ភ្ជាប់ជាមួយរូបភាពរបស់ខ្លួនដែលលោតចុះពីលើឧទ្ធម្ភាគចក្រដោយប្រើខ្សែពួរ ក្នុងការហ្វឹកហ្វឺនកាលពីជាង១០ឆ្នាំមុន នាយឧត្តមសេនីយ៍ ហ៊ុន ម៉ាណែត បានសរសេររៀបរាប់ថា ការទម្លាក់ទ័ពតាមឧទ្ធម្ភាគចក្រ គឺជាយុទ្ធវិធីមួយក្នុងការបញ្ជូនទ័ពដោយរហ័សចូលទៅក្នុងតំបន់ណា មួយនៅលើសមរភូមិ ដែលផ្តល់អំណោយផលអោយកម្លាំងក្នុងការចាប់យកប្រៀបប្រយុទ្ធ។

ចំពោះសំនួរដែលសួរថា តើការលោតចុះពីលើឧទ្ធម្ភាគចក្រដែលមានរយៈកំពស់ខ្ពស់ពីដីដោយពឹងលើខ្សែពួរមួយខ្សែ ជាពិសេសក្នុងតំបន់គ្រោះថ្នាក់ មានហានិភ័យទេ? នាយឧត្តមសេនីយ៍ ហ៊ុន ម៉ាណែត ឆ្លើយថាប្រាកដណាស់គឺមាន ប៉ុន្តែមិនអាចយកហានិភ័យនោះធ្វើជាឧបសគ្គ ហើយមិនហ៊ានលោតចុះដោយរហ័សនោះទេ ជាពិសេសនៅពេលដែលយើងជាមនុស្សទីមួយដែលត្រូវលោតចុះ ព្រោះ ១) ជាភារកិច្ចនិងការទទួលខុសត្រូវរបស់យើងដែលត្រូវតែធ្វើ ២) សុវត្ថិភាពរបស់អ្នកផ្សេងដែលនៅក្នុងឧទ្ធម្ភាគចក្រ គឺត្រូវពឹងផ្អែកលើការសម្រេចចិត្តរបស់យើង (បើយើងមិនហ៊ានលោត ត្រូវធ្វើអោយស្ទះបេសកកម្មរបស់អ្នកផ្សេងនិងរបស់ក្រុមទាំងមូល ហើយបើនៅកាន់តែយូរ នឹងបង្កហារនិភ័យកាន់តែខ្ពស់ដល់អ្នកទាំងអស់គ្នា ព្រោះអាចក្លាយជាផ្ទាំងស៊ីបដ៏ធំមួយនៅលើអាកាស) ៣) ភាពជោគជ័យរបស់បេសកកម្មរួមរបស់ក្រុមយើង គឺពឹងផ្អែកទាំងស្រុងលើការធ្វើប្រតិបត្តិការប្រកបដោយភាពក្លាហាន មុះមុត ឯកភាពគ្នា ប្រកបដោយការទទួលខុសត្រូវខ្ពស់របស់សមាជិកគ្រប់រូប រួមទាំងខ្លួនយើងផង៕

The post នាយឧត្តមសេនីយ៍ ហ៊ុន ម៉ាណែត ចែករំលែកបទពិសោធន៍និងទ្រឹស្តីនៃការទម្លាក់ទ័ពតាមឧទ្ធម្ភាគចក្រ appeared first on .

ក្នុងជំនួបនេះ ឧត្តមសេនីយ៍ឯក ហ៊ុន ម៉ាណែត បានរំឭកអំពីទំនាក់ទំនងដ៏យូរអង្វែងរវាងកម្ពុជា-និងកាណាដា ជាពិសេសការចូលរួមរបស់កាណាដានៅក្នុងដំណើរការសន្តិភាព និងការអភិវឌ្ឍរបស់ប្រទេសកម្ពុជា ដូចជាតាមរយៈការផ្តល់ប្រព័ន្ធអនុគ្រោះពន្ធ GSP ជាដើម។

ជាមួយគ្នានេះ ឧត្តមសេនីយ៍ឯកក៏បានលើកឡើងផងដែរអំពីសក្តានុពលនៃកិច្ចសហប្រតិបត្តិការទ្វេភាគីលើវិស័យជាច្រើន រួមមាន៖ វិស័យយោធា, ពាណិជ្ជកម្ម, វិនិយោគ, អប់រំ, ទេសចរណ៍ និងការងារ សំដៅធ្វើយ៉ាងណាផ្សារភ្ជាប់ទំនាក់ទំនងឱ្យកាន់តែជិតស្និទ្ធរវាងប្រទេស និងប្រជាជនទាំងពីរ ជាពិសេសតាមរយៈការជំរុញឱ្យមានការផ្លាស់ប្តូរទស្សនកិច្ចដើម្បីស្វែងយល់អំពីស្ថានភាពពិតនៃវឌ្ឍនភាពរីកចម្រើនរបស់ប្រទេសកម្ពុជា ដូចទស្សនកិច្ចរបស់សមាជិកព្រឹទ្ធសភាកាណាដា នាឱកាសនេះ។

ជាការឆ្លើយតប លោក Victor Oh បានអរគុណចំពោះទស្សនវិស័យរបស់ ឧត្តមសេនីយ៍ឯក ហ៊ុន ម៉ាណែត អំពីសក្តានុពលនៃទំនាក់ទំនងទ្វេភាគីកាណាដា-កម្ពុជា និងបានគូសបញ្ជាក់អំពីចំណងមិត្តភាពរឹងមាំរវាងរដ្ឋាភិបាល, ប្រជាជន និងប្រទេសទាំងពីរ ដោយក្នុងនេះ កាណាដាក៏ជាប្រទេសដ៏ធំមួយដែលនាំចូលទំនិញពីកម្ពុជា។

ទន្ទឹមនឹងនោះលោកក៏បានឯកភាពជាមួយនឹង ឧត្តមសេនីយ៍ឯក ហ៊ុន ម៉ាណែត ក្នុងការផ្តោតកិច្ចខិតខំប្រឹងប្រែងបន្ថែមទៀត លើការជំរុញឱ្យកាន់តែសកម្មនូវទំនាក់ទំនងរវាងប្រជាជន និងប្រជាជន ដែលជាមូលដ្ឋានគ្រឹះបម្រើឱ្យការលើកកម្ពស់ទំនាក់ទំនង និងកិច្ចសហប្រតិបត្តិការល្អលើគ្រប់វិស័យ។

ក្រៅពីនេះ ភាគីទាំងពីរ ក៏បានពិភាក្សា និងផ្លាស់ប្តូរទស្សនៈអំពីបញ្ហាអន្តរជាតិមួយចំនួន ជាពិសេសអំពីសារៈសំខាន់នៃគោលការណ៍អធិបតេយ្យរដ្ឋ, ការគោរពគ្នាទៅវិញទៅមក និងភាពចាំបាច់នៃការស្វែងរកដំណោះស្រាយដោយសន្តិវិធី ដើម្បីដោះស្រាយវិបត្តិដែលកំពុងកើតមាននៅក្នុងតំបន់ និងសកលលោក៕

The post សមាជិកព្រឹទ្ធសភា​កាណាដា អរគុណចំពោះទស្សនវិស័យឧត្តមសេនីយ៍ឯក ហ៊ុន ម៉ាណែត អំពីសក្តានុពលទំនាក់ទំនងទ្វេភាគីកម្ពុជា-កាណាដា appeared first on .

ក្នុងជំនួបនេះ ឯកឧត្តម ចាក់ឌីប ថាំងកា បានរំឭកអំពីទំនាក់ទំនងជាប្រវត្តិសាស្ត្រដ៏យូរលង់រវាងកម្ពុជា និងឥណ្ឌា និងបានសម្តែងនូវការពេញចិត្តចំពោះចំណងមិត្តភាពជាប្រពៃណី ដែលត្រូវបានថែរក្សារឹងមាំរហូតមកដល់ពេលបច្ចុប្បន្ន ជាពិសេសការរីកចម្រើនទៅមុខនៃកិច្ចសហប្រតិបត្តិការជិតស្និទ្ធលើវិស័យនយោបាយ សេដ្ឋកិច្ច អប់រំ និងវប្បធម៌។ ឯកឧត្តម អនុប្រធានាធិបតី ក៏បានរំឭកផងដែរអំពីការធ្វើដំណើររបស់ ឯកឧត្តម មកកាន់ប្រទេសកម្ពុជាកាលពីខែវិច្ឆិកា ឆ្នាំ២០២២ កន្លងទៅ ដោយបានកោតសរសើរកម្ពុជាអំពីជោគជ័យ និងការរៀបចំដ៏ល្អឥតខ្ចោះនៃកិច្ចប្រជុំកំពូលអាស៊ានលើកទី៤០ និង៤១ រួមទាំងកិច្ចប្រជុំកំពូលពាក់ព័ន្ធ។

ជាការឆ្លើយតប ឧត្តមសេនីយ៍ឯក ហ៊ុន ម៉ាណែត បានជម្រាបជូន ឯកឧត្តមប្រធានាធិបតីអំពីការផ្តាំផ្ញើសាកសួរសុខទុក្ខរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងបានសម្តែងនូវមោទកភាពព្រមជាមួយការអរគុណចំពោះការផ្តល់កិត្តិយស និងបដិសណ្ឋារកិច្ចស្វាគមន៍យ៉ាងកក់ក្តៅដែលបានផ្តល់ជូនគណៈប្រតិភូកងទ័ពជើងគោកនៃកងយោធពលខេមរភូមិន្ទ ពីសំណាក់រដ្ឋាភិបាល និងកងទ័ពនៃសាធារណរដ្ឋឥណ្ឌា ដោយនេះពិតជាបានបង្ហាញអំពីការយកចិត្តទុកដាក់ និងការគោរពឱ្យតម្លៃចំពោះទំនាក់ទំនងកម្ពុជា-ឥណ្ឌា ដែលជាទំនាក់ទំនងស្អិតរមួតដិតដាមដោយដានប្រវត្តិសាស្ត្រដ៏យូរលង់រាប់ពាន់ឆ្នាំក្នុងអតីតកាល។

លោកឧត្តមសេនីយ៍ ក៏បានបន្តថា នៅក្រោយការបង្កើតចំណងការទូតផ្លូវការក្នុងឆ្នាំ១៩៥២ ជាពិសេសក្រោមកិច្ចខិតខំប្រឹងប្រែងរបស់ សម្តេចតេជោ ហ៊ុន សែន រួមនឹងប្រមុខថ្នាក់ដឹកនាំឥណ្ឌាជាច្រើនរូប ចាប់តាំងពីការរំដោះប្រទេសចេញពីរបប ប៉ុល ពត ក្នុងឆ្នាំ១៩៧៩ ទំនាក់ទំនងរវាងប្រទេសទាំងពីរ ក៏បាននិងកំពុងតែមានការរីកចម្រើនជឿនលឿនទៅមុខយ៉ាងល្អប្រសើរ ទាំងទំនាក់ទំនងកម្រិតទ្វេភាគី និងទំនាក់ទំនងក្នុងក្របខ័ណ្ឌពហុភាគីនៃវេទិកាតំបន់ និងសាកល។ សម្រាប់អនាគត ទំនាក់ទំនងដ៏ល្អនេះក៏នឹងត្រូវបានថែរក្សាពូនជ្រំ និងពង្រឹងឥតឈប់ឈរទៅមុខលើគ្រប់វិស័យ រួមទាំងទំនាក់ទំនងរវាងប្រជាជន និងប្រជាជន។

លោកឧត្តមសេនីយ៍ ក៏បានយកឱកាសនោះ ថ្លែងអំណរគុណចំពោះសាធារណរដ្ឋឥណ្ឌាក្នុងនាមជាមិត្តល្អ  ដែលតែងមានសមានចិត្តជួយឧបត្ថម្ភគាំទ្រដល់កម្ពុជាជាប់រហូតមក ជាពិសេសក្នុងកាលៈទេសៈដែលកម្ពុជាបានជួបប្រទះការលំបាកក្នុងទសវត្សរ៍ឆ្នាំ១៩៨០ ដោយឥណ្ឌាជាប្រទេសប្រជាធិបតេយ្យទី១ ដែលបានទទួលស្គាល់កម្ពុជានៅក្រោយការដួលរលំនៃរបបខ្មែរក្រហម និងក៏បានចូលរួមយ៉ាងសកម្មក្នុងកិច្ចការជាច្រើន ដូចជា៖ ការជួយបណ្តុះបណ្តាលអភិវឌ្ឍធនធានមនុស្សចាប់តាំងពីឆ្នាំ១៩៨១, ការចូលរួមក្នុងដំណើរការស្វែងរកសន្តិភាព, ការបញ្ជូនកងកម្លាំងថែរក្សាសន្តិភាពមួកខៀវមកកម្ពុជា និងការផ្តល់វ៉ាក់សាំងបង្ការជំងឺកូវីដ-១៩ ជាដើម៕

The post ឧត្តមសេនីយ៍ឯក ហ៊ុន ម៉ាណែត ចូលជួបសម្តែងការគួរសមជាមួយនឹងអនុប្រធានាធិបតីនៃសាធារណរដ្ឋឥណ្ឌា appeared first on .

កាលពី​ថ្ងៃទី​២០ ខែមករា ឆ្នាំ២០២១ លោកបណ្ឌិត ពេជ សោភ័ន ​​​ត្រូវ​បាន​ព្រះមហាក្សត្រ​ ចេញ​ព្រះ​រាជក្រឹត្យ​​តែងតាំង​មុខ​តំណែង​ជា “រដ្ឋមន្ត្រី​ប្រតិភូ​អមនាយករដ្ឋមន្រ្តី” បន្ថែម​លើ​មុខងារ​បច្ចុប្បន្ន ខណៈ​ដែល​បច្ចុប្បន្ន​លោក​ជា​ រដ្ឋលេខាធិការ​ប្រចាំការ នៃក្រសួងការងារ និងបណ្ដុះបណ្ដាលវិជ្ជាជីវៈ។

បន្ថែម​ពី​នេះ ​​លោក​បណ្ឌិត ពេជ សោភ័ន ជាអនុប្រធានគណៈកម្មាធិការរណសិរ្ស​សាមគ្គីអភិវឌ្ឍន៍មាតុភូមិ​កម្ពុជា​ក្រសួងការងារ និងបណ្តុះបណ្តាលវិជ្ជាជីវ: ​​ដែល​មាន​​លោក​បណ្ឌិត អ៊ិត សំហេង ជាប្រធានគណៈកម្មាធិការ​រណសិរ្សសាមគ្គី​អភិវឌ្ឍន៍មាតុភូមិកម្ពុជាក្រសួងការងារ និងបណ្តុះបណ្តាលវិជ្ជាជីវ: ហើយលោក ក៏ជាអនុប្រធានក្រុមប្រឹក្សាគណៈវិស្វករកម្ពុជា, អនុប្រធានក្រុមប្រឹក្សាភិបាលនៃសាលាសណ្ឋាគារ និងទេសចរណ៍ ប៉ូល ឌុយប្រ៊ូល, នាយកគម្រោងជំនាញសម្រាប់ការប្រកួតប្រជែង (S4C)។

ចំណែក​ឯ​​ការងារ​នៅ​ក្នុង​ជួរ​គណបក្ស​វិញ លោក​បណ្ឌិត ពេជ សោភ័ន ជា​អនុប្រធានក្រុមការងារគណបក្ស​ចុះ​មូលដ្ឋានខេត្តតាកែវ និងជាសហប្រធានក្រុមការងារគណបក្សចុះមូលដ្ឋានស្រុកព្រៃកប្បាស ខេត្តតាកែវ ​ក្រោម​ការ​ដឹកនាំ​របស់​កិត្តិនីតិកោសលបណ្ឌិត ប៊ិន ឈិន ប្រធានក្រុមការងារគណបក្សចុះមូលដ្ឋានខេត្តតាកែវ។ លោក ក៏​ជា​អនុប្រធានគណៈកម្មាធិការគណបក្សក្រសួងការងារ និងបណ្ដុះបណ្ដាលវិជ្ជាជីវៈ។

គួរ​បញ្ជាក់​ថា កូនស្រី​របស់​លោក​បណ្ឌិត ពេជ សោភ័ន គឺ​លោក​ជំទាវ ពេជ ចន្ទមុន្នី ​​បាន​រៀប​​អាពាហ៍​ពិពាហ៍​ជាមួយ​កូន​ប្រុស​ច្បង​របស់​សម្តេច​តេជោ ហ៊ុន សែន នាយករដ្ឋមន្ត្រីកម្ពុជា លោក​បណ្ឌិត ហ៊ុន ម៉ាណែត កាល​​ពី​ថ្ងៃទី​០៧ ខែមករា ឆ្នាំ២០០៦ ដែល​មក​ដល់​បច្ចុប្បន្ន​ ចំណងអាពាហ៍ពិពាហ៍នេះ ទទួលបានចំណងដៃ​កូនស្រី ២នាក់ និងកូនប្រុសម្នាក់៕

The post តើឪពុកក្មេកលោកបណ្ឌិត ហ៊ុន ម៉ាណែត កំពុងកាន់តួនាទីអ្វីខ្លះ ក្នុងជួររាជរដ្ឋាភិបាលកម្ពុជា? appeared first on .

បទបញ្ជានេះ​ត្រូវ​បានដាក់ចេញ នៅក្នុងកិច្ចប្រជុំឆ្លងរបាយការណ៍បូកសរុបលទ្ធផលការងារយោធា-សន្តិសុខ ឆ្នាំ​២០​២២ និងលើកទិសដៅបន្ត ឆ្នាំ២០២៣ របស់កងទ័ពជើងគោក កាលពីថ្ងៃទី១០ ខែមករា ម្សិលមិញ។

ក្រៅពីដាក់ចេញបទបញ្ជាសម្រាប់ព្រឹត្តិការណ៍សំខាន់ទាំងពីនេះ ជាទិសដៅការងារ​បន្តសម្រាប់​​ឆ្នាំ​​២០​​​​២៣ ឧត្តមសេនីយ៍ឯក ហ៊ុន ម៉ាណែត ក៏ណែនាំឲ្យបណ្តាស្ថាប័ន-កងឯកភាពក្រោមចំណុះ បន្ត​យក​ចិត្តទុកដាក់ និងត្រៀមលក្ខណៈ​អនុវត្ត​​គ្រប់​ភារ​កិច្ច​​ទាំង​កិច្ច​​ការងារស្នូល និងភារកិច្ច​​នានា​តាម​បទ​​បញ្ជារបស់រាជរដ្ឋាភិបាល ក្រសួងការពារជាតិ និងអគ្គបញ្ជាការដ្ឋាន​កងយោធ​ពលខេមរភូមិន្ទ ដូចជា​​ការត្រៀម​បម្រុងកម្លាំង មធ្យោបាយ និងសម្ភារ សម្រាប់ប្រតិបត្តិការជួយ​សង្គ្រោះ​គ្រោះ​មហន្តរាយ​ជាយថាហេតុផ្សេងៗ។

ជាមួយគ្នា ឧត្តមសេនីយ៍ឯក មេបញ្ជាការ បានការកោតសរសើរ និងការវាយតម្លៃខ្ពស់ចំពោះថ្នាក់ដឹកនាំ មេបញ្ជាការ មេ​បញ្ជា​​ការរងគ្រប់លំដាប់ថ្នាក់ នាយទាហាន នាយទាហានរង និងពលទាហាន​​ទូទាំង​កងទ័ពជើងគោក ដែលពេញ​មួយ​ឆ្នាំ​២០​​២២ កន្លងទៅ បានខិតខំប្រឹងប្រែងរួមគ្នាបំពេញតួនាទី-ភារកិច្ច ទទួលបានលទ្ធផលល្អប្រសើរ ស្របតាមផែនការដែល​បានដាក់ចេញ ក៏ដូចជាការឆ្លើ​យ​តបបានទាន់​ពេលវេលា និងប្រកបដោយប្រសិទ្ធភាពចំពោះស្ថានការណ៍​ជាយថា​ហេតុ​ផ្សេងៗ ដូចជាការបន្ត​ចូលរួមជាមួយនឹងរាជរដ្ឋាភិបាលក្នុងការប្រយុទ្ធនឹងជំងឺកូវីដ-១៩ ជាដើម ។

គួរបញ្ជាក់ថា នៅក្នុងឆ្នាំ២០២៣ កម្ពុជា នឹងមានព្រឹត្តិការណ៍សំខាន់ៗមួយចំនួន រួមមានព្រឹត្តិការណ៍កីឡា SEA Games ASEAN Para Games 2023 ដែល​កម្ពុជា​ធ្វើជាម្ចាស់ផ្ទះ នាខែ​ឧសភា និងមិថុនា និងការរៀបចំការបោះឆ្នោតជ្រើស​តាំង​តំណាង​​រាស្ត្រ សម្រាប់នីតិកាលទី៧ នៃ​​រដ្ឋ​សភា ​ដែល​នឹងរៀបចំឡើងនាខែកក្កដា៕

The post ​​ឧត្តមសេនីយ៍ឯក ហ៊ុន ម៉ាណែត ប្រាប់អង្គភាពក្រោមចំណុះ​ឲ្យ​ត្រៀម​​សហការ​​ការពារ​​​​​សន្តិ​​សុខ​ ​​ក្នុង​​ព្រឹត្តិកា​រ​ណ៍​កី​ឡាស៊ី​ហ្គេម​ និង​​​ការ​​​បោះ​ឆ្នោត appeared first on .

ក្នុងជំនួបនេះ ឯកឧត្តម ឯកអគ្គរាជទូត​បានវាយតម្លៃខ្ពស់ចំពោះទំនាក់ទំនងកិច្ចសហប្រតិបត្តិការដ៏ល្អរវាងប្រទេសទាំងពីរ​ដែលបានអនុវត្តកន្លងមក ជាពិសេសការឧបត្ថម្ភគាំទ្រគ្នានៅក្នុងកាលៈទេសៈនៃការរីករាលដាលនៃជំងឺកូវីដ-១៩។

ឯកឧត្តម ក៏បានសម្តែងនូវការកោតសរសើរដល់ការអភិវឌ្ឍរីកចម្រើនដ៏ឆាប់រហ័សលើគ្រប់វិស័យរបស់ប្រទេសកម្ពុជា រួមទាំងវិស័យការពារជាតិ និយាយជារួម និងនិយាយដោយទ្បែក នៅកម្រិតកងទ័ពជើងនៃកងយោធពលខេមរភូមិន្ទ។ លើសពីនេះ ឯកឧត្តម ក៏បានសម្តែងនូវការអរគុណចំពោះរាជរដ្ឋាភិបាល និងប្រជាជនកម្ពុជា ចំពោះភាពកក់ក្តៅក្នុង​រយៈពេលបំពេញបេសកម្មការទូត និងស្នាក់នៅក្នុងប្រទេសកម្ពុជា ក្នុងរយៈកាលកន្លងមកនេះ។

ជាការឆ្លើយតប ឧត្តមសេនីយ៍ឯក ហ៊ុន ម៉ាណែត បានថ្លែងនូវការអបអរសាទរចំពោះខួបលើកទី៧០ នៃទំនាក់ទំនងការ​​ទូតរវាងប្រទេសទាំងពីរ ព្រមទាំងបានលើកទ្បើងអំពីភាពរីកចម្រើននៃទំនាក់ទំនងមិត្តភាព និងកិច្ចសហប្រតិបត្តិការ​​លើគ្រប់វិស័យរវាងប្រទេស និងប្រជាជនទាំងពីរកម្ពុជា-អូស្រ្តាលី ។

ចំពោះកិច្ចសហប្រតិបត្តិការយោធារវាប្រទេសទាំងពីរ លោកឧត្តមសេនីយ៍ឯក ក៏បានគូសរំលេចអំពីដំណើរការទៅមុខកាន់​តែល្អប្រសើរទ្បើងជាលំដាប់ ដែលត្រូវបានឆ្លុះបញ្ចាំងតាមរយៈការផ្សារភ្ជាប់នូវទំនាក់ទំនងកាន់តែសកម្មជិត​​ស្និទ្ធរវាង​អង្គភាព និងអង្គភាព ជាពិសេសលើការងារហ្វឹកហ្វឺន និងបណ្តុះបណ្តាលធនធានមនុស្ស។
 
ជាមួយគ្នានេះ ឯកឧត្តម មេបញ្ជាការកងទ័ពជើងគោក បានថ្លែងអំណរគុណចំពោះតួនាទី និងការចូលរួមចំណែកយ៉ាង​​សកម្មរបស់ ឯកឧត្តម ឯកអគ្គរាជទូត ក្នុងការសម្របសម្រួល និងលើកកម្ពស់កិច្ចសហប្រតិបត្តិការកម្ពុជា-អូស្រ្តាលី ឱ្យកាន់តែមានភាពស្និទ្ធស្នាល និងសម្រេចបាននូវសមិទ្ធផលផ្លែផ្កា ជាក់ស្តែងជាច្រើនក្នុងអាណត្តិការទូតរយៈពេល ០៣ ឆ្នាំកន្លងមកនេះ។

The post ឧត្តមសេនីយ៍ឯក ហ៊ុន ម៉ាណែត ទទួលជួបឯក​អគ្គ​​រាជទូត​​អូស្រ្តាលី ដែលចប់អាណត្តិនៅកម្ពុជា appeared first on .

លោកបណ្ឌិត ហ៊ុន ម៉ាណែត បានបន្តថា សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដែលបានធ្វើដំណើរអស់រយៈកាល ១០ឆ្នាំកន្លងមក ដោយចាប់ផ្តើមពីសមាគមក្រុមគ្រូពេទ្យស្ម័គ្រចិត្តយុវជនសម្តេចតេជោ ខេត្តកំពង់ចាម ជាមួយសមាជិកតែ ៨ នាក់ កាលពីឆ្នាំ២០១១ រហូតមកដល់ពេលបច្ចុប្បន្ន មានសមាជិកកើនទ្បើងដល់ជាង ៨.០០០ នាក់ និងមានការរីកលូតលាស់នៅតាមគ្រប់បណ្តាខេត្តក្នុងព្រះរាជាណាចក្រកម្ពុជា ហើយនឹងកំពុងបន្តរីកចម្រើនតទៅទៀត។

លោកបណ្ឌិត ហ៊ុន ម៉ាណែត បានបន្តទៀតថា TYDA បានវិវត្តពីការព្យាបាលជម្ងឺទូទៅ និង តូចតាច នៅតាមមូលដ្ឋានឈានទៅព្យាបាលប្រភេទជម្ងឺធ្ងន់ជាអាទិ៍៖ ជំងឺមហារីក ជំងឺបេះដូង និងជាពិសេសបានពុះពារក្នុងដំណាក់កាលដ៏ស្មុគ្រស្មាញជាមួយរាជរដ្ឋាភិបាលក្នុងការប្រយុទ្ធប្រឆាំងនឹងជំងឺកូវីដ-១៩។ ដោយសារសមិទ្ធផលទាំងអស់នេះហើយ ទើប TYDA ត្រូវបានទទួលស្គាល់ពីសំណាក់ប្រជាជនគ្រប់ស្រទាប់ ព្រមទាំងគ្រប់ស្ថាប័នពាក់ព័ន្ធ ចំពោះកិច្ចខិតខំប្រឹងប្រែងយកចិត្តទុកដាក់របស់ថ្នាក់ដឹកនាំ និងសមាជិក សមាជិកាទាំងអស់ក្នុងការសង្គ្រោះអាយុជីវិតរបស់ប្រជាជនគ្រប់រូប ដើម្បីជួយផ្តល់នូវស្នាមញញឹម និងភាពសប្បាយរីករាយដល់សង្គមគ្រួសារកម្ពុជា។

សូមជម្រាបថា សមាគមគ្រូពេទ្យស្ម័គ្រចិត្តយុវជនសម្តេចតេជោ ហៅកាត់ថា ស.គ.យ.ត ត្រូវបានបង្កើតឡើងកាលពីឆ្នាំ២០១២ ក្រោមការផ្តួចផ្តើមគំនិតផ្ទាល់ របស់សម្តេចតេជោ ហ៊ុន សែន នាយករដ្ឋមន្រ្តីនិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។

សមាគមគ្រូពេទ្យស្ម័គ្រចិត្តយុវជនសម្តេចតេជោ ដឹកនាំផ្ទាល់ដោយលោកបណ្ឌិត ហ៊ុន ម៉ាណែត និងលោកស្រីបណ្ឌិត ពេជ ចន្ទមុន្នី ក្នុងគោលបំណងផ្តល់សេវាព្យាបាល ប្រជាពលរដ្ឋក្រីក្រនានាទូទាំងប្រទេស ដោយមិនប្រកាន់និន្នាការនយោបាយ។

ចាប់តាំងពីបង្កើតឡើងមក សមាគមគ្រូពេទ្យស្ម័គ្រចិត្តយុវជនសម្តេចតេជោ ដែលប្រមូលផ្តុំដោយក្រុមគ្រូពេទ្យគ្រប់ជំនាញ គ្រប់ឯកទេស ទាំងស្ថាប័នរដ្ឋ និងឯកជន បានចូលរួមសកម្មភាពក្នុងការពិនិត្យ និងព្យាបាលជំងឺជូនប្រជាពលរដ្ឋ ជាពិសេសនៅតាមទីជនបទ៕

The post ១០ឆ្នាំមកនេះ TYDA ព្យាបាលជូនប្រជាជនបានជាងប្រមាណ ៣៦ម៉ឺននាក់ appeared first on .

ផ្សារទំនើប Makro ជាមជ្ឈមណ្ឌលចែកចាយផលិតផលទំនិញបោះដុំ និងរាយ មានទីតាំងវិនិយោគស្ថិតនៅតាមបណ្តោយផ្លូវជាតិលេខ 6A ភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ដែលវិនិយោគដោយអ្នកឧកញ៉ា លី យ៉ុងផាត់ ក្នុងទំហំទឹកប្រាក់ប្រមាណ ១២លាន ៧សែនដុល្លារអាមេរិក។

ការបង្កើត​ផ្សារម៉ាក្រូនៅសង្កាត់បាក់ខែង ជាផ្សារទី៣ របស់ក្រុមហ៊ុន MAKRO (CAMBODIA) COMPANY LIMITED បន្ទាប់​ពីបើក​សម្ពោធ​សាខា​ដំបូង​នៅ​ខណ្ឌ​សែនសុខ និង​សាខា​ទី​ពីរ​នៅ​ខេត្តសៀមរាប ហើយ​ដែល​សាខា​ថ្មីនេះ​នឹង​បង្កើត​ការងារ​បាន​ ១៦១ កន្លែង។

គួររម្លឹកបន្តិចដែរថា នៅឆ្នាំ២០១៧ អ្នកឧកញ៉ា លី យ៉ុងផាត់ បានចាប់ដៃគូរកស៊ីជាមួយមហាដ្ឋីលំដាប់កំពូលប្រចាំប្រទេសថៃ ក្នុងទំហំទឹកប្រាក់ ២លានដុល្លាររវាងក្រុមហ៊ុនថៃ Siam Makro និងក្រុមហ៊ុនកម្ពុជា LYP Group Company Limited ដោយវិនិយោគលើផ្សារដ៏ធំបំផុតមួយ ម៉ាក្រូ លក់ដុំ ដែលមាន២ជាន់ ទំហំ ១០ពាន់ម៉ែត្រការ៉េ នៅលើផ្ទៃដីទំហំ ៥ហិកតានៅបឹងពោងពាយ ខណ្ឌសែនសុខ ភាគពាយព្យរាជធានីភ្នំពេញ៕

The post អ្នកឧកញ៉ា លី យ៉ុងផាត់ អញ្ជើញលោក ហ៊ុន ម៉ាណែត ជាអធិបតីបើកសម្ពោធផ្លូវការផ្សារទំនើប ម៉ាក្រូ appeared first on .

ក្នុងជំនួបសំណេះសំណាល នាឱកាសប្រគល់-ទទួលរថយន្តគិលានសង្គ្រោះ ចំនួន ០៥គ្រឿង ដែលជាអំណោយពីសប្បុរសជនកម្ពុជា និងជប៉ុន  នោះដែរ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងជាមេបញ្ជាការ បញ្ជាការដ្ឋានជាតិកម្លាំងពិសេសប្រឆាំងភេរវកម្ម ក៏បានថ្លែងអំណរគុណចំពោះទឹកចិត្តដ៏សប្បុរស និងការចែករំលែកដ៏មានសារៈសំខាន់នេះ ដើម្បីជាការគាំទ្រមួយដល់កងទ័ព ក៏ដូចជាការបញ្ជាក់នូវភាពស្និទ្ធស្នាល រវាងវិស័យឯកជនជាមួយរាជរដ្ឋាភិបាលផងដែរ។

ជាមួយគ្នានោះ ឯកឧត្តម មេបញ្ជាការ ក៏បានថ្លែងនូវការកោតសរសើរ ចំពោះសកម្មភាពមនុស្សធម៌នានាកន្លងមក ក៏ដូចជាពេលនេះ និងបានលើកទឹកចិត្តដល់សប្បុរសជនដែលជាវិនិយោគិនកម្ពុជា និងជប៉ុន ឱ្យបន្តនូវកាយវិការដ៏ប្រពៃនេះ ព្រមទាំងជូនពរក្នុងការពង្រឹង និងពង្រីកអាជីវកម្មរបស់ខ្លួន ដើម្បីភាពរីកចម្រើនលូតលាស់ជានិរន្តរ៍តរៀងទៅ។

គួរបញ្ជាក់ដែរថា ឧកញ៉ា សំ សុខនឿន ក្នុងនាមជាសហគ្រិនក្នុងវិស័យអចលនទ្រព្យមួយរូបនៅកម្ពុជាំ ជានិច្ចជាកាល លោកឧកញ៉ា តែងតែបរិច្ចាគធនធាន មិនថាជាសម្ភារៈ និងថវិកាផ្ទាល់ខ្លួន ក៏ដូចជាដឹកនាំក្រុមការងារ សប្បុរសជន នាំយកអំណោយ និងជំនួយជាហូរហែផ្ដល់ជូនដល់ប្រជាពលរដ្ឋខ្វះខាតទូទាំងប្រទេស និងស្ថាប័នរដ្ឋ ដែលត្រូវការជំនួយឧបត្ថម្ភចាំបាច់ណាមួយ៕

The post ឧកញ៉ា សំ សុខនឿន នាំយករថយន្តគិលានសង្គ្រោះចំនួន ៥គ្រឿង ជូនបញ្ជាការដ្ឋានជាតិកម្លាំងពិសេសប្រឆាំងភេរវកម្ម appeared first on .

ពាន Best Guru Award នេះគឺជា ពានកិត្តិយសដំបូងគេបំផុតនៅកម្ពុជា ដើម្បីទទួលស្គាល់និងឱ្យតម្លៃខ្ពស់ដល់ទេពកោសល្យក្នុងការបណ្តុះបណ្តាល បច្ចេកទេសគរុកោសល្យក្នុងការបណ្តុះបណ្តាល ភាពច្នៃប្រឌិតក្នុងការបណ្តុះបណ្តាល ការប្តេជ្ញាចិត្តនិងពលីកម្មក្នុងការបណ្តុះបណ្តាល ជាពិសេសស្នាដៃដ៏ធំធេងរបស់លោកគ្រូនាពេលកន្លងមកក្នុងបេសកកម្មបង្វឹកបណ្តុះបណ្តាលធនធានមនុស្ស និងម្ចាស់អាជីវកម្មកម្ពុជា រាប់ម៉ឺននាក់ទាំងក្នុងនិងក្រៅប្រទេស ឱ្យក្លាយជាអ្នកដឹកនាំឆ្នើម ជាសហគ្រិនឆ្នើម និងជាមូលធនមនុស្សដ៏សំខាន់របស់កម្ពុជា ដោយមានការគោរព ស្រលាញ់ ពេញចិត្ត និង គាំទ្រជាខ្លាំងពីសំណាក់ សមាជិក សិស្ស និស្សិត សិក្ខាកាម ដែលបានចូលរួមកម្មវិធីបណ្តុះបណ្តាល របស់ CEO Master Club និង វិទ្យាស្ថានស៊ីអ៊ីអូ នាពេលកន្លងមក។

យោងតាមសេចក្តីថ្លែងរបស់លោកគ្រូធំ អោម សេងបូរ៉ា នៅក្នុងព្រឹត្តិការណ៍រាត្រីសមោសរជួបជុំម្ចាស់អាជីវកម្មកម្ពុជា CEO Award 2022 បានបង្ហាញថា CEO Master Club គឺជាក្លឹបបណ្តុំម្ចាស់អាជីវកម្មដ៏ធំមួយនៅក្នុងប្រទេសកម្ពុជាដែលមានទស្សនៈវិស័យចង់ឃើញប្រទេសកម្ពុជាក្លាយជាប្រទេសអ្នកមានបានឆាប់រហ័ស តាមរយៈការបង្វឹក និងជួយជ្រោមជ្រែងម្ចាស់អាជីវកម្មកម្ពុជាពេញមួយជីវិតឱ្យមានសមត្ថភាពបម្លែងការដឹកនាំគ្រប់គ្រងចាត់ចែងអាជីវកម្មរបស់ខ្លួនពីតូចទៅធំ ពីលក្ខណៈហេងស៊យ ឬលក្ខណៈគ្រួសារ ទៅជាលក្ខណៈស្ដង់ដារ ហើយមានសក្តានុពលអាចពង្រីកអាជីវកម្មរបស់ខ្លួនទៅទូទាំងប្រទេសបាន ក៏ដូចជាពង្រីកខ្លួនទៅកាន់ពិភពលោកបានផងដែរ។

តាមរយៈការជួយជ្រោមជ្រែងម្ចាស់អាជីវកម្មរបស់យើងឱ្យជោគជ័យ គឺជាការជួយដល់សេដ្ឋកិច្ចជាតិរបស់យើង ឱ្យមានភាពរីកចម្រើន និងរឹងមាំបានឆាប់រហ័ស ព្រោះពួកគាត់ បានចូលរួមចំណែក បង្កើតផលិតផលសេវាកម្មដែលជាតម្រូវការរបស់សង្គមបានច្រើន បង្កើតការងារនិងប្រាក់ចំណូលជូនប្រជាពលរដ្ឋបានច្រើន បណ្តុះបណ្តាលធនធានមនុស្សនៅកន្លែងការងារជាក់ស្តែងបានច្រើន បង្កើនប្រាក់ចំណូលជូនរដ្ឋតាមរយៈការបង់ពន្ធបានច្រើន និងជាមូលដ្ឋានគ្រឹះសេដ្ឋកិច្ចក្នុងស្រុកដែលមិនអាចខ្វះបានគ្រប់កាលៈទេសៈទាំងអស់។ “សហគ្រិនល្អគឺជាជនស្នេហាជាតិ” ពាក្យស្លោកនេះក៏ទទួលបានការគាំទ្រយ៉ាងពេញទំហឹងពីសំណាក់ពីឯកឧត្តមបណ្ឌិត ហ៊ុន ម៉ាណែត ផងដែរ។

ក្នុងរយៈពេល១៣ឆ្នាំកន្លងមកនេះ លោកគ្រូធំ អោម សេងបូរ៉ា បានបូជាទាំងពេលវេលា កម្លាំង កាយចិត្ត ប្រាជ្ញា ស្មារតី ដើម្បីបង្កើត កម្មវិធីបណ្តុះបណ្តាលដែលមានលក្ខណៈពិសេសនិងមានភាពច្នៃប្រឌិតខ្ពស់ ដើម្បីជួយដល់អ្នកសិក្សាដែលមានកម្រិតសិក្សាខុសគ្នា តំណែងតួនាទីខុសគ្នា វ័យខុសគ្នា អាចរៀនជាមួយគ្នាបានប្រកបដោយភាពងាយស្រួល និង ប្រសិទ្ធភាពខ្ពស់។

លោកគ្រូធំ អោម សេងបូរ៉ា ពិតជាមានសេចក្តីពេញចិត្តរីករាយក្រៃលែង ដែលលោកគ្រូបានឃើញសមាជិកពេញមួយជីវិតរបស់លោកមានភាពរីកចម្រើនសុខដុមរមនា ទាំងនៅក្នុងភាពជាខ្លួនឯង ភាពជាគ្រួសារ ភាពជាស្ថាប័នអាជីវកម្ម ការពង្រីកទំនាក់ទំនងនៅក្នុងសង្គម ក៏ដូចជាការចូលរួមចំណែកកិច្ចការសង្គមនិងមនុស្សធម៌បានច្រើនជាងមុនផងដែរ។ លោកគ្រូក៏បានលើកឡើងផងដែរថា «ភាពជោគជ័យសមាជិកពេញមួយជីវិតរបស់ CEO Master Club គឺជាភាពជោគជ័យរបស់ CEO Master Club ទាំងមូល ហើយវាក៏ជាភាពជោគជ័យក្នុងការចូលរួមចំណែកកសាងសេដ្ឋកិច្ចជាតិរបស់យើងឱ្យកាន់មានភាពល្អប្រសើរជាងមុនផងដែរ។

រហូតមកដល់ពេលនេះ CEO Master Club បានធ្វើការបណ្ដុះបណ្ដាលសហគ្រិនកម្ពុជាយើងបានចំនួនរាប់ម៉ឺននាក់ និងមានសមាជិកម្ចាស់អាជីវកម្មពេញមួយជីវិតចំនួន ១,៦១១នាក់ ទាំងនៅក្នុងនិងនៅក្រៅប្រទេស ដែលពួកគាត់ទាំងអស់បានកាន់កាប់អាជីវកម្ម ប្រមាណ ៣,០០០ក្រុមហ៊ុន និងបានចូលរួមបង្កើតប្រតិបត្តិការអាជីវកម្មជាទឹកប្រាក់ប្រមាណ ៣,០០០លានដុល្លារក្នុង១ឆ្នាំ និងបានជួយបង្កើតការងាររកប្រាក់ចំណូលសម្រាប់ប្រជាពលរដ្ឋប្រមាណ ១៥ម៉ឺននាក់ ទៀតផង។

អត្ថបទ៖ ពាណិជ្ជកម្ម

The post មេធំ CEO Master Club លោក អោម សេងបូរ៉ា ទទួលពានកិត្តិយស “លោកគ្រូធំឆ្នើម Best Guru Award“ ពីបេក្ខភាពអនាគតនាយករដ្ឋមន្ត្រីនៃកម្ពុជា appeared first on .