ក្នុងអំឡុងពេលជួបពិភាក្សាជាមួយសហស្ថាបនិកក្រុមហ៊ុន Microsoft មហាសេដ្ឋីអាមេរិក Bill Gates លោក ស៊ី ជិនពីង បានជជែកគ្នាអំពីប្រធានបទនៃសន្ទុះវិស័យបច្ចេកវិទ្យាដែលកំពុងផ្ទុះខ្លាំង ជាពិសេសបច្ចេកវិទ្យាបញ្ញាសិប្បនិមិត្ត ដែលគេហៅថា AI តែម្ដង។
ក្នុងនោះ ប្រធានាធិបតីចិនបានអះអាង លោកស្វាគមន៍គ្រប់ក្រុមហ៊ុនអាមេរិក រួមទាំង Microsoft ផង បើសិនជាមានបំណងចង់យកបច្ចេកវិទ្យា AI របស់ពួកគេ មកវិនិយោគនៅចិន នោះលោកនឹងស្វាគមន៍ដោយដៃទាំង ២ តែម្ដង។ នេះបើតាមការចុះផ្សាយពី Reurters។
ក្រៅពីវិស័យ AI មហាសេដ្ឋីអាមេរិក និងមេដឹកនាំកំពូលចិនក៏បានជជែកគ្នាបន្ថែមពីការអភិវឌ្ឍន៍អាជីវកម្មរបស់ Microsoft នៅប្រទេសចិនផងដែរ។
គួររំលឹកដែរថា កន្លងមក លោក ស៊ី តែងតែនិយាយថា ចិនត្រូវតែចាប់យកឱកាសក្នុងការប្រើប្រាស់ AI ដើម្បីបង្កើនកំណើនសេដ្ឋកិច្ច ប៉ុន្តែជាមួយគ្នានោះក៏ត្រូវមានការប្រុងប្រយ័ត្នជាមួយនឹងហានិភ័យនៃបច្ចេកវិទ្យាមួយនេះដូចគ្នា៕
