កាលពីថ្ងៃទី ១៥ ឧសភាកន្លងទៅ សេតវិមានបានលាតត្រដាងពីស្ថានភាពហិរញ្ញវត្ថុរបស់ប្រធានាធិបតីអាមេរិក ចូ បៃដិន ដែលមានភាពខុសគ្នាតិចតួចកាលពីឆ្នាំទៅ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពី The Hill បានឲ្យដឹងថា ទិន្នន័យហិរញ្ញវត្ថុនេះគឺគិតពេញមួយឆ្នាំ ២០២២ ដោយប្រធានាធិបតីអាមេរិកទទួលបានចំណូលចន្លោះពី ២ ៥០០ ដល់ ៥ ០០០ដុល្លារ សម្រាប់ការសុំសិទ្ធចុះផ្សាយសៀវភៅដែលលោកនិពន្ធ។
ដោយឡែក សម្រាប់លោកជំទាវ Jill Biden វិញ ទទួលបានទឹកប្រាក់ចន្លោះពី ៥ ០០១ ដល់ ១៥ ០០០ដុល្លារ។
ទិន្នន័យមួយនេះក៏បានបង្ហាញពីទ្រព្យសម្បត្តិផ្ទាល់ខ្លួនរបស់ប្ដីប្រពន្ធ Bidens ដែលមានតម្លៃចន្លោះពី ១,០៩ លានដុល្លារ ទៅ ២,៥៧ លានដុល្លារ ដោយផ្អែកលើការវិនិយោគ និងការកាន់កាប់ដែលបានរាយការណ៍ ខណៈប្តីប្រពន្ធមួយគូនេះជំពាក់ប្រាក់ចន្លោះពី ២៥០ ០០០ ទៅ ៥០០ ០០០ដុល្លារ លើការបញ្ចាំផ្ទះនៅ Delaware របស់ពួកគេ៕
