជា បានបើកកិច្ចប្រជុំធ្វើបច្ចុប្បន្នភាពការងារចិញ្ចឹមសត្វ បញ្ហាប្រឈម និងការពង្រឹងផលិតកម្មចិញ្ចឹមសត្វក្នុងប្រទេសមាននិរន្តរភាព appeared first on .

បើតាមប្រធានក្រុមប្រឹក្សាភិបាលនៃសមាគមអ្នកចិញ្ចឹមសត្វកម្ពុជា បានឱ្យដឹងថា នៅក្នុងរដូវកាលបុណ្យចូលឆ្នាំចិន វៀតណាមឆ្នាំនេះ ជាពេលវេលាមួយដែលអ្នកចិញ្ចឹមជ្រូកមានការសប្បាយចិត្ត ដោយសារតម្រូវការជ្រូករស់កើនឡើងខ្ពស់ធ្វើឱ្យតម្លៃអាចលក់បានថ្លៃជាងពេលធម្មតា។

លោក លី ឡាវីល បានគូសបញ្ជាក់ថា “ក្នុងរដូវបុណ្យចូលឆ្នាំចិននេះ តម្រូវការជ្រូករស់កើនឡើងច្រើនគួរសម ទាំងការកំម្ម៉ង់ជ្រូកជ្រូកខ្វៃ ជ្រូកធំ បានធ្វើឱ្យតម្លៃជ្រូករស់កើនឡើង។ តួយ៉ាងនៅដើមឆ្នាំ២០២៦មកនេះតម្លៃជ្រូករស់របស់កសិករចាប់ផ្តើមហក់ឡើងជាសន្សឹមៗ បើប្រៀបធៀបនិងពេលដូចគ្នាឆ្នាំ២០២៥”។

លោកលើកឡើងថា កសិករចិញ្ចឹមជ្រូក មិនសម្រាប់តែផ្គត់ផ្គង់នៅក្នុងរដូវកាលបុណ្យចូលឆ្នាំចិនវៀតណាមទេ គឺដើម្បីឆ្លើយតបតម្រូវការនៅទូទាំងប្រទេស ក្នុងមួយថ្ងៃមានប្រមាណ១ម៉ឺនក្បាល។ ប៉ុន្តែចូលមកដល់ជិតបុណ្យចូលឆ្នាំចិននេះតម្រូវការជ្រូករស់អាចកើនដល់១ម៉ឺន២ពាន់ក្បាល។ ផ្អែកលើតម្រូវការកើនឡើង បានធ្វើឱ្យតម្លៃជ្រូករស់ឡើងថ្លៃដល់ជាង១ម៉ឺនរៀលក្នុងមួយគីឡូក្រាម តែក្រោយពីបុណ្យចូលឆ្នាំចិនបានបញ្ចប់ តម្លៃជ្រូកវានឹងធ្លាក់មកវិញចន្លោះពី៩ពាន់រៀលទៅ១ម៉ឺនរៀល។

បើយោងតាមប្រធានក្រុមប្រឹក្សាភិបាលសមាគមខាងលើ បានសង្កត់ធ្ងន់ថា ក្នុងនាមជាក្រុមប្រឹក្សានៃសមាគមអ្នកចិញ្ចឹមសត្វគឺលោកចង់ឱ្យវិស័យចិញ្ចឹមសត្វមានការរីកចម្រើន ហើយចង់ឃើញប្រជាពលរដ្ឋរស់នៅក្នុងប្រទេស គាំទ្រនិងប្រើប្រាស់ផលិតផលសាច់ជ្រូកដែលបានដាក់លក់នៅលើទីផ្សារ៕

The post អ្នកជំនាញ ៖តម្លៃនិងតម្រូវការជ្រូករស់កើនក្នុងរដូវបុណ្យចូលឆ្នាំចិន-វៀតណាម appeared first on .

បើតាមសមាគមអ្នកចិញ្ចឹមសត្វកម្ពុជា,យើងខ្ញុំទាំងអស់គ្នា ជាក្រុមប្រឹក្សាភិបាល ជាថ្នាក់ដឹកនាំ និងជាសមាជិកសមាជិកានៃ សមាគមអ្នកចិញ្ចឹម សត្វកម្ពុជា មានសេចក្តីត្រេកអរជាខ្លាំង និងសូមសម្តែងនូវការគាំទ្រទាំងស្រុងដែល រដ្ឋមន្ត្រីក្រសួង កសិកម្ម រុក្ខាប្រមាញ់ និងនេសាទ បានដាក់ចេញនូវវិធានបង្ការ “ដោយអនុវត្តការហាមឃាត់ជាបណ្តោះអាសន្ន លើការនាំចូលសត្វពាហនៈ និងផលិតផលសាច់សត្វពីច្រកព្រំដែនទាំងអស់នៃប្រទេសថៃ ចាប់ពីថ្ងៃទី៦ ខែឧសភា ឆ្នាំ ២០២៥ នេះតទៅ ដើម្បីបង្ការជម្ងឺឈាមខ្មៅ ឬជម្ងឺអង់ត្រាក់លើសត្វពាហនៈ (គោ-ក្របី) ដែលកំពុងកើតមាននៅក្នុង តំបន់មួយចំនួននៃប្រទេសថៃ។

សមាគមអ្នកចិញ្ចឹមសត្វកម្ពុជាបានចាត់ទុកថា “ការហាមឃាត់ជាបណ្តោះអាសន្នលើការនាំចូលសត្វពាហនៈ និងផលិតផលសាច់សត្វពីច្រកព្រំដែនទាំងអស់នៃ ប្រទេសថៃ ជាវិធានការណ៍ដ៏មានប្រសិទ្ធភាពបំផុត ដើម្បីការពារវិស័យចិញ្ចឹមសត្វនៅកម្ពុជាឱ្យចៀសផុតពីហានិភ័យ ការឆ្លងរាលដាលនៃជម្ងឺ និងក៏ធានាបាននូវសុខភាពពលរដ្ឋ សុខសុវត្ថិភាព និងសុខុមាលភាពសង្គមនៅក្នុងព្រះរាជា ណាចក្រកម្ពុជាផងដែរ”។

យោងតាមសេចក្តីប្រកាសព័ត៌មានរបស់ក្រសួងកសិកម្ម ស្តីពីករណីកើតមានជំងឺឈាមខ្មៅ ឬជំងឺអង់ត្រាក់ លើសត្វពាហនៈ នៅក្នុងប្រទេសថៃបានឱ្យដឹងថា ក្រសួងកំពុងតាមដានយ៉ាងយកចិត្តទុកដាក់ចំពោះករណីកើតមានជំងឺឈាមខ្មៅ ឬជំងឺរអង់ត្រាក់លើសត្វពាហនៈ (គោ-ក្របី) ដែលកំពុងកើតមាននៅក្នុងតំបន់មួយចំនួននៃប្រទេសថៃ។

សេចក្តីប្រកាសព័ត៌មានខាងលើបានគូសបញ្ជាក់ថា “បច្ចុប្បន្ន ពុំមានករណីជំងឺនេះនៅក្នុងប្រទេសកម្ពុជានោះទេ ប៉ុន្តែយ៉ាងណាក្តីជាវិធានការបង្ការ ក្រសួងបានដាក់ឱ្យរអនុវត្តការហាមឃាត់ជាបណ្តោះរវាសន្នលើការនាំចូលសត្វពាហនៈ និងផលិតផលសាច់សត្វ ពីច្រកព្រំដែនទាំងអស់នៃប្រទេសថៃ ព្រមទាំងបានសហការយ៉ាងជិតស្និទ្ធជាមួយស្ថាប័នពាក់ព័ន្ធនៅតាម បណ្តាច្រកព្រំដែនទាំងនេះ ដើម្បីពង្រឹងការត្រួតពិនិត្យ និងធានាការអនុវត្តវិធានការប្រកបដោយប្រសិទ្ធភាពខ្ពស់”។

អគ្គនាយកដ្ឋានសុខភាពសត្វ និងផលិតកម្មសត្វក៏បានរៀបចំបណ្តាញប្រព័ន្ធប្រតិកម្មរហ័សមួយនៅគ្រប់ រាជធានី-ខេត្តទាំង២៥ ក្នុងគោលដៅតាមដានសុខភាពសត្វពាហនៈ និងធ្វើការអន្តរាគមន៍ក្នុងករណីសង្ស័យ។ ក្រសួងនឹងបន្តធ្វើបច្ចុប្បន្នភាពជាបន្តបន្ទាប់ និងផ្តល់ព័ត៌មានថ្មីៗពីការវិវត្តនៃជំងឺនេះក្នុងករណីចាំបាច់៕ SL

The post វិធានការហាមឃាត់ លើការនាំចូលសត្វពាហនៈនិងផលិតផលសាច់សត្វពីថៃអាចការពារវិស័យចិញ្ចឹមសត្វកម្ពុជាឱ្យចៀសផុតពីជំងឺអង់ត្រាក់ appeared first on .

ក្នុងឱកាសនោះ លោក ឌិត ទីណា បានឱ្យដឹងថា សព្វថ្ងៃនេះវិស័យកសិកម្មកំពុងមានការរីកចម្រើនគួរឱ្យកត់សម្គាល់ ប៉ុន្តែយ៉ាងណាក្តីក៏វិស័យនេះមានកំណើនតិចជាងគេ១%បើធៀបនឹងវិស័យផ្សេងៗ ព្រោះកាលពីទីផ្សារមិនទាន់ពេញតម្រូវការនៅច្រើន យើងពង្រីកការចិញ្ចឹមសត្វពីមួយទ្រុងទៅមួយទ្រុង ប្រជាកសិករលក់ដាច់មានលុយចូល ប៉ុន្តែនៅពេលតម្រូវការគ្រប់គ្រាន់នឹងលែងមានតម្រូវការច្រើន។ដូច្នេះ មិនអាចបង្កើតតម្រូវការដូចវិស័យឧស្សាហកម្ម និងវិស័យផ្សេងៗបានទេ។

លោកបន្តថា ក្នុងន័យនេះហើយក្នុងនាមអ្នកចិញ្ចឹមសត្វត្រូវគិតគូរួមគ្នា អ្នកចិញ្ចឹម អ្នកទិញលក់អ្នកកាប់ អ្នកលក់ចំណី ត្រូវចូលរួមតភ្ជាប់ខ្សែចង្វាក់តម្លៃ។ មានន័យថាឈ្មួញកណ្តាលធ្វើការជាមួយនឹងអ្នកទិញ ឈ្មួញកណ្តាលធ្វើការជាមួយកុងស៊ី អ្នកកុងស៊ីធ្វើការជាមួយអ្នកចិញ្ចឹម ហើយអ្នកកុងស៊ីក៏ធ្វើការជាមួយអ្នកលក់បន្ត។

បើតាមលោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា បានឱ្យដឹងផងដែរថាវិស័យចិញ្ចឹមសត្វនាពេលបច្ចុប្បន្នឃើញថាមានការរីកចម្រើនខ្លាំងហួសពីការស្មាន ដោយសារយើងចិញ្ចឹមបានច្រើន ប៉ុន្តែទីផ្សាររៀងចង្អៀត។

លោកបន្តថា បច្ចុប្បន្ននេះរាជរដ្ឋាភិបាល ក៏ដូចជាក្រសួងស្ថានប័នពាក់ព័ន្ធបានយកចិត្តទុកលើវិស័យចិញ្ចឹមសត្វខ្លាំង ដោយក្នុងឆ្នាំ២០២៤នេះបានសម្រេចផ្អាកការនាំចូលកម្ទេចកម្ទីសាច់បង្កកដែលខុសច្បាប់ មិនត្រឹមត្រូវរយៈពេល៦ខែ គិតចាប់ពីថ្ងៃទី១២មីនា។ជាពិសេសរាជរដ្ឋាភិបាល បានចាត់ទុកវិស័យចិញ្ចឹមសត្វ ជាវិស័យមួយដ៏ថ្លៃថ្លា ក៏ដូចជាសរសៃឈាមនៃប្រទេសជាតិផងដែរ។

លើសពីនេះ លោកក៏បានលើកទឹកចិត្តដល់អ្នកចិញ្ចឹមសត្វត្រូវរួបរួមគ្នាមិនថាអ្នកចិញ្ចឹម មិនថាអ្នកកាប់ឬមិនថាអ្នកនាំចូលទេ ត្រូវតែសហការគ្នា កាន់ដៃគ្នាទៅមុខ ទើបរីកចម្រើន រកប្រាក់ចំណេញអ្នកអស់គ្នាឃើញ៕

The post រដ្ឋមន្រ្តីកសិកម្មជំរុញដល់អ្នកចិញ្ចឹមសត្វចូលរួមសហការ ដោះស្រាយបញ្ហារួមគ្នា ដើម្បីតភ្ជាប់ខ្សែចង្វាក់តម្លៃ appeared first on .

យោងតាមសេចក្តីថ្លែងការណ៍ពីសមាគមអ្នកចិញ្ចឹមសត្វកម្ពុជា កាលពីថ្ងៃទី៦ ខែធ្នូ ឆ្នាំ២០២៣ បានលើកឡើងថា អាជ្ញាធរជំនាញពេលថ្មីនេះ បានចុះត្រួតពិនិត្យទីតាំងស្តុកសាច់សត្វបង្កកមួយកន្លែងនៅភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ដោយបានរកសាច់បង្កកពុំមានឯកសារបញ្ជាក់ច្បាស់លាស់ចំនួនជិត៤០០តោន ដែលរួមមានចុងសា្លបមាន់ គូទមាន់ សាច់មាន់កិន កោះមាន់ ជើងមាន់ សាច់ជ្រូក( មកពីប្រទេសស៊ីល  អ៊ីតាលី អាឡឺម៉ង់) ត្រចៀកជ្រូក សាច់ក្របី កន្សោមដោះក្របី ស្បូនជ្រូកនិងស្បែកជ្រូក។

 អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែងនិងបង្ក្រាបការក្លែបន្លំ ហៅកាត់ថា(ក.ប.ប) នៃក្រសួងពាណិជ្ជកម្ម កន្លងមកក៏បានចុះត្រួតពិនិត្យតាមឃ្លាំជាប្រចាំ និងបានរកឃើញមានសាច់បង្កកជាច្រើនប្រភេទមានគុណភាពទាប និងមិនមានលក្ខណៈស្របច្បាប់ជាច្រើនតោន ដែលបាននាំចូលមកលក់នៅក្នុងប្រទេសកម្ពុជា។

ផ្អែកលើលទ្ធផលនៃកិច្ចខិតខំប្រឹងបែងរបស់មន្ត្រីជំនាញខាងលើ,សមាគមអ្នកចិញ្ចឹមសត្វកម្ពុជា មានសេចក្តីត្រេកអរជាពន់ពេក និងសូមថ្លែងអំណរគុណដ៏ជ្រាលជ្រៅ ហើយសូមប្រកាសគាំទ្រយ៉ាងពេញទំហឹងចំពោះចំណាត់ការដ៏មានសារសំខាន់ទាំងនោះ ពីព្រោះផលិតផលបង្កកភាគច្រើននៅប្រទេសដើមគេទុកសម្រាប់ផលិតចំណីសត្វតែប៉ុណ្ណោះ ហើយការនាំចូលមកលក់នៅក្នុងប្រទេសកម្ពុជា ដោយគ្មានឯកសារបញ្ជាក់ច្បាស់លាស់និងស្របតាមបទបញ្ញតិច្បាប់គឺពិតជាប្រឈមនឹងហានិភ័យខ្ពស់ដល់សុខភាពប្រជាពលរដ្ឋទូទៅ ការឆ្លងរាលដាលជំងឺសត្វ ជាពិសេសផលិតផលបង្កកទាំងនោះនឹងត្រូវដាក់លក់ក្នុងតម្លៃយ៉ាងថោកលើទីផ្សារដែលនិងបំផ្លាញទីផ្សារនិងផ្តួលទីផ្សារសាច់សត្វរស់នៅក្នុងស្រុកយ៉ាងធ្ងន់ធ្ងរទៀតផង។

តែទន្ទឹមនិងនេះ សមាគមអ្នកចិញ្ចឹមសត្វកម្ពុជា ក៏បានអំពាវនាវយ៉ាងទទួចដល់អាជីករនាំចូលសាច់បង្កកទាំងអស់ សូមគិតដល់សុខភាពសាធារណៈជាចម្បង និងសូមគិតដល់មោទនភាពជាតិដោយចូលរួមលើកកម្ពស់ ឬមិនបង្កបញ្ហាដល់វិស័យចិញ្ចឹមសត្វក្នុងស្រុក និងមានសំណូមពរដល់បងប្អូនជនរួមជាតិ មេត្តាពិចារណាឱ្យបានដឹតដល់មុននឹងសម្រេចចិត្តទិញសាច់បង្កកដែលអត់មានប្រភពមកបរិភោគក្នុងគ្រួសារ ឬនាំសមាជិកក្រុមគ្រួសារមិត្តភក្តិទៅបរិភោគនៅកន្លែងលក់នានាដែលមានតម្លៃថោក តាមរយៈការប្រើប្រាស់សាច់បង្កកមានភាគុណភាពទាបទំាងនោះ។

បើតាមសេចក្តីថ្លែងការណ៍របស់សមាគមអ្នកចិញ្ចឹមសត្វកម្ពុជា បានថ្លែងអំណរគុណដល់រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ និងរដ្ឋមន្ត្រីក្រសួងពាណិជ្ជកម្ម ដែលកំពុងដឹកនាំប្រកបដោយតម្លាភាពនិងមោទនភាពជាតិខ្ពស់ ណែនាំដល់មន្ត្រីជំនាញក្នុងក្រសួងឱ្យចូលរួមជំរុញ គាំពារ និងអភិវឌ្ឍន៍វិស័យកសិកម្ម និងទីផ្សារផលិតផលកសិកម្មក្នុងស្រុក ឱ្យមានភាពរឹងមាំ ស្ថិរភាព និងវឌ្ឍនភាព ក្នុងបរិបទទីផ្សារប្រកួតប្រជែង។ លើសពីនេះបានសម្តែងនូវការកោតសរសើរ ថ្លែងអំណរគុណ និងការដឹងគុណដ៏ជ្រាលជ្រៅបំផុតជូនដល់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលកំពុងដឹកនាំរាជរដ្ឋាភិបាលប្រកបដោយគិតិបណ្ឌិត ឈ្លាសវៃនិងមោទនភាពជាតិខ្ពស់ ជាពិសេសផ្តល់នូវអនុសាសន៍ដ៏មានតម្លៃនៅក្នុងវេទិការាជរដ្ឋាភិបាល ផ្នែកឯកជន ដែលមិនអនុញ្ញាតិឱ្យមាននាំចូលផលិតផលសាច់ដែលមានគុណភាពទាបមកក្នុងព្រះរាជាណាចក្រកម្ពុជា៕ តាកែវ

The post សមាគមអ្នកចិញ្ចឹមសត្វកម្ពុជាពេញចិត្តជាខ្លាំងចំពោះការរកឃើញសាច់បង្កកមានគុណភាពទាបយកមកដាក់លក់ក្នុងស្រុក appeared first on .

លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជា បានឱ្យដឹងថា ការដឹកជញ្ជូនជ្រូករស់នៅក្នុងស្រុក ឃើញមាននៅតំបន់ខ្លះកន្លងមកនេះ ដើម្បីចែកចាយនៅតាមតំបន់នៅបន្ទាប់ពីកសិកមួយចំនួនធំបានបោះបង់ការចិញ្ចឹមជ្រូក។

លោក ស្រ៊ុន ពៅ មានប្រសាសន៍ថា «ក្នុងរដូវបុណ្យភ្ជុំបិណ្ឌនៅឆ្នំានេះ តាមខ្ញុំសង្កេតមើលឃើញ ថាការលក់ដូរសាច់ជ្រូកនៅលើទីផ្សារវាមានការកើនឡើង ហើយតម្លៃវាក៏មានការកើនឡើងជិតដល់៩០០០រៀលក្នុងមួយគីឡូក្រាម ពោលវា ល្អជាងពេលមុនបន្តិច។ដូចនេះក្នុងរដូវបុណ្យភ្ជុំបិណ្ឌឆ្នំានេះតម្រូវការជ្រូកមានការកើនឡើងទំាងបរិមាណនិងតម្លៃនៅលើទីផ្សារ»។

បើតាមប្រធានសមាគមអ្នកចិញ្ចឹមសត្វ លោកស្រ៊ុន ពៅ ថាខណៈពេលតម្លៃជ្រូកកសិករអាចលក់បានថ្លៃ៩០០០រៀលក្នុងមួយគីឡូក្រាមក្នុងពេលសព្វថ្ងៃនេះសម្រាប់ប្រជាពលរដ្ឋដែលប្រើប្រាស់សាច់ជ្រូក ទទួលយកបាន។ប៉ុន្តែសម្រាប់អ្នកចិញ្ចឹមជ្រូកនៅមិនទាន់អាចទទួលយកបាននៅឡើយនោះទេ ព្រោះកសិករនៅជួបបញ្ហាប្រឈមជាមួយតម្លៃចំណីសត្វនៅលើទីផ្សារ ។

លោក ស្រ៊ុន ពៅ បានវាយតម្លៃថា « ក្នុងរដូវបុណ្យភ្ជុំបិណ្ឌឆ្នំាំ២០២៣នេះ តម្រូវការជ្រូកនៅទូទំាងប្រទេសក្នុងមួយថ្ងៃមានប្រមាណ៩៥០០ក្បាល ចាប់ពីថ្ងៃកាន់បិណ្ឌទី១រហូតដល់ថ្ងៃកាន់បិណ្ឌទី១៤នៃរដូវបុណ្យភ្ជុំបិណ្ឌ»៕អត្ថបទ៖សារេត

The post តម្លៃ និងតម្រូវការជ្រូកនៅលើទីផ្សារងើបឡើងវិញ ក្នុងរដូវបុណ្យភ្ជុំបិណ្ឌឆ្នាំនេះ appeared first on .

យោងតាមប្រធានសមាគមអ្នកចិញ្ចឹមសត្វកម្ពុជាបានឱ្យ ឧកញ៉ាញូស៍ ដឹងថា ផ្អែកទៅលើការរីកចម្រើននៃវិស័យចិញ្ចឹមសត្វនាពេលបច្ចុប្បន្ន ការផ្គត់ផ្គង់សាច់នៅលើទីផ្សារ ពិសេសនៅក្នុងព្រឹត្តិការណ៍ស៊ីហ្គេមដែលកម្ពុជាធ្វើជាម្ចាស់ផ្ទះរៀបចំ សមាគមអ្នកចិញ្ចឹមសត្វកម្ពុជាមានលទ្ធភាពគ្រប់គ្រាន់ក្នុងការផ្គត់ផ្គង់សាច់ជ្រូកក៏ដូចជា សាច់ផ្សេងទៀត។

លោក ស្រ៊ុន ពៅ មានប្រសាសន៍«ថាក្នុងកំឡុងពេលកម្ពុជាប្រាព្ធព្រឹត្តិការណ៍ស៊ីហ្គេមនៅឆ្នំា២០២៣នេះ សមាគមអ្នកចិញ្ចឹមសត្វកម្ពុជាមានក្តីសង្ឃឹមថាតម្រូវការសាច់ជ្រូកវានិងកើនឡើងហើយមានភាពងាយស្រួលនៅក្នុងការលក់នៅលើទីផ្សារថែមទៀតផង»។

តាមប្រធានសមាគម តម្លៃជ្រូករស់មកដល់ពេលនេះតម្លៃបានហក់ឡើងបន្តិចទៀតហើយ ពោលតម្លៃជ្រូករស់បានឡើងថ្លៃពីជាង៨០០០រៀលទៅជាង៩០០០រៀលក្នុងមួយគីឡូក្រាមក្នុងពេលសព្វថ្ងៃ ហើយទៅថ្ងៃខាងមុខខាងសមាគមអ្នកចិញ្ចឹមសត្វ ក្រុមហ៊ុននិងកសិករដែលជាអ្នកចិញ្ចឹមជ្រូកនៅតែមានសេចក្តីសង្ឃឹមថានៅថ្ងៃណាមួយអ្នកចិញ្ចឹមនឹងអាចរកផលចំណេញឡើងវិញ។

លោក លី ឡាវិល ក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជាធ្លាប់លើកឡើងថា បច្ចុប្បន្នតម្លៃជ្រូករស់នៅលើទីផ្សារបានងើបឡើងវិញបន្តិច ក្រោយពីជួបវិបត្តិរយៈពេល៨ខែមកនេះ វាមានពីរកត្តា៖ ១)-រាជរដ្ឋាភិបាលសហការជាមួយក្រសួងកសិកម្មរុក្ខាប្រមាញ់និងនេសាទ ក្រសួងពាណិជ្ជកម្ម និងក្រសួងសេដ្ឋកិច្ចនិងហិរញ្ញវត្ថុ បានគ្រប់គ្រងសាច់បង្កកមិនឱ្យមានបរិមាណលើសលុបពេកនៅលើទីផ្សារ អ៊ីចឹងធ្វើឱ្យកសិករអាចលក់ជ្រូកខ្លួនឯងបានថ្លៃខ្លះ និង២)-ក្នុងរយៈពេល៨ខែ ដែលជ្រូកធ្លាក់ថ្លៃនេះ ធ្វើឱ្យប្រជាជនខ្នាតតូចមួយចំនួនធំបានបោះបង់ការចិញ្ចឹម និងកសិដ្ឋានមួយបានក្ស័យធន់ អ៊ីចឹងធ្វើឱ្យការផ្គត់ផ្គង់សាច់មានការថយចុះបន្តិច ទើបធ្វើឱ្យតម្លៃជ្រូករស់បានហក់ឡើងវិញពីតម្លៃ៧៥០០រៀលដល់ជិត៩០០០រៀលក្នុងមួយគីឡូក្រាម។

លោក លី ឡាវិល មានប្រសាសន៍ថា«យើងរំពឹងថាបើរាជរដ្ឋាភិបាលមានការគ្រប់គ្រងសាច់បង្កកបានល្អប្រសើរនៅក្នុងរយៈពេលមួយខែពីរខែទៅមុខថែមទៀត យើងសង្ឃឹមថាអ្នកចិញ្ចឹមសត្វអាចរួចខ្លួន តម្លៃនិងឡើងមកដល់ថ្លៃដើមផលិតរបស់យើងវិញ។ដូចនេះបើសាច់បង្កកដែលនំាចូលមកប្រទេសថៃត្រូវកេបោះចោល បែរជាហូរមកម្តងទៀតនោះវានិងធ្វើឱ្យវិស័យចិញ្ចឹមសត្វកម្ពុជាជួបបញ្ហាធ្ងន់ធ្ងរឡើងវិញ»៕

អត្ថបទ៖សារេត

The post សមាគមអ្នកចិញ្ចឹមសត្វកម្ពុជា មានក្តីរំពឹងថាតម្រូវការសាច់ជ្រូកកើនឡើង និងងាយស្រួលលក់នៅលើទីផ្សារ appeared first on .

យោងតាមប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា បានឱ្យដឹងថា ចំពោះសាច់បង្កកជាទូទៅកម្ពុជាមាននាំចូលស្រាប់ហើយ តែនៅពេលនាំចូលទៅប្រទេសថៃមិនរួច គេរំពឹងថាប្រទេសដែលមានការខ្វះខាត សេដ្ឋកិច្ចទន់ខ្សោយមួយចំនួនធំនឹងទទួលរងផលប៉ះពាល់ដូចជាវៀតណាមនិងកម្ពុជា។

លោក លី ឡាវីល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា មានប្រសាសន៍ថា «ប្រទេសថៃគេមានវិធានការហើយគឺមិនអាចនាំចូលស្រុកថៃបានទេ ដូចនេះសាច់បង្កកទំាងនោះវានិងរកកន្លែងដែលត្រូវទៅ បើគេមិនចាក់ឱ្យត្រីឆា្លមស៊ីទេ ប្រាកដជារកប្រទេសដែលត្រូវបញ្ជូនទៅ បន្ទាប់មានតែកម្ពុជានិងវៀតណាម។យើងមិនគិតថាវាមកស្រុកខ្មែរទំាងអស់នោះទេ តែយើងមានការព្រួយបារម្ភ ហើយយើងរំពឹងថារាជរដ្ឋាភិបាលនិងមានចំណាប់អារម្មណ៍លើរឿងនេះនិងមានវិធានការដើម្បីទប់ស្កាត់ ពីព្រោះនៅប្រទេសថៃគេរកឃើញថាសាច់ដែលខូចគុណភាពនិងប៉ះពាល់សុខភាពមានជាង១៤០កុងតឺន័រទៅហើយ»។

បើតាមលោក លី ឡាវីល នៅក្នុងបរិមាណសាច់បង្កក៤លានគីឡូក្រាមដែលថៃរកឃើញនេះ គេយកមកសម្រាប់ផ្គត់ផ្គង់នៅក្នុងប្រទេសថៃក្នុងរយៈពេល២ខែ តែបើសម្រាប់កម្ពុជាអាចហូបជិតមួយឆ្នំាទើបអស់។
លោក សង្កត់ធ្ងន់ថា«ដើម្បីចូលរួមទប់ស្កាត់ សមាគមអ្នកចិញ្ចឹមសត្វកម្ពុជាយើងគ្រោងធ្វើសន្និសីទកាសែតមួយ ព្រោះយើងមិនដឹងថាមានវិធីណាឱ្យព័ត៌មាននេះលឺដល់សម្តេចតេជោហ៊ុនសែននោះទេ ជួយធ្វើការអន្តរាគមន៍ ព្រោះការងារនេះមានតែសម្តេចទេដែលអាចជួយការងារនេះបាន ដែលជាប្រមុខរាជរដ្ឋាភិបាល។

លើសពីនេះ ដើម្បីប្រកោគប្រកាសដល់មន្ត្រីរាជរដ្ឋាភិបាលគ្រប់លំដាប់ថ្នាក់ អាជ្ញាធរពាក់ព័ន្ធ ជួយគិតគូរដល់កសិករដែលជាអ្នកចិញ្ចឹមសត្វនៅទូទំាងប្រទេសផង។អ្វីដែលសមាគមយើងអាចធ្វើបាន គឺមានតែប្រកោគប្រកាសបង្កាទុកឱ្យហើយកុំឱ្យនាំចូលមកហើយកម្ពុជាក្លាយជាកន្លែងដែលគេចាក់សំរាម(សាច់បង្កក)នៅពេលស្រុកគេអត់ទទួលយក»។

លោកបញ្ជាក់ថា «យើងកំពុងតែពិភាក្សាគ្នាជាមួយក្រុមប្រឹក្សាភិបាលសមាគមអ្នកចិញ្ចឹមសត្វដើម្បីរើសពេលវេលាសមស្រប ព្រោះបច្ចុប្បន្នយើងកំពុងជួបផលលំបាកគ្រប់គ្នា អ៊ីចឹងយើងគ្រោងរៀបចំសន្និសីទកាសែននៅចុងខែមេសាឬនៅដើមខែក្រោយ»។

លោកលើកឡើងថា យើងធ្វើនេះគំរូដូចនៅស្រុកថៃ។ស្រុកថៃគ្រាន់តែមានសភាពការបែបនេះភ្លាមសមាគមអ្នកចិញ្ចឹមសត្វទូទំាងប្រទេសថៃគេមកសុំជួបជាមួយរាជរដ្ឋាភិបាល គេមកប្រជុំគ្នាដើម្បីស្តាប់ពីដំណោះស្រាយរបស់រដ្ឋាភិបាល តើរាជរដ្ឋាភិបាលធ្វើយ៉ាងម៉េចចំពោះសាច់បង្កកទំាងអស់ដែលនាំចូលមកដោយខុសច្បាប់?សម្រាប់កម្ពុជា យើងរំពឹងថាសម្តេចដែលជាប្រមុខរាជរដ្ឋាភិបាល សម្តេចប្រាកដជាគិតគូរទៅដល់វិស័យទំាងមូល ហើយទាក់ទងសុខភាពប្រជាជន។

យោងតាមប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា ថាបច្ចុប្បន្នតម្លៃជ្រូករស់នៅលើទីផ្សារបានរើបឡើងវិញបន្តិច ក្រោយពីជួបវិបត្តិរយៈពេល៨ខែមកនេះ វាមានពីរកក្តា៖១) រាជរដ្ឋាភិបាលសហការជាមួយក្រសួងកសិកម្មរុក្ខាប្រមាញ់និងនេសាទ ក្រសួងពាណិជ្ជកម្ម និងក្រសួងសេដ្ឋកិច្ចនិងហិរញ្ញវត្ថុ បានគ្រប់គ្រងសាច់បង្កកមិនឱ្យមានបរិមាណលើសលុបពេកនៅលើទីផ្សារ អ៊ីចឹងធ្វើឱ្យកសិករអាចលក់ជ្រូកខ្លួនឯងបានថ្លៃខ្លះនិង២)ក្នុងរយៈពេល៨ខែដែលជ្រូកធ្លាក់ថ្លៃនេះ ធ្វើឱ្យប្រជាជនខ្នាតតូចមួយចំនួនធំបានបោះបង់ការចិញ្ចឹម និងកសិដ្ឋានមួយបានក្ស័យធន់ អ៊ីចឹងធ្វើឱ្យការផ្គត់ផ្គង់សាច់មានការថយចុះបន្តិច ទើបធ្វើឱ្យតម្លៃជ្រូករស់បានហក់ឡើងវិញពីតម្លៃ៧៥០០រៀលដល់ជិត៩០០០រៀលក្នុងមួយគីឡូក្រាម។

លោក លី ឡាវីល មានប្រសាសន៍ថា «យើងរំពឹងថាបើរាជរដ្ឋាភិបាលមានការគ្រប់គ្រងសាច់បង្កកបានល្អប្រសើរនៅក្នុងរយៈពេលមួយខែពីរខែទៅមុខថែមទៀត យើងសង្ឃឹមថាអ្នកចិញ្ចឹមសត្វអាចរួចខ្លួន តម្លៃនិងឡើងមកដល់ថ្លៃដើមផលិតរបស់យើងវិញ។ដូចនេះបើសាច់បង្កកដែលនំាចូលមកប្រទេសថៃត្រូវកេបោះចោល បែរជាហូរ(នាំចូល)មកម្តងទៀតនោះវានិងធ្វើឱ្យវិស័យចិញ្ចឹមសត្វកម្ពុជាជួបបញ្ហាធ្ងន់ធ្ងរឡើងវិញ»៕
អត្ថបទ៖សារេត

The post សមាគមអ្នកចិញ្ចឹមសត្វកម្ពុជាចង់ឱ្យសម្តេចតេជោហ៊ុន សែន ជួយអន្តរាគមន៍ទប់ស្កាត់ការនាំចូលសាច់បង្កកពីខាងក្រៅ appeared first on .

ពាក់ព័ន្ធនឹងការប្រកួតប្រជែង រវាងការផលិតសាច់ក្នុងស្រុក និងផលិតសាច់នាំចូលពីខាងក្រៅតាមអ្នកជំនាញនៅក្នុងវិស័យចិញ្ចឹមសត្វកម្ពុជា គឺដោយថ្លៃដើមនៃការផលិតជ្រូករបស់គេមានថ្លៃទាបជាងនៅកម្ពុជា។

លោក លី ឡាវីល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា បានឱ្យដឹងថា វិស័យចិញ្ចឹមសត្វនៅកម្ពុជានៅពេលខាងមុខ យើងមិនទាចទស្សន៍ទាយបានទេ តែពេលច្ចុប្បន្ននេះ បើយើងនិយាយទៅលើវិស័យចិញ្ចឹមសត្វ គឺយើងមានការរីកចម្រើនរហូតដល់អាចផ្គត់ផ្គង់បានទូទាំងប្រទេសបាន ដោយពុំចំាបាច់នាំចូលក៏បានដែរ។

លោកបន្តថា៖ «ប៉ុន្តែការផលិតនៅក្នុងស្រុកយើង មិនទាន់អាចប្រកួតប្រជែងជាមួយបណ្តាប្រទេសនៅប៉ែកអឺរ៉ុបបានទេ គេផលិតបានថោក អុីចឹងបើនាំសាច់បង្កកមកពីអឺរ៉ុបមកនោះយើងនឹងបានរបស់ដែលមានតម្លៃថោកហើយ តែបើការចិញ្ចឹមជ្រូកនៅតាមប្រទេសជិតខាងកម្ពុជា ដូចជានៅថៃ វៀតណាម ជាដើម គឺយើងអាចប្រកួតប្រជែងគ្នាបាន ព្រោះថ្លៃដើមនៃការផលិតជ្រូកវាប្រហាក់ប្រហែលគ្នា។តែបើឱ្យទៅប្រកួតជាមួយប្រទេសនៅអឺរ៉ុប ដែលគេផលិតវត្ថុធាតុដើម យើងមិនអាចទៅប្រកួតប្រជែងបានទេ»។

លោកលើកឡើងថា  ការចិញ្ចឹមសត្វនៅកម្ពុជាសួរថាវាមានបញ្ហាប្រឈមទៀតទេនៅពេលខាងមុខ?យើងគិតថាវានិងអាចមានបញ្ហាប្រឈមទៀតទាល់តែមានគោលនយោបាយពីរាជរដ្ឋាភិបាលទាក់ទងនិងវិស័យចិញ្ចឹមសត្វនេះថាមានកម្រិតណា,ការផ្គត់ផ្គង់សាច់មកពីខាងក្រៅវានិងជួយគំាំពារដល់អ្នកចិញ្ចឹមក្នុងស្រុកបានក្នុងកម្រិតណា?តែបើឱ្យយើងចិញ្ចឹមជ្រូកលក់ឱ្យមានតម្លៃថោកគឺធ្វើអត់បានទេព្រោះនៅអឺរ៉ុបថ្លៃដើមផលិតជ្រូករបស់ថោកមែនទែន។

ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជា គូសបញ្ជាក់ថា៖ «សាច់បង្កករបស់ប្រទេសវៀតណាម និងប្រទេសថៃក៏ដោយ គឺយើងមិនអាចទប់ ឬប្រកួតជាមួយគេបានទេ ព្រោះរបស់ដែលគេនាំចូលមកយើងវាជារបស់កាកសំណល់ ហើយយើងបានឃើញនៅតាមបណ្តាញទំនាក់ទំនងសង្គមហ្វេសប៊ុកគឺមានអណ្តាត ជើង ច្រមុះ ដែលជារបស់ត្រូវយកទៅធ្វើជាចំណីសត្វ តែគេយកមកលក់ អុីចឹងយើងអត់អាចទប់ទល់បានទេ។ ដូចនេះ ក្នុងជ្រូកមួយក្បាលបើអ្នកកាប់ មិនអាចលក់ជើងជ្រូកបាន គឺអ្នកកាប់ជ្រូករងការខាតបង់ទៅហើយ អុីចឹងនេះជាការប្រកួតប្រជែងមិនស្មើភាពគ្នារវាងអ្នកចិញ្ចឹមជ្រូក»។

លោក លី ឡាវីល បង្ហើបឱ្យដឹងបន្ថែមថា នៅលើទីផ្សារក្នុងស្រុកសព្វថ្ងៃ មានវត្តមានសាច់បង្កកនាំចូលមកពីអឺរ៉ុប ប្រេស៊ីល និងពីប្រទេសផ្សេងទៀតផង៕ អត្ថបទ៖ សារេត

The post វិស័យចិញ្ចឹមសត្វនៅកម្ពុជារីកចម្រើន តែឡើងជញ្ជីងមិនឈ្នះសាច់នាំចូលពីខាងក្រៅ ហេតុអ្វី? appeared first on .

លោក លី ឡាវីល ប្រធានក្រុមប្រឹក្សាភិបាលសមាគមអ្នកចិញ្ចឹមសត្វកម្ពុជាបានឱ្យដឹងថា បច្ចុប្បន្នឃើញថាមានបញ្ហាប្រឈមខ្លំាងសម្រាប់អ្នកចិញ្ចឹមសត្វរបស់យើង ហើយយើងបានធ្វើការច្រើនជាមួយក្រសួងពាក់ព័ន្ធ ពិសេសជាមួយក្រសួងកសិកម្មរុក្ខាប្រមាញ់និងនេសាទ និងក្រសួងសេដ្ឋកិច្ចនិងហិរញ្ញវត្ថុ។ យើងបានស្នើរសុំឱ្យមានដំណោះស្រាយនៅពេលពិភពលោកជួបនិងវិបត្តិអតិផរណានៃទំនិញឡើងថ្លៃស្ទើគ្រប់ទីកន្លែង។សម្រាប់កម្ពុជាយើងក៏ប្រឈមដូចគ្នាដែរ ឥលូវនេះតម្លៃសាច់ក៏បានធ្លាក់មកទាប រហូតធ្វើឱ្យអ្នកចិញ្ចឹមសត្វគ្រប់ប្រភេទនៅក្នុងប្រទេសជួបបញ្ហាដោយប្រឈមនិងការខាតបង់ធ្ងន់ធ្ងរ ជាពិសេសអ្នកចិញ្ចឹមសត្វជ្រូក។

លោក លីឡាវីល មានប្រសាសន៍ថា បច្ចុប្បន្នបើតាមការសិក្សាស្រាវជ្រាវនៅតាមកុងស៊ីផ្សេងៗ(សត្តឃាតដ្ឋាន)ឃើញថាការកាប់សត្វរស់ឬជ្រូករស់បានថយចុះប្រមាណ៣០% ហើយទៅមុខទៀតបើសិនសាច់បង្កកនៅតែមានទ្រង់ទ្រាយធំដូចនាពេលបច្ចុប្បន្នមានន័យថាវានឹងបន្ថយតម្លៃជ្រូរស់ធ្លាក់ចុះបន្តថែមទៀត។ទន្ទឹមនិងនេះម្ចាស់ក្រុមហ៊ុនធំៗដែលជាសមាជិកសមាគមយើងឃើញថា បានផ្អាកការលក់ជ្រូករស់របស់ខ្លួន ដោយទន្ទឹងរងចំាចំណាត់ការតែមកដល់ឥលូវនេះមិនទាន់ឃើញចំណាត់ការអ្វីល្អនោះទេ អីចឹងហើយយើងគិតថាវាប្រឈមធ្លាក់ថ្លៃបន្តទៅទៀត។

លោកគូសបញ្ជាក់ថា «បើយើងមើលទៅលើសភាពបច្ចុប្បន្នតម្លៃជ្រូករស់នៅលើទីផ្សារមានចន្លោះពី៧ពាន់ទៅ៨ពាន់រៀលក្នុងមួយគីឡូក្រាម ហើយតម្លៃនេះវាអាចធ្លាក់ចុះមកនៅត្រឹម៦ពាន់រៀលនារយៈពេល២ទៅ៣ខែខាងមុខនេះបើសភាពដូចនាពេលសព្វថ្ងៃនេះ។សម្រាប់តម្រូវការជ្រូករស់នៅទូទំាងប្រទេសនៅពេលបច្ចុប្បន្នគឺមានចន្លោះពី៨ពាន់ទៅ៩ពាន់ឬកើនឡើងដល់១ម៉ឺនក្បាលក្បាលក្នុងមួយថ្ងៃនៅពេលមានពិធីបុណ្យទាន។ប៉ុន្តែសព្វថ្ងៃនេះយើងអាចលក់បានត្រឹមតែ៦ពាន់ក្បាលក្នុងមួយថ្ងៃ ដោយឡែកនៅសល់ប្រមាណ២ពាន់ក្បាលដែលលក់មិនចេញគឺសាច់បង្កកដណ្តើមយកចំណែកទីផ្សារទៅហើយ»។

បើយោងតាមប្រធានក្រុមប្រឹក្សាភិបាលសមាគមថា ការបំពេញតម្រូវការនៅក្នុងស្រុកឱ្យតម្លៃសមរម្យនេះសមាគមគំាំទ្រទៅនិងគោលនយោបាយដើម្បីជួយកាត់បន្ថយការចំណាយរបស់ប្រជាជនទូទំាងប្រទេសឱ្យបានទទួលទាននៅសាច់សត្វដែលមានតម្លៃសមរម្យស្ថិតក្នុងវិបត្តិបាត់បង់ការងារដ៏ច្រើន ។ដូចនេះការដែលធ្វើឱ្យតម្លៃផលិតផលមានដើមកំណើតពីសាច់សត្វនេះទៀតវាជារឿងមួយល្អ។

លោកលីឡាវីលបន្តថាខាងសមាគមយើងគ្រាន់តែស្នើរសុំថាសូមឱ្យសម្លឹងមើលអ្នកចិញ្ចឹមដែលជាផ្នែមួយនៃសន្តិសុខស្បៀងមួយរបស់ប្រទេស បើគ្មានអ្នកចិញ្ចឹមក៏គ្មានសន្តិសុខស្បៀងសម្រាប់ផ្គត់ផ្គង់ត្រីសាច់គ្រប់ប្រភេទដែរ។ដូចនេះត្រូវធ្វើយ៉ាងណាខាងសមាគមអ្នកចិញ្ចឹមសត្វកម្ពុជាសុំតែម៉ារស់ទេស្ថិតក្នុងអន្តរកាលដ៏លំបាកនេះ ធ្វើម៉េចឱ្យយើងរស់បានផងកុំឱ្យវាខាតបង់ខ្លំាងពេក ព្រោះរយៈពេល៦ទៅ៧ខែកន្លងផុតទៅហើយកសិករជាច្រើនបានរអ៊ូរទំាមកខាងសមាគមឱ្យជួយរកដំណោះស្រាយ ហើយយើងក៏បានធ្វើដោយឃើញថាក្រសួងកសិកម្មរុក្ខាប្រមាញ់និងនេសាទនិងក្រសួងសេដ្ឋកិច្ចនិងហិរញ្ញវត្ថុក៏បានទទួលសំណើរនិងបានប្រជុំទប់ស្កាត់សាច់បង្កកនាំចូលមកកម្ពុជា។យើងឃើញសាច់បង្កកមានច្រើននៅលើទីផ្សារលើសលុបពេកធ្វើ ដែលធ្វើឱ្យអ្នកចិញ្ចឹមសត្វរស់លក់បានតិចបំផុតហើយលក់ក្រោមថ្លៃដើមផលិតប្រឈមខាតបង់ធ្ងន់ធ្ងរ។

លោកសង្កត់ធ្ងន់ថា «បច្ចុប្បន្ននេះអ្នកចិញ្ចឹមជ្រូកក្នុងស្រុកពិសេសក្រុមហ៊ុនធំលក់បានតែ៦០ទៅ៧០%នៃផលិតផលដែលខ្លួនបានផលិត ហើយ៤០%ផ្សេងទៀតលក់អត់ចេញទេ ដោយសារតែទីផ្សារអត់មានតម្រូវការ ព្រោះសាច់បង្កកបានដណ្តើមយកចំណែកទីផ្សារនេះបាត់ទៅហើយ ជាហេតុធ្វើឱ្យយើងមិនអាចលក់ផលិតផលបាន»៕ អត្ថបទ៖សារេត

The post តម្រូវការជ្រូករស់នៅទូទំាងប្រទេសបានធ្លាក់ចុះនៅត្រឹម៦ពាន់ក្បាលក្នុងមួយថ្ងៃ ខណៈចំណែកទីផ្សារ២០%ត្រូវបានសាច់បង្កកដណ្តើមយក appeared first on .