ទីបំផុត វៀតណាមរកឃើញប្រធានាធិបតីថ្មី ជំនួសលោក Nguyen Xuan Phuc

អន្តរជាតិ

កាលពីខែមករាកន្លងទៅ លោក Nguyen Xuan Phuc បាន​ប្រកាសលាលែងពីតំណែង​ជាប្រធានាធិបតី បន្ទាប់ពីមានមន្ត្រីថ្នាក់ក្រោមទម្លាយថា លោកប្រើអំណាចគាបសង្កត់ពួកគេ។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

អស់រយៈពេលប្រហែល ១ ខែកន្លះ សភាវៀតណាម​បានរកឃើញ​អ្នកស្នងតំណែង​ប្រធានាធិបតី​គឺ Vo Van Thuong នៅក្នុងការរុះរើថ្នាក់ដឹកនាំកំពូលរបស់ប្រទេស ចំពេលមានយុទ្ធនាការប្រឆាំងអំពើពុករលួយ។

យោងតាមការចុះផ្សាយពី Reuters បាន​បង្ហាញថា បុរសវ័យ ៥២ ឆ្នាំ​ទទួលបាន​សម្លេងគាំទ្រ​ខ្លាំង រហូតដល់ ៩៨,៣% បន្ទាប់ពីគណបក្សកុម្ម៉ុនីស្ត គាំទ្រលោកជាបេក្ខភាពប្រធានាធិបតីកាលពីថ្ងៃពុធ។

សម្រាប់ការជាប់ជាប្រធានាធិបតីនេះផងដែរ លោក Thuong បាននិយាយថា នឹងព្យាយាមគ្រប់គ្រងស្ថានការណ៍ប្រទេស និងបន្តបង្ក្រាបអំពើពុករលួយផងដែរ។

“ខ្ញុំសូមប្ដេជ្ញាថា នឹង​ស្មោះ​ត្រង់​ចំពោះ​ជាតិ​មាតុភូមិ ប្រជាជន និង​រដ្ឋធម្មនុញ្ញ ខិតខំ​បំពេញ​ភារកិច្ច​ដែល​បក្ស រដ្ឋ និង​ប្រជាជន​ប្រគល់​ជូន”។ នេះបើតាមសម្ដីប្រធានាធិបតីវៀតណាមថ្មី​បាននិយាយ៕