អ្នកខេត្ដតាកែវមានការងារធ្វើគ្រប់គ្នាឬនៅ ពេលនេះក្រសួងការងារផ្ដល់ការងារជាង ៨ពាន់កន្លែងក្នុងវិស័យមួយនេះ

ក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា នៅសប្ដាហ៍ក្រោយនេះ ខេត្ដតាកែវ មានឱកាសការងារផ្ដល់ជូនបងប្អូនប្រជាពលរដ្ឋ ជាពិសេសអតីតពលករដែលវិលត្រឡប់មកកម្ពុជាវិញ ចំនួន ៨,៤៧០ កន្លែង។

បើតាមក្រសួងការងារ នៅថ្ងៃទី២៣ ខែមករា ឆ្នាំ២០២៦ បានឱ្យដឹងថា ឱកាសការងារទាំងអស់នោះមាននៅក្នុងវិស័យឧស្សាហកម្ម ដោយមានជ្រើសរើសជាច្រើនផ្នែកដូចជា កម្មករទូទៅ កម្មករក្នុងផលិតកម្ម លាបទឹកផ្ទះ គណនេយ្យ អ្នកដេរស្បែកជើង រួមទាំងមានផ្នែកផ្សេងៗជាច្រើនទៀតផងដែរ។

សូមជម្រាបជូនថា ចាប់តាំងពីខែកក្កដារហូតមកដល់ពេលបច្ចុប្បន្ននេះ បងប្អូនដែលជាអតីតពលករដែលវិលត្រឡប់មកកម្ពុជាវិញប្រមាណជាង ៣១ម៉ឺននាក់ ទទួលបានការងារធ្វើនៅក្នុងប្រទេស។ ប្រសិនបើបងប្អូន កំពុងស្វែងរកការងារធ្វើ សូមទំនាក់ទំនងមក ១២៩៧៕