រាជធានីភ្នំពេញ ៖ ការបើកដំណើរការជាផ្លូវការរបស់ Noro Lane នៅចំកណ្តាលបេះដូងទីក្រុងភំពេញ បានទាក់ទាញភ្ញៀវជាច្រើនរយពាន់នាក់ និងបង្កើតកន្លែងថ្មីមួយដ៏សម្បូរបែបសម្រាប់ការទិញទំនិញ ការកម្សាន្ត និងរបៀបរស់នៅងថ្មីរបស់យុវវ័យនៅទីក្រុងភ្នំពេញ។
កម្មវិធីនេះប្រព្រឹត្តទៅនៅថ្ងៃ សៅរ៍ ទី២៦ ខែមេសា ដោយមាន ការអញ្ចើញចូលរួមយ៉ាងខ្ពង់ខ្ពស់ពីវត្តមាន លោកអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង លោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុនជីប ម៉ុង អ្នកឧកញ៉ា លាង ម៉េង សហស្ថាបនិក និងប្រធានក្រុមអគ្គនាយកក្រុមហ៊ុន ជីប ម៉ុង លោកជំទាវ លី សុខឆេង នាយិកាក្រុមហ៊ុន ជីប ម៉ុង រីថែល និងសមាជិកក្រុមប្រឹក្សាភិបាលក្រុមហ៊ុន ជីប ម៉ុង និងភ្ញៀវកិត្តិយសជាច្រើនរូបទៀតផងដែរ ។
ពិធីបើកនេះបានមានសកម្មភាពចម្បងដូចជា៖
- ពិធីកាត់ខ្សែបូរណ៍ជាមួយភ្ញៀវកិត្តិយស
- ការប្រគំតន្រ្តីដោយក្រុមតន្រ្តីពេញនិយម និង DJ
- កម្មវិធី “Spend & Win” ដែលមានរង្វាន់ច្រើនសន្ធឹកសន្ធាប់
- បរិយាកាសតុបតែងស្អាតទាក់ទាញសម្រាប់ថតរូប
- ការផ្តល់ជូនពិសេសពីហាងជាច្រើនក្នុងផ្សារ Noro Lane
- កម្មវិធីសម្រាប់ក្មេងៗ រួមមានការទស្សនាកុនបែប គំនូរជីវចល
ស្ថិតនៅក្នុងចំកណ្តាលបេះដូងនៃ ទីក្រុងភ្នំពេញ Noro Lane ជាកន្លែងប្រមូលផ្ដុំទាំងម៉ូតសម្លៀកបំពាក់ អាហារ សិល្បៈ និងការកម្សាន្ត ដែលផ្ដល់បទពិសោធន៍បែប ទំនើប និងសប្បាយសម្រាប់អ្នកដែលរស់នៅក្នុងទីក្រុង។ នាពេលខាងមុខនេះ Noro Lane ក៏នឹងបន្តរៀបចំព្រឹត្តិការណ៍ទាក់ទាញដទៃទៀត ដូចជា កម្មវិធីតាមរដូវកាល កម្មវិធីបែបសហគមន៍ និងការផ្សព្វផ្សាយផ្សេងៗ ដើម្បីបង្កើតបទពិសោធន៍ថ្មីៗសម្រាប់សាធារណៈជន។
គួរជម្រាបថា ក្នុងដំណើររីកចម្រើនឥតឈប់ឈររបស់ក្រុមហ៊ុន ជីប ម៉ុង និងពាណិជ្ជកម្មទាំង១៤ ឈរជើងរឹងមាំជាង៤០ឆ្នាំ ជីប ម៉ុង នៅតែបន្តប្រកាន់យកឆន្ទៈមោះមុតក្នុងការលើកតម្កើងគ្រប់សមិទ្ធផលដែលសាងឡើងដោយស្នាដៃកូនខ្មែរវិនិយោគទៅលើរបត់បែបផែនថ្មីដើម្បីជាឱកាសពង្រីកអាជីវកម្មនិងបម្រើគ្រប់តម្រូវការរបស់អតិថិជន៕
