នៅក្នុងបទសម្ភាសជាមួយកាសែត The Guardian នៅថ្ងៃទី៨ ខែកញ្ញា រដ្ឋមន្ត្រីការបរទេសនេប៉ាល់ លោក Shisir Khanal បានបញ្ជាក់ថា ក្រសួងហិរញ្ញវត្ថុ និងក្រសួងបរិស្ថានបានផ្ញើលិខិតរួមគ្នាទៅកាន់មូលនិធិខូចខាត និងបាត់បង់របស់អង្គការសហប្រជាជាតិ (United Nations Loss and Damage Fund) ដោយស្នើសុំសំណងចំនួន ២០លានដុល្លារសម្រាប់ការខូចខាតទាក់ទងនឹងការផ្លាស់ប្តូរអាកាសធាតុ។

លោក Khanal បានសង្កត់ធ្ងន់ថា ចំនួនទឹកប្រាក់ដែលប្រទេសនេប៉ាល់ស្នើសុំពីអង្គការសហប្រជាជាតិគឺប្រហែលជាមិនគ្រប់គ្រាន់ដើម្បីទូទាត់សងសម្រាប់ការខូចខាតដែលប្រទេសខ្លួនបានរងទុក្ខនោះទេ។ យោងតាមការប៉ាន់ស្មានមួយចំនួន ការខូចខាតសរុបដែលបណ្តាលមកពីទឹកជំនន់អាចកើនឡើងដល់ចំនួនជាង ៥ពាន់លានដុល្លារ។

មិនតែប៉ុណ្ណោះ រដ្ឋមន្រ្តីរូបនេះ ក៏បានអំពាវនាវឲ្យមានការផ្តល់យុត្តិធម៌ចំពោះបញ្ហាអាកាសធាតុ និងបានសង្កត់ធ្ងន់ថា ប្រទេសដែលមានសេដ្ឋកិច្ចធំជាងគេបំផុតរបស់ពិភពលោក ត្រូវតែចូលរួមចំណែកដើម្បីជួយប្រទេសនេប៉ាល់ឱ្យងើបឡើងវិញ និងកសាងប្រទេសឡើងវិញ បន្ទាប់ពីគ្រោះទឹកជំនន់ភ្លាមៗដ៏សាហាវមួយនេះ។

ជម្រាបជូនថា ប្រទេសនេប៉ាល់ មានចំនួនតិចជាង ០,១% នៃការបំភាយឧស្ម័នផ្ទះកញ្ចក់សរុបទូទាំងពិភពលោក ខណៈពេលដែលប្រទេសជិតខាងរបស់ខ្លួន ដូចជាប្រទេសឥណ្ឌា និងប្រទេសចិន គឺជាប្រទេសដែលបញ្ចេញឧស្ម័នពុលច្រើនជាងគេបំផុតរបស់ពិភពលោក។ ជួរភ្នំហិម៉ាឡៃ ដែលលាតសន្ធឹងឆ្លងកាត់ប្រទេសឥណ្ឌា ប្រទេសចិន នេប៉ាល់ និងប៊ូតាន កំពុងកើនឡើងកំដៅយ៉ាងខ្លាំងក្នុងអត្រាជិត ៥០%៕

The post នេប៉ាល់ ចេញមុខទាមទារសំណង ២០លានដុល្លារពីប្រទេសបញ្ចេញឧស្ម័នពុលនានា ក្រោយគ្រោះមហន្តរាយទឹកជំនន់ appeared first on .

ដោយដកស្រង់ចេញពីប្រភពដែលជិតស្និទ្ធនឹងលោក ត្រាំ កាសែត New York Post បានរាយការណ៍ថា ប្រធានាធិបតីអាមេរិករូបនេះ ជឿជាក់ថា លោក Infantino ត្រូវបានទទួលការគោរពដោយមនុស្សគ្រប់គ្នានៅជុំវិញពិភពលោក ហើយទទួលស្គាល់ទៀតថាលោកពិតជាមានសមត្ថភាពពិសេសក្នុងការនាំមនុស្សឲ្យមកជួបជុំនិយាយពិភាក្សាគ្នា។

គួរឲ្យដឹងថា លោក Infantino បានបង្កើតទំនាក់ទំនងយ៉ាងជិតស្និទ្ធជាមួយលោក ត្រាំ ក្នុងអំឡុងពេលព្រឹត្តិការណ៍បាល់ទាត់ពិភពលោក World Cup នៅឆ្នាំនេះ ដោយប្រធាន FIFA ដែលមានសញ្ជាតិស្វីសរូបនេះ បានខិតខំប្រឹងប្រែងម្តងហើយម្តងទៀតដើម្បីទាក់ទាញមេដឹកនាំអាមេរិក រួមទាំងការប្រគល់រង្វាន់សន្តិភាពដំបូងរបស់ FIFA ដល់លោកផងដែរ កាលពីខែធ្នូឆ្នាំមុន។

យ៉ាងណាក៏ដោយ យោងតាមមាត្រា ៩៧ នៃច្បាប់ធម្មនុញ្ញអង្គការសហប្រជាជាតិ អគ្គលេខាធិការត្រូវបានតែងតាំងដោយមហាសន្និបាតតាមអនុសាសន៍របស់ក្រុមប្រឹក្សាសន្តិសុខ។ ហើយដើម្បីទទួលបានតំណែងនេះ លោក Infantino នឹងត្រូវការការគាំទ្រពីក្រុមប្រឹក្សាសន្តិសុខដែលមានសមាជិក ១៥ រូបជាមុនសិន ដែលសមាជិកអចិន្ត្រៃយ៍ណាម្នាក់ក្នុងចំណោមសមាជិកអចិន្ត្រៃយ៍ទាំងប្រាំអាចប្រើសិទ្ធិវេតូ មុនពេលទទួលបានការយល់ព្រមពីមហាសន្និបាត។

គួរជម្រាបជូនថា លោក ត្រាំ បានរិះគន់ម្តងហើយម្តងទៀតចំពោះអ្វីដែលលោកយល់ថាជាការបរាជ័យរបស់អង្គការសហប្រជាជាតិក្នុងការដើរតួនាទីយ៉ាងសកម្មក្នុងការដោះស្រាយជម្លោះធំៗជាសកល។ កាលពីឆ្នាំមុន លោកក៏បានបង្កើតក្រុមប្រឹក្សាសន្តិភាពដែលដឹកនាំដោយសហរដ្ឋអាមេរិក និងជាជម្រើសថ្មីមួយដើម្បីជំនួសអង្គការសហប្រជាជាតិ ខណៈពេលដែលរដ្ឋបាលរបស់លោក ត្រាំ បានបន្តធ្វើកិច្ចព្រមព្រៀងសន្តិភាព រួមទាំងរវាងអ៊ីស្រាអែល និងក្រុមហាម៉ាសប៉ាឡេស្ទីន៕​

The post លោក ត្រាំ ចង់ឲ្យប្រធាន FIFA ឡើងទៅកាន់តំណែងជាអគ្គលេខាធិការអង្គការសហប្រជាជាតិ UN វិញ appeared first on .

បើតាមហ្វេសប៊ុករបស់ លោក កែវ រតនៈ រដ្ឋមន្រ្តីក្រសួងរ៉ែ  បានបង្ហោះនៅថ្ងៃទី២២ ខែកក្កដា ឆ្នាំ២០២៦នេះថា នៅក្នុងជំនួបនោះ លោកស្រី Vladanka Andreeva បានកត់សម្គាល់ពីការអភិវឌ្ឍដ៏រហ័សរបស់កម្ពុជា ហើយគាំទ្ររបៀបវារៈអភិវឌ្ឍសេដ្ឋកិច្ច និងសង្គមជាបន្តរបស់សម្តេចធិបតី ហ៊ុន ម៉ាណែត។

ជាមួយគ្នានេះ លោកស្រី ក៏បានបង្ហាញការគាំទ្រចំពោះជំហរដោះស្រាយបញ្ហាព្រំដែនជាមួយប្រទេសថៃតាមសន្តិវិធី និងច្បាប់អន្តរជាតិ ខណៈកម្ពុជា និង UN ក៏បានប្តេជ្ញាពង្រឹងកិច្ចសហការលើវិស័យប្រសិទ្ធភាពថាមពល និងការអភិវឌ្ឍប្រកបដោយចីរភាពផងដែរ។

សូមជម្រាប់ដែរថា ពាក់ព័ន្ធនឹងបញ្ហាព្រំដែនកម្ពុជា-ថៃនេះដែរ លោក UENO Atsushi ឯកអគ្គរាជទូត ជប៉ុនប្រចាំកម្ពុជា បានបញ្ជាក់ជាថ្មីនូវការគាំទ្រពេញទំហឹងលើគោលជំហររបស់កម្ពុជា ក្នុងការដោះស្រាយវិវាទព្រំដែនដោយសន្តិវិធី ផ្អែកលើមូលដ្ឋានច្បាប់អន្តរជាតិ និងយន្តការច្បាប់ទ្វេភាគីជាធរមានដែលមានស្រាប់ ព្រមទាំងបានសម្តែងក្តីសង្ឃឹមយ៉ាងមុតមាំថា ស្ថានការណ៍នឹងធូរស្រាលជាលំដាប់ ហើយឈានទៅរកប្រក្រតីភាពដូចដើមវិញនាពេលឆាប់ៗ។លោកថ្លែងបែបនេះ ក្នុងជំនួបជាមួយលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) កាលថ្ងៃទី២១ ខែកក្កដា ឆ្នាំ២០២៦ ៕ អត្ថបទ៖ហ្សាលីន

The post អ្នកសម្របសម្រួល UN គាំទ្រជំហរដោះស្រាយបញ្ហាព្រំដែនកម្ពុជា-ថៃ តាមសន្តិវិធី និងច្បាប់អន្តរជាតិ appeared first on .

ដោយថ្លែងនៅក្នុងកិច្ចប្រជុំក្រុមប្រឹក្សាសន្តិសុខរបស់ UN នៅថ្ងៃទី១៤ ខែកក្កដា ទាក់ទងនឹងក្រុមប្រដាប់អាវុធហ៊ូធីនៅក្នុងប្រទេសយេម៉ែន ឯកអគ្គរដ្ឋទូតសហរដ្ឋអាមេរិក លោក Mike Waltz បានចោទប្រកាន់ប្រទេសចិនថាបានរំលោភលើការហាមឃាត់ការដឹកជញ្ជូនអាវុធរបស់អង្គការសហប្រជាជាតិ។ លោកបានមានប្រសាសន៍ថា ៖”ប្រទេសដូចជាអ៊ីរ៉ង់ ក៏ដូជាក្រុមហ៊ុនអាជីវកម្ម និងអង្គភាពមួយចំនួននៅក្នុងប្រទេសចិន បានរំលោភលើសេចក្តីសម្រេចលេខ ២២១៦ ដោយគ្មានការទទួលទោសទណ្ឌអ្វីនោះឡើយ។

សេចក្តីសម្រេចលេខ ២២១៦ របស់ក្រុមប្រឹក្សាសន្តិសុខ ដែលបានអនុម័តនៅឆ្នាំ២០១៥ បានទាមទារឱ្យក្រុមហ៊ូធីបញ្ឈប់ជម្លោះ និងដកខ្លួនចេញពីទឹកដីដែលពួកគេកាន់កាប់នៅក្នុងប្រទេសយេម៉ែន។ សេចក្តីសម្រេចនេះក៏បានដាក់ទណ្ឌកម្មអាវុធលើក្រុមហ៊ូធី និងក្រុមប្រដាប់អាវុធសម្ព័ន្ធមិត្ត រួមជាមួយនឹងទណ្ឌកម្មបុគ្គលដូចជាការបង្កកទ្រព្យសម្បត្តិ និងការហាមឃាត់ការធ្វើដំណើរផងដែរ។

យ៉ាងណាមិញ ដើម្បីឆ្លើយតបទៅនឹងលោក Waltz ឯកអគ្គរដ្ឋទូតចិន លោក Sun Lei បានថ្លែងថា សហរដ្ឋអាមេរិកត្រូវតែទទួលខុសត្រូវដែលមិនអាចប្រកែកបាន ចំពោះស្ថានភាពបច្ចុប្បន្ននៅក្នុងប្រទេសយេម៉ែន និងតំបន់សមុទ្រក្រហម។ លោកក៏បានចោទប្រកាន់ទីក្រុងវ៉ាស៊ីនតោនពីបទរារាំងកិច្ចខិតខំប្រឹងប្រែងរបស់ក្រុមប្រឹក្សាសន្តិសុខដើម្បីបញ្ចប់ជម្លោះ ដោយធ្វើឱ្យវិបត្តិនៅតំបន់ហ្គាហ្សាអូសបន្លាយ និងបង្កើនភាពតានតឹងនៅក្នុងតំបន់មជ្ឈិមបូព៌ាទៀតផង។

មិនតែប៉ុណ្ណោះ លោក Sun បានសង្កត់ធ្ងន់ទៀតថា សហរដ្ឋអាមេរិកបានបើកការវាយប្រហារប្រឆាំងនឹងអ៊ីរ៉ង់ដោយគ្មានការអនុញ្ញាតពីក្រុមប្រឹក្សាសន្តិសុខ ខណៈពេលដែលការចរចារវាងទីក្រុងវ៉ាស៊ីនតោន និងទីក្រុងតេអេរ៉ង់កំពុងដំណើរការ។ សកម្មភាពនេះបានរុញច្រានស្ថានភាពក្នុងតំបន់ឱ្យធ្លាក់ដល់កម្រិតគ្រោះថ្នាក់ជាថ្មីម្តងទៀត៕​

The post អាមេរិក និងចិន ទាស់ទែងពាក្យសម្តីគ្នាខ្លាំងៗ នៅក្នុងកិច្ចប្រជុំអង្គការសហប្រជាជាតិ appeared first on .

​ក្នុងជំនួបនេះ លោកស្រីអគ្គលេខាធិការរងអង្គការសហប្រជាជាតិ បានកោតសរសើរចំពោះសមត្ថភាព​ និង​បទពិសោធន៍របស់កងកម្លាំងរបស់កម្ពុជា ដែលបាន​ចូលរួម​ចំណែកយ៉ាងសកម្ម ក្នុងប្រតិបត្តិការរក្សាសន្តិភាព​​ ក្រោមឆ័ត្រ​អង្គការ​សហប្រជាជាតិ​ នៅបណ្តាប្រទេសជាច្រើន ដែលការណ៍នេះ​បង្ហាញ​ពីឆន្ទៈរបស់កម្ពុជា​ ក្នុង​ការ​ចូលរួម​ថែរក្សា​សន្តិភាព​ និងការចែករំលែក​បទពិសោធន៍ដ៏ល្អនេះ​ទៅកាន់​ពិភពលោក។ លោកស្រីក៏បានរំលឹកឡើងវិញនូវអនុស្សាវរីយ៍ និងបេសកកម្មរបស់លោកស្រី ដែលបានមកកាន់កម្ពុជា នៅមុនឆ្នាំ១៩៩១ ដើម្បីជួយសម្របសម្រួលការធ្វើមាតុភូមិនិវត្តន៍របស់ជនភៀសខ្លួនកម្ពុជា ចូលមាតុប្រទេសវិញ។

ជាការឆ្លើយតប សម្តេចធិបតីបានជម្រាបជូនលោកស្រីអគ្គលេខាធិការរងអំពីសមិទ្ធផលនានាដែលកម្ពុជាសម្រេចបានក្នុងការបោសសម្អាតមីន និង​យុទ្ធភណ្ឌ​មិន​ទាន់ផ្ទុះ​ និងជោគជ័យរបស់កម្ពុជា។ សម្តេចធិបតីបានរំលឹកអំពីផលវិបាកនៃសង្គ្រាមដែលកម្ពុជាបានឆ្លងកាត់នាពេលកន្លង​មក និងបានសង្កត់ធ្ងន់ថា សង្គ្រាមមិនអាចដោះស្រាយបញ្ហាបានឡើយ ហើយនៅទីបំផុត មានតែការចរចា និងការរក្សាឱ្យបាននូវសន្តិភាពប៉ុណ្ណោះ ទើបជាកត្តាគន្លឹះដ៏សំខាន់បំផុត​។

តាមរយៈជំនួបនោះ សម្តេចធិបតី និងលោកស្រីអគ្គលេខាធិការរង ក៏បានផ្លាស់ប្តូរមតិគ្នាអំពីបញ្ហាតំបន់ និង​អន្តរជាតិ​មួយចំនួន និងបានឯកភាពគ្នាអំពីសារៈសំខាន់ក្នុងការដោះស្រាយបញ្ហាដោយសន្តិវិធី ដោយគោរពតាមច្បាប់អន្តរជាតិ និងធម្មនុញ្ញអង្គការសហប្រជាជាតិ។ ទន្ទឹមគ្នានេះ សម្តេចធិបតីក៏បានជម្រាបជូនលោកស្រីអំពីការវិវត្តថ្មីៗនៃស្ថានភាពព្រំដែនកម្ពុជា-ថៃ និងគូសបញ្ជាក់អំពីការប្តេជ្ញាចិត្ត និងជំហររបស់កម្ពុជាក្នុងការដោះស្រាយបញ្ហាព្រំដែននេះដោយសន្តិវិធី ផ្អែកលើច្បាប់អន្តរជាតិ និងអនុលោមតាមអនុសញ្ញា សន្ធិសញ្ញា និងកិច្ចព្រមព្រៀង ដែលមានស្រាប់រវាងកម្ពុជានិងថៃ៕អត្ថបទ៖ហ្សាលីន

The post អគ្គលេខាធិការរង UN ឯកភាពលើការដោះស្រាយបញ្ហាព្រំដែនកម្ពុជា-ថៃ ដោយគោរពតាមច្បាប់អន្តរជាតិ appeared first on .

អ្នកនាំពាក្យក្រសួងការបរទេសចិន លោក Guo Jaikun បានធ្វើការលើកឡើងបែបនេះ នៅក្នុងសន្និសីទសារព័ត៌មានមួយបន្ទាប់ពីប្រធានាធិបតីអាមេរិក លោក ដូណាល់ ត្រាំ បាននិយាយកាលពីថ្ងៃអង្គារថា អង្គការសហប្រជាជាតិ ហៅកាត់ UN គួរតែបន្តដោយសារតែសក្តានុពលរបស់ខ្លួន ប៉ុន្តែក្រុមប្រឹក្សាសន្តិភាពដែលលោកកំពុងរៀបចំបង្កើតឡើង អាចនឹងជំនួសអង្គការអន្តរជាតិមួយនេះបាន។

ប៉ុន្តែទោះជាយ៉ាងណាក៏ដោយ មិនថាស្ថានភាពអន្តរជាតិវិវត្តទៅជាយ៉ាងណានោះទេ ប្រទេសចិននឹងនៅតែបន្តការពារយ៉ាងរឹងមាំនូវប្រព័ន្ធអន្តរជាតិដែលមានអង្គការសហប្រជាជាតិជាស្នូល សណ្តាប់ធ្នាប់អន្តរជាតិដែលគាំទ្រដោយច្បាប់អន្តរជាតិ និងបទដ្ឋានជាមូលដ្ឋានដែលគ្រប់គ្រងទំនាក់ទំនងអន្តរជាតិដោយផ្អែកលើគោលបំណង និងគោលការណ៍នៃធម្មនុញ្ញអង្គការសហប្រជាជាតិ។ នេះបើតាមអ្វីដែលលោក Guo Jaikun បានបញ្ជាក់បន្ថែម។

ជម្រាបជូនផងដែរថា លោក ត្រាំ កាលពីពេលថ្មីៗនេះ បានបង្ហាញពីគោលបំណងរៀបចំបង្កើតក្រុមប្រឹក្សាសន្តិភាព ក្នុងគោលបំណងដើម្បីរក្សានូវសន្តិភាពយូរអង្វែងសម្រាប់តំបន់ហ្កាហ្សា និងអាចឈានដល់ការដោះស្រាយបញ្ហាសកលនានា ដោយក្នុងនោះក៏បានដាក់លិខិតអញ្ជើញទៅកាន់ប្រទេសប្រមាណជា ៦០ ដើម្បីចូលរួមជាសមាជិកក្រុមប្រឹក្សាសន្តិភាពរបស់លោកនេះផងដែរ៕​

The post ចិន គាំទ្រ UN ពេញទំហឹង ក្រោយលោក ត្រាំ ថាក្រុមប្រឹក្សាសន្តិភាពរបស់ខ្លួនអាចជំនួសអង្គការនេះ appeared first on .

ប្រធានាធិបតីអាមេរិក លោក ដូណាល់ ត្រាំ បានថ្លែងទៅក្នុងសន្តិសីទសារព័ត៌មានមួយនៅថ្ងៃទី២០ ខែមករា នៅឯសេតវិមានថា ៖” អង្គការសហប្រជាជាតិពិតជាមិនបានជួយអ្វីច្រើននោះទេ។ ខ្ញុំពេញចិត្តទៅនឹងសក្តានុពលរបស់ស្ថាប័ននេះ ប៉ុន្តែពួកគេហាក់មិនអាចសម្រេចអ្វីបាននូវសក្តានុពលទាំងនោះឡើយ”។

យ៉ាងណាមិញ នៅពេលត្រូវបានអ្នកសារព័ត៌មានម្នាក់សួរនាំថា តើក្រុមប្រឹក្សាសន្តិភាពដែលលោក ត្រាំ ទើបតែប្រកាសថានឹងរៀបចំឡើង ដើម្បីកសាងឡើងវិញនៃតំបន់ហ្កាហ្សា អាចជំនួសអង្គការសហប្រជាជាតិបានឬអត់ ប្រធានាធិបតីអាមេរិករូបនេះ បានឆ្លើយតបវិញថា ប្រហែលជាអាច។

គួរឲ្យដឹងថា ក្រុមប្រឹក្សាសន្តិភាព ដូចដែលលោក ត្រាំ បានគ្រោងទុកដំបូង គឺជាក្រុមតូចមួយនៃមេដឹកនាំពិភពលោក ដែលទទួលខុសត្រូវក្នុងការត្រួតពិនិត្យផែនការសន្តិភាពតំបន់ហ្គាហ្សា។ តែទោះជាយ៉ាងណាក៏ដោយ ទំហំរបស់ស្ថាប័ននេះបានពង្រីក ដោយលោកបានផ្ញើលិខិតអញ្ជើញទៅកាន់ប្រទេសប្រហែល ៦០ និងបានបង្ហើបថា ក្រុមប្រឹក្សានេះនឹងសម្របសម្រួលជម្លោះសកលក្នុងពេលឆាប់ៗនេះ ដូចជា “ក្រុមប្រឹក្សាសន្តិសុខអង្គការសហប្រជាជាតិខ្នាតតូច” មួយអ៊ីចឹង។

ជម្រាបជូនថា ក្រុមប្រឹក្សាប្រតិបត្តិរបស់ក្រុមប្រឹក្សាសន្តិភាពនេះ រួមមានកូនប្រសាររបស់លោក ត្រាំ គឺលោក Jared Kushner រដ្ឋមន្ត្រីការបរទេស លោក Marco Rubio បេសកជនពិសេស លោក Steve Witkoff និងអតីតនាយករដ្ឋមន្ត្រីអង់គ្លេស លោក Tony Blair​៕

The post លោក ត្រាំ ថាក្រុមប្រឹក្សាសន្តិភាពរបស់លោក អាចនឹងជំនួសអង្គការសហប្រជាជាតិ appeared first on .

នៅក្នុងសេចក្តីប្រកាសរបស់សេតវិមាននោះ បាននិយាយថា ៖” នៅថ្ងៃទី៧ ខែមករា លោក ត្រាំ​ បានចុះហត្ថលេខាលើឯកសារមួយដែលដឹកនាំក្រសួង និងស្ថាប័នប្រតិបត្តិការឲ្យបញ្ឈប់ការចូលរួម និងការផ្តល់មូលនិធិដល់អង្គការមិនមែនអង្គការសហប្រជាជាតិចំនួន ៣៥ និងអង្គភាពអង្គការសហប្រជាជាតិចំនួន ៣១។ អង្គភាពទាំងនេះដំណើរការផ្ទុយពីផលប្រយោជន៍ជាតិ សន្តិសុខ វិបុលភាពសេដ្ឋកិច្ច ឬអធិបតេយ្យភាពរបស់សហរដ្ឋអាមេរិក”។

គួរឲ្យដឹងផងដែរថា ក្នុងចំណោមអង្គការចំនួន ៣១ ក្រោមអង្គការសហប្រជាជាតិ គឺរួមមានក្រុមប្រឹក្សាសេដ្ឋកិច្ច និងសង្គម (ECOSOC) សម្រាប់ទ្វីបអាហ្វ្រិក អាមេរិកឡាទីន និងការ៉ាប៊ីន អាស៊ី និងប៉ាស៊ីហ្វិក និងអាស៊ីខាងលិច , គណៈកម្មការច្បាប់អន្តរជាតិ (ILC និងមជ្ឈមណ្ឌលពាណិជ្ជកម្មអន្តរជាតិ (ITC)។

ហើយអ្វីដែលគួរឱ្យកត់សម្គាល់បំផុត ក្នុងចំណោមអង្គភាពទាំងនេះ ក៏រួមមានអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (UNFCCC) ដែលជាសន្ធិសញ្ញាជាមូលដ្ឋានដែលគាំទ្រដល់កិច្ចព្រមព្រៀងអាកាសធាតុអន្តរជាតិសំខាន់ៗទាំងអស់ ផងដែរ។

មិនតែប៉ុណ្ណោះ សហរដ្ឋអាមេរិកក៏បានដកខ្លួនចេញពីអង្គការ UN Women ដែលជាអង្គការមួយដែលធ្វើការដើម្បីសមភាពយេនឌ័រ និងការផ្តល់អំណាចដល់ស្ត្រី ក៏ដូចជាមូលនិធិប្រជាជនអង្គការសហប្រជាជាតិ (UNFPA) ដែលជាទីភ្នាក់ងារទទួលខុសត្រូវលើផែនការគ្រួសារ និងសុខភាពមាតា និងកុមារនៅក្នុងប្រទេសជាង ១៥០។ កាលពីឆ្នាំមុន សហរដ្ឋអាមេរិកបានកាត់បន្ថយការផ្តល់មូលនិធិដល់ UNFPA​ នេះ។

ជម្រាបជូនផងដែរថា ការសម្រេចចិត្តនេះត្រូវបានធ្វើឡើងបន្ទាប់ពីមានការពិនិត្យឡើងវិញដែលបានធ្វើឡើងនៅដើមឆ្នាំនេះនៃអង្គការអន្តររដ្ឋាភិបាលអន្តរជាតិ អនុសញ្ញា និងសន្ធិសញ្ញាទាំងអស់ដែលសហរដ្ឋអាមេរិកជាសមាជិក ឬភាគី និងយន្តការដែលទីក្រុងវ៉ាស៊ីនតោនផ្តល់មូលនិធិ ឬបានគាំទ្រក្នុងពេលកន្លងមក៕

The post លោក ត្រាំ ប្រកាសដកអាមេរិកចេញពី UN និងអង្គការអន្តរជាតិចំនួន ៦៦ ផ្សេងទៀត appeared first on .

នៅក្នុងរបាយការណ៍វាយតម្លៃស្ថានភាពនៅក្នុងតំបន់ហ្គាហ្សាដែលចេញផ្សាយក្នុងសប្តាហ៍នេះ សន្និសីទអង្គការសហប្រជាជាតិស្តីពីពាណិជ្ជកម្ម និងអភិវឌ្ឍ (UNCTAD) បាននិយាយថា ជម្លោះរយៈពេលពីរឆ្នាំ បានប្រែក្លាយទឹកដីនេះ ទៅជាទីដ៏ជ្រៅបំផុតនៃភាពអស់សង្ឃឹម ដែលជាស្នាដៃរបស់មនុស្ស។

អគារប្រហែល ១៧៤ ៥០០ ឬ ៧០% នៃរចនាសម្ព័ន្ធនៅទូទាំងតំបន់ហ្គាហ្សាត្រូវបានបំផ្លាញ ឬខូចខាត ដោយមានកម្ទេចកម្ទីជាង ៦១ លានតោនដែលត្រូវសម្អាត។ UNCTAD ក៏បានព្រមានផងដែរថា ប្រជាជនហ្គាហ្សាចំនួន ២,៣ លាននាក់កំពុងប្រឈមនឹងហានិភ័យនៃភាពក្រីក្រខ្លាំង និងទាំងស្រុង ដោយសារការប្រយុទ្ធគ្នាបានធ្វើឲ្យខូចដល់សសរស្តម្ភនៃជីវិតស្ទើរតែទាំងអស់នៅក្នុងទឹកដី។

មិនតែប៉ុណ្ណោះ សេដ្ឋកិច្ចរបស់តំបន់ហ្គាហ្សាបានធ្លាក់ចុះ ៨៧% នៅចន្លោះឆ្នាំ ២០២៣ និង ២០២៤ ដែលជំរុញឲ្យផលិតផលក្នុងស្រុកសរុបក្នុងមនុស្សម្នាក់ ធ្លាក់ចុះមកត្រឹម ១៦១ដុល្លារ ដែលជាកម្រិតទាបបំផុតក្នុងពិភពលោក។ ការកសាងតំបន់ហ្គាហ្សាឡើងវិញ អាចចំណាយពេលរាប់ទសវត្ស ហើយត្រូវបានគេរំពឹងថានឹងចំណាយទឹកប្រាក់អស់ជាង ៧០ពាន់លានដុល្លារ។

ជម្រាបជូនថា សង្គ្រាមនៅតំបន់ហ្គាហ្សា បានផ្ទុះឡើងបន្ទាប់ពីក្រុម Hamas បានបើកការវាយប្រហារលើអ៊ីស្រាអែលនៅថ្ងៃទី៧ ខែតុលា ឆ្នាំ២០២៣ ដោយបានសម្លាប់មនុស្ស ១ ២០០ នាក់ និងចាប់ចំណាប់ខ្មាំងចំនួន ២៥១ នាក់។ យុទ្ធនាការសងសឹកជាបន្តបន្ទាប់របស់អ៊ីស្រាអែលបានសម្លាប់ប្រជាជនប៉ាឡេស្ទីនជាង ៦៩ ០០០ នាក់ ដែលភាគច្រើនជាជនស៊ីវិល៕

The post UN ថាត្រូវការយ៉ាងហោចណាស់ ៧០ពាន់លានដុល្លារ ដើម្បីកសាងតំបន់ហ្គាហ្សាឡើងវិញ appeared first on .

នៅក្នុងសារដែលបង្ហោះលើបណ្តាញសង្គមនោះ លោកស្រី​ Lawlor បានសរសេរថា៖”​មានការព្រួយបារម្ភយ៉ាងខ្លាំងចំពោះរបាយការណ៍នៃការគំរាមសម្លាប់ និងវាយប្រហារតាមអ៊ីនធើណិត ប្រឆាំងទៅនឹងលោកស្រី Angkhana Neelapaijit ដែលជាព្រឹទ្ធសមាជិក អតីតស្នងការ NHRC និងជាស្ត្រីការពារសិទ្ធិមនុស្សនៅប្រទេសថៃ”។

លោកស្រីបន្តទៀតថា ៖”​ ការការពារការពិត យុត្តិធម៌ និងសេចក្តីថ្លៃថ្នូរ មានការព្រួយបារម្ភយ៉ាងខ្លាំងចំពោះរបាយការណ៍ទាក់ទងទៅនឹងការគំរាមកំហែងសម្លាប់ និងការវាយប្រហារតាមអ៊ីនធឺណិតប្រឆាំងនឹងលោកស្រី Angkhana ហើយការពារស្ត្រី និងសិទ្ធិមនុស្សគឺមិនមែនជាឧក្រិដ្ឋកម្ម​នោះទេ លោកស្ត្រីគួរតែ​ត្រូវ​បាន​ការពារ មិនគួរ​ត្រូវ​បាន​គេ​ប្រមាថបែបនេះឡើយ”។

ជម្រាបជូនផងដែរថា កន្លងមកលោកស្រី Angkhana បានបង្ហាញមតិរបស់ខ្លួនជុំវិញបញ្ហានៅតាមព្រំដែនកម្ពុជាថា ៖”​មុនពេលអ្វីៗកាន់តែតានតឹងឡើង ខ្ញុំសូមជំរុញឱ្យរដ្ឋាភិបាល​លោក Anutin បញ្ឈប់ការចាក់សម្លេងខ្មោចដែលរៀបចំឡើងដោយអ្នកជាតិនិយមជ្រុលថៃ មុនពេលដែលកេរ្តិ៍ឈ្មោះរបស់ប្រទេសថៃត្រូវបានបំផ្លាញលើឆាកអន្តរជាតិ ដោយសារសង្គមមួយដែលពោរពេញដោយអ្នកនិយមជ្រុលនិយមហួសហេតុពេក”៕​

The post អ្នករាយការណ៍ពិសេសរបស់​ UN អំពាវនាវឲ្យថៃ ចាត់វិធានការលើក្រុមជ្រុលនិយម ក្រោយចាក់សម្លេងខ្លាំងៗនៅព្រំដែនកម្ពុជា appeared first on .