នាឱកាសនោះ អ្នកឧកញ៉ា ម៉ុង ឬទ្ធីបានកោតសរសើរ និងអរគុណដល់រាជរដ្ឋាភិបាលដែលបានខិតខំប្រឹងប្រែងកសាងប្រទេសជាតិតាំងពីបាតដៃទទេ រហូតមានអ្វីៗសព្វគ្រប់បែបយ៉ាងដូចសព្វថ្ងៃនេះ ដោយយើងវិវត្ដតាំងពីគ្មានអង្ករច្រកឆ្នាំង រហូតដល់នាំអង្ករចេញយ៉ាងច្រើនសន្ធឹកសន្ធាប់ ហើយស្ទើតែពិបាករកទីផ្សារក្នុងការលក់អង្ករទៅទៀត។

ទោះបីជាបែបនេះក៏ដោយ អ្នកឧកញ៉ា បានសង្កេតឃើញថា បញ្ហាលំបាកយើងនៅតែជួបប្រទះ។ ទន្ទឹមនឹងនោះ អ្នកឧកញ៉ា ក៏ស្នើសុំរាជរដ្ឋាភិបាល មេត្ដាត្រួតពិនិត្យការនាំចូលជីកសិកម្ម កុំឱ្យគេនាំចូលជីដែលគ្មានគុណភាពមកលក់ឱ្យកសិករដែលអាចនឹងធ្វើឱ្យខូចដីកសិកម្ម ទទួលបានទិន្នផលតិច ចំណែកថ្លៃផលិតខ្ពស់។

ជាមួយគ្នានោះ អ្នកឧកញ៉ា ក៏បានស្នើរដ្ឋាភិបាលបង្កើនការយកចិត្ដទុកដាក់ចំពោះការដាំដុះឈើហូបផ្លែ ពីព្រោះប្រទេសជិតខាងយកមកលក់ឱ្យយើង គឺនៅពេលដែលគេឈប់ប្រើទៅហើយ ដោយបំណងរបស់គេ គឺមិនចង់ឱ្យយើងទទួលបានផលច្រើនជាងគេនោះទេ បំណងរបស់គេគឺធ្វើឱ្យយើងទទួលបានផលតិច ដើម្បីឱ្យយើងបាននាំចូលបន្លែ ផ្លែឈើពីគេមក។

សូមជម្រាបជូនថា អ្នកឧកញ៉ា ម៉ុង ឬទ្ធី ក្រៅពីការងារជាប្រធានគណៈកម្មការទី៣ព្រឹទ្ធសភា អ្នកឧកញ៉ា ក៏ជាអ្នករកស៊ីជើងចាស់មួយរូបដ៏មានសក្តានុពល ដែលល្បីល្បាញខាងវិស័យកសិកម្ម បច្ចុប្បន្នជាអគ្គនាយកក្រុមហ៊ុន ម៉ុង ឬទ្ធី គ្រុប ដែលឈរជើងជាង ៣៤ឆ្នាំមកហើយ ក្នុងពិភពមុខជំនួញ និងនាំផលិតផលសម្រេចជាច្រើនទៅកាន់ពិភពលោកឲ្យបានស្គាល់ពីកម្ពុជា៕

The post អ្នកឧកញ៉ា ម៉ុង ឬទ្ធី ស្នើរាជរដ្ឋាភិបាលត្រួតពិនិត្យការនាំចូលជីកសិកម្ម ចៀសវាងនាំចូលជីដែលគ្មានគុណភាពមកលក់ឱ្យកសិករ appeared first on .

មានប្រសាសន៍ក្នុងសមាជរដ្ឋសភា និងព្រឹទ្ធសភា លើកទី១ នៅវិមានរដ្ឋសភា នាថ្ងៃទី៣ ខែមិថុនា ឆ្នាំ២០២៥ អ្នកឧកញ៉ា ម៉ុង ឬទ្ធី បានសង្កត់ធ្ងន់ថា ប្រសិនបើការនាំចូលជ្រូកដែលមានសារធាតុគីមីបែបនេះ យើងប្រាកដជាមានបញ្ហាហើយ។

ដើម្បីដឹងច្បាស់ថា តើសាច់ជ្រូកប្រភេទណាជាសាច់ជ្រូកដាក់សារធាតុគីមី? អ្នកឧកញ៉ា បានណែនាំឱ្យពិនិត្យលើចំណុចគួរកត់សម្គាល់មួយចំនួនដូចជា សាច់ជ្រូកដាក់ព្យួរដោយគ្មានរុយរោម សាច់មានពណ៌ក្រហមស្រស់ជាដើម។

ជុំវិញបញ្ហានេះ អ្នកឧកញ៉ាបានស្នើសុំដោយទទូចទៅរាជរដ្ឋាភិបាល ដើម្បីត្រួតពិនិត្យ បន្លែ ផ្លែឈើ ត្រី សាច់ដែលនាំចូលមក និងជាពិសេសនោះគឺស្នើដល់ប្រជាកសិករយើង គួរធ្វើការកែច្នែបន្ថែមលើត្រីរបស់យើង ទៅជាប្រហុក ចំណែកសាច់ជ្រូក សាច់គោ អាចកែទៅជាផ្អកជាដើម។

សូមជម្រាបជូនថា អ្នកឧកញ៉ា ម៉ុង ឬទ្ធី ក្រៅពីការងារជាប្រធានគណៈកម្មការទី៣ព្រឹទ្ធសភា អ្នកឧកញ៉ា ក៏ជាអ្នករកស៊ីជើងចាស់មួយរូបដ៏មានសក្តានុពល ដែលល្បីល្បាញខាងវិស័យកសិកម្ម បច្ចុប្បន្នជាអគ្គនាយកក្រុមហ៊ុន ម៉ុង ឬទ្ធី គ្រុប ដែលឈរជើងជាង ៣៤ឆ្នាំមកហើយ ក្នុងពិភពមុខជំនួញ និងនាំផលិតផលសម្រេចជាច្រើនទៅកាន់ពិភពលោកឲ្យបានស្គាល់ពីកម្ពុជា៕

The post អ្នកឧកញ៉ា ម៉ុង ឬទ្ធី ស្នើរដ្ឋាភិបាលពិនិត្យការនាំចូលជ្រូករស់ ព្រោះជ្រូកប្រភេទនេះ គេអាចដាក់គីមីបាន appeared first on .

ថ្លែងនៅក្នុងពិធីបិទកិច្ចប្រជុំប្រចាំឆ្នាំ និងសិក្ខាសាលាស្តីពីឧត្តមភាពនៃវិស័យចិញ្ចឹមសត្វនៅកម្ពុជា កាលថ្ងៃទី២៩ ខែកុម្ភៈ ឆ្នាំ២០២៤ ថា កន្លងមកទោះបីជួបការលំបាកយ៉ាងណាក៏ដោយមិនថាជ្រូកចុះថ្លៃខ្លាំង ឡើងថ្លៃលក់បានត្រឹមរួចខ្លួន និងប្រឈមនឹងជំងឺទូទៅក៏យើងនូវតែរួបរួមសាមគ្គីគ្នាដើម្បីចូលរួមចំណែកកសាងនិងអភិវឌ្ឍន៍ប្រទេសកម្ពុជាជាមួយនឹងរាជរដ្ឋាភិបាលដែលដឹកនាំដោយសម្តេចធិបតី ហ៊ុន ម៉ាណែត ។

អ្នកឧកញ៉ា មានប្រសាសន៍ថា «សមាគមអ្នកចិញ្ចឹមសត្វរបស់យើងគឺនៅក្មេងខ្ចីណាស់ ទើបតែកើតឡើងបានប៉ុន្មានឆ្នាំ អីចឹងយើងត្រូវតែខិតខំប្រឹងប្រែងបន្តរួមសាមគ្គីគ្នាជាធ្លុងមួយដើម្បីពង្រឹង ពង្រីកវិស័យចិញ្ចឹមសត្វរបស់យើងនេះឱ្យកាន់តែរីកចម្រើនជឿនលឿនតទៅមុខទៀត ហើយខ្ញុំនៅតែចូលរួមចំណែកក្នុងវិស័យចិញ្ចឹមសត្វនេះបន្តទៅទៀតជាមួយថ្នាក់ដឹកនាំទាំងអស់នៅពេលមានតម្រូវការរូបខ្ញុំ ខ្ញុំនឹងខិតខំរិះរកគ្រប់មធ្យោបាយជួយជំរុញវិស័យចិញ្ចឹមសត្វរបស់យើងនេះឱ្យកាន់តែរីកចម្រើនជឿនលឿនទៅមុខ»។

អ្នកឧកញ៉ាលើកឡើងថា រាល់ពេលសមាគមអ្នកចិញ្ចឹមសត្វនៅទូទាំងប្រទេសពេលជួបការលំបាក ថ្នាក់ដឹកនាំសមាគមតែងតែរិះរកគ្រប់មធ្យោបាយដើម្បីឱ្យរាជរដ្ឋាភិបាលជួយដោះស្រាយ ក្នុងនោះតម្រូវការចាំបាច់គឺរូបខ្ញុំ ឱ្យជួយសម្របសម្រួល តាំងពីខ្ញុំមិនទាន់ជាប្រធានគណកម្មាការទី៣ព្រឹទ្ធសភា អាណត្តិទី១នៃរាជរដ្ឋាភិបាល រហូតមកដល់បច្ចុប្បន្ននេះ មិនត្រឹមតែការចិញ្ចឹមសត្វទេ កសិផលទាំងអស់ពេលជួបបញ្ហា តែងតែរិះរកគ្រប់មធ្យោបាយជួយសម្របសម្រួលឱ្យរាជរដ្ឋាភិបាលជួយដោះស្រាយ ដើម្បីឱ្យកសិករយើងអាចប្រកបរបរអាជីវកម្មលើវិស័យកសិកម្ម កសិឧស្សាហកម្មបានតទៅមុខទៀត។

បើយោងតាមអ្នកឧកញ៉ា ម៉ុង ឬទ្ធី កន្លងមកស្រូវចុះថ្លៃ ជ្រូកឡើងថ្លៃ តែពេលនេះស្រូវឡើងថ្លៃ តែជ្រូកចុះថ្លៃ ហើយសត្វចិញ្ចឹមភាគច្រើនចុះថ្លៃ។ ដូចនេះវាពិបាកណាស់ ទីផ្សារមិនទៀងទាត់ ហើយខ្ញុំនៅតែពេញចិត្តបម្រើដោយឥតលក្ខខណ្ឌ៕ តាកែវ

The post ប្រធានគណៈកម្មការទី៣ព្រឹទ្ធសភា លើកទឹកចិត្តដល់អ្នកចិញ្ចឹមសត្វឱ្យបន្តសាមគ្គីគ្នាដើម្បីឆ្ពោះទៅរកភាពរីកចម្រើន appeared first on .

វិបត្តិធ្ងន់ធ្ងរនេះបើយោងតាមអ្នកឧកញ៉ា ម៉ុង ឫទ្ធី ប្រធានគណៈកម្មការទី៣នៃព្រឹទ្ធសភា និងជាសហប្រធានក្រុមការងារ« ក»វិស័យឯកជនបានអះអាងថាគឺបណ្តាលមកពីការនាំចូលសាច់បង្កកមានគុណភាពទាបយកមកដាក់លក់នៅលើទីផ្សារក្នុងដូចសព្វថ្ងៃនេះវាកំពុងតែបំផ្លាញវិស័យចិញ្ចឹមសត្វនៅកម្ពុជា។

ថ្លែងនៅក្នុងសិក្ខាសាលាស្តីពីសុវត្ថិភាពសាច់បង្កកសម្រាប់សុខភាពពលរដ្ឋកាលពីថ្ងៃទី៣០ ខែវិច្ឆិកា អ្នកឧកញ៉ា ម៉ុង ឫទ្ធី បានបង្ហាញការសប្បាយចិត្តនៅពេលវិស័យចិញ្ចឹមជ្រូកនៅក្នុងស្រុកមានការរីកចម្រើននៅក្នុងរយៈពេល១០ឆ្នំាចុងក្រោយជាពិសេសប្រជាពលរដ្ឋចាប់ផ្តើមការចិញ្ចឹមពីលក្ខណៈគ្រួសាររហូតដល់ក្លាយជាការចិញ្ចឹមតាមបែបពាណិជ្ជកម្មទំនើបដូចប្រទេសជឿនលឿននៅលើពិភពលោក។

អ្នកឧកញ៉ា ម៉ុង ឫទ្ធី មានប្រសាសន៍ថា«ជាអកុសលវិស័យចិញ្ចឹមសត្វនៅកម្ពុជាកំពុងជួបនឹងវិបត្តិធ្ងន់ធ្ងរនៅឆ្នំា២០២៣នេះ ។កត្តាចំម្បងនៃវិបត្តិមិនមែនបណ្តាលមកពីផលប៉ះពាល់ពីជំងឺកូវីដ១៩ ឬសង្គ្រាមរវាង រុស្ស៊ី អ៊ុយក្រែន,សង្គ្រាមអ៊ីស្រាអែលនិងប៉ាលីស្ទិននោះទេ គឺបណ្តាលមកពីការនាំចូលសាច់បង្កកដែលមានគុណភាពទាបខុសប្រក្រតីជាច្រើនមកលក់នៅលើទីផ្សារតូច-ធំនៅក្នុងព្រះរាជាណាចក្រកម្ពុជា»។

អ្នកឧកញ៉ា សង្កត់ធ្ងន់ដូច្នេះថា «ការនាំចូលសាច់បង្កកដែលមានគុណភាពទាប គ្មានហេដ្ឋារចនាសម្ព័ន្ធទុកដាក់គ្រប់គ្រាន់ ហើយមិនបានត្រួតពិនិត្យឱ្យបានត្រឹមត្រូវ យកមកដាក់លក់នៅលើទីផ្សារមានតម្លៃទាបហួសប្រមាណគឺកំពុងតែបំផ្លាញវិស័យចិញ្ចឹមសត្វនៅកម្ពុជា និងបំផ្លាញសុខភាពប្រជាពលរដ្ឋកម្ពុជាយើង ព្រោះប្រជាពលរដ្ឋយើងមិនបានដឹង ឃើញតែគេដាក់លក់មានតម្លៃថោកក៏ចេះតែនាំគ្នាទិញយកទៅបរិភោគនិងឃើញនៅតាមភោជនីយដ្ឋានមានលក់អាហារតម្លៃទាបក៏ចេះតែនាំគ្នាចូលហូបពិសេសនៅរៀងរាល់ពេលល្ងាច»។

ពាក់ព័ន្ធនឹងវិស័យចិញ្ចឹមសត្វនេះដែរ អ្នកឧកញ៉ា ម៉ុង ឫទ្ធី ប្រាប់អ្នកសារព័ត៌មានថា តម្លៃជ្រូកនៅពេលបច្ចុប្បន្ននេះ ឃើញថាខាតប្រាក់៦០ដុល្លារក្នុងមួយក្បាលជាមធ្យម ហើយក្រោយពេលប្រជុំគណៈរដ្ឋមន្ត្រីរវាងរាជរដ្ឋាភិបាល ផ្នែកឯកជនកន្លងទៅថ្មីៗនេះ យើងបានរកដំណោះស្រាយដើម្បីកាត់បន្ថយនៃការខាតបង់ប្រាក់ឱ្យបានកាន់តែច្រើន ។ខ្ញុំសង្ឃឹមថាយើងនិងមិនមានការបោះបង់ការចិញ្ចឹមសត្វនោះទេ បើបោះបង់យើងនិងអាចនាំចូលសាច់មកពីខាងក្រៅយកមកទទួលទានទៀតហើយ ដូចនេះយើងត្រូវតែតស៊ូបន្តទៀត។

បើតាមអ្នកឧកញ៉ា ម៉ុង ឫទ្ធី ផ្អែកលើបទពិសោធន៍៣០ឆ្នំាលើវិស័យកសិកម្ម កសិឧស្សាហកម្ម បើដំាដំណំាអ្វីមួយហើយខូចខាតអាចធ្វើឡើងវិញ តែចំពោះការចិញ្ចឹមជ្រូកបើដួលរំលំហើយវាមិនងាយងើបឡើងវិញបានទេ បើចង់ឃើញងើបឡើងវិញទាមទារត្រូវមានដើមទុនច្រើនទើបទៅរួច៕ អត្ថបទ៖ សារេត

The post អ្នកឧកញ៉ា ម៉ុង ឫទ្ធី៖ ការនាំចូលសាច់បង្កកមានគុណភាពទាបយកមកដាក់លក់លើទីផ្សារកំពុងបំផ្លាញវិស័យចិញ្ចឹមសត្វនៅកម្ពុជា appeared first on .

តាមរយៈ​សេចក្តីសម្រេច​នេះ​ ក្រុមការងារ “ក” “ផ្នែកកសិកម្ម និងកសិ-ឧស្សាហកម្ម” នៃវេទិការាជរដ្ឋាភិបាល-ផ្នែកឯកជន គឺ​មាន​សមាសភាព​ចំនួន ៣០​រូប ដោយ​ក្នុង​នោះ​មាន​ អ្នកឧកញ៉ា និង​ឧកញ៉ា ចំនួន ១៥​រូប រួមមាន​ដូចជា៖ អ្នកឧកញ៉ា ម៉ុង ឬទ្ធី សហប្រធាន, អ្នកឧកញ៉ា ផែ ហុកឈួន អ្នកឧកញ៉ា ហ៊ុន ឡាក់ អ្នកឧកញ៉ា សុខ ឆេង អ្នកឧកញ៉ា អាន ម៉ាឌី អ្នកឧកញ៉ា ភួ វាសនា ឧកញ៉ា ម៉ែន សុភក្តិ (អនុប្រធាន) និង​ឧកញ៉ា ហាក់ សុវណ្ណា ឧកញ៉ា ឡោ ស៊ុនជាង ឧកញ៉ា សុខ ហ៊ាង ឧកញ៉ា សុធី សុវិត្យា ឧកញ៉ា ឡាយ ស៊ា ឧកញ៉ា ឡេង ឫទ្ធី ឧកញ៉ា ចាន់ សុឃាំង និង​ឧកញ៉ា គុជ ស៊ីនីត ជា​សមាជិក។ ក្រៅនេះ​ក៏​មាន​លោក-លោកស្រី និង​តំណាង​សមាគម​​មួយ​ចំនួន​ទៀត។

ក្រុមការងារ “ក” “ផ្នែកកសិកម្ម និងកសិ-ឧស្សាហកម្ម” គឺ​មាន​លោក ឌិត ទីណា រដ្ឋមន្ត្រី​ក្រសួង​កសិកម្ម រុក្ខា​ប្រមាញ់ និងនេសាទ និង​អ្នកឧកញ៉ា ម៉ុង ឬទ្ធី ជា​សហប្រធាន។ កាលពី​រសៀល​ថ្ងៃទី២៣ ខែតុលា ឆ្នាំ២០២៣ ​ក្រុមការងារ​នេះ បាន​បើក​កិច្ចប្រជុំ​​​ពិគ្រោះ ពិភាក្សា និងដោះស្រាយទៅលើបញ្ហាប្រឈម​ ដែលពាក់ព័ន្ធ​នឹង​វិស័យកសិកម្ម និងកសិឧស្សាហកម្ម នៅក្នុងប្រទេសកម្ពុជា។

ក្នុងកិច្ចប្រជុំនេះ តំណាងផ្នែក​ឯកជន បាន​លើក​ឡើង​នូវ​បញ្ហា​ប្រឈម​មួយ​ចំនួន​ដូចជា៖ ១.បញ្ហាអគ្គិសនី, ២.សំណើ​សុំ​លើកលែងពន្ធអាករលើតម្លៃបន្ថែម (VAT 10%) ជារៀងរហូត, ៣.ការគ្រប់គ្រង​ទីផ្សារផល​វារីវប្បកម្ម, ៤.ទីផ្សារសត្វរស់ និងសាច់សត្វ, ៥.គោលនយោបាយគាំទ្រលើវិស័យចិញ្ចឹមសត្វ, ៦.ការផលិតចំណី​សត្វ, ៧.ថ្លៃចំណាយសេវាសាធារណៈចំពោះការស្នើសុំការនាំចេញសត្វ, ៨.ការបង្កើតអនុក្រឹត្យ ស្តីពីការនាំចេញ​ឈើដាំ, ៩.សុំការលើកលែងពន្ធអាករលើតម្លៃបន្ថែម ​VAT10% ទៅលើការលក់ ជ័រកៅស៊ូកែច្នៃរួមហើយ និង​ ១០.បសស ជាដើម។

សូម​ជម្រាប​ថា កិច្ចប្រជុំ​របស់​ក្រុមការងារ​ខាង​លើ​នេះ គឺ​ដើម្បី​ប្រមូល​ផ្តុំ​នូវ​រាល់​បញ្ហា​ដែល​មាន​ចរិត​ជា​គន្លឹះ និង​ធ្វើ​របាយការណ៍រួមរវាងវិស័យឯកជន និងរដ្ឋាភិបាល (ក្រសួងកសិកម្ម រុក្ខាប្រមាញ់ និងនេសាទ) ដើម្បី​រាយការណ៍​ក្នុងវេទិការាជរដ្ឋាភិបាល-ផ្នែកឯកជន លើកទី១៩ ក្រោម​អធិបភាព​សម្តេច​ធិបតី ហ៊ុន ម៉ាណែត នាយករដ្ឋមន្ត្រី​កម្ពុជា ក្នុងវិច្ឆិកា នាពេលឆាប់ៗខាងមុខនេះ៕

The post មកស្គាល់អ្នកឧកញ៉ា ឧកញ៉ា ១៥រូប ស្ថិតក្នុងសមាសភាពក្រុមការងារផ្នែកកសិកម្ម កសិ-ឧស្សាហកម្ម appeared first on .

អ្នកឧកញ៉ា បាន​​​លើក​ឡើង​​​តាម​រយៈ​ទំព័រហ្វេសប៊ុក​​យ៉ាង​ដូច្នេះ​ថា៖ “ខ្ញុំ​បានឃើញ​វីដេអូ​នេះដែរ​ តែខ្ញុំ​មិន​ទម្លាប់​តបត​ទេ។ ដើម្បី​កុំ​ឱ្យ​​ប្រិយមិត្តយើង​មាន​ចម្ងល់​តទៅមុខទៀត​ ខ្ញុំ​សូម​ជម្រាប​​ថា​ នា​ឱកាស​នោះ​ ខ្ញុំ​ឈឺភ្នែក​ នៅពេល​ត្រូវ​ចំណាំងថ្ងៃចាំងមកចំ​ វា​ហូរញើសចូលភ្នែក ​ខ្ញុំក៏​ជូតញើស​ចេញទៅ។ ជិតមួយជីវិត​របស់​ខ្ញុំ​ទៅហើយ​ មិនដែលបាន​ក្បត់​គណបក្ស​ប្រជាជន​កម្ពុជា​ម្តងណាឡើយ”។

អ្នកឧកញ៉ា សមាជិក​ព្រឹទ្ធសភា ​​បាន​បន្ថែម​ទៀត​ថា ឱ្យ​តែជិតដល់ថ្ងៃ​បោះឆ្នោត​ម្តងៗ​ ពួកគេតែងតែប្រឌិត​រឿង​ប្លែកៗ​ ជាពិសេស​ពួកគេតែងតែ​ យករូប​របស់​លោក​​ទៅដាក់​បញ្ចូល​ ដើម្បី​ជាការ​ញុះញង់​ និង​ដើម្បី​យក​ចំណេញ​ផ្នែក​នយោបាយ​តែ​ប៉ុណ្ណោះ។

គួរ​បញ្ជាក់​ថា សម្តេចតេជោ ហ៊ុន សែន បានពន្យល់ថា ភូមិខ្មែរមួយចំនួន ​ដែលចូលទៅភាគីវៀតណាម ដោយសារ​តែខ្សែបន្ទាត់ព្រំដែន របស់បារាំងបានគូសបែបនោះ។ ហេតុនេះហើយទើបកម្ពុជា និងវៀតណាម បានព្រមព្រៀងគ្នាក្នុងការដោះដូរដីភូមិរៀងៗខ្លួន។ ចំណែក​ពាក់ព័ន្ធ​នឹង​រឿង​ភូមិ​សម្តេច​ ហេង សំរិន ភាគី​កម្ពុជា-វៀតណាម បានព្រមព្រៀងគ្នា ដោះស្រាយបញ្ហានេះ ​ដោយយកចំណុចទី៣ គឺត្រូវដូរខ្សែព្រំដែន ដោយគូស​ខ្សែព្រំដែនថ្មី ព័ទ្ធយកភូមិសម្តេច ហេង សំរិន ឱ្យ​មកនៅក្នុងដីខ្មែរ ព្រម​ទាំង​បាន​ដោះស្រាយ​ចប់​សព្វគ្រប់​យូរ​មក​ហើយ៕

The post អ្នកឧកញ៉ា ម៉ុង ឫទ្ធី បកស្រាយចម្ងល់យកដៃជូតភ្នែក ពេលសម្តេចតេជោ ថ្លែងរឿងភូមិសម្តេច ហេង សំរិន appeared first on .

​កាលពី​ល្ងាច​ថ្ងៃទី​២៣ ខែ​វិច្ឆិកា ឆ្នាំ២០២២ ​​សហគ្រិនខ្មែរ (Khmer Enterprise) សហការជាមួយ​វិទ្យាស្ថាន​ជាតិសហគ្រិនភាពនិងនវានុវត្តន៍ ​(NIEI)​​​ បានរកឃើញម្ចាស់​ជ័យលាភីពានរង្វាន់សហគ្រិន​ថ្នាក់ជាតិ​ឆ្នាំ២០២២ ទាំង៤រូប គឺ៖
» លេខ១៖ លោក ឈរ រិទ្ធី (ខ្មែរ ហ្រ្វេស មិល ឯ.ក ខេត្តតាកែវ)
» លេខ២៖ លោកស្រី ទ្រី មុយគា (សហគ្រាសផលិតថ្នាំ ប៉េប៉េអឹម ភ្នំពេញ)
» លេខ៣៖ លោកស្រី ងន វ៉ាន់ថា (Color Silk Enterprise ភ្នំពេញ)
» លេខ៤៖ លោកស្រី ម៉ៅ សុធា (SHE Acrocam Products Co.,Ltd ភ្នំពេញ)។

បណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា តំណាងគណៈកម្មការផ្តល់ពិន្ទុ​វគ្គផ្តាច់ព្រ័ត្រ​កម្មវិធី​ប្រកួតប្រជែង​ពានរង្វាន់សហគ្រិនថ្នាក់ជាតិឆ្នាំ២០២២ ​​បាន​ថ្លែង​ក្នុង​ពិធីបិទពានរង្វាន់​សហគ្រិនថ្នាក់ជាតិ​ឆ្នាំ២០២២ ​​ថា ​ឆ្នាំក្រោយ​នឹង​មានការប្រកួតពានរង្វាន់សហគ្រិន​អាស៊ាន នៅប្រទេសឥណ្ឌូនេស៊ី។ ដូច្នេះ​លោក​សូម​អំពាវនាវឱ្យអ្នកជាប់ ឬអ្នកមិនបានជាប់ ត្រៀមខ្លួនទៅប្រកួតពានរង្វាន់អាស៊ានឆ្នាំ២០២៣ ហើយ​ក្នុងនោះក៏មានពានរង្វាន់ទូទៅ និងពានរង្វាន់ពិសេសថែមទៀត។

លោក​បណ្ឌិត​ ក៏​សំណូមពរ​ដល់​ថ្នាក់ដឹកនាំ និង​គណៈកម្មការ​ថ្នាក់​ជាតិ ជួយ​រៀប​ចំ​បង្កើតឱ្យមានវគ្គណែនាំ​តម្រង់ទិសបន្ថែម មុន​ឱ្យ​បេក្ខជន​ឆ្នើម​ថ្នាក់​ជាតិ​ទាំង​អស់​ ទៅចូលរួមប្រកួតពានអាស៊ាន ដើម្បី​ធ្វើយ៉ាងណា​ឱ្យបានជោគជ័យទាំងអស់គ្នា សម្រាប់ជាតិយើង។

សូម​ជម្រាប​ជូន​ថា ពានរង្វាន់សហគ្រិនថ្នាក់ជាតិឆ្នាំ២០២២ ដែលរៀបចំដោយវិទ្យាស្ថានជាតិសហគ្រិនភាព និងនវានុវត្តន៍ (NIEI) និងសហគ្រិនខ្មែរ (KE) ឧបត្ថម្ភធំដោយធនាគារ ព្រីនស៍ បាន​ប្រព្រឹត្តទៅនៅថ្ងៃទី២៣ ខែវិច្ឆិកា ឆ្នាំ២០២២ នៅសណ្ឋាគារហ៉ីម៉ាវ៉ារីភ្នំពេញ។ កម្មវិធីនេះ គាំទ្រដោយ ក្រសួងសេដ្ឋកិច្ច និងហិរញ្ញវត្ថុ, ក្រសួងការងារ និងបណ្តុះបណ្តាលវិជ្ជាជីវៈ, ក្រសួងពាណិជ្ជកម្ម និង​ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍៕

The post កូនប្រសារអ្នកឧកញ៉ា ម៉ុង ឫទ្ធី សំណូមពរឱ្យម្ចាស់ពានសហគ្រិនឆ្នាំ២០២២ ទៅប្រកួតកម្រិតអាស៊ាន appeared first on .

អ្នកឧកញ៉ាដែលស្គាល់ទូទៅថាជាស្តេចក្រាញ់ខាងវិស័យកសិកម្មល្បីល្បាញទាំងក្នុងស្រុក និងក្រៅប្រទេស ហើយក៏ជាសេដ្ឋជន ឥស្សរៈជនមួយរូបតែងតែចូលរួមក្នុងកិច្ចការមនុស្សធម៌និងអភិវឌ្ឍហេដ្ឋារចនាសម្ព័ន្ធសង្គមរូបនេះ បានផ្តល់ដំបូន្មានដល់កូនប្រុសទាំងពីរនាក់​ ដែលទេីបទទួលបានគោរមងារជាឧកញ៉ា​ ក្នុងពិធីអាហារសាមគ្គី កាលពីថ្ងៃទី២ ខែកញ្ញា យ៉ាងដូច្នេះថា៖ “សូមឲ្យធ្វេីតែអំពេីល្អ​ ចូលរួមសកម្មភាពមនុស្សធម៌​ កសាង​ និងអភិវឌ្ឍប្រទេសជាតិឱ្យកាន់តែរីកចំរេីនរុងរឿងឡេីងបន្ថែមទៀត​ ក្រោមមាគ៌ាដឹកនាំប្រកបដោយគតិបណ្ឌិត​របស់សម្តេចតេជោ​ ហ៊ុន​ សែន​ នាយករដ្ឋមន្ត្រី​ ដែលមានសុខសន្តិភាពពេញលេញ​ មានការអភិវឌ្ឍន៍រីកចំរេីនគ្រប់ទីកន្លែងទូទាំងប្រទេស​”។

ការថ្លែងបញ្ជាក់ប្រាប់កូនៗយ៉ាងដូច្នេះ របស់អ្នកឧកញ៉ាក៏ប្រហែលជាអាចទំនងមិនចង់ឱ្យកូនៗដែលកាន់គោរមងារដ៏ខ្ពង់ខ្ពស់មួយនេះប្រព្រឹទ្ធអំពើមិនគប្បីណាមួយប៉ះពាល់ដល់កិត្តិយសគ្រួសារ ពិសេសនោះ មុខមាត់កេរ្តិ៍ឈ្មោះប្រទេសជាតិតែម្តង។

កូនប្រុសទាំង ២នាក់ ស្ថិតក្នុងចំណោមកូនប្រុសស្រី ៥នាក់ដែលទើបទទួលងារឧកញ៉ានៅថ្ងៃទី២៧ ខែសីហា ឆ្នាំ២០២២នេះ រួមមាន៖ លោក ម៉ុង ចាន់ថន ជាកូនទី៣ និងលោក ម៉ុង ចាន់ថុល កូនទី៤ តាមព្រះរាជក្រឹត្យ លេខនស/រកត/០៨២២/១០៥៩ ចុះហត្ថលេខាដោយប្រមុខរដ្ឋស្តីទី សម្តេចវិបុលសេនាភក្តី សាយ ឈុំ។

បន្ថែមពីលើការបញ្ជាក់ប្រាប់កូនៗ ក្នុងនាមជាឪពុកដែលធ្លាប់បានដើរត្រួសត្រាយផ្លូវទុកឱ្យកូនចៅជំនាន់ក្រោយនេះ ខណៈអ្នកឧកញ៉ា ម៉ុងឫទ្ធី ជាអ្នកមានមុខមាត់ និងមិត្តមានល្បាញល្បីក្នុងពិភពជំនួញ និងកិច្ចការមនុស្សធម៌ ដូច្នេះអ្នកឧកញ៉ាចង់ឱ្យកូនៗស្ថិតនៅតាមគន្លងធម៌ ចរន្តទំនោរសង្គមនិងសេដ្ឋកិច្ចកម្ពុជា ចូលរួមអភិវឌ្ឍន៍ប្រទេស៕

The post ស្តេចក្រាញ់កសិកម្មស្រុកខ្មែរ ម៉ុង ឫទ្ធី ផ្តាំកូនទើបទទួលងារឧកញ៉ា សូមប្រកាន់ភ្ជាប់តែអំពើល្អ appeared first on .

អនុប្រធាន​សភា​ពាណិជ្ជកម្មកម្ពុជា​​រូប​នេះ ​​បាន​លើក​ឡើង​ក្នុងកម្មវិធីតម្រង់ទិស​ជំនាញសិក្សា​និងការងារ នៅវិទ្យាស្ថានតេជោសែន សាធារណការ និងដឹកជញ្ជូន សម្រាប់​សិស្ស​និស្សិត​ប្រមាណ ៥០០​នាក់ ​​កាលពី​ថ្ងៃទី​០៦ ខែកុម្ភៈ ឆ្នាំ២០២២ ថា លោក​មាន​៨​ចំណុច ​​ដើម្បី​ចែក​រំលែក​ដល់​​​សិស្ស​និស្សិត​ ហើយ​ជា​រឿង​ដែល​យុវជន​ត្រូវ​ធ្វើ ដូច​ខាង​ក្រោម៖

១. ហ៊ានអភិវឌ្ឍខ្លួនលើចំណេះដឹង៖ កុំអាលស្តាប់អ្នកជោគជ័យខ្លាំងពេក នាំឱ្យបែកអារម្មណ៍ ប៉ុន្តែត្រូវផ្តោត​លើ​ការ​សិក្សា​អភិវឌ្ឍ​ខ្លួន​ ឱ្យ​មាន​ចំណេះ​ដឹង​ច្បាស់​លាស់​សិន។

២. ត្រូវចាប់យកមុខវិជ្ជាណាមួយឱ្យបានច្បាស់លាស់៖ មនុស្សម្នាក់​យ៉ាង​ហោចណាស់ ក៏​មានជំនាញ​មួយ​ច្បាស់ដែរ ដូច្នេះ​បើ​ដឹង​ថា​ខ្លួន​ពូកែ​មុខ​វិជ្ជា​អ្វី គួរ​តែ​ចាប់​​​យក​មុខវិជ្ជា​នោះ​ឱ្យ​បាន​ច្បាស់​លាស់។

៣. ត្រូវដាក់ទិសដៅរបស់ខ្លួន៖ តើ​អនាគត​ខ្លួន​ចង់ក្លាយជាអ្វី? ជាមន្ត្រីរាជការ សហគ្រិនភាព ឬបុគ្គលិក​វិស័យឯកជន? ជាពិសេស​ ត្រូវ​ចេះ​សិក្សា​ស្វែង​យល់​ពី​គោលនយោបាយ​របស់​រាជរដ្ឋាភិបាល និង​សម្រួច​ខ្លួន​ទៅ​តាម​គោលនយោបាយ​នោះ។

៤. ត្រៀមខ្លួនសម័យបដិវត្តន៍ឧស្សាហកម្ម ៤.០៖ ត្រូវយល់ដឹងពីបច្ចេកវិទ្យាទំនើបៗឱ្យបានច្រើន ទាក់​នឹង​​​បរិបទ​ការងារ​ថ្មី ដែល​ប្រើប្រាស់​បច្ចេកវិទ្យា​ជំនួយ។

៥. ត្រូវចេះ IT និងភាសាអង់គ្លេស៖ ចំណេះដឹង​ទាក់ទង​នឹង​​ Computer និង​ភាសាអង់គ្លេស ជា​អ្វី​ដែល​មិន​អាច​ខ្វះ​បាន សម្រាប់​មនុស្ស​សម័យ​ថ្មី ដូច្នេះ​ត្រូវ​តែ​ខិត​ខំ​សិក្សា​ឱ្យ​បាន​ជ្រៅ​ជ្រះ ឬ​អាច​ប្រើ​ការ​បាន។ ​

៦. ត្រូវចេះសិក្សាជាក្រុម និងរៀនរបៀបធ្វើការជាក្រុម៖ នៅ​បរទេស​ គេ​ចូល​ចិត្ត​ធ្វើ​ជា​ការ​ក្រុម ព្រោះ​វា​អាច​បានលទ្ធផលខ្ពស់ ប៉ុន្តែ​​​បរិបទ​កម្ពុជា​លោក​យល់​ឃើញ​ថា មនុស្ស​ដូច​ជា​ពិបាក​ពេល​ធ្វើការ​ជាក្រុម ដូច្នេះ​យុវជន​សម័យ​ថ្មី​ ត្រូវ​អភិវឌ្ឍ​ខ្លួន​ និង​ត្រូវ​រៀន​សម្រប​ខ្លួន​​ ឱ្យ​ចេះ​ធ្វើការ​ជា​ក្រុម។

៧. ត្រូវមានមនុស្សម្នាក់​ជា​និមិត្ត​រូប​ (Idol) ដើម្បីធ្វើគម្រូតាម៖ មនុស្ស​ជោគជ័យ​ម្នាក់ តែង​​មាន​មនុស្ស​អស្ចារ្យ​ម្នាក់​​​​ជា​និមិត្ត​រូប ​​បើ​មិន​មាន​ទេ នោះ​មាន​ន័យ​ថា​ យើង​គ្រាន់​តែ​​ជា​មនុស្ស​សាមញ្ញ ​គ្មាន​ការ​ខិត​ខំ និង​គ្មាន​ការ​ប្តេជ្ញា​ចិត្ត​នោះ​ទេ។

៨. ត្រូវចេះថែរក្សាសុខភាពរបស់ខ្លួនឱ្យបានល្អ៖ សុខភាព​ នៅ​តែ​ជា​រឿង​សំខាន់ ទោះ​បី​ថ្នាក់​ដឹកនាំ​កំពូលៗ​​ក៏​តែង​គិត​ពី​សុខភាព​ និងថែ​ទាំ​​កាយ​សម្បទារ​ឱ្យ​បាន​មាំមួន​ផង​ដែរ ដូច្នេះ​ក្នុងនាម​យុវជន មិន​អាច​ប្រងើយ​កន្តើយ​មិន​គិត​ពី​សុខភាព​របស់​ខ្លួន​នោះ​ទេ។

សូមបញ្ជាក់ថា បណ្ឌិត​​ តាន់ មុនីវណ្ណ ​​​កើត​ឆ្នាំ​១៩៧៣​ ហើយ​ម្តាយ​​​បាន​ស្លាប់​​នៅ​សម័យ​ប៉ុលពត ​ខណៈ​ដែល​លោក​​រស់​នៅ​តែលតោល​ ក្នុង​ស្ថានភាព​លំបាក​​​ជា​ច្រើន​ឆ្នាំ។ ប៉ុន្តែ​​ដោយសារ​ការ​ខិតខំ​ប្រឹង​ប្រែង​​ប្តេជ្ញា​ចិត្ត​ក្នុង​ការ​រៀនសូត្រ លោក​បាន​បញ្ចប់​ការសិក្សា​​ជា​ច្រើន​ដូចជា បរិញ្ញាបត្រ​ច្បាប់, អនុបណ្ឌិត​ ចំនួន​២ ​ផ្នែក (គ្រប់គ្រង និង​ធុរកិច្ចរដ្ឋបាល) និង​បណ្ឌិត​ ចំនួន​២ ផ្នែក (ច្បាប់ និង​ធុរកិច្ចរដ្ឋបាល)។

បច្ចុប្បន្ន​ បណ្ឌិត​​ តាន់ មុនីវណ្ណ មាន​​តួនាទី​ក្នុង​សង្គម​ជា​ច្រើន​ដូចជា ​អនុប្រធាន​សភា​ពាណិជ្ជកម្ម​កម្ពុជា សមាជិក​ក្រុមប្រឹក្សា​ពាណិជ្ជកម្ម​កម្ពុជា-ថៃ សមាជិក​ក្រុមប្រឹក្សា​ពាណិជ្ជកម្ម​ចិន-អាស៊ាន សមាជិក​ក្រុមប្រឹក្សាភិបាល​សមាគម​ពាណិជ្ជកម្ម​អាស៊ីអាគ្នេយ៍ សមាជិក​ក្រុមប្រឹក្សា​ពាណិជ្ជកម្ម​អាស៊ាន​ឥណ្ឌា សមាជិក​សមាគម​អ្នក​សាងសង់​អាស៊ាន ទី​ប្រឹក្សា​ជាន់​ខ្ពស់​នៃ​សមាគម​អភិវឌ្ឍន៍​លំនៅដ្ឋាន​ អគ្គលេខាធិការ​សមាគម​អ្នក​សាងសង់​កម្ពុជា ទី​ប្រឹក្សា​ភិបាល​​សមាគម​ស្ត្រី​កម្ពុជា​ ក្រុមប្រឹក្សា​បណ្តុះ​បណ្តាល​ថ្នាក់​ជាតិ​នៃ​ទីស្តី​ការ​គណៈរដ្ឋមន្ត្រី​ សមាជិក​មេធាវី នៃ​​គណៈ​មេធាវី​កម្ពុជា។ ​រីឯតួនាទីឯកជន លោក​គឺជា​អគ្គនាយករង​ក្រុមហ៊ុន ម៉ុង ឫទ្ធី គ្រុប និង​ជាម្ចាស់​​ក្រុមហ៊ុន​ចំនួន​១០ ផងដែរ៕

The post កូនប្រសារអ្នកឧកញ៉ា ម៉ុង ឫទ្ធី ផ្តាំយុវជនឱ្យធ្វើរឿង៨ចំណុច កុំទាន់ស្តាប់អ្នកជោគជ័យច្រើនពេក appeared first on .

លោកឧកញ៉ាបណ្ឌិត​ បាន​បង្ហោះសារ​លើ​បណ្តាញ​សង្គម​ហ្វេសប៊ុក​ថា៖ “បានជាមកមើលទៅហើយ ​ទិញ​១គ្រឿង​យកទៅប្រើប្រាស់​ នៅក្នុងតំបន់​រមណីយដ្ឋាន​អភិវឌ្ឍន៍​កសិទេសចរណ៍​ម៉ុង​ ឫទ្ធី​សែនជ័យ។​ សាកល្បងលមើល​ ដោយសារតែ​អ្នកលក់​អួតអាង​ថា​ នីវឺឡឺ​មាក​ខេត ​CAT ផលិត​ឆ្នាំ​២០២២នេះ ស៊ីប្រេង​តិច​បំផុត​ យកទៅសាកល្បងមើលទៅ​ បើ​បងធំ​មិនពេញចិត្ត​ទេ​ ១ឆ្នាំ​ក្រោយដឹកយកមកអោយ​វិញ​ និងសងលុយ​ជាងម្ភៃម៉ឺនដុល្លារ​ជូនវិញគ្រប់ចំនួន​ ចាំតាមដានមើល​ជាក់ស្តែង​សិន​ប្រេង​កំពុងតែ​ថ្លៃផង”។

សូមបញ្ជាក់​ថា អ្នកឧកញ៉ា ម៉ុង ឫទ្ធី ជា​សេដ្ឋី​មួយ​រូប​នៅ​កម្ពុជា ដែល​លោក​បាន​វិនិយោគ​ច្រើន​លើ​វិស័យ​កសិ-ឧស្សាហកម្ម។ កាលពីខែមិថុនា ឆ្នាំ២០២២ អ្នកឧកញ៉ា ក៏បានចុះពិនិត្យមើលសម្ភារៈឧបករណ៍​គ្រឿង​បំពាក់ ​​​​ដែល​បាន​ដឹក​មក​ដល់​រោង​ចក្រ ​​សម្រាប់​តម្លើង​​​ខ្សែ​សង្វាក់​​ផលិតកម្ម​ គ្រោង​ផលិតផលិតចំណីសត្វ​ឱ្យបាន៦០តោន​ក្នុង​មួយម៉ោង​ផង​ដែរ៕

The post អ្នកឧកញ៉ា ម៉ុង ឫទ្ធី ទិញគ្រឿងចក្រឈូសដី១គ្រឿង ស៊េរីឆ្នាំ២០២២ តម្លៃមិនធម្មតា appeared first on .