ពិធីបើកការដ្ឋានសាងសង់តំបន់សេដ្ឋកិច្ចពិសេសថ្មី តម្លៃ៣០០លានដុល្លារនេះ ក៏មានការអញ្ជើញចូលរួមពី អ្នកឧកញ៉ា ម៉ុង ឬទ្ធី, អ្នកឧកញ៉ា សេង ញ៉ក់, អ្នកឧកញ៉ា ជាម ឃុនណាត, អ្នកឧកញ៉ា ហេង ឡុង, អ្នកឧកញ៉ា ប៊ុន ហៃ, ឧកញ៉ា តាន់ មុនី វណ្ណ, ឧកញ៉ា ហៀង ប៊ុនប៉េង ព្រមទាំងថ្នាក់ដឹកនាំ និងភ្ញៀវកិត្តិយសជាច្រើនរូបទៀត។

គម្រោងតំបន់សេដ្ឋកិច្ចពិសេស Cambodia SuperPort មានទំហំទុនវិនិយោគប្រមាណ ៣០០លានដុល្លារអាមេរិក លាតសន្ធឹងលើផ្ទៃដីប្រមាណ ១៣២ហិកតា។ នេះមិនត្រឹមតែជាគម្រោងអភិវឌ្ឍន៍ហេដ្ឋារចនាសម្ព័ន្ធភស្តុភារកម្មដ៏ធំប៉ុណ្ណោះទេ ប៉ុន្តែថែមទាំងមានសក្ដានុពលខ្ពស់ក្នុងការលើកកម្ពស់សមត្ថភាពប្រកួតប្រជែងរបស់កម្ពុជា តាមរយៈការតភ្ជាប់ខ្សែច្រវាក់ផ្គត់ផ្គង់ និងការសម្រួលដល់ការចរាចរទំនិញពីមូលដ្ឋានផលិតកម្មក្នុងស្រុក ទៅកាន់ទីផ្សារតំបន់ និងអន្តរជាតិប្រកបដោយប្រសិទ្ធភាព។ ជាមួយនឹងទីតាំងយុទ្ធសាស្ត្រ គម្រោងនេះនឹងបង្កើតបានជាចំណុចប្រសព្វដ៏សំខាន់ ក្នុងការតភ្ជាប់តំបន់ឧស្សាហកម្ម និងមជ្ឈមណ្ឌលភស្តុភារកម្មទៅកាន់បណ្តាញដឹកជញ្ជូនពហុមធ្យោបាយ។ បន្ថែមពីនេះ វានឹងបង្កើតនូវប្រព័ន្ធអេកូឡូស៊ីរួមមួយ ដែលបន្ស៊ីគ្នារវាងហេដ្ឋារចនាសម្ព័ន្ធឧស្សាហកម្ម និងភស្តុភារកម្ម ដើម្បីឆ្លើយតបទៅនឹងតម្រូវការរបស់វិនិយោគិន និងធុរជនបានកាន់តែទូលំទូលាយ។

នៅក្នុងឱកាសនោះ ឯកឧត្តមឧបនាយករដ្ឋមន្ត្រី បានសម្តែងនូវក្តីសង្ឃឹមយ៉ាងមុតមាំថា តំបន់សេដ្ឋកិច្ចពិសេស Cambodia SuperPort នឹងក្លាយជាគំរូដ៏ជោគជ័យមួយនៃកិច្ចសហប្រតិបត្តិការរវាងរាជរដ្ឋាភិបាល វិស័យឯកជនក្នុងស្រុក និងដៃគូវិនិយោគអន្តរជាតិ ក្នុងការប្រែក្លាយចក្ខុវិស័យទៅជាសមិទ្ធផលជាក់ស្តែង ដែលនឹងនាំមកនូវអត្ថប្រយោជន៍យូរអង្វែងសម្រាប់កំណើនសេដ្ឋកិច្ចជាតិ និងការលើកកម្ពស់ជីវភាពប្រជាពលរដ្ឋកម្ពុជា។

សូមជម្រាបថា តំបន់សេដ្ឋកិច្ចពិសេស Cambodia SuperPort (ភ្នំពេញ ឡូជីស្ទីក អេន អ៊ិនដាសស្រ្ទីល ខមផ្លេកស៍ ស៊ូភើផត – PPLC) គឺជាគម្រោងវិនិយោគរួមគ្នារវាងក្រុមហ៊ុន YCH Group ដែលផ្តល់ដំណោះស្រាយខ្សែច្រវាក់ផ្គត់ផ្គង់ឈានមុខគេរបស់សិង្ហបុរី និងក្រុមហ៊ុនសម្ព័ន្ធ WorldBridge Group របស់កម្ពុជា៕

The post អ្នកឧកញ៉ា សៀ ឬទ្ធី និងកូនប្រុស ចូលរួមពិធីបើកការដ្ឋានសាងសង់តំបន់សេដ្ឋកិច្ចពិសេសថ្មី តម្លៃ៣០០លានដុល្លារ នៅខេត្តកំពង់ស្ពឺ appeared first on .

ក្នុងកិច្ចពិភាក្សារយៈពេលពីរថ្ងៃនេះ បានផ្តោតលើប្រធានបទសំខាន់ៗជាច្រើនរួមមាន ទស្សនវិស័យនៃសេដ្ឋកិច្ចពិភពលោក ភូមិសាស្ត្រនយោបាយក្នុងបរិបទប្រកួតប្រជែងជាសកល គម្លាតនៃយល់ដឹងអំពីតម្លៃពីបញ្ញាសិប្បនិម្មិត (AI) (ការបង្កើតនិងទាញប្រយោជន៍ពីAI) ព្រមទាំងការផ្លាស់ប្តូរការគ្រប់គ្រងប្រកបដោយសក្តានុពល និងភាពពឹងផ្អែកទៅវិញទៅមកក្នុងយុគសម័យបញ្ញាសិប្បនិម្មិត(AI) ដោយប្រធានបទទាំងនេះមានសារៈសំខាន់សម្រាប់ស្វែងរកកំណើន និងរក្សាស្ថេរភាពក្នុងបរិបទសកលដែលកំពុងមានការប្រែប្រួលយ៉ាងឆាប់រហ័សនេះ។ កិច្ចប្រជុំនេះក៏បានផ្តល់ឱកាសដល់ អ្នកឧកញ៉ា សៀ ឬទ្ធី ក្នុងការផ្លាស់ប្តូរទស្សនៈ និងពង្រីកកិច្ចសហប្រតិបត្តិការ ជាមួយភាគីដទៃដែលមកពីវិស័យផ្សេងៗ និងតំបន់ភូមិសាស្ត្រចម្រុះនានាជុំវិញពិភពលោក ដែលជួយពង្រឹងនូវកិច្ចចរចារដែលមាន និងកំពុងបន្តរបស់ក្រុមហ៊ុន វើលប្រ៊ីដ គ្រុប (WORLDBRIDGE GROUP) លើការសហការស្វែងរកដំណោះស្រាយ និងការអភិវឌ្ឍប្រកបដោយចីរភាពសម្រាប់តំបន់អាស៊ីអាគ្នេយ៍។ សន្តិសុខថាមពល បានក្លាយជាប្រធានបទលេចធ្លោមួយនៅក្នុងរបៀបវារៈនៃកិច្ចពិភាក្សាទាំងមូល ស្របពេលដែលភាពតានតឹងផ្នែកភូមិសាស្ត្រនយោបាយកំពុងតែកើនឡើង ដោយក្នុងនោះក៏មានវគ្គកិច្ចពិភាក្សាដើម្បីពិនិត្យមើលការកំណត់រចនាសម្ព័ន្ធឡើងវិញនៃថាមពលសកល លំហូរពាណិជ្ជកម្មទំនិញ និងការតភ្ជាប់សេដ្ឋកិច្ច ព្រមទាំងសក្តានុពលដែលកំពុងវិវត្តនៅក្នុងទីផ្សារទំនិញសាកល។ ក្នុងអំឡុងពេលនៃកិច្ចពិភាក្សាទាំងនេះ អ្នកឧកញ៉ា សៀ ឬទ្ធី បានជួបពិភាក្សា និងផ្លាស់ប្តូរទស្សនៈជាមួយថ្នាក់ដឹកនាំ និងឥស្សរជនដែលមានឥទ្ធិពលជាច្រើនមកពីវិស័យថាមពលសកល ដោយផ្តោតលើនិន្នាការ បញ្ហាប្រឈម និងឱកាសនានាដែលកំពុងកំណត់អនាគតនៃវិស័យថាមពល និងសន្តិសុខថាមពលនៅលើឆាកអន្តរជាតិ។

អ្នកឧកញ៉ា សៀ ឬទ្ធី បានមានប្រសាសន៍ថា “សន្តិសុខថាមពលបានក្លាយជាគន្លឹះក្នុងយុទ្ធសាស្រ្តនៃភូមិសាស្ត្រនយោបាយ” និងបានបន្តថា “ខណៈពេលដែលភាពតានតឹងបានផ្លាស់ប្តូរខ្សែសង្វាក់ផ្គត់ផ្គង់ និងផ្លូវពាណិជ្ជកម្មទូទាំងពិភពលោក វាកាន់តែមានសារៈសំខាន់ជាងពេលណាៗទាំងអស់សម្រាប់អាជីវកម្មនានា​ ក្នុងការបន្តចូលរួមក្នុងការពិភាក្សាពាក់ព័ន្ធនឹងសមត្ថភាពនិងភាពធន់នៃវិស័យថាមពល ដើម្បីអាចឱ្យយើងព្យាករណ៍អំពីការផ្លាស់ប្តូរ និងសម្របខ្លួនបានប្រកបដោយប្រសិទ្ធភាព”។

ក្រុមហ៊ុន វើលប្រ៊ីដ គ្រុប (WORLDBRIDGE GROUP) ប្តេជ្ញាបន្តពង្រឹងការតភ្ជាប់ និងជំរុញកំណើនសេដ្ឋកិច្ចប្រកបដោយចីរភាពនៅកម្ពុជា និងបន្តវិសាលភាពដល់ថា្នក់តំបន់។ ទស្សនវិស័យដែលអ្នកឧកញ៉ា សៀ ឬទ្ធី ទទួលបានពីកិច្ចប្រជុំថ្នាក់ដឹកនាំកំពូលៗរបស់វេទិកាសេដ្ឋកិច្ចពិភពលោកទីក្រុងហ្សឺណែវ ត្រូវបានរំពឹងទុកថានឹងចូលរួមចំណែកក្នុងការកំណត់ទិសដៅយុទ្ធសាស្ត្ររបស់ក្រុមហ៊ុននាពេលខាងមុខនេះ។

The post អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាល តំណាងក្រុមហ៊ុន វើលប្រ៊ីដ គ្រុប (WORLDBRIDGE GROUP) បានចូលរួមកិច្ចប្រជុំប្រចាំឆ្នាំរបស់ថ្នាក់ដឹកនាំ ក្នុងវេទិកាសេដ្ឋកិច្ចពិភពលោក (WEF) ប្រចាំឆ្នាំ 2026 នាខែសីហា នៅទីក្រុងហ្សឺណែវ appeared first on .

ពិធីចុះហត្ថលេខានេះ បានប្រព្រឹត្តទៅនៅសណ្ឋាគារ Shangri-La រាជធានីភ្នំពេញ ក្រោម អធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋ លេខាធិការដ្ឋានអាកាសចរណ៍ស៊ីវិល។ ជាមួយគ្នានេះ ក៏មានការអញ្ជើញចូលរួមពី អ្នកឧកញ៉ា ឧកញ៉ាៗច្រើនរូប រួមមាន៖ អ្នកឧកញ៉ា សៀ ឬទ្ធី, អ្នកឧកញ៉ា ហាន ឃាង, អ្នកឧកញ៉ា ហ៊ុន ឡាក់, អ្នកឧកញ៉ា អុឹង លីហេង, អ្នកឧកញ៉ា តេង ហឿង, អ្នកឧកញ៉ា សំ សុខនឿន, ឧកញ៉ា កង លាប, ឧកញ៉ា ស៊ិន ចន្ធី ព្រមទាំងឧកញ៉ាៗ និងភ្ញៀវកិត្តិយសច្រើនរូបទៀត។ 

អនុស្សរណៈនៃការយោគយល់គ្នានេះ ត្រូវបានចុះហត្ថលេខាដោយ អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលនៃក្រុមហ៊ុន WorldBridge និងលោក Julien Bert នាយក ប្រតិបត្តិនៃក្រុមហ៊ុន Cambodia Airports ដោយបង្កើតជាក្របខណ្ឌមួយដើម្បីឲ្យក្រុមហ៊ុន ទាំងពីរសិក្សាពីរបៀបដែលមជ្ឈមណ្ឌលដឹកជញ្ជូនទំនិញតាមផ្លូវអាកាស ឃ្លាំង និងទីតាំង ឡូជីស្ទិក អាចត្រូវបានអភិវឌ្ឍនៅលើដីព្រលានយន្តហោះ ព្រមទាំងពិនិត្យមើលលើលទ្ធភាពនៃអ្វីដែលអាចក្លាយជាច្រករបៀងដឹកជញ្ជូនពហុមធ្យោបាយផ្លូវទឹក និងផ្លូវអាកាសដ៏ ពិតប្រាកដមួយសម្រាប់ព្រះរាជាណាចក្រកម្ពុជា ដែលតភ្ជាប់រវាងកំពង់ផែទឹកជ្រៅក្រុងព្រះសីហនុ និងអាកាសយានដ្ឋានអន្តរជាតិ។

សូមជម្រាបថា ក្នុងរយៈពេលប៉ុន្មានខែខាងមុខនេះ ក្រុមការងាររបស់ក្រុមហ៊ុនទាំងពីរនឹងសិក្សាឱកាសនេះរួមគ្នា និងអភិវឌ្ឍចក្ខុវិស័យគម្រោងមេរួមគ្នា។ ភាពជាដៃគូនេះគឺដើរស្របតាម គោលដៅរបស់រាជរដ្ឋាភិបាល ដែលចង់ឲ្យមានហេដ្ឋារចនាសម្ព័ន្ធឡូជីស្ទិកកាន់តែរឹងមាំ ជាអាទិភាពសម្រាប់ការទាក់ទាញការវិនិយោគ ការគាំទ្រដល់ក្រុមហ៊ុននាំចេញ និងការបង្កើតការងារ៕

The post អ្នកឧកញ៉ា ឧកញ៉ាៗច្រើនរូប អញ្ជើញចូលរួមពិធីចុះ MOU រវាងក្រុមហ៊ុន WorldBridge និងក្រុមហ៊ុន Cambodia Airports appeared first on .

នៅក្នុងឱកាសនេះ ក៏មានចូលរួមពីសំណាក់គណៈប្រតិភូ នៃសភាពាណិជ្ជកម្មកម្ពុជាផងដែរ។

សូមបញ្ជាក់ថា ក្នុងអំឡុងពេលបំពេញបេសកកម្មចូលរួមអមដំណើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចូលរួមកិច្ចប្រជុំកំពូលរំឮកខួបអនុស្សាវរីយ៍អាស៊ាន-រុស្សី លើកទី៣៥ នៅទីក្រុងកាហ្សាន នៃសហព័ន្ធរុស្សី កាលពីថ្ងៃទី១៧ ដល់ថ្ងៃទី១៨ ខែមិថុនា ឆ្នាំ២០២៦ គណៈប្រតិភូសមាគមឧកញ៉ាកម្ពុជា ក៏បានជួបពិភាក្សាការងារជាមួយបណ្តាធុរជនរុស្សីមួយចំនួន ក្នុងគោលបំណងបង្កើតកាលានុវត្តភាពធុរកិច្ច ជាពិសេសវិនិយោគិនមកពីវិស័យកសិកម្ម និងកសិ-ឧស្សាហកម្ម រួមមានក្រុមហ៊ុនដែលកំពុងវិនិយោគលើការផលិតស្រូវសាលី, ប្រេងផ្កាឈូករ័តុ្ន, ភេសជ្ជៈមិនមានជាតិអាល់កុល, ទឹកដោះគោ ព្រមទាំងជីកសិកម្មជាដើម។

The post អ្នកឧកញ៉ា សៀ ឬទ្ធី ដឹកនាំគណៈប្រតិភូធុរជនកម្ពុជា បំពេញទស្សនកិច្ចសិក្សាក្នុងកម្មវិធីតាំងពិព័រណ៍ Industrial Achievement Exhibition នៅរុស្សី appeared first on .

តាមសេចក្ដីប្រកាសព័ត៌មាន បានបញ្ជាក់ថា ដោយទទួលបានការអនុញ្ញាតដ៏ខ្ពង់ខ្ពស់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា, លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ា​កម្ពុជា បានចាត់ អ្នកឧកញ៉ា សៀ ឬទ្ធី អនុប្រធាន និងជាប្រធានគណៈកម្មការទំនាក់ទំនងសាធារណៈ អន្តរជាតិ និងទេសចរណ៍ឱ្យដឹកនាំគណៈប្រតិភូសមាគមឧកញ៉ាកម្ពុជា​ រួមមាន អ្នកឧកញ៉ា ផែ ហុកឈួន, អ្នកឧកញ៉ា សុខ ឆេង, អ្នកឧកញ៉ា ហ៊ុន ឡាក់ និង លោក ម៉ៅ សុទ្ធីវឌ្ឍ ចូលរួមអមដំណើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងឱកាសអញ្ជើញចូលរួមកិច្ចប្រជុំកំពូលរំឭកខួបអនុស្សាវរីយ៍អាស៊ាន-រុស្ស៊ី លើកទី៣៥។

ក្នុងឱកាសនេះដែរ គណៈប្រតិភូនៃសមាគមឧកញ៉ាកម្ពុជា ក៏នឹងមានជំនួបមួយចំនួនជាមួយបណ្តាធុរជនរុស្ស៊ី ក្នុងគោលបំណងពង្រឹង និងជំរុញកិច្ចសហប្រតិបត្តិការផ្នែកពាណិជ្ជកម្ម និងធុរកិច្ចនានាផងដែរ៕

The post អ្នកឧកញ៉ា សៀ ឬទ្ធី ដឹកនាំប្រតិភូសមាគមឧកញ៉ាកម្ពុជា អញ្ជើញអមដំណើរ សម្តេចធិបតី ហ៊ុន ម៉ាណែត ចូលរួមកិច្ចប្រជុំកំពូលរំឮកខួបអនុស្សាវរីយ៍អាស៊ាន-រុស្សី លើកទី៣៥ appeared first on .

នៅក្នុងជំនួបនាព្រឹកនេះ ឯកឧត្តមឧបនាយករដ្ឋមន្ត្រី បានគូសបញ្ជាក់ពីតួនាទីដ៏មានឥទ្ធិពលរបស់សហព័ន្ធ Keidanren ដែលជាតំណាងឱ្យសំឡេងនៃវិស័យឯកជន និងបណ្តុំក្រុមហ៊ុនសាជីវកម្មធំៗរបស់ជប៉ុន។ 

ឯកឧត្តមឧបនាយករដ្ឋមន្ត្រី ក៏បានស្នើឱ្យសហព័ន្ធមេត្តាបន្តដើរតួនាទីជាកាតាលីករក្នុងការផ្សព្វផ្សាយអំពីសក្តានុពលរបស់កម្ពុជា និងផ្សារភ្ជាប់រលកវិនិយោគពីជប៉ុនមកកាន់កម្ពុជាបន្ថែមទៀត ជាពិសេសលើវិស័យឧស្សាហកម្មដែលផ្តល់តម្លៃបន្ថែមខ្ពស់ ដូចជា វិស័យឧស្សាហកម្មអេឡិចត្រូនិក និងបច្ចេកវិទ្យាឌីជីថល ជាដើម។

ឯកឧត្តមឧបនាយករដ្ឋមន្ត្រី ក៏បានយកឱកាសនេះធ្វើការជម្រាបបន្ថែមអំពីសក្តានុពល និងឧត្តមភាពប្រកួតប្រជែងសំខាន់ៗរបស់កម្ពុជា រួមមាន៖ សុខសន្តិភាព ស្ថិរភាពនយោបាយ និងម៉ាក្រូសេដ្ឋកិច្ចដ៏រឹងមាំ, ទីតាំងភូមិសាស្រ្តដែលអំណោយផល, កម្លាំងពលកម្មវ័យក្មេងដ៏មានសក្តានុពល, ច្បាប់ស្តីពីការវិនិយោគដែលមានលក្ខណៈបើកចំហ ផ្តល់ការលើកទឹកចិត្តខ្ពស់ និងមានភាពបត់បែន, ព្រមទាំងផែនការអភិវឌ្ឍន៍ហេដ្ឋារចនាសម្ព័ន្ធរូបវន្តតភ្ជាប់ ឱ្យកាន់តែមានភាពប្រទាក់ក្រឡា សំដៅកាត់បន្ថយការចំណាយដឹកជញ្ជូន និងលើកកម្ពស់វិស័យភស្តុភារកម្មឱ្យកាន់តែមានប្រសិទ្ធភាព និងការដាក់ចេញនូវវិធានការយ៉ាងមុតស្រួចរបស់រដ្ឋាភិបាលកម្ពុជា ក្នុងការកម្ចាត់ការឆបោកតាមប្រព័ន្ធអនឡាញ។ 

ជាមួយគ្នានេះ ឯកឧត្តមឧបនាយករដ្ឋមន្ត្រី បានអញ្ជើញលោកប្រធាន និងក្រុមហ៊ុនដែលជាសមាជិកនៃសហព័ន្ធធុរកិច្ចជប៉ុន មកទស្សនកិច្ចសិក្សាពីកាលានុវត្តភាពវិនិយោគនៅប្រទេសកម្ពុជាដោយផ្ទាល់ផងដែរ។

ជាការឆ្លើយតប លោក Noriyuki Hara បានសម្តែងនូវការស្វាគមន៍យ៉ាងកក់ក្តៅចំពោះការអញ្ជើញមកដល់ទីស្នាក់ការកណ្តាល Keidanren របស់ ឯកឧត្តមឧបនាយករដ្ឋមន្ត្រី និងគណៈប្រតិភូជាន់ខ្ពស់កម្ពុជា។ លោកប្រធានបានធ្វើការកត់សម្គាល់ចំពោះវឌ្ឍនភាពសេដ្ឋកិច្ច សង្គម និងការពង្រឹងស្ថិរភាពនយោបាយរបស់កម្ពុជា និងគោលនយោបាយដ៏គួរឱ្យចាប់អារម្មណ៍របស់កម្ពុជា ព្រមទាំងបានបង្ហាញនូវចំណាប់អារម្មណ៍លើកាលានុវត្តភាពវិនិយោគថ្មីៗផងដែរ។ ក្នុងនាមជាប្រធានគណៈកម្មាធិការអាស៊ី និងអូសេអានី លោកបានបង្ហាញនូវសុច្ឆន្ទៈក្នុងការបន្តកិច្ចសហការយ៉ាងជិតស្និទ្ធជាមួយ ក.អ.ក. ក្នុងការផ្សព្វផ្សាយ និងស្វែងយល់ពីសក្តានុពលទីផ្សាររបស់កម្ពុជា សំដៅឈានទៅកិច្ចសហប្រតិបត្តិការឈ្នះ-ឈ្នះ រួមគ្នារវាងប្រទេសទាំងពីរតាមរយៈវិស័យឯកជននាពេលអនាគត។

ជំនួបពិភាក្សាការងារនាឱកាសនេះ គឺជាសកម្មភាពដែលឆ្លុះបញ្ចាំងពីការខិតខំប្រឹងប្រែងឥតឈប់ឈររបស់រាជរដ្ឋាភិបាលកម្ពុជា ក្នុងការកសាងជំនឿទុកចិត្ត និងរឹតបន្តឹងភាពជាដៃគូសេដ្ឋកិច្ចជាមួយសហគមន៍ធុរកិច្ចលំដាប់កំពូលរបស់ជប៉ុន។ ផ្លែផ្កានៃកិច្ចពិភាក្សានេះ មិនត្រឹមតែជាកាលានុវត្តភាពក្នុងការទាក់ទាញរលកទុនវិនិយោគលើវិស័យបច្ចេកវិទ្យាកម្រិតខ្ពស់ និងហិរញ្ញវត្ថុប៉ុណ្ណោះទេ ប៉ុន្តែថែមទាំងជាជំហានឆ្ពោះទៅមុខប្រកបដោយភាពរឹងមាំ ក្នុងការជំរុញឱ្យទំនាក់ទំនងនៃភាពជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ជប៉ុន កាន់តែរីកលូតលាស់និងកាន់តែខ្លាំងក្លា។

The post អ្នកឧកញ៉ា សៀ ឬទ្ធី ដឹកនាំគណៈប្រតិភូសមាគមឧកញ៉ាកម្ពុជា អមដំណើរឯកឧត្តមឧបនាយករដ្ឋមន្ត្រី ស៊ុន ចាន់ថុល ក្នុងជំនួបសម្តែងការគួរសម និងពិភាក្សាការងារជាយុទ្ធសាស្ត្រជាមួយ លោក Noriyuki Hara appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ បំផុតចំពោះ លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជនទាំងអស់ ដែលបានបរិច្ចាគថវិកា ជូនកាកបាទ​ក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើ​សកម្មភាព​មនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជន​របួសនិងពលីក្នុងសមរភូមិ។

The post អ្នកឧកញ៉ា សៀ ឬទ្ធី និងលោកជំទាវ បរិច្ចាគថវិកា ១១០,០០០ ដុល្លារអាម៉េរិក ជូនកាកបាទក្រហមកម្ពុជា appeared first on .

សូមបញ្ជាក់ថា ពិធីបុណ្យ Aidilfitri ត្រូវបានរៀបចំឡើងជាបុណ្យស្រាយបួសប្រពៃណីមួយ សម្រាប់អ្នកកាន់សាសនា​អ៊ិស្លាមហើយវាត្រូវបានប្រជាជនម៉ាឡេស៊ី ចូលរួមអបអររយៈពេញ១ខែ ក្នុងខែ Shawwal នៅក្នុងប្រតិទិនអ៊ិស្លាម បន្ទាប់ពីខែរ៉ម៉ាឌនដែលជាខែតមអាហារត្រូវបានបិទបញ្ចប់។

The post អ្នកឧកញ៉ា សៀ ឬទ្ធី អនុប្រធានសមាគមឧកញ៉ាកម្ពុជា អមដោយ អ្នកឧកញ៉ា ហ៊ុន ឡាក់ ចូលរួមជាកិត្តិយសក្នុង «ពិធីបុណ្យ Hari Raya Aidilfitri Celebration 2026» appeared first on .

ក្នុងទិវាវិទ្យាសាស្រ្ត បច្ចេកវិទ្យា និងនវានុវត្តន៍ ដែលរៀបចំឡើងដោយក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍​ កាលពីពេលថ្មីៗនេះ ​អ្នកឧកញ៉ា មានប្រសាសន៍ថា វិស័យដែលជាជន្ទល់សេដ្ឋកិច្ច​របស់កម្ពុជា មាន៤ រួមមាន វិស័យទេសចរណ៍ វិស័យកសិកម្ម វិស័យឧស្សាហកម្មធុនស្រាល និងវិស័យ​អចលនទ្រព្យ​និងសំណង់ ប៉ុន្តែវិស័យពីរ គឺវិស័យអចលនទ្រព្យ និងទេសចរណ៍ បានកំពុងនឹងជួបបញ្ហាប្រឈម ដូច្នេះមានតែវិស័យពីរទេ គឺកសិកម្ម និងឧស្សាហកម្មធុនស្រាល ដោយកាលពីឆ្នាំមុន ការនាំចេញក្នុងវិស័យ​ទាំងពីរនេះ មានកំណើនប្រមាណ២៧ ទៅ២៨% និងព្យាករថានៅឆ្នាំនេះ អាចនឹងនាំចេញក្នុងរង្វង់២៦% ទៅ២៧% ផងដែរ។

អ្នកឧកញ៉ា សៀ ឬទ្ធី បានគូសបញ្ជាក់ទៀតថា ក្នុងនាមជាអ្នកវិនិយោគ គួរតែសំឡឹងមើលការវិនិយោគទៅ​លើអ្វី​ដែលគាំទ្រ និងតម្រូវទៅតាមទិន្នន័យដែលរដ្ឋាភិបាលមាន ដូចជា​ការជំរុញវិនិយោគទៅលើរោងចក្រ​ឧស្សាហកម្ម​ធុនស្រាល និងវិស័យកសិកម្ម​ ដោយប្រើប្រាស់បច្ចេកវិទ្យា ​​ខណៈរដ្ឋាភិបាលបានបង្កើតតំបន់ឧស្សាហកម្ម ដើម្បី​កែច្នៃនាំចេញ។

សូមជម្រាបថា វិស័យកសិកម្មនៅកម្ពុជា គឺជាសសរស្តម្ភសេដ្ឋកិច្ចដ៏សំខាន់របស់ជាតិ ដោយក្នុងឆ្នាំ២០២៥ រួម​ចំណែក​ប្រមាណ ១៦,១% ក្នុងផលិតផលសរុបក្នុងស្រុក (GDP)។ ចំពោះឧស្សាហកម្មធុនស្រាល គឺជាសកម្មភាព​សេដ្ឋកិច្ចដែលផលិតទំនិញប្រើប្រាស់សម្រេច ឬពាក់​កណ្តាលសម្រេច ដោយប្រើប្រាស់រូបធាតុដើមតិចតួច និង​កម្លាំងពលកម្មច្រើន។ វិស័យនេះផ្តោតលើផលិតផល​អតិថិជនដូចជា សម្លៀកបំពាក់ ស្បែកជើង គ្រឿង​អេឡិច​ត្រូនិក និងអាហារកែច្នៃ ដែលមានតួនាទីសំខាន់​ក្នុង​ការបង្កើតការងារ និងអភិវឌ្ឍសេដ្ឋកិច្ច៕

The post អ្នកឧកញ៉ា សៀ ឬទ្ធី ស្នើដល់អ្នកវិនិយោគកម្ពុជា គួរសំឡឹងមើលការរកស៊ីលើវិស័យជន្ទល់សេដ្ឋកិច្ចកម្ពុជា ចំនួនពីរ appeared first on .

ក្នុងឱកាសសមាគមឧកញ៉ាកម្ពុជា បានរៀបចំពិធីជួបជុំសមាជិក និងពិសាភោជនាហារគ្រួសារសមាគមលើកទី១ កាលពីពេលថ្មីៗនេះ អ្នកឧកញ៉ា បានអះអាងថា លទ្ធផលអនាគតល្អនឹងផ្តល់ដល់អ្នក​ ដែលបានត្រៀមខ្លួនរួច​ជាស្រេច ដ្បិតថា នាពេលបច្ចុប្បន្នធុរកិច្ចនៅកម្ពុជា កំពុងប្រតិបត្តិការក្នុងស្ថានភាពមិនច្បាស់លាស់ និងមានការ​ផ្លាស់ប្តូរជាច្រើន ដោយកំពុងប្រឈមនឹងសម្ពាធលើថ្លៃដើមហិរញ្ញប្បទាន និងតម្រូវការធនធានមនុស្ស ដែលមាន​ជំនាញ។ ម្យ៉ាងទៀតនៅក្នុងតំបន់អាស៊ាន ប្រទេសជិតខាងកម្ពុជា កំពុងបង្កើនភាពប្រកួតប្រជែង​តាមរយៈកំណែ​ទម្រង់ ដើម្បីទាក់ទាញការវិនិយោគ រីឯក្នុងកម្រិតសកល កំណើនសេដ្ឋកិច្ចយឺតយ៉ាវ ភាពតានតឹងផ្នែកភូមិសាស្ត្រ​នយោបាយ និងការផ្លាស់ប្តូរនៃខ្សែច្រវាក់ផ្គត់ផ្គង់ កំពុងកំណត់ទម្រង់ថ្មីនៃរបៀបធ្វើអាជីវកម្ម។

អ្នកឧកញ៉ា សៀ ឬទ្ធី បានសង្កត់ធ្ងន់ថា ក្នុងបរិបទនេះសំណួរសំខាន់ សម្រាប់សហគមន៍ធុរកិច្ច គឺមិនមែនសួរថា តើកំណើនកើតឡើងនៅទីណានោះទេ ប៉ុន្តែត្រូវសួរថា តើយើងគួរឆ្លើយតបយ៉ាងដូចម្តេច?​ ក្នុងន័យនេះ អ្នកឧកញ៉ា ជំរុញឱ្យធុរកិច្ចកម្ពុជា ត្រូវផ្តោតលើសកម្មភាពជាក់ស្តែងមួយចំនួនដូចជា វិនិយោគលើសមត្ថភាពទាំងបច្ចេកវិទ្យា ប្រព័ន្ធការងារ និងធនធានមនុស្ស ពោលគឺអាជីវកម្មដែលហ៊ានទទួលយកឧបករណ៍ឌីជីថល នឹងមានប្រៀបក្នុង​ការប្រកួតប្រជែង, ត្រូវពង្រឹងភាពជាដៃគូតាមរយៈការសហការឱ្យកាន់តែសកម្ម មិនថាជាមួយវិនិយោគិនអន្តរជាតិ ឬក្នុងចំណោមសមាជិក នៃសមាគមឧកញ៉ាកម្ពុជាខ្លួនឯង ដើម្បីពង្រីកទំហំអាជីវកម្ម និងកាត់បន្ថយហានិភ័យ និងត្រូវបង្កើនកិច្ចសហការជាមួយរាជរដ្ឋាភិបាល ដូចជាតាមរយៈសមាគមឧកញ៉ាកម្ពុជាជាដើម ដើម្បីធានាថា គោលនយោបាយ និងបទប្បញ្ញត្តិនានា ពិតជាជួយគាំទ្រដល់ធុរកិច្ចមានការប្រកួតប្រជែងរយៈពេលវែង៕

The post អ្នកឧកញ៉ា សៀ ឬទ្ធី៖ ធុរកិច្ចកម្ពុជា ត្រូវក្តាប់យកផលប្រយោជន៍ពីការផ្លាស់ប្តូរបញ្ហាប្រឈមសកល appeared first on .