នៅរសៀលថ្ងៃទី២៩ ខែមិថុនា ឆ្នាំ២០២៥ លោកស្រី ចេង រ៉ាន្នី អនុប្រធានក្រុមការងារអភិវឌ្ឍយុវជនស្រុកស្វាយអន្ទរ បានអញ្ជើញជាគណៈអធិបតីភាពក្នុងវេទិកាស្តីពីការចែករំលែកបទពិសោធន៍ពីសិស្សនិទ្ទេស A ដល់សិស្សថ្នាក់ទី១២ វិទ្យាល័យ ហ៊ុន សែន ដំរីពួន ដែលមានសិស្សចូលរួមចំនួន ១២០នាក់ ដែលត្រៀមប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) នៅថ្ងៃទី១៨ ខែសីហា ឆ្នាំ២០២៥ ខាងមុខនេះ។

សូមជម្រាបថា កម្មវិធីនេះទទួលបានការឧបត្ថម្ភដ៏ខ្ពង់ខ្ពស់ពី ឯកឧត្តមអភិសន្តិបណ្ឌិត ស សុខា ប្រធានកិត្តិយសក្រុមការងារអភិវឌ្ឍយុវជនខេត្តព្រៃវែង និងលោកជំទាវ កែ សួនសុភី៕

The post ឧកញ៉ា ហេង ឡុង ប្រធានក្រុមការងារអភិវឌ្ឍយុវជនស្រុកស្វាយអន្ទរ អញ្ជើញជាគណៈអធិបតីក្នុងវេទិកា ស្តីពីការចែករំលែកបទពិសោធន៍ពីសិស្សនិទ្ទេស A appeared first on .

តាមរយៈព្រះរាជក្រឹត្យលេខ នស/រកត/០៧២៤/៨៨៣ ព្រះមហាក្សត្របានប្រោសព្រះរាជទានគ្រឿងឥស្សរិយយស «សុវត្ថារា» ថ្នាក់មហាសេនា ដល់សប្បុរសជនចំនួន ៨រូប ក្នុងនោះរួមមានទាំង ឯកឧត្តមបណ្ឌិត ងិន បាណាល់ កូនប្រសាររបស់អ្នកឧកញ៉ា សុខ គង់, ឧកញ៉ា ហេង ឡុង អនុប្រធានក្រុមការងារចុះមូលដ្ឋានស្រុកបាភ្នំ និងឧកញ៉ា សៅ វលក្ខណ៍ អគ្គនាយកក្រុមហ៊ុន ខេមភូរ៉ា និង សាលាមីគីវ៉េ ផងដែរ។

ឯកឧត្តមបណ្ឌិត ងិន បាណាល់ ប្រធានក្រុមការងារចុះមូលដ្ឋានស្រុកបាភ្នំ និងលោកឧកញ៉ា ហេង ឡុង អនុប្រធាន ជានិច្ចកាលតែងតែបរិច្ចាគធនធានផ្ទាល់ខ្លួន ដើម្បីរួមចំណែកអភិវឌ្ឍហេដ្ឋារចនាសម្ព័ន្ធ ក៏ដូចជាសមិទ្ធផលនានា នៅក្នុងមូលដ្ឋានក្នុងខេត្តព្រៃវែង។ ជាក់ស្តែង ក្នុងពិធីបុណ្យឆ្លងឧបដ្ឋានសាលា ពុទ្ធាភិសេក និងសមិទ្ធផលនានាក្នុងវត្តព្រះវិហារគុហ៍ ស្ថិតនៅភូមិរោងដំរី ស្រុកបាភ្នំ កាលពីថ្ងៃទី២ ខែកុម្ភៈ ឆ្នាំ២០២៥ ក្រុមការងាររបស់លោកទាំងពីរ ក៏បានចូលរួមបច្ច័យចូលបុណ្យប្រមាណជាង ១០លានរៀលផងដែរ។

សូមជម្រាបថា មេដាយ «សុវត្ថារា» ជាគ្រឿងឥស្សរិយយសប្រភេទចម្រុះ សម្រាប់ផ្តល់ជូនបុគ្គលដែលមានស្នាដៃ និងគុណបំណាច់ខ្ពង់ខ្ពស់ក្នុងវិស័យកសិកម្ម និងសេដ្ឋកិច្ច។ មេដាយនេះ មាន៥ថ្នាក់គឺ ថ្នាក់អស្សឫទ្ធិ សេនា ធិបឌិន្ទ (ផ្តល់ជូនដោយអនុក្រឹត្យ) និងថ្នាក់មហាសេនា មហាសេរីវឌ្ឍន៍ (ផ្តល់ជូនដោយព្រះរាជក្រឹត្យ)៕

The post ឧកញ៉ា ហេង ឡុង និងឧកញ៉ា សៅ វលក្ខណ៍ ទទួលបានគ្រឿងឥស្សរិយយស «សុវត្ថារា» ថ្នាក់មហាសេនា appeared first on .

ក្នុងឱកាសនោះដែរ លោកឧកញ៉ា ហេង ឡុង បាននាំយកបច្ច័យចូលបុណ្យចំនួន ១០លានរៀល, ឯកឧត្តម ឯម វិចិត្រ ចូលបុណ្យ ១៥ម៉ឺនរៀល, ក្រុមប្រឹក្សាឃុំ ២០ម៉ឺនរៀល, រដ្ឋបាលសាលាស្រុក ៥៥ម៉ឺនរៀល សរុបថវិកាចូលបុណ្យ ១០លាន៩០ម៉ឺនរៀល និងសារ៉ុង២០០សារ៉ុង។

បន្ថែមលើនេះ លោកឧកញ៉ា បានជូនរដ្ឋបាលស្រុកក្នុងការរៀបចំកម្មវិធីចំនួន ៥០ម៉ឺនរៀល, ជូនកងកម្លាំង ២០ម៉ឺនរៀល, ជូនគ្រូពេទ្យ ៦ម៉ឺនរៀល, ជូនលោកគ្រូ អ្នកគ្រូ ១២ម៉ឺនរៀល, ជូនសិស្សានុសិស្សក្នុង១នាក់ ទទួលបានសៀវភៅ១ក្បាល, ប៊ិក១ដើម និងថវិកា ៥ពាន់រៀល សរុបថវិកា ៦០ម៉ឺនរៀល, តាជី យាយជី ក្នុង១នាក់ ក្រណាត់ ស ១ដុំ និងថវិកា១ម៉ឺនរៀល សរុប ៣០ម៉ឺនរៀល។ បច្ច័យរាប់បាត្រ ៨០ម៉ឺនរៀល ចំណាយដំណើរការកម្មវិធី ៥លាន៨ម៉ឺនរៀល សរុប៧លាន១២ម៉ឺនរៀល ដែលសរុបចំណាយរួមប្រមាណ ១៨,០២០,០០០រៀល៕

The post ឧកញ៉ា ហេង ឡុង និងលោកជំទាវ អញ្ជើញជាអធិបតីក្នុងពិធីបុណ្យឆ្លងឧបដ្ឋានសាលា នៅវត្តព្រះវិហារគុហ៍ appeared first on .

ជារៀងរាល់ឆ្នាំ លោកឧកញ៉ា ហេង ឡុង និងលោកជំទាវ តែងតែចូលរួមបរិច្ចាគទ្រព្យធនផ្ទាល់ខ្លួនជូនដល់កាកបាទក្រហមកម្ពុជា និងចូលរួមឧបត្ថម្ភថវិកាជួយដល់យុទ្ធនាការផ្សេងៗ របស់ប្រមុខរាជរដ្ឋាភិបាល ព្រមទាំងបានចូលរួមឧបត្ថម្ភដល់កម្មវិធីសប្បុរសជាច្រើនទៀត។

សូមជម្រាបថា ខួប១៦១ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៤ នឹងប្រារព្វឡើងក្រោមប្រធានបទ «រួមគ្នាជាមួយកាកបាទក្រហមកម្ពុជា ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។ ថវិកាដែលទទួលបានពីសប្បុរសជន សមាគមជាតិមួយនេះនឹងប្រើប្រាស់ដើម្បីបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត តាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម៕

The post ឧកញ៉ា ហេង ឡុង និងលោកជំទាវ បរិច្ចាគថវិកា ៣ពាន់ដុល្លារ ជូនដល់កាកបាទក្រហមកម្ពុជា appeared first on .

តាមលក្ខន្តិកៈរបស់សមាគមសិល្បករខ្មែរ ការបោះឆ្នោតជ្រើសរើសប្រធានសមាគម គឺត្រូវធ្វើឡើងរៀងរាល់​៥ឆ្នាំម្តង ក្នុងមួយអាណត្តិ។ ទោះយ៉ាងណា ក្នុងអាណត្តិទី៥ នាពេលកន្លងមក លោកស្រី ចន ច័ន្ទលក្ខិណា ​បាន​កាន់​តំណែង​យូរ​ជាងគេ​រហូត​ដល់ ៧ឆ្នាំ ដោយសារ​បញ្ហាកូវីដ-១៩ មិនអាចរៀបចំ​ពិធីបោះឆ្នោត​ជ្រើសរើស​ប្រធាន​ថ្មី។ លោកស្រី ចន ច័ន្ទលក្ខិណា បាន​កាន់​តំណែង​ប្រធាន​សមាគមសិល្បករខ្មែរ តាំងពីឆ្នាំ២០១៧ រហូតដល់ពេលដែលលោកស្រី ប្រកាស​លាលែង​ពី​តំណែង កាលខែកុម្ភៈ ឆ្នាំ២០២៤។

លោកឧកញ៉ា ហេង ឡុង បានបង្ហោះសារ​កោតសរសើរ​លោកស្រី ចន ច័ន្ទលក្ខិណា នៅលើទំព័រហ្វេសប៊ុក កាលពី​ថ្ងៃ​ព្រហស្បតិ៍​ម្សិលមិញ យ៉ាងដូច្នេះថា៖ “បងពិតជាមានមោទនភាព និងសូមកោតសរសើរដោយស្មោះ​ចំពោះការ​លះបង់​ដ៏ធំធេងរបស់អូនក្នុងរយៈពេល ៧ឆ្នាំកន្លងមកនេះ។ ពួកយើងមានសំណាង​ ដែលមានឱកាសបានរួម​ចំណែកលើកស្ទួយ​នៅក្នុងសង្គមសិល្បៈ បានបន្សល់ទុកនូវស្នាដៃនិងកេរ្តិ៍ឈ្មោះជាប្រវត្តិសាស្ត្រសម្រាប់កូនចៅរបស់យើង។ ពិតហើយ​យើង​មិនអាចបំពេញចិត្តមនុស្សគ្រប់រូបបានឡើយ ប៉ុន្តែយើងសប្បាយចិត្តនៅពេលដែលយើងបានធ្វើអំពើល្អ សកម្មភាព​មនុស្ស​ធម៌ ដែលនាំមកនូវសន្តិភាពផ្លូវចិត្តពិតប្រាកដ​។ ពួកយើងនឹងនៅតែបន្តរួមគ្នាចូលរួមចំណែកជាមួយសង្គមយើង តាម​លទ្ធភាព ដើម្បីសេចក្ដីសុខ​ និងស្នាមញញឹមពីមនុស្សជុំវិញខ្លួន​។ ម្នាក់ៗល្អ នឹងទទួលបានសង្គមមួយដ៏ល្អ”។

គួរបញ្ជាក់ថា អតីតតារាសម្តែង លោកជំទាវអ្នកឧកញ៉ា ម៉ៅ ចំណាន ភរិយារបស់អ្នកឧកញ៉ា គិត ម៉េង ត្រូវបាន​សិល្បករ-សិល្បការិនីខ្មែរជាច្រើននាក់ ជឿទុកចិត្ដ​និង​បោះឆ្នោតជូនក្នុងសំឡេងគាំទ្រ ៥២៧សំឡេង ស្មើនឹង ៩៣% ជាប់ជាប្រធាន​សមាគម​សិល្បករខ្មែរ អាណត្ដិទី៦ ដែលនឹងដឹកនាំសមាគម ​ចាប់ពីឆ្នាំ២០២៤នេះ រហូតដល់ឆ្នាំ២០២៩៕

The post ឧកញ៉ា ហេង ឡុង បញ្ចេញសារក្នុងចិត្តចំពោះលោកស្រី ចន ច័ន្ទលក្ខិណា ក្រោយអ្នកឧកញ៉ា ម៉ៅ ចំណាន ជាប់ជាប្រធានសមាគមសិល្បករខ្មែរ appeared first on .

ភាពជាអ្នកដឹកនាំរបស់លោកជំទាវអ្នកឧកញ៉ា ទាំងក្នុងវិស័យជំនួញ និងសិល្បៈ នឹងមានសារៈសំខាន់ ក្នុងការជួយលើក ស្ទួយសហគមន៍សិល្បៈខ្មែរឱ្យកាន់តែរីកចម្រើន និងលើកកម្ពស់វប្បធម៌ខ្មែរ។ ជាមួយនឹងការបន្តដឹកនាំរបស់លោកជំទាវ យើងទាំងអស់គ្នារំពឹងថា នឹងមានការរីកចម្រើន និងការច្នៃប្រតិដ្ឋបន្ថែមទៀតនៅក្នុងវិស័យសិល្បៈខ្មែរ។

ឆ្លៀតក្នុងឱកាសនេះ ខ្ញុំបាទ នាងខ្ញុំសូមចូលរួមអបអរសាទរ និងសូមជូនពរ លោកជំទាវអ្នកឧកញ៉ា ម៉ៅ ចំណាន សូមប្រកបដោយសិរីមង្គល វិបុលសុខ និងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post ឧកញ៉ា ហេង ឡុង និងលោកជំទាវ ចន ច័ន្ទលក្ខិណា ផ្ញើសារអបអរសាទរអ្នកឧកញ៉ា ម៉ៅ ចំណាន ជាប់ជាប្រធានសមាគមសិល្បករខ្មែរ អាណត្តិទី៦ appeared first on .

ក្នុងនាមជាគ្រូបង្វឹកកិត្តិយស សម្តេចតេជោ ហ៊ុន សែន នឹងដឹកនាំការប្រកួតបាល់ទាត់ដើម្បីមនុស្សធម៌ចំនួនពីរ ប្រកួត នៅពហុកីឡដ្ឋានជាតិអូឡាំពិក រួមមានជំនួបរវាងក្រុម Vloggers All Star Vs បាល់ទះ S&E All Star និងជំនួបរវាង CFSS Vs Kun Khmer All Star ផងដែរ។

ការប្រកួតបាល់ទាត់នេះធ្វើឡើង ក្រោមមូលបទ «រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន» និងដើម្បី ប្រមូល ថវិកា ជួយមន្ទីរពេទ្យគន្ធបុប្ផា។ ជាមួយគ្នានេះ សម្តេចតេជោ ក៏សូមអំពាវនាវសប្បុរសជនចូលរួមជួយថវិកា សម្រាប់ជួយដល់ មន្ទីរពេទ្យគន្ធបុប្ផា ដែលកំពុងត្រូវការសម្រាប់ព្យាបាលដល់ កុមារកម្ពុជា។ សម្តេចតេជោ ក៏បានប្រកាសថា សម្តេច និងសម្តេចកិត្តិព្រឹទ្ធបណ្ឌិត បានចូលរួម ថវិកា  ចំនួន ២០០លាន រៀល។

សម្រាប់សប្បុរសជនចង់ ចូល រួមតាមរយៈសម្តេចក្នុងព្រឹត្តិការណ៍ប្រកួតបាល់ទាត់មនុស្សធម៌នេះ សូមទាក់ទងទៅលោក សេង ទៀង ដែលមាន លេខទូរស័ព្ទ ០១២ ៩៦១ ៩៧១៕

The post ឧកញ៉ា ហេង ឡុង និងលោកជំទាវ ឧបត្ថម្ភថវិកា ៥លានរៀល ជូនដល់មន្ទីរពេទ្យគន្ធបុប្ផា តាមរយៈការប្រកួតបាល់ទាត់មនុស្សធម៌ appeared first on .

ក្នុងនោះ ឧកញ៉ា ហេង ឡុង មកពីក្រុមបាល់ទាត់ផ្ការីកគ្រប់រដូវរបស់នាយពាក់មី ក៏បានស៊ុតប៉ើងសំណាញ់បាន១គ្រាប់តំបូងគេក្នុងនាទីទី១១:៤១វិនាទី។

សូមជម្រាបជូនថា ដើម្បីអបអរសាទរខួបលើកទី៤៥ នៃថ្ងៃកំណើតសហភាពសហព័ន្ធយុវជនកម្ពុជា ស.ស.យ.ក.ខេត្តព្រៃវែង បានរៀបចំកម្មវិធីប្រកួតបាល់ទាត់សប្បុរសធម៌ប្រមូលថវិកាបរិច្ចាគដល់មណ្ឌលកុមារកំព្រា ក្នុងខេត្តព្រៃវែង ដែលជាការឧបត្ថម្ភដោយ ភេសជ្ជៈប៉ូវកម្លាំង Wurkz របស់អ្នកឧកញ៉ា លាង ម៉េង សហស្ថាបនិកក្រុមហ៊ុន ជីបម៉ុង គ្រុប និងជាប្រធានក្រុមអគ្គនាយក ក្រុមហ៊ុន ខ្មែរ ប៊ែវើរីជីស។

កម្មវិធីប្រកួតបាល់ទាត់មិត្តភាពនេះបានបែងចែកជា ២វគ្គគឺ វគ្គទី១ ការប្រកួតរវាង U12 ខេត្តព្រៃវែង ទល់នឹង U12 ផ្ការីកគ្រប់រដូវ និង វគ្គទី២ ការប្រកួតរវាងថ្នាក់ដឹកនាំខេត្តព្រៃវែង ទល់នឹងក្រុមផ្ការីកគ្រប់រដូវ។ ជាមួយគ្នានេះ ថ្នាក់ដឹកនាំជាច្រើនរូប បានអញ្ជើញចូលរួម ក្នុងនោះរួមមាន ឯកឧត្តមអភិសន្តិបណ្ឌិត ស សុខា, តំណាងរាស្រ្តខេត្តព្រៃវែង, អភិបាលខេត្តព្រៃវែង, ស្នងការខេត្តព្រៃវែង, ប្រធាន ស.ស.យ.ក ខេត្តព្រៃវែង, អ្នកឧកញ៉ា លាង ម៉េង, ឧកញ៉ា ហេង ឡុង, នាយពាក់មី, តារាចម្រៀង ខេម, គូមា និងនាយគ្រឿន ព្រមទាំងកីឡាករច្រើនរូបទៀត៕

The post ឧកញ៉ា ហេង ឡុង មានឱកាសស៊ុតប៉ើងសំណាញ់បាន ១គ្រាប់ ក្នុងព្រឹត្តិការណ៍ប្រកួតកីឡាបាល់ទាត់មិត្តភាពសប្បុរសធម៌ នៅខេត្តព្រៃវែង appeared first on .

ឧកញ៉ា​ ហេង ឡុង ប្រធានសមាគមមិត្តសិល្បៈស្មគ្រចិត្តជួយសង្គម បានលើកឡើងថា កម្មវិធីនេះរៀបចំឡេីងក្នុងគោលបំណង​ ដើម្បីជាការលើកទឹកចិត្ត និងបង្កើនភាពស្និទស្នាលដល់សិល្បកររៀមច្បងចាស់ជរា​ ដែលបានបាត់បង់សមត្ថភាពសិល្បៈទាំងស្រុងទៅហេីយ ក៏ដូចជាសិល្បករ-សិល្បការិនីដែលបានធ្លាប់បានចូលរួមសកម្មភាពជាមួយសមាគមនាពេលកន្លងមកប៉ុណ្ណោះ។

អញ្ជើញថ្លែងសន្ទរកថា ឯកឧត្តម ហ៊ុន ម៉ានី បានកោតសរសើរ និងវាយតម្លៃខ្ពស់ចំពោះ សមាគមមិត្តសិល្បៈស្ម័គ្រចិត្តជួយសង្គម ដែលបានផ្តួចផ្តើមគំនិតរៀបចំកម្មវិធីនេះឡើងហើយបានអញ្ជើញ សិល្បករ សិល្បការិនីរៀមច្បងមកចូលរួមអាហារសាមគ្គីដ៏មានអត្ថន័យនេះ។ ជាមួយគ្នានេះ ឯកឧត្តបានថ្លែងអំណរគុណយ៉ាងជ្រាលជ្រៅចំពោះកិច្ចខិតខំប្រឹងប្រែងដោយមិនខ្លាចនឿយហត់របស់លោកគ្រូ អ្នកគ្រូ ព្រឹទ្ធាចារ្យ សិល្បករ សិល្បការិនីខ្មែរគ្រប់រូប គ្រប់ជំនាន់ និងគ្រប់ទម្រង់នៃសិល្បៈខ្មែរទាំងអស់ ដែលតែងតែលើកស្ទួយសិល្បៈ និងវប្បធម៌ខ្មែរ។

ឯកឧត្តមបានលើកឡើងថា ការចូលរួមចំណែករបស់លោកគ្រូ អ្នកគ្រូ ព្រឹទ្ធាចារ្យ សិល្បករ សិល្បការិនីខ្មែរគ្រប់រូបនាពិតជាបានចូលរួមចំណែកយ៉ាងធំធេងសម្រាប់សង្គមជាតិ ក្នុងការការពារ ថែរក្សា ស្តារ និងកសាងឡើងវិញ នូវសិល្បៈខ្មែរ ដែលត្រូវបានបំផ្លិចបំផ្លាញស្ទើរទាំងស្រុងក្នុងរបបខ្មែរក្រហម ឲ្យក្លាយទៅជាវិស័យដ៏ពេញនិយមរបស់ប្រជាជនកម្ពុជាឡើងវិញ ក្នុងដំណាក់កាលសុខសន្តិភាព នាពេលបច្ចុប្បន្ន។ 

ឯកឧត្តមបានគូសបញ្ជាក់ថា លោកគ្រូ អ្នកគ្រូ ព្រឹទ្ធាចារ្យ សិល្បករ សិល្បការិនីទាំងអស់ មិនត្រឹមតែជា អ្នកបង្ហាត់បង្ហាញ និងជាអ្នកសម្ដែងជូនទស្សនិកជនទស្សនាប៉ុណ្ណោះទេ ប៉ុន្តែ គឺជាអ្នករក្សា ព្រលឹងរបស់ជាតិខ្មែរ ឲ្យនៅឋិតថេរជាមួយប្រជាជនខ្មែរគ្រប់រូប គ្រប់ស្រទាប់ទាំងក្នុង និងក្រៅប្រទេសផងដែរ។

សូមជម្រាបជូនថា ក្រុមហ៊ុនធំៗ ៤ដែលបានចូលរួមសហការជាមួយសមាគមមិត្តសិល្បៈស្ម័គ្រចិត្តជួយសង្គម មានដូចជា ក្រុមហ៊ុន ជីបម៉ុង គ្រុប របស់អ្នកឧកញ៉ា លាង ម៉េង ក្រុមហ៊ុន ហ្គាឡាក់ស៊ី ណាវ៉ាត្រា របស់អ្នកឧកញ៉ា ឡេង ណាវ៉ាត្រា ក្រុមហ៊ុន ស្រាបៀរ ហនុមាន របស់លោកស្រី ខៀវ សស៊ីលៀប និងក្រុមហ៊ុន ស្រាវិស្គី Royal Salute ៕

The post ឧកញ៉ា ហេង ឡុង សហការជាមួយក្រុមហ៊ុនធំៗ៤ រៀបចំពិធីពិសារអាហារសាមគ្គីជាមួយសិល្បករ សិល្បការិនីរៀមច្បងប្រមាណ ៥០០នាក់ appeared first on .

ក្នុង​ឱកាស​អញ្ជើញជាអធិបតីបិទ ការថតខ្សែភាពយន្ត «កូនប្រុសក្រោម​ពន្លឺព្រះចន្ទពេញបូណ៌មី» នៅ OCIC ជ្រោយចង្វារ សម្តេច​តេជោ បាន​ថ្លែង​ថា សម្តេច​សូមអរគុណ​ចំពោះ​ឧកញ៉ា ហេង ឡុង​ ដែល​ដឹកនាំ​សម្តែង​ទាក់ទង​នឹង​ការ​ថត​ភាពយន្ត​ចម្រៀង​​មួយ​ផ្នែក​ទៀត​គឺ «ទុក្ខស្រីប្តីព្រាត់» និង «ជីវិតក្មេងវត្ត» ហើយ​ដែល​​ពេល​​នេះ​​ក៏​​មាន​ការ​ចូលរួម​ចំនួន​ ៥០នាក់ ដែល​មក​ទទួលមេដាយ​​ផងដែរ។

លោកឧកញ៉ា ហេង ឡុង បាន​​បង្ហោះសារ​លើ​ទំព័រហ្វេសប៊ុក នៅ​ព្រឹក​ថ្ងៃទី១០ ខែតុលា​នេះ​ យ៉ាង​ដូច្នេះ​ថា៖ ” ខ្ញុំ​បាទ​ពិតជាមានកិត្តិយសដ៏ខ្ពង់ខ្ពស់ត្រូវបានសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន​សែន បំពាក់មេដាយជាតូបការ ក្នុងពិធីបិទបញ្ចប់កញ្ចក់កាមេរ៉ា-ថតខ្សែភាពយន្តភាគរឿង «កូនប្រុសក្រោម​ពន្លឺ​ព្រះចន្ទពេញបូណ៌មី» ដែលធ្វើឡើងនៅ មជ្ឈមណ្ឌលសន្និបាត និងពិពណ៌អន្តរជាតិជ្រោយចង្វារ រាជធានីភ្នំពេញ កាលពីរសៀលថ្ងៃទី៩ ខែតុលា ឆ្នាំ២០២៣”។

សូម​ជម្រាប​ថា ចម្រៀង​ភាពយន្ត​​ប្រវត្តិសាស្ត្រ​ «ជីវិតក្មេងវត្ត» ​ត្រូវបានដាក់សម្ពោធ​ផ្សព្វផ្សាយជាសាធារណៈ កាលពី​ថ្ងៃទី២៨ ខែកញ្ញា ឆ្នាំ២០២២ ខណៈ​ដែល​ចម្រៀង​ភាពយន្ត «ទុក្ខស្រីប្តីព្រាត់» បាន​ធ្វើ​ពិធីដាក់សម្ពោធ​បញ្ចាំង​ជាផ្លូវការ នៅ​ថ្ងៃទី៧ ខែមករា ឆ្នាំ២០២៣។ ​ចម្រៀង​ភាពយន្ត​ប្រវត្តិសាស្ត្រ​ទាំង​ ២បទ​នេះ​ ​ផលិតដោយ​សមាគមសិល្បករខ្មែរ ដែលមានផលិតករ គឺលោកស្រី ចន ច័ន្ទលក្ខិណា, ឧកញ៉ា ហេង ឡុង និងឧកញ៉ា អ៉ឹង លីហេង, ដឹកនាំសម្តែងដោយ លោក ហ្វៃ សំអាង និងឧបត្ថម្ភសម្ភារៈ​ កាម៉េរាថត​ដោយអ្នកឧកញ៉ា ឡេង ណាវ៉ាត្រា ផងដែរ៕

The post សម្តេចតេជោ ថ្លែងអំណរគុណដល់ ឧកញ៉ា ហេង ឡុង ដែលបានដឹកនាំផលិតភាពយន្តចម្រៀងពីជីវិតសម្តេច appeared first on .