នាឱកាសនោះ ឯកឧត្តមឧបនាយករដ្ឋមន្ត្រី បានរំលេចឡើងនូវយុទ្ធសាស្ត្រ និងការប្តេជ្ញាចិត្តរបស់កម្ពុជា ក្នុងការចូលរួមចំណែកកសាងស្ថិរភាព និងកំណើនសេដ្ឋកិច្ចតំបន់ តាមរយៈការបង្ហាញទស្សនវិស័យលើការអភិវឌ្ឍតំបន់ដោយ «សន្តិភាព និងនីតិរដ្ឋ» ជាគ្រឹះមិនអាចខ្វះបាន។កម្ពុជាបានបង្ហាញភាពចាស់ទុំខាងការទូតខ្ពស់ ដោយប្រកាសមិនស្វែងរកការប្រឈមមុខដាក់គ្នា ឬការបង្កើនភាពតានតឹងចំពោះបញ្ហាព្រំដែនជាមួយប្រទេសជិតខាងឡើយ។ ចំពោះបញ្ហាតំបន់ទាមទារត្រួតស៊ីគ្នានៅសមុទ្រ (OCA) បន្ទាប់ពីប្រទេសថៃប្រកាសដកខ្លួនជាឯកតោភាគីពី MOU 2001 កម្ពុជាបានជ្រើសរើសការដោះស្រាយតាមយន្តការច្បាប់សមុទ្រអន្តរជាតិ (UNCLOS) តាមរយៈយន្តការផ្សះផ្សារដោយបង្ខំ (Compulsory Conciliation)។

ជាមួយគ្នានេះ ឯកឧត្តមបន្តថា ការលើកកម្ពស់មុខមាត់ជាតិ និងភាពទាក់ទាញតាមរយៈ «ភាពអាចប៉ាន់ប្រមាណទុកជាមុនបាន» នៃបរិយាកាសវិនិយោគ ខណៈឯកឧត្តមថា គុណសម្បត្តិដ៏ធំបំផុតរបស់កម្ពុជាគឺ «ភាពអាចប៉ាន់ប្រមាណទុកជាមុនបាន» (Predictability) ផ្អែកលើតម្លាភាព និងភាពជាដៃគូដ៏គួរឱ្យទុកចិត្ត។ កម្ពុជាបានបង្ហាញពីសក្តានុពលសេដ្ឋកិច្ចដ៏រឹងមាំ និងស្ថិរភាពម៉ាក្រូសេដ្ឋកិច្ច ក្រោមក្របខណ្ឌច្បាប់វិនិយោគដែលបើកចំហ និងអនុគ្រោះបំផុតមួយនៅអាស៊ី។

តាមរយៈពិធីនេះដែរ ឯកឧត្តម ស៊ុន ចាន់ថុល ក៏បានអះអាងថា ជាសក្ខីកម្មជាក់ស្តែង ក្នុងឆ្នាំ២០២៥ ក.អ.ក. បានអនុម័តគម្រោងវិនិយោគរហូតដល់ ៦៣០ គម្រោង (តម្លៃជាង ១០ ប៊ីលានដុល្លារអាមេរិក) និងក្នុងត្រីមាសទី១ ឆ្នាំ២០២៦ នេះ អនុម័តបានចំនួន ១៤៦ គម្រោង (តម្លៃប្រមាណ ២,៥ ប៊ីលានដុល្លារអាមេរិក)៕

The post ឯកឧត្តម ស៊ុន ចាន់ថុល៖ កម្ពុជា ប្តេជ្ញាចិត្តចូលរួមចំណែកកសាងស្ថិរភាព និងកំណើនសេដ្ឋកិច្ចតំបន់ appeared first on .

នេះបើយោងតាមប្រសាសន៍របស់ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក្នុងឱកាសដែលស្ថានប្រតិភូសហភាពអឺរ៉ុបប្រចាំកម្ពុជា ប្រារព្ធខួបលើកទី៧៦ នៃទិវាសហភាពអឺរ៉ុប (Europe Day) កាលថ្ងៃទី១២ ខែឧសភា ឆ្នាំ២០២៦។

នាឱកាសនោះ ឯកឧត្តមឧបនាយករដ្ឋមន្ត្រី បានបញ្ជាក់ជាថ្មីថា សហភាពអឺរ៉ុបគឺជាដៃគូអភិវឌ្ឍន៍ និងជាដៃគូពាណិជ្ជកម្មដ៏សំខាន់បំផុតមួយរបស់កម្ពុជា។ កិច្ចសហប្រតិបត្តិការក្នុងក្របខ័ណ្ឌ Global Gateway និងកម្មវិធីជំនួយនានា បាននិងកំពុងចូលរួមចំណែកយ៉ាងសកម្មដល់ការធ្វើបរិវត្តកម្មឌីជីថល ការអភិវឌ្ឍបៃតង និងការកសាងសមត្ថភាពស្ថាប័ននៅកម្ពុជា។ ឯកឧត្តម ក៏បានបង្ហាញនូវជំនឿយ៉ាងមុតមាំថា ផ្អែកលើមូលដ្ឋាននៃមិត្តភាព និងការគោរពគ្នាទៅវិញទៅមក ទំនាក់ទំនងកម្ពុជា-សហភាពអឺរ៉ុប នឹងបន្តរីកចម្រើនកាន់តែរឹងមាំថែមទៀត ដើម្បីផលប្រយោជន៍រួមនៃប្រជាជាតិទាំងពីរ ក៏ដូចជាដើម្បីសន្តិភាព និងការអភិវឌ្ឍប្រកបដោយចីរភាពក្នុងតំបន់ និងពិភពលោក។

សូមជម្រាបថា ទិវាសហភាពអឺរ៉ុប (Europe Day) ត្រូវបានប្រារព្ធឡើងជារៀងរាល់ឆ្នាំនៅថ្ងៃទី៩ ខែឧសភា ដើម្បីរំលឹកដល់ខួបនៃ “សេចក្តីថ្លែងការណ៍ស៊ូម៉ាន” (Schuman Declaration) ឆ្នាំ១៩៥០ ដែលជាចំណុចចាប់ផ្តើមនៃកិច្ចសហប្រតិបត្តិការនយោបាយ និងសេដ្ឋកិច្ចនៅអឺរ៉ុប ក្នុងគោលបំណងថែរក្សាសន្តិភាពប្រកបដោយចីរភាព និងសាមគ្គីភាពក្រោយសង្គ្រាមលោកលើកទី២។ ទិវានេះមិនត្រឹមតែជាការអបអរសាទរនូវសមិទ្ធផលនៃសន្តិភាព និងវិបុលភាពក្នុងតំបន់អឺរ៉ុបប៉ុណ្ណោះទេ ប៉ុន្តែក៏ជាឱកាសសម្រាប់សហភាពអឺរ៉ុបក្នុងការបង្ហាញនូវតម្លៃរួម សេរីភាព និងការពង្រឹងភាពជាដៃគូជាមួយបណ្តាប្រទេសនានាលើសកលលោក រួមទាំងព្រះរាជាណាចក្រកម្ពុជាផងដែរ៕ អត្ថបទ៖ហ្សាលីន

The post មន្រ្តីជាន់ខ្ពស់CDC៖ សហភាពអឺរ៉ុបគឺជាដៃគូអភិវឌ្ឍន៍ និងពាណិជ្ជកម្មដ៏សំខាន់បំផុតមួយរបស់កម្ពុជា appeared first on .

នាឱកាសនោះ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានបញ្ជាក់ថា តួអង្គសំខាន់មិនអាចខ្វះបានសម្រាប់វេទិកាវិនិយោគនាថ្ងៃនេះ គឺវិស័យឯកជន ពោលគឺធុរជន និងវិនិយោគិន ដែលរាជរដ្ឋាភិបាលតែងចាត់ទុកជាក្បាលម៉ាស៊ីននៃកំណើនសេដ្ឋកិច្ច ដូច្នេះការគិតគូរនិងជំរុញការអភិវឌ្ឍវិស័យឯកជន តែងជាកិច្ចការអាទិភាពមួយក្នុងរបៀបវារៈអភិវឌ្ឍន៍សង្គម-សេដ្ឋកិច្ចកម្ពុជា។ ជាមួយគ្នានេះ រាជរដ្ឋាភិបាលកម្ពុជា បានប្តេជ្ញាបន្តធ្វើកំណែទម្រង់នានា តាមរយៈការដាក់ចេញនូវច្បាប់ បទដ្ឋានគតិយុត្ត យុទ្ធសាស្ត្រ គោលនយោបាយ ផែនទីបង្ហាញផ្លូវ និងវិធានការនានា សំដៅធ្វើយ៉ាងណាបង្កើតនូវបរិស្ថានវិនិយោគ និងធុរកិច្ចមួយដែលមានសុខភាពល្អ ដែលអាចឱ្យធុរជន និងវិនិយោគិនអាចទទួលបាន និងរីកលូតលាស់នៅកម្ពុជា។

បន្ថែមពីនេះ ឯកឧត្តមឧបនាយករដ្ឋមន្ត្រី បានសង្កត់ធ្ងន់ថា រាល់មតិយោបល់ បញ្ហាប្រឈម និងអនុសាសន៍ដែលលើកឡើងក្នុងថ្ងៃនេះ នឹងក្លាយជាធាតុចូលដ៏មានតម្លៃមិនអាចខ្វះបាន សម្រាប់រាជរដ្ឋាភិបាលក្នុងការបន្តកែលម្អបរិយាកាសវិនិយោគនៅកម្ពុជា ឱ្យកាន់តែមានភាពរឹងមាំ ប្រកបដោយភាពធន់ និងភាពជាដៃគូយុទ្ធសាស្ត្រយូរអង្វែង ដើម្បីឈានទៅសម្រេចបាននូវចក្ខុវិស័យសេដ្ឋកិច្ចរួមគ្នានាពេលអនាគត។

សូមជម្រាបដែរថា វេទិកាវិនិយោគកម្ពុជាឆ្នាំ២០២៦ ជាវេទិកាកម្រិតខ្ពស់មួយ ត្រូវបានប្រារព្ធធ្វើឡើងក្នុងឆ្នាំដំបូង ក្រោមការឯកភាពនិងណែនាំចង្អុលបង្ហាញដ៏ខ្ពង់ខ្ពស់ពីសំណាក់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងជាប្រធាន ក.អ.ក. ក្នុងគោលបំណងបញ្ជ្រាបនូវបច្ចុប្បន្នភាពកំណែទម្រង់ និងកិច្ចសម្រួលវិនិយោគនានាជូនដល់វិនិយោគិនទាំងអស់ ជាពិសេសវិនិយោគិនដែលបាននិងកំពុងធ្វើប្រតិបត្តិការវិនិយោគនៅកម្ពុជាស្រាប់។ មួយវិញទៀតស្របពេលដែលបរិការណ៍សកលកំពុងមានភាពមិនប្រាកដប្រជាខ្ពស់ វេទិកានេះនឹងដើរតួនាទី ជាយន្តការចែករំលែកនូវបទពិសោធ បញ្ហាប្រឈម និងអនុសាសន៍ ហើយក៏ជាយន្តការបង្កើតនូវបណ្តាញទំនាក់ទំនងធុរកិច្ច ក៏ដូចជាការស្វែងរក និងចាប់យកកាលានុវត្តភាពវិនិយោគ រួមបញ្ចូលទាំងការពង្រីកគម្រោងវិនិយោគ និងការចាប់ដៃគូវិនិយោគលើសកម្មភាពថ្មីៗ ផងដែរ៕ អត្ថបទ៖ហ្សាលីន

The post កម្ពុជា ប្តេជ្ញាបន្តធ្វើកំណែទម្រង់នានាដើម្បីបង្កើតនូវបរិស្ថានវិនិយោគ និងធុរកិច្ចមួយដែលមានសុខភាពល្អ appeared first on .

ឯកឧត្តមថ្លែងបែបនេះ ក្នុងសិក្ខាសាលាផ្សព្វផ្សាយសន្ទស្សន៍ប្រតិបត្តិការភស្ភុភារកម្មថ្មី (LPI 2.0) និងវិធីសាស្រ្តគណនារបស់ធនាគារពិភពលោក កាលថ្ងៃទី៦ ខែឧសភា ឆ្នាំ២០២៦ ដោយមានការអញ្ជើញចូលរួមពី លោកស្រី Tania Meyer នាយកគ្រប់គ្រងធនាគារពិភពលោកប្រចាំកម្ពុជា លោករដ្ឋមន្ត្រីក្រសួងសាធារណការ និងដឹកជញ្ជូន ទាំងថ្នាក់ដឹកនាំ មន្ត្រីពាក់ព័ន្ធ និងផ្នែកឯកជនជាច្រើនរូប។

នាឱកាសនោះ ឯកឧត្តម ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានក្រុមប្រឹក្សាជាតិភស្តុភារកម្ម បានគូសបញ្ជាក់ថា វិស័យភស្ភុភារកម្មគឺជាឆ្អឹងខ្នងនៃសេដ្ឋកិច្ចជាតិ និងជាកត្តាកំណត់សមត្ថភាពប្រកួតប្រជែងរបស់កម្ពុជាក្នុងការទាក់ទាញការវិនិយោគផ្ទាល់ពីបរទេស (FDI)។ ការយល់ដឹងច្បាស់អំពីសន្ទស្សន៍ LPI 2.0 នឹងជួយឱ្យកម្ពុជាអាចកំណត់បាននូវចំណុចខ្វះខាត និងដាក់ចេញនូវវិធានការកែទម្រង់ចំគោលដៅ ដើម្បីកាត់បន្ថយចំណាយភស្ភុភារកម្ម និងបង្កើនប្រសិទ្ធភាពច្រវាក់ផ្គត់ផ្គង់។

បន្ថែមពីនេះ ឯកឧត្តមឧបនាយករដ្ឋមន្ត្រី ក៏បានជំរុញឱ្យគ្រប់ភាគីពាក់ព័ន្ធ បន្តខិតខំប្រឹងប្រែងធ្វើឌីជីថលូបនីយកម្មក្នុងប្រព័ន្ធដឹកជញ្ជូន និងការសម្រួលបែបបទឆ្លងកាត់ព្រំដែនឱ្យកាន់តែមានភាពរហ័ស និងតម្លាភាពស្របតាមស្តង់ដារអន្តរជាតិ។

សូមជម្រាបថា តាមរយៈសិក្ខាសាលាខាងលើនេះដែរ ត្រូវបានរៀបចំឡើងក្នុងគោលបំណងពង្រឹងការយល់ដឹងដល់តំណាងក្រសួង-ស្ថាប័នពាក់ព័ន្ធ សមាគមដឹកជញ្ជូន និងផ្នែកឯកជន អំពីការផ្លាស់ប្តូរវិធីសាស្ត្រវាយតម្លៃរបស់ធនាគារពិភពលោក ដែលប្តូរពីការផ្អែកលើការស្ទង់មតិបែបមតិយោបល់ (Survey-based) មកជាការប្រើប្រាស់ទិន្នន័យជាក់ស្តែង ដើម្បីវាស់វែងប្រសិទ្ធភាពភស្ភុភារកម្មរបស់ប្រទេសនីមួយៗ។ ជាមួយគ្នានោះមន្ត្រីជាន់ខ្ពស់នៃធនាគារពិភពលោក ក៏បានធ្វើបទបង្ហាញសំខាន់ៗ ចំនួន៣ ទៅកាន់អង្គពិធីរួមមាន៖១.សូចនាករប្រតិបត្តិការភស្តុភារកម្មថ្មី និងវិធីសាស្រ្តគណនា, ២.ប៉ាណូឡិកាភស្តុភារកម្ម, និង៣.មជ្ឈមណ្ឌលព័ត៌មានភស្តុភារកម្មជាតិ៕ អត្ថបទ៖ហ្សាលីន

The post ឧបនាយករដ្ឋមន្រ្តី ស៊ុន ចាន់ថុល៖ វិស័យភស្ភុភារកម្មគឺជាឆ្អឹងខ្នងនៃសេដ្ឋកិច្ចជាតិ appeared first on .

ឯកឧត្តមថ្លែងបែបនេះ នៅក្នុងកម្មវិធីមហាសន្និបាតប្រចាំឆ្នាំ២០២៥ និងពិធីអបអរសាទរខួបអនុស្សាវរីយ៍លើកទី៣០ នៃសភាពាណិជ្ជកម្មចិននៅកម្ពុជា កាលទី៣១ ខែមករា ឆ្នាំ២០២៦។

ក្នុងឱកាសនោះ ក្រឡេកមកមើលលើទិដ្ឋភាពនៃការអភិវឌ្ឍហេដ្ឋារចនាសម្ព័ន្ធ ឯកឧត្តម ស៊ុន ចាន់ថុល បានលើកឡើងពីតួនាទីដ៏សំខាន់នៃគំនិតផ្ដួចផ្ដើម “ខ្សែក្រវាត់ និងផ្លូវ” (BRI) ដែលជាកម្លាំងចលករផ្លាស់ប្តូរកម្ពុជាពី “ប្រទេសដែលមានសក្តានុពល” ទៅជា “ប្រទេសដែលមានការរីកចម្រើនពិតប្រាកដ”។ ឯកឧត្តមបានបញ្ជាក់ថា តាមរយៈកិច្ចសហប្រតិបត្តិការនេះ កម្ពុជាសម្រេចបាននូវសមិទ្ធផលធំៗជាច្រើន រួមមានផ្លូវថ្នល់ជាង ៣,០០០ គីឡូម៉ែត្រ ស្ពានយុទ្ធសាស្ត្រ អាកាសយានដ្ឋានទំនើប និងផ្លូវល្បឿនលឿន ដែលបានកាត់បន្ថយថ្លៃដើមឡូជីស្ទីក និងបង្កើនភាពប្រកួតប្រជែងរបស់កម្ពុជាក្នុងតំបន់។

លើសពីនេះ ឯកឧត្តមថា ក្នុងឆ្នាំ ២០២៥ ការវិនិយោគផ្ទាល់ពីចិនមានចំនួនរហូតដល់ជាង ៥០% នៃ FDI សរុប ដែលជាសក្ខីភាពបង្ហាញពីទំនុកចិត្តខ្ពស់របស់អ្នកវិនិយោគចិនមកលើស្ថិរភាពនយោបាយ និងម៉ាក្រូសេដ្ឋកិច្ចរបស់រាជរដ្ឋាភិបាលកម្ពុជា។

ទន្ទឹមនឹងការលើកឡើងនេះ ឯកឧត្តម Wang Wenbin ឯកអគ្គរដ្ឋទូតចិនប្រចាំកម្ពុជា ក៏បានវាយតម្លៃខ្ពស់ចំពោះសមិទ្ធផលនៃកិច្ចសហប្រតិបត្តិការទ្វេភាគី មុននឹងឈានដល់ខ្លឹមសារសុន្ទរកថាគន្លឹះដ៏មានសារៈសំខាន់របស់ ឯកឧត្តមឧបនាយករដ្ឋមន្ត្រី ដែលបានសង្កត់ធ្ងន់លើការបន្តរុញច្រានមិត្តភាពដែកថែបឱ្យកាន់តែរឹងមាំ និងការកសាងសហគមន៍វាសនារួមតាមរយៈការវិនិយោគប្រកបដោយគុណភាព និងចីរភាព។

តាមរយៈកម្មវិធីខាងលើ ក្រុមប្រឹក្សាអភិវឌ្ឍន៍កម្ពុជា បានបញ្ជាក់ដែរថា ក្នុងនាមជាដៃគូដែល “ដឹងកម្លាំងគ្នាក្នុងផ្លូវឆ្ងាយ” កម្ពុជានៅតែបន្តស្វាគមន៍សហគ្រាសចិនគ្រប់លំដាប់ថ្នាក់ ឱ្យមកបណ្តាក់ទុន និងរីកចម្រើនជាមួយគ្នា ដើម្បីកសាងសហគមន៍វាសនារួមកម្ពុជា-ចិន ដែលមានភាពរុងរឿង និងផ្តល់ផលប្រយោជន៍ឱ្យគ្នាទៅវិញទៅមកក្នុងយុគសម័យថ្មីនេះ៕ អត្ថបទ៖ហ្សាលីន

The post ឧបនាយករដ្ឋមន្ត្រី ស៊ុន ចាន់ថុល៖ ឆ្នាំ ២០២៥ ការវិនិយោគផ្ទាល់ពីចិនមានចំនួនរហូតដល់ជាង ៥០% appeared first on .

ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន  បានឱ្យដឹងថា ទីលានទុកដាក់សំរាមតម្លៃជាង ៤លានដុល្លារ ក្នុងខេត្តកំពង់ធំ ដែលបានសម្ពោធបើកឱ្យប្រើប្រាស់ជាផ្លូវការនាពេលនេះ នឹងរួមចំណែកលើកកម្ពស់សេវាថែរក្សាអនាម័យ និងការគ្រប់គ្រងបរិស្ថានតំបន់ជុំវិញបឹងទន្លេសាបកាន់តែប្រសើរឡើង។

ទន្ទឹមនឹងសមិទ្ធផលថ្មី ទីលានទុកដាក់សំរាម ដែលសម្ពោធដាក់ឱ្យប្រើប្រាស់ជាផ្លូវការ នាឱកាសនេះ ឯកឧត្តមទេសរដ្ឋមន្ត្រី ស៊ុន ចាន់ថុល បានលើកឡើងអំពីសមិទ្ធផលធំៗនានា ដែលក្រសួងសាធារណការ និងដឹកជញ្ជូន ក្នុងនាមរាជរដ្ឋាភិបាល បានអនុវត្ត កំពុងអនុវត្ត និងគ្រោងអនុវត្ត។លើសពីនេះ គម្រោងធំៗ ទាំងនោះក៏មានវត្តមាននៅក្នុងខេត្តកំពង់ធំផងដែរ ដោយក្នុងនោះរួមមាន៖ គម្រោងផ្លូវជាតិលេខ៥០សេ តភ្ជាប់ពីកំពង់ធំទៅកំពង់លែង, គម្រោងសិក្សាផ្លូវតភ្ជាប់ពីក្រចេះ មកកាន់កំពង់ធំ, គម្រោងផ្លូវល្បឿនលឿនភ្នំពេញ-សៀមរាប ឆ្លងកាត់កំពង់ធំ ដែលបានចុះកិច្ចព្រមព្រៀងក្របខ័ណ្ឌរួចរាល់, គម្រោងសិក្សាផ្លូវដែកពី ប៉ោយប៉ែត-សៀមរាប-កំពង់ធំ-កំពង់ឆ្នាំង មកកាន់រាជធានីភ្នំពេញជាដើម៕

The post ឯកឧត្តម ស៊ុន ចាន់ថុល ប្រាប់ពីគម្រោងហេដ្ឋារចនាសម្ព័ន្ធធំៗ នឹងមានវត្តមាននៅខេត្តកំពង់ធំនាពេលខាងមុខ appeared first on .

ថ្លែង​ក្នុងពិធីសម្ពោធបើកឱ្យប្រើប្រាស់ជាផ្លូវការ កំពង់ផែដងទង់ ក្រុងខេមរភូមិន្ទ ខេត្តកោះកុង នៅ​ព្រឹក​ថ្ងៃទី២៣ ខែមិថុនា ឆ្នាំ២០២៣​នេះ លោក​ទេសរដ្ឋមន្ត្រី ស៊ុន ចាន់ថុល ​​បាន​លើក​ឡើង​ថា ក្រៅពីកំពង់ផែ​ដងទង់ នេះ យើង​បាន​ធ្វើ​កំពង់ផែ​ទេសចរណ៍​កំពត​​​ចប់​សព្វគ្រប់​ហើយ កំពង់ផែ​ទេសចរណ៍​នៅ​កែប ​កោះទន្សាយ ក៏​បាន​ដាក់​ឱ្យ​ប្រើប្រាស់​ផ្លូវការ​ផង​ដែរ។ ចំណែក​ឯ​កំពង់ផែ​កំពត របស់​ឯកជន​នៅ​តំបន់​មួយ ហៅ​ថា​ព្រែកត្នោត ក៏​កំពុង​តែ​សាងសង់។

លោក​ទេសរដ្ឋមន្ត្រី បាន​បន្ថែម​ថា៖ “កំពង់ផែ​ក្រុង​ព្រះសីហនុ កំពុង​តែ​ពង្រីក​ពី​ផែ​ដែល​មាន​ទឹក​រាក់ ដែល​មាន​នាវា​តែ​ ១៨%​ទេ ​អាច​​​ចូល​ចត​បាន​នៅ​កំពង់ផែស្វយ័ត​ក្រុង​ព្រះសីហនុ។ ពេល​យើង​ធ្វើ​ផែ​ជម្រៅ ១៤,៥ម៉ែត្រ ដែល​នឹង​ធ្វើ​ចប់​នៅ​ឆ្នាំ២០២៦ ឬ​ដើម​ឆ្នាំ២០២៧ កប៉ាល់ នាវា ប្រហែល ៩៣% ​​នឹង​អាច​ចូល​ចត​នៅ​កំពង់ផែ​ស្វយ័ត​ក្រុង​ព្រះសីហនុ​បាន ​​ហើយ​នេះ​ជា​ជំហាន​ទី១។ ចំណែក​ឯ​ជំហាន​ទី២ គឺ​ផែ​ទឹកជ្រៅ ១៦,៥ម៉ែត្រ និង​ជំហាន​ទី៣ ផែ​ទឹកជ្រៅ ១៧,៥ម៉ែត្រ​ ដូច្នេះ​ទំនិញ​របស់​យើង អាច​ដឹក​ចេញ​ពី​កំពង់ផែ​ស្វយ័ត​ក្រុង​ព្រះសីហនុ ​​យក​ទៅ​លក់​ត្រង់​តែ​ម្តង ដូចជា​ទៅ​សហរដ្ឋអាមេរិក ឬ​អឺរ៉ុប​ បាន ដោយ​មិន​ចាំបាច់​ឆ្លង​កាត់​តាម​​កំពង់ផែ​ប្រទេស​ផ្សេងៗ​ទៀត​ទេ ហើយ​នឹង​​ជួយ​កាត់​បន្ថយ​ពេលវេលា និង​តម្លៃ​ដឹក​ទំនិញ។ បន្ថែម​ពី​នេះ យើង​ក៏​អាច​ទាក់ទាញ​អ្នក​វិនិយោគ មក​វិនិយោគ​នៅ​កម្ពុជា ដើម្បី​បង្កើត​ការងារ​ជូន​បងប្អូន​ប្រជាពលរដ្ឋ​យើង​បាន​កាន់​តែ​ច្រើន”។

ជាមួយ​គ្នា​នេះ លោក​ទេសរដ្ឋមន្ត្រី ស៊ុន ចាន់ថុល បានក្រើនរម្លឹកដល់បងប្អូនប្រជាពលរដ្ធ​​​ថា អ្វីៗ​ដែល​យើង​គ្រោង​នឹង​ធ្វើ និង​អ្វីៗ​ដែល​យើង​បាន​និង​កំពុង​​ធ្វើ​មក​ដល់​សព្វថ្ងៃ​នេះ គឺ​បាន​មក​ដោយសារ​ប្រទេស​ជាតិ​យើង មាន​សុខ​សន្តិភាព​ ​និង​ស្ថេរភាព​នយោបាយ។ បើ​គ្មាន​សុខសន្តិភាព និង​ស្ថិរភាព​នយោបាយ យើង​គ្មាន​ឱកាស​កសាង​ផ្លូវ​ ស្ពាន សាលារៀន និង​វត្ត​អារ៉ាម នោះ​ទេ។ យើង​ក៏​គ្មាន​ឱកាស​​ទាក់ទាញ​អ្នក​វិនិយោគ​​មក​​ដាក់​ទុន​នៅ​កម្ពុជា បង្កើត​ការងារ​ជូន​បងប្អូន​ប្រជាពលរដ្ឋ​ធ្វើ គ្មាន​ឱកាស​ទាក់ទាញ​ភ្ញៀវ​ទេសចរណ៍​ឱ្យ​គេ​មក​លេង​នៅ​កម្ពុជា​ ហើយ​ក៏​​គ្មាន​ឱកាស​យក​ទំនិញ​របស់​យើង ទៅ​លក់​នៅ​បរទេស​នោះ​ដែរ៕

The post លោក ស៊ុន ចាន់ថុល៖ នៅឆ្នាំ២០២៧ កម្ពុជា អាចដឹកទំនិញទៅលក់នៅអាមេរិក ឬអឺរ៉ុប ដោយពុំបាច់ឆ្លងកាត់កំពង់ផែប្រទេសផ្សេងៗទៀតទេ appeared first on .

ថ្លែងក្នុងកម្មវិធីបើកសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងសាធារណការ និងដឹកជញ្ជូន នៅថ្ងៃទី ១៥ កុម្ភៈ ២០២៣ នេះ លោកទេសរដ្ឋមន្ត្រី ស៊ុន ចាន់ថុល បានស្នើសុំឱ្យក្រុមហ៊ុនដែលកំពុងសិក្សាលទ្ធភាព​សាងសង​គម្រោង​ផ្លូវល្បឿន​លឿនភ្នំពេញ-សៀមរាប ជួយពន្លឿនការងារឱ្យបាន​លឿន តាមដែលអាចធ្វើបាន ដើម្បីឈានទៅចុះហត្ថលេខាលើអនុស្សរណៈយោគយល់គ្នា យ៉ាងយូនៅខែកញ្ញា ឆ្នាំ២០២៣នេះ។

សូមរម្លឹកដែរថា បើតាមក្រសួងសារធារណការ និងដឹកជញ្ជូន ធ្លាប់បានឱ្យដឹងថា បច្ចុប្បន្ន​មាន​ក្រុមហ៊ុន​ចំនួន៤ កំពុង​សិក្សា​លើ​គម្រោង​សាងសង់​ផ្លូវល្បឿន​លឿន​រាជធានីភ្នំពេញ-ខេត្តសៀមរាប។

យ៉ាងណាមិញ កាលពីពេលថ្មីៗ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក៏ធ្លាប់​បានបង្ហាញ​ការប្តេជ្ញាចិត្ត នឹងខិតខំកសាងផ្លូវល្បឿនលឿនមួយខ្សែទៀតតភ្ជាប់ពីភ្នំពេញទៅបាវិត ព្រំដែនវៀតណាម ខណៈមិនយូរទេ កម្ពុជានឹងមានគម្រោងសាងសង់ផ្លូវល្បឿនលឿនរាជធានីភ្នំពេញ ទៅកាន់ខេត្តសៀមរាប ដែលនឹងក្លាយជាផ្លូវល្បឿនលឿនទី៣ របស់កម្ពុជា។ ប្រមុខរាជរដ្ឋាភិបាលកម្ពុជា ជឿជាក់ថា ផ្លូវល្បឿនលឿនរាជធានីភ្នំពេញ ទៅខេត្តសៀមរាប នេះ គឺជាផ្លូវដែលចំណាយពេលវេលាតិចជាងមុន ខណៈផ្លូវល្បឿនលឿននេះ ក៏នឹងជួយសេដ្ឋកិច្ចកម្ពុជា ឱ្យមានការរីកចម្រើនថែមមួយកម្រិតទៀតផងដែរ៕

________
អត្ថបទ៖ ពិសី

The post លោក ស៊ុន ចាន់ថុល ស្នើក្រុមហ៊ុនជួយពន្លឿនការសិក្សាគម្រោងផ្លូវល្បឿនលឿនភ្នំពេញ-សៀមរាប ឱ្យបានលឿន appeared first on .

​លោក​ទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសារធារណការ និងដឹកជញ្ជូន ​​បាន​ថ្លែង​ឱ្យ​ដឹង​ក្នុង​កិច្ច​សម្ភាសន៍​មួយ​ថា គម្រោងផ្លូវរថភ្លើងក្រោមដី លើដី និងលើអាកាស ក្នុងរាជធានីភ្នំពេញ បានសិក្សាចប់សព្វ​គ្រប់​ហើយ ប៉ុន្តែ​ក្រុមការងារ​កំពុង​សិក្សា​​កែ​សម្រួល​បន្តិច​បន្តួច​ទៀត ក្នុង​គោលបំណង​ឱ្យ​គម្រោង​អភិវឌ្ឍ​ប្រព័ន្ធ​ដឹក​ជញ្ជូន​ដ៏​មាន​សារៈ​សំខាន់​​ទាំង​នេះ ​មាន​លក្ខណៈ​គ្រប់​ជ្រុង​ជ្រោយ និង​ស្រប​តាម​ស្ថានភាព​ភូមិសាស្ត្រ។

“ផ្លូវភ្លើងក្រោមដី នៅរាជធានីភ្នំពេញ បានសិក្សាចប់សព្វគ្រប់ ឥឡូវយើងឱ្យអ្នកសិក្សាកែសម្រួល​បន្តិចសិន អ៊ីចឹងយើងប្រៀបធៀបលើប្រព័ន្ធរថភ្លើងលើដី ផ្លូវរថភ្លើងលើអាកាស និងក្រោមដី គឺបានសិក្សាចប់ ទាំង៣ហើយ និងធ្វើរបាយការណ៍ជូនទៅប្រមុខរាជរដ្ឋាភិបាល សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​នៃព្រះរាជាណាចក្រកម្ពុជា ដើម្បីជ្រើសរើស តើប្រព័ន្ធមួយណាល្អជាងចំពោះរាជធានីភ្នំពេញយើង”។ លោក ទេសរដ្ឋមន្ត្រី ស៊ុន ចាន់ថុល បានបញ្ជាក់យ៉ាងដូច្នេះ។

គួរ​បញ្ជាក់​ថា ​​​ប្រសិន​បើ​គម្រោង​ទាំង​នេះ​​លេច​រូបរាង​ឡើង​​​ក្រោម​ការ​ចូល​រួម​វិនិយោគ​ពី​ក្រុមហ៊ុន​វិស័យ​ឯកជន ឬ​​​ដៃ​គូ​អភិវឌ្ឍន៍​អន្តរជាតិ​នោះ ​​នឹង​ជួយ​លើកកម្ពស់មុខមាត់ទីក្រុងភ្នំពេញ បានមួយកម្រិត​ថែម​ទៀត ព្រមទាំងឆ្លើយតបទៅ​នឹង​ការអភិវឌ្ឍន៍របស់ប្រទេសជាតិ។ ជាពិសេសគឺ​អាច​​ដោះស្រាយបញ្ហានៃការ​កកស្ទះចរាចរណ៍ និងគ្រោះថ្នាក់​ចរាចរណ៍ ដែលកំពុងកើតមាន​​​​​ជា​ប្រចាំ​ នាពេលបច្ចុប្បន្ន​ផងដែរ៕

The post គម្រោងផ្លូវរថភ្លើងក្រោមដី និងផ្លូវរថភ្លើងលើអាកាស ក្នុងរាជធានីភ្នំពេញ បានសិក្សាចប់ហើយ appeared first on .

ថ្លែងក្នុងជំនួបនោះ លោក Ryoji Fujita អគ្គនាយកក្រុមហ៊ុន តូយ៉ូតា (ខេមបូឌា) បានប្រាប់លោក ស៊ុន ចាន់ថុល អំពីសំណើរបស់ក្រុមហ៊ុនសុំឱ្យក្រសួងពិនិត្យលទ្ធភាព លើ​ការ​សហការ​ជា​មួយ​ក្រសួង​សេដ្ឋកិច្ច និងហិរញ្ញវត្ថុ ក្នុងការបន្ធូរបន្ថយពន្ធនាំចូលរថយន្តប្រភេទ Hybrid។

លោកថ្លែងយ៉ាងដូច្នេះថា«ការស្នើនេះ គឺសំដៅរួមចំណែកក្នុងការជំរុញលើកទឹកចិត្តឱ្យប្រជាពលរដ្ឋកម្ពុជា ងាក​មកប្រើប្រាស់រថយន្ត ប្រភេទHybridឱ្យបានច្រើន ដើម្បីកាត់បន្ថយការប្រើប្រាស់ប្រេងឥន្ធនៈ កាត់​បន្ថយ​ការបំភាយឧស្ម័នពុល ទៅក្នុងបរិយាកាស ព្រម​ទាំង​រួម​ចំណែក​ក្នុង​ជួយ​ឱ្យ​កម្ពុជា​សម្រេច​គោល​ដៅ​អព្យា​ក្រឹត្យ​កាបូន(Carbon Neutrality)នៅឆ្នាំ២០៥០ ផងដែរ»។

ជាការឆ្លើយតប លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានបញ្ជាក់ថា ការ​គាំ​ទ្រនៅក្នុងការបន្ធូរបន្ថយពន្ធនាំចូល ជាពិសេសករណីរថយន្តប្រភេទHybrid ដែល​ក្រុមហ៊ុន​បាន​ស្នើ​នេះ​ អាចធ្វើទៅបាន លុះត្រាតែមានការស្នើសុំពិភាក្សាជាមួយក្រសួងសេដ្ឋកិច្ច និងហិរញ្ញវត្ថុ។ យ៉ាងណា ឯក​ឧត្តម នឹងខិតខំ ជំរុញការប្រើប្រាស់យានយន្តអគ្គិសនីនៅកម្ពុជាឱ្យកាន់ទូលាយ ដើម្បី​ចូល​រួម​ចំណែក​កាត់​បន្ថយការបំពុលបរិស្ថាន។

គួរបញ្ជាក់ដែរថា ក្រុមហ៊ុនតូយ៉ូតា (ខេមបូឌា)គឺជាក្រុមហ៊ុននាំចូល និង​ចែក​ចាយ​ផ្តាច់​មុខ​សម្រាប់​យាន​យន្​តតូយ៉ូតា គ្រឿងបន្លាស់ និងសេវាកម្មទាំងអស់នៅកម្ពុជា។ ចាប់​តាំង​ពី​ការ​ឈាន​ជើង​ចូល​មក​ដំណើរ​ការ​ក្នុងប្រទេសកម្ពុជា កាលពីឆ្នាំ១៩៩៣ មកទល់សព្វថ្ងៃ ក្រុមហ៊ុនបានបើកដំណើរការសាខាចំនួន០៥ នៅ​ទូទាំងប្រទេសព្រមទាំងបន្តការកែលម្អឥតឈប់ឈរ និងផ្តល់នូវផលិតផល ក៏​ដូច​ជា​សេវាកម្ម​ដែល​មាន​គុណ​ភាពល្អ ដល់អតិថិជនទាំងអស់ជាបន្តបន្ទាប់ ហើយតាមតថភាពជាក់ស្តែង រថយន្ត​ដែល​ទទួល​បាន​ការ​និយមប្រើប្រាស់ច្រើនជាងគេក្នុងសង្គមកម្ពុជាគឺ រថយន្តម៉ាកតូយ៉ូតា៕

The post ក្រុមហ៊ុនតូយ៉ូតា ស្នើកម្ពុជាពិនិត្យលទ្ធភាពបន្ធូរបន្ថយពន្ធនាំចូលរថយន្ត Hybrid appeared first on .