សមាគមអ្នកសាងសង់កម្ពុជា បានឱ្យដឹងលើបណ្តាញសង្គមថា នាថ្ងៃព្រហស្បតិ៍ ទី១៩ ខែមីនា ឆ្នាំ២០២៦ សមាគមអ្នកសាងសង់កម្ពុជា បានរៀបចំកម្មពិធីចុះហត្ថលេខាលើអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការលើវិស័យសំណង់ រវាងសមាគមអ្នកសាងសង់កម្ពុជា និងសភាពាណិជ្ជកម្មអឺរ៉ុបប្រចាំនៅកម្ពុជា ប្រកបទៅដោយជោគជ័យ។

សូមជម្រាបថា សមាគមអ្នកសាងសង់កម្ពុជា ត្រូវបានបង្កើតឡើង​​ក្រោម​ការផ្តួចផ្តើមដោយ​ក្រសួងរៀបចំដែនដី នគរូបនីយកម្ម និងសំណង់ និងលោក​អ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC ហើយ​បាន​ចុះបញ្ជី​នៅ​ក្រសួង​មហាផ្ទៃ​ ជាផ្លូវការ​ នៅថ្ងៃទី១៦ ខែវិច្ឆិកា ឆ្នាំ២០១១។ លោកអ្នកឧកញ៉ា ពុង ឃាវសែ គឺជាប្រធានសមាគម​អ្នកសាងសង់កម្ពុជា កាលអាណត្តិទី៥ (២០២២-២០២៥)។ រីឯក្នុងអាណត្តិទី៦ ឧកញ៉ា វ៉ាន់ ឆារស៍ បានជាប់ឈ្មោះជា​ប្រធានសមាគម ដែលត្រូវដឹកនាំបន្តពីឆ្នាំ២០២៦ រហូតដល់ឆ្នាំ២០២៨៕

The post ឧកញ៉ា វ៉ាន់ ឆារស៍ ចូលរួមពិធីចុះ MOU រវាងសមាគមអ្នកសាងសង់កម្ពុជា និងសភាពាណិជ្ជកម្មអឺរ៉ុបប្រចាំនៅកម្ពុជា appeared first on .

យោងតាមសេចក្តីសម្រេចលេខ ០៧៦ សហវ.សសរ.គសហ ចុះថ្ងៃទី១០ ខែធ្នូ ឆ្នាំ២០២៥ ក្រុមការងារសិក្សា​អំពី​ការលើកកម្ពស់ភាពប្រកួតប្រជែង របស់អាកាសយានដ្ឋាន​អន្តរជាតិតេជោ» មាន ឯកឧត្តមបណ្ឌិតសភាចារ្យ ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ជាប្រធាន, ឯកឧត្តម ស៊ីម វីរៈ អនុរដ្ឋលេខាធិការក្រសួង​សេដ្ឋកិច្ច និងជាអគ្គលេខាធិការរង ជាអនុប្រធានប្រចាំការ និងឯកឧត្តម សយ សុខាន់ រដ្ឋលេខាធិការ នៃរដ្ឋលេខាធិការដ្ឋាន​អាកាសចរណ៍​ស៊ីវិល ជាអនុប្រធាន ព្រមទាំងសមាជិក សមាជិកា ចំនួន ២៩រូប​ផ្សេង​ទៀត។

សូមជម្រាបថា ក្រុមការងារនេះមានតួនាទី និងភារកិច្ច ដូចខាងក្រោម៖

១.ដឹកនាំ និងសម្របសម្រួល ដើម្បីធ្វើការសិក្សា និងលើកអនុសាសន៍ ដោះស្រាយបញ្ហាប្រឈមនានា ពាក់ព័ន្ធនឹងកម្រៃសេវាសម្រាប់អ្នកដំណើរ និងសេវាកម្ម​អាកាសចរណ៍នានា នៅអាកាសយានដ្ឋានអន្តរជាតិតេជោ សំដៅកាត់បន្ថយបន្ទុកធុរកិច្ច និងបង្កើតភាពងាយ​ស្រួល​ក្នុងការធ្វើធុរកិច្ច និងបង្កើតភាពងាយស្រួលក្នុងការធ្វើ​ធុរកិច្ច និងវិនិយោគ។

២.សិក្សា និងកំណត់យន្តការ និងស្នើឡើងនូវវិធានការមុតស្រួច ដែលមានលក្ខណៈអន្តរស្ថាប័ន ដើម្បីលើកកម្ពស់​ភាព​ប្រកួតប្រជែងរបស់អាកាសយានដ្ឋានអន្តរជាតិតេជោឱ្យកាន់តែមានឧត្តមភាព និងសក្តានុពលខ្ពស់ សម្រាប់​ជំរុញការលូតលាស់នៃវិស័យអាកាសចរណ៍ ទេសចរណ៍ ឡូជីស្ទីក និងវិស័យពាក់ព័ន្ធដទៃទៀត។

៣.ពិនិត្យ តាមដាន និងវាយតម្លៃប្រសិទ្ធភាពនៃយន្តការ និងវិធានការ ដែលបានដាក់ឱ្យអនុវត្ត និងរៀបចំ​របាយការណ៍វឌ្ឍនភាពការងារ ដើម្បីជូនរាជរដ្ឋាភិបាល តាមរយៈគណៈកម្មាធិការគោលនយោបាយសេដ្ឋកិច្ច និង​ហិរញ្ញវត្ថុ (គ.ស.ហ.) ព្រមទាំងបំពេញភារកិច្ចផ្សេងទៀត តាមការណែនាំរបស់ គ.ស.ហ.៕

The post ក្រសួងចេញសេចក្តីសម្រេចបង្កើតក្រុមការងារសិក្សាអំពីការលើកកម្ពស់ភាពប្រកួតប្រជែង របស់អាកាសយានដ្ឋាន​អន្តរជាតិតេជោ រួមមាន ឧកញ៉ា វ៉ាន់ ឆារស៍ ជាសមាជិក appeared first on .

តាមរយៈការ​បង្ហាញ​លើ​ទំព័រហ្វេសប៊ុក​ផ្លូវការ​របស់សមាគមអ្នកសាងសង់កម្ពុជា ​​បាន​ឱ្យ​​ដឹង​ថា សមាសភាពថ្នាក់​ដឹកនាំ ១១រូប សម្រាប់​អាណត្តិទី៦ រួមមាន៖ ​​​

១. ឧកញ៉ា ឆារស៍ វ៉ាន់ ជាប្រធានសមាគម (ក្រុមហ៊ុន ខេមបូឌា អ៊ែរផត អុិនវេសមិន ឯ.ក)

២. អ្នកឧកញ៉ា ហាន់ ឃាង ជាអនុប្រធាន (ម្ចាស់ក្រុមហ៊ុន ម៉ូហ៊ីបា អេនជីនារឹង)

៣. អ្នកឧកញ៉ា លាង ម៉េង ជាអនុប្រធាន (សហស្ថាបនិកនៃក្រុមហ៊ុន ជីប ម៉ុង គ្រុប)

៤. អ្នកឧកញ៉ា សៀ ឬទ្ធី ជាអនុប្រធាន (អគ្គនាយកក្រុមហ៊ុន វើលប្រ៊ីដ គ្រុប)

៥. អ្នកឧកញ៉ា ម៉ុង ឬទ្ធី ជាអគ្គលេខាធិការ (អគ្គនាយកក្រុមហ៊ុន ម៉ុង ឬទ្ធី គ្រុប)

៦. ឧកញ៉ា លី ឈួង ជាអគ្គលេខាធិការរង (ម្ចាស់ក្រុមហ៊ុន លី ឈួង សំណង់)

៧. លោក តាំង ចេងអ័ង ជាអគ្គលេខាធិការរង (អគ្គនាយកក្រុមហ៊ុន តាំង ចេងអ័ង)

៨. អ្នកឧកញ៉ា ជឹម ឃាន ជាសមាជិកគណៈកម្មការប្រតិបត្តិ (ម្ចាស់ក្រុមហ៊ុន បុរីសែនសុខ)

៩. ឧកញ៉ា គុយ លាងគី ជាសមាជិកគណៈកម្មការប្រតិបត្តិ (ក្រុមហ៊ុន គុយលាងគី ខនស្ត្រាក់សិន)

១០. ឧកញ៉ាបណ្ឌិត លី រិទ្ធ ជាសមាជិកគណៈកម្មការប្រតិបត្តិ (ក្រុមហ៊ុន អិកវ៉ធើរ ថេកណឡជី)

១១. បណ្ឌិត ស្វាយ អង្គារ៉ា ជាសមាជិកគណៈកម្មការប្រតិបត្តិ (ក្រុមហ៊ុន អិល ប៊ី អិល អន្តរជាតិ)។

គួររំឭកថា សមាគមអ្នកសាងសង់កម្ពុជា (CCA) ​​កាលពី​​អាណត្តិទី៥ (២០២២-២០២៥) មានសមាសភាព​ថ្នាក់ដឹកនាំ​ចំនួន ១២រូប ដោយមាន លោកអ្នកឧកញ៉ា ពុង ឃាវសែ ជាប្រធានសមាគម។

សមាគមអ្នកសាងសង់កម្ពុជា ត្រូវបានបង្កើតឡើង​​ក្រោម​ការផ្តួចផ្តើមដោយ​ក្រសួងរៀបចំដែនដី នគរូបនីយកម្ម និងសំណង់ និងលោក​អ្នកឧកញ៉ា ពុង ឃាវសែ អគ្គនាយកក្រុមហ៊ុន OCIC ហើយ​បាន​ចុះបញ្ជី​នៅ​ក្រសួង​មហាផ្ទៃ​ ជាផ្លូវការ​ នៅថ្ងៃទី១៦ ខែវិច្ឆិកា ឆ្នាំ២០១១។ សមាគមនេះ​បង្កើតឡើងមានចក្ខុវិស័យធំៗចំនួន៣ គឺ៖ ១)ប្រែក្លាយ​ឧស្សាហកម្មសំណង់​របស់ជាតិ ជាឧស្សាហកម្ម​ប្រកបដោយ​ទំនុកចិត្ត ផលិតភាព គណនេយ្យភាព និង​ការប្រកួត​ប្រជែង ទាំង​ក្នុង​ទីផ្សារជាតិ និង​អន្តរជាតិ, ២)ធ្វើឱ្យ​សមាជិកទាំងអស់​របស់​សមាគម​ក្លាយជា​​អ្នកសាងសង់​មាន​លំដាប់ស្តង់ដា​ខ្ពស់ និង​ចំណាត់ថ្នាក់​លំដាប់​អន្តរជាតិ និង ៣)ជាអង្គការ​ជួយ​សម្របសម្រួល​ទំនាក់ទំនង​រវាង​រាជ​រដ្ឋាភិបាល និង​ផ្នែក​ឯកជន​ក្នុង​វិស័យ​សំណង់ ដើម្បី​ផ្តល់នូវ​ផលប្រយោជន៍ ដល់ឧស្សាហកម្ម​សំណង់៕

The post មកស្គាល់អ្នកឧកញ៉ា ឧកញ៉ាៗ ជាថ្នាក់ដឹកនាំសមាគមអ្នកសាងសង់កម្ពុជា អាណត្តិទី៦ appeared first on .

កម្មវិធីបើកការតាំងពិព័រណ៍នេះ បានធ្វើឡើងក្រោមអធិបតីភាព ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ព្រមទាំងមានការអញ្ជើញចូលរួមពីសំណាក់ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍, ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ, អ្នកឧកញ៉ា លាង ហួង (ហេនរី) អគ្គនាយកពហុពាណិជ្ជកម្ម និងជាសមាជិកក្រុមប្រឹក្សាភិបាល ក្រុមហ៊ុន ជីប ម៉ុង, ឧកញ៉ា វ៉ាន់ ឆារស៍ នាយកគ្រប់គ្រងនៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC)។

កម្មវិធីតាំងពិព័រណ៍ “ឧស្សាហកម្ម​សំណង់ – ផលិតភាព​កម្ពុជា” មានគោលបំណងផ្សព្វផ្សាយ និងលើកស្ទួយ ផលិតផលសំណង់ សម្ភារៈសំណង់ និងបរិក្ខារសំណង់ក្នុងស្រុក ការសិក្សាស្រាវជ្រាវនិងការអភិវឌ្ឍ បច្ចេកទេស និងបច្ចេកវិទ្យាថ្មីៗ រួមទាំងលើកកម្ពស់​ទីផ្សារនិងការអភិវឌ្ឍឧស្សាហកម្មសំណង់ ឧស្សាហកម្មអចលនទ្រព្យ ឧស្សាហកម្មធនាគារ ឧស្សាហកម្ម​តុបតែងលំអរ ដែលមានការចូលរួមសហការតាំង ពិព័រណ៍ដោយភាគីពាក់ព័ន្ធ ជាច្រើនដូចជាក្រុមហ៊ុនសាងសង់ ក្រុមហ៊ុនសិក្សាគម្រោងប្លង់ ក្រុមហ៊ុនត្រួតពិនិត្យនិងបញ្ជាក់សំណង់ ក្រុមហ៊ុន ផលិត ផ្គត់ផ្គង់ និងចែកចាយ​ផលិតផលសំណង់ សម្ភារៈសំណង់ បរិក្ខារសំណង់ ឧបករណ៍និងគ្រឿងចក្រសំណង់ សមាគមអ្នកសាងសង់កម្ពុជា សមាគមអ្នកអភិវឌ្ឍលំនៅឋាននៅកម្ពុជា សមាគមអ្នកអភិវឌ្ឍនិង វាយតំលៃ អចលនវត្ថុ ធនាគារ គ្រឹះស្ថានមីក្រូ​ហិរញ្ញវត្ថុ ក្រុមហ៊ុនធានារ៉ាប់រង គណៈវិស្វករកម្ពុជា គណៈស្ថាបត្យករកម្ពុជា និងគ្រឹះស្ថានឧត្តមសិក្សាក្នុង​វិស័យសំណង់ និងដៃគូជាច្រើនផ្សេងទៀត។

សូមជម្រាបថា ការតាំងពិព័រណ៍ឧស្សាហកម្មសំណង់-ផលិតភាពកម្ពុជា មានរយៈពេល៣ថ្ងៃ ចាប់ពីថ្ងៃ២៩ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០២៥ ពីម៉ោង ១០:០០នាទីព្រឹក ដល់ម៉ោង ៧:០០នាទីល្ងាច នៅក្នុងបរិវេណក្រសួងរៀបចំ​ដែនដី នគរូបនីយកម្ម និងសំណង់ ស្ថិតនៅដីឡូត៍លេខ២០០៥ ផ្លូវលេខ៣០៧ សង្កាត់ឃ្មួញ ខណ្ឌសែនសុខ រាជធានីភ្នំពេញ៕

The post ឧបនាយករដ្ឋមន្ត្រី រដ្ឋមន្ត្រី អ្នកឧកញ៉ា ឧកញ៉ាច្រើនរូប ចូលរួមកម្មវិធីពិព័រណ៍ឧស្សាហកម្មសំណង់-ផលិតភាពកម្ពុជា នៅក្រសួងរៀបចំដែនដី appeared first on .

ក្នុងឱកាសពោរពេញដោយអត្ថន័យនេះ ឯកឧត្តមរដ្ឋមន្ត្រី បានគូសបញ្ជាក់ថា ការតភ្ជាប់ជើងហោះកម្រិតពិភពលោកនេះ ពិតជាបានឆ្លើយតបទៅនឹងតម្រូវការចាំបាច់នូវកំណើនភ្ញៀវទេសចរមកកាន់កម្ពុជា ជាពិសេសពិជាឆ្លើយតបទៅនឹងការជឿនលឿនយ៉ាងឆាប់រហ័សក្នុងវិស័យអាកាសចរណ៍របស់កម្ពុជានាប៉ុន្មានឆ្នាំចុងក្រោយនេះ។ ឯកឧត្តមរដ្ឋមន្ត្រី មានប្រសាសន៍បន្តថា ក្នុងន័យនេះបញ្ជាក់ឱ្យឃើញពីកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា នីតិកាលទី៧នៃរដ្ឋសភា ក្រោមការដឹកនាំប្រកបដោយភាពប្រាកដនិយមរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

បើតាមការបញ្ជាក់របស់ក្រុមហ៊ុន Etihad Airways (Cambodia) ចាប់ពីថ្ងៃទី៣ ខែតុលា ឆ្នាំ២០២៥ ក្រុមហ៊ុនអាកាសចរណ៍កម្រិតពិភពលោក Etihad Airways បានតភ្ជាប់ជើងហោះហើរត្រង់ជាលើកដំបូង ពីទីក្រុងអាប៊ូដាប៊ី មកកាន់រាជធានីភ្នំពេញ ដោយទទួលបានអ្នកដំណើរសរុបចំនួន ១៥៤នាក់ និងអ្នកដំណើរដែលអញ្ជើញត្រឡប់ទៅវិញចំនួន ៩០នាក់ ដែលចំណាយពេលជាង ៧ម៉ោងមិនឈប់ ហើយជើងហោះហើរនេះមាន ៤ជើង ក្នុងមួយសប្តាហ៍៕

The post ឧកញ៉ា វ៉ាន់ ឆារស៍ ចូលរួមពិធីទទួលបដិសណ្ឋារកិច្ចស្វាគមន៍ជើងហោះហើរត្រង់ជាលើកដំបូង ក្រុមហ៊ុនអាកាសចរណ៍កម្រិតពិភពលោក Etihad Airways មកកាន់ប្រទេសកម្ពុជា appeared first on .

ការលើកឡើងរបស់លោកឧកញ៉ាខាងលើនេះ គឺបន្ទាប់ពីរយៈពេលប៉ុន្មានថ្ងៃមកនេះ ពិសេសនៅថ្ងៃទី១៤ ខែកញ្ញា មានប្រជាពលរដ្ឋ ភ្ញៀវទេសចរ និងអ្នកដំណើរយ៉ាងច្រើនកោះករ បានសម្រុកទៅទស្សនាសមិទ្ធផលថ្មី អាកាសយានដ្ឋានអន្តរជាតិតេជោ ធ្វើឱ្យមានការកកស្ទះចរាចរណ៍យ៉ាងខ្លាំង។ ទោះយ៉ាងណា លោកឧកញ៉ា បញ្ជាក់ថា ក្រុមហ៊ុននៅអាចគ្រប់គ្រងស្ថានការណ៍បាន ពុំមានការប៉ះពាល់ដល់អ្នកដំណើរនោះទេ។

លោកឧកញ៉ានាយកគ្រប់គ្រងក្រុមហ៊ុន ខេមបូឌា អ៊ែរផត បានបញ្ជាក់កាលពីថ្ងៃទី១៤ ខែកញ្ញា បែបនេះថា គិតត្រឹមម៉ោងប្រមាណជាង៧ល្ងាចថ្ងៃទី ១៤ កញ្ញានេះ ចំនួនពលរដ្ឋនៅតែសម្រុកចូលមកព្រលានថ្មី ខណៈដែលចំនួននេះ បានណែនតាន់តាប់តាំងពីថ្ងៃត្រង់។ យ៉ាងណាក្តី សម្រាប់លោកឧកញ៉ា ដើម្បីដោះស្រាយជាមួយចំនួនយ៉ាងគំហុក អាជ្ញាធរខេត្តកណ្តាល សហការជាមួយក្រុមហ៊ុន CAIC បានរៀបចំជាបែបផែនសម្រួលដល់ការធ្វើដំណើរចូលតាមដំណាក់កាល និងផ្តល់អាទិភាពដល់បុគ្គលិក អ្នកដំណើរជាសំខាន់។

លោកឧកញ៉ា វ៉ាន់ ឆារស៍ បានឱ្យដឹងបន្ថែមទៀតថា ក្រៅពីសម្រួលនៅការងារខាងលើ ក្រុមការងារព្រលានក៏នៅមានវិធីសាស្ត្រច្រើនទៀត ពោលគឺផ្លូវអាទិភាពដែលក្រុមហ៊ុនមិនទាន់បានបើកដំណើរការ ដែលជាខ្សែផ្លូវសាគួរជាច្រើនទៀតសម្រាប់តែអ្នកដំណើរ អ្នកដំណើរសម្រាប់ហោះហើរ និងក្រុមមនុស្សសំខាន់ៗជាច្រើនទៀត។ ដូច្នេះសម្រាប់ កំណើនចំនួនមនុស្សសម្រុកចូលនៅថ្ងៃនេះ ក្រុមហ៊ុនអាចគ្រប់គ្រងបានល្អ មិនប៉ះពាល់ដល់អ្នកដំណើរនោះទេ។

សូមជម្រាបថា អាកាសយានដ្ឋានអន្តរជាតិតេជោ ជាប់ចំណាត់ថ្នាក់លេខ ៩ នៃគម្រោងស្ថាបត្យកម្មពិភពលោកទាំង ១១ក្នុងឆ្នាំ២០២៥ ផ្អែកលើប្រណីតភាព រចនាបថ និងបរិស្ថានប្រកបទៅដោយរុក្ខជាតិបៃតង និងបានសាងសង់ឡើងលើផ្ទៃដីជាង ២ ៦០០ហិកតា។ ព្រលានយន្តហោះលំដាប់ 4F នេះអាចទទួលយន្តហោះខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។ អាកាសយានដ្ឋានអន្តរជាតិតេជោ បានបើកដំណើរការសាកល្បងនៅថ្ងៃទី៩ ខែកញ្ញា ឆ្នាំ២០២៥ មុននឹងសម្ពោធផ្លូវការនៅថ្ងៃទី២០ ខែតុលា ឆ្នាំ២០២៥ ក្រោមអធិបតីដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា៕

The post ឧកញ៉ា វ៉ាន់ ឆារស៍៖ ក្រុមហ៊ុននឹងរៀបចំបែបផែនសម្រួលដល់ការធ្វើដំណើររបស់ប្រជាពលរដ្ឋ និងអ្នកដំណើរនៅអាកាសយានដ្ឋានអន្តរជាតិតេជោ appeared first on .

ពិធីទស្សនកិច្ចនេះ ដឹកនាំដោយ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងក្នុងឱកាសកំពុងត្រៀមខ្លួនរួចរាល់ក្នុងការទទួលជើងហោះហើរជាតិនិងអន្តរជាតិគ្រប់កម្រិត និង គ្រប់ប្រភេទពីគ្រប់ទិសទីនៅលើពិភពលោកមកកាន់ព្រះរាជាណាចក្រកម្ពុជា។

ក្នុងឱកាសនោះ ឯកឧត្តមរដ្ឋមន្រ្តី បានវាយតម្លៃខ្ពស់ និងកោតសរសើរចំពោះអាកាសយានដ្ឋានអន្តរជាតិតេជោ ដែលជាស្នាដៃកូនខ្មែរ  និងជាសមិទ្ធផលដ៏អស្ចារ្យក្រោមសម័យតេជោធិបតី។ នេះ គឺជាមោទនភាពសម្រាប់ប្រជាជនកម្ពុជាគ្រប់រូប ដែលមានអាកាសយានដ្ឋានធំបំផុតលំដាប់អន្តរជាតិ និងជាតម្លៃបន្ថែមខ្ពស់សម្រាប់វិស័យទេសចរណ៍។

ថ្លែងក្នុងឱកាសនោះដែរ លោកឧកញ៉ា វ៉ាន់ ឆារស៍ជួន នាយកគ្រប់គ្រងនៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) បានបញ្ជាក់បន្ថែមថា អាកាសយានដ្ឋានអន្តរជាតិតេជោបានចំណាយថវិកាសាងសង់អស់ទឹកប្រាក់ប្រមាណជាង ២០០០លានដុល្លារ ដំណាក់កាលទី១ និង ជាប់ចំណាត់ថ្នាក់លេខ ៩ នៃគម្រោងស្ថាបត្យកម្មពិភពលោកទាំង ១១ក្នុងឆ្នាំ២០២៥ ផ្អែកលើប្រណីតភាព រចនាបថ និងបរិស្ថានប្រកបទៅដោយរុក្ខជាតិបៃតង និងបានសាងសង់ឡើងលើផ្ទៃដីជាង ២ ៦០០ហិកតា។ ព្រលានយន្តហោះលំដាប់ 4F នេះអាចទទួលយន្តហោះខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។

សូមជម្រាបថា អាកាសយានដ្ឋានអន្តរជាតិតេជោ គ្រោងនឹងបើកដំណើរការសាកល្បងនៅថ្ងៃទី៩ ខែកញ្ញា ឆ្នាំ២០២៥៕

The post ឧកញ៉ា វ៉ាន់ ឆារស៍ជួន ផ្តល់បទបង្ហាញទិដ្ឋភាពទូទៅរបស់ព្រលានយន្តហោះអន្តរជាតិតេជោ ដល់ក្រុមអ្នកផលិតមាតិកាទេសចរណ៍ ៣០០នាក់ appeared first on .

លោកឧកញ៉ា វ៉ាន់ ឆារស៍ជួន នាយកគ្រប់គ្រងនៃក្រុមហ៊ុន CAIC បានលើកឡើងអំឡុងពេល លោក ពុយ គា ប្រធានក្លិបអ្នកកាសែតកម្ពុជា ដឹកនាំអ្នកសារព័ត៌មានជាង៩០នាក់ មកពី ៥៦ស្ថាប័នធ្វើដំណើរទស្សនកិច្ចទៅកាន់ព្រលានយន្តហោះអន្តរជាតិតេជោ នៅក្រុងតាខ្មៅ ខេត្តកណ្តាល កាលរសៀលថ្ងៃទី២១ ខែមីនា ឆ្នាំ២០២៥ ថាក្រៅពីចម្លាក់បដិមាចំនួន ២០០ នៅបរិវេណ អាកាសយានដ្ឋានអន្តរជាតិតេជោ បច្ចុប្បន្នក្រុមហ៊ុនកំពុងរៀបចំដាក់បដិមាព្រះពុទ្ធដ៏ធំមួយផងដែរ។

ឧកញ៉ា វ៉ាន់ ឆារស៍ជួន បានគូសបញ្ជាក់ថា អាកាសយានដ្ឋានអន្តជាតិតេជោ នឹងរៀបចំដំឡើងបដិមាព្រះពុទ្ធដ៏ធំមួយ ចំកណ្ដាលបរិវេណខាងក្នុងកន្លែងច្រកចេញ-ចូលបោះត្រាលិខិតឆ្លងដែន។ ការកសាងទីតម្កល់ព្រះពុទ្ធបដិមា គឺដើម្បីបង្ហាញពី រចនាបទ វប្បធម៌ និងការលើកតម្កើងព្រះពុទ្ធសាសនា ជាសាសនារបស់រដ្ឋ ទៅកាន់ភ្ញៀវជាតិ និងអន្តរជាតិ ដែលគ្រោងបើកដំណើរនាពេលឆាប់ៗខាងមុខនេះ។

សូមជម្រាបថា បើតាមការបញ្ជាក់របស់ ឧកញ៉ា វ៉ាន់ ឆារស៍ជួន កាលពីថ្ងៃទី២១ ខែមីនា ឆ្នាំ២០២៥ អាកាសយានដ្ឋានអន្តរជាតិតេជោ ដែលត្រូវបានស្គាល់ថាជា អាកាសយានដ្ឋានធំបំផុតនៅកម្ពុជា បច្ចុប្បន្នសម្រេចការសាងសង់បាន ៩៥% ហើយ និងចំណាយទឹកប្រាក់អស់ប្រមាណ ១៦០០លានដុល្លារ នឹងបើកដំណើរការក្នុងខែកក្កដា ឆ្នាំ២០២៥ ខាងមុខនេះ៕

The post លោកអ្នកឧកញ៉ា ពុង ឃាវសែ យាងនិមន្តសម្តេចសង្ឃនាយក អំ លីមហេង ពិនិត្យទីតាំងតម្កល់ព្រះបដិមាជាង ២០០ នៅអាកាសយានដ្ឋានអន្តរជាតិតេជោ appeared first on .

ស្ពានអាកាសនេះ សាងសង់ឡើងដោយក្រុមហ៊ុនវិនិយោគទុនអាណិកជនកម្ពុជា OCIC នៅចំណុចប្រសព្វមហាវិថីសម្តេចតេជោ ហ៊ុន សែន មហាវិថីព្រះមុនីវង្ស ជាមួយវិថីកងយោធពលខេមរភូមិន្ទ ហៅផ្លូវលេខ២៧១ ក្នុងទឹកដីខណ្ឌចំការមន និងខណ្ឌមានជ័យ ដោយគ្រោងចំណាយថវិកាជាង ៣៦លានដុល្លារ និងចំណាយពេលវេលាសាងសង់ ៣៦ខែ។

ស្ពានអាកាស «មរតកតេជោ»ជំហានទី២ ក៏គ្រោងនឹងបញ្ចប់ការសាងសង់មុនផែនការប្រមាណ ០៤ខែ ពោលគឺនឹងបញ្ចប់មុនចូលឆ្នាំប្រពៃណីជាតិ ឆ្នាំ២០២៥ (ក្នុងគម្រោងខែសីហា ឆ្នាំ២០២៥) ដែលនឹងជួយដោះស្រាយបាននៅលំហូរចរាចរណ៍ពីខេត្តកណ្ដាល ឆ្លងកាត់មហាវិថីតេជោហ៊ុន សែន ពីព្រលានយន្តហោះថ្មី ខេត្តកណ្ដាល ចូលមករាជធានីភ្នំពេញនិងទី២ទៀត អាចកាត់បន្ថយបាន នូវការកកស្ទះចរាចរណ៍នៅតាមបណ្ដោយផ្លូវជាតិ១ចូលមករាជធានីភ្នំពេញផងដែរ។

បើនិយាយពីលក្ខណ:ពិសេសវិញ គម្រោងស្ពានអាកាសថ្មីនេះ មានការសាងសង់ ផ្លូវផ្ទាល់ដី ដែលមានរង្វង់មូលបែងចែកទិស និងផ្លូវតភ្ជាប់រវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន វិថីកងយោធពលខេមរភូមិន្ទ ឆ្ពោះទៅស្ពានព្រះមុនីវង្ស និងផ្លូវជាតិលេខ២។ បន្ទាប់មកសាងសង់ស្ពានអាកាសចំនួនពីរជាន់។ ស្ពានអាកាសជាន់ទី១ ជាស្ពានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា ទៅកាន់មហាវិថីសម្តេចតេជោ ហ៊ុន សែន ស្ពានព្រះមុនីវង្ស មហាវិថីព្រះមុនីវង្ស និង វិថីកងយោធពល ខេមរភូមិន្ទ។ ស្ពានអាកាសជាន់ទី២ ជាផ្លូវទ្វេទិស មានទិសដៅទៅមក រវាងមហា វិថីព្រះមុនីវង្ស និងមហាវិថីសម្តេចតេជោ ហ៊ុន សែន។

សូមជម្រាបផងដែរថា បច្ចុប្បន្នរាជធានីភ្នំពេញមានស្ពានអាកាសចំនួន៩ ដែលកំពុងប្រើប្រាស់ និងស្ថិតក្នុងការសាងសង់រួមមាន ស្ពានអាកាសក្បាលថ្នល់, ស្ពានអាកាស៧មករា, ស្ពានអាកាសស្ទឹងមានជ័យ, ស្ពានអាកាស៥មករា, ស្ពានអាកាសមិត្តភាពកម្ពុជា-ចិន សែនសុខ ឬហៅថា «ស្ពានអាកាសផ្សារដីហ៊ុយ» ,ស្ពានអាកាសរង្វង់មូលចោមចៅ ,ស្ពានអាកាសឫស្សីកែវ ស្ពានអាកាសមរតកតេជោ និងស្ពានអាកាសភ្លោះ៕

The post លោកអ្នកឧកញ៉ា ពុង ឃាវសែ និងឧកញ៉ា វ៉ាន់ ឆារស៍ជួន ចូលរួមក្នុងពិធីតភ្ជាប់ស្ពានអាកាសមរតកតេជោដំណាក់កាលទី២ appeared first on .

ក្នុងដំណើរទស្សនកិច្ចនេះ ក៏មានការអញ្ជើញចូលរួមពី លោក ហាក់ លាងហ៊ ប្រធានសមាគមភស្តុភារកម្មកម្ពុជា (CLA) និងក្រុមប្រឹក្សាភិបាល រួមទទាំងសមាជិកសមាគមប្រមាណ៩០នាក់ផងដែរ ដោយបានទទួលការស្វាគមន៍យ៉ាងកក់ក្តៅអំពីសំណាក់ ឧកញ៉ា វ៉ាន់ ឆារស៍ជួន អភិបាលក្រុមហ៊ុនខេមបូឌាអ៊ែរផតអ៊ិនវេសមិន ឯ.ក (CAIC)។

ក្រុមការងារជំនាញរបស់ TIA បានបញ្ជាក់ថា បច្ចុប្បន្នគម្រោងសាងសង់បានសម្រេចប្រមាណ៩០% លើផ្ទៃដីសរុបប្រមាណ ២,៦០០ ហិកតា នឹងគ្រោងបើកដំណើរការនៅក្នុងខែកក្កដា ឆ្នាំ២០២៥។ គម្រោងសាងសង់ចែកចេញជា ៣ដំណាក់កាល ជាមួយនឹងផ្លូវរត់ចំនួន ៣ ខណៈដែលដំណាក់កាលទី១ នឹងផ្ទុកអ្នកដំណើរបាន ១៣ លាននាក់ និងដំណាក់កាលទី២ បានចំនួន ៣០ លាននាក់ និងដំណាក់កាលទី៣ ផ្ទុកអ្នកដំណើរបាន ៥០ លាននាក់។

ក្រុមហ៊ុន បានបញ្ជាក់បន្ថែមថា ឃ្លាំងទំនិញដែលបានសាងសង់រួចរាល់មានទំហំផ្ទៃដីសរុប ២ហិកតា ដែលបានគិតគូរច្បាស់លាស់ចំពោះលំហូរនៃទំនិញចេញ-ចូល ការបំពេញបែបបទបញ្ចេញទំនិញពីគយកាន់តែងាយស្រួល មានទីតាំងសម្រាប់ក្រុមហ៊ុន អាកាសចរណ៍ និង ក្រុមហ៊ុនភស្តុភារកម្មសម្រាប់ប្រើប្រាស់តាមតម្រូវការ។

គួរបញ្ជាក់ថា មកទល់ពេលនេះ អាកាសយានដ្ឋានអន្តរជាតិតេជោ សាងសង់ជំហាន១ បានប្រមាណ ៩២% ស្មើនឹងទឹកប្រាក់ ១,៣៣៦លានដុល្លារ និងគ្រោងបើកដំណើរការជាផ្លូវការ នៅឆ្នាំ២០២៥ តាមផែនការគ្រោងទុក។ អាកាសយានដ្ឋានអន្តរជាតិតេជោ ប្រភេទ 4Fនេះ គឺប្រភេទព្រលានយន្តហោះធំ ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះ ធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។ គម្រោងសាងសង់អាកាសយានដ្ឋាន អន្តរជាតិតេជោនៅទីនេះ ក្រោមទឹកប្រាក់វិនិយោគ ១,៥០០ លានដុល្លារ សម្រាប់ដំណាក់កាលទី១ ដោយមិនគិតបញ្ចូលថ្លៃដីព្រលានយន្តហោះ៕

The post ឧកញ៉ា វ៉ាន់ ឆារស៍ជួន ស្វាគមន៍ក្រុមហ៊ុនជិត១០០ នៃសមាជិកសមាគមភស្តុភារកម្មកម្ពុជា ទស្សនកិច្ច «អាកាសយានដ្ឋានអន្តរជាតិតេជោ» appeared first on .