លោកស្រី Takaichi បានបង្ហោះសារមួយនៅលើបណ្តាញសង្គម នៅក្នុងសប្តាហ៍នេះថា ក្នុងអំឡុងពេលវិស្សមកាលបីថ្ងៃ ចាប់ពីថ្ងៃទី១៨ ដល់ថ្ងៃទី២០ ខែកក្កដា លោកស្រីអាចគេងបានដល់ ៥ម៉ោងក្នុងមួួយថ្ងៃ ជាលើកដំបូង ក្រោយខកខានអស់រយៈពេលជាយូរ។

នាយករដ្ឋមន្ត្រីជប៉ុនរូបនេះ​ បាននិយាយទៀតថា ក្នុងអំឡុងពេលវិស្សមកាលនោះ លោកស្រីក៏បានឆ្លៀតពេលដោះស្រាយការងារស្អេកស្កាស់មួយចំនួយផងដែរ ដែលលោកស្រីបានពន្យារពេលទុកចោលអស់ជាយូរ។ ហើយលោកស្រីចាត់ទុករយៈពេលវិស្សមកាលខ្លីនេះថាជាពេលវេលាដើម្បីបញ្ចូលថាមពលឡើងវិញ។

មិនតែប៉ុណ្ណោះ លោកស្រី Takaichi ក៏បានសង្កត់ធ្ងន់លើកាលវិភាគដ៏មមាញឹករបស់លោកស្រី ដោយកត់សម្គាល់ថា ក្រៅពីការងារនៅក្នុងជួររដ្ឋាភិបាល លោកស្រីក៏នៅតែធ្វើការងារផ្ទះដូចជាបោកគក់ ផងដែរ។ បន្ទាប់មក លោកស្រីសិក្សាឯកសារយ៉ាងយកចិត្តទុកដាក់រហូតដល់យប់ជ្រៅ និងងើបពីព្រឹកព្រលឹមនៅថ្ងៃធ្វើការ សូម្បីតែបន្ទាប់ពីត្រឡប់ទៅនៅលំនៅដ្ឋានរបស់លោកស្រីវិញ ក៏លោកស្រីរក្សាទំលាប់បែបនេះផងដែរ។

គួរជម្រាបជូនថា ចាប់តាំងពីចូលកាន់តំណែងក្នុងខែតុលា ឆ្នាំ២០២៥ មក នាយករដ្ឋមន្ត្រីស្ត្រីដំបូងរបស់ប្រទេសជប៉ុន បានរក្សាការសន្យាក្នុងយុទ្ធនាការឃោសនាបោះឆ្នោតរបស់ខ្លួនថា នឹងខិតខំធ្វើការយ៉ាងលំបាក ហើយក៏បានលើកទឹកចិត្តសមាជិកគណបក្សរបស់លោកស្រីឱ្យធ្វើការយ៉ាងលំបាកដូចគ្នានេះផងដែរ៕

The post នាយករដ្ឋមន្ត្រីជប៉ុន បង្ហើបថាលោកស្រីគេងបានតិចជាងបីម៉ោងក្នុងមួយថ្ងៃ ដោយសារការងារច្រើន appeared first on .

យោងតាមសេចក្តីថ្លែងការណ៍របស់ក្រសួងការបរទេស ដំណើរទស្សនកិច្ចរបស់នាយករដ្ឋមន្ត្រីជប៉ុនរូបនេះ គឺតបតាមការអញ្ជើញរបស់នាយករដ្ឋមន្ត្រីវៀតណាម លោក Le Minh Hung។ នេះជាដំណើរទស្សនកិច្ចលើកដំបូងរបស់លោកស្រី Takaichi មកកាន់ប្រទេសវៀតណាម គិតចាប់តាំងពីចូលកាន់តំណែងក្នុងខែតុលា ឆ្នាំ២០២៥ មក។

ក្នុងអំឡុងពេលសន្និសីទសារព័ត៌មាននៅទីក្រុងហាណូយ នៅថ្ងៃទី២៨ ខែមេសា ឯកអគ្គរដ្ឋទូតជប៉ុនប្រចាំប្រទេសវៀតណាម លោក Ito Naoki បានថ្លែងថា ដំណើរទស្សនកិច្ចនេះ បង្ហាញពីសារៈសំខាន់ ចំពោះនាយករដ្ឋមន្ត្រី លោកស្រី Takaichi ផ្ទាល់ ក៏ដូចជារដ្ឋាភិបាលជប៉ុន ជុំវិញទំនាក់ទំនងជប៉ុន-វៀតណាម។ ហើយមិនតែប៉ុណ្ណោះ វាក៏បានឆ្លុះបញ្ចាំងពីការគោរព និងការយកចិត្តទុកដាក់ខ្ពស់ចំពោះតួនាទីរបស់វៀតណាម នៅលើឆាកអន្តរជាតិផងដែរ។

លោក Naoki បានថ្លែងទៀតថា ដំណើរទស្សនកិច្ចនេះមានគោលបំណងពង្រឹង និងកសាងទំនុកចិត្តរវាងថ្នាក់ដឹកនាំនៃប្រទេសទាំងពីរ។ ភាគីទាំងពីរនឹងពិភាក្សាអំពីវិស័យសំខាន់ៗនៃកិច្ចសហប្រតិបត្តិការក្នុងរយៈពេលខាងមុខ ដូចជាសេដ្ឋកិច្ច ថាមពល និងការផ្លាស់ប្ដូរប្រជាជន និងប្រជាជនជាដើម។

ជម្រាបជូនថា លោកស្រី Takaichi គឺជានាយករដ្ឋមន្ត្រីស្ត្រីដំបូងគេបំផុតក្នុងប្រវត្តិសាស្ត្រជប៉ុន។ លោកស្រីបានបញ្ចប់ការសិក្សាថ្នាក់បរិញ្ញាបត្រផ្នែកពាណិជ្ជកម្មពីសាកលវិទ្យាល័យ Kobe​ ប្រទេសជប៉ុន។ ពីមុនលោកស្រីធ្លាប់កាន់តំណែងជារដ្ឋមន្ត្រីដែលត្រួតពិនិត្យវិស័យដូចជាកិច្ចការផ្ទៃក្នុង ទំនាក់ទំនង សន្តិសុខសេដ្ឋកិច្ច គោលនយោបាយវិទ្យាសាស្ត្រ និងបច្ចេកវិទ្យា លំហ និងកម្មសិទ្ធិបញ្ញា៕​

The post នាយករដ្ឋមន្ត្រីជប៉ុន លោកស្រី​ Takaichi នឹងទៅបំពេញទស្សនកិច្ចលើកដំបូងនៅប្រទេសវៀតណាម appeared first on .

លោកស្រី Takaichi បានផ្ញើសារជូនពរខួបកំណើតដ៏គួរឲ្យភ្ញាក់ផ្អើលបែបនេះ ទៅកាន់ Barron Trump ដែលជាកូនប្រុសពៅរបស់ប្រធានាធិបតីអាមេរិក លោក ដូណាល់ ត្រាំ កាលពីថ្ងៃទី១៩ ខែមីនា ខណៈពេលដែលកំពុងចូលរួមពិធីជប់លៀងនៅសេតវិមានក្នុងអំឡុងពេលដំណើរទស្សនកិច្ចរបស់លោកស្រី នៅសហរដ្ឋអាមេរិក។

លោកស្រី Takaichi បាននិយាយមុនពេលពិធីជប់លៀងចាប់ផ្តើមថា “ខ្ញុំចង់ចាប់ផ្តើមដោយការអបអរសាទរដោយស្មោះអស់ពីចិត្តចំពោះខួបដ៏សំខាន់នេះ។ លោក ដូណាល់ ថ្ងៃស្អែកគឺជាថ្ងៃកំណើតកូនប្រុសរបស់អ្នក ឈ្មោះ Barron Trump។ ខ្ញុំដឹងថាគាត់ធំឡើងច្រើនហើយ និងជាសុភាពបុរសដែលមានរូបរាងខ្ពស់ និងស្រស់សង្ហា”។

មិនតែប៉ុណ្ណោះ លោកស្រី Takaichi បាននិយាយដោយកំប្លែងទៀតថា ៖”ពេលសម្លឹងមើលគាត់ ខ្ញុំអាចមើលឃើញយ៉ាងច្បាស់ថាគាត់បានទទួលហ្សែនរូបរាងដ៏ល្អនោះមកពីណា។ សូមផ្ញើសារជូនពរខួបកំណើតនេះ ដ៏ស្មោះអស់ពីចិត្តរបស់ខ្ញុំ ទៅកាន់គាត់”។

ជម្រាបជូនផងដែរថា លោក ស្រី Takaichi ទើបតែបញ្ចប់ដំណើរទស្សនកិច្ចលើកដំបូងរបស់លោកស្រី ទៅកាន់សហរដ្ឋអាមេរិក ពោលគឺចាប់តាំងពីឡើងកាន់តំណែងជានាយករដ្ឋមន្ត្រីជប៉ុនក្នុងខែតុលា ឆ្នាំ២០២៥ មក៕​

The post នាយករដ្ឋមន្ត្រីជប៉ុន សរសើរ Barron Trump ថាជះរូបរាងស្រស់ស្អាត សង្ហាដូចជាឪពុក appeared first on .

លោក ត្រាំ កាលពីថ្ងៃទី៥ ខែកុម្ភៈ បានប្រកាសថា លោកស្រី Takaichi នឹងត្រូវបំពេញទស្សនកិច្ចនៅទីក្រុងវ៉ាស៊ីនតោន នៅថ្ងៃទី១៩ ខែមីនាខាងមុខ។ ក្នុងនោះដែរលោកក៏បានសេរសេរនៅលើបណ្តាញសង្គម Truth Social ថា ៖” លោកស្រី Takaichi បានបង្ហាញថាលោកស្រីជាមដឹកនាំដ៏ខ្លាំង មានអំណាច និងឈ្លាសវៃ ដែលជាមេដឹកនាំស្រលាញ់ប្រទេសជាតិរបស់គាត់យ៉ាងពិតប្រាកដ”។

ទន្ទឹមនឹងនេះ យោងតាមលោក ត្រាំ សហរដ្ឋអាមេរិក និងជប៉ុនកំពុងធ្វើការដើម្បីជំរុញកិច្ចព្រមព្រៀងពាណិជ្ជកម្មដ៏សំខាន់មួយ ស្របពេលមានការពង្រឹងកិច្ចសហប្រតិបត្តិការលើសន្តិសុខជាតិផងដែរ។

ជម្រាបជូនថា ការបង្ហោះសាររបស់លោក ត្រាំ បានកើតឡើងត្រឹមតែប៉ុន្មានថ្ងៃមុនពេលមានការបោះឆ្នោតនៅជប៉ុន។ យោងតាមការស្ទង់មតិមួយបានបង្ហាញថា លោកស្រី Takaichi ដែលបានក្លាយជានាយករដ្ឋមន្ត្រីស្ត្រីដំបូងគេរបស់ប្រទេសជប៉ុន អាចនឹងបន្តឈ្នះឆ្នោតយ៉ាងច្រើនលើសលប់​៕

The post លោក ត្រាំ សរសើរនាយករដ្ឋមន្ត្រីស្ត្រីជប៉ុនថាជាមេដឹកនាំខ្លាំង និងឈ្លាសវៃ appeared first on .

កាលពីថ្ងៃទី២៩ ខែធ្នូ លោកស្រី Takaichi បានផ្លាស់ទៅរស់នៅក្នុងវិមាននាយករដ្ឋមន្ត្រី Sori Kotei ដែលជាអគារធ្វើឡើងពីថ្ម និងឥដ្ឋនៅកណ្តាលទីក្រុងតូក្យូ ពោលគឺរយៈពេលពីរខែបន្ទាប់ពីចូលកាន់តំណែងមក។

យោងតាមអ្នកដែលជិតស្និទ្ធទៅនឹងនាយករដ្ឋមន្ត្រីស្ត្រីរូបនេះ បានបង្ហាញឲ្យដឹងទៀតថា ស្វាមីរបស់លោកស្រី គឺលោក Taku Yamamoto ក៏នឹងផ្លាស់ទៅស្នាក់នៅក្នុងលំនៅឋាននោះផងដែរ ដើម្បីអាចឲ្យលោកទទួលបានការមើលថែ និងការគាំទ្រពីសំណាក់ភរិយារបស់លោក ក្នុអំឡុងពេលកំពុងជាសះស្បើយពីជំងឺ។ លោក Yamamoto ដែលជាអតីតសមាជិកសភាតំណាងរាស្រ្ត ធ្លាប់បានរងរបួសដាច់សសៃឈាមខួរក្បាល។

គួរឲ្យដឹងថា ក្នុងរយៈពេលពីរខែកន្លងមកនេះ នាយករដ្ឋមន្ត្រីស្ត្រីដំបូងរបស់ប្រទេសជប៉ុនរូបនេះ បានស្នាក់នៅក្នុងលំនៅឋានរបស់សភា ប៉ុន្តែក្រោយមកលោកស្រីបានប្រកាសថានឹងផ្លាស់ទៅរស់នៅវិមាន Sori Kotei វិញ ដើម្បីអាចដោះស្រាយគ្រាអាសន្នបានឆាប់រហ័សជាងមុន។

ជម្រាបជូនថា វិមាន Sori Kotei ដែលបានបញ្ចប់ការសាងសង់នៅឆ្នាំ១៩២៩ ស្ថិតនៅលើទីតាំងមួយដែលមានព្រឹត្តិការណ៍ប្រវត្តិសាស្ត្រជាច្រើន។ នៅឆ្នាំ១៩៣២ នាយករដ្ឋមន្ត្រីជប៉ុននៅពេលនោះ គឺលោក Tsuyoshi Inukai ត្រូវបានបាញ់សម្លាប់ដោយមន្ត្រីកងទ័ពជើងទឹកចំនួន ១១ នាក់ក្នុងអំឡុងពេលរដ្ឋប្រហារយោធា។ បួនឆ្នាំក្រោយមក បងថ្លៃរបស់នាយករដ្ឋមន្ត្រីរូបនេះ គឺលោក Keisuke Okada និងមនុស្សបួននាក់ផ្សេងទៀតក៏ត្រូវបានសម្លាប់នៅក្នុងរដ្ឋប្រហារមួយផ្សេងទៀតផងដែរ។ រឿងរ៉ាវទាំងនេះបានជំរុញឱ្យមានពាក្យចចាមអារ៉ាមថា វិមាននេះ តែមានខ្មោចលងបន្លាចជានិច្ច៕​

The post នាយករដ្ឋមន្ត្រីស្រ្តីដំបូងរបស់ជប៉ុន ផ្លាស់ទៅរស់នៅវិមានដែលល្បីថាមានខ្មោចលង appeared first on .

យោងតាមការចាត់ចំណាត់ថ្នាក់របស់ Forbes នេះ បានបង្ហាញឲ្យដឹងទៀតថា ស្ត្រីដែលទទួលបានតំណែងជាស្ត្រីមានឥទ្ធិពលបំផុតរបស់ពិភពលោក គឺប្រធានគណៈកម្មការអឺរ៉ុប លោកស្រី​ Ursula von der Leyen និងចំណាត់ថ្នាក់បន្ទាប់គឺប្រធានធនាគារកណ្តាលអឺរ៉ុប លោកស្រី​ Christine Lagarde។ នេះជាឆ្នាំទីបួនជាប់ៗគ្នាហើយដែលមេដឹកនាំស្រ្តីអឺរ៉ុបទាំងពីររូប បានកាន់នៅតំណែងកំពូលនេះ។

យ៉ាងណាមិញ បើក្រឡេកទៅមើលលោកស្រី Takaichi គឺជានាយករដ្ឋមន្ត្រីស្រ្តីទីដំបូងគេរបស់ប្រទេសជប៉ុន ដែលត្រូវបានដាក់បញ្ចូលទៅក្នុងបញ្ជីនេះ។ ហើយនេះគឺជាបញ្ជីប្រចាំឆ្នាំដែលបោះពុម្ពផ្សាយដោយ Forbes ដើម្បីផ្តល់កិត្តិយសដល់ស្ត្រីដែលមានឥទ្ធិពលយ៉ាងសំខាន់លើសេដ្ឋកិច្ចពិភពលោក នយោបាយ វិទ្យាសាស្ត្រ បច្ចេកវិទ្យា វប្បធម៌ និងសង្គម។

ជម្រាបជូនផងដែរថា ទស្សនាវដ្តី Forbes បានធ្វើការវាយតម្លៃឥទ្ធិពលរបស់បេក្ខជននីមួយៗ ដោយផ្អែកលើលក្ខណៈវិនិច្ឆ័យដូចជា អំណាច ឥទ្ធិពលហិរញ្ញវត្ថុ វិសាលភាពនៃផលប៉ះពាល់ សមត្ថភាពក្នុងការបង្កើតការផ្លាស់ប្តូរ និងកម្រិតនៃវត្តមានលើកឆាកអន្តរជាតិ ជាដើម៕​

The post នាយករដ្ឋមន្ត្រីជប៉ុន ជាប់ក្នុងបញ្ជីឈ្មោះស្រ្តីមានឥទ្ធិពលបំផុតរបស់ទស្សនាវដ្តី Forbes ជាលើកដំបូង appeared first on .

លោកស្រីី Takaichi ក្នុងអំឡុងពេលធ្វើយុទ្ធនាការស្វែងរកសំឡេងឆ្នោត លោកស្រីធ្លាប់បានសន្យាថានឹងប្រឹកប្រែងធ្វើការងារខ្លាំងបំផុត ហើយបានរក្សាការសន្យានោះពិតមែន ពោលគឺចាប់តាំងពីចូលកាន់តំណែង នៅថ្ងៃទី២១ ខែតុលាមក។ ទោះជាយ៉ាងណាក៏ដោយ បន្ទុកការងារដ៏ច្រើន និងកម្រិតការងារខ្ពស់របស់លោកស្រី បានធ្វើឲ្យមនុស្សជាច្រើនមានការព្រួយបារម្ភយ៉ាងខ្លាំង ទៅលើសុខភាពរបស់លោកស្រី។

គួរឲ្យដឹងថា កាលពីថ្ងៃទី៧ ខែវិច្ឆិកា លោកស្រី Takaichi បានមកដល់ការិយាល័យនៅម៉ោង ៣ព្រឹក ដើម្បីរៀបចំសម្រាប់វគ្គសំណួរ និងចម្លើយសភាលើកដំបូង ដែលត្រូវចាប់ផ្តើមនៅម៉ោង ៩ព្រឹក។ ហើយសូម្បីតែសម្រាប់ជនជាតិជប៉ុនដែលញៀនការងារក៏ដោយ ការក្រោកពីព្រលឹមរបស់លោកស្រី Takaichi គឺជារឿងគួរឱ្យភ្ញាក់ផ្អើល។

ជម្រាបជូនថា យោងតាមកាសែត Asahi Shimbun ក្នុងអំឡុងពេលកិច្ចប្រជុំគណៈកម្មាធិការថវិកាសភានៅថ្ងៃនោះ អ្នកតាក់តែងច្បាប់មួយចំនួនបានសម្តែងការព្រួយបារម្ភអំពីនាយករដ្ឋមន្ត្រីថ្មី ដែលត្រូវចាប់ផ្តើមធ្វើការមុនពេលថ្ងៃរះបែបនេះ៕

The post នាយករដ្ឋមន្ត្រីស្ត្រីដំបូងរបស់ជប៉ុន ចូលបំពេញការងារចាប់តាំងពីម៉ោង ៣ព្រឹក appeared first on .

នៅក្នុងការបោះឆ្នោតជុំទីមួយក្នុងសភាតំណាងរាស្រ្តជប៉ុន នៅថ្ងៃទី២១ ខែតុលានេះ លោកស្រី Sanae Takaichi វ័យ ៦៤ឆ្នាំ បានឈ្នះរហូតដល់ទៅ ២៣៧ សំឡេង ធៀបទៅនឹងគូប្រជែងគឺលោក Yoshihiko Noda មេដឹកនាំគណបក្សប្រជាធិបតេយ្យធម្មនុញ្ញ ដែលទទួលបានត្រឹម ១៤៩ សំឡេង។

ជុំវិញលទ្ធផលដ៏ច្រើនសន្ធឹកសន្ធាប់នេះ បានធ្វើឲ្យលោកស្រី Takaichi ត្រូវបានតែងតាំងជានាយករដ្ឋមន្ត្រីប៉ុន ដោយមិនចាំបាច់មានការបោះឆ្នោតសម្រាប់ជុំទីពីរទៀតនោះនោះឡើយ។ ហើយលោកស្រី នឹងត្រូវស្បថចូលកាន់តំណេងជានាយករដ្ឋមន្ត្រីជប៉ុន ជាផ្លូវការ បន្ទាប់ពីជួបព្រះចៅអធិរាជ នៅរសៀលថ្ងៃទី២១ នេះ។

គួរឲ្យដឹងផងដែរថា លោកស្រី Takaichi ដែលជាអតីតរដ្ឋមន្ត្រីសន្តិសុខសេដ្ឋកិច្ចរបស់ប្រទេសជប៉ុន កាលពីដើមខែនេះ បានផ្តួលបេក្ខជនប្រុសៗចំនួនបួននាក់ ដើម្បីក្លាយជាមេដឹកនាំស្ត្រីដំបូងគេនៃគណបក្សប្រជាធិបតេយ្យសេរី (LDP) ដែលកំពុងកាន់អំណាច។

យ៉ាងណាមិញ បើតាមក្រុមអ្នកសង្កេតការណ៍បាននិយាយថាបក្ស LDP បានជ្រើសរើសលោកស្រី Takaichi ជាមេដឹកនាំប្រទេស ដើម្បីស្តារទំនុកចិត្តពីសាធារណជន ដែលខឹងសម្បារចំពោះការកើនឡើងតម្លៃ និងត្រូវបានគ្របដណ្ដប់ដោយគណបក្សប្រឆាំងជាមួយនឹងការសន្យានៃការអភិវឌ្ឍន៍សេដ្ឋកិច្ច និងការគ្រប់គ្រងកាន់តែតឹងរ៉ឹងលើជនបរទេស៕

The post ទីបំផុត ជប៉ុនមាននាយករដ្ឋមន្ត្រីស្រ្តីដំបូងគេបង្អស់នៅក្នុងប្រវត្តិសាស្រ្ត appeared first on .