យោងតាម ​​​​BPI ការនាំចូលអង្ករចាប់ពីខែមករាដល់ខែមិថុនារបស់ហ្វីលីពីន បានកើនឡើង ២០,១% ឬប្រហែល ៤៦០ ០០០ តោន ពីចំនួន ២,២៩ លានតោនក្នុងរយៈពេលដូចគ្នាកាលពីឆ្នាំមុន។

យ៉ាងណាមិញ លោក Arnel de Mesa ជំនួយការរដ្ឋមន្ត្រីក្រសួងកសិកម្ម និងជាអ្នកនាំពាក្យរបស់ក្រសួងបាននិយាយថា ការនាំចូលកាន់តែច្រើននេះ មានបំណងធានាការផ្គត់ផ្គង់ក្នុងស្រុកគ្រប់គ្រាន់ និងធ្វើឱ្យតម្លៃអង្ករមានស្ថេរភាព ចំពេលមានការកើនឡើងនៃថ្លៃប្រេងឥន្ធនៈ និងជី ក៏ដូចជាការរៀបចំសម្រាប់ផលប៉ះពាល់ដែលអាចកើតមាននៃបាតុភូតរាំងស្ងួត El Nino ផងដែរ។

លោក Arnel បានមានប្រសាសន៍ថា ទោះបីជាមានការនាំចូលកើនឡើង ២០% ក៏ដោយ ការផលិតអង្ករក្នុងស្រុកនៅតែស្ថិតនៅក្រោមសម្ពាធ ដែលតម្រូវឱ្យមានការផ្គត់ផ្គង់បន្ថែមដើម្បីបំពេញតម្រូវការអ្នកប្រើប្រាស់ ដោយបន្ថែមថា អាទិភាពរបស់រដ្ឋាភិបាលគឺរក្សាស្តុកអង្ករឱ្យបានគ្រប់គ្រាន់ក្នុងតម្លៃសមរម្យ ដើម្បីជួយរក្សាទីផ្សារឱ្យមានស្ថិរភាពរហូតដល់ចុងឆ្នាំ។

គួរជម្រាបជូនថា យោងតាមក្រសួងកសិកម្មសហរដ្ឋអាមេរិក (USDA) ហ្វីលីពីនត្រូវបានគេរំពឹងថានឹងនៅតែជាប្រទេសនាំចូលអង្ករធំជាងគេបំផុតរបស់ពិភពលោកនៅឆ្នាំ២០២៦ នេះ ដោយការនាំចូលត្រូវបានព្យាករថានឹងឈានដល់ ៥,៧ លានតោន ដោយសារផលិតកម្មក្នុងស្រុកធ្លាក់ចុះ និងហានិភ័យនៃគ្រោះរាំងស្ងួតដែលបង្កឡើងដោយបាតុភូត El Nino នៅតែបន្ត៕​

The post ហ្វីលីពីន​ កត់ត្រាការនាំចូល​អង្ករ​ក្នុង​កម្រិត​ខ្ពស់​បំផុតមិនធ្លាប់មាន ​ក្នុង​ឆមាស​ទី​មួយ​នៃ​ឆ្នាំ២០២៦ appeared first on .

ចំពោះប្រភេទអង្ករដែលបាននាំចេញមាន អង្ករក្រអូបចំនួន ៥៩.២០% ប្រភេទអង្ករសគ្រាប់វែង ២២.២៨% អង្ករចំហុយ ១.៧២%  អង្ករសរីរាង្គចំនួន ១.០៤%  អង្ករបាក់គ្រប់ប្រភេទ ១៥.៥៨% និងអង្ករផ្សេងៗចំនួន ០.១៨% ។

ប្រទេសកម្ពុជាក៏បាននាំចេញស្រូវចំនួន ២ ៧៥៣ ៨១៦ តោនស្រូវសើម ដែលគិតជាទឹកប្រាក់ប៉ាន់ប្រមាណបានចំនួន ៥៩១.៤១ លានដុល្លារសហរដ្ឋអាមេរិក ៕

The post រយៈពេល ៥ខែ ឆ្នាំនេះ កម្ពុជាបាននាំចេញអង្ករជាង៥៦​ម៉ឺនតោន គិតជាទឹកប្រាក់​ ៣២៧.៤៣ លានដុល្លារ appeared first on .

អ្នកជំនាញយល់ឃើញថា ការជាប់គាំងនេះនឹងធ្វើឱ្យកសិករថៃកាន់តែតានតឹងជាមួយនឹងការកើនឡើងថ្លៃដើម និងការថយចុះនៃតម្រូវការនៅបរទេស ចំពេលដែលតម្លៃ និងតម្រូវការ ស្រូវអង្ករអន្តរជាតិ ខ្សោយរួចស្រាប់ទៅហើយ

ប្រធានកិត្តិយសនៃសមាគមអ្នកនាំចេញអង្ករថៃ លោក Chookiat Ophaswongse បាននិយាយ ក្នុង បទសម្ភាសន៍មួយថា កប៉ាល់ ២ គ្រឿងដែលដឹកអង្ករសរុបចំនួន ៨០ ០០០ តោន ទៅ អ៊ីរ៉ាក់ ត្រូវ ជាប់គាំងនៅត្រឹមកំពង់ផែមួយក្នុងទីក្រុងបាងកក នៅ សប្តាហ៍នេះ ដោយអ្នកទិញបានណែនាំឱ្យ ទម្លាក់ កុងតឺន័រចេញ ហើយ ដឹកអង្ករទៅឃ្លាំងវិញ។

លោក Chookiat បានលើកឡើងថា «អ្វីៗគឺជាប់គាំង » ដោយបន្ថែមថា ការដឹកជញ្ជូនទៅកាន់មជ្ឈិមបូព៌ាអាចត្រូវបានផ្អាករយៈពេលជាច្រើនខែ ហើយ «គ្មានការទិញថ្មីណាមួយ ទេ ព្រោះគ្មាននរណាម្នាក់ដឹងថានឹងមានអ្វីកើតឡើង បន្ទាប់»។

ស្ថានភាពបច្ចុប្បន្នកំពុងគំរាមកំហែងដល់កសិករថៃ ដែល លំបាករួចទៅហើយ ដោយការធ្លាក់ចុះនៃតម្លៃក្នុងស្រូវស្រុក និងការហក់ឡើងនៃប្រាក់បាត ដែលធ្វើឱ្យអង្ករថៃពិបាកប្រកួតប្រជែងនៅបរទេស ។ សម្ពាធសម្រាប់កសិករ អាចប៉ះពាល់ដល់សេដ្ឋកិច្ចថៃ ដែលវិស័យកសិកម្ម រួមចំណែកប្រមាណ ១/៤ នៃកម្លាំងពលកម្មរបស់ប្រទេស។

ការនាំចេញអង្កររបស់ថៃ ត្រូវបានគេព្យាករ រួចហើយថានឹងធ្លាក់ចុះ ១១% នៅឆ្នាំនេះ មកនៅត្រឹម ៧ លានតោន ដែលជាកម្រិតទាបបំផុតក្នុងរយៈពេល ៥ ឆ្នាំ។ ទស្សនវិស័យកាន់តែងងឹតទៅៗ ដោយសារតែ អ៊ីរ៉ាក់ ដែលជាអ្នកទិញអង្ករធំជាងគេរបស់ ថៃ តម្រូវឱ្យថៃដឹកជញ្ជូនអង្ករឆ្លងកាត់ច្រកសមុទ្រហ័រមូហ្ស ដែលត្រូវបាន បិទដោយសារតែជម្លោះអ៊ីស្រាអែល និងអ៊ីរ៉ង់។ ទើបតែក្នុងសប្ដាហ៍នេះទេ ដែល កប៉ាល់ដឹកទំនិញរបស់ថៃមួយគ្រឿង បាន រកការវាយប្រហារពីអ៊ីរ៉ង់ ដោយបង្កការខូចខាត និង បំបាត់ខ្លួននារិកយ៉ាងហោចណាស់ ៣ នាក់

ស្ថានភាពទីផ្សារក្នុងស្រុកសម្រាប់កសិករថៃ ក៏មិនប្រសើរដែរ ដោយសារតែតម្លៃទាប នៅពេលកសិករប្រមូលផលបានច្រើន ហើយការផ្គត់ផ្គង់សកលក៏កើនឡើង។ លោក Kriengsak បាន និយាយយ៉ាងដូច្នេះថា៖ «នៅពេល ការលក់ទាប ឬនៅពេលដែលថ្លៃដើមផលិតកម្មកើនឡើង កសិករ ត្រូវរែកបន្ទុកការចំណាយ»៕

The post ការនាំចេញអង្ករថៃទៅមជ្ឈិមបូព៌ាត្រូវជាប់គាំង ដោយសារជម្លោះអ៊ឺរ៉ង់ appeared first on .

យោងតាមក្រសួងកសិកម្ម និងបរិស្ថាន បានបង្ហាញឲ្យដឹងថា ការដឹកជញ្ជូននេះ មានតម្លៃសរុបប្រមាណ ៥៩៩,៣លានដុល្លារ ដែលជាការធ្លាក់ចុះ ១១,២% បើធៀបទៅនឹងតម្លៃទៅនឹងពេលដូចគ្នាកាលពីឆ្នាំមុន។

គួរឲ្យដឹងថា ចំពោះតម្លៃនាំចេញជាមធ្យមក្នុងអំឡុងពេលនេះត្រូវបានប៉ាន់ប្រមាណថាមានចំនួន ៤៦៤,១ដុល្លារក្នុងមួយតោន ពោលគឺធ្លាក់ចុះ ១៥,៤% ពីឆ្នាំមុន។

ប្រទេសហ្វីលីពីននៅតែជាទីផ្សារកំពូល ដោយមានចំណែក ៤៧,៦% នៃការនាំចេញអង្ករសរុបអំឡុងពេលនេះ។ បន្ទាប់មកគឺប្រទេសចិន និងហ្គាណា ដែលមានចំណែក ១៨,៣% និង ៨,៩% រៀងៗគ្នា។

ជម្រាបជូនថា ការនាំចេញទៅកាន់ប្រទេសហ្វីលីពីនបានកើនឡើង ១៧,៦% ក្នុងរយៈពេលពីរខែដំបូង ខណៈពេលដែលការដឹកជញ្ជូនទៅកាន់ប្រទេសចិន បានកើនឡើង ៥,៨ដង។ ផ្ទុយទៅវិញ ការនាំចេញទៅកាន់ប្រទេសហ្គាណា បានធ្លាក់ចុះរហូតដល់ ៣១%៕​

The post ត្រឹម ២ខែដំបូង វៀតណាម នាំចេញអង្ករជាង ១,៣ លានតោន កើនឡើង ៥% appeared first on .

លោក Chookiat Ophaswongse ប្រធានកិត្តិយសនៃសមាគមអ្នកនាំចេញអង្ករថៃ បាននិយាយថា ការនាំចេញសរុបនៅក្នុងខែមករា បានឈានដល់ចំនួនត្រឹមតែ ៥៣០ ០០០ តោនប៉ុណ្ណោះ ធ្លាក់ចុះ ១៧,៥% ពីរយៈពេលដូចគ្នាកាលពីឆ្នាំមុន ខណៈដែលតម្លៃនាំចេញបានធ្លាក់ចុះ ៣០,៧% មកនៅត្រឹម ៩,៧ពាន់លានបាត (ប្រហែល ៣១២លានដុល្លារអាមេរិក)។

មិនតែប៉ុណ្ណោះ សមាគមនេះព្យាករថាការនាំចេញអង្កររបស់ថៃសរុបអាចមានចំនួន ៧,០៣ លានតោននៅឆ្នាំនេះ ពោលគឺធ្លាក់ចុះ ១១% ពីឆ្នាំមុន ដោយតម្លៃនាំចេញត្រូវបានព្យាករថានឹងធ្លាក់ចុះ ១២,៣% ផងដែរ មកនៅត្រឹម ១៣០ពាន់លានបាត។

យ៉ាងណាមិញ ជុំវិញការធ្លាក់ចុះនេះ ត្រូវបានក្រុមអ្នកនាំចេញនិយាយថា កត្តាហានិភ័យចម្បងបំផុតមួយ គឺការកើនឡើងនៃតម្លៃប្រាក់បាត (បច្ចុប្បន្នប្រែប្រួលប្រហែល ៣១បាតក្នុងមួយដុល្លារអាមេរិក) ដែលធ្វើឱ្យអង្ករថៃមានតម្លៃថ្លៃជាងអង្ករដៃគូប្រកួតប្រជែងរបស់ខ្លួន។

លើសពីនេះ ពន្ធនាំចូលបណ្តោះអាសន្នរបស់សហរដ្ឋអាមេរិកចំនួន 1៥% រយៈពេល ១៥០ថ្ងៃអាចកាត់បន្ថយការនាំចេញអង្ករក្រអូបរបស់ថៃទៅកាន់សហរដ្ឋអាមេរិកចន្លោះពី ១៥-២០% ផងដែរ។ បច្ចុប្បន្នសហរដ្ឋអាមេរិកគឺជាទីផ្សារអង្ករក្រអូបធំបំផុតរបស់ប្រទេសថៃ ដែលមានចំនួនប្រហែលពាក់កណ្តាលនៃការនាំចេញអង្ករក្រអូបសរុបរបស់ខ្លួន៕​

The post ថៃ កំពុងព្រួយបារម្ភខ្លាំង ក្រោយការនាំចេញអង្កររបស់ខ្លួនធ្លាក់ដាំក្បាលចុះ កាលពីខែមុន appeared first on .

សហព័ន្ធស្រូវអង្ករកម្ពុជា បានឱ្យដឹងថា ក្នុងរយៈពេល១២ខែ នៃឆ្នាំ២០២៥ កម្ពុជាបាននាំចេញអង្ករបានចំនួន ៩៤០ ៣២១ តោន​ តាមរយៈក្រុមហ៊ុននាំចេញអង្ករចំនួន ៦៨ ក្រុមហ៊ុន ទៅកាន់គោលដៅចំនួន ៧៥ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន ​២៨ ​បានបរិមាណអង្ករចំនួន ៣៣៩ ៤១៧ តោន គិតជាទឹកប្រាក់ចំនួន ២៥៨.២៨​ លានដុល្លារសហរដ្ឋអាមេរិក  ទៅកាន់ប្រទេសចិន ​និងហុងកុង ចំនួន ២៣១ ១២៥ តោន គិតជាទឹកប្រាក់ចំនួន ១៣៨.៣៦ លានដុល្លារសហរដ្ឋអាមេរិក ទៅកាន់ប្រទេសក្នុងអាស៊ាន ចំនួន ៨ ប្រទេសបានបរិមាណចំនួន  ២៧៣ ៦៥៧ តោន​ គិតជាទឹកប្រាក់ចំនួន ១១៧.៦២ លានដុល្លារសហរដ្ឋអាមេរិក និងទៅកាន់គោលដៅ ៣៧ ប្រទេសផ្សេងទៀតមាន អាហ្វ្រិក   មជ្ឈឹម បូព៌ា អាមេរិក  កាណាដា  អូស្ត្រាលី  ញ៉ូហ្សេឡេន។ល។ បានចំនួន ៩៦ ១២២ តោន គិតជាទឹកប្រាក់ចំនួន ៨៨.១៥ លានដុល្លារសហរដ្ឋអាមេរិក។

ចំពោះប្រភេទអង្ករដែលបាននាំចេញមាន អង្ករក្រអូបចំនួន ៦៤.០២% ប្រភេទអង្ករសគ្រាប់វែង ១៣.៧១% អង្ករចំហុយ ២%  អង្ករសរីរាង្គចំនួន ១.៣២%  អង្ករបាក់គ្រប់ប្រភេទ ១៨.៥៦% និងអង្ករផ្សេងៗចំនួន ០.៣៩% ។

ប្រទេសកម្ពុជាក៏បាននាំចេញស្រូវចំនួន ៦ ៨៥៩ ៩៣០ តោនស្រូវសើម ដែលគិតជាទឹកប្រាក់ប៉ាន់ប្រមាណបានចំនួន ១៥៧៩.៨៦ លានដុល្លារសហរដ្ឋអាមេរិក។

គូសបញ្ជក់ផងដែរថា ការនាំចេញអង្ករ មានកំណើនសរុបចំនួន ៤៥.៥៩% និងការនាំចេញស្រូវ មានកំណើតសរុបចំនួន ៣២.៤៣% ធៀបទៅរយៈពេលដូចគ្នាក្នុងឆ្នាំ២០២៤៕ អត្ថបទ៖ហ្សាលីន

The post ឆ្នាំ២០២៥៖ កម្ពុជា បាននាំចេញអង្ករជាង៩០ម៉ឺនតោន ទទួលចំណូលបានជាង៦០០លានដុល្លារ appeared first on .

ដោយថ្លែងនៅក្នុងសន្និសីទសារព័ត៌មានកាលពីពេលថ្មីៗនេះ លោកស្រី Arada Fuangtong ប្រធាននាយកដ្ឋានពាណិជ្ជកម្មបរទេសនៃក្រសួងពាណិជ្ជកម្មបាននិយាយថា រូបិយប័ណ្ណថៃបច្ចុប្បន្នមានកម្រិតខ្ពស់ជាងរូបិយប័ណ្ណរបស់ប្រទេសដៃគូប្រគួតប្រជែងពី ១០% ទៅ ២០% ។

លោកស្រី Arada បាននិយាយបន្ថែមទៀតថា ប្រសិនបើប្រាក់បាតបន្តកើនឡើង នោះវានឹងបង្កជាបញ្ហាប្រឈមដ៏ធំមួយ សម្រាប់ផលិតផលកសិកម្មរបស់ប្រទេសថៃ។

មិនតែប៉ុណ្ណោះ មន្ត្រីរូបនេះបានកត់សម្គាល់ថា កិច្ចព្រមព្រៀងលក់អង្ករចំនួន ៥០០ ០០០ តោនទៅប្រទេសចិនត្រូវបានគេរំពឹងថានឹងបន្ត។

កាលពីខែមុន ប្រទេសថៃក៏បានយល់ព្រមផ្គត់ផ្គង់អង្កររហូតដល់ ១០០ ០០០ តោនទៅប្រទេសសិង្ហបុរីក្នុងរយៈពេលប្រាំឆ្នាំផងដែរ។ ថៃ កំពុងស្វែងរកការពង្រីកការនាំចេញអង្ករស និងអង្ករចំហុយទៅកាន់ប្រទេសអ៊ីរ៉ាក់ អារ៉ាប៊ីសាអូឌីត និងប្រទេសដទៃទៀតនៅមជ្ឈិមបូព៌ា និងអាហ្វ្រិកផងដែរ។

ជម្រាបជូនថា នៅឆ្នាំ២០២៥ ការដឹកជញ្ជូនអង្កររបស់ថៃ ត្រូវបានព្យាករថានឹងឈានដល់ចំនួន ៧,៨-៨ លានតោន ដែលលើសពីគោលដៅ ៧,៥ លានតោន ដោយសារតែមានតម្រូវការខ្លាំង នៅចុងឆ្នាំ៕​

The post ការនាំចេញអង្កររបស់ថៃ ត្រូវបានព្យាករថានឹងធ្លាក់ចុះជាង ១០% នៅឆ្នាំ២០២៦ appeared first on .

ជុំវិញការសម្រេចចិត្តនេះ ត្រូវបាននប្រកាសឡើងបន្ទាប់ពីកិច្ចប្រជុំសម្របសម្រួលរបស់រដ្ឋមន្ត្រី កាលពីពេលថ្មីៗនេះ នៅទីក្រុងហ្សាការតា ដែលមានការចូលរួមពីថ្នាក់ដឹកនាំជាន់ខ្ពស់មកពីក្រសួងសម្របសម្រួលសន្តិសុខស្បៀង ក្រសួងពាណិជ្ជកម្ម និងទីភ្នាក់ងារស្ថិតិកណ្តាល ផងដែរ។

បើយោងតាមលោក Tatang Yuliono អនុប្រធានសម្របសម្រួលពាណិជ្ជកម្ម និងចែកចាយនៅក្នុងក្រសួងសម្របសម្រួលសន្តិសុខស្បៀង បាននិយាយថា តម្រូវការនៅក្នុងស្រុកទាំងអស់ រួមទាំងអង្ករសម្រាប់ប្រើប្រាស់ក្នុងគ្រួសារ និងការកែច្នៃឧស្សាហកម្ម និងត្រូវបានបំពេញយ៉ាងពេញលេញ ដោយផលិតកម្មនៅក្នុងស្រុកផ្ទាល់តែម្តង។

ទន្ទឹមនឹងនេះ រដ្ឋាភិបាល ក៏បានបដិសេធសំណើរបស់ក្រសួងឧស្សាហកម្មក្នុងការនាំចូលអង្ករជិត ៣៨១ ០០០ តោនសម្រាប់ការប្រើប្រាស់ក្នុងឧស្សាហកម្មនៅឆ្នាំ២០២៦ ផងដែរ ដោយជឿជាក់ថាការផ្គត់ផ្គង់ក្នុងស្រុកនឹងគ្រប់គ្រាន់។ គោលនយោបាយមិននាំចូលនឹងត្រូវបានអនុវត្តទូទាំងប្រទេស រួមទាំងតំបន់ពាណិជ្ជកម្មសេរីដូចជា Sabang ក្នុងខេត្ត Aceh ផងដែរ។

ជម្រាបជូនថា ទំនុកចិត្តរបស់ប្រទេសឥណ្ឌូណេស៊ីបានកើតចេញពីការអនុវត្តប្រព័ន្ធកសិកម្មដ៏រឹងមាំនៅឆ្២០២៥ នៅពេលដែលប្រទេសនេះបានបញ្ឈប់ការនាំចូលអង្ករ និងពោត ដែលជាសមិទ្ធផលដ៏សំខាន់មួយក្នុងសន្តិសុខស្បៀងជាតិ។ នៅពាក់កណ្តាលឆ្នាំ២០២៥ ទុនបម្រុងអង្កររបស់រដ្ឋបានឈានដល់កម្រិតខ្ពស់បំផុតប្រហែល ៤ លានតោន ដែលជួយធ្វើឱ្យទីផ្សារក្នុងស្រុកមានស្ថេរភាព និងគាំទ្រដល់តំបន់ដែលរងគ្រោះដោយគ្រោះមហន្តរាយបានថែមទៀតផង៕​

The post ឥណ្ឌូណេស៊ី នឹងបញ្ឈប់ការនាំចូលអង្ករចាប់ពីឆ្នាំក្រោយទៅ​ appeared first on .

លោក Francisco P. Tiu Laurel Jr. រដ្ឋលេខាធិការក្រសួងកសិកម្មរបស់ហ្វីលីពីន បាននិយាយកាលពីដើមសប្តាហ៍នេះថា ការរឹតបន្តឹងនឹងនៅតែចូលជាធរមានរហូតដល់ដំណាច់ឆ្នាំនេះ ហើយនឹងត្រូវពិចារណាឲ្យបើកការនាំចូលឡើងវិញ ក្នុងអំឡុងខែកុម្ភៈ ឬខែមេសា ឆ្នាំក្រោយ។

គួរឲ្យដឹងផងដែរថា ការហាមឃាត់ដែលត្រូវបានកំណត់ជាលើកដំបូង គឺមានរយៈពេល ៦០ថ្ងៃ គិតចាប់ពីថ្ងៃទី១ ខែកញ្ញា ហើយត្រូវបានបន្តពន្យាពេលបន្ថែមទៀត ដោយប្រធានាធិបតី លោក Ferdinand Marcos Jr. កាលពីខែពីចុងខែមុន បើទោះបីជារយៈពេលហាមឃាត់ពិតប្រាកដ មិនត្រូវបានបញ្ជាក់ឲ្យដឹងក៏ដោយ។

ទន្ទឹមនឹងនេះ​ បើតាមលោក Christopher Morales អនុលេខាធិការផ្នែកកសិកម្មសម្រាប់ការអភិវឌ្ឍឧស្សាហកម្មស្រូវ បាននិយាយថា ការផ្គត់ផ្គង់អង្កររបស់ហ្វីលីពីន ត្រូវបានគេរំពឹងថានឹងឈានដល់ចំនួនចម្លោះពី ៣,២៤-៤,០៦ លានតោននៅចុងឆ្នាំនេះ ដែលវាគ្រប់គ្រាន់ដើម្បីគាំទ្រដល់ការហាមឃាត់ការនាំចូលពីបានពី ៦០ ទៅ ១២០ថ្ងៃ។

ជម្រាបជូនផងដែរថា ជុំវិញការពន្យារពេលនៃការហាមឃាត់ការនាំចូលរបស់ហ្វីលីពីនេះ អាចជួយរក្សាការផ្គត់ផ្គង់ឲ្យស្ថិតនៅកម្រិតខ្ពស់ និងជំរុញការធ្លាក់ចុះនៃតម្លៃស្រូវអង្ករ នៅទូទាំងប្រទេស៕​

The post ប្រទេសទិញអង្ករធំជាងគេលើពិភពលោក នឹងបន្តហាមឃាត់ការនាំចូលអង្ករបន្ថែមទៀត appeared first on .

លោក Marcos កន្លងមកបានបញ្ជាឲ្យផ្អាកការនាំចូលអង្កររយៈពេល ៦០ថ្ងៃ ដោយចាប់ផ្តើមពីថ្ងៃទី១ ខែកញ្ញា ក្នុងកិច្ចខិតខំប្រឹងប្រែងដើម្បីការពារកសិករក្នុងស្រុក ក្នុងអំឡុងពេលប្រមូលផល និងរក្សាតម្លៃស្រូវឲ្យស្ថិតនៅក្នុងការគ្រប់គ្រង។

ប៉ុន្តែទោះជាយ៉ាងណាក៏ដោយ លោក Claire Castro អនុរដ្ឋមន្ត្រីលេខាធិការនៃការិយាល័យទំនាក់ទំនងប្រធានាធិបតី បានប្រាប់សន្និសីទព័ត៌មានមួយកាលពីពេលថ្មីៗនេះថា ដោយស្ថិតនៅក្រោមការណែនាំរបស់ប្រធានាធិបតី ការហាមឃាត់ចំពោះការនាំចូលអង្កររយៈពេលពីរខែនោះ នឹងត្រូវពន្យារពេលបន្ថែមទៀត។

គួរឲ្យដឹងថា ហ្វីលីពីនដែលជាប្រទេសនាំចូលអង្ករដ៏ធំបំផុតមួយរបស់ពិភពលោក បាននាំចូលអង្ករសរុបចំនួន ៤,៨ លានតោន កាលពីឆ្នាំមុន ដែលភាគច្រើនមកពីប្រទេសវៀតណាម និងថៃ។

ទន្ទឹមនឹងនេះ រដ្ឋមន្ត្រីក្រសួងកសិកម្ម លោក Francisco Tiu Laurel បាននិយាយថា លោកគ្រោងនឹងផ្តល់អនុសាសន៍ដល់ប្រធានាធិបតីថា ការផ្អាកគួរតែត្រូវបានពន្យារពេលពី ១៥ ទៅ ៣០ ថ្ងៃទៀត ហើយនិយាយទៀតថា ក្រសួងបច្ចុប្បន្នក៏កំពុងពិនិត្យមើលការបង្កើនពន្ធលើអង្ករនាំចូលផងដែរ៕​

The post ហ្វីលីពីន បន្តហាមឃាត់ការនាំចូលអង្ករលើសពី ៦០ថ្ងៃទៀត appeared first on .