ពិធីអាពាហ៍ពិពាហ៍គូស្វាមីភរិយាថ្មីនេះកូនប្រុសឈ្មោះ អូន ព័ន្ធមុនីរាជ និងកូនស្រីឈ្មោះ ឡាវ ជៀជីន (ហៅជូលីន) ជាចៅស្រីរបស់លោកស្រីអ្នកឧកញ៉ា ជឹង សុភាព ហៅយាយភូ និងអ្នកឧកញ៉ា ឡាវ ម៉េង ឃីន។

ពិធីមង្គលការរវាងកូនប្រុសស្រីថ្នាក់ដឹកនាំកំពូល និងក្រុមគ្រួសារអភិជនដ៏ធំនាចុងឆ្នាំនេះ ត្រូវបានអញ្ជើញចូលរួមជាកិត្តិយសពីសំណាក់សម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន, សម្តេចវិបុលសេនាភក្តី សាយ ឈុំ ប្រធានព្រឹទ្ធសភា, សម្តេចធិបតី ហ៊ុន ម៉ាណែត នាយករដ្ឋមន្រ្តី និងលោកជំទាវបណ្ឌិត ពេជ្រ ចន្ទមុនី ព្រមទាំងថ្នាក់ដឹកនាំកំពូលនៃរាជរដ្ឋាភិភិបាលកម្ពុជា អ្នកឧកញ៉ា ឧកញ៉ា លោក លោកស្រីភ្ញៀវកិត្តិយសជាច្រើនរូបទៀត។

សូមទស្សនារូបភាពខាងក្រោម៖

The post មកមើលទិដ្ឋភាពមង្គលការកូនអ្នកឧកញ៉ាថៅកែមីជាតិ ជាមួយកូនរដ្ឋមន្រ្តីសេដ្ឋកិច្ច និងហិរញ្ញវត្ថុ appeared first on .

វេទិការាជរដ្ឋាភិបាល-ផ្នែកឯកជននៅពេលនេះ មានការអញ្ជើញចូលរួមពីក្រុមការងារទាំង១៤ ផ្នែកឯកជន នៃវេទិការាជរដ្ឋាភិបាល-ផ្នែកឯកជន អង្គទូតននា និងភ្ញៀវកិត្តិសយជាច្រើនរយនាក់ ដោយវិស័យឯកជនមានអ្នកឧកញ៉ា គិត ម៉េង ជាប្រធានសម្របសម្រួលក្រុមការងារទាំង១៤ ផ្នែកឯកជន នៃវេទិការាជរដ្ឋាភិបាល-ផ្នែកឯកជន។

ថ្លែងចេញវិមានសន្តិភាព សម្ដេចធិបតី ហ៊ុន ម៉ាណែត បានដាក់ចេញនូវវិធានការកែទម្រង់គន្លឹះមុតស្រួចមួយចំនួនថែមទៀត ​ដើម្បី ជួយដល់វិស័យឯកជន ក្នុងការលើកកម្ពស់ភាពប្រកួតប្រជែង និងជំរុញកំណើនសេដ្ឋកិច្ច។ បន្ថែមលើនេះ សម្តេចធិបតីក៏បានប្រកាសដាក់ចេញកិច្ច​អន្តរាគមន៍​ជាច្រើន​ ដើម្បីលើកកម្ពស់ការធ្វើធុរកិច្ចនៅកម្ពុជា ​ឆ្លើយតបនឹងវិបត្តិទាំងឡាយ ក៏ដូចជា​រក្សាបានភាពធន់នៃសេដ្ឋកិច្ចរបស់កម្ពុជាផងដែរ។

លោក  ​អូន ព័ន្ធមុនីរ័ត្ន ​ឧបនាយករដ្ឋមន្រ្ដី ​រដ្ឋមន្រ្ដីក្រសួងសេដ្ឋកិច្ច និង​ហិរញ្ញវត្ថុ បានលើកឡើងថា ​ក្នុងដំណើរការនៃការរៀបចំវេទិកា «រាជរដ្ឋាភិបាលផ្នែកឯកជន» លើកទី១៩ នេះ ក្រុមការងាររាជរដ្ឋាភិបាល និងវិស័យឯកជន បាន​ជួបប្រជុំ និងលើកឡើងពីបញ្ហាប្រឈមរបស់វិស័យឯកជនជិត ២០០ បញ្ហាប្រឈម សម្រាប់​រាជរដ្ឋាភិបាល​ពិនិត្យ និង​សម្រេច​ដោះស្រាយ​ក្នុងនោះបញ្ហាប្រឈមភាគច្រើន​ត្រូវបាន​ឯកភាពគ្នាដោះស្រាយរួចរាល់ហើយ។

សម្រាប់បញ្ហាប្រឈម និងកង្វល់​ ដែលនៅសេសសល់ ក៏ដូចជាការគិតគូ សម្របសម្រួល​បន្ថែមសម្រាប់វិស័យ ឯកជន ក្នុងការកាត់បន្ថយថ្លៃប្រកួតប្រជែង ​លើកកម្ពស់ ភាពប្រកួតប្រជែង និងជំរុញ​កំណើនសេដ្ឋកិច្ច សម្ដេចធិបតីនាយករដ្ឋមន្រ្ដីបាន​ដាក់ចេញនូវវិធានការកែទម្រង់គន្លឹះមុតស្រួចមួយចំនួនថែមទៀត ដើម្បីជួយដល់វិស័យឯកជន។

ថ្លែងក្នុងវេទិកានោះដែរ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងប្រធានសម្របសម្រួលក្រុមការងារទាំង១៤ ផ្នែកឯកជន នៃវេទិការាជរដ្ឋាភិបាល-ផ្នែកឯកជន បានស្នើសុំដល់រាជរដ្ឋាភិបាលកម្ពុជាចំនួន៣ចំណុច ជាពិសេសប្រព័ន្ធពន្ធដារ និងការបកស្រាយខ្លឹមសារនានា។

សំណើរចំនួន៣ចំណុចដែលអ្នកឧកញ៉ា គិត ម៉េង ស្នើសុំដល់រាជរដ្ឋាភិបាលជួយពិនិត្យសម្រួលដល់វិស័យឯកជនមានជាអាទិ៍ ទី១ ការជួយសម្រួលដល់វិស័យហិរញ្ញវត្ថុដែលកំពុងប្រឈមនៅពេលបច្ចុប្បន្ន, ទី២ បទបញ្ញាតិមួយចំនួនដែលបង្កើតឡើងត្រួតសុីគ្នា ហើយនាំដល់ប៉ះពាល់ដល់វិស័យឯកជន និងទី៣ ការប្រមូលពន្ធដារដែលទាមទារពង្រីកលើគ្រប់វិស័យ និងពន្យល់ខ្លឹមសារឱ្យបានច្បាស់លាស់។

សូមជម្រាបជូនថា វេទិការាជរដ្ឋាភិបាល-ផ្នែកឯកជនលើកទី១៩ ឆ្នាំ២០២៣ ត្រូវបានចាត់ទុកជាកិច្ចប្រជុំពេញអង្គគណៈរដ្ឋមន្ត្រីបើកទូលាយ។ ក្នុងន័យនេះ រាល់សេចក្តីសម្រេចនានារបស់អង្គវេទិកា នឹងមានអានុភាពជាសេចក្ដីសម្រេច​របស់​គណៈរដ្ឋមន្ត្រីផងដែរ៕

The post ថ្លែងចេញពីវិមានសន្តិភាព សម្តេចធិបតី ហ៊ុន ម៉ាណែត ដាក់ចេញវិធានការគន្លឹះជួយដល់វិស័យឯកជន appeared first on .

ថ្លែងក្នុងពិធីបើកសិក្ខាសាលាផ្សព្វផ្សាយស្តីពី«គោលនយោបាយអភិវឌ្ឍបច្ចេកវិទ្យាហិរញ្ញវត្ថុកម្ពុជា២០២៣-២០២៨»នៅថ្ងៃទី៤ខែតុលា លោក អូន ព័ន្ធមុនីរ័ត្ន ឧបនាយករដ្ឋមន្រ្តី, រដ្ឋមន្រ្តីក្រសួងសេដ្ឋកិច្ច និង ហិរញ្ញវត្ថុ បានគូសបញ្ជាក់ថា «ខ្ញុំជឿជាក់យ៉ាងមុតមាំថា ការអនុវត្តគោលនយោបាយនេះប្រកបដោយប្រសិទ្ធភាពខ្ពស់ នឹងជួយឱ្យកម្ពុជាអាចទាញយកអត្ថប្រយោជន៍ជាអតិបរមា ពីបរិវត្តកម្មឌីជីថលក្នុងវិស័យហិរញ្ញវត្ថុ និង ផ្តល់កាលានុវត្តភាពដល់គ្រប់តួអង្គ សំដៅរួមចំណែកជំរុញសម្ទុះនៃការអភិវឌ្ឍសេដ្ឋកិច្ច និង សង្គមឌីជីថលកម្ពុជា ឱ្យកាន់តែមានភាពរស់រវើក »។

លោកឧបនាយករដ្ឋមន្ត្រីលើកឡើថា ក្នុងរយៈពេល ២៥ ឆ្នាំ ចុងក្រោយនេះ, ក្រោមម្លប់ដ៏ត្រជាក់នៃសុខសន្តិភាពពេញផ្ទៃប្រទេស ដែល សម្តេចអគ្គមហាសេនាបតីតេជោ ហ៊ុន សែន បាននាំមកជូនប្រទេសជាតិ និង ប្រជាជន តាមរយៈ នយោបាយឈ្នះ-ឈ្នះ, កម្ពុជាបន្តសម្រេចបាននូវសមិទ្ធផលធំៗជាច្រើន ក្នុងការអភិវឌ្ឍសង្គម-សេដ្ឋកិច្ច និង បានផ្លាស់ប្តូរមុខមាត់គួរជាទីមោទនៈ តាមរយៈការអនុវត្ត ប្រកបដោយជោគជ័យ នូវ យុទ្ធសាស្ត្រត្រីកោណ និង យុទ្ធសាស្ត្រចតុកោណ, ទាំងបួនដំណាក់កាល, ព្រមទាំងគោលនយោបាយ និង ផែនការយុទ្ធសាស្ត្រពាក់ព័ន្ធផ្សេងទៀត ។

លោក អូន ព័ន្ធមុនីរ័ត្ន សង្កត់ធ្ងន់ថា «ខ្ញុំសូមគូសបញ្ជាក់ថា ការដាក់ចេញនូវគោលនយោបាយត្រឹមត្រូវ, មុតស្រួច និង ទាន់ពេល បានជំរុញឱ្យកម្ពុជាសម្រេចបាននូវកំណើនសេដ្ឋកិច្ចខ្ពស់ ក្នុងអត្រា ប្រមាណ ៧% ជាមធ្យម ក្នុងមួយឆ្នាំ ក្នុងរយៈពេលជាងពីរទសវត្សរ៍ចុងក្រោយនេះ មុនការ-មកដល់នៃជំងឺកូវីដ-១៩ ។ លើសពីនេះ, ជាមួយនឹងមូលដ្ឋានសង្គម-សេដ្ឋកិច្ចដ៏រឹងមាំ ប្រកប ដោយចីរភាព, បរិយាប័ន្ន, សមធម៌ និង ធន់នឹងវិបត្តិ, សេដ្ឋកិច្ចជាតិបាន និង កំពុងបន្តងើបឡើងវិញ បន្ទាប់ពីទទួលរងនូវការបង្អាក់ ដោយវិបត្តិជាសកលនៃជំងឺកូវីដ-១៩ និង ទោះបីជាកម្ពុជា ត្រូវបន្តជួបប្រឈមនឹងសភាពការណ៍សកល ដែលមានភាពមិនប្រាកដ-ប្រជាខ្ពស់ក៏ដោយ រួមមាន៖ ភាពតានតឹងនៃស្ថានភាពភូមិសាស្រ្តនយោបាយ, ពិសេស សង្គ្រាមរវាងរុស្ស៊ី និង អ៊ុយក្រែន, និង កំណើនយឺតនៃសេដ្ឋកិច្ចសកល, ព្រមទាំងការថមថយ នៃតម្រូវការនៅតាមបណ្តាប្រទេសជាដៃគូពាណិជ្ជកម្មសំខាន់ៗរបស់កម្ពុជា ជាដើម »។

បើយោងតាមលោកឧបនាយករដ្ឋមន្ត្រី ថាសមិទ្ធផលទាំងនេះក៏បាន និង កំពុងជំរុញ និង លើកទឹកចិត្តដល់រាជរដ្ឋាភិបាល, ក្រោមការដឹកនាំប្រកបដោយជវភាពរបស់ សម្តេចមហាបវរធិបតី ហ៊ុន ម៉ាណែត នាយក-រដ្ឋមន្រ្តី នៃព្រះរាជាណាចក្រកម្ពុជា, ឱ្យបន្តបង្កើនកិច្ចខិតខំប្រឹងប្រែង និង សម្លឹងឆ្ពោះទៅមុខ ប្រកបដោយក្តីសង្ឃឹម, ភាពជឿជាក់ និង ឆន្ទៈមោះមុត ក្នុងការសម្រេចបាននូវចក្ខុវិស័យនៃការប្រែក្លាយកម្ពុជា ទៅជាប្រទេសដែលមានចំណូលមធ្យមកម្រិតខ្ពស់ នៅឆ្នាំ ២០៣០ និង ជាប្រទេសដែលមានចំណូលខ្ពស់ នៅឆ្នាំ ២០៥០ ៕អត្ថបទ៖សារេត

The post គោលនយោបាយអភិវឌ្ឍបច្ចេកវិទ្យាហិរញ្ញវត្ថុកម្ពុជា២០២៣-២០២៨ចូលរួមជំរុញសម្ទុះការអភិវឌ្ឍសេដ្ឋកិច្ចកម្ពុជាកាន់តែមានភាពរស់រវើក appeared first on .

ក្រៅពីតំណែងរដ្ឋមន្រ្តីក្រសួងសេដ្ឋកិច្ចហើយនោះ លោក អូន ព័ន្ធមុនីរ័ត្ន មានតំណែងកំពូលមួយទៀតជាឧបនាយករដ្ឋមន្រ្តី។ រាជរដ្ឋាភិបាលនៅថ្ងៃទី ២២ ខែសីហាបានសម្រេចកំណត់របៀបរបបការងារ និងការបែងចែកភារកិច្ចរបស់ថ្នាក់ដឹកនាំរាជរដ្ឋាភិបាល ដែលមាននាយករដ្ឋមន្ត្រី ឧបនាយករដ្ឋមន្ត្រី និងទេសរដ្ឋមន្ត្រីសំដៅធានាការអនុវត្តច្បាប់ និងដឹកនាំកិច្ចការទូទៅរបស់រដ្ឋ។

តំណែងឧបនាយករដ្ឋមន្រ្តី លោក អូន ព័ន្ធមុនីរ័ត្ន ទទួលបន្ទុកជានាយករដ្ឋមន្រ្តីស្តីទីពេលនាយករដ្ឋមន្រ្តី និងលោក នេត សាវឿន ឧបនាយករដ្ឋមន្រ្តីលេខរៀងទី១ អវត្តមាន។

បន្ថែមទៀតនោះ លោកនឹងជួយនាយករដ្ឋមន្រ្តីលើវិស័យសេដ្ឋកិច្ច និងហិរញ្ញវត្ថុ, ជាប្រធានគណៈកម្មការគោលនយោបាយសេដ្ឋកិច្ច និងហិរញ្ញវត្ថុ, ជាប្រធានក្រុមប្រឹក្សាជាតិគាំពារសង្គម និងជាប្រធានឧត្តមក្រុមប្រឹក្សាសេដ្ឋកិច្ចជាតិ ព្រមទាំងទទួលបន្ទុកអនុវត្តមានការងារពិសេស ឬបេសកកម្មពិសេសផ្សេងទៀតដែលនាយករដ្ឋមន្រ្តីប្រគល់ជូន។

លោក អូន ព័ន្ធមុនីរ័ត្ន បាន​កាន់​តំណែង​ជា​រដ្ឋមន្ត្រីក្រសួង​សេដ្ឋកិច្ច​និង​ហិរញ្ញវត្ថុ ចាប់​តាំងពី​រដ្ឋាភិបាល​អាណត្តិ​ទី​៥ ឆ្នាំ​២០១៣ ជំនួសលោក គាត ឈុន ហើយនឹងកាន់​តំណែង​នេះ​បន្ត​ទៀត នៅ​ក្នុង​រដ្ឋាភិបាល​អាណត្តិ​ទី​៧។ ចំណែក​តួនាទី​នៅក្នុង​គណបក្ស​ប្រជាជន​កម្ពុជា​វិញ លោកជា​សមាជិក​ម្នាក់​ក្នុង​ចំណោម ៣៥​នាក់​នៃ​គណៈ អចិន្ត្រៃយ៍​ជា​ស្ថាប័ន​កំពូល​របស់​បក្ស៕

The post ក្រៅពីតំណែងរដ្ឋមន្រ្តី លោក អូន ព័ន្ធមុនីរ័ត្ន ទទួលបន្ទុកភារកិច្ចអ្វីខ្លះ? appeared first on .

ក្នុងពិធីសម្ពោធដាក់ឲ្យប្រើប្រាស់ជាផ្លូវការផ្លូវបេតុងអាមេ ២ខ្សែ ផ្លូវក្រាលគ្រួសក្រហម ចំនួន១ខ្សែ នៅស្រុកល្វាឯម ខេត្តកណ្តាល កាលថ្ងៃទី២៣ ខែមិថុនា លោក អូន ព័ន្ធមុនីរ័ត្ន បានឲ្យដឹងថា គម្រោងស្ពានដែលឆ្លងកាត់ពីស្រុកកៀនស្វាយ មកស្រុកល្វាឯមនេះ គ្រោងនឹងធ្វើថ្នល់លើអាកាស រហូតដល់ផ្លូវល្បឿនលឿនតែម្ដង តែឆ្លងកាត់តាមការពិចារណាក្នុងទិសដៅ ដើម្បីផលប្រយោជន៍ប្រជាជន ក្រសួងសាម៉ីពាក់ព័ន្ធ បានពិភាក្សាគ្នាដោយឈរលើផលប្រយោជន៍ប្រជាជនជាធំ ក៏សម្រេចថា សាងសង់ជាផ្លូវក្រោមវិញ ដើម្បីបង្កភាពងាយស្រួលដល់ពលរដ្ឋទាំងផ្នែកសេដ្ឋកិច្ចដីធ្លី និងការធ្វើដំណើរផងដែរ។

លោកបន្តថា ការអភិវឌ្ឍសង្គម-សេដ្ឋកិច្ច នៅកម្ពុជា បាននិងកំពុងបន្តឈានឡើងជាលំដាប់ឥតឈប់ឈរ នៅលើមាគ៌ាដ៏ត្រឹមត្រូវ និងប្រកបដោយក្ដីសង្ឃឹម។

រាជរដ្ឋាភិបាល បានបង្ហាញគម្រោងសាងសង់ស្ពានចំនួនពីរ ភ្ជាប់ទៅតំបន់អរិយក្សត្រ ដែលស្ពានមួយបានសុំពីរដ្ឋាភិបាលកូរ៉េ ធ្វើពីជ្រោយចង្វារទៅកាន់អរិយត្សក្រ និងស្ពានមួយទៀត ឆ្លង់កាត់ត្រង់ក្តីតាកុយទៅកាន់ខាងល្វាឯម ដើម្បីធ្វើការតភ្ជាប់ទំនាក់ទំនងគ្នា។

លោកបណ្ឌិត គី សេរីវឌ្ឍ មន្រ្តីស្រាវជ្រាវផ្នែកសេដ្ឋកិច្ចនៃរាជបណ្ឌិត្យសភាកម្ពុជា ធ្លាប់បានលើកឡើងថា ស្រុកឯ​ល្វាឯម ​នឹង​ក្លាយជា​ក្រុង​ទំនើប​សម័យថ្មី​ដែល​បង្ហាញ​ពី​ការលូតលាស់​របស់​ប្រទេស​កម្ពុជា ហើយ​ម្យ៉ាង​ល្វាឯម​នៅ​មិន​ឆ្ងាយ​ប៉ុន្មាន​ពី​ទីរាជធានី​ភ្នំពេញ ​ដោយ​មាន​ស្ពាន​ជា​តំណ​ភ្ជាប់​ដែល​នឹង​ធ្វើឱ្យ​មាន​ការ​លូតលាស់​ផ្នែក​អចលនទ្រព្យ​ទៅជាមួយ។

ចំពោះសក្តានុពលនៃការអភិវឌ្ឍនៅតំបន់អរិយក្សត្រ ស្រុកល្វាឯម អ្នកជំនាញបានលើកឡើងថា នឹងធ្វើឲ្យអ្នកវិនិយោគជាតិ និងអន្តរជាតិ មានការចាប់អារម្មណ៍ ហើយធ្វើឲ្យតម្លៃអចលនទ្រព្យមានតម្លៃកាន់តែឡើងខ្ពស់ខ្លាំង។

ឧកញ៉ា ឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ ប្រាប់សារព័ត៌មានឧកញ៉ាញូស៍ថា នៅពេលមានស្ពានប្រជាជនមានភាពងាយស្រួលក្នុងការធ្វើដំណើរ អ្នកវិនិយោគទុនជាតិ អន្តរជាតិ ក៏អាចវិនិយោគអចលនទ្រព្យនៅតំបន់នោះ ព្រោះចរាចរនឹងកើនឡើងខ្ពស់ ហើយការអភិវឌ្ឍនឹងរីកចម្រើនលឿនដោយសារមានស្ពានភ្ជាប់ជាមួយរាជធានី៕

The post លោក អូន ព័ន្ធមុនីរ័ត្ន៖ ស្រុកល្វាឯម នឹងក្លាយជាទីក្រុងរណបថ្មីមួយ ក្រោយតភ្ជាប់ស្ពានចំនួនពីរ appeared first on .

នេះបើតាមការដឹងពីលោក អូន ព័ន្ធមុនីរ័ត្ន ឧបនាយករដ្ឋមន្ត្រី​ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តំណាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ថ្លែងនៅក្នុងកិច្ចប្រជុំរួមនៃគណៈកម្មការតំបន់អាស៊ីខាងកើត និងប៉ាស៊ីហ្វិក និងកិច្ចប្រជុំគណៈកម្មការតំបន់អាស៊ីខាងត្បូង នៃអង្គការទេសចរណ៍ពិភពលោកលើកទី៣៥ នៅសណ្ឋាគារសុខាភ្នំពេញ កាលថ្ងៃទី១៥ ខែមិថុនា ឆ្នាំ២០២៣។

នាឱកាសនោះ លោក អូន ព័ន្ធមុនីរ័ត្ន ឧបនាយករដ្ឋមន្ត្រី​ រដ្ឋមន្ត្រីក្រសួងសេដ្ឋកិច្ច បានឱ្យដឹងថា កម្ពុជាជាប្រទេសទី១ដែលបានចុះហត្ថលេខាទទួលស្គាល់ និងអនុវត្តក្រមអន្តរជាតិស្ដីពីការការពារទេសចរមួយនេះ បន្ទាប់មកក៏មានប្រទេសជាសមាជិកបន្តបន្ទាប់។ លោកក៏បានបញ្ជាក់ពីការគាំទ្រគំនិតផ្តួចផ្តើមរបស់អង្គការទេសចរណ៍ពិភពលោកក្នុងការរៀបចំ និងអនុវត្តក្រមអន្តរជាតិស្ដីពីការការពារទេសចរ ដែលរាជរដ្ឋាភិបាលកម្ពុជាបានអនុញ្ញាតជូនលោក ថោង ខុន រដ្ឋមន្ត្រីទេសចរណ៍ ចុះហត្ថលេខាទទួលស្គាល់ និងគាំទ្រក្រមអន្តរជាតិនេះក្នុងនាមជាប្រទេសដំបូងគេបង្អស់។

ពាក់ព័ន្ធនឹងការការពារទេសចរនេះដែរ លោក អូន ព័ន្ធមុនីរ័ត្ន ថែមទាំងបានឱ្យដឹងទៀតរថា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានអនុញ្ញាតឱ្យនាវាទេសចរណ៍ MS WESTERDAM ចូលចតនៅក្រុងព្រះសីហនុ កាលពីថ្ងៃទី១៤ ខែកុម្ភៈ ឆ្នាំ២០២០ ដើម្បីជួយសង្គ្រោះអាយុជីវិតទេសចរអន្តរជាតិប្រមាណ២០០០នាក់។ ក្នុងនាមសម្តេចតេជោនាយករដ្ឋមន្រ្តី លោក អូន ព័ន្ធមុនីរ័ត្ន ក៏បានថ្លែងអំណរគុណចំពោះលោក ហ្សូរ៉ាប ប៉ូឡូលីកាស្វីលី (Zurab Pololikashivili) អគ្គលេខាធិការអង្គការទេសចរណ៍ពិភពលោក ដែលបានធ្វើលិខិតគាំទ្រ និងកោតសរសើរកម្ពុជាចំពោះករណីនាវាទេសចរណ៍ MS WESTERDAM ដែលធ្វើឱ្យបណ្តាប្រទេសជុំវិញពិភពលោកកាន់តែស្គាល់ និងចាត់ទុកកម្ពុជាជា «ប្រទេសតូច ប៉ុន្តែមានចិត្តទូលាយ»។

ជាមួយគ្នានេះដែរ លោក ជុក ជំនោរ អគ្គនាយកនៃអគ្គនាយកដ្ឋានអភិវឌ្ឍន៍ផលិតផលទេសចរណ៍ និងសហប្រតិបត្តិការអន្តរជាតិ ក្រសួងទេសចរណ៍ បានឱ្យដឹងថា ការរៀបចំក្រមអន្តរជាតិនេះ គឺផ្តើមចេញពីការវាយតម្លៃខ្ពស់របស់អង្គការទេសចរណ៍ពិភពលោក និងប្រទេសសមាជិកចំពោះប្រសិទ្ធភាព និងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការដោះស្រាយវិបត្តិជំងឺកូវីដ-១៩ នាពេលកន្លងមក ពិសេសគឺកាលដែលសម្ដេចតេជោនាយករដ្ឋមន្ត្រីនៃកម្ពុជាបានអនុញ្ញាតឱ្យនាវាទេសចរណ៍ MS WESTERDAM​ ចូលចតនៅក្រុងព្រះសីហនុ កាលពីថ្ងៃទី១៤ ខែកុម្ភៈ ឆ្នាំ២០២០ ដើម្បីជួយសង្គ្រោះអាយុជីវិតទេសចរអន្តរជាតិប្រមាណ២០០០នាក់ ដែលនៅជាប់គាំងនៅលើនាវាកណ្តាលផ្ទៃសមុទ្រ។

គួរបញ្ជាក់ដែរថា កិច្ចប្រជុំរួមនៃគណៈកម្មការតំបន់អាស៊ីខាងកើត និងប៉ាស៊ីហ្វិក និងកិច្ចប្រជុំគណៈកម្មការតំបន់អាស៊ីខាងត្បូង នៃអង្គការទេសចរណ៍ពិភពលោកលើកទី៣៥ អង្គការពិភពលោកនេះ ក៏បានប្រកាសអនុម័តលើក្រមអន្តរជាតិស្ដីពីការការពារទេសចរជាធរមាន ក្នុងនោះលោក ហ្សូរ៉ាប ប៉ូឡូលីកាស្វីលី (Zurab Pololikashivili) អគ្គលេខាធិការអង្គការទេសចរណ៍ពិភពលោក បានបញ្ជាក់ថា ការរៀបចំបង្កើតនិងអនុម័តក្រមអន្តរជាតិស្ដីពីការការពារទេសចរនេះ គឺមានគោលបំណងដើម្បីបង្កើនទំនុកចិត្តចំពោះភ្ញៀវទេសចរ និងជំរុញការធ្វើដំណើររបស់ទេសចរនៅទូទាំងពិភពលោក។

ការសម្រេចបង្កើតនិងអនុម័តក្រមអន្តរជាតិស្ដីពីការការពារទេសចរនេះ គឺបានធ្វើឡើងបន្ទាប់ពីកើតមានករណីប្រទេសមួយចំនួនមិនព្រមទទួលសង្គ្រោះភ្ញៀវទេសចរលើនាវាទេសចរណ៍ MS WESTERDAM ដែលជាប់នៅលើមហាសាគរកាលពីអំឡុងឆ្នាំ២០២០ កន្លងទៅនេះ៕

អត្ថបទ៖ ពិសី

The post កម្ពុជាជាប្រទេសទី១ ដែលបានចុះហត្ថលេខាទទួលស្គាល់ និងអនុវត្តក្រមអន្តរជាតិស្ដីពីការការពារទេសចរ appeared first on .

លោក អូន ពន្ធ័មុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិហិរញ្ញវត្ថុ មានប្រសាសន៍ថា កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ជាកម្មវិធីកែទម្រង់ស្នូលមួយ នៃកម្មវិធីកែទម្រង់សំខាន់ៗរបស់រាជរដ្ឋាភិបាលកម្ពុជា ដើម្បីឈានឆ្ពោះទៅពង្រឹងអភិបាលកិច្ច ។ កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ មានចក្ខុវិស័យប្រកបដោយមហិច្ឆិតា និងប្រាកដនិយម ពោលគឺកសាងប្រព័ន្ធហិរញ្ញវត្ថុសាធារណៈកម្ពុជា ឱ្យស្របតាមស្តង់ដា និងឧត្តមានុវត្តន៍អន្តរជាតិ ដែលមានគោលដៅផ្លាស់ប្តូរប្រព័ន្ធដែលផ្តោតលើធាតុចូល និង មានលក្ខណៈមជ្ឈការឆ្ពោះទៅប្រព័ន្ធដែលផ្តោតលើធាតុចេញ ឬ លទ្ធផល និងវិមជ្ឈការ។ សមិទ្ធផលដ៏ត្រចះត្រចង់នៃការកែទម្រង់ការគ្រប់គ្រងហិរញ្ញវត្ថុសាធារណៈ ចាប់តាំងពីដំណាក់កាលទី ១ រហូតមកដល់បច្ចុប្បន្ន បានអនុញ្ញាតឱ្យរាជរដ្ឋាភិបាលអាចសន្សំ និង បង្ហូរថវិកាកាន់តែច្រើន ទៅកាន់វិស័យអាទិភាព ក៏ដូចជាអាចបង្កើនយ៉ាងច្រើន នូវធនធានវិនិយោគសាធារណៈក្នុងស្រុក, ពិសេស លើការអភិវឌ្ឍហេដ្ឋារចនាសម្ព័ន្ធរូបវ័ន្ត, ដែលជាប្រការជួយលើកស្ទួយមួយកម្រិត ដល់ឯករាជ្យភាពផ្នែកថវិការបស់កម្ពុជា ។

លោកបន្តថា ក្នុងរយៈពេលប្រមាណ ៣ ឆ្នាំ នៃវិបត្តិជំងឺកូវីដ-១៩ កន្លងទៅ, រាជរដ្ឋាភិបាលមានថវិកាគ្រប់គ្រាន់ ដើម្បីគាំទ្រការអនុវត្តគោលនយោបាយ និង វិធានការអន្តរាគមន៍ទាំងឡាយ សំដៅជួយរក្សាលំនឹងជីវភាពរស់នៅរបស់ប្រជាជន ក៏ដូចជាការរក្សាលំនឹងធុរកិច្ចរបស់វិស័យឯកជន ដែលបាន និងកំពុងបន្តទទួលរងនូវផលប៉ះពាល់ជាអវិជ្ជមានពីវិបត្តិជំងឺកូវីដ-១៩ ។ ទន្ទឹមនេះ, រាជរដ្ឋាភិបាលកម្ពុជាក៏បាន និងកំពុងបន្តខិតខំដោះស្រាយបញ្ហាប្រឈម និង ហានិភ័យផ្នែកម៉ាក្រូសេដ្ឋកិច្ចនានា, ជាពិសេសផលប៉ះពាល់ពីវិបត្តិនៃសង្គ្រាមរវាងរុស្ស៊ី និង អ៊ុយក្រែន ដែលនេះបានរុញអត្រាអតិផរណាឱ្យកើនឡើងកាន់តែខ្ពស់ ជាអាទិ៏ ការឡើងថ្លៃប្រេងឥន្ធនៈ, ចំណីអាហារ, ជីកសិកម្ម និង ទំនិញស្ទើរគ្រប់ប្រភេទ, ទាំងតាមរយៈគោលនយោបាយសារពើពន្ធ និង គោលនយោយគន្លឹះផ្សេងទៀត ។ ន័យនេះ ការគ្រប់គ្រងហិរញ្ញវត្ថុសាធារណៈ ប្រកបដោយប្រសិទ្ធភាព និង ស័ក្តិសិទ្ធភាព គឺជាមូលដ្ឋានគ្រឹះដ៏ចាំបាច់សម្រាប់ជំរុញការអភិវឌ្ឍប្រទេសជាតិ និង កែលម្អជីវភាពប្រចាំថ្ងៃរបស់ប្រជាជនកម្ពុជា ។

លោកលើកឡើងថា នៅក្រោមកម្មវិធីកែទម្រង់ហិរញ្ញវត្ថុសាធារណៈ, សេចក្តីព្រាងច្បាប់ស្តីពីប្រព័ន្ធហិរញ្ញវត្ថុសាធារណៈ (ថ្មី) ត្រូវបានរៀបចំស្រេចបាច់ដោយក្រុមការងារជំនាញនៃក្រសួងសេដ្ឋកិច្ច និង ហិរញ្ញវត្ថុ និង ដោយបានឆ្លងកាត់ការពិគ្រោះដោយក្រុមការងារជំនាញនៃក្រសួងសេដ្ឋកិច្ច និង ហិរញ្ញវត្ថុ និង ដោយបានឆ្លងកាត់ការពិគ្រោះយោបល់យ៉ាងទូលំទូលាយជាមួយដៃគូនិង តួអង្គពាក់ព័ន្ធ ហើយត្រូវបានអនុម័តដោយកិច្ចប្រជុំនឹងត្រូវបានគណៈរដ្ឋមន្ត្រីពេញអង្គ កាលពីថ្ងៃទី ១៣ ខែមករា ឆ្នាំ ២០២៣ កន្លងទៅ ។ នៅថ្ងៃស្អែកនេះ,នឹងដឹកនាំគណៈប្រតិភូជាន់ខ្ពស់នៃក្រសួងសេដ្ឋកិច្ច និង ហិរញ្ញវត្ថុ ចូលរួមប្រជុំជាមួយគណៈកម្មការទី ២ រដ្ឋសភា ដើម្បីពិនិត្យ និង ពិភាក្សាលើសេចក្តីព្រាងច្បាប់នេះ ។

លោកឧបនាយករដ្ឋមន្ត្រី អូនព័ន្ធមុន្នីរ័ត មានប្រសាសន៍ថា «ខ្ញុំសង្ឃឹមថាយ៉ាងយូរ ក្នុងត្រីមាសទី ២ ឆ្នាំ ២០២៣, ច្បាប់ស្តីពីប្រព័ន្ធហិរញ្ញវត្ថុសាធារណៈប្រកាសដាក់ឱ្យប្រើប្រាស់ជាផ្លូវការ ។ ច្បាប់ថ្មីនេះ គឺជាក្របខណ្ឌគតិយុត្តមួយកំណត់អំពីគោលការណ៍ជាមូលដ្ឋានសម្រាប់ការគ្រប់គ្រងហិរញ្ញវត្ថុសាធារណៈ និង កំណត់អំពីមុខងារនិង ការទទួលខុសត្រូវរបស់តួអង្គពាក់ព័ន្ធសំខាន់ៗ ក៏ដូចជាការផ្ទេរសិទ្ធិអំណាចផ្ទៃក្នុង និង ការទទួលខុសត្រូវរបស់ក្រសួង-ស្ថាប័ន ចំពោះរាជរដ្ឋាភិបាល និងរដ្ឋសភា ក្នុងក្របខណ្ឌនៃកញ្ចប់ថវិការបស់ខ្លួន ដើម្បីបំពេញបេសកកម្មបម្រើឱ្យគោលបំណងនៃគោលនយោបាយរបស់រាជរដ្ឋភិបាល លើមូលដ្ឋាននៃប្រព័ន្ធថវិកាព័ត៌មានសមិទ្ធកម្ម» ។

លោកបន្តថា សមិទ្ធផលដែលរាជរដ្ឋាភិបាលបានខិតខំប្រឹងប្រែងសម្រេចបានដ៏ច្រើនសន្ធឹកសន្ធាប់នេះ មិនអាចកាត់ផ្តាច់ចេញពីការចូលរួមចំណែករបស់ដៃគូអភិវឌ្ឍន៍ឡើយ ។ ជាក់ស្ដែងពិធីដាក់ឱ្យអនុវត្តជាផ្លូវការ នូវ កិច្ចព្រមព្រៀងហិរញ្ញប្បទានឥតសំណងរវាងរាជរដ្ឋាភិបាលកម្ពុជានិង សហភាពអឺរ៉ុប សម្រាប់គាំទ្រការកែទម្រង់ការគ្រប់គ្រងហិរញ្ញវត្ថុសាធារណៈ ដំណាក់កាលទី ៤ នាឱកាសនេះ គឺជាសក្ខីភាពមួយយ៉ាងច្បាស់ ដែលឆ្លុះបញ្ចាំងឱ្យឃើញអំពីការបន្តកិច្ចសហប្រតិបត្តិការយ៉ាងជិតស្និត រវាងសហភាពអឺរ៉ុបជាមួយរាជរដ្ឋាភិបាលកម្ពុជា ៕ អត្ថបទ៖សារេត

The post រាជរដ្ឋាភិបាល ដាក់ឱ្យអនុវត្តកិច្ចព្រមព្រៀងហិរញ្ញប្បទានឥតសំណងគាំទ្រការកែទម្រង់ការគ្រប់គ្រងហិរញ្ញវត្ថុសាធារណៈដំណាក់កាលទី៤ appeared first on .

ថ្លែងនៅក្នុងពិធីបិទសន្និបាតបូកសរុបការងាររបស់ក្រសួងពាណិជ្ជកម្មកាលថ្មីៗនេះថា កាលពីថ្ងៃទី៣១ ខែមករា ម្សិលមិញ លោក អូន ព័ន្ធមុនីរ័ត្ន បានលើកឡើងថា កិច្ចព្រមព្រៀងពាណិជ្ជកម្មសេរី កម្ពុជា-ចិន និង កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ដែលបានចូលជាធរមាននៅថ្ងៃទី ១ ខែ មករា ឆ្នាំ ២០២២, និង កិច្ចព្រមព្រៀងពាណិជ្ជកម្មសេរី កម្ពុជា-កូរ៉េ ដែលទើបបានចូលជាធរមាន កាលពីថ្ងៃទី ១ ខែ ធ្នូ ឆ្នាំ ២០២២កន្លងទៅ។

លោកគូសបញ្ជាក់ថា «តាមរយៈកិច្ចព្រមព្រៀងពាណិជ្ជកម្មសេរីទាំងនេះ កម្ពុជាបានបើកនូវកាលានុវត្តភាពថ្មីថែមទៀត សម្រាប់វិស័យពាណិជ្ជកម្មរបស់ខ្លួន ជាពិសេស ការបង្កើតទីផ្សារសម្រាប់កសិផលដូចជា ស្រូវ, អង្ករ, ដំឡូងមី, ចេក, មៀនប៉ៃលិន, ស្វាយ, និង ស្វាយចន្ទី ជាដើម ។ កិច្ចព្រមព្រៀងពាណិជ្ជកម្មសេរីទាំងនេះ ក៏នឹងផ្សារភ្ជាប់កម្ពុជាទៅនឹងខ្សែច្រវាក់តម្លៃ និង ផលិតកម្មរបស់តំបន់ផងដែរ ដែលនឹងផ្តល់លទ្ធភាពឱ្យកម្ពុជាអាចវិវត្តទៅជាមជ្ឈមណ្ឌលផ្គត់ផ្គង់ធាតុចូលផលិតកម្មដូចជា គ្រឿងបន្លាស់ និង គ្រឿងបង្គុំ សម្រាប់ខ្សែច្រវាក់ផលិតកម្មនៅក្នុងតំបន់ផងដែរ »៕ អត្ថបទ៖សារេត

The post លោក អូន ព័ន្ធមុនីរ័ត្ន៖ ឆ្នាំ២០២២ ជាបង្គោលចរដ៏សំខាន់នៃការពង្រឹងកាលានុវត្តភាពនៃវិស័យពាណិជ្ជកម្មរបស់កម្ពុជា appeared first on .

សេចក្តីប្រកាសព័ត៌មានរបស់សាជីវកម្ម​ធានាឥណទាន​កម្ពុជា (CGCC) នៅថ្ងៃទី៤ ខែមករា ឆ្នាំ២០២៣នេះ បានបញ្ជាក់ថា លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានឯកភាពឲ្យសាជីវកម្មធានាឥណទានកម្ពុជា (CGCC) បន្ត​ដាក់​ឱ្យ​ដំណើរ​ការ​ ​«គម្រោងធានាឥណទានដើម្បីស្តារអាជីវកម្ម (Business Recovery Guarantee Scheme, BRGS)» ដើម្បីជួយស្តារអាជីវកម្ម តាមរយៈការបង្កើនលទ្ធភាពទទួលបានហិរញ្ញប្បទាន ទោះ​បីខ្វះ​ទ្រព្យ​ធានាក្តី។

សេចក្តីប្រកាសព័ត៌មានដដែល បន្តថា ដើម្បីបន្តដាក់ឱ្យដំណើរការគម្រោង BRGS នេះ ដោយកែសម្រួលលក្ខខណ្ឌមួយចំនួន ឱ្យមានភាពប្រសើរឡើង ដូចជា សុពលភាពនៃគម្រោង, ការ​កំណត់និយមន័យនៃអាជីវកម្មខ្នាតមីក្រូ សហគ្រាសខ្នាតតូច និងមធ្យម និងសហគ្រាសខ្នាតធំ, និង​ការ​កំណត់ទំហំជាអតិបរមាសម្រាប់កម្ចីនីមួយៗ។

គួរបញ្ជាក់ដែរថា គម្រោងធានាឥណទានដើម្បីស្តារអាជីវកម្ម មានទំហំទឹកប្រាក់ ២០០លានដុល្លារ ត្រូវ​បាន​ដាក់ឱ្យដំណើរការជាលើកដំបូង ចាប់ពីថ្ងៃទី២៩ ខែមីនា ឆ្នាំ២០២១ រហូតដល់ថ្ងៃទី៣១ ខែធ្នូ ឆ្នាំ​២០២២។ គិតត្រឹមថ្ងៃទី៣១ ខែធ្នូ ឆ្នាំ២០២២ កន្លងទៅ កម្ចីទំហំប្រមាណ ៨៩លានដុល្លារ ដែល​ភាគ​ច្រើន​ជាកម្ចីដែលខ្វះទ្រព្យធានា ត្រូវបានធានាដោយ CGCC ក្រោម​គម្រោង​ធានា​ឥណទាន​ដើម្បីស្តារ​អាជីវកម្ម។

យ៉ាងណាមិញ ការធានាឥណទានរបស់សាជីវកម្មធានាឥណទានកម្ពុជា ក្រោមគម្រោង BRGS នឹង​បន្ត​ដើរតួជាទ្រព្យធានាចាប់ពី ៧០%ដល់ ៨០% នៃទំហំឥណទានដែលផ្តល់ដោយ PFIs ដូច្នេះ​នឹង​ជួយ​កាត់​បន្ថយតម្រូវការទ្រព្យធានាពីអាជីវកម្មដែលស្នើកម្ចី។ សាជីវកម្មធានាឥណទានកម្ពុជា ស្វាគមន៍​នូវកិច្ច​សហការ​ជិតស្និតជាមួយគ្រប់ស្ថាប័នពាក់ព័ន្ធ ដើម្បីជំរុញការអនុវត្តគម្រោង BRGS៕

The post គម្រោងធានាឥណទានដើម្បីស្តារអាជីវកម្ម ក្នុងតម្លៃ២០០លាន ត្រូវបានរដ្ឋាភិបាលសម្រេចឱ្យបន្ត appeared first on .

ការស្នើការងារអាទិភាពសម្រាប់រដ្ឋមន្ត្រីក្រសួងកសិកម្មថ្មីនាពេលនេះ ស្របពេលដែលស្ថិតក្នុងរដូវវស្សានេះនៅតាមបណ្តាខេត្តមួយចំនួនបាននឹងកំពុងរងការខូតខាតដំណាំស្រូវដោយសារតែគ្រោះធម្មជាតិជំនន់ទឹកភ្លៀង។

លោក អូន ព័ន្ធមុនីរ័ត្ន បានបញ្ជាក់ថា គិតត្រឹមថ្ងៃទី១២ ខែតុលានេះ ដំណាំស្រូវដែលទទួលរងផលប៉ះពាល់សរុបមានចំនួនប្រមាណ ២០៦ ៧៧៣ ហិចតា, ផ្ទៃដីដំណាំស្រូវដែលបានខូចខាតមានចំនួន ៨៥ ១២៨ ហិចតា និងផ្ទៃដីដំណាំស្រូវដែលអាចស្តារឡើងវិញមានចំនួន ៤៨ ៤៧២ ហិចតា។

បន្ថែមពីនេះ ក្រៅតែពីការងារអាទិភាពចំពោះមុខគិតគូរពីផលប៉ះពាល់ដោយសារទឹកជំនន់នោះលោក អូន ព័ន្ធមុន្នីរ័ត្ន ក៏បានស្នើឱ្យលោក ឌិត ទីណា បន្តជំរុញការអភិវឌ្ឍវិស័យកសិកម្ម យកចិត្តទុកដាក់លើការងារអនុវត្តគោលនយោបាយជាតិអភិវឌ្ឍន៍វិស័យកសិកម្ម ឆ្នាំ២០២២-២០៣០ លើកកម្ពស់ការចូលរួមវិនិយោគពីវិស័យឯកជន ក្នុងគ្រប់ខ្សែច្រវាក់តម្លៃកសិកម្ម និងពង្រីកកិច្ចសហប្រតិបត្តិការអន្តរជាតិ៕

The post លោក អូន ព័ន្ធមុនីរ័ត្ន ឱ្យរដ្ឋមន្ត្រីកសិកម្មថ្មីចាត់ទុកការដោះស្រាយផលប៉ះពាល់ពីទឹកជំនន់ ជាការងារចំពោះមុខ appeared first on .