ឧកញ៉ា កែវ មុំ ប្រធានក្រុមប្រឹក្សាភិបាល ក្រុមហ៊ុន លីលី ហ៊្វូដ អ៊ិនដាសទ្រី ខូលអិលធីឌី បានឱ្យដឹងលើបណ្តាញ​សង្គម​ហ្វេសប៊ុក​បែបនេះថា៖ “ថ្ងៃនេះមានកិត្តិយសណាស់ ដែលឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងដែនដី នគរូបនីយកម្ម ចេញពីកាន់បិណ្យនៅខេត្តកំពត និងកែប បានឆ្លៀតពេលវេលាដ៏មានតម្លៃចូលទស្សនកិច្ចរោងចក្រផលិតទឹកដោះគោប្រអប់ម៉ាក Peekaboo និងរោងចក្រកែច្នៃអំបិល របស់ខ្ញុំ ដើម្បីសិក្សាអំពីលទ្ធភាពដែលអាចជួយដល់វិស័យ SME អ្នកផលិតនៅក្នុងស្រុកឱ្យមានការរីកចម្រើន ដើម្បីជួយទ្រទ្រង់ចរន្តសេដ្ឋកិច្ចជាតិ ឱ្យមានលំហូរកាន់តែខ្លាំងនៅក្នុងប្រទេសខ្មែរ”។

សូមជម្រាបថា នាព្រឹកថ្ងៃចន្ទទី២៨ ខែកញ្ញា ឆ្នាំ២០២៦ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត ព្រមទាំង ឯកឧត្តម ម៉ៅ ធនិន អភិបាល នៃគណៈអភិបាលខេត្តកំពត បានអញ្ជើញចូលរួមក្នុងពិធីកាន់បិណ្ឌវេនទី២ នៃពិធីបុណ្យភ្ជុំបិណ្ឌ នៅវត្តជុំគ្រៀល ស្ថិតក្នុងឃុំជុំគ្រៀល ស្រុកទឹកឈូ ខេត្តកំពត៕

The post ឧបនាយករដ្ឋមន្ត្រី សាយ សំអាល់ ឆ្លៀតពេលចុះទស្សនកិច្ចរោងចក្រផលិតទឹកដោះគោ និងរោងចក្រកែច្នៃអំបិល របស់ឧកញ៉ា កែវ មុំ appeared first on .

ពិធីចែកវិញ្ញាបនបត្រសម្គាល់ម្ចាស់អចលនវត្ថុបញ្ចប់នេះ ក៏មានការអញ្ជើញចូលរួមពី ឯកឧត្ដម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ, ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ ព្រមទាំងថ្នាក់ដឹកនាំ មន្ត្រីរាជការ និងប្រជាពលរដ្ឋជាច្រើនរូប។

ឧបនាយករដ្ឋមន្ត្រី សាយ សំអាល់ បានលើកឡើងអំពីតម្លៃ និងសារៈប្រយោជន៍នៃបណ្ណកម្មសិទ្ធិដីធ្លី ដោយបានចាត់ទុកការទទួលបាន វិញ្ញាបនបត្រសម្គាល់ម្ចាស់អចលនវត្ថុនេះ ស្មើនឹងការទទួលបានកេរមរតក ឬការប្រគល់ ទ្រព្យសម្បត្តិដ៏មានតម្លៃ ដែលធានាបាននូវសុវត្ថិភាពផ្លូវច្បាប់យ៉ាងរឹងមាំក្នុងការ កាន់កាប់អចលនវត្ថុ ព្រមទាំងជាដើមទុនសម្រាប់ទ្រទ្រង់ជីវភាព និងផ្ទេរតជំនាន់ ដល់កូនចៅបន្តវេន។

សូមជម្រាបថា បើតាមឯកឧត្ដម អ៊ុំ រាត្រី អភិបាលខេត្តបន្ទាយមានជ័យ ការងារចុះបញ្ជីដីធ្លី ក្រុមការងារចុះបញ្ជីដីធ្លីខេត្តបន្ទាយមានជ័យ បានចាប់ផ្តើមអនុវត្តការងារចុះបញ្ជីដីធ្លីមានលក្ខណៈជាប្រព័ន្ធ ចាប់តាំងពីឆ្នាំ២០០៨ មានក្រុមការងារចុះបញ្ជីដីធ្លីមានលក្ខណៈជាប្រព័ន្ធ ចំនួន ៩ក្រុម មានសមាជិកសរុបចំនួន ២០៤នាក់ ការងារចុះបញ្ជីដីធ្លីចំនួនក្បាលដីប៉ាន់ស្មានសរុបទូទាំងខេត្តបន្ទាយមានជ័យមាន ចំនួន ៧៥៥,០៧៩ក្បាលដី ជាលទ្ធផលនៃការអនុវត្តការងារចុះបញ្ជីដីធ្លីមានលក្ខណៈជាប្រព័ន្ធ គិតចាប់ពីថ្ងៃចាប់ផ្តើមអនុវត្តរហូតដល់ ថ្ងៃទី១០ ខែកញ្ញា ឆ្នាំ២០២៦ សម្រេចបានដូចខាងក្រោម បានវាស់វែងសរុបបានគួសក្បាលដី ចំនួន ៧៥៥,០៧៩ក្បាលដី។ គិតត្រឹមថ្ងៃទី១០ ខែកញ្ញា ឆ្នាំ២០២៦ ក្បាលដីដែលមិនអាចប្រមូលទិន្នន័យបានសរុប ៧,១១៤ក្បាលដី ស្មើនឹង ១២ភូមិ ពាក់ព័ន្ធយោធាថៃហ៊ុំព័ទ្ធ និងគ្រុបព្រៃឈើ។

The post ឧបនាយករដ្ឋមន្ត្រី សាយ សំអាល់ អញ្ជើញចែកវិញ្ញាបនបត្រសម្គាល់ម្ចាស់អចលនវត្ថុបញ្ចប់ ក្នុងក្រុងសិរីសោភ័ណ និងស្រុកមង្គលបូរី ខេត្តបន្ទាយមានជ័យ appeared first on .

នៅលើបណ្តាញសង្គមហ្វេសប៊ុក នាថ្ងៃទី៤ ខែកញ្ញា ឆ្នាំ២០២៦នេះ ក្រសួងសូមថ្លែងអំណរគុណ ពុកម៉ែ បងប្អូន អតិថិជនបុរី ឡេង ណាវ៉ាត់ត្រា គម្រោង៦A ទាំងអស់ដែលចូលរួមសហការ អត់ធ្មត់ និងបើកចិត្តទទួលយកដំណោះស្រាយជាជំហានៗ របស់ក្រសួងរៀបចំដែនដី នគរូបនីយកម្ម និងសំណង់ ដែលឈានមកដល់ការប្រគល់ផ្ទះដែលបានសាងសង់រួចជូនបងប្អូននៅពេលនេះ និងបន្តគិតគូរយកចិត្តទុកដាក់ដោះស្រាយដើម្បីផ្ដល់ផ្ទះ ដី និងបណ្ណកម្មសិទ្ធិ ដែលនៅសេសសល់ជូនដល់ពុកម៉ែ បងប្អូន ជាបន្តបន្ទាប់ទៀតឱ្យបានឆាប់តាមដែលអាចធ្វើទៅបាន។

ជាមួយគ្នានេះ ឯកឧត្តមឧបនាយករដ្ឋមន្ត្រី សាយ សំអាល់ បានស្នើឱ្យអាជ្ញាធរមូលដ្ឋាន គិតគូររៀបចំរចនាសម្ព័ន្ធគ្រប់គ្រង កម្រិតភូមិ/ឃុំ ហើយប្រជាពលរដ្ឋដែលចូលមករស់នៅ ដោយសារតំបន់រស់នៅជាកន្លែងសមូហភាព ត្រូវសហការគ្នារៀបចំបង្កើតលក្ខន្តិកៈរស់នៅផ្ទៃក្នុង សម្រាប់ការថែទាំហេដ្ឋារចនាសម្ព័ន្ធ ផ្លូវ លូ ភ្លើងបំភ្លឺសាធារណៈ និងការប្រមូលសំរាមឱ្យមានរបៀបរៀបរយ។

ក្រៅពីប្រគល់វិញ្ញាបនបត្រសម្គាល់ម្ចាស់អចលនវត្ថុជូនដល់បងប្អូនម្ចាស់ផ្ទះដែលបានសាងសង់រួច ក្រសួងរៀបចំដែនដី នគរូបនីយកម្ម និងសំណង់ បានប្រកាសត្រៀមរៀបចំបើកការដ្ឋានសាងសង់ ៣គម្រោងផ្សេងទៀតដំណាលគ្នាតែម្ដង ដើម្បីពន្លឿនការបញ្ចប់ឱ្យបានឆាប់រហ័សបំផុត ជូនដល់អតិថិជនដែលកំពុងទន្ទឹងរង់ចាំ ដើម្បីពន្លឿនការផ្ដល់ជូនទ្រនំសុភមង្គលជូនដល់ពុកម៉ែបងប្អូន ក៏ដូចជាបន្តផ្ដល់ការងារនិងប្រាក់ចំណូលជូនបងប្អូនកម្មករ កម្មការី ជាច្រើនផងដែរ។

The post ឧបនាយករដ្ឋមន្ត្រី សាយ សំអាល់ ប្រគល់វិញ្ញាបនបត្រសម្គាល់ម្ចាស់អចលនវត្ថុជូនដល់បងប្អូនអតិថិជនបុរី ឡេង ណាវ៉ាត់ត្រា គម្រោង៦A appeared first on .

ការចុះពិនិត្យខាងលើ ធ្វើឡើងនៅទីតាំងដីសម្បទានសង្គមកិច្ច LASED III ក្នុងឃុំក្បាលដំរី ស្រុកអូរគ្រៀងសែនជ័យ និងទីតាំង LASED II ក្នុងឃុំដារ ស្រុកចិត្របុរី ខេត្តក្រចេះ។

ក្រសួងរៀបចំដែនដី បានបញ្ជាក់ថា ការចុះត្រួតពិនិត្យ និងតាមដានការអនុវត្តគម្រោង គឺដើម្បីរៀបចំឱ្យត្រូវនូវប្រព័ន្ធសេដ្ឋកិច្ចសង្គម ដោយផ្អែកលើសក្តានុពលតំបន់ មានកសិកម្មជាដើម ឆ្លើយតបទៅនឹងតម្រូវការសង្គមនិងទីផ្សារជាក់ស្តែង ដែលនេះជាផ្នែកមួយមានសារសំខាន់ក្នុងការអភិវឌ្ឍបុរីជនបទ។

សូមជម្រាបថា គម្រោងដីសម្បទានសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ ឬ LASED III គឺជាគម្រោងរបស់រាជរដ្ឋាភិបាលកម្ពុជា ដែលមានគោលបំណងកាត់បន្ថយភាពក្រីក្រ និងលើកកម្ពស់គុណភាពជីវិតរបស់ប្រជាពលរដ្ឋក្រីក្រ និងជនជាតិដើមភាគតិច។ គម្រោងនេះមិនត្រឹមតែផ្ដល់ដីសម្បទានសង្គមកិច្ចសម្រាប់សង់លំនៅឋាន និងបង្កបង្កើនផលប៉ុណ្ណោះទេ ថែមទាំងផ្ដល់ការបណ្ដុះបណ្ដាលលើវិស័យកសិកម្ម ផ្ដល់ពូជសត្វ ពូជបន្លែ បង្កើតទីផ្សារ សាលារៀន មណ្ឌលសុខភាព ហេដ្ឋារចនាសម្ព័ន្ធ ប្រព័ន្ធធារាសាស្ត្រ និងមូលនិធិសម្រាប់អភិវឌ្ឍន៍សហគមន៍ផងដែរ។

The post ឧបនាយករដ្ឋមន្ត្រី សាយ សំអាល់ ចុះពិនិត្យទីតាំងដីសម្បទានសង្គមកិច្ច ដែលបានប្រគល់ជូនសម្បទានិកនៅខេត្តក្រចេះ appeared first on .

ឯកឧត្តមមានប្រសាសន៍ដូច្នេះនៅក្នុងអំឡុងសម័យប្រជុំលើកទី១៣ នៃវេទិកាទីក្រុងពិភពលោករបស់អង្គការ​សហប្រជាជាតិ (WUF13) នៅទីក្រុងបាគូ ​ប្រទេសអាល់ស៊ៃបៃហ្ស៊ង់ នៅថ្ងៃទី១៧ ខែឧសភា ឆ្នាំ២០២៦ ដែលជាថ្ងៃចាប់ផ្តើមនៃកិច្ចប្រជុំនេះ។ ​

វេទិកា WUF13 បាននិងកំពុងប្រព្រឹត្តទៅចាប់ពីថ្ងៃទី១៧ ដល់ថ្ងៃទី២២ ខែឧសភា ដែលមានអ្នកចូលរួមពីប្រតិភូ អ្នកបង្កើតគោលនយោបាយ និងអ្នកជំនាញជាង៤ម៉ឺននាក់ មកពី១៨២ប្រទេស។​ វេទិការនេះមានសារៈសំខាន់​ក្នុងការជំរុញ​កិច្ចសហប្រតិបត្តិការលើលំនៅឋានគ្រប់គ្រាន់ និងការអភិវឌ្ឍទីក្រុងពិភពលោក​ប្រកបដោយ​និរន្តរភាព។

ឯកឧត្តម ឧបនាយករដ្ឋមន្ត្រី សាយ សំអាល់ លើកឡើងថា ក្នុងរយៈពេលដប់ឆ្នាំកន្លងមកនេះ រដ្ឋាភិបាលកម្ពុជាបាន​ផ្តល់ដីកសិកម្ម និងលំនៅដ្ឋានដល់ប្រជាពលរដ្ឋរាប់​ម៉ឺននាក់ និងបានប្រែជីវភាពរបស់ពលរដ្ឋក្រីក្រចំនួន ៥សែន​គ្រួសារ ផ្លាស់ប្តូរទៅជាគ្រួសារដែលមានជីវភាពមធ្យម។​

ជាមួយគ្នានេះរដ្ឋាភិបាលកម្ពុជា ក៏កំពុងគាំទ្រដល់ប្រជាពលរដ្ឋដែលរស់នៅក្នុងតំបន់តាំងទីលំនៅក្រៅផ្លូវការ ដោយផ្តល់ការងារ អត្រាការប្រាក់ ប្រាក់កម្ចីអនុគ្រោះ កម្មវិធីសន្សំ និងលំនៅដ្ឋានថ្មី៕

The post ឧបនាយករដ្ឋមន្ត្រី សាយ សំអាល់៖ កម្ពុជាប្ដេជ្ញាចិត្តផ្ដល់នូវជម្រកសមរម្យដល់ប្រជាជន appeared first on .

ក្នុងខ្លឹមសារលិខិតជូនពរ អ្នកឧកញ៉ាប្រធានសភាពាណិជ្ជកម្មកម្ពុជា បានលើកឡើងថា សូមគោរពជូនពរ ឯកឧត្តមឧបនាយករដ្ឋមន្ត្រី សូមមាន សុខភាពល្អបរិបូណ៌ កម្លាំងពលាំងមាំមួន បញ្ញាឈ្លាសវ និងអាយុយឺនយូរ ដើម្បីបន្តបេសកម្មដ៏ឧត្តុង្គឧត្តម ក្នុងការដឹកនាំក្រសួងរៀបចំដែនដី នគរូបនីយកម្ម និងសំណង់ ឱ្យ កាន់តែរីកចម្រើន និងជោគជ័យនូវសមិទ្ធិផលធំៗបន្ថែមទៀត។

ឆ្លៀតក្នុងឱកាសដ៏វិសេសវិសាលនេះ យើងខ្ញុំសូមគោរពកោតសរសើរដោយស្មោះចំពោះ ឯកឧត្តមឧបនាយក រដ្ឋមន្ត្រី ដែលបានលះបង់អស់កម្លាំងកាយ និងប្រាជ្ញាស្មារតី ដោយមិនខ្លាចនឿយហត់ ដើម្បីជាឧត្តមប្រយោជន៍​ដល់ជាតិ មាតុភូមិ និងប្រជាពលរដ្ឋនៃព្រះរាជាណាចក្រកម្ពុជា។

យើងខ្ញុំជឿជាក់យ៉ាងមុតមាំថា ឯកឧត្តមឧបនាយករដ្ឋមន្តី នឹងបន្តចូលរួមចំណែកក្នុងការអភិវឌ្ឍប្រទេសជាតិឱ្យ​កាន់តែរីក​ចម្រើនរុងរឿងបន្ថែមទៀត ក្រោមមាគ៌ាដឹកនាំដ៏ថ្លៃថ្លា ប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ជាថ្មីម្តងទៀត យើងខ្ញុំទាំងអស់គ្នា សូមបួងសួងដល់វត្ថុស័ក្តិសិទ្ធិក្នុងលោក សូមប្រោះព្រំប្រសិទ្ធពរជ័យ ជូនដល់ ឯកឧត្តមឧបនាយករដ្ឋមន្ត្រី និង លោកជំទាវ ព្រមទាំងក្រុមគ្រួសារជាទីស្រឡាញ់ សូមបានប្រកបនូវពុទ្ធពរ ទាំងបួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍។

The post អ្នកឧកញ៉ា គិត ម៉េង ផ្ញើសារលិខិតជូនពរ ឯកឧត្តមបណ្ឌិត សាយ សំអាល ឧបនាយករដ្ឋមន្ត្រី ក្នុងឱកាសខួបកំណើត appeared first on .

ការបញ្ជាក់របស់ ឧបនាយករដ្ឋមន្ត្រី សាយ សំអាល់ ខាងលើនេះ ធ្វើឡើងក្នុងពិធីសន្និបាតបូកសរុបលទ្ធផលការងារឆ្នាំ២០២៥ និងលើកទិសដៅការងារឆ្នាំ២០២៦ របស់សមាគមអ្នកអភិវឌ្ឍន៍លំនៅឋានកម្ពុជា កាលរសៀលថ្ងៃទី៦ ខែមីនា ឆ្នាំ២០២៦។

ក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា ការអភិវឌ្ឍលំនៅឋាននៅកម្ពុជា បានចាប់ផ្តើមជាបណ្តើរ​ៗតាំងពីឆ្នាំ១៩៨៩មក នៅពេលដែល​ប្រទេសយើងទទួលស្គាល់កម្មសិទ្ធិឯកជននិងធ្វើការចុះបញ្ជីដីធ្លី​ឡើងវិញ ព្រោះប្រជាពលរដ្ឋមានសិទ្ធិពេញលេញក្នុងការអភិវឌ្ឍលំនៅឋានផ្ទាល់ខ្លួនជាផ្ទះឈើ​ ផ្ទះល្វែង ផ្ទះវីឡាជាដើម។

ជាមួយនឹងការទទួល​បាន​នូវសន្តិភា​ពពេញលេញលើផ្ទៃប្រទស​ ចាប់ពីចុងទសវត្សរ៍ឆ្នាំ១៩៩០មក​ គម្រោងបុរីជាច្រើនបានរីក​ស្គុះស្គាយ​ ផ្តល់នូវជម្រើសលំនៅឋានកាន់តែសម្បូរបែប​ ដើម្បីឆ្លើយតបនឹង​តម្រូវការ​នៃស្រទាប់សង្គមជាតិ។ ទោះយ៉ាងណាក្តី យើងក៏បានជួបប្រទះនូវបញ្ហាប្រឈមមួយចំនួន​ដែលក្រសួងរៀបចំដែនដី នគរូបនីយកម្ម និងសំណង់ បាននិងកំពុងឈរដោះស្រាយ។

ពីនេះទៅមុខ ដើម្បីជៀសវាងនូវបញ្ហា និងកសាងភាពធន់ជាមួយនឹងភាពមិនច្បាស់លាស់នាពេលអនាគតក្នុងក្របខណ្ឌសង្គម និងសេដ្ឋកិច្ចពិភពលោក ភាគីពាក់ព័ន្ធត្រូវឈរលើទស្សនៈរួម និងធ្វើការដោយផ្អែកលើទិន្នន័យវិទ្យាសាស្ត្រជាក់លាក់ ក្នុងការអភិវឌ្ឍលំនៅឋាន ដើម្បីរៀបចំឱ្យឧស្សាហកម្មមួយនេះ បន្តផ្តល់ឱកាសការងារ ផ្តល់ប្រាក់ចំណូលដល់ប្រជាជន ផ្តល់កន្លែងរស់នៅសមរម្យ ផ្តល់ជីវិតគ្រួសារថ្មី ដោយរក្សាបាននូវតម្លៃវប្បធម៌ ប្រពៃណី ទំនៀមទម្លាប់ និងធ្វើឱ្យសង្គមកាន់តែរីកចម្រើនទៅមុខទៀត៕

The post ក្រសួងរៀបចំដែនដី នឹងធ្វើការជាមួយ លោកអ្នកឧកញ៉ា អ្នកឧកញ៉ា ឧកញ៉ាៗម្ចាស់បុរី ដើម្បីបញ្ចៀសបញ្ហាប្រឈម នៃភាពមិនច្បាស់លាស់របស់សង្គម និងសេដ្ឋកិច្ចពិភពលោក appeared first on .

ក្នុងឱកាសអញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំ២០២៥ និងទិសដៅការងារបន្ត​របស់ក្រសួងរៀបចំដែនដី នគរូបនីយកម្ម និងសំណង់ នាទីស្តីការក្រសួង នាល្ងាចថ្ងៃទី១ ខែធ្នូ ឆ្នាំ២០២៥ ឯកឧត្តម​ឧបនាយករដ្ឋមន្ត្រី សាយ សំអាល់ បានមានប្រសាសន៍ណែនាំពីទិសដៅ​ការងារបន្តដែលក្រសួងត្រូវបន្ត​យកចិត្ត​ទុកដាក់ រួមមានដូចខាងក្រោម៖

១. ធានាដំណើរការស្ថាប័ន ដោយរក្សាសាមគ្គីភាពផ្ទៃក្នុង ធ្វើការជាប្រព័ន្ធ សមូហភាពដឹកនាំ បុគ្គលទទួលខុសត្រូវ។

២. គិតគូរ និងផ្តល់ឱកាសដល់មន្ត្រី បង្កលក្ខណៈងាយស្រួលឱ្យគាត់អាចបំពេញការងារបាន លើកតម្កើងអ្នកដែល​ខំប្រឹងប្រែងធ្វើការ។

៣. ការងារសុរិយោដី៖ ជំរុញច្បាប់គ្រប់គ្រង​ការវាស់វែង​និងការផលិត​ផែនទី ព្រោះក្រសួងនឹងក្លាយជាអង្គភាព​ដែលត្រូវ​រៀបចំផែនទីផ្លូវការសម្រាប់ប្រើប្រាស់នៅក្នុងព្រះរាជាណាចក្រកម្ពុជា។

៤. តំបន់បឹងទន្លេសាប៖ ជំរុញការធ្វើវារីវប្បកម្ម និងគិតគូរអ្វីដែលត្រូវធ្វើទៅមុខទៀត ក្រៅពីស្រូវនិងដំណាំ​ដទៃ​ទៀត។

៥. តំបន់បេតិកភណ្ឌពិភពលោកអង្គរ៖ ជាប្រភពចំណូលកម្ពុជា ដូច្នេះត្រូវរក្សាមរតកដូនតាផង និងធានាថា​ប្រជាជន​​នៅ​អង្គរទទួលបានប្រយោជន៍ពីអង្គរ និងហៅខ្លួនឯងថាអ្នកស្រុកអង្គរ ហើយចូលរួមថែរក្សាការពារអង្គរ។

៦. ការងាររៀបចំដែនដី៖ ជំរុញការរៀបចំប្លង់គោលប្រើប្រាស់ដី និងផែនការនៃការប្រើប្រាស់ដី នៅទូទាំងប្រទេស ដែលជាមុខងារចម្បងក្នុងការរៀបចំដែន​ដី ហើយផ្អែកលើមូលដ្ឋាននេះ អភិបាលរាជធានី-ខេត្ត នឹងអាចឯករាជ្យ​ម្ចាស់ការដឹកនាំរៀបចំ ដើម្បីការរីកចម្រើនសេដ្ឋកិច្ចនៅរាជធានី-ខេត្តរបស់ខ្លួន ដោយក្រសួងនឹងគាំទ្រ​ផ្នែកបច្ចេក​ទេស​បន្ថែម។

៧. ការរៀបចំក្រុង និងទីប្រជុំជន៖ ផ្តោតលើការរៀបចំភូមិឋានក្សេមក្សាន្ត ទ្រនំសុភមង្គល ភូមិ ឃុំ សង្កាត់មាន​សុវត្ថិភាពឱ្យទីក្រុងជាទីក្រុងស្រួលរស់នៅ។

៨. ការងារលំនៅឋាន៖ មិនមែនផ្តោតតែលើផ្ទះ និងស្ថាបត្យកម្មប៉ុណ្ណោះទេ តែជាកន្លែងបណ្តុះនូវទំនាក់ទំនង ឥរិយាបថល្អប្រពៃ​ ប្រពៃណី ទំនៀមទម្លាប់ល្អ​ សិល្បៈ និងវិទ្យាសាស្ត្រ ក្នុងសង្គមជាតិ។

៩. គោលនយោបាយសម្បទានដើម្បីសង្គមនិងសេដ្ឋកិច្ច៖ ប្រែក្លាយពីគម្រោង​សម្បទានដីសង្គមកិច្ច ទៅជា​គោលនយោបាយសម្បទាន​ដើម្បីសង្គមកិច្ចនិងសេដ្ឋកិច្ច ដោយជំរុញការវិនិយោគ​លើហេដ្ឋារចនាសម្ព័ន្ធ​និងផ្តល់​សេវា​ចាំបាច់ ដើម្បីលើកកម្ពស់កម្រិតជីវភាពប្រជាជន។

១០. ការងារសំណង់៖ ផ្តោតលើគុណភាព សុវត្ថិភាព និងសោភណភាព ដែលសំណង់មិនមែនគ្រាន់តែ​ផ្តោតលើ​សំណង់​អគារ តែជាវិស័យដើម្បីធានានូវការផ្តល់ការងារធ្វើ ចំណូល និងកំណើន​និងដំណើរការសេដ្ឋកិច្ច​រួមរបស់​កម្ពុជា។

១១. បន្តការអប់រំ​ផ្សព្វផ្សាយអំពីសកម្មភាព និងការងារក្នុងវិស័យរៀបចំដែនដី នគរូបនីយកម្ម និងសំណង់ដើម្បី​ជំរុញ​ការចូលរួម។

១២. ការងារមូលដ្ឋាន៖ គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក) គួរផ្តោតលើ​សហគមន៍ ដោយមានកិច្ចសហការជាមួយដៃគូអភិវឌ្ឍនានា។

១៣. ការងារជាមួយវិស័យឯកជន៖ ត្រូវងាក​មកគិតគូរបន្ថែមលើឧស្សាហកម្មប្រាក់កម្ចី ក្នុងអត្រាការប្រាក់ប្រកួត​ប្រជែង ដើម្បីប្រែសង្គមនិងសេដ្ឋកិច្ច។

១៤. ឧស្សាហកម្មតុបតែងលម្អ៖ ជាការងារត្រូវធ្វើនិងថែរក្សានូវដង្ហើមសេដ្ឋកិច្ច។

ឯកឧត្តម​ឧបនាយករដ្ឋមន្ត្រី សាយ សំអាល់ បានគូសបញ្ជាក់ផងដែរថា ក្រៅពីសមិទ្ធផលដែលសម្រេចបាន​នាពេលកន្លងមក ការងារបន្ទាប់ដែល​ក្រសួងរៀបចំដែនដី នគរូបនីយកម្ម និងសំណង់ ត្រូវងាកមកគិតគូរគឺ​ការរៀប​ចំក្រុង និងទីប្រជុំជនឱ្យបានច្រើន និងការងារអាទិភាពផ្សេងទៀតដូចខាងលើ ដើម្បីចូលរួមកសាងកម្ពុជា​ឱ្យមាន​ខឿនសេដ្ឋកិច្ច​និងខឿនការពារជាតិរឹងមាំ ខ្លួនទីពឹងខ្លួន និងឯករាជ្យម្ចាស់ការ ខណៈស្ថានភាពពិភពលោក​ប្រែប្រួលឥតឈប់ឈរ៕

The post ឧបនាយករដ្ឋមន្ត្រី សាយ សំអាល់ ប្រកាសដាក់ចេញទិសដៅការងារបន្ត ១៤ចំណុច ដែលក្រសួងរៀបចំដែនដី ត្រូវយកចិត្តទុកដាក់ appeared first on .