សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅថ្ងៃទី២០ ខែ តុលា ឆ្នាំ២០២៦ បានឱ្យដឹងថា ការប្រកាសអបអរនេះ បន្ទាប់ពីរបាយការណ៍របស់ក្រសួងកសិកម្ម រុក្ខាប្រមាញ់ និង នេសាទ បានឱ្យដឹងថា គិតត្រឹមថ្ងៃទី១៩ ខែតុលា ឆ្នាំ២០២៦ ទំហំនៃការនាំចេញអង្ករផ្លូវការរបស់កម្ពុជាបានហក់ឡើងដល់ ១ ០១៤ ៤៤២ តោន។ នេះគឺជាការបំបែកកំណត់ត្រាឆ្នាំចាស់បានយ៉ាងជោគជ័យ និងជាសមិទ្ធផលដ៏ត្រចះត្រចង់សម្រាប់ជាតិ និងវិស័យកសិកម្មទាំងមូល។

ពាក់ព័ន្ធនឹងរឿងនេះដែរ លោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា គិតត្រឹមថ្ងៃទី១៩ ខែតុលា ឆ្នាំ២០២៦ យោងតាមប្រព័ន្ធទិន្នន័យគ្រឹះភូតគាមអនាម័យជាតិនៃក្រសួងកសិកម្ម ទំហំនៃការនាំចេញអង្ករផ្លូវការរបស់កម្ពុជាបានហក់ឡើងដល់ ១ ០១៤ ៤៤២ តោន។ លោកថា នេះគឺជាការបំបែកកំណត់ត្រាឆ្នាំចាស់បានយ៉ាងជោគជ័យ និងជាសមិទ្ធផលដ៏ត្រចះត្រចង់សម្រាប់ជាតិ និងវិស័យកសិកម្មទាំងមូល ខណៈលោកក៏បានប្រកាសសូមចូលរួមអបអរសាទរទាំងអស់គ្នាផងដែរ។

សូមជម្រាបដែរថា របាយការណ៍បង្ហាញថា ការនាំចេញអង្ករចាប់ពីឆ្នាំ២០១៥ ដល់ឆ្នាំ២០២៦ មានកំណើនយ៉ាងលេចធ្លោ ដោយកាលពីឆ្នាំ២០២៥ ការនាំចេញមានចំនួន ៩៤០តោន (៩៤០,០០០តោន) ប៉ុន្តែនៅក្នុងឆ្នាំ២០២៦ ត្រឹមរយៈពេលចាប់ពីថ្ងៃទី១ ខែមករា ដល់ថ្ងៃទី១៩ ខែតុលាប៉ុណ្ណោះ កម្ពុជាបានស្ទុះហក់ឡើងរហូតដល់លើស ១លានតោន ជាលើកដំបូង។

សមិទ្ធផលត្រចះត្រចង់នេះ បានស្តែងឱ្យឃើញពីកិច្ចខិតខំប្រឹងប្រែងរួមគ្នារវាងរាជរដ្ឋាភិបាល ក្រសួងស្ថាប័នពាក់ព័ន្ធ ប្រជាកសិករ និងវិស័យឯកជន ក្នុងការលើកកម្ពស់គុណភាព និងការពង្រីកទីផ្សារអង្ករកម្ពុជាលើឆាកអន្តរជាតិ៕ អត្ថបទ៖ហ្សាលីន

The post សម្តេចធិបតី អបអរកម្ពុជា បានបំបែកកំណត់ត្រាប្រវត្តិសាស្ត្រលើការនាំចេញអង្ករច្រើនជាង ១លានតោន appeared first on .

លោក គង់ ច័ន្ទវាសនា បានឱ្យដឹងថា កិច្ចប្រជុំនេះ​គឺ ដើម្បីតាមដាន​ និងវាយតម្លៃស្ថានភាពផលិតកម្ម​ និងតម្លៃកសិផលសំខាន់ៗបម្រើឱ្យសន្តិសុខស្បៀង​ក្នុងប្រទេស​ ជួយគាំទ្រដល់ប្រជាកសិករអ្នកផលិត​ផង​ និងប្រជាពលរដ្ឋជាអ្នកទទួលទានទូទាំងប្រទេសផង។

លោកបានសង្កត់ធ្ងន់ថា​ ការបើកទីផ្សារនាំចេញអង្ករកម្ពុជាទៅប្រទេសហ្វីលីពីន​ កាលពីខែកុម្ភៈ​ឆ្នាំ២០២៦​ បានជំរុញឱ្យមានកំណើនតម្រូវការស្រូវសម្រាប់កិនជាអង្ករនាំចេញ​ និងធ្វើឱ្យតម្លៃស្រូវក្នុងស្រុកកើនឡើងខ្ពស់​ ជួយឱ្យប្រជាកសិករទទួលបានប្រាក់ចំណេញលើកកម្ពស់ជីវភាពគ្រួសារ។ លោក បានណែនាំឱ្យមានការបន្តតាមដានតម្លៃកសិផលសំខាន់ៗ​ និងត្រៀមស្នើសុំអន្តរាគមន៍ក្នុងករណីចាំបាច់​ ដើម្បីរក្សាលំនឹងថ្លៃកសិផលជួយគាំទ្រដល់ប្រជាកសិករ​អ្នកផលិត និងទប់ស្កាត់អតិផរណា​ដែលជះផលប៉ះពាល់ដល់ជីវភាពប្រជាពលរដ្ឋដែលជាអ្នកទទួលទាន។

តាមរយៈអង្គប្រជុំនេះ ក៏បាន​វាយតម្លៃដែរថា​ ស្រូវរដូវវស្សា​ដែលនឹងត្រូវប្រមូលផលចាប់ពីពាក់កណ្តាលខែតុលា​ រហូតដល់ខែធ្នូ​ ឆ្នាំ២០២៦នេះ​ នឹងរក្សាបាននូវតម្លៃល្អ​ ហើយប្រជាកសិករនឹងបន្តទទួលបានប្រាក់​ចំណេញ​ ខណ:ដែលតម្លៃអង្ករនឹងមានស្ថេរភាពល្អ។

សូមជម្រាបដែរថា ទិន្នន័យសហព័ន្ធស្រូវអង្ករកម្ពុជា កាលពីពេលថ្មីៗនេះបានបង្ហាញថា ការនាំចេញអង្ករកម្ពុជាទៅហ្វីលីពីនបានកើនពីត្រឹម ១,៦២០តោនក្នុងខែមករា ដល់ ៣៥,៤៥០តោនក្នុងខែកញ្ញា ។ ក្នុងរយៈពេល៩ខែដំបូងឆ្នាំ២០២៦ ទីផ្សារនេះទិញអង្ករកម្ពុជាសរុប ១៥៧,៥៥២តោន ស្ទើរតែស្មើនឹងវៀតណាមដែលទិញ ១៥៩,៩៤៦តោនក្នុងរយៈពេលដូចគ្នា៕ អត្ថបទ៖ហ្សាលីន

The post ក្រសួងកសិកម្ម៖ ការបើកទីផ្សារនាំចេញអង្ករកម្ពុជាទៅហ្វីលីពីន ធ្វើឱ្យតម្លៃស្រូវក្នុងស្រុកកើនឡើងខ្ពស់​ appeared first on .

ពិធីចុះហត្ថលេខាកាលពីថ្ងៃទី១៤ ខែកញ្ញាឆ្នាំ២០២៦ រវាង  លោក ចាន់ សីហា និងលោក ប៉ិច សានី អគ្គនាយករងធនាគារARDB លើកិច្ចសន្យាទិញ លក់អង្ករចំនួន១០ពាន់តោនទៅកាន់ប្រទេសហ្វីលីពីន រវាងក្រុមហ៊ុនCity Rice Import Export និងក្រុមហ៊ុន DILAI TRADING CO. PTE. LTD។

នៅព្រឹកថ្ងៃពុធទី១៦ ខែកញ្ញា ឆ្នាំ២០២៦​ នេះ ក៏បានធ្វើនូវពិធីសម្ពោធជាផ្លូវការនៃការដឹកជញ្ជូនអង្ករជាផ្លូវការតាមផ្លូវទឹក (នាវា) នាកំពង់ផែក្រុងព្រះសីហនុ ទៅកាន់ប្រទេសហ្វីលីពីន និងការដឹកជញ្ជូនអង្ករ ១០ ០០០ តោន ជាផ្លូវការតាមផ្លូវទឹក (នាវា) ក្រោមអធិបតីភាព លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។

សូមបញ្ជាក់ថា នេះជាព្រឹត្តិការណ៍ប្រវត្តិសាស្ត្រដ៏មានសារៈសំខាន់មួយសម្រាប់វិស័យស្រូវអង្ករកម្ពុជា ដោយនេះគឺជាការនាំចេញអង្ករកម្ពុជាតាមទម្រង់ដឹកជញ្ជូនជាបរិមាណច្រើន ទៅកាន់ប្រទេសហ្វីលីពីនជាលើកដំបូងផងដែរ។

ជោគជ័យនេះ ត្រូវបាន ឧកញ៉ា ឡាយ ឈុនហួ អគ្គនាយកក្រុមហ៊ុន City Rice Import Export  អះអាងថា គឺពិតជាបង្ហាញឱ្យឃើញពីការកើនឡើងនៃទំនុកចិត្តរបស់អ្នកទិញអន្តរជាតិចំពោះគុណភាព សុវត្ថិភាព និងសមត្ថភាពផ្គត់ផ្គង់របស់អង្គរកម្ពុជា។ ទន្ទឹមនឹងនេះ ក៏បញ្ជាក់ពីសមត្ថភាព របស់ក្រុមហ៊ុនកម្ពុជាក្នុងការរៀបចំ កែច្នៃ គ្រប់គ្រងគុណភាព និងដឹកជញ្ជូនអង្ករបរិមាណច្រើនទៅកាន់ទីផ្សារអន្តរជាតិប្រកបដោយប្រសិទ្ធភាព និងវិជ្ជាជីវៈ៕

The post អង្ករកម្ពុជា ១០ ពាន់តោន ត្រូវបានដឹកតាមនាវាទៅកាន់ប្រទេសហ្វីលីពីន ជាផ្លូវការ appeared first on .

កាលពីរសៀលថ្ងៃទី១៤ ខែកញ្ញាឆ្នាំ២០២៦ លោក ចាន់ សីហា និងលោក ប៉ិច សានី អគ្គនាយករងធនាគារARDB បានចុះហត្ថលេខាលើកិច្ចសន្យាទិញ លក់អង្ករចំនួន១០ពាន់តោនទៅកាន់ប្រទេសហ្វីលីពីន រវាងក្រុមហ៊ុនCity Rice Import Export និងក្រុមហ៊ុន DILAI TRADING CO. PTE. LTD។

ពិធីចុះហត្ថលេខាប្រព្រឹត្តទៅនៅក្រសួងពាណិជ្ជកម្ម ក្រោមអធិបតីភាពលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម, លោក ឡាយ សែ ស្ថាបនិករោងម៉ាស៊ីនកិនស្រូវឡាយ សែ, ឧកញ៉ា ឡាយ ឈុនហួ អគ្គនាយកក្រុមហ៊ុន City Rice Import Export, លោកស្រី Genina Marion Rafal លេខាទី៣តំណាងស្ថានទូតហ្វីលីពីនប្រចាំកម្ពុជា, ឧកញ៉ា គឹម សាវុធ ប្រធានក្រុមប្រឹក្សាភិបាលគោលនយោបាយស្រូវអង្ករ នៃ សហព័ន្ធស្រូវអង្ករកម្ពុជា, ឧកញ៉ា ចាន់ សុឃាំង ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា និងថ្នាក់ដឹកនាំក្រុមហ៊ុន DILAI TRADING CO.PTE.LTD រួមនិងភ្ញៀវកិត្តិយសជាតិនិងអន្តរជាតិជាច្រើនផ្សេងទៀតផងដែរ។

ឧកញ៉ា ឡាយ ឈុនហួ អគ្គនាយកក្រុមហ៊ុន City Rice Import Export មានប្រសាសន៍ថា ពិធីចុះហត្ថលេខានៅថ្ងៃនេះមិនត្រឹមតែជាការចុះកិច្ចព្រមព្រៀងពាណិជ្ជកម្មមួយប៉ុណ្ណោះទេ ប៉ុន្តែជាព្រឹត្តិការណ៍ប្រវត្តិសាស្ត្រដ៏មានសារៈសំខាន់មួយសម្រាប់វិស័យស្រូវអង្ករកម្ពុជា ដោយនេះគឺជាការនាំចេញអង្ករកម្ពុជាតាមទម្រង់ដឹកជញ្ជូនជាបរិមាណច្រើន ទៅកាន់ប្រទេសហ្វីលីពីនជាលើកដំបូងផងដែរ។

ជោគជ័យនេះបង្ហាញឱ្យឃើញពីការកើនឡើងនៃទំនុកចិត្តរបស់អ្នកទិញអន្តរជាតិចំពោះគុណភាព សុវត្ថិភាព និងសមត្ថភាពផ្គត់ផ្គង់របស់អង្គរកម្ពុជា។ ទន្ទឹមនឹងនេះ ក៏បញ្ជាក់ពីសមត្ថភាព របស់ក្រុមហ៊ុនកម្ពុជាក្នុងការរៀបចំ កែច្នៃ គ្រប់គ្រងគុណភាព និងដឹកជញ្ជូនអង្ករបរិមាណច្រើនទៅកាន់ទីផ្សារអន្តរជាតិប្រកបដោយប្រសិទ្ធភាព និងវិជ្ជាជីវៈ៕

The post កម្ពុជា សម្រេចនាំចេញអង្ករចំនួន១០ពាន់តោន លើកដំបូងទៅប្រទេសហ្វីលីពីន appeared first on .

សហព័ន្ធស្រូវអង្ករកម្ពុជា បានឲ្យដឹងថា ក្នុងរយៈពេល ៨ខែ នៃឆ្នាំ២០២៦ កម្ពុជាបាននាំចេញអង្ករបានចំនួន ៧៩២ ២១២ តោន តាមរយៈក្រុមហ៊ុននាំចេញអង្ករចំនួន៦១ក្រុមហ៊ុន ទៅកាន់គោលដៅចំនួន៦៦។ ក្នុងនោះទៅកាន់បណ្តាប្រទេស ក្នុងតំបន់អឺរ៉ុបចំនួន៣៣ បានបរិមាណអង្ករចំនួន ២៣២ ៣១៩តោន គិតជាទឹកប្រាក់ចំនួន១៧៥,៥៧ លានដុល្លារសហរដ្ឋអាមេរិក ទៅកាន់ប្រទេសចិន និងហុងកុងចំនួន១៧៧ ៧៨៣តោន គិតជាទឹកប្រាក់ចំនួន១០៥,៣៤លានដុល្លារ សហរដ្ឋអាមេរិក, ទៅកាន់ប្រទេសក្នុងអាស៊ានចំនួន៥ប្រទេស បានបរិមាណចំនួន៣១៥ ០៨៨តោន គិតជាទឹកប្រាក់ចំនួន១២២,៩៣លានដុល្លារសហរដ្ឋអាមេរិក និងទៅកាន់គោលដៅ២៥ប្រទេសផ្សេងទៀតមាន អាហ្វ្រិក, មជ្ឈឹម, បូព៌ា, អាមេរិក, កាណាដា, អូស្ត្រាលី, ញ៉ូហ្សេឡេនបានចំនួន៦៧ ០២២តោន គិតជាទឹកប្រាក់ចំនួន៦០,៣៣លានដុល្លារសហរដ្ឋអាមេរិក។

ជាមួយគ្នានោះប្រភេទអង្ករ ដែលបាននាំចេញមាន អង្ករក្រអូបចំនួន ៥៧.៩៦% ប្រភេទអង្ករសគ្រាប់វែង ២៤.៤០% អង្ករចំហុយ ១.៩១% អង្ករសរីរាង្គចំនួន ១.២៨% អង្ករបាក់គ្រប់ប្រភេទ ១៤.២៦% និងអង្ករផ្សេងៗចំនួន ០.១៩% ។ប្រទេសកម្ពុជាក៏បាននាំចេញស្រូវចំនួន ៣ ៣៥៦ ៩៦៩ តោនស្រូវសើម ដែលគិតជាទឹកប្រាក់ប៉ាន់ប្រមាណបានចំនួន ៧៥៣.៤១ លានដុល្លារ។

សូមជម្រាបថា រាជរដ្ឋាភិបាលបានដាក់ចេញនូវគោលនយោបាយជំរុញផលិតកម្មស្រូវ និងការនាំចេញអង្ករ នៅឆ្នាំ២០១០ ដោយជំរុញឱ្យការនាំចេញអង្ករឱ្យបាន ១លានតោននៅឆ្នាំ២០១៥ ប៉ុន្តែបរិមាណនេះ នៅមិនទាន់បានសម្រេចតាមផែនការនៅឡើយទេ៕អត្ថបទ៖ហ្សាលីន

The post កម្ពុជា រកចំណូលបាន ៤៦៤ លានដុល្លារ ពីនាំចេញអង្ករជិត ៨០ម៉ឺនតោន ក្នុងរយៈពេល៨ខែ ឆ្នាំ២០២៦ appeared first on .

ក្រសួងកសិកម្មរបស់ប្រទេសនេះ បាននិយាយនៅក្នុងសេចក្តីថ្លែងការណ៍មួយកាលពីពេលថ្មីៗនេះថា El Nino ដ៏ខ្លាំងក្លាដែលរំពឹងថានឹងកើតឡើងនៅពេលក្រោយនៃឆ្នាំនេះ ដោយវានឹងអាចកាត់បន្ថយទិន្នផលស្រូវរបស់ប្រទេសប្រហែល ៧៥០ ០០០ តោន ដែលបង្កើនហានិភ័យនៃកង្វះខាតការផ្គត់ផ្គង់មុនពេលប្រមូលផលរដូវប្រាំងនៅដើមឆ្នាំ២០២៧ ខាងមុខ ។

យ៉ាងណាមិញ ជុំវិញការសម្រេចចិត្តនេះបង្ហាញពីការផ្លាស់ប្តូរពីឆ្នាំមុន នៅពេលដែលហ្វីលីពីនបានផ្អាកការនាំចូលអង្ករចាប់ពីខែកញ្ញាដល់ខែធ្នូ ដើម្បីគាំទ្រដល់តម្លៃស្រូវក្នុងស្រុកក្នុងរដូវប្រមូលផលសំខាន់។

យោងតាមកាសែត The Inquirer តម្រូវការអង្កររបស់ប្រទេសហ្វីលីពីនមានចំនួន ១៣,៥៧ លានតោនកាលពីឆ្នាំមុន ដែលខ្ពស់ជាងការផ្គត់ផ្គង់ក្នុងស្រុកចំនួន ១២,៤០ តោន។

លោក Francisco P. Tiu Laurel Jr. រដ្ឋមន្ត្រីក្រសួងកសិកម្មបាននិយាយថា រដ្ឋាភិបាលមានគោលបំណងរក្សាទុនបម្រុងអង្ករឱ្យបានគ្រប់គ្រាន់មុនពេលប្រមូលផលនៅឆ្នាំបន្ទាប់ ដើម្បីត្រៀមខ្លួនកាន់តែប្រសើរឡើងសម្រាប់កង្វះខាតការផ្គត់ផ្គង់ដែលអាចកើតមាន។

ជម្រាបជូនថា នៅឆ្នាំនេះ គិតត្រឹមថ្ងៃទី៣ ខែសីហា ប្រទេសហ្វីលីពីន បាននាំចូលអង្ករសរុបចំនួន ៣,៣លានតោន។ ហើយដើម្បីកាត់បន្ថយផលប៉ះពាល់នៃការនាំចូលជាបន្តបន្ទាប់លើកសិករដាំដុះស្រូវក្នុងស្រុក រដ្ឋាភិបាលបានណែនាំអាជ្ញាធរស្បៀងអាហារជាតិឱ្យជួយទិញស្រូវចំនួន ៥០០ ០០០ តោនក្នុងអំឡុងពេលប្រមូលផលស្រូវរដូវវស្សានៅឆ្នាំនេះ៕

The post ហ្វីលីពីន ប្រកាសឈប់ដាក់បម្រាមលើការនាំចូលអង្ករនៅឆ្នាំនេះ ដោយសារព្រួយបារម្ភអំពីកង្វះខាត appeared first on .

យោងតាមសេចក្តីថ្លែងការណ៍មួយពីក្រសួងកសិកម្មហ្វីលីពីន (DA) នៅថ្ងៃទី៤ ខែសីហា បានបង្ហាញថា បាតុភូតអែលនីញ៉ូដ៏ខ្លាំងក្លានៅឆ្នាំនេះ អាចកាត់បន្ថយការផលិតអង្កររបស់ប្រទេសប្រហែល ៧៥០ ០០០ តោន ដែលវានឹងបង្កើនហានិភ័យនៃកង្វះខាតការផ្គត់ផ្គង់មុនពេលប្រមូលផលរដូវប្រាំងនៅដើមឆ្នាំ២០២៧ ខាងមុខ។ គិតត្រឹមថ្ងៃទី៣ ខែសីហា ប្រទេសហ្វីលីពីនបាននាំចូលអង្ករប្រហែល ៣,៣ លានតោនរួចមកហើយ។

យ៉ាងណាមិញ រដ្ឋមន្ត្រីក្រសួងកសិកម្ម លោក Francisco P. Tiu Laurel Jr. បាននិយាយថា រដ្ឋាភិបាលមានគោលបំណងធានានូវស្តុកអង្ករគ្រប់គ្រាន់មុនពេលប្រមូលផលបន្ទាប់ ដើម្បីដោះស្រាយបញ្ហាកង្វះខាតការផ្គត់ផ្គង់ដែលអាចកើតមានក្នុងឆ្នាំនេះ។

គួរជម្រាបជូនផងដែរថា ជុំវិញការសម្រេចចិត្តថ្មីនេះ គឺជាការផ្លាស់ប្តូរមួយពីឆ្នាំមុន នៅពេលដែលប្រទេសហ្វីលីពីនបានផ្អាកការនាំចូលអង្ករជាបណ្តោះអាសន្ន ចាប់ពីខែកញ្ញាដល់ខែធ្នូ ដើម្បីគាំទ្រដល់តម្លៃអង្ករក្នុងស្រុក ក្នុងរដូវប្រមូលផលសំខាន់៕

The post ហ្វីលីពីន បន្តនាំចូលអង្ករឡើងវិញ ដោយសារព្រួយបារម្ភអំពីបាតុភូតរាំងស្ងួតអែលនីញ៉ូ appeared first on .

យោងតាម ​​​​BPI ការនាំចូលអង្ករចាប់ពីខែមករាដល់ខែមិថុនារបស់ហ្វីលីពីន បានកើនឡើង ២០,១% ឬប្រហែល ៤៦០ ០០០ តោន ពីចំនួន ២,២៩ លានតោនក្នុងរយៈពេលដូចគ្នាកាលពីឆ្នាំមុន។

យ៉ាងណាមិញ លោក Arnel de Mesa ជំនួយការរដ្ឋមន្ត្រីក្រសួងកសិកម្ម និងជាអ្នកនាំពាក្យរបស់ក្រសួងបាននិយាយថា ការនាំចូលកាន់តែច្រើននេះ មានបំណងធានាការផ្គត់ផ្គង់ក្នុងស្រុកគ្រប់គ្រាន់ និងធ្វើឱ្យតម្លៃអង្ករមានស្ថេរភាព ចំពេលមានការកើនឡើងនៃថ្លៃប្រេងឥន្ធនៈ និងជី ក៏ដូចជាការរៀបចំសម្រាប់ផលប៉ះពាល់ដែលអាចកើតមាននៃបាតុភូតរាំងស្ងួត El Nino ផងដែរ។

លោក Arnel បានមានប្រសាសន៍ថា ទោះបីជាមានការនាំចូលកើនឡើង ២០% ក៏ដោយ ការផលិតអង្ករក្នុងស្រុកនៅតែស្ថិតនៅក្រោមសម្ពាធ ដែលតម្រូវឱ្យមានការផ្គត់ផ្គង់បន្ថែមដើម្បីបំពេញតម្រូវការអ្នកប្រើប្រាស់ ដោយបន្ថែមថា អាទិភាពរបស់រដ្ឋាភិបាលគឺរក្សាស្តុកអង្ករឱ្យបានគ្រប់គ្រាន់ក្នុងតម្លៃសមរម្យ ដើម្បីជួយរក្សាទីផ្សារឱ្យមានស្ថិរភាពរហូតដល់ចុងឆ្នាំ។

គួរជម្រាបជូនថា យោងតាមក្រសួងកសិកម្មសហរដ្ឋអាមេរិក (USDA) ហ្វីលីពីនត្រូវបានគេរំពឹងថានឹងនៅតែជាប្រទេសនាំចូលអង្ករធំជាងគេបំផុតរបស់ពិភពលោកនៅឆ្នាំ២០២៦ នេះ ដោយការនាំចូលត្រូវបានព្យាករថានឹងឈានដល់ ៥,៧ លានតោន ដោយសារផលិតកម្មក្នុងស្រុកធ្លាក់ចុះ និងហានិភ័យនៃគ្រោះរាំងស្ងួតដែលបង្កឡើងដោយបាតុភូត El Nino នៅតែបន្ត៕​

The post ហ្វីលីពីន​ កត់ត្រាការនាំចូល​អង្ករ​ក្នុង​កម្រិត​ខ្ពស់​បំផុតមិនធ្លាប់មាន ​ក្នុង​ឆមាស​ទី​មួយ​នៃ​ឆ្នាំ២០២៦ appeared first on .

ចំពោះប្រភេទអង្ករដែលបាននាំចេញមាន អង្ករក្រអូបចំនួន ៥៩.២០% ប្រភេទអង្ករសគ្រាប់វែង ២២.២៨% អង្ករចំហុយ ១.៧២%  អង្ករសរីរាង្គចំនួន ១.០៤%  អង្ករបាក់គ្រប់ប្រភេទ ១៥.៥៨% និងអង្ករផ្សេងៗចំនួន ០.១៨% ។

ប្រទេសកម្ពុជាក៏បាននាំចេញស្រូវចំនួន ២ ៧៥៣ ៨១៦ តោនស្រូវសើម ដែលគិតជាទឹកប្រាក់ប៉ាន់ប្រមាណបានចំនួន ៥៩១.៤១ លានដុល្លារសហរដ្ឋអាមេរិក ៕

The post រយៈពេល ៥ខែ ឆ្នាំនេះ កម្ពុជាបាននាំចេញអង្ករជាង៥៦​ម៉ឺនតោន គិតជាទឹកប្រាក់​ ៣២៧.៤៣ លានដុល្លារ appeared first on .

អ្នកជំនាញយល់ឃើញថា ការជាប់គាំងនេះនឹងធ្វើឱ្យកសិករថៃកាន់តែតានតឹងជាមួយនឹងការកើនឡើងថ្លៃដើម និងការថយចុះនៃតម្រូវការនៅបរទេស ចំពេលដែលតម្លៃ និងតម្រូវការ ស្រូវអង្ករអន្តរជាតិ ខ្សោយរួចស្រាប់ទៅហើយ

ប្រធានកិត្តិយសនៃសមាគមអ្នកនាំចេញអង្ករថៃ លោក Chookiat Ophaswongse បាននិយាយ ក្នុង បទសម្ភាសន៍មួយថា កប៉ាល់ ២ គ្រឿងដែលដឹកអង្ករសរុបចំនួន ៨០ ០០០ តោន ទៅ អ៊ីរ៉ាក់ ត្រូវ ជាប់គាំងនៅត្រឹមកំពង់ផែមួយក្នុងទីក្រុងបាងកក នៅ សប្តាហ៍នេះ ដោយអ្នកទិញបានណែនាំឱ្យ ទម្លាក់ កុងតឺន័រចេញ ហើយ ដឹកអង្ករទៅឃ្លាំងវិញ។

លោក Chookiat បានលើកឡើងថា «អ្វីៗគឺជាប់គាំង » ដោយបន្ថែមថា ការដឹកជញ្ជូនទៅកាន់មជ្ឈិមបូព៌ាអាចត្រូវបានផ្អាករយៈពេលជាច្រើនខែ ហើយ «គ្មានការទិញថ្មីណាមួយ ទេ ព្រោះគ្មាននរណាម្នាក់ដឹងថានឹងមានអ្វីកើតឡើង បន្ទាប់»។

ស្ថានភាពបច្ចុប្បន្នកំពុងគំរាមកំហែងដល់កសិករថៃ ដែល លំបាករួចទៅហើយ ដោយការធ្លាក់ចុះនៃតម្លៃក្នុងស្រូវស្រុក និងការហក់ឡើងនៃប្រាក់បាត ដែលធ្វើឱ្យអង្ករថៃពិបាកប្រកួតប្រជែងនៅបរទេស ។ សម្ពាធសម្រាប់កសិករ អាចប៉ះពាល់ដល់សេដ្ឋកិច្ចថៃ ដែលវិស័យកសិកម្ម រួមចំណែកប្រមាណ ១/៤ នៃកម្លាំងពលកម្មរបស់ប្រទេស។

ការនាំចេញអង្កររបស់ថៃ ត្រូវបានគេព្យាករ រួចហើយថានឹងធ្លាក់ចុះ ១១% នៅឆ្នាំនេះ មកនៅត្រឹម ៧ លានតោន ដែលជាកម្រិតទាបបំផុតក្នុងរយៈពេល ៥ ឆ្នាំ។ ទស្សនវិស័យកាន់តែងងឹតទៅៗ ដោយសារតែ អ៊ីរ៉ាក់ ដែលជាអ្នកទិញអង្ករធំជាងគេរបស់ ថៃ តម្រូវឱ្យថៃដឹកជញ្ជូនអង្ករឆ្លងកាត់ច្រកសមុទ្រហ័រមូហ្ស ដែលត្រូវបាន បិទដោយសារតែជម្លោះអ៊ីស្រាអែល និងអ៊ីរ៉ង់។ ទើបតែក្នុងសប្ដាហ៍នេះទេ ដែល កប៉ាល់ដឹកទំនិញរបស់ថៃមួយគ្រឿង បាន រកការវាយប្រហារពីអ៊ីរ៉ង់ ដោយបង្កការខូចខាត និង បំបាត់ខ្លួននារិកយ៉ាងហោចណាស់ ៣ នាក់

ស្ថានភាពទីផ្សារក្នុងស្រុកសម្រាប់កសិករថៃ ក៏មិនប្រសើរដែរ ដោយសារតែតម្លៃទាប នៅពេលកសិករប្រមូលផលបានច្រើន ហើយការផ្គត់ផ្គង់សកលក៏កើនឡើង។ លោក Kriengsak បាន និយាយយ៉ាងដូច្នេះថា៖ «នៅពេល ការលក់ទាប ឬនៅពេលដែលថ្លៃដើមផលិតកម្មកើនឡើង កសិករ ត្រូវរែកបន្ទុកការចំណាយ»៕

The post ការនាំចេញអង្ករថៃទៅមជ្ឈិមបូព៌ាត្រូវជាប់គាំង ដោយសារជម្លោះអ៊ឺរ៉ង់ appeared first on .