មិនខុសប្លែកពីសប្ដាហ៍មុនឡើង បញ្ជីមហាសេដ្ឋីមានបំផុតលើលោកទាំង ១០ រូប នៅបន្តធ្លាក់ចុះនូវទ្រព្យសម្បត្តិរបស់ពួកគេបន្ថែមទៀត ប៉ុន្តែបុគ្គលនៅក្នុងបញ្ជីមួយនេះមិនទាន់មានការប្រែប្រួលជាដុំកំភួននោះឡើយ។
សម្រាប់សប្ដាហ៍មួយនេះ មហាសេដ្ឋីអាស៊ី Gautam Adani ហាក់ឡើងកូដខ្លាំងជាងគេ ពោលមួយតារាងបុគ្គលមានបំផុតលើលោកទាំង ១០ រូប ស្ដេចត្រាញ់មានដាច់គេនៅអាស៊ីសំងំកើបលុយតែម្នាក់ឯង។
យោងតាមទិន្នន័យចុះផ្សាយដោយ Forbes បានបង្ហាញថា ទ្រព្យសម្បត្តិរបស់ប្រធានក្រុមហ៊ុន Adani Group មានការកើនឡើង ៧ ពាន់លានដុល្លារ បើធៀបនឹងសប្ដាហ៍មុន។
ខាងក្រោមនេះគឺជាបញ្ជីឈ្មោះមហាសេដ្ឋីមានបំផុតលើលោកទាំង ១០ រូប គិតត្រឹមថ្ងៃទី ០៣ កញ្ញា ២០២២៖
1. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២៥០,៥ ពាន់លានដុល្លារ
2. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៥៥,១ ពាន់លានដុល្លារ
3. Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៥១,៩ ពាន់លានដុល្លារ
4. Guatam Adani ស្ថាបនិកក្រុមហ៊ុន Adani Group មានទ្រព្យសម្បត្តិសរុបប្រមាណ ១៤៧ ពាន់លានដុល្លារ
5. Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១០៦,៣ ពាន់លានដុល្លារ
6. Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១០៣ ពាន់លានដុល្លារ
7. Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ៩៦,៧ ពាន់លានដុល្លារ
8. Larry Page សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៩២,៨ ពាន់លានដុល្លារ
9/Mukesh Ambani ស្ថាបនិកក្រុមហ៊ុន Reliance Industries មានទ្រព្យសម្បត្តិសរុបប្រមាណ ៩២,២ ពាន់លានដុល្លារ
10.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិសរុបប្រមាណ ៨៨,៩ ពាន់លានដុល្លារ៕
