លោក Jeff Bezos ស្ថាបនិកក្រុមហ៊ុន Amazon បានបង្កើនទ្រព្យសម្បត្តិប្រហែល ១០២ពាន់លានដុល្លារ នៅក្នុងខែកញ្ញា ដោយបានវ៉ាដាច់លោក Larry Page សហស្ថាបនិកក្រុមហ៊ុន Google ដើម្បីក្លាយជាបុគ្គលមានបំផុតទីពីរនៅលើពិភពលោក។
យោងតាមទស្សាវដ្តី Forbes បានរាយការណ៍ថា ទ្រព្យសម្បត្តិសរុបរបស់លោក Bezos បានឈានដល់ ៣៧០ពាន់លានដុល្លារ គិតត្រឹមថ្ងៃទី១ ខែតុលា ដែលជាចំណាត់ថ្នាក់ខ្ពស់បំផុតរបស់លោកនៅលើតារាងទ្រព្យសម្បត្តិរបស់ទស្សនាវដ្ដីនេះ ចាប់តាំងពីខែឧសភា ឆ្នាំ២០២៥ មក។ ហើយគិតត្រឹមថ្ងៃទី១១ ខែតុលា ទ្រព្យសម្បត្តិរបស់មេធំក្រុមហ៊ុន Amazon រូបនេះ បានកើនឡើងបន្ថែមទៀតដល់ប្រហែល ៣៨០,៨ពាន់លានដុល្លារ។
ជុំវិញការកើនឡើងនេះ ភាគច្រើនគឺត្រូវបានជំរុញដោយការកើនឡើងតម្លៃទីផ្សារនៃក្រុមហ៊ុនអវកាសឯកជនរបស់លោកគឺ Blue Origin និងក្រុមហ៊ុនបច្ចេកវិទ្យាបញ្ញាសិប្បនិម្មិត (AI) Startup ឈ្មោះ Prometheus ជំនួសឲ្យការកើនឡើងនៃភាគហ៊ុនរបស់ក្រុមហ៊ុន Amazon តែមួយ៕
ជម្រាបជូនថា បច្ចុប្បន្ននេះ លោក Bezos តាមពីក្រោយតែលោក Elon Musk ដែលជានាយកប្រតិបត្តិរបស់ក្រុមហ៊ុន Tesla និង SpaceX ប៉ុណ្ណោះ ខណៈពេលដែលទ្រព្យសម្បត្តិរបស់លោក Musk មានចំនួនប្រហែល ១,០២ទ្រីលានដុល្លារ៕
