នៅក្នុងខែមេសា ការនាំចេញប្រេងឆៅរបស់សហរដ្ឋអាមេរិក បានឈានដល់ ៥,២ លានបារ៉ែលក្នុងមួយថ្ងៃ ដែលជាការកើនឡើងជាង ៣០% បើធៀបទៅនឹងពេលមុនផ្ទុះឡើងនៃជម្លោះនៅជម្ឈិមបូព៌ា។ នេះបើតាមការចុះផ្សាយពីសារព័ត៌មាន CNBC។
នៅមុនពេលជម្លោះផ្ទុះឡើង Corpus Christi ដែលជាកំពង់ផែនាំចេញប្រេងធំជាងគេបំផុតទីបីរបស់ពិភពលោក នៅក្នុងរដ្ឋតិចសាស់ ទទួលបានអត្ថប្រយោជន៍យ៉ាងខ្លាំង ជាពិសេសនៅក្នុងខែមេសា ដោយការនាំចេញប្រេងឆៅរបស់សហរដ្ឋអាមេរិក ចេញពីកំពង់ផែនេះ បានឈានដល់កម្រិតកំណត់ត្រា ចំពេលពេលមានការជាប់គាំងស្ទើតែទាំងស្រុងនៃកំពង់ផែធំៗ ក្នុងតំបន់មជ្ឈិមបូព៌ា ដោយសារតែការបិទនូវច្រកសមុទ្រ Hormuz។
យ៉ាងណាមិញ បើយោងតាមទិន្នន័យពីក្រុមហ៊ុន Kpler បានបង្ហាញឲ្យដឹងថា សហរដ្ឋអាមេរិក បាននាំចេញប្រេងឆៅរបស់ខ្លួនក្នុងចំនួន ៥,២ លានបារ៉ែល ក្នុងមួយថ្ងៃ នៅក្នុងខែមេសា ដែលជាកើនឡើង ៣០% ធៀបទៅនឹងកម្រិតមុនកើតសង្គ្រាម។
គួរជម្រាបជូនផងដែរថា នៅកំពង់ផែ Corpus Christi ក្នុងខែមីនា និងត្រីមាសទីមួយនៃឆ្នាំនេះ ក៏ជាខែដែលមមាញឹកបំផុតក្នុងប្រវត្តិសាស្ត្ររបស់ពួកគេផងដែរ។ នាយកប្រតិបត្តិក្រុមហ៊ុនគ្រប់គ្រងកំពង់ផែ លោក Kent Britton បាននិយាយថា ចាប់តាំងពីការប្រយុទ្ធគ្នាផ្ទុះឡើងមក ការនាំចេញប្រេងជាមធ្យមរបស់កំពង់ផែនេះមានចំនួន ២,៥ លានបារ៉ែលក្នុងមួយថ្ងៃ។ កាលពីឆ្នាំមុន តួលេខនេះមានត្រឹមតែ ២,២ លានបារ៉ែលប៉ុណ្ណោះ៕
