តើឥស្សរជនជាន់ខ្ពស់រូបណាខ្លះជូនដំណើរ ស៊ី ជិនពីង វិលទៅប្រទេសចិនវិញ?

អន្តរជាតិ

បន្ទាប់ពីបញ្ចប់ភារកិច្ចដំណើរទស្សនកិច្ចផ្លូវរដ្ឋ ៣ថ្ងៃ ប្រធានាធិបតីចិន ស៊ី ជិនពីង បានធ្វើដំណើរ​ចាកចេញពី​ប្រទេសរុស្ស៊ី​ វិលត្រឡប់ទៅកាន់ប្រទេសចិនវិញ នាថ្ងៃទី ២២ មីនា ២០២៣។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

យោងតាម​ការចុះផ្សាយពី TASS បានឲ្យដឹងថា មានឥស្សរជនជាន់ខ្ពស់ជាច្រើនរូប រំលេច​វត្តមាន​ក្នុងការ​ជូនដំណើរ​ប្រធានាធិបតីចិន វិលត្រឡប់ទៅកាន់មាតុភូមិវិញនៅប្រលានយន្តហោះ Vnukovo-2 ក្នុងទីក្រុងមូស្គូដូចជា ឧបនាយករដ្ឋមន្ត្រី Dmitry Chernyshenko អនុរដ្ឋមន្ត្រីការបរទេស Andrey Rudenko និងមន្ត្រីជាន់ខ្ពស់ជាច្រើនរូបទៀត។

គួររំលឹកដែរថា រុស្ស៊ីគឺជាប្រទេសទីមួយដែលលោក ស៊ី ជិនពីងធ្វើទស្សនកិច្ច បន្ទាប់ពីជាប់ឆ្នោត​ជា​ប្រធានាធិបតីចិន៣អាណត្តិជាប់ៗគ្នា ហើយវាក៏ជាការជួបមុខគ្នាផ្ទាល់ជាមួយ​មិត្តសម្លាញ់ វ៉្លាឌីមៀរ ពូទីន ក្រោយខកខានអស់រយៈពេលជិត ៤ឆ្នាំ។

សម្រាប់ដំណើរទស្សនកិច្ចនេះផងដែរ ចិន និងរុស្ស៊ីសម្រេចបានកិច្ចព្រមព្រៀងដូចជា ពង្រឹងយុទ្ធសាស្ត្រ​កិច្ចសហប្រតិបត្តិការ​ភាពជាដៃគូគ្រប់ជ្រុងជ្រោយ ជាពិសេស​ការ​ចុះ​ហត្ថលេខា​លើ​កិច្ចព្រមព្រៀងសម្រាប់​យុគសម័យថ្មី ដែលបន្ថែមទំងន់​លើកិច្ចសហប្រតិបត្តិការ​ភាពជាដៃគូគ្មានដែនកំណត់​រវាងចិន និងរុស្ស៊ី៕