តាមរយៈសារលើបណ្តាញសង្គម អ្នកឧកញ៉ា ក៏សូមអភ័យទោសរាល់កង្វះខាតដោយប្រការណាមួយ ដែលមិនសមស្របចំពោះ សម្ដេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា ញាតិមិត្ត បងប្អូន អ៊ុំ ពូមីងទាំងអស់។

មួយវិញទៀតអ្នកឧកញ៉ា ក៏សូមគោរពអរគុណចំពោះអ្នកគ្រប់គ្រង និងអ្នករៀបចំកម្មវិធីគ្រប់ផ្នែកទាំងអស់ ដែលបានខិតខំបំពេញការងារតាមផ្នែកនីមួយៗ ប្រកបដោយការទទួលខុសត្រូវ ប្រមូលផ្គុំបានជាលទ្ធផលល្អប្រសើរមួយ។

ជាចុងក្រោយ អ្នកឧកញ៉ាសូមបួងសួងដល់ទេព្តានិងវត្ថុសាកសិទ្ធក្នុងលោកជួយប្រោសព្រំពរជ័យ សិរិមង្គល គោរពជូនសម្ដេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា ញាតិមិត្ត បងប្អូន អ៊ុំ ពូមីងទាំងអស់ ជួបប្រសព្វតែពរជ័យទាំងបួនប្រការ គឺអាយុ វណ្ណៈ សុខៈ ពលៈកុំបីឃ្លៀងឃ្លាតឡើយ៕

The post អ្នកឧកញ៉ា ម៉ម វណ្ណឌី និងអ្នកឧកញ៉ា ទៀង ផល្លា ផ្ញើសារគោរពថ្លែងអំណរគុណចំពោះសម្ដេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា ដែលអញ្ជើញផ្ដល់កិត្តិយសចូលរួមក្នុងពិធីមង្គលការរបស់ខ្លួន appeared first on .

ពិធីមង្គលអាពាហ៍ពិពាហ៍ដ៏ធំនេះ កូនប្រុសនាម ម៉ម វណ្ណឌី និងកូនស្រី​នាម ទៀង ផល្លា។ ក្នុងកម្មវិធី​មង្គលការ​អភិជននេះ មានការអញ្ជើញចូលរួមពីឥស្សរជន ថ្នាក់ដឹកនាំ សម្តេច ឯកឧត្តម លោកជំទាវ ច្រើនរូប រួមមាន៖ សម្តេចតេជោ ហ៊ុន សែន ប្រធានព្រឹទ្ធសភា, សម្តេចកិត្តិសង្គហបណ្ឌិត ម៉ែន សំអន, ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី, ឧបនាយករដ្ឋមន្ត្រី កើត រិទ្ធ, ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ព្រមទាំង​ឯកឧត្តម លោកជំទាវ អ្នកមុខអ្នកការ និងភ្ញៀវកិត្តិយសជាច្រើនរូបទៀត។

សូមជម្រាបថា កូនកំលោះ អ្នកឧកញ៉ា ម៉ម វណ្ណឌី បច្ចុប្បន្នមានតួនាទីជា ទីប្រឹក្សាសម្តេចតេជោ ហ៊ុន សែន ប្រធានព្រឹទ្ធសភា ​មានឋានៈស្មើ ទេសរដ្ឋមន្ត្រី, អនុប្រធាន​សមាគមអតីត​យុទ្ធជន និងនិវត្តជនកម្ពុជា ទទួលបន្ទុកធុរកិច្ច និងការងារ​វិនិយោគ និងជាទីប្រឹក្សាគណៈកម្មាធិការជាតិ​គ្រប់គ្រង​គ្រោះមហន្តរាយ។ អ្នកឧកញ៉ា ក៏ជាប្រធានក្រុមប្រឹក្សាភិបាលក្រុមហ៊ុន ឌីភីម្ចាស់ចម្ការ ផងដែរ៕

រូបភាព៖ The Ring

The post មកមើលទិដ្ឋភាពមង្គលការ អ្នកឧកញ៉ា ម៉ម វណ្ណឌី និងលោកជំទាវអ្នកឧកញ៉ា ទៀង ផល្លា appeared first on .

លោកជំទាវ ចេន សុភានាថ ប្រធានក្រុមការងារព័ត៌មានសមាគមអតីតយុទ្ធជន និងនិវត្តជនកម្ពុជា ក្នុងនាម​ឯកឧត្តម​​កិត្តិសង្គហបណ្ឌិត គន់ គីម អនុប្រធាន និងអគ្គលេខាធិការសមាគម បានថ្លែងអំណរគុណយ៉ាងជ្រាលជ្រៅ ជូនចំពោះ អ្នកឧកញ៉ា ម៉ម វណ្ណឌី និង អ្នកឧកញ៉ា ទៀង ផល្លា ដែលបានចូលរួមឧបត្ថម្ភថវិកាគាំទ្រដល់​ក្រុម​ព័ត៌មាន ដើម្បីបន្តបេសកកម្មផ្សព្វផ្សាយព័ត៌មានវិស័យអតីតយុទ្ធជន និងនិវត្តជន ឱ្យកាន់តែទូលំទូលាយ​បន្ថែមទៀត។

សូមជម្រាបថា អ្នកឧកញ៉ា ម៉ម វណ្ណឌី ជាអនុប្រធានសមាគមអតីតយុទ្ធជន និងនិវត្តជនកម្ពុជា និងទើបត្រូវបាន​ព្រះមហាក្សត្រ ចេញ​ព្រះរាជក្រឹត្យ​ត្រាស់បង្គាប់តែងតាំងជា ទីប្រឹក្សាសម្តេចតេជោ ហ៊ុន សែន ប្រធានព្រឹទ្ធសភា នីតិកាលទី៥ មានឋានៈ​ស្មើ ទេសរដ្ឋមន្ត្រី នៅថ្ងៃទី១៤ ខែកុម្ភៈ ឆ្នាំ២០២៦៕

The post អ្នកឧកញ៉ា ម៉ម វណ្ណឌី និងអ្នកឧកញ៉ា ទៀង ផល្លា ឧបត្ថម្ភថវិកា ២ម៉ឺនដុល្លារ គាំទ្រការងារផ្សព្វផ្សាយព័ត៌មាន​របស់សមាគមអតីតយុទ្ធជន និងនិវត្តជនកម្ពុជា appeared first on .

សមាគមអតីតយុទ្ធជនកម្ពុជា ត្រូវបានផ្លាស់ប្តូរឈ្មោះទៅជា«សមាគមអតីយុទ្ធជន និងនិវត្តជនកម្ពុជា» ដែលហៅ​កាត់ថា (អ.ន.ក) ជាមួយនឹងការផ្លាស់ប្តូរនិមិត្តសញ្ញាថ្មីរបស់សមាគម ក្នុងមហាសន្និបាតវិសាមញ្ញតំណាង​សមាគមអតីតយុទ្ធជនកម្ពុជាទូទាំងប្រទេសនាព្រឹកថ្ងៃទី២៩ ខែកញ្ញា ឆ្នាំ២០២៥។ ក្នុងមហាសន្និបាត​លើកទី៣​នេះ ក៏បានសម្រេចជ្រើសតាំង សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា ធ្វើជាប្រធានសមាគមនេះអស់​មួយ​ជីវិតផងដែរ។

សូមជម្រាបថា សមាគមអតីតយុទ្ធជន និងនិវត្តជនកម្ពុជា មានសម្ដេចតេជោ ហ៊ុន សែន ជាប្រធាន និងសម្ដេច​ធិបតី ហ៊ុន ម៉ាណែត ជាអនុប្រធានទី១ នៃសមាគម។ ជាមួយគ្នានេះក៏មាន ឯកឧត្តមកិត្តិសង្គហបណ្ឌិត គន់ គីម ទេសរដ្ឋមន្រ្តី ជាអនុប្រធានសមាគម និងជាអគ្គលេខាធិការ នៃសមាគមអតីតយុទ្ធជន និងនិវត្តជនកម្ពុជា នេះផងដែរ៕

The post សម្ដេចតេជោ ហ៊ុន សែន អនុញ្ញាតឱ្យ អ្នកឧកញ៉ា ម៉ម វណ្ណឌី និងភរិយា ចូលជួបសម្តែងការគួរសម និងប្រគល់​លិខិតតែងតាំងជា អនុប្រធានសមាគមអតីតយុទ្ធជន និងនិវត្តជនកម្ពុជា appeared first on .

សមាគមអតីតយុទ្ធជនកម្ពុជា នឹងរៀបចំមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជា នាថ្ងៃទី២៦ ខែកក្កដា ឆ្នាំ២០២៥ ក្នុងគោលបំណងបញ្ជូលនិវត្តជន ឱ្យមកជ្រកក្រោមឆ័ត្រតែមួយរបស់សមាគមអតីតតយុទ្ធជន និងនិវត្តជនកម្ពុជា។

លោកកិត្តិសង្គហបណ្ឌិត គន់ គីម អគ្គលេខាធិការសមាគមអតីតយុទ្ធជនកម្ពុជា បានចាត់ទុកការឧបត្ថម្ភគាំទ្ររបស់សប្បុរសជន ជាចលនាមហាសមានចិត្តដឹងគុណបំណាច់ជ្រាលជ្រៅចំពោះអតីតយុទ្ធជន ដែលបានធ្វើពលីកម្មដ៏មហិមាក្នុងបុព្វហេតុជាតិមាតុភូមិ។ លោកកិត្តិសង្គហបណ្ឌិត បានអំពាវនាវដល់សប្បុរសជន ចូលរួមឧបត្ថម្ភថវិកាដល់សមាគមអតីតយុទ្ធជនកម្ពុជា ដើម្បីរៀបចំមហាសន្និបាតវិសាមញ្ញទូទាំងប្រទេសនេះឱ្យបានមហោឡារិក៕

The post អ្នកឧកញ៉ា ម៉ម វណ្ណឌី និងអ្នកឧកញ៉ា ទៀង ផល្លា ឧបត្ថម្ភថវិកា ១ម៉ឺនដុល្លារ រៀបចំមហាសន្និបាតវិសាមញ្ញទូទាំងប្រទេសតំណាងសមាគមអតីតយុទ្ធជកម្ពុជា ក្រោមអធិបតីភាពសម្ដេចតេជោ ហ៊ុន សែន appeared first on .

ការចូលរួមរបស់អ្នកឧកញ៉ា ម៉ម វណ្ណឌី និងលោកជំទាវអ្នកឧកញ៉ា ធ្វើឡើងតបតាមអនុសាសន៍ខ្ពង់ខ្ពស់របស់សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជនកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានទី១ សមាគមអតីតយុទ្ធជនកម្ពុជា ក្នុងការលើកកម្ពស់ជីវភាពដល់អតីតយុទ្ធជន ដែលបានពលី និងលះបង់ពេញមួយជីវិតរហូតខ្លះមានពិការភាព។

អ្នកឧកញ៉ា ម៉ម វណ្ណឌី និងភរិយា យល់ឃើញថា ប្រទេសកម្ពុជាទទួលបានសុខសន្តិភាពពេញលេញ និងអភិវឌ្ឍរីកចម្រើនមកដល់ពេលបច្ចុប្បន្ន គឺមិនអាចកាត់ផ្តាច់បានពីការតស៊ូ និងរួមចំណែករបស់អតីតយុទ្ធជននោះទេ។ ក្នុងនាមសប្បុរសជន ដែលគាំទ្រដល់អតីតយុទ្ធជន អ្នកឧកញ៉ា ម៉ម វណ្ណឌី កាលពីកន្លងទៅ ក៏បានបរិច្ចាគថវិកាសាងសង់ផ្ទះជូនអតីតយុទ្ធជននៅតាមបណ្តាខេត្តសរុបចំនួន ១៣០ខ្នងផងដែរ។

គួររំឮកផងដែរថា សមាគមអតីតយុទ្ធជនកម្ពុជា ត្រូវបានផ្ដួចផ្ដើមបង្កើតឡើងដោយ សម្ដេចតេជោ ហ៊ុន សែន អតីតនាយករដ្ឋមន្ត្រីកម្ពុជា ដែលជាប្រធាន និងសម្ដេចកិត្តិព្រឹទ្ធបណ្ឌិត ក្នុងគោលដៅរំឮកដល់គុណបំណាច់របស់បងប្អូនអតីតយុទ្ធជនកម្ពុជា តាមរយៈការលើកទឹកចិត្ដ ខាងផ្នែកស្មារតី ការផ្តល់កិត្តិយស និងការផ្គត់ផ្គង់ដល់ជីវភាពរស់នៅឱ្យបានសមរម្យ ស្របតាមស្ថានភាពនៃការរីកចម្រើនផ្នែកសេដ្ឋកិច្ច និងសង្គម៕

The post អ្នកឧកញ៉ា ម៉ម វណ្ណឌី និងអ្នកឧកញ៉ា ទៀង ផល្លា បរិច្ចាគថវិកា ៥០ម៉ឺនដុល្លារ ជួយកសាងទីស្នាក់ការសមាគមអតីតយុទ្ធជន នៅខេត្តចំនួន៤  appeared first on .

គ្រឿងឥស្សរិយយសរបស់អ្នកឧកញ៉ាទាំងពីរ គឺទទួលបានតាមរយៈការចូលរួមកសាងសមិទ្ធផលសំខាន់ៗនៅក្នុងទីអារាមនៃវត្តព្រះឥន្ទសាមគ្គីធម៌ ស្ថិតនៅភូមិត្រពាំងក្រពើ ឃុំក្រាំងម្កាក់ ស្រុកអង្គស្នួល ខេត្តកណ្តាល ខណៈដែលសម្តេចតេជោ ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធអគារសិក្សា និងសមិទ្ធផលនានាក្នុងបរិវេណវត្តព្រះឥន្ទសាមគ្គីធម៌នេះ កាលពីម្សិលមិញ។

សម្តេចតេជោ ហ៊ុន សែន ប្រធានព្រឹទ្ធសភា បានគូសបញ្ជាក់ថា រាល់ថវិកាសម្រាប់ចំណាយលើការសាងសង់សំណង់ នៅវត្តព្រះឥន្ទសាមគ្គីធម៌ មិនបានប្រើថវិកាជាតិនោះទេ ពោលគឺប្រើប្រាស់ថវិកាឧបត្ថម្ភពី សម្តេចផ្ទាល់ និងសម្តេចកិត្តិព្រឹទ្ធបណ្ឌិត ព្រមទាំងថវិកាជួយឧបត្ថម្ភពីសប្បុរសជននានាផងដែរ។

កាលថ្ងៃទី១៩ ខែមិថុនា ឆ្នាំ២០២៣ អ្នកឧកញ៉ា ម៉ម វណ្ណឌី និង អ្នកឧកញ៉ា ទៀង ផល្លា ត្រូវបានព្រះមហាក្សត្រ ប្រោសប្រទានគ្រឿងឥស្សរិយយស «ជាតូបការ» ដែលជាគ្រឿងឥស្សរិយយសថ្នាក់ខ្ពស់បំផុត តបនឹងកិច្ចប្រឹងប្រែង ក្នុងសកម្មភាពកសាងសង្គមជាតិ និងត្រូវបានបំពាក់ដោយសម្តេចតេជោ ហ៊ុន សែន អតីតនាយករដ្ឋមន្ត្រីកម្ពុជា ផងដែរ។

សូមជម្រាបថា អតីតអ្នកបួស ម៉ម វណ្ណឌី ត្រូវបានព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» កាលពីថ្ងៃទី១១ ខែធ្នូ ឆ្នាំ២០២០ និងគោរមងារជា «អ្នកឧកញ៉ា» នៅថ្ងៃទី៨ ខែមិថុនា ឆ្នាំ២០២២។ រីឯឧត្តមភរិយារបស់លោក គឺឧកញ៉ា ទៀង ផល្លា ត្រូវបានព្រះមហាក្សត្រ ចេញព្រះរាជក្រឹត្យត្រាស់បង្គាប់ផ្តល់គោរមងារ «អ្នកឧកញ៉ា» កាលពីថ្ងៃទី១៣ ខែមិថុនា ឆ្នាំ២០២៣៕

The post អ្នកឧកញ៉ា ម៉ម វណ្ណឌី និងអ្នកឧកញ៉ា ទៀង ផល្លា ទទួលការបំពាក់គ្រឿងឥស្សរិយយស ពីសម្តេចតេជោ ហ៊ុន សែន appeared first on .

ការប្រគេនទៀនព្រះវស្សានេះធ្វើឡើងក្នុងថ្ងៃអាសាឍបូជា ដោយក្នុងនោះមានអង្ករ៥បេ ទឹកផ្លែចំនួនឈើ៥កេស មីចំនួន៥កេស ទឹកក្រូចកូកាកូឡាចំនួន៥កេស ទឹកសុទ្ធវីតាល់ចំនួន៥កេស និងបានបវរណាបច្ច័យចំពោះសម្តេច​និងព្រះរាជាគណៈទាំង៧ព្រះអង្គ ក្នុងមួយព្រះអង្គចំនួន២លានរៀល។ សម្តេចព្រះសង្ឃ និងព្រះរាជាគណៈ​ចំនួន៧ព្រះអង្គ រួមមានដូចខាងក្រោម៖

១. សម្ដេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃ​រាជនៃ​គណៈធម្មយុត្តិកនិកាយ នៃព្រះរាជាណាចក្រកម្ពុជា និងជាព្រះប្រធានគណៈសង្ឃនាយក នៃគណៈសង្ឃ​ធម្មយុត្តិ​ក​និកាយ នៃព្រះរាជាណាចក្រកម្ពុជា គង់ប្រថាប់នៅវត្តបុទុមវតីធម្មយុត្ត ស្ថិតនៅសង្កាត់ចតុមុខ ខណ្ឌដូនពេញ រាជធានីភ្នំពេញ។

២. សម្តេចព្រះវ័នរត្ន កិត្តិបណ្ឌិត ណយ ច្រឹក សម្តេចព្រះសង្ឃនាយករងទី២ នៃព្រះរាជាណាចក្រកម្ពុជា និងជាសម្តេចព្រះចៅអធិការវត្តចន្ទបុរីវង្ស ស្ថិតនៅសង្កាត់សំរោង ខណ្ឌព្រែកព្នៅ រាជធានីភ្នំពេញ។

៣. សម្ដេចព្រះមង្គលទេព្វាចារ្យ វង្ស អានតា សម្តេចព្រះសង្ឃនាយករងនៃគណៈធម្មយុត្តិកនិកាយ នៃព្រះរាជា​ណាចក្រកម្ពុជា ព្រះមេគណគណៈធម្មយុត្តិកនិកាយខេត្តកណ្តាល និងជាសម្តេចព្រះចៅអធិការវត្តព្រះឥន្ទ​សាមគ្គីធម៌ ស្ថិតនៅឃុំក្រាំងម្កាក់ ស្រុកអង្គស្នួល ខេត្តកណ្តាល។

៤. សម្ដេចព្រះឧត្តមចរិយាបណ្ឌិត ឈឹង ប៊ុនឈា ព្រះអនុប្រធានថេរសភាសង្ឃពុទ្ធសាសនា នៃព្រះរាជាណា​ចក្រកម្ពុជា និងជាសម្ដេចព្រះចៅអធិការវត្តវិមានតេជះស្រះចក ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ។

៥. សម្ដេចព្រះពុទ្ធជ័យមុនី បណ្ឌិត ឃឹម សន ព្រះប្រធានលេខាធិការដ្ឋានគណៈសង្ឃនាយក នៃព្រះរាជាណា​ចក្រកម្ពុជា និងជាព្រះគ្រូសូធ្យស្ដាំវត្តបទុមវតីរាជវរារាមសង្កាត់ចតុមុខ ខណ្ឌដូនពេញ រាជធានីភ្នំពេញ។

៦. ព្រះមេធានុរក្ស វជិរប្បញ្ញោបណ្ឌិត គូ សុភាព ព្រះធម្មធរគណរាជធានីភ្នំពេញ និងជាព្រះគ្រូសូធ្យស្ដាំ​វត្តគល់​ទទឹង ស្ថិតនៅសង្កាត់កោះក្របី ខណ្ឌច្បារអំពៅ រាជធានីភ្នំពេញ។

៧. ព្រះអគ្គញាណ សង សុខា ព្រះគ្រូសមុហ៍អនុគណខណ្ឌច្បារអំពៅ ព្រះនាយកពុទ្ធិកអនុវិទ្យាល័យ​សម្តេច​ព្រះអគ្គមហាសង្ឃរាជ ទេព វង្សនិរោធរង្សី និងជាព្រះចៅអធិការវត្តនិរោធរង្សី ស្ថិតនៅសង្កាត់និរោធ ខណ្ឌច្បារ​អំពៅ រាជធានីភ្នំពេញ។

សូមជម្រាបថា អ្នកឧកញ៉ាបណ្ឌិត ម៉ម វណ្ណឌី គឺជាអតីតអ្នកធ្លាប់បួសរៀន​ក្នុងព្រះពុទ្ធសាសនា ហើយលោក​ជា​អ្នក​សិក្សា​ជ្រៅជ្រះមួយរូប ដោយ​បាន​​បញ្ចប់ថ្នាក់បណ្ឌិតពីបរទេសផងដែរ។ អ្នកឧកញ៉ាបណ្ឌិត និងលោកជំទាវ​អ្នក​ឧកញ៉ា​ ត្រូវបានចាត់ថា ជាពុទ្ធសាសនិកដ៏ឆ្នើម ខណៈលោកទាំងពីរតែងតែជួយឧបត្ថម្ភថវិកា​ជាច្រើនក្នុង​ការកសាងហេដ្ឋារចនាសម្ព័ន្ធ និងវិស័យពុទ្ធចក្រនៅប្រទេសកម្ពុជា៕

The post អ្នកឧកញ៉ាបណ្ឌិត ម៉ម វណ្ណឌី និងលោកជំទាវអ្នកឧកញ៉ា ប្រគេនទៀនវស្សានិងបច្ច័យដល់សម្តេចព្រះសង្ឃ និងព្រះរាជាគណៈចំនួន៧ព្រះអង្គ appeared first on .

លោក​កិត្តិសង្គហ​បណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគម​អតីតយុទ្ធជន​កម្ពុជា បាន​ថ្លែង​ឱ្យដឹង​​​ក្នុងពិធីអបអរសាទរខួបលើកទី១៧ ទិវាអតីតយុទ្ធជន​កម្ពុជា ២១មិថុនា ឆ្នាំ២០២៤ នៅសាកលវិទ្យាល័យការពារជាតិ ស្ថិតក្នុងខណ្ឌឫស្សីកែវ រាជធានីភ្នំពេញ ​កាលពី​ព្រឹក​មិញ​នេះ​ថា កន្លងទៅនេះ សមាគម​បាន​ខ្ចីកន្លែង​​របស់​ស្នងការ​នគរបាលខេត្ត តំបន់ប្រតិបត្តិការ​សឹក ដើម្បី​ធ្វើ​ទីស្នាក់ការ​សម្រាប់​ធ្វើការងារ។

លោកទេសរដ្ឋមន្ត្រី គន់ គីម បានបន្ត​ថា អនុវត្ត​តាម​អនុសាសន៍​របស់​សម្តេចតេជោ​ប្រធាន​សមាគម​ និង​ស្រប​តាម​គោលនយោបាយ​របស់​រាជរដ្ឋាភិបាល​ អាណត្តិទី៧ របស់​សម្តេច​ធិបតី ហ៊ុន ម៉ាណែត​ ក្នុងការ​បង្កើន​ប្រសិទ្ធភាព​ការងារ បាន​អនុញ្ញាត​ឱ្យ​​លោក​​ស្វែង​រក​ដី និង​កៀរគរ​សប្បុរសជន​ជួយ​​សាងសង់​ទីស្នាក់ការ​សមាគម​អតីតយុទ្ធជនកម្ពុជា តាមបណ្តាខេត្ត។

​លោក​កិត្តិសង្គហ​បណ្ឌិត គន់ គីម បាន​មាន​ប្រសាសន៍​បន្ថែម​ដូច្នេះថា៖ “ខេត្តបាត់ដំបង គឺ​អ្នកឧកញ៉ា ម៉ម វណ្ណឌី និងភរិយា ជួយសាងសង់​​អគារ​ទីស្នាក់ការ​ចំនួន​២ខ្នង និងបានសាងសង់រួចហើយ។ ខេត្តបន្ទាយមានជ័យ រដ្ឋបាលខេត្ត​បាន​ផ្តល់ដី​រួចហើយ ហើយ​អ្នកឧកញ៉ា ម៉ម វណ្ណឌី និងភរិយា នឹងជួយ​សាងសង់​អគារស្នាក់ការ​ចំនួន ១ខ្នង។ រីឯ​ខេត្តកំពត ក៏​មានដីហើយ លោកក្មួយ​អ្នកឧកញ៉ា ម៉ម វណ្ណឌី និងភរិយា ក៏បានសន្យា​ថា​នឹង​ជួយ​សាងសង់​នៅ​ខេត្ត​កំពត​មួយ​ទៀត​ផង​ដែរ”។

“បន្ទាប់ពីសមាគម​អតីតយុទ្ធជនកម្ពុជា បាន​កែ​សម្រួល​រចនាសម្ព័ន្ធ​​ដឹកនាំ​ដែលមាន​កម្លាំង​ចម្រុះ​​សហការគ្នា​ជាមួយ​ក្រសួង​សង្គមកិច្ច អតីត​យុទ្ធជន និងយុវនីតីសម្បទា ​បាន​ធ្វើឱ្យ​ការ​បម្រើសេវា​ និងដោះស្រាយ​បញ្ហា​ជូន​បងប្អូនអតីតយុទ្ធជន និង​គ្រួសារ​ពលី​មរណៈ​កាន់​តែ​​មានភាព​ប្រសើរឡើង”។ លោក​កិត្តិសង្គហ​បណ្ឌិត គន់ គីម បាន​បញ្ជាក់​បន្ថែម។
​​​​
សូមជម្រាបថា សម្តេចធិបតី ហ៊ុន ម៉ាណែត​ ជាស្ថាបនិកមួយរូប​ក្នុងការ​កែសម្រួល​ក្បាលម៉ាស៊ីនដឹកនាំ​សមាគម​អតីតយុទ្ធជនកម្ពុជា ពីការដឹកនាំ​តែមួយ​អង្គភាព​ ទៅ​ជា​ការ​ដឹកនាំ​ចម្រុះ​ដែលមាន​គ្រប់អង្គភាព​ពាក់ព័ន្ធ​ចូលរួម​ ដែល​ធ្វើឱ្យ​សមាគម​អតីតយុទ្ធជន​កម្ពុជា បានដំណើរការ​ប្រកបដោយ​ភាពជោគជ័យ​ ក្រោមការដឹកនាំ​ប្រកប​ដោយ​គតិបណ្ឌិត​របស់​​សម្តេចតេជោ ហ៊ុន សែន ប្រធានសមាគម៕

The post អ្នកឧកញ៉ា ម៉ម វណ្ណឌី និងភរិយា ជួយសាងសង់ទីស្នាក់ការសមាគមអតីតយុទ្ធជនកម្ពុជា នៅខេត្តបាត់ដំបង បន្ទាយមានជ័យ និងខេត្តកំពត appeared first on .

ការបំពាក់​គ្រឿងឥស្សរិយយស «ជាតូបការ» ជូន​អ្នកឧកញ៉ា​ទាំង​ពីរ​រូប​ខាង​លើ​នេះ គឺ​​ក្នុង​ឱកាស​ដែល​សម្ដេច​តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីភាពដ៏ខ្ពង់ខ្ពស់​ក្នុងពិធី​សម្ពោធដាក់​ឱ្យ​ប្រើប្រាស់ជាផ្លូវការ រោងចក្រប្រព្រឹត្តកម្មទឹកស្អាតបាក់ខែង ស្ថិតនៅសង្កាត់បាក់ខែង ខណ្ឌ​ជ្រោយ​ចង្វារ រាជធានីភ្នំពេញ កាល​ពី​ថ្ងៃ​ចន្ទ។ ជាមួយ​គ្នា​នោះ សម្ដេចតេជោ ​ក៏បាន​បំពាក់មេដាយ និងគ្រឿងឥស្សរិយ​យស ជូនដល់មន្ត្រីមានស្នាដៃមួយចំនួន​ទៀត​ ដែលបានរួមចំណែកក្នុងការសាងសង់​រោងចក្រប្រព្រឹត្តិកម្ម​ទឹក​ស្អាត​បាក់ខែងជំហានទី១ ផងដែរ។

​សូម​ជម្រាប​ថា អតីតអ្នកបួស ម៉ម វណ្ណឌី ​​​ត្រូវ​បាន​ព្រះមហាក្សត្រ​ ត្រាស់​បង្គាប់​ផ្តល់​គោរមងារ «ឧកញ៉ា» ​​កាលពី​ថ្ងៃទី១១ ខែធ្នូ ឆ្នាំ២០២០ និង​​គោរមងារជា «អ្នកឧកញ៉ា» នៅថ្ងៃទី៨ ខែមិថុនា ឆ្នាំ២០២២។ អ្នកឧកញ៉ាបណ្ឌិត ម៉ម វណ្ណឌី ​​​ត្រូវ​បាន​ព្រះមហាក្សត្រ​ ​ត្រាស់បង្គាប់តែងតាំងនិងផ្ដល់ឋានៈ ជា «ទីប្រឹក្សាគណៈកម្មាធិការជាតិ​គ្រប់គ្រង​គ្រោះមហន្តរាយ» មានឋានៈស្មើ «រដ្ឋមន្ត្រី» ​កាលពី​ថ្ងៃទី១៣ ខែមករា ឆ្នាំ២០២៣ ខណៈ​ដែល​ឧត្តម​ភរិយា​របស់​លោក គឺ​ឧកញ៉ា​ ទៀង ផល្លា ក៏​ទើប​ត្រូវ​បាន​ព្រះមហាក្សត្រ ​ចេញ​ព្រះរាជក្រឹត្យ​ត្រាស់​បង្គាប់​ផ្តល់​គោរមងារ «អ្នកឧកញ៉ា» ​​កាល​ពី​​ថ្ងៃទី​១៣ ខែមិថុនា ឆ្នាំ២០២៣ កន្លង​ទៅ​ថ្មីៗ​នេះ៕

The post អ្នកឧកញ៉ា ម៉ម វណ្ណឌី និងអ្នកឧកញ៉ា ទៀង ផល្លា ទទួលការបំពាក់គ្រឿងឥស្សរិយយស «ជាតូបការ» ពីសម្តេចតេជោ ហ៊ុន សែន appeared first on .