នៅថ្ងៃទី២៦ ខែកក្កដា សមាជិកសភា លោក Jamie Raskin ដែលជាសមាជិកជាន់ខ្ពស់នៃគណៈកម្មាធិការយុត្តិធម៌សភា បានស្នើឱ្យមានការស៊ើបអង្កេតលើប្រធាន FIFA លោក Gianni Infantino អំពីទំនាក់ទំនងរបស់ស្ថាប័នអន្តរជាតិមួយនេះ ជាមួយប្រធានាធិបតីលោក ត្រាំ និងរដ្ឋាភិបាលអាមេរិកបច្ចុប្បន្ន។

នៅក្នុងលិខិតដែលផ្ញើទៅកាន់លោក Infantino លោក Raskin បានស្នើសុំឱ្យ FIFA ផ្តល់ឯកសារ និងការទំនាក់ទំនងទាំងអស់ ពាក់ព័ន្ធទៅនឹងអំណោយ ការទូទាត់ និងអត្ថប្រយោជន៍ដែលផ្តល់ឱ្យលោក ត្រាំ ឬសហការីរបស់គាត់ ក៏ដូចជាកំណត់ហេតុនៃអ្នកទស្សនាផងដែរ។

យោងតាមលោក Raskin ការស៊ើបអង្កេតទាំងនេះ នឹងពិនិត្យមើលថាតើ FIFA មាន “យុទ្ធនាការរយៈពេលវែង” ដើម្បីស្វែងរកការពេញចិត្តពីរដ្ឋបាលលោក ត្រាំ ដែរឬទេ រួមទាំងការសម្រេចចិត្តរបស់ក្រសួងយុត្តិធម៌សហរដ្ឋអាមេរិកក្នុងការលុបចោលការចោទប្រកាន់ទាក់ទងនឹងអំពើពុករលួយនៅក្នុង FIFA ថែមទៀតផង។

សមាជិកសភាប្រជាធិបតេយ្យរូបនេះ ក៏បានចោទប្រកាន់ FIFA ទៀតថាបានទាញយកប្រយោជន៍ពីទំនាក់ទំនងរបស់ខ្លួនជាមួយរដ្ឋបាលលោក ត្រាំ ដើម្បី “បំប៉ោងតម្លៃដោយខុសច្បាប់ និងលក់សំបុត្រក្លែងក្លាយ” សម្រាប់ព្រឹត្តិការណ៍ World Cup ឆ្នាំ២០២៦ កន្លងទៅ។

ជម្រាបជូនផងដែរថា ទំនាក់ទំនងរវាងប្រធានាធិបតីអាមេរិក និងប្រធាន FIFA បានក្លាយជាចំណុចដ៏ក្តៅគគុកនៃការចាប់អារម្មណ៍ពីមហាជន ក្នុងអំឡុងពេលព្រឹត្តិការណ៍បាល់ទាត់ពិភពលោក ឆ្នាំ២០២៦ ដែលរៀបចំធ្វើឡើងលើទឹកដីសហរដ្ឋអាមេរិក ម៉ិកស៊ិក និងកាណាដា នាពេលកន្លងទៅថ្មីៗនេះ៕​

The post អ្នកតាក់តែងច្បាប់អាមេរិក ទទូចឲ្យមានការស៊ើបអង្កេតលើប្រធាន FIFA ជុំវិញទំនាក់ទំនងជាមួយលោក ត្រាំ appeared first on .

នៅក្នុងការអាប់ដេតតម្លៃដោះដូរដោយគេហទំព័រទិន្នន័យកីឡាអាល្លឺម៉ង់ Transfermarkt បន្ទាប់ពីព្រឹត្តិការណ៍ World Cup ឆ្នាំ២០២៦ នេះ បានបង្ហាញថា តម្លៃខ្លួនរបស់ Yamal និង Haaland បានកើនឡើង ២០លានអឺរ៉ូ (២២,៨លានដុល្លារ) បន្ថែមទៀត ដែលធ្វើឲ្យតម្លៃខ្លួនសរុបរបស់ពួកគេ ឈានដល់ ២២០លានអឺរ៉ូ (២៥១លានដុល្លារ) និងក្លាយជាកីឡាករមានតម្លៃខ្លួនថ្លៃបំផុតរបស់ពិភពលោក ផងដែរ។

យ៉ាងណាមិញ ការដែល Yamal និង Haaland បានឈានដល់ស្តង់ដារដ៏ខ្ពស់ក្នុងពេលតែមួយបែបនេះ បានបង្ហាញថាតម្លៃទីផ្សារកីឡាករបាល់ទាត់កំពុងកើនឡើងឥតឈប់ឈរ ហើយក្លិបយក្សនានាកំពុងមានឆន្ទៈក្នុងការចំណាយទឹកប្រាក់ច្រើនលើសលប់ទៅលលើតារាវ័យក្មេងដែលមានសមត្ថភាព។

គួរជម្រាបជូនផងដែរថា ព្រឹត្តិការណ៍ World Cup ឆ្នាំ២០២៦ បានរួមចំណែកយ៉ាងសំខាន់ដល់ការកើនឡើងនៃតម្លៃខ្លួនកីឡាករនេះ។ Yamal ដែលមានវ័យទើប ១៩ឆ្នាំ បានក្លាយជាកីឡាករដ៏លេចធ្លោ និងបានរួមចំណែកជួយឲ្យក្រមជម្រើសជាតិអេស្ប៉ាញក្លាយម្ចាស់ជើងឯកនៅឆ្នាំនេះ ខណៈពេលដែល Haaland មានវ័យ ២៥ឆ្នាំ បានបន្តពង្រឹងតំណែងរបស់រូបគេជាខ្សែប្រយុទ្ធឈានមុខគេម្នាក់របស់ពិភពលោកផងដែរ៕

The post តារាបាល់ទាត់ Haaland និង Yamal ឡើងកូដខ្លាំងក្រោយ World Cup ខណៈតម្លៃខ្លួនហក់ឡើងដល់ ២៥០លានដុល្លារ appeared first on .

យោងតាមលោក លោក Brian Moynihan នាយកប្រតិបត្តិធនាគារ Bank of America (BofA) បាននិយាយនៅក្នុងបទសម្ភាសជាមួយ CBS នៅថ្ងៃទី១៩ ខែកក្កដាថា ៖”យោងតាមក្រុមស្រាវជ្រាវរបស់យើង តម្លៃសេដ្ឋកិច្ចសរុបដែល FIFA នឹងបង្កើតពីការប្រកួតនេះគឺប្រហែល ៤០ពាន់លានដុល្លារ ដែលក្នុងនោះ ២០ពាន់លានដុល្លារចូលទៅក្នុងសហរដ្ឋអាមេរិក”។

គួរឲ្យដឹងផងដែរថា ទីក្រុងធំៗដែលរៀបចំធ្វើជាម្ចាស់ផ្ទះសម្រាប់ការប្រកួត ដូចជាទីក្រុង Kansas ជាដើមនោះ កំពុងទទួលបានកំណើនសេដ្ឋកិច្ចលឿនជាមុន និងការប្រើប្រាស់កើនឡើងយ៉ាងខ្លាំង បើធៀបទៅនឹងទីក្រុងផ្សេងទៀត ដែលត្រូវបានជំរុញដោយព្រឹត្តិការណ៍ប្រកួតបាល់ទាត់ដ៏ធំបំផុតមួយនេះ។

លោក Brian ក៏បានអះអាងទៀតផងដែរថា ការប៉ាន់ប្រមាណប្រាក់ចំណេញរបស់សហរដ្ឋអាមេរិកពីការប្រកួតគួរតែរួមបញ្ចូលទាំងការចំណាយនៅតាមភោជនីយដ្ឋាន បារ និងអាជីវកម្មប្រពៃណីផ្សេងទៀត មិនមែនគ្រាន់តែនៅក្នុងពហុកីឡដ្ឋាននោះទេ។

ទន្ទឹមនឹងនេះ យោងតាមគណៈកម្មាធិការរៀបចំព្រឹត្តិការណ៍ប World Cup ប្រចាំនៅញូវយ៉ក/ញូវជើស៊ី អ្នកគាំទ្របានចំណាយប្រហែល ១,២ពាន់លានដុល្លារនៅក្នុងតំបន់នេះក្នុងខែមិថុនាតែមួយ ដែលបង្កើតការជំរុញសេដ្ឋកិច្ចចំនួន ២,១ពាន់លានដុល្លារ និងរួមចំណែកដល់ប្រាក់ចំណូលពីពន្ធចំនួន ២២៨លានដុល្លារ។

មិនតែប៉ុណ្ណោះទីក្រុងម្ចាស់ផ្ទះដែលរៀបចំការប្រកួត ក៏បានឃើញការកើនឡើងគួរឱ្យកត់សម្គាល់នៃការចំណាយនៅតាមភោជនីយដ្ឋាន និងហាងបែបប្រពៃណីនៅក្នុងសប្តាហ៍ដំបូងនៃការប្រកួត ខណៈពេលដែលទីក្រុងដែលមិនមែនជាម្ចាស់ផ្ទះបានឃើញការកើនឡើងតិចតួច ផងដែរ។ បន្ថែមពីលើទីក្រុងធំៗដូចជាញូវយ៉ក និងឡូសអាន់ជឺឡេស ទីក្រុងជាច្រើនទៀតដូចជាហ្វីឡាដែលហ្វៀ និងកានសាសស៊ីធី ក៏បានឃើញការកើនឡើងនៃចំនួនអ្នកទេសចរផងដែរ។

ជម្រាបជូនថា ព្រឹត្តិការណ៍បាល់ទាត់ពិភពលោកឆ្នាំ២០២៦ បានធ្វើឡើងចាប់ពីថ្ងៃទី១១ ខែមិថុនា ដល់វគ្គផ្តាច់ព្រ័ត្រនៅថ្ងៃទី១៩ ខែកក្កដា ដោយអេស្ប៉ាញបានឈ្នះជើងឯក បន្ទាប់ពីទទួលបានជ័យជម្នះ ក្នុងលទ្ធផល ១-០ លើក្រុមការពារតំណែងជើងឯកអាហ្សង់ទីន។ ការប្រកួតនេះត្រូវបានធ្វើឡើងនៅក្នុងទីក្រុងចំនួន ១៦ នៅទូទាំងសហរដ្ឋអាមេរិក ម៉ិកស៊ិក និងកាណាដា៕​

The post អាមេរិក ទំនងកើបលុយបាន ២០ពាន់លានដុល្លារពីព្រឹត្តិការណ៍បាល់ទាត់ពិភពលោក FIFA World Cup appeared first on .

លោក ត្រាំ បានលើកឡើងបែបនេះ រួមជាមួយប្រធានសហព័ន្ធបាល់ទាត់ពិភពលោក FIFA លោក Gianni Infantino នៅក្នុងព្រឹត្តិការណ៍មួយនៅ Trump Tower ក្នុងទីក្រុងញូវយ៉ក ដោយនិយាយបន្ថែមទៀតថា ៖”អ្វីដែលយើងគួរធ្វើគឺជ្រើសរើសសហរដ្ឋអាមេរិកធ្វើជាម្ចាស់ផ្ទះម្តងទៀត លើកនេះដោយគ្មានប្រទេសម៉ិកស៊ិក និងកាណាដា”។

គួរឲ្យដឹងថា FIFA ពីមុនបានជ្រើសរើសប្រទេសអេស្ប៉ាញ ព័រទុយហ្គាល់ និងម៉ារ៉ុកធ្វើជាសហម្ចាស់នៃព្រឹត្តិការណ៍បាល់ទាត់ពិភពលោកឆ្នាំ២០៣០ ហើយក៏បានគ្រោងនឹងរៀបចំការប្រកួតបើកឆាកនៃព្រឹត្តិការណ៍នេះ នៅក្នុងប្រទេសបីផ្សេងទៀត រួមមានអាហ្សង់ទីន ប៉ារ៉ាហ្គាយ និងអ៊ុយរូហ្គាយ ដើម្បីអបអរសាទរខួបលើកទី១០០ នៃព្រឹត្តិការណ៍បាល់ទាត់ដ៏ធំបំផុតរបស់ពិភពលោកនេះ ផងដែរ។ ហើយបន្ទាប់ពីនោះ ប្រទេសអារ៉ាប៊ីសាអូឌីតនឹងត្រូវធ្វើជាម្ចាស់ផ្ទះព្រឹត្តិការណ៍បាល់ទាត់ពិភពលោកឆ្នាំ២០៣៤។

យ៉ាងណាមិញ មិនទាន់មានប្រទេសណាមួយទទួលបានសិទ្ធិធ្វើជាម្ចាស់ផ្ទះសម្រាប់ព្រឹត្តិការណ៍បាល់ទាត់ពិភពលោកឆ្នាំ២០៣៨ នៅឡើយទេ។ ហើយក្រោយមក លោក ត្រាំ បាននិយាយថា លោក Infantino ធ្លាប់បានលើកឡើងពីគំនិតដែលសហរដ្ឋអាមេរិក និងចិន គួរតែធ្វើជាម្ចាស់ផ្ទះរួមគ្នាសម្រាប់ព្រឹត្តិការណ៍ World Cup នាពេលអនាគតផងដែរ។

ជម្រាបជូនថា សហរដ្ឋអាមេរិក កាណាដា និងម៉ិកស៊ិក បានធ្វើជាម្ចាស់ផ្ទះរួមគ្នាសម្រាប់ព្រឹត្តិការណ៍ World Cup ឆ្នាំ២០២៦ ដែលជាការប្រកួតដំបូងដែលបានពង្រីកពី ៣២ ទៅ ៤៨ ក្រុម ដោយមានការប្រកួតសរុបចំនួន ១០៤ ប្រកួត ដែលជំនួសឲ្យ ៦៤ ប្រកួតកាលពីមុន៕​

The post លោក ត្រាំ បំផុសគំនិតថាសហរដ្ឋអាមេរិកអាចនឹងបន្តធ្វើជាម្ចាស់ផ្ទះរៀបចំប្រកួត World Cup តែម្នាក់ឯង appeared first on .

តាមរយៈការប្រកាសនៅលើគេហទំព័រផ្លូការបរស់ខ្លួន សហព័ន្ធបាល់ទាត់ពិភពលោក (FIFA) បាននិយាយថា ប្រទេសដែលឈ្នះការប្រកួត World Cup នៅឆ្នាំនេះ នឹងទទួលបាន ‘ចិញ្ចៀនជើងឯក’ ឬ ‘Championship Ring’ ដែលផលិតឡើងយ៉ាងពិសេសជាលើកដំបូងក្នុងប្រវត្តិសាស្ត្រ”។

គួរឲ្យដឹងទៀតផងដែរថា យោងតាម FIFA ចិញ្ចៀនចំនួន ៣០ វង់ នឹងត្រូវប្រគល់ជូនប្រទេសដែលឈ្នះពាន រួមទាំងកីឡាករ ក្រុមការងារគ្រូបង្វឹក និងបុគ្គលិក ខណៈចិញ្ចៀនចំនួន ១ ៩៩៦ វង់ផ្សេងទៀត នឹងត្រូវលក់ទៅឱ្យអ្នកគាំទ្រទូទាំងពិភពលោក។ ហើយចិញ្ចៀននីមួយៗ ត្រូវបានផលិតឡើងជាពិសេសដោយភ្ជាប់មកជាមួយលេខកូដ និងវិញ្ញាបនបត្របញ្ជាក់ភាពត្រឹមត្រូវ។

FIFA បានបញ្ជាក់ទៀតថា ក្រោយការប្រកួតវគ្គផ្តាច់ព្រ័ត្រចប់ភ្លាម ប្រធានក្រុម និងគ្រូបង្វឹកនៃប្រទេសដែលឈ្នះ នឹងទទួលបានចិញ្ចៀនតំណាងបណ្ដោះអាសន្នសិន ហើយនៅថ្ងៃបន្ទាប់ ចិញ្ចៀនចំនួន ៣០ សម្រាប់អ្នកឈ្នះនឹងត្រូវឆ្លងកាត់ការផលិតតម្រូវតាមម្រាមដៃរបស់កីឡាករ និងបុគ្គលិកម្នាក់ៗ។

ជម្រាបជូនផងដែរថា ក្រុមជម្រើសជាតិអាហ្សង់ទីន ដែលជាក្រុមការពារតំណែងជើងឯក នឹងត្រូវលេងទល់ក្រុមគោជល់អេស្ប៉ាញ នៅវគ្គផ្តាច់ព្រ័ត្រពានរង្វាន់ FIFA World Cup ឆ្នាំ២០២៦ នាវេលាម៉ោង ២ រំលងអាធ្រត្រ ឈានចូលថ្ងៃទី២០ ខែកក្កដា នៅកីឡដ្ឋាន MetLife ទីក្រុង New York សហរដ្ឋអាមេរិក៕​

The post FIFA ត្រៀមចិញ្ចៀនមាសដាំពេជ្រពិសេស សម្រាប់ប្រគល់ជូនក្រុមឈ្នះពាន World Cup ឆ្នាំនេះ appeared first on .

តុក្កតា Jaguar Zayu ដែលតំណាងឱ្យប្រទេសម៉ិកស៊ិក និងតុក្កតា Moose Maple ដែលតំណាងឱ្យប្រទេសកាណាដា ត្រូវបានគេរាយការណ៍ថា លក់អស់គ្មានសល់ នៅលើគេហទំព័ររបស់ផ្លូវការរបស់ Jazwares។ តុក្កតាទាំងនេះមានតម្លៃប្រមាណ ១២,៩៩ដុល្លារ។

យ៉ាងណាមិញ សម្រាប់តុក្កតា Bald Eagle ដែលតំណាងឱ្យសហរដ្ឋអាមេរិក នៅតែមានដាក់លក់ជាមួយនឹងការបញ្ចុះតម្លៃពិសេស ៣០% នៅត្រឹម ៩,១០ដុល្លារ។ ក្រុមហ៊ុន Jazwares ក៏មានដាក់លក់តុក្កតាពាក់ព័ន្ធនឹងព្រឹត្តិការណ៍ World Cup ជាច្រើនទៀតផងដែរ ដោយសុទ្ធសឹងតែលក់អស់គ្មានសល់។

ក្រុមហ៊ុន Jazwares ត្រូវបានបង្កើតឡើងដំបូងក្នុងឆ្នាំ១៩៩៧ នៅទីក្រុង Sunrise រដ្ឋ Florida។ នៅឆ្នាំ២០២២ Berkshire Hathaway បានទិញយកក្រុមហ៊ុនផលិតតុក្កតាដ៏ធំមួយនេះតាមរយៈក្រុមហ៊ុនបុត្រសម្ព័ន្ធរបស់ខ្លួនគឺ Alleghany Corporation ។

គួរជម្រាបជូនថា នៅលើឆាកអន្តរជាតិ ក្រុមហ៊ុនដែលគ្រប់គ្រងដោយ Berkshire Hathaway ក៏ត្រូវបានគេស្គាល់យ៉ាងច្បាស់ថាជាម្ចាស់ និងកាន់កាប់អាជ្ញាប័ណ្ណចែកចាយសម្រាប់ម៉ាកប្រដាប់ក្មេងលេង និងសិទ្ធិផ្តាច់មុខ រួមមាន Squishmallows, Pokemon, Hello Kitty, Star Wars និង Disney ផងដែរ៕​

The post ក្រុមហ៊ុនបិតាវិនិយោគ Warren Buffett បញ្ចេញតុក្កតាតំណាងម្ចាស់ផ្ទះរៀបចំ World Cup ដាក់លក់ដាច់គ្មានសល់ appeared first on .

យោងតាមលោកស្រី Caroline Leavitt លេខាធិការសារព័ត៌មានសេតវិមានបានប្រកាសនៅថ្ងៃទី១៦ ខែកក្កដាថា លោក ត្រាំ នឹងចូលរួមទស្សនាការប្រកួតរវាងក្រុមជម្រើសជាតិអេស្ប៉ាញ និងអាហ្សង់ទីន នៅថ្ងៃទី១៩ ខែកក្កដា នៅឯពហុកីឡដ្ឋាន New York New Jersey។

ទន្ទឹមនឹងនេះ លោក Gianni Infantino ប្រធានសហព័ន្ធបាល់ទាត់ពិភពលោក FIFA ក៏បានឲ្យដឹងផងដែរថា លោក ត្រាំ នឹងជាអ្នកប្រគល់ពានរង្វាន់ World Cup ដល់ក្រុមដែលឈ្នះដោយផ្ទាល់។

គួររំឮកផងដែរថា នៅក្នុងវគ្គផ្តាច់ព្រ័ត្រនៃព្រឹត្តិការណ៍បាល់ទាត់ពិភពលោកឆ្នាំ២០២២ ព្រះមហាក្សត្រនៃប្រទេសកាតា ព្រះអង្គម្ចាស់ Sheikh Tamim bin Hamad al-Thani រួមជាមួយលោក Infantino បានប្រគល់ពានរង្វាន់ World Cup ដោយផ្ទាល់ជូនទៅកាន់កីឡាករ Lionel Messi នៅពេលក្រុមជម្រើសជាតិអាហ្សង់ទីនក្លាយជាម្ចាស់ជើងឯក។

ដូចគ្នានេះផងដែរ ប្រធានាធិបតីរុស្ស៊ី លោក Vladimir Putin ក៏ធ្លាប់បានប្រគល់ពានរង្វាន់នេះដល់ជូនកីឡាករ Kylian Mbappe និងក្រុមជម្រើសជាតិបារាំង បន្ទាប់ពីពួកគេទទួលបានជ័យជម្នះ នៅក្នុងព្រឹត្តិការណ៍បាល់ទាត់ពិភពលោកឆ្នាំ២០១៨ ដែលរៀបចំធ្វើឡើង នៅក្នុងប្រទេសរុស្ស៊ី៕

The post លោក ត្រាំ នឹងបង្ហាញវត្តមាននៅក្នុងការប្រកួតពានរង្វាន់ FIFA World Cup វគ្គផ្តាច់ព្រ័ត្រ appeared first on .

រំឮកផងដែរថា នៅក្នុងអំឡូងការសន្ទនាជាមួយអ្នកកាសែត Pier Morgan មុនពេលព្រឹត្តិការណ៍បាល់ទាត់ពិភពលោក Ronaldo បានចែករំលែកថារូបលោកចង់ឈ្នះការប្រកួត World Cup ហើយរៀបការបន្ទាប់ពីនោះ។ ប៉ុន្តែបន្ទាប់ពីបរាជ័យក្នុងការសម្រេចគោលដៅទីមួយ មានពាក្យចចាមអារ៉ាមថា គោលដៅទីពីរក៏នឹងត្រូវបានពន្យារពេលផងដែរ។

ជាមួយគ្នានេះ យោងតាមទំព័រអ្នកគាំទ្របាល់ទាត់ Football & Witball បានសរសេរផងដែរថា ៖”បន្ទាប់ពីការធ្លាក់ចេញរបស់ក្រុមព័រទុយហ្គាល់ ក្រោមថ្វីជើងរបស់អេស្ប៉ាញមក Ronaldo ត្រូវបានគេរាយការណ៍ថាមានអារម្មណ៍ថា ពិធីមង្គលការរបស់លោក ហាក់ដូចជាការអបអរសាទរជ័យជម្នះ World Cup របស់អ្នកដទៃ។ ដូច្នេះហើយ ទើបអនាគតគូស្វាមីភរិយានេះ បានសម្រេចចិត្តពន្យារពេលពិធីមង្គលការវិញ”។

គួរជម្រាបជូនថា ដំបូងឡើយ គូស្នេហ៍នេះ គ្រោងនឹងរៀបចំពិធីមង្គលការភ្លាមៗបន្ទាប់ពីព្រឹត្តិការណ៍ World Cup ដើម្បីអបអរសាទរទាំងភាពជោគជ័យក្នុងអាជីព និងសុភមង្គលគ្រួសារ។ តែទោះជាយ៉ាងណាក៏ដោយ ក្តីស្រមៃរបស់ Ronaldo ក្នុងព្រឹត្តិការណ៍ World Cup ត្រូវបានបំផ្លាញដោយការចាញ់ក្រុមជម្រើសជាតិអេស្ប៉ាញ ក្នុងលទ្ធផល ០-១ របស់ក្រុមព័រទុយហ្គាល់ នៅវគ្គ១៦ ក្រុមចុងក្រោយ កាលពីថ្ងៃទី៧ ខែកក្កដាកន្លងទៅ៕​

The post មហាសេដ្ឋីបាល់ទាត់ Ronaldo ទំនងពន្យារពេលពិធីមង្គលការ ក្រោយព័រទុយហ្គាល់ធ្លាក់ពី World Cup appeared first on .

ជុំវិញការផ្តល់ជូនរង្វាន់នេះ គឺសម្រាប់គណៈប្រតិភូទាំងមូលរបស់ក្រុមជម្រើសជាតិអេហ្ស៊ីប ចំនួន ៥៩ នាក់ រួមទាំងកីឡាករ គ្រូបង្វឹក និងបុគ្គលិកបច្ចេកទេស ផ្នែករដ្ឋបាល និងផ្នែកវេជ្ជសាស្ត្រ ផងដែរ។

យ៉ាងណាមិញ អ្នកនាំពាក្យក្រុមហ៊ុន Al Habtoor Group របស់មហាសេដ្ឋីឌុយបៃលោក Khalaf Al Habtoor បានប្រាប់សារព័ត៌មាន The National ថា រថយន្ត Mitsubishi Eclipse Cross crossovers កំពុងត្រូវបានរៀបចំសម្រាប់ការដឹកជញ្ជូន និងប្រគល់ទៅឲ្យសមាគមបាល់ទាត់អេហ្ស៊ីប។

គួរឲ្យដឹងថា រថយន្ត Mitsubishi Eclipse Cross នីមួយៗលក់រាយនៅអារ៉ាប់រួមក្នុងតម្លៃប្រហែល ១០៧ ០០០ ឌីរ៉ាម ឬស្មើនឹងប្រមាណ ២៩ ០០០ដុល្លារ ដែលធ្វើឱ្យតម្លៃសរុបនៃអំណោយនេះមានចំនួនជិត ១,៧លានដុល្លារ។

លោក Al Habtoor បានសរសេរនៅលើប​ណ្តាញសង្គម X បន្ទាប់ពីក្រុមអេហ្ស៊ីបបានចាញ់ក្រុមការពារតំណែងជើងឯកអាហ្សង់ទីន ដោយលទ្ធផល ៣-២ បន្ទាប់ពីបាននាំមុខមុន ២-០ សម្រាប់ការប្រកួតវគ្គ ១៦ ក្រុមចុងក្រោយ នៅថ្ងៃទី៧ ខែកក្កដាថា ៖” លទ្ធផលដ៏អស្ចារ្យរបស់អេហ្ស៊ីបនៅថ្ងៃនេះ គឺជាសេចក្តីរីករាយរបស់ប្រជាជនអារ៉ាប់គ្រប់រូប” ។

ជម្រាបជូនថា ក្រុមអេហ្ស៊ីបបានឡើងដល់វគ្គ ១៦ក្រុមចុងក្រោយនៃព្រឹត្តិការណ៍បាល់ទាត់ពិភពលោក World Cup ជាលើកដំបូង ដោយស្មើជាមួយក្រុមបែលហ្ស៊ិក និងអ៊ីរ៉ង់ និងយកឈ្នះក្រុមនូវែលសេឡង់ក្នុងវគ្គចែកពូល មុនពេលយកឈ្នះអូស្ត្រាលីដោយការទាត់បាល់ប៉េណាល់ទីក្នុងវគ្គជម្រុះ ដើម្បីឡើងទៅវគ្គ១៦ ក្រុមចុងក្រោយ៕

The post មហាសេដ្ឋីឌុយបៃម្នាក់ ទិញឡាន ៥៩ គ្រឿងចែកជូនក្រុមជម្រើសជាតិអេហ្ស៊ីប ក្រោយឡើងដល់វគ្គជ្រៅនៅ World Cup appeared first on .

លោក Mariano តែងតែបង្ហាញពីទស្សនៈផ្ទាល់ខ្លួនផ្សេងៗ បន្ទាប់ពីការប្រកួតនៅក្នុងពានរង្វាន់ World Cup នីមួយៗរបស់ក្រុមជម្រើសជាតិអេស្ប៉ាញ ខណៈពេលដែលបារាំង និងត្រូវប៉ះជាមួយអេស្ប៉ាញ នៅក្នុងវគ្គពាក់កណ្តាលផ្តាច់ព្រ័ត្រ នៅថ្ងៃទី១៤ ខែកក្កដាខាងមុខ។

មិនតែប៉ុណ្ណោះ អតីតនាយករដ្ឋមន្ត្រីរបស់បក្សអភិរក្សនិយម ដែលបានដឹកនាំរដ្ឋាភិបាលអេស្ប៉ាញពីឆ្នាំ២០១១ ដល់ឆ្នាំ២០១៨ បានទទួលស្គាល់ថា ក្រុមបារាំងបានឈ្នះពាន World Cup ពីរដង និងបានឈ្នះគ្រប់ការប្រកួត នៅក្នុងពាន World Cup នៅឆ្នាំនេះ ប៉ុន្តែលោកនៅតែទទូចថា ពួកគេហាក់គ្មានកីឡាករដែលមានសញ្ជាតិដើមបារាំងនោះឡើយ។ យ៉ាងណាមិញ ចំពោះមតិយោបល់នេះ គឺចង់សំដៅលើថាកីឡាករភាគច្រើននៅក្នុងក្រុមជម្រើសជាតិបារាំងមានដើមកំណើតជាជនអន្តោប្រវេសន៍ ឬមកពីអតីតអាណានិគមបារាំងប៉ុណ្ណោះ។

ប៉ុន្តែទន្ទឹមនឹងនេះ លោក Jose Cepeda សមាជិកសភាអឺរ៉ុបមកពីគណបក្សកម្មករសង្គមនិយមអេស្ប៉ាញ (PSOE) ដែលកំពុងកាន់អំណាច បានរិះគន់ការអត្ថាធិប្បាយរបស់លោក Rajoy ថាជាការរើសអើងជាតិសាសន៍ និងស្អប់ជនបរទេស ដោយសង្កត់ធ្ងន់ថា វាជារឿងអាម៉ាស់សម្រាប់អតីតមេដឹកនាំក្នុងការធ្វើសេចក្តីថ្លែងការណ៍បែបនេះ។

គួរជម្រាបជូនផងដែរថា តាមពិតទៅ ក្នុងចំណោមកីឡាករ ២៦នាក់ ដែលត្រូវបានគ្រូបង្វឹកជម្រើសជាតិបារាំងលោក Didier Deschamps កោះហៅសម្រាប់ការប្រកួតនេះ មានតែបីនាក់ប៉ុណ្ណោះដែលកើតនៅខាងក្រៅប្រទេសបារាំងដូចជា Michael Olise ដែលបានកើតនៅទីក្រុងឡុងដ៍ , Marcus Thuram កើតនៅទីក្រុង Parma ប្រទេសអ៊ីតាលី និងBrice Samba កើតនៅសាធារណរដ្ឋប្រជាធិបតេយ្យកុងហ្គោ៕​

The post អតីតនាយករដ្ឋមន្ត្រីអេស្ប៉ាញ រិះគន់ក្រុមបាល់ទាត់ជម្រើសជាតិបារាំងថាមិនសូវមានកីឡាករសញ្ជាតិដើម appeared first on .