កាលពីថ្ងៃទី ១២ តុលាកន្លងទៅ ក្រុមហ៊ុន Toyota Motor បានបញ្ជាក់ពីការចាប់ផ្ដើមដំណើរការរោងចក្រតំឡើងរថយន្តឡើងវិញនៅប្រទេសមីយ៉ាន់ម៉ា ក្រោយផ្អាកជាង ១៩ ខែដោយសារវិបត្តិផ្ទៃក្នុរដ្ឋប្រហារយោធា និងជំងឺរាតត្បាតកូវីដ១៩។
ក្រុមហ៊ុនជប៉ុនមួយនេះបានឱ្យដឹងថា រោងចក្ររបស់ខ្លួនបានចាប់ផ្ដើមតំឡើងរថយន្ត ១ ឬ ២ គ្រឿងជារៀងរាល់ថ្ងៃ ដោយសារតែសល់គ្រឿងបន្លាស់ដែលបានដឹកមកដល់មីយ៉ាន់ម៉ាតាំងពីខែកញ្ញាកន្លងទៅ។
សូមជម្រាបដែរថា មិនមែនមានតែ TOYOTA មួយឡើយ ពោលក្រុមហ៊ុនបរទេសជាច្រើនទៀតកំកំពុងរងការដាក់សម្ពាធយ៉ាងខ្លាំងពីរដ្ឋាភិបាលយោធាមីយ៉ាន់ម៉ា រហូតក្រុមហ៊ុនទាំងនោះបានបង្ខំចិត្តបញ្ឈប់ ឬផ្អាកអាជីវកម្មធំៗ។
គួររំលឹកថា រោងចក្រតំឡើងរថយន្ត Toyota នៅមីយ៉ាន់ម៉ា គឺមានគម្រោងសម្ពោធជាផ្លូវការនៅខែកុម្ភៈ ឆ្នាំ២០២១ ចំពេលជាមួយគ្នានឹងការធ្វើរដ្ឋប្រហារ រារាំងអអតីតមេដឹកនាំ លោកស្រី អង់សាន ស៊ូជី ក្នុងការបង្កើតរដ្ឋាភិបាលថ្មី ពីលោក មីង អ៊ុងឡំាង មេដឹកនាំយោធាបច្ចុប្បន្ន៕
