រោងចក្រផលិតរថយន្តអគ្គិសនី Tesla នឹងកាត់បន្ថយការផលិតរថយន្ត Model Y នៅឯទីក្រុងសៀងហៃ ប្រទេសចិន រហូតដល់ច្រើនជាង ២០% បើធៀបនឹងស្ថិតិផលិតរថយន្តម៉ូដែលមួយនេះកាលពីខែវិច្ឆិកា។
បើទោះជាមិនទាន់មានការបកស្រាយច្បាស់លាស់ជុំវិញបញ្ហាមួយនេះក៏ដោយ ប៉ុន្តែ CNA ចុះផ្សាយថា ការរឹតបន្តឹងដ៏តឹងរ៉ឹងនៃវិធានការកូវីដសូន្យរបស់ចិន អាចជាដើមចមនៃការកាត់បន្ថយការផលិតរបស់ Tesla។
យ៉ាងណាកាលពីខែមុន ទិន្នន័យលក់រាយរបស់ Tesla បានកើនឡើងជិតទ្វេដង បើធៀបនឹងឆ្នាំទៅក្នុងរយៈពេលដូចគ្នា បន្ទាប់ពីក្រុមហ៊ុនមួយនេះចាប់ផ្ដើមកាត់បន្ថយតម្លៃ និងផ្ដល់អត្ថប្រយោជន៍ជាច្រើនដល់អតិថិជន សម្រាប់ការទិញរថយន្ត Model 3 និង Model Y។
សូមជម្រាបដែរថា កាលពីខែកញ្ញា Tesla ធ្លាប់មានគម្រោងបង្កើនការផលិតរថយន្ត Model Y និង Model 3 នៅត្រីមាសទី ៤ សម្រាប់រោងចក្រទើបបង្កើតថ្មីនៅទីក្រុង Austin និង Berlin ទៀតផង៕
