កាលពីពេលថ្មីៗនេះ សហភាពអឹរ៉ុប ហៅកាត់ EU បានទម្លាយថា មហាសេដ្ឋី Elon Musk អាចនឹងប្រឈមនឹងការដាក់ទណ្ឌកម្ម បន្ទាប់ពីរូបលោកបានបង្កកគណនី Twitter របស់ក្រុមសារព័ត៌មានធំៗជាច្រើន។
យោងតាមការចុះផ្សាយពី Telegraph បានបង្ហាញថា គណនី Twitter ដែលត្រូវបានបង្កកបណ្ដោះអាសន្នភាគច្រើន គឺជារបស់បុគ្គលិកសារព័ត៌មាន The New York Times, CNN និង Washington Post ក្រោយពួកគេបង្ហោះ Stories រិះគន់ Twitter។
សូមជម្រាបដែរថា យោងតាមច្បាប់ថ្មីដែលអនុម័តដោយ EU បានចែងថា គ្រប់បណ្ដាញសង្គមទាំងអស់ ត្រូវតែធ្វើការពន្យល់ដល់អ្នកប្រើប្រាស់ ជុំវិញបញ្ហាដែលគណនីរបស់ពួកគេត្រូវបានបង្កក និងត្រូវផ្ដល់ឱកាសឲ្យពួកគេតវ៉ាយកគណនីរបស់ពួកគេមកវិញ។
យ៉ាងណា ជំនួសឲ្យការឆ្លើយតបជាមួយនឹងស្ថាបន័សារព័ត៌មានធំៗដែលត្រូវបានបង្កកគណនី Elon Musk បែរជាបង្ហោះសារសួរយោបល់អ្នកប្រើប្រាស់ដទៃថា គួរតែប្រគល់គណនីទៅឲ្យពួកគេវិញ ក្នុងងរយៈពេលណាមួយទៅវិញ៕
