ក្រុមហ៊ុន Intel បានសន្យាវិនិយោគចុងក្រោយបង្អស់ដែលមានតម្លៃរហូតដល់ ៨៦០លានរីងហ្គីត ឬស្មើទៅនឹង ២០៨លានដុល្លារ ក្នុងអំឡុងពេលកិច្ចប្រជុំជាមួយនាកយរដ្ឋមន្ត្រីម៉ាឡេស៊ី លោក Anwar Ibrahim និងនាយកប្រតិបត្តិក្រុមហ៊ុន Intel លោក Lip-Bu Tan។

ក្នុងអំឡុងកិច្ចប្រជុំនោះ លោក Anwar បាននិយាយថា ការវិនិយោគចុងក្រោយនេះ​ គឺត្រូវបានធ្វើឡើង បន្ទាប់ពីរោងចក្រវេចខ្ចប់ទំនើបរបស់ក្រុមហ៊ុន Intel នៅក្នុងរដ្ឋ Penang ដែលពាក់ព័ន្ធទៅនឹងការចំណាយដើមនទុនសរុបប្រមាណ ១២ពាន់លានរីងហ្គីត បានបញ្ចប់ការសាងសង់ ៩៩% ហើយ។ ក្រុមហ៊ុនអាមេរិក បានប្តេជ្ញាវិនិយោគរហូតដល់ទៅ ៧ពាន់លានដុល្លារ នៅក្នុងទីតាំងនេះ នៅឆ្នាំ២០២១។

មិនតែប៉ុណ្ណោះ ការវិនិយោគចុងក្រោយបង្អស់នេះ គឺជាការជំរុញដល់ប្រទេសក្នុងតំបន់អាស៊ីអាគ្នេយ៍ ដែលជាអ្នកដើរតួយ៉ាងសំខាន់រួចទៅហើយនៅក្នុងឧស្សាហកម្មបន្ទះឈីប ហើយកំពុងស្វែងរកការពង្រឹងតួនាទីរបស់ខ្លួន នៅក្នុងខ្សែសង្វាក់ផ្គត់ផ្គង់បន្ទះឈីប និងផ្លាស់ប្តូរទៅជាឧស្សាហកម្មបច្ចេកវិទ្យាកម្រិតខ្ពស់។

ជម្រាបជូនថា បើយោងតាមអ្នកវិភាគ ម៉ាឡេស៊ី គឺជាប្រទេសនាំចេញបន្ទះឈីបធំជាងគេទីប្រាំមួយរបស់ពិភពលោក ដែលមានចំនួន ១៣% នៃទីផ្សារផ្គុំ ការធ្វើតេស្ត និងវេចខ្ចប់ទូទាំងពិភពលោក៕​

The post ក្រុមហ៊ុន Intel គ្រោងបោះលុយវិនិយោគជាង ២០០លានដុល្លារបន្ថែម នៅក្នុងប្រទេសម៉ាឡេស៊ី appeared first on .

ជុំវិញការប្រកាសនេះ ត្រូវបានធ្វើឡើងដោយលោក Kenneth Tse អគ្គនាយកក្រុមហ៊ុន Intel Products Vietnam (IPV) ក្នុងអំឡុងពេលកិច្ចប្រជុំធ្វើការជាមួយប្រធានគណៈកម្មាធិការប្រជាជនទីក្រុងហូជីមិញ លោក Nguyen Van Duoc នៅឧទ្យានបច្ចេកវិទ្យាខ្ពស់ទីក្រុងហូជីមិញ (SHTP) កាលពីពេលថ្មីៗនេះ។

មិនតែប៉ុណ្ណោះ យោងតាមលោក Kenneth បានបង្ហាញឲ្យដឹងទៀតថា ក្រុមហ៊ុន Intel កំពុងស្ថិតនៅក្នុងដំណើរការផ្លាស់ប្តូរយុទ្ធសាស្រ្តសកលរបស់ខ្លួន ដោយធ្វើការកែតម្រូវដើម្បីបង្កើនប្រសិទ្ធភាពប្រតិបត្តិការផលិតកម្ម និងការប្រកួតប្រជែង។ ជាពិសេស ក្រុមហ៊ុនខ្នាតយក្សរបស់អាមេរិកនេះ មានគម្រោងផ្លាស់ប្តូរសកម្មភាពផ្គុំ វេចខ្ចប់ និងសាកល្បងពីរោងចក្រនៅកូស្តារីការបស់ខ្លួន ទៅកាន់ប្រទេសវៀតណាមជំនួសវិញ។

គួរឲ្យដឹងថា កាលពីដើមខែនេះ ក្រុមហ៊ុន Intel បានចាប់ផ្តើមជ្រើសរើសបុគ្គលិកបន្ថែមនៅក្នុងប្រទេសវៀតណាមរហូតដល់ឆ្នាំ២០២៥ ជាចម្បងសម្រាប់អ្នកបច្ចេកទេសផលិតកម្ម។

ជម្រាបជូនផងដែរថា រោងចក្រ Intel នៅវៀតណាមបច្ចុប្បន្នគឺជាកន្លែងផ្គុំ និងសាកល្បងធំជាងគេរបស់ក្រុមហ៊ុន ដែលមានចំនួនជាង ៥០% នៃផលិតកម្មសរុប និងបង្កើតការងារជាង ៦ ០០០ កន្លែង។ រោងចក្រនេះ អនុវត្តបច្ចេកវិទ្យាថ្មី រួមទាំងខ្សែសង្វាក់ផលិតផលបន្ទះឈីប 18A ទំនើបបំផុតរបស់ក្រុមហ៊ុនផងដែរ៕

The post ក្រុមហ៊ុនបន្ទះឈីបកំពូល Intel គ្រោងផ្លាស់ប្តូរផលិតកម្មបន្ថែម ទៅកាន់ប្រទេសវៀតណាម appeared first on .

កាលពីថ្ងៃទី១៨ ខែកញ្ញា ក្រុមហ៊ុនផលិតបន្ទះឈីប Nvidia បានប្រកាសថាខ្លួននឹងវិនិយោគទឹកប្រាក់ចំនួន ៥ពាន់លានដុល្លារ នៅក្នុងក្រុមហ៊ុន Intel ដើម្បីបង្កើតមជ្ឈមណ្ឌលផ្ទុកទិន្នន័យ និងបន្ទះឈីបកុំព្យូទ័រ។

យ៉ាងណាមិញ ជុំវិញកិច្ចព្រមព្រៀងចុងក្រោយនេះ នឹងធ្វើឲ្យក្រុមហ៊ុន Nvidia ក្លាយជាម្ចាស់ភាគហ៊ុនធំជាងគេបំផុតមួយរបស់ Intel ជាមួយការកាន់កាប់ភាគហ៊ុនសរុប ៤%។

ជម្រាបជូនផងដែរថា ជុំវិញការវិនិយោគថ្មីៗចុងក្រោយនេះ​ ត្រូវបានកើតឡើង ចំពេលតម្លៃភាគហ៊ុនរបស់ Intel បានធ្លាក់ចុះដល់ចំណុចទាបបំផុតរបស់ពួកគេ គិតចាប់ពីដើមឆ្នាំនេះ។ ប៉ុន្តែយ៉ាងណា​ ភាគហ៊ុនបានចាប់ផ្តើមងើបឡើងវិញ បន្ទាប់ពីទទួលបានការគាំត្រពីរដ្ឋបាលប្រធានាធិបតីអាមេរិក លោក ដូណាល់ ត្រាំ។

កាលពីខែមុន រដ្ឋាភិបាលសហរដ្ឋអាមេរិកបានទិញភាគហ៊ុន ១០% នៅក្នុងក្រុមហ៊ុនផលិតបន្ទះឈីបនេះក្នុងតម្លៃជិត ៩ពាន់លានដុល្លារ។ ហើយជាមួយគ្នានេះ SoftBank ក៏បានវិនិយោគ ២ពាន់លានដុល្លារនៅក្នុងក្រុមហ៊ុន Intel កាលពីក្នុងខែសីហា ផងដែរ៕

The post ស្ងាត់ៗ Nvidia បោះទុនវិនិយោគ ៥ពាន់លានដុល្លារ នៅក្នុងក្រុមហ៊ុនគូប្រជែង Intel appeared first on .

នៅក្រោមកិច្ចព្រមព្រៀងនេះ មានន័យថាសេតវិមាននឹងទិញយកភាគហ៊ុន ៩,៩% នៃក្រុមហ៊ុន Intel ក្នុងតម្លៃប្រមាណ ៨,៩ពាន់លានដុល្លារ ឬ ២០,៤០ដុល្លារ ក្នុងមួយហ៊ុន។

យ៉ាងណាមិញ កិច្ចព្រមព្រៀងនេះ ហាក់បានបន្ធូរបន្ថយភាពតានតឹងរវាងលោក ត្រាំ និងនាយកប្រតិបត្តិក្រុមហ៊ុន Intel លោក Lip-Bu Tan ដែលថ្មីៗនេះ ប្រធានាធិបអាមេរិក បានទាមទារឲ្យលោក Tan លាលែងចេញពីតំណែង ជុំវិញទំនាក់ទំនងរបស់លោក ជាមួយក្រុមហ៊ុនចិន។

ជម្រាបជូនផងដែរថា ជុំវិញទិញយកភាគហ៊ុននៅក្នុងក្រុមហ៊ុន Intel របស់សេតវិមាននេះ គឺជាសកម្មភាពចុងក្រោយមួយ ក្នុងការអន្តរាគមន៍របស់រដ្ឋាភិបាលអាមេរិក នៅក្នុងក្រុមហ៊ុនបន្ទះឈីបអាមេរិក ក្រោមការដឹកនាំរបស់លោក ត្រាំ បន្ទាប់ពីមានការប្រកាសកាលពីដើមខែនេះថា រដ្ឋាភិបាលក៏នឹងយក ១៥% នៃប្រាក់ចំណូលរបស់ក្រុមហ៊ុន Nvidia និង AMD ពីការលក់បន្ទះឈីបមួយចំនួនរបស់ពួកគេ ទៅឲ្យប្រទេសចិន ផងដែរ៕​

The post រដ្ឋបាលលោក ត្រាំ ចាយលុយជិត ៩ពាន់លានដុល្លារ ទិញភាគហ៊ុន Intel ១០% មកគ្រប់គ្រង appeared first on .

បន្ទាប់ពីការប្រកាសនេះ នាយកប្រតិបត្តិក្រុមហ៊ុន Intel លោក Lip-Bu Tan បាននិយាយថា ៖”​ស្ថាបនិក SoftBank លោក Masayoshi Son និងខ្ញុំបានធ្វើការជាមួយគ្នាអស់ជាច្រើនទសវត្សមកហើយ”។ ហើយជុំវិញការវិនិយោគចុងក្រោយនេះ​ នឹងធ្វើឲ្យ SoftBank ក្លាយជាម្ចាស់ភាគហ៊ុនធំជាងគេទី៥ របស់ Intel។

គួរឲ្យដឹងថា SoftBank ថ្មីៗនេះ បានបង្កើនការវិនិយោគរបស់ខ្លួន នៅក្នុងទីផ្សារបន្ទះឈីប និង AI ជុំវិញពិភពលោក ដោយពួកគេបានទិញយកក្រុមហ៊ុនផលិតបន្ទះឈីប Arm និងកំពុងស្វែងរកឱកាសទិញយកក្រុមហ៊ុន Ampere Computing មកគ្រប់គ្រងបន្ថែមទៀត ផងដែរ។

មិនតែប៉ុណ្ណោះ ក្រុមហ៊ុនទូរគមនាគមន៍ខ្នាតយក្សរបស់ជប៉ុនមួយនេះ ក៏ជាផ្នែកមួយនៃផែនការ ៥០០ពាន់លានដុល្លារ ក្នុងការវិនិយោគលើហេដ្ឋារចនាសម្ព័ន្ធបញ្ញាសិប្បនិមិត្ត នៅក្នុងសហរដ្ឋអាមេរិក ដោយចាប់ដៃគូជាមួយ Oracle និង OpenAI ។

ជម្រាបជូនថា កាលពីប៉ុន្មានថ្ងៃមុន ប្រព័ន្ធផ្សព្វផ្សាយរបស់អាមេរិក បានរាយការណ៍ថា រដ្ឋបាលរបស់លោក ត្រាំ​ ក៏កំពុងចរចាទិញភាគហ៊ុន នៅក្នុងក្រុមហ៊ុន Intel ផងដែរ ដោយប្រភពជិស្និទ្ធនឹងបញ្ហានេះ បានបង្ហាញថាសេតវិមាន អាចកាន់កាប់ភាគហ៊ុន ១០% នៅក្នុងក្រុមហ៊ុនបន្ទះឈីបនេះ៕​

The post SoftBank គ្រោងចាក់លុយ ២ពាន់លានដុល្លារ វិនិយោគក្នុងក្រុមហ៊ុនបន្ទះឈីប Intel appeared first on .

ជុំវិញការផ្លាស់ប្តូរនេះ កំពុងបង្ហាញពីការចូលរួមអន្តរាគមន៍មួយផ្សេងទៀត របស់ប្រធានាធិបតីអាមេរិក លោក ត្រាំ នៅក្នុងឧស្សាហកម្មដែលត្រូវបានគយល់ឃើញថាមានសារៈសំខាន់ចំពោះសន្តិសុខជាតិ។

តែទោះជាយ៉ាងណាក៏ដោយ ក្រុមហ៊ុន Intel បានបដិសេធមិនធ្វើការអត្ថាធិប្បាយណាមួយជុំវិញរបាយការណ៍នេះនៅឡើយនោះទេ ប៉ុន្តែខ្លួនធ្លាប់បាននិយាយថា នឹងមានការប្តេជ្ញាចិត្តពេញលេញ ក្នុងការគាំទ្រដល់កិច្ចខិតខំប្រឹងប្រែងរបស់លោក ត្រាំ ក្នុងការពង្រឹងបច្ចេកវិទ្យា និងភាពជាអ្នកដឹកនាំរបស់សហរដ្ឋអាមេរិក។

ជម្រាបជូនផងដែរថា ការពិភាក្សានេះត្រូវបានធ្វើឡើងបន្ទាប់ពីកិច្ចប្រជុំមួយ នៅសប្តាហ៍នេះរវាងលោក ត្រាំ និងនាយកប្រតិបត្តិ Intel លោក Lip-Bu Tan ។ កិច្ចប្រជុំនោះបានកើតឡើងប៉ុន្មានថ្ងៃប៉ុណ្ណោះ បន្ទាប់ពីប្រធានាធិបតីអាមេរិក ទាមទារជាសាធារណៈឲ្យលោក Tan លាលែងពីតំណែង ជុំវិញការវិនិយោគរបស់គាត់ នៅក្នុងក្រុមហ៊ុនបច្ចេកវិទ្យាចិនមួយចំនួន ដែលមានទំនាក់ទំនងជាមួយយោធាចិន៕​

The post រដ្ឋបាលលោក ត្រាំ ពិចារណាទិញភាគហ៊ុនក្នុងក្រុមហ៊ុនបន្ទះឈីប Intel មកគ្រប់គ្រង appeared first on .

ក្រុមហ៊ុន Intel បានសម្រេចចិត្តតែងតាំងលោក Tan ជានាយកប្រតិបត្តិថ្មីរបស់ខ្លួន កាលពីថ្ងៃពុធ សប្តាហ៍មុន ដោយប្រគល់នូវភារកិច្ចឲ្យអ្នកជំនួញជើងចាស់នៅក្នុងឧស្សាហកម្មបន្ទះឈីបរូបនេះ ដើម្បីដឹកនាំការផ្លាស់ប្តូរដ៏លំបាកមួយរបស់ Intel ឲ្យក្លាយទៅជាក្រុមហ៊ុនផលិតបន្ទះឈីបដែលទទួលបានជោគជ័យ។ លោក Tan នឹងត្រូវចូលកាន់តំណែងជា CEO របស់ក្រុមហ៊ុនជាផ្លូវការ នៅថ្ងៃទី១៨ ខែមីនាខាងមុខ។

យ៉ាងណាមិញ ដោយសារតែមានបទពិសោធដ៏ស៊ីជម្រៅនៅក្នុងឧស្សាហកម្មបន្ទះឈីប និងជាអ្នកវិនិយោគផ្នែកបច្ចេកវិទ្យាអស់រយ:ពេលជាយូរមកហើយនោះ លោក Tan ត្រូវបានគេមើលឃើញថាជាអ្នកប្រកួតប្រជែងសម្រាប់មុខតំណែងកំពូលរបស់ក្រុមហ៊ុន ពោលគឺចាប់តាំងពីខែធ្នូមក នៅពេលដែល Intel បានសម្រេចចិត្តបណ្តេញនាយកប្រតិបត្តិចាស់ លោក Pat Gelsinger ចេញពីតំណែង។

ជ​ម្រាបជូនផងដែរថា តាមរយ:កិច្ចព្រមព្រៀងការងារថ្មីរបស់លោក Tan នេះ រួមមានគោលដៅនៃការអនុវត្តរយៈការងារពេល ៣ឆ្នាំដែលនឹងធ្វើឲ្យលោកមានសិទ្ធិរក្សា ២ភាគ៣ នៃរង្វាន់ភាគហ៊ុនរបស់ខ្លួន ប្រសិនបើការផ្លាស់ប្តូរការគ្រប់គ្រង ឬការផ្លាស់ប្តូរដ៏សំខាន់ណាមួយ នៅក្នុងកម្មសិទ្ធិរបស់លោកកើតឡើងក្នុងរយៈពេល ១៨ខែបន្ទាប់ពីការចូលកាន់តំណែងរបស់លោកនោះ៕

The post មិនធម្មតា CEO ថ្មីរបស់ក្រុមហ៊ុនបន្ទះឈីប Intel នឹងទទួលបានប្រាក់ឈ្នួលដល់ទៅ ១លានដុល្លារ appeared first on .

រំលឹកផងដែរថា កាលពីខែមីនា ឆ្នាំនេះ រដ្ឋបាលរបស់ប្រធានាធិបតីអាមេរិក ចូ បៃដិន បាននិយាយថា ខ្លួនកំពុងផ្តល់ជំនួយឥតសំណង និងប្រាក់កម្ចីដល់ក្រុមហ៊ុន Intel ក្នុងចំនួនសរុបជិត ២០ពាន់លានដុល្លារ ក្នុងគោលបំណងបង្កើនទិន្នផលបន្ទះឈីបក្នុងស្រុករបស់ក្រុមហ៊ុន និងធ្វើឲ្យសហរដ្ឋអាមេរិកក្លាយជាកន្លែងផលិតបន្ទះឈីបឈានមុខគេ។

សហរដ្ឋអាមេរិក ក៏បានប្រកាសទៀតផងដែរថា ក្នុងចំណោមកញ្ចប់ថវិកាសរុបនេះ ទឹកប្រាក់ចំនួន ៨,៥ពាន់លានដុល្លារ និងត្រូវផ្តល់ជូនជាជំនួយ ខណ:ទឹកប្រាក់ ១១ពាន់លានដុល្លារផ្សេងទៀត នឹងត្រូវផ្តល់ជាប្រាក់កម្ចី សម្រាប់ក្រុមហ៊ុន Intel ដើម្បីប្រើប្រាស់សាងសង់រោងចក្រថ្មីចំនួន២ និងធ្វើទំនើបកម្មរោងចក្រដែលមានស្រាប់។

ជម្រាបជូនផងដែរថា កញ្ចប់ជំនួយដ៏ធំសម្បើមនេះ គឺជាផ្នែកមួយនៃផែនការជំនួយបន្ទះឈីបសហព័ន្ធឆ្នាំ២០២២ របស់រដ្ឋាភិបាលសហរដ្ឋអាមេរិក ក្នុងគោលបំណងបង្កើនទិន្នផលផលិតកម្មបន្ទះឈីប Semiconductor ក្នុងស្រុក៕

The post អាមេរិក គ្រោងកាត់បន្ថយជំនួយបន្ទះឈីបរបស់ Intel មកនៅក្រោមចំនួន ៨ពាន់លានដុល្លារ appeared first on .

ការផ្អាកគម្រោងដ៏ធំនេះត្រូវបានធ្វើឡើងចំពេលមានបញ្ហាលំហូរសាច់ប្រាក់ដែលនាំឲ្យក្រុមហ៊ុន Intel ត្រូវបានបង្ខំចិត្តផ្អាកការទូទាត់ភាគលាភ និងចាប់ផ្តើមកាត់បន្ថយការងារ នៅគ្រប់កន្លែងប្រតិបត្តិការរបស់ខ្លួនជាសកល។

គួរឲ្យដឹងថាក្រុមហ៊ុន Intel ដែលបច្ចុប្បន្នមានបុគ្គលិកសរុប ១៤ ០០០​ នាក់ បានប្រកាសកាត់បន្ថយបុគ្គលិកប្រហែល ១៥% ស្របតាមផែនការសកលរបស់ខ្លួន ដោយនេះមានន័យថា បុគ្គលិករបស់ Intel ជាង ១ពាន់នាក់ នៅក្នុងប្រទេសម៉ាឡេស៊ី កំពុងប្រឈមមុខនឹងការបាត់បង់ការងារ។

យោងតាមប្រភពមួយបានប្រាប់សារព័ត៌មាន StarBiz ថា Intel កំពុងពិចារណាឡើងវិញនូវការវិនិយោគថ្មីៗរបស់ខ្លួន មិនត្រឹមតែនៅក្នុងប្រទេសម៉ាឡេស៊ីប៉ុណ្ណោះទេ ប៉ុន្តែក៏នៅមានផ្នែកផ្សេងមួយចំនួនទៀតលើពិភពលោក ផងដែរ។

ជម្រាបជូនថា Intel បានប្រកាសសាងសង់រោងចក្រផលិតបន្ទះឈីបទំនើបដំបូង ក្នុងប្រទេសម៉ាឡេស៊ី នៅឆ្នាំ២០២១ ជាមួយនឹងការប្តេជ្ញាចិត្តវិនិយោគសរុបចំនួន ៧ពាន់លានដុល្លារ ក្នុងរយៈពេល ១០ឆ្នាំ ខណ:រដ្ឋមន្ត្រីក្រសួងពាណិជ្ជកម្ម និងឧស្សាហកម្មអន្តរជាតិ លោកMohamed Azmin Ali បាននិយាយថា ការវិនិយោគនេះនឹងបង្កើតការងារជាង ៤ពាន់កន្លែង នៅក្នុងប្រទេស៕

The post ក្រុមហ៊ុនឈីបខ្នាតយក្ស Intel ប្រកាសផ្អាកការវិនិយោគក្នុងរោងចក្រថ្មី នៅម៉ាឡេស៊ី appeared first on .

ជុំវិញការប្រកាសផ្អាកគម្រោងនេះ ក្រុមហ៊ុន Intel បាននិយាយនៅក្នុងសេចក្តីថ្លែងការណ៍មួយថា ៖”អ៊ីស្រាអែលនៅតែជាកន្លែងផលិត និងស្រាវជ្រាវសកលដ៏សំខាន់មួយរបស់យើង ហើយយើងនៅតែប្តេជ្ញាចិត្តយ៉ាងពេញលេញចំពោះតំបន់នេះ”។

“ការគ្រប់គ្រងលើគម្រោងខ្នាតយក្សណាមួយ ជាពិសេសនៅក្នុងឧស្សាហកម្មរបស់យើង ចាំបាច់ត្រូវតែមានការសម្របខ្លួនទៅនឹងការផ្លាស់ប្តូរពេលវេលា។ ហើយចំពោះការសម្រេចចិត្តរបស់យើងក្នុងការផ្អាកគម្រោងនេះ គឺផ្អែកលើលក្ខខណ្ឌអាជីវកម្ម សក្ដានុពលទីផ្សារ និងការគ្រប់គ្រងដើមទុនប្រកបដោយការទទួលខុសត្រូវ”។ នេះបើតាមការបញ្ជាក់បន្ថែមពីក្រុមហ៊ុន Intel ។

រដ្ឋាភិបាលរបស់ប្រទេសអ៊ីស្រាអែលកាលពីខែធ្នូ ឆ្នាំមុន បានយល់ព្រមផ្តល់ឲ្យក្រុមហ៊ុន Intel នូវជំនួយជាទឹកប្រាក់ចំនួន ៣,២ពាន់លានដុល្លារ ដើម្បីសាងសង់រោងចក្រផលិតបន្ទះឈីបមួយដែលមានតម្លៃដល់ទៅ ២៥ពាន់លានដុល្លារ ស្ថិតនៅភាគខាងត្បូង ប្រទេសអ៊ីស្រាអែល។

ជម្រាបជូនផងដែរថា បច្ចុប្បន្នក្រុមហ៊ុនផលិតបន្ទះឈីបខ្នាតយក្សរបស់អាមេរិកមួយនេះ កំពុងប្រតិបត្តិការកន្លែងអភិវឌ្ឍ និងផលិតកម្មចំនួនបួន ក្នុងប្រទេសអ៊ីស្រាអែល ដោយមានបុគ្គលិកសរុបជិត ១២ ០០០ នាក់៕

The post ក្រុមហ៊ុនបន្ទះឈីប Intel ប្រកាសផ្អាកគម្រោងសង់រោងចក្រតម្លៃ ២៥ពាន់លានដុល្លារ នៅអ៊ីស្រាអែល appeared first on .