ក្នុងជំនួបនោះ ឯកឧត្តមឧបនាយករដ្ឋមន្ត្រី បានសម្តែងការស្វាគមន៍យ៉ាងកក់ក្តៅ និងវាយតម្លៃខ្ពស់ចំពោះសមិទ្ធផលនៃកិច្ចសហប្រតិបត្តិការរវាងក្រសួងយុត្តិធម៌ និងស្ថានទូតសហរដ្ឋអាម៉េរិកនាពេលកន្លងមក។

ជាកិច្ចឆ្លើយតប លោកស្រី Aleks Zittle បានថ្លែងអំណរគុណ និងវាយតម្លៃខ្ពស់ចំពោះកិច្ចសហប្រតិបត្តិការដ៏ល្អរវាងភាគីទាំងពីរ ក៏ដូចជាកិច្ចសហការរវាងមន្ត្រីអនុវត្តច្បាប់នៃប្រទេសទាំងពីរ ជាពិសេសលើការងារប្រយុទ្ធប្រឆាំង Online Scams និងការប្រឆាំងហិរញ្ញប្បទានដល់ការរីកសាយភាយអាវុធមហាប្រល័យ។

ទន្ទឹមនឹងនេះ ភាគីទាំងពីរបានបញ្ជាក់ឡើងវិញនូវការប្តេជ្ញាចិត្ត ក្នុងការបន្តពង្រឹងកិច្ចសហប្រតិបត្តិការ បង្កើនកិច្ចសន្ទនា និងផ្លាស់ប្តូរព័ត៌មានរវាងគ្នានិងគ្នា ដើម្បីលើកកម្ពស់ប្រសិទ្ធភាពនៃការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា ការប្រឆាំងការសម្អាតប្រាក់ និងការទប់ស្កាត់ហិរញ្ញប្បទានដល់ការរីកសាយភាយអាវុធមហាប្រល័យ៕

The post ឯកឧត្តម កើត រិទ្ធ បញ្ជាក់ប្រាប់ភារធារីស្ថានទូតអាម៉េរិក ពីការប្តេជ្ញាចិត្តឥតរាថយរបស់កម្ពុជា ក្នុងការបោសសម្អាត Online Scams appeared first on .

ឯកឧត្តមឧបនាយករដ្ឋមន្រ្តី បានបញ្ជាក់ក្នុងសន្និសីទសារព័ត៌មាន នាពេលកន្លងមកបែបនេះថា៖ “បើសិន​ជា​បុកគេ​ហើយ រត់គេចខ្លួន សូមបញ្ជាក់មិនមែនបទល្មើសតែមួយទេ គឺបទល្មើសចំនួនពីរ។ រឿងបុកគេមួយហើយ កុំទាន់​គិត​ថា​ខុសឬត្រូវ ប៉ុន្តែរឿងទីពីរគឺបទល្មើសរត់គេចខ្លួនមួយទៀត។ ចំណុចនេះ​វិធានការ​ត្រូវតែម៉ឺងម៉ាត់ និង​ត្រូវ​យក​ចិត្ត​ទុកដាក់ជាអាទិភាព”។

តើការបើកបរយានយន្តបណ្តាលឱ្យមនុស្សស្លាប់ ហើយបើ​ម្ចាស់​រថយន្ដ​បុក​គេ​ស្លាប់ ​រត់គេច​ខ្លួន​ នឹង​មានទោស​អ្វីខ្លះ?

យោង​តាម​ច្បាប់​ស្ដី​ពី​ចរាចរណ៍​ផ្លូវគោក ជំពូក​ទី​៦ ត្រង់​មាត្រា​៣៥ ក្នុង​ករណី​មាន​គ្រោះថ្នាក់​ចរាចរណ៍ ភាគី​ពាក់ព័ន្ធ​នឹង​គ្រោះថ្នាក់ ត្រូវ​បញ្ឈប់​យាន​របស់​ខ្លួន​ជា​បន្ទាន់ ដោយ​មិន​ធ្វើ​ឲ្យ​រំខាន ឬ​បង្ក​ឲ្យ​មាន​គ្រោះថ្នាក់​ដល់​អ្នក​ដទៃ​ទៀត​។ មិន​ត្រូវធ្វើ​ឲ្យ​មានការ​ប្រែប្រួល​ដល់ទី​កន្លែង​កើតហេតុ ឬ​ឲ្យ​បាត់ដាន ឬ​ស្នាម ដែល​ជា​កត្តា​ប្រយោជន៍​ដល់​ការ​ស្វែងរក​អ្នក​ទទួលខុសត្រូវ​ក្នុង​រឿង​គ្រោះថ្នាក់។ ត្រូវ​ជូនដំណឹង​ជា​បន្ទាន់​ទៅ​អាជ្ញាធរ​ដែនដី ឬ​នគរបាល​ចរាចរណ៍​ផ្លូវគោក​នៅ​ជិត​បំផុត។ មិន​ត្រូវ​ប្រើ​ហិង្សា ឬ​បង្កជម្លោះ​រវាង​ភាគី​ពាក់ព័ន្ធ។ មិន​ត្រូវ​ចាក​ចេញពី​កន្លែង​កើតហេតុ​មុន​ការ​ព្រមព្រៀង​គ្នា ដោយ​គ្មាន​ការ​អនុញ្ញាត​ពី​នគរបាល​ចរាចរណ៍​ផ្លូវគោក។

ក្នុង​ជំពូក​ទី​១០ ស្ដី​ពី​ទោស​ប្បញ្ញត្តិ ត្រង់​មាត្រា​៨៥ ជន​ណា​បើកបរ​ដោយ​ធ្វេសប្រហែស ខ្ជីខ្ជា មិន​ប្រុង​ប្រយ័ត្ន ឬ​មិន​គោរព​កាតព្វកិច្ច​ដែល​បទ​ប្បញ្ញត្តិ​ស្ដី​ពី​ចរាចរណ៍​ផ្លូវគោក បណ្ដាល​ឲ្យ​ស្លាប់​អ្នក​ដទៃ ត្រូវ​ផ្ដន្ទាទោស​ដាក់​ពន្ធនាគារ​ពី​១​ទៅ​៣​ឆ្នាំ និង​ពិន័យ​ជា​ប្រាក់​ពី​៤​លាន ដល់​១៥​លាន​រៀល និង​អាច​ត្រូវ​ផ្ដន្ទាទោស​ដោយ​ទោស​បន្ថែម​មួយ ឬ​ច្រើន ដូច​មាន​ចែង​ក្នុង​មាត្រា​៥៣ (​ប្រភេទ​នៃ​ទោស​បន្ថែម​នៃ​ក្រមព្រហ្មទណ្ឌ​)។

អំពើ​ល្មើស​ខាងលើ​នេះ ត្រូវ​ផ្ដន្ទាទោស​ដាក់​ពន្ធនាគារ​ពី​២​ទៅ​៥​ឆ្នាំ និង​ពិន័យ​ជា​ប្រាក់​ពី​១០​លាន ដល់​២៥​លាន​រៀល កាលបើ​អំពើ​នេះ​បាន​ប្រព្រឹត្ត​ក្នុង​ករណី​ណាមួយ​ដូច​ជា បើកបរ​ដោយ​គ្មាន​ប័ណ្ណបើកបរ ឬ​មាន​ប័ណ្ណបើកបរ​តែ​មិន​ត្រឹមត្រូវ​តាម​ប្រភេទ​យានយន្ដ។ ស្ថិត​ក្នុង​ស្ថានភាព​ស្រវឹង ដោយ​មាន​អត្រា​ជាតិ​អាល់កុល​ចាប់ពី​០,៤០​មី​លី​ក្រាម​ក្នុង​១​លី​ត្រ​ខ្យល់ ឬ​ចាប់ពី​០,៨០​ក្រាម​ក្នុង​១​លី​ត្រ​ឈាម​ឡើង​ទៅ​។ បណ្ដាល​ឲ្យ​មាន​ស្លាប់​មនុស្ស​ច្រើន​នាក់។ រត់គេច​ខ្លួន​ពី​កន្លែង​កើតហេតុ ក្នុង​គោលបំណង​គេចវេះ​ពី​ការ​ទទួលខុសត្រូវ៕

The post ឧបនាយករដ្ឋមន្រ្តី កើត រិទ្ធ៖ ករណីបើកឡានបុកមនុស្សស្លាប់ រត់គេចខ្លួន នឹងជាប់បទល្មើសចំនួនពីរ appeared first on .

នៅក្នុងកិច្ចប្រជុំនេះមានការអញ្ជើញចូលរួមពីសំណាក់ថ្នាក់ដឹកនាំ និងមន្រ្តីជំនាញនៃក្រសួងយុត្តិធម៌ ព្រមទាំងព្រះរាជអាជ្ញានៃអយ្យការអមសាលាជម្រះក្តីមួយចំនួន។

កិច្ចប្រជុំនេះរៀបចំឡើង ក្នុងគោលបំណងពិនិត្យ និងពិភាក្សាលើទិដ្ឋភាពច្បាប់ និងវិធានការចាំបាច់ និងសមស្របទៅនឹងបរិបទសង្គម ដើម្បីឆ្លើយតបទៅនឹងបញ្ហាក្មេងទំនើង ប្រកបដោយប្រសិទ្ធភាព និងបម្រើដល់ប្រយោជន៍របស់សង្គមជាតិ ព្រមទាំងការគិតគូរអំពីវិធានការដែលផ្តោតលើការអប់រំ កែប្រែ និងស្តារនីតិសម្បទារបស់ក្មេងទំនើង សំដៅធានាការធ្វើសមាហរណកម្មវិលត្រឡប់ចូលសង្គមវិញដោយជោគជ័យ ស្របតាមអនុសាសន៍ដឹកនាំដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕

The post រដ្ឋមន្រ្ដីក្រសួងយុត្ដិធម៌ ដឹកនាំកិច្ចប្រជុំពិនិត្យ និងពិភាក្សាលើទិដ្ឋភាពច្បាប់ដែលត្រូវអនុវត្តចំពោះករណីក្មេងទំនើង appeared first on .

ឧបនាយករដ្ឋមន្ត្រី កើត រិទ្ធ បានណែនាំយ៉ាងដូច្នេះ ក្នុងឱកាសអញ្ជើញដឹកនាំកិច្ចប្រជុំផ្សព្វផ្សាយអំពីច្បាប់ស្ដីពីការប្រឆាំងការឆបោកតាមប្រព័ន្ធបច្ចេកវិទ្យា ដល់មន្ត្រីអនុវត្តច្បាប់ក្នុងវិស័យយុត្តិធម៌ នៅទូទាំងប្រទេស នាថ្ងៃទី២១ ខែមេសា ឆ្នាំ២០២៦នេះ។

កិច្ចប្រជុំនេះមានការអញ្ជើញចូលរួមពីសំណាក់ ប្រធានតុលាការកំពូល, អគ្គព្រះរាជអាជ្ញានៃមហាអយ្យការអមតុលាការកំពូល,លោក លោកស្រី ជាថ្នាក់ដឹកនាំ និងមន្ត្រីនៃក្រសួងយុត្តិធម៌, សមាជិកឧត្តមក្រុមប្រឹក្សានៃអង្គចៅក្រម ថ្នាក់ដឹកនាំ និងមន្ត្រីនៃអគ្គលេខាធិការដ្ឋានឧត្តមក្រុមប្រឹក្សានៃអង្គចៅក្រម, ថ្នាក់ដឹកនាំនៃសាលាជម្រះក្តី និងអង្គការអយ្យការអមសាលាជម្រះក្តី ព្រមទាំងចៅក្រម ព្រះរាជអាជ្ញា ព្រះរាជអាជ្ញារង ក្រឡាបញ្ជី និងមន្ត្រីតុលាការនៅតាមសាលាជម្រះក្ដី និងអង្គការអយ្យការអមសាលាជម្រះក្តីគ្រប់ជាន់ថ្នាក់នៅទូទាំងប្រទេសប្រមាណជិត ៣០០០ រូប តាមប្រព័ន្ធ Zoom។

កិច្ចប្រជុំផ្សព្វផ្សាយនេះ ត្រូវបានរៀបចំឡើងក្នុងគោលបំណងធានាឱ្យបាននូវការឯកភាពគ្នា ទាំងលើគោលជំហរ ទាំងលើទស្សនៈ និងខ្លឹមសារ នៅក្នុងចំណោមចៅក្រម ព្រះរាជអាជ្ញា ព្រះរាជអាជ្ញារង ក្រឡាបញ្ជី និងមន្ត្រីនៅតាមតុលាការទាំងអស់ សំដៅលើកកម្ពស់ប្រសិទ្ធភាពនៃការអនុវត្តច្បាប់ថ្មីនេះ។

សូមបញ្ជាក់ថា ច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យាត្រូវបានប្រកាសឱ្យប្រើដោយព្រះរាជក្រមលេខ នស/រកម/០៤២៦/០០៦ ចុះថ្ងៃទី៦ ខែមេសា ឆ្នាំ២០២៦។ ច្បាប់នេះមានគោលបំណងកំណត់អំពីវិធានផ្នែកព្រហ្មទណ្ឌដើម្បីលើកកម្ពស់ប្រសិទ្ធភាពនៃការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា សំដៅចូលរួមថែរក្សាការពារសន្តិសុខ និងសណ្ដាប់ធ្នាប់សាធារណៈ ព្រមទាំងលើកកម្ពស់ប្រសិទ្ធភាពនៃកិច្ចសហប្រតិបត្តិការក្នុងការប្រយុទ្ធប្រឆាំងនឹងឧក្រិដ្ឋកម្មនេះ៕

The post រដ្ឋមន្ត្រីក្រសួងយុត្តិធម៌ សំណូមពរដល់សាលាជម្រះក្តី និងអង្គការអយ្យការអមសាលាជម្រះក្តីទាំងអស់ ពង្រឹងភាពម៉ឺងម៉ាត់ក្នុងការអនុវត្តច្បាប់ប្រឆាំង Online Scams appeared first on .

ក្នុងសន្និសីទព័ត៌មានក្រោយសម័យប្រជុំរដ្ឋសភាលើកទី៤ នីតិកាលទី៧ ដើម្បីពិភាក្សា និងអនុម័តសេចក្តីស្នើច្បាប់ធម្មនុញ្ញ ស្តីពីវិសោធនកម្មមាត្រា៣៣ នៃរដ្ឋធម្មនុញ្ញា នៃព្រះរាជាណាចក្រកម្ពុជា នៅព្រឹកថ្ងៃទី១១ ខែកក្កដា ឆ្នាំ២០២៥ លោក កើត រិទ្ធ បានបញ្ជាក់ថា លោកបានរកឃើញហេតុផលធំៗ៤ដែលប្រទេសនីមួយៗ គាត់យកមូលហេតុ១ ឬមូលហេតុក្នុងចំណោមទាំង៤ យកទៅចែកក្នុងច្បាប់ដើម្បីដកហូតសញ្ជាតិ។

លោករដ្ឋមន្រ្ដីក្រសួងយុត្ដិធម៌ បានបញ្ជាក់ថា​ហេតុផលទាំង៤នោះរួមមាន៖ ទី១, ការប្រព្រឹត្ដិអំពើក្បត់ជាតិ។ លោកបញ្ជាក់ថា ក្នុងចំណុចនេះ ស្ទើតែគ្រប់ប្រទេសទាំងអស់បានចែងដើម្បីដកសញ្ជាតិ។ ទី២, អំពើធ្វើឱ្យប៉ះពាល់ដល់វិស័យសន្ដិសុខជាតិ ដូចជាអំពើភេរវកម្ម និងអំពើវិទ្ធង្សនាជាដើម។

លោកបានបន្ថែមថា ចំណុចទី៣, គឺអំពើដែលបង្ហាញភាពមិនស្មោះត្រង់។ ចំណុចនេះមានន័យថា នៅពេលបុគ្គលណាមួយ ជាពលរដ្ឋប្រទេសមួយ ប៉ុន្ដែបែរជាទៅធ្វើយោធា បម្រើផលប្រយោជន៍ឱ្យប្រទេសណាមួយផ្សេងទៀត។ ទី៤, អំពើដែលធ្វើឱ្យប៉ះពាល់ធ្ងន់ធ្ងរដល់ផលប្រយោជន៍ស្នូលនៃប្រទេសជាតិ។ លោក កើត រិទ្ធិ ពន្យល់ថា ចំណុចនេះ គឺកើតមានជាក់ស្ដែងនៅកម្ពុជា ដែលបុគ្គលណាប្រព្រឹត្ដផ្ទុយនឹងមាត្រា ៤៩ថ្មីជាដើម។

ទន្ទឹមនឹងនោះ ឧបនាយករដ្ឋមន្រ្ដី កើត រិទ្ធ បានបញ្ជាក់ថា នៅកម្ពុជា ការរៀបចំច្បាប់ដកសញ្ជាតិនេះធ្វើឡើងដើម្បីធានាការពារ និងលើកកម្ពស់ផលប្រយោជន៍ប្រទេសជាតិ និងប្រជាពលរដ្ឋ ទប់ស្កាត់និងប្រឆំាងរាល់សកម្មភាពក្បត់ជាតិដោយបុគ្គលណា ដែលបានឃុបឃិតជាមួយបរទេស ហើយមកបំផ្លាញជាតិ និងបំផ្លាញពលរដ្ឋខ្លួនឯង៕

The post លោក កើត រិទ្ធ បញ្ជាក់ហេតុផលចំនួន៤យ៉ាង ដែលប្រទេសធំៗនៅលើពិភពលោកយកធ្វើជាមូលដ្ឋានក្នុងការរៀបចំច្បាប់ដកសញ្ជាតិ appeared first on .

លើកឡើងនៅចំពោះមុខប្រធានរដ្ឋសភា នៅក្នុងសម័យប្រជុំរដ្ឋសភាលើកទី៤ នីតិកាលទី៧ នៅព្រឹកថ្ងៃទី១១ ខែកក្កដា ឆ្នាំ២០២៥ ឧបនាយករដ្ឋមន្រ្ដី កើត រិទ្ធ បានលើកឡើងថា «នេះគឺជាលើកទី១ នៅក្នុងប្រវត្ដិនៃការធ្វើវិសោធនកម្មរដ្ឋធម្មនុញ្ញនៅក្នុងព្រះរាជាណាចក្រកម្ពុជា ដោយហេតុថា ការធ្វើវិសោធនកម្មច្បាប់ទាំង១០លើកកន្លងមកគឺជាការផ្ដើមគំនិតដាច់ដោយឡែកពីគ្នា ពីរដ្ឋសភា ឬពីរាជរដ្ឋាភិបាល»។

រដ្ឋមន្រ្ដីក្រសួងយុត្ដិធម៌ បានបន្ដថា សម្រាប់ការធ្វើវិសោធនកម្មច្បាប់លើកទី១១នេះ គឺជាការផ្ដើមគំនិតរួមគ្នារវាងរដ្ឋសភា និងរាជរដ្ឋាភិបាល ដែលសម្ដេចប្រធានរដ្ឋសភាតាមសេចក្ដីស្នើរបស់តំណាងរាស្រ្ដទាំង១២៥រូប និងសម្ដេចធិបតី នាយករដ្ឋមន្រ្ដីបានធ្វើលិខិតរួមគ្នាក្រាបបង្គំទូលថ្វាយព្រះករុណា ជាអម្ចាស់ជីវិតតម្កល់លើត្បូងជាទីគោរពសក្ការៈដ៏ខ្ពង់ខ្ពស់​ ដើម្បីផ្ដើមគំនិតក្នុងការធ្វើវិសោធកម្មមាត្រា៣៣ នៃរដ្ឋធម្មនុញ្ញ។

លោករដ្ឋមន្រ្ដី បានបន្ថែមថា ការធ្វើវិសោធនកម្មលើកឡើងនេះក៏មានចំណុចពិសេសមួយទៀត ដោយហេតុថា ជាលើកទី១ក្នុងប្រវត្ដិសាស្រ្ដ ដោយតំណាងរាស្រ្ដទាំងអស់នៃរដ្ឋសភា និងពីគ្រប់គណបក្សនយោបាយទាំងអស់ដែលមានអាសនៈនៅក្នុងរដ្ឋសភាបានរួមគ្នាធ្វើសេចក្ដីស្នើសុំវិសោធនកម្មច្បាប់មាត្រា៣៣ នៃរដ្ឋធម្មនុញ្ញ។

រដ្ឋមន្រ្ដីក្រសួងយុត្ដិធម៌  គូសបញ្ជាក់ថា មូលហេតុសំខាន់សម្រាប់ ការធ្វើសកម្មភាពរួមគ្នាជាធ្លុងមួយទាំងពីសំណាក់ស្ថាប័នរដ្ឋសភា និងរាជរដ្ឋាភិបាល និងទាំងពីសំណាក់តំណាងរាស្រ្ដទាំង១២៥រូប ស្មើនឹង១០០% ពីគ្រប់គណបក្សនយោបាយទាំងអស់ដែលមានអាសនៈនៅក្នុងរដ្ឋសភានាពេលនេះ គឺបានឆ្លុះបញ្ចាំងអំពីសារៈសំខាន់នៃការធ្វើវិសោធនកម្មច្បាប់ក្នុងការបម្រើឱ្យឧត្ដមប្រយោជន៍ដ៏សំខាន់សម្រាប់ប្រទេសជាតិមាតុភូមិ និងប្រជាជនកម្ពុជា៕

The post រដ្ឋមន្រ្ដីក្រសួងយុត្ដិធម៌៖ ការធ្វើវិសោធនកម្មច្បាប់ដកហូតសញ្ជាតិពីជនក្បត់ជាតិ ធ្វើឡើងមានចំណុចពិសេសចំនួន២ ដែលមិនធ្លាប់មានក្នុងប្រវត្ដិសាស្រ្ដកម្ពុជា appeared first on .

លើកឡើងនៅក្នុងសន្និសីទសារព័ត៌មានពាក់ព័ន្ធ “ករណីឃាតកម្ម ប្រព្រឹត្តដោយជនល្មើសឈ្មោះ ស្រី ស៊ីណា” នៅទីស្តីការក្រសួងយុត្តិធម៌ នារសៀលថ្ងៃទី២៦ ខែមិថុនា ឆ្នាំ២០២៤ លោក កើត រិទ្ធ បានថ្លែងអំណរគុណ​ ដល់អយ្យកាអមសាលាដំបូងរាជធានីភ្នំពេញ ដែលសម្រេចបំបែកសំណុំរឿងនេះជាពីរ ដើម្បីផ្ដន្ទាទោសជននេះ នឹងដើម្បីឱ្យជននេះរងទោសជាអតិប្បរមា ដែលសំណុំរឿងនីមួយៗនឹងអាចត្រូវ​ប្រឈមនឹងការដាក់ពន្ធនាគារ​រហូតដល់១៥ឆ្នាំ។

បន្ថែមទៀតនោះ លោក កើត រិទ្ធ នឹងស្នើទៅតុលាការចំនួន៣៖ ១.កុំបញ្ចូលសំណុំរឿងទាំងពីរនេះ​ជាសំណុំ​រឿង​តែមួយ។ ២.ស្នើសុំដល់តុលាការគ្រប់ជាន់ថ្នាក់ សូមកុំអនុវត្ដវិធានស្រូបទោសដើម្បីធានាថាជននេះ ត្រូវអនុវត្ដ​ទោស​តាមសាលក្រម ឬសាលដីការ ជាបន្ដបន្ទាប់ក្នុងសំណុំរឿងទាំងពីរនេះ។ ៣.បន្ទាប់ពីការសម្រេចរបស់​តុលាការ ដែលផ្ដន្ទាទោសជនល្មើសជាស្ថាពរ ក្នុងនាមជារដ្ឋមន្រ្ដីមន្រ្ដីក្រសួងយុត្ដិធម៌ និងជាប្រធានគណៈ​កម្មការ​ជាតិ ពិនិត្យនិងវាយតម្លៃបញ្ជីឈ្មោះទណ្ឌិតសុំបន្ធូបន្ថយទោស និងលើកលែងទោស លោកនឹងស្នើសុំទៅ​គណៈ​កម្មការជាតិ ដើម្បីដាក់ឈ្មោះ ស្រី ស៊ីណា ទៅក្នុងបញ្ជីជនឧក្រិដ្ឋជនសាហាវៗ ដែលមិនអាចទទួលបាន​ការស្នើ​សុំបន្ធូបន្ថយទោស និងលើកលែងទោសបានឡើយ។

លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានបញ្ជាក់ថា ការស្នើសុំនេះដើម្បីធានាថាអំពើ​សម្លាប់មនុស្សដ៏សាហាវបែបនេះត្រូវទទួលរងការអនុវត្ដទោសជាប់ពន្ធនាគារឱ្យបានធ្ងន់ធ្ងរស័ក្តិសមទៅនឹងទង្វើ​ដែលខ្លួនបានប្រព្រឹត្ដិស្របតាមគោលការណ៍ក្នុងវិស័យយុត្ដិធម៌៕

The post ឧបនាយករដ្ឋមន្ត្រី កើត រិទ្ធ នឹងស្នើដាក់ឈ្មោះ អតីតឧកញ៉ា ស្រី ស៊ីណា ទៅក្នុងបញ្ជីជនឧក្រិដ្ឋជនសាហាវៗ ដែលមិនអាចទទួលបានការស្នើសុំបន្ធូបន្ថយទោសបាន appeared first on .