ពិព័រណ៍នេះបានប្រមូលផ្តុំក្រុមហ៊ុនក្នុងស្រុក និងអន្តរជាតិជាង ២០០ ក្រុមហ៊ុន ដើម្បីតាំងបង្ហាញបច្ចេកវិទ្យា គ្រឿងចក្រ និងគ្រឿងម៉ាស៊ីនទំនើប ប្រព័ន្ធស្វ័យប្រវត្តិកម្ម និងដំណោះស្រាយនវានុវត្តន៍ សម្រាប់គាំទ្រដល់ការអភិវឌ្ឍវិស័យកម្មន្តសាល និងផលិតកម្មនៅកម្ពុជា។

ពិព័រណ៍នេះប្រព្រឹត្តទៅរយៈពេល ៤ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែសីហា ឆ្នាំ២០២៦ និងរួមមាន ពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ (CIMIF 2026), ពិព័រណ៍ឧស្សាហកម្មសម្លៀកបំពាក់ និងវាយនភណ្ឌកម្ពុជាអន្តរជាតិ (CTG 2026) និង ពិព័រណ៍ឧស្សាហកម្មប្លាស្ទិក កៅស៊ូ បោះពុម្ព និងវេចខ្ចប់កម្ពុជាអន្តរជាតិ លើកទី១០។

ព្រឹត្តិការណ៍នេះមានគោលបំណងជំរុញការផ្លាស់ប្តូរចំណេះដឹង និងបច្ចេកវិទ្យា ពង្រឹងភាពជាដៃគូធុរកិច្ច និងបង្កើតឱកាសវិនិយោគថ្មីៗក្នុងវិស័យផលិតកម្ម។

ក្នុងបរិបទនៃការអភិវឌ្ឍវិស័យឧស្សាហកម្មកម្ពុជា ព្រឹត្តិការណ៍នេះបានបង្ហាញពីសារៈសំខាន់នៃការបន្តធ្វើទំនើបកម្មវិស័យផលិតកម្ម តាមរយៈការប្រើប្រាស់បច្ចេកវិទ្យាទំនើប ស្វ័យប្រវត្តិកម្ម និងនវានុវត្តន៍ ដើម្បីបង្កើនផលិតភាព គុណភាព និងសមត្ថភាពប្រកួតប្រជែងរបស់សហគ្រាសកម្ពុជា ព្រមទាំងបង្កើនសមត្ថភាពក្នុងការចូលរួមក្នុងខ្សែច្រវាក់ផ្គត់ផ្គង់ក្នុងតំបន់ និងសកល។

យោងតាមទិន្នន័យដែលបានបង្ហាញ គិតត្រឹមដំណាច់ខែកក្កដា ឆ្នាំ២០២៦ កម្ពុជាមានរោងចក្រដែលបានចុះបញ្ជី និងកំពុងដំណើរការចំនួន ៣,៣៥៧ រោងចក្រ ដែលបានបង្កើតការងារជាង ១,៣៥ លានកន្លែង ក្នុងនោះស្ត្រីមានច្រើនជាង ៧០%។ ទុនវិនិយោគសរុបក្នុងវិស័យឧស្សាហកម្មធុនធ្ងន់មានប្រមាណ ២៨,០៨ ពាន់លានដុល្លារអាម៉េរិក កើនឡើងជាង ២៩% បើធៀបនឹងរយៈពេលដូចគ្នាក្នុងឆ្នាំ២០២៥។ ក្នុងរយៈពេល៦ខែដំបូងនៃឆ្នាំ២០២៦ តម្លៃផលិតកម្មឧស្សាហកម្មមានជាង ៩,៨ ពាន់លានដុល្លារអាម៉េរិក ក្នុងនោះផលិតផលសម្រាប់នាំចេញមានតម្លៃប្រមាណ ៧,៣ ពាន់លានដុល្លារអាម៉េរិក។

ការចូលរួមរបស់សមាគមឧកញ៉ាកម្ពុជា ក្នុងពិព័រណ៍ឧស្សាហកម្មកម្ពុជា–អន្តរជាតិ ឆ្នាំ២០២៦ បានឆ្លុះបញ្ចាំងពីការប្តេជ្ញាចិត្តរបស់សមាគមក្នុងការពង្រឹងបណ្តាញធុរកិច្ច ការផ្លាស់ប្តូរចំណេះដឹង និងបទពិសោធន៍ ព្រមទាំងបង្កើតឱកាសសម្រាប់សមាជិកក្នុងការស្វែងរកដៃគូពាណិជ្ជកម្ម និងវិនិយោគថ្មីៗ។ ជាមួយគ្នានេះ ការចូលរួមក្នុងវេទិកាឧស្សាហកម្មអន្តរជាតិនេះ ក៏ជាឱកាសសម្រាប់សមាគមក្នុងការភ្ជាប់វិស័យឯកជនកម្ពុជាជាមួយបច្ចេកវិទ្យា អ្នកផ្គត់ផ្គង់ និងដៃគូអន្តរជាតិ ដើម្បីរួមចំណែកដល់ការធ្វើពិពិធកម្ម និងទំនើបកម្មវិស័យផលិតកម្មនៅកម្ពុជា ពីឧស្សាហកម្មដែលពឹងផ្អែកលើកម្លាំងពលកម្ម ទៅកាន់ឧស្សាហកម្មដែលមានភាពចម្រុះ ផ្អែកលើបច្ចេកវិទ្យា និងមានតម្លៃបន្ថែមខ្ពស់។

តាមរយៈការចូលរួមជាបន្តបន្ទាប់ក្នុងវេទិកាធុរកិច្ច និងឧស្សាហកម្មជាតិ និងអន្តរជាតិ សមាគមឧកញ៉ាកម្ពុជា នឹងបន្តជំរុញការតភ្ជាប់រវាងសមាជិក និងដៃគូអាជីវកម្ម ព្រមទាំងរួមចំណែកក្នុងការបង្កើតបរិយាកាសអំណោយផលសម្រាប់ការវិនិយោគ ការផ្ទេរបច្ចេកវិទ្យា និងការពង្រឹងសមត្ថភាពប្រកួតប្រជែងរបស់វិស័យឯកជនកម្ពុជា។

The post សមាគមឧកញ៉ាកម្ពុជា ចូលរួមពិព័រណ៍ឧស្សាហកម្មកម្ពុជា–អន្តរជាតិ ឆ្នាំ២០២៦ ដើម្បីពង្រឹងកិច្ចសហប្រតិបត្តិការ និងពង្រីកឱកាសធុរកិច្ចក្នុងវិស័យផលិតកម្ម appeared first on .

សមាគមឧកញ៉ាកម្ពុជា បានបញ្ជាក់ថា ក្នុងពេលបំពេញតួនាទីជាអគ្គលេខាធិការរបស់សមាគម ចាប់តាំងពីថ្ងៃទី២ ខែមករា ឆ្នាំ២០២៣ មកនោះ អ្នកឧកញ៉ា ហ៊ុន ឡាក់ បានបំពេញតួនាទីយ៉ាងសកម្ម ក្រោមការដឹកនាំចង្អុល​បង្ហាញរបស់ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា  ដើម្បីដឹកនាំអគ្គលេខាធិការដ្ឋាន​ដែលជាសេនាធិការលើការបំពេញការងារប្រចាំថ្ងៃរបស់សមាគម។ ជាមួយគ្នានេះ អ្នកឧកញ៉ា ក៏ជាសមាសភាព​តំណាងសមាគមឧកញ៉ាកម្ពុជា នៅក្នុងស្ថាប័នសំខាន់ៗមួយចំនួនផងដែរដូចជា៖ គណៈកម្មការអន្តរក្រសួង ពិនិត្យ និងវាយតម្លៃលើសំណើសុំគោរមងារ និងការបញ្ចប់គោរមងារឧកញ៉ា (គ.ព.វ.គ.) និងក្រុមប្រឹក្សាភិបាលសិក្សា​ទីផ្សារ និងផ្សព្វផ្សាយទេសចរណ៍កម្ពុជា (ក.ផ.ផ.) ជាដើម។

សូមជម្រាបដែរថា យោងលើឯកសារជីវប្រវត្តិផ្ទាល់ខ្លួនបានឱ្យដឹងថា អ្នកឧកញ៉ា ហ៊ុន ឡាក់ បានកើតនៅ​ក្នុងឆ្នាំ​១៩៦៦ នៅក្រុងភ្នំពេញ។ ក្រោយរបបខ្មែរក្រហម លោកបានចាប់ផ្តើមដោយការលក់នំ ដើម្បីជីវភាពក្នុងវ័យ​១៤ឆ្នាំ ហើយដោយមានឈាមជ័រជាសហគ្រិនទាំងវ័យក្មេង លោកបានខិតខំតស៊ូពីបាតដៃទទេរហូតនៅឆ្នាំ១៩៨៩ លោក​បានរៀបអាពាហ៍ពិពាហ៍ និងបានរួមគ្នាបង្កើតក្រុមហ៊ុនផ្នែកបដិសណ្ឋារកិច្ច ភោជនីយដ្ឋាន និងទេសចរណ៍ជាមួយ​បងប្រុសរបស់លោក។

នៅក្នុងឆ្នាំ១៩៩៦ លោកបានបង្កើតក្រុមហ៊ុនផ្តល់សេវាទូទៅផ្នែកអនាម័យ និងកម្ចាត់សត្វល្អិតដែលចាប់ផ្តើម​ពីបុគ្គលិកជាងដប់នាក់ និងបានពង្រីករហូតបានជាងមួយពាន់នាក់។ ក្រោយទទួលបានការរីកចម្រើន លោកក៏​បានពង្រីកមុខរបរអាជីវកម្មជាបន្តបន្ទាប់។ អ្នកឧកញ៉ា ក៏ធ្លាប់មានតួនាទីជា អនុប្រធាននៃសភាពាណិជ្ជកម្មកម្ពុជា, ប្រធាន​ក្រុម​ប្រឹក្សា​ភិបាល​សហព័ន្ធ​ស្រូវ​អង្ករ​កម្ពុជា និងជាប្រធានក្រុមប្រឹក្សាគោលនយោបាយសហព័ន្ធ​ស្រូវ​អង្ករ​កម្ពុជាផងដែរ។

បច្ចុប្បន្ន អ្នកឧកញ៉ា ហ៊ុន ឡាក់ មានក្រុមហ៊ុនមួយចំនួនរាប់បញ្ចូលទាំងក្រុមហ៊ុន​ក្នុងវិស័យកសិពាណិជ្ជកម្ម​ជាដើម។ ជាពិសេសក្នុងរយៈពេលជាងមួយទស្សវត្សចុងក្រោយនេះ លោកបានប្រឹងប្រែងរកលទ្ធភាពទំនាក់ទំនង​បើកទីផ្សារនិងបង្កើនខ្សែច្រវាក់តម្លៃបន្ថែមក្នុងស្រុក ដើម្បីធ្វើឱ្យក្រុមហ៊ុនបន្តមាននិរន្តរភាពនិងភាពរីកចម្រើន​ចូលរួមក្នុងការជួយអភិវឌ្ឍន៍សេដ្ឋកិច្ច សង្គម និងរួមចំណែកផ្តល់ឱកាសការងារ​ជូនប្រជាពលរដ្ឋកម្ពុជា​ឱ្យបាន​ច្រើន។

ទន្ទឹមនឹងនេះ អ្នកឧកញ៉ាក៏បានចូលរួមឧបត្ថម្ភថវិកាផ្ទាល់ខ្លួនជួយដល់សកម្មភាពសប្បុរិសធម៌នានាដូចជា បរិច្ចាគ​ជូន​មន្ទីរពេទ្យគន្ធបុប្ផា, កាកបាទក្រហមកម្ពុជា, សកម្មភាពបោសសម្អាតគ្រាប់មីន, ការប្រយុទ្ធប្រឆាំងការរីករាល​ដាលនៃជំងឺកូវីដ-១៩, មន្ទីរពេទ្យហ្លួងម៉ែតាមរយៈមូលនិធិគ្រូពេទ្យយុវជនស្ម័គ្រចិត្តធីតា (T.Y.D.A.) ជាដើម។ អ្នកឧកញ៉ា ទទួលបានមេដាយជាតិជាបន្តបន្ទាប់ថ្នាក់មុនីសារភ័ណ្ឌ, ថ្នាក់មហាសេរីវឌ្ឍន៍, និងមេដាយថ្នាក់កំពូល «ជាតូបការ» ក្នុងឆ្នាំ២០១៧ ដែលប្រោសព្រះរាជទានដោយព្រះមហាក្សត្រ នៃព្រះរាជាណាចក្រកម្ពុជា៕

The post មកដឹងពីប្រវត្តិរូបសង្ខេប និងសមិទ្ធផលការងាររបស់ អ្នកឧកញ៉ា ហ៊ុន ឡាក់ មុនក្លាយជា «អនុប្រធានក្រុម​ប្រឹក្សាភិបាល នៃសមាគមឧកញ៉ាកម្ពុជា» appeared first on .

សមាគមឧកញ៉ាកម្ពុជា សូមកោតសរសើរដល់ការខិតខំប្រឹងប្រែង រៀបចំ តាក់តែង និងបម្រើគ្រប់រាល់កិច្ចការ ក៏ដូចជាសកម្មភាពនានា ចាប់ពីតាំងពីថ្ងៃដំបូងរហូតមក និងសូមជូនពរ អ្នកឧកញ៉ា ទទួលបាននូវសេចក្តីសុខ និងជោគជ័យរាល់ភារកិច្ចបន្ថែមទៀតសម្រាប់តួនាទីថ្មីនេះ។

សូមជម្រាបថា មុនទទួលបានការដំឡើងឋានៈ និងការតែងតាំងខាងលើនេះ អ្នកឧកញ៉ា ហ៊ុន ឡាក់ មានតួនាទីជា អគ្គលេខាធិការ នៃសមាគមឧកញ៉ាកម្ពុជា៕

The post អ្នកឧកញ៉ា ហ៊ុន ឡាក់ ត្រូវបានដំឡើងឋានៈ និងតែងតាំងជា «អនុប្រធានក្រុមប្រឹក្សាភិបាល នៃសមាគមឧកញ៉ាកម្ពុជា» appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ បំផុតចំពោះ លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជនទាំងអស់ ដែលបានបរិច្ចាគថវិកា ជូនកាកបាទក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារយុទ្ធជនរបួសនិងពលីក្នុងសមរភូមិ។

The post អ្នកឧកញ៉ា ហ៊ុន ឡាក់ និងលោកជំទាវ បរិច្ចាគថវិកា ៣,០០០ ដុល្លារអាម៉េរិក ជូនកាកបាទក្រហមកម្ពុជា appeared first on .

ក្នុងឱកាសនេះក៏មានការអញ្ជើញចូលរួមពីសំណាក់ អ្នកឧកញ៉ា ហ៊ុន ឡាក់ អគ្គលេខាធិការ នៃសមាគមឧកញ៉ា​កម្ពុជារួមជាមួយវត្តមានឯកឧត្តម លោកជំទាវ ឯកអគ្គរាជទូត ឯកអគ្គរដ្ឋទូត តំណាងអង្គទូតបរទេសប្រចាំ​នៅកម្ពុជា, តំណាងដៃគូអភិវឌ្ឍន៍ អង្គការជាតិ និងអន្តរជាតិ, ថ្នាក់ដឹកនាំក្រសួងទេសចរណ៍ និងអន្តរក្រសួង ស្ថាប័ន, តំណាងគណៈអភិបាលរាជធានីខេត្តទាំង២៥ ព្រមទាំងបងប្អូនប្រជាពលរដ្ឋយ៉ាងច្រើនកុះករ។

តាងនាមមហាគ្រួសារវិស័យទេសចរណ៍ ឯកឧត្តមរដ្ឋមន្ត្រី បានយកឱកាសដ៏ប្រពៃថ្លៃថ្លានេះ សូមគោរពដឹងគុណ និងគោរពថ្លែងអំណរគុណយ៉ាងជ្រាលជ្រៅជាទីបំផុត គោពជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​នៃព្រះរាជាណាចក្រកម្ពុជា ដែលបានគាំទ្រគំនិតផ្តួចផ្តើមរបស់ក្រសួងទេសចរណ៍ ក្នុងការដាក់ចេញ​នូវយុទ្ធនាការ “រដូវកាលបៃតង” (Green Season) ជំនួសឱ្យពាក្យ “រដូវកាលភ្ញៀវតិច” ឬ (Low Season) ចាប់ពីខែឧសភា ដល់ខែតុលា, និងបានឯកភាពផ្តល់សន្ទុះថ្មីដល់ការបន្តអនុវត្តយុទ្ធនាការរដូវកាលបៃតង សម្រាប់ឆ្នាំ២០២៦នេះ។

ទន្ទឹមនឹងនេះ ឯកឧត្តមរដ្ឋមន្ត្រី ក៏បានគូសបញ្ជាក់ថា ការបំប្លែងរដូវកាល «Green Season» មិនមែនគ្រាន់តែ​ជាការផ្លាស់ប្តូរឈ្មោះនោះទេ ប៉ុន្តែគឺជាការផ្លាស់ប្តូរផ្នត់គំនិត និងជាយុទ្ធសាស្ត្រជាតិដ៏មុតស្រួច។ ឯកឧត្តមរដ្ឋមន្ត្រី មានប្រសាសន៍បន្តថា រដូវកាលនេះ គឺជារដូវកាលដែលកម្ពុជាបញ្ចេញនូវសម្រស់ពិតប្រាកដរបស់ខ្លួន ជាមួយនឹង​ភាពស្រស់បំព្រងនៃធម្មជាតិ ពណ៌បៃតងខ្ចី និងបរិយាកាសបរិសុទ្ធ ដែលស័ក្តិសមបំផុតសម្រាប់ទេសចរណ៍​បែបធម្មជាតិ អេកូទេសចរណ៍ និងការលំហែកាយដើម្បីសុខុមាលភាព។

ឯកឧត្តមរដ្ឋមន្ត្រី បានគូសបញ្ជាក់បន្ថែមថា យុទ្ធនាការ “ទស្សនាកម្ពុជានៅរដូវកាលបៃតង” មានចក្ខុវិស័យសំខាន់ៗ ចំនួន ៣ គឺ៖

ទី១). ការបង្កើនភាពទាក់ទាញភ្ញៀវទេសចរអន្តរជាតិ

ទី២). ជំរុញចលនាទេសចរណ៍ក្នុងស្រុក

ទី៣). ពង្រាយរបាយភ្ញៀវទេសចរឱ្យបានច្រើន ជាពិសេសបំពេញបន្ថែមចរន្តទេសចរក្នុងរដូវកាលបៃតង ពីខែ​ឧសភា ដល់ខែតុលា សំដៅជំរុញកម្ពុជា ឱ្យក្លាយជាគោលដៅទទួលបានកំណើនទេសចរពេញមួយឆ្នាំ (Year Round Destination)។

ឯកឧត្តមរដ្ឋមន្ត្រី មានជំនឿយ៉ាងមុតមាំថា តាមរយៈការចូលរួមយ៉ាងសកម្មពីគ្រប់ភាគីពាក់ព័ន្ធ ទាំងស្ថាប័នរដ្ឋ វិស័យឯកជន និងប្រជាពលរដ្ឋក្រោមម្លប់នៃសុខសន្តិភាពពេញលេញ និងការចង្អុលបង្ហាញផ្លូវប្រកប​ដោយចក្ខុ​វិស័យវែងឆ្ងាយរបស់ សម្តេចមហាបវរធិបតីនាយករដ្ឋមន្ត្រី យើងពិតជានឹងរួមគ្នាប្រែក្លាយរដូវកាលនេះ ឱ្យទៅជា «រដូវកាលមាសពណ៌បៃតង» ដែលពោរពេញទៅដោយភាពរស់រវើក ស្នាមញញឹម ការបង្កើតការងារ និងការស្រូប​យកកំណើនសេដ្ឋកិច្ចយ៉ាងពិតប្រាកដ ដើម្បីឆ្ពោះទៅរកការអភិវឌ្ឍវិស័យទេសចរណ៍កម្ពុជាប្រកបដោយភាពធន់ ចីរភាព និងបរិយាបន្ន៕

The post អ្នកឧកញ៉ា ហ៊ុន ឡាក់ អគ្គលេខាធិការ នៃសមាគមឧកញ៉ាកម្ពុជា ចូលរួមពិធីប្រកាសបើកជាផ្លូវការ យុទ្ធនាការទស្សនាកម្ពុជានៅរដូវកាលបៃតងឆ្នាំ២០២៦ appeared first on .

អនុស្សរណៈនៃការយោគយល់គ្នានេះផ្តោតលើការលើកកម្ពស់កិច្ចសហការ និងការផ្សព្វផ្សាយអំពីគោលដៅ​ទេសចរណ៍​ដ៏ទាក់ទាញរបស់កម្ពុជា ទៅកាន់ទីផ្សារតំបន់ និងពិភពលោក ដើម្បីជំរុញកំណើនភ្ញៀវទេសចរអន្តរជាតិ ហើយតាមរយៈកិច្ចសហការនេះ គឺមានគោលបំណងលើកកម្ពស់កិត្តិនាមកម្ពុជានៅលើឆាកអន្តរជាតិ និងការជំរុញ​ការផ្សព្វផ្សាយពីភាពសម្បូរបែបនៃបេតិកភណ្ឌវប្បធម៌ ប្រវត្តិសាស្រ្ត និងលក្ខណៈចម្រុះនៃបទពិសោធទេសចរណ៍ ចាប់ពីតំបន់បេតិកភណ្ឌពិភពលោក រហូតដល់គោលដៅទេសចរណ៍ឆ្នេរ និងអេកូទេសចរណ៍កំពុងលេចធ្លោ ដើម្បី​ទាក់ទាញភ្ញៀវទេសចរអន្តរជាតិពីគ្រប់ទិសទីនៅលើពិភពលោក តាមរយៈបណ្តាញសកល និងដ៏មានសក្តានុពល​នៃទីផ្សារ​របស់ក្រុមហ៊ុនអាកាសចរណ៍សិង្ហបុរី។

ឯកឧត្តមរដ្ឋមន្រ្តី ក៏បានយកឱកាសនេះជម្រាបជូនថា នៅថ្ងៃសៅរ៍ ទី២ ខែឧសភា ឆ្នាំ២០២៦ខាងមុខ ក្រសួង​ទេសចរណ៍ និងក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា នឹងប្រកាសដាក់ឱ្យដំណើរការ​ជាផ្លូវការ​នូវយុទ្ធនាការ «ទស្សនាកម្ពុជា នៅរដូវកាលបៃតង» ចាប់ពីខែឧសភា ដល់ខែតុលា ដែលជាពេលវេលា​ដែល​ប្រទេសកម្ពុជាមានភាពស្រស់ស្អាត និងពោរពេញដោយភាពបៃតង ផ្តល់ឱ្យភ្ញៀវទេសចរនូវបរិយាកាស​ស្ងប់ស្ងាត់ ទេសភាពធម្មជាតិដ៏ស្រស់ស្អាត និងបទពិសោធធ្វើដំណើរដ៏ស្រស់បំព្រង។

ឯកឧត្តមរដ្ឋមន្រ្តី ក៏មានទំនុកចិត្តថា យុទ្ធនាការខាងលើរួមជាមួយការចុះហត្ថលេខាលើ​អនុស្សរណៈនៃការ​យោគយល់គ្នានេះនឹងរួមចំណែកដល់ការកើនឡើង នៃចំនួនភ្ញៀវទេសចរអន្តរជាតិមកកម្ពុជា តាមរយៈក្រុមហ៊ុន​អាកាសចរណ៍ Singapore Airline ជាពិសេសនៅក្នុងអំឡុងពេលនៃរដូវកាលបៃតង។

The post អ្នកឧកញ៉ា ហ៊ុន ឡាក់ ចូលរួមក្នុងពិធីចុះហត្ថលេខាលើអនុស្សរណៈនៃការយោគយល់គ្នា (MoU) រវាងក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (CTB) និងក្រុមហ៊ុនអាកាសចរណ៍ Singapore Airline appeared first on .

ក្នុងឱកាសដ៏វិសេសវិសាលនេះ ឯកឧត្តមឧបនាយករដ្ឋមន្ត្រី បានថ្លែងសុន្ទរកថាពិសេសដោយបានកោតសរសើរចំពោះស្មារតីសហគ្រិនភាព និងការរួមចំណែកយ៉ាងសកម្មក្នុងសមាគម ក្នុងការកសាងប្រព័ន្ធអេកូឡូស៊ីធុរកិច្ចនៅកម្ពុជាឱ្យកាន់តែរឹងមាំ។

ជាមួយគ្នានេះ ឯកឧត្តមបានផ្តល់នូវការលើកទឹកចិត្ត និងអនុសាសន៍គន្លឹះៗដល់ក្រុមប្រឹក្សាភិបាលអាណត្តិទី៧ និងថ្នាក់ដឹកនាំ ក៏ដូចជាសមាជិកទាំងអស់ ឱ្យបន្តពង្រឹងសាមគ្គីភាព និងសមត្ថភាព ដើម្បីក្លាយជាសសរទ្រូងនៃសេដ្ឋកិច្ចជាតិ ស្របតាមចក្ខុវិស័យអភិវឌ្ឍរបស់រាជរដ្ឋាភិបាល៕

The post លោកអ្នកឧកញ៉ា លី យ៉ុងផាត់ អមដោយ អ្នកឧកញ៉ា ហ៊ុន ឡាក់ ចូលរួមជាភ្ញៀវកិត្តិយសក្នុងពិធីលៀងសាយភាជន៍ នៃមហាសន្និបាត ២០២៦ របស់សមាគមសហគ្រិនវ័យក្មេងកម្ពុជា appeared first on .

លោកជំទាវបណ្ឌិត បានមានប្រសាសន៍កោតសរសើរចំពោះកិច្ចខិតខំប្រឹងប្រែងរបស់សមាគមសហគ្រិនវ័យក្មេងកម្ពុជា ក្នុងការរៀបចំកម្មវិធីប្រកបដោយសារៈសំខាន់នេះ ដើម្បីគាំទ្រដល់សហគ្រិន និងម្ចាស់អាជីវកម្មតាមរយៈការកសាងសមត្ថភាព និងការចែករំលែកចំណេះដឹងផ្នែកហិរញ្ញវត្ថុពីអ្នកជំនាញដោយផ្ទាល់។

ក្នុងឱកាសនេះដែរ ឧកញ៉ា ប៉ិច បូឡែន ប្រធានសមាគមសហគ្រិនវ័យក្មេងកម្ពុជា បានគូសបញ្ជាក់ពីសមិទ្ធផលដ៏ត្រចះត្រចង់ក្នុងរយៈពេលកន្លងមក និងការប្តេជ្ញាចិត្តក្នុងការបន្តពង្រឹងសមត្ថភាពសហគ្រិនកម្ពុជាព្រោះកម្មវិធីនេះនឹងបន្តដើរតួនាទីយ៉ាងសំខាន់ក្នុងការ ផ្តល់ចំណេះដឹង បង្កើតកាលានុវត្តភាព និងជំរុញការតភ្ជាប់។

គួរបញ្ជាក់ដែរថា កម្មវិធីលទ្ធភាពទទួលបានហិរញ្ញប្បទានបានដាក់ដំណើរការតាំងពីឆ្នាំ២០២១ មកម្ល៉េះ ក្រោមកិច្ចសហប្រតិបត្តិការរវាងសមាគមសហគ្រិនវ័យក្មេងកម្ពុជា សមាគមមីក្រូហិរញ្ញវត្ថុកម្ពុជា និងសមាគមធនាគារនៅកម្ពុជា។

The post អ្នកឧកញ៉ា ហ៊ុន ឡាក់ ដឹកនាំគណៈប្រតិភូសមាគមឧកញ៉ាកម្ពុជា ចូលរួមពិធីសម្ពោធកម្មវិធីលទ្ធភាពទទួលបានហិរញ្ញប្បទាន ឆ្នាំ២០២៦ appeared first on .

មរណភាពរបស់ឧកញ៉ាអគ្គមហាឧបាសិកាពុទ្ធសាសនូបត្ថម្ភក៍ករុណាភិរ័ក្ខសិរីសុធម្មា ស៊ួន គឹមស្រ៊ុន គឺជាការបាត់បង់នូវភរិយា ដែលប្រកបដោយសង្គហធម៌ដ៏ឧត្តុង្គឧត្តម និងជាម្តាយបង្កើត ម្តាយក្មេក ជីដូនដ៏ជាទីគោរពស្រឡាញ់យ៉ាងជ្រាលជ្រៅ និងពោរពេញទៅដោយព្រហ្មវិហារធម៌ចំពោះកូនចៅរួមទាំងញាតិមិត្តជិតឆ្ងាយទាំងអស់ ព្រមទាំងជាសមាជិកដ៏សកម្មមួយរូបរបស់សមាគមឧកញ៉ាកម្ពុជាដែលបានលះបង់កម្លាំងកាយ កម្លាំងចិត្ត ប្រាជ្ញាស្មារតី និងធនធានក្នុងការចូលរួមជាមួយសមាគមទាំងក្នុងសកម្មភាពមនុស្សធម៌ដើម្បីជាឧត្តមប្រយោជន៍ជូនជាតិមាតុភូមិ និងសកម្មភាពធុរកិច្ចនានាដែលបានរួមចំណែកដល់ការជំរុញកំណើនសេដ្ឋកិច្ច និងការបង្កើតការងារជូនប្រជាពលរដ្ឋខ្មែរផងដែរ។

ស្ថិតក្នុងបរិយាកាសដ៏សែនក្រៀមក្រំជាពន់ពេកនេះ យើងខ្ញុំទាំងអស់គ្នា សូមឧទ្ទិសបួងសួងដល់ដួងវិញ្ញាណក្ខន្ធរបស់ ឧកញ៉ាអគ្គមហាឧបាសិកាពុទ្ធសាសនូបត្ថម្ភក៍ករុណាភិរ័ក្ខសិរីសុធម្មា ស៊ួន គឹមស្រ៊ុន សូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ៕

The post អ្នកឧកញ៉ា ហ៊ុន ឡាក់ ដឹកនាំអ្នកឧកញ៉ា និងឧកញ៉ាច្រើនរូប ចូលរួមពិធីបុណ្យគម្រប់៧ថ្ងៃ ឧទ្ទិសកុសលជូនវិញ្ញាណក្ខន្ធរបស់ឧកញ៉ា ស៊ួន គឹមស្រ៊ុន appeared first on .

វេទិកាធុរកិច្ចនាព្រឹកនេះ គឺជាផ្នែកមួយដ៏សំខាន់នៃបេសកកម្មពាណិជ្ជកម្មធំបំផុតមិនធ្លាប់មានពីមុនមករបស់គណៈប្រតិភូក្រុមហ៊ុនអូទ្រីសនៅក្នុងព្រះរាជាណាចក្រកម្ពុជា។

វេទិកានេះត្រូវបានរៀបចំឡើងឱ្យមានលក្ខណៈយុទ្ធសាស្ត្រមួយ ដែលអនុញ្ញាតឱ្យវិនិយោគិនអូទ្រីស មានឱកាសទទួលបាននូវការឈ្វេងយល់ស៊ីជម្រៅអំពីបរិយាកាសវិនិយោគ បរិបទទីផ្សារនៅកម្ពុជា និងការផ្លាស់ប្តូរយោបល់កម្រិតខ្ពស់ជាមួយបណ្តាក្រសួង-ស្ថាប័នពាក់ព័ន្ធ ដោយយកចិត្តទុកដាក់ហើយរំពឹងថាវានឹងក្លាយជាមូលដ្ឋានគ្រឹះនៃការបង្កើតទំនាក់ទំនងធុរកិច្ចថ្មីៗនៅកម្ពុជា។

ថ្លែងក្នុងឱកាសនេះ ឯកឧត្តមឧបនាយករដ្ឋមន្ត្រី បានជម្រាបជូនគណៈប្រតិភូអំពីបច្ច័យវិជ្ជមានរបស់កម្ពុជាដែលជាគោលដៅវិនិយោគមួយក្នុងចំណោមគោលដៅដែលមានថាមវន្ត និងចក្ខុវិស័យវែងឆ្ងាយនៅក្នុងតំបន់អាស៊ីអាគ្នេយ៍។

ឯកឧត្តមបានបន្ថែមថា ជាមួយនឹងច្បាប់វិនិយោគដែលមានអំណោយផលខ្ពស់, ការយកចិត្តទុកដាក់ចំពោះវិស័យឯកជនពីរាជរដ្ឋាភិបាល, លំនឹងម៉ាក្រូសេដ្ឋកិច្ច, កម្លាំងពលកម្មវ័យក្មេង, ហេដ្ឋារចនាសម្ព័ន្ធប្រទាក់ក្រឡាដែលបានកំពុងអភិវឌ្ឍយ៉ាងសកម្ម, ព្រមទាំងការប្តេជ្ញាចិត្តយ៉ាងមោះមុតរបស់រាជរដ្ឋាភិបាល ចំពោះការបោសសម្អាតបទល្មើសឆបោកតាមប្រព័ន្ធអនឡាញ (Online Scams) ដែលសុទ្ធសឹងជាកត្តាសំខាន់ក្នុងការបង្កើតនូវបរិយាកាសដ៏ទាក់ទាញសម្រាប់ការស្វែងរកឱកាសវិនិយោគដោយផ្ទាល់ពីវិនិយោគិនបរទេស។

ទន្ទឹមនឹងនេះ តំណាងគណៈប្រតិភូក្រុមហ៊ុនអូទ្រីសបានសម្តែងនូវការកោតសរសើរ និងអំណរគុណយ៉ាងជ្រាលជ្រៅចំពោះ ឯកឧត្តមឧបនាយករដ្ឋមន្ត្រី ក៏ដូចជាថ្នាក់ដឹកនាំក.អ.ក. និងក្រសួងស្ថាប័នពាក់ព័ន្ធសម្រាប់កិច្ចសហការដ៏ល្អប្រសើរ និងការគាំទ្រយ៉ាងកក់ក្តៅក្នុងការបេសកកម្មនេះ។

វេទិកាធុរកិច្ចនេះ ត្រូវបានរំពឹងថានឹងក្លាយជាបោះជំហានដ៏សំខាន់មួយ ក្នុងការផ្លាស់ប្តូរពីការពិភាក្សា ទៅជាការបង្កើតនូវទំនាក់ទំនងធុរកិច្ចទ្វេភាគី (B2B) យ៉ាងពិតប្រាកដ។ តាមរយៈកិច្ចសហការយ៉ាងជិតស្និទ្ធរវាងក្រុមប្រឹក្សាអភិវឌ្ឍន៍កម្ពុជា និងស្ថានទូតអូទ្រីស ភាគីទាំងពីរមានទំនុកចិត្តថា នឹងមានវត្តមានរបស់ក្រុមហ៊ុនអូទ្រីសនៅកម្ពុជាបន្ថែមមួយកម្រិតទៀត ដែលនឹងរួមចំណែកយ៉ាងសំខាន់ដល់ការធ្វើទំនើបកម្មឧស្សាហកម្ម និងការជំរុញកំណើនសេដ្ឋកិច្ចកម្ពុជាប្រកបដោយបរិយាបន្ន និងចីរភាព។

The post អ្នកឧកញ៉ា ហ៊ុន ឡាក់ ដឹកនាំគណៈប្រតិភូសមាគមឧកញ៉ាកម្ពុជា ចូលរួមវេទិកាធុរកិច្ចកម្ពុជា-អូទ្រីស appeared first on .