ឃើញកសិកររអ៊ូអត់អ្នកទិញផ្លែល្ពៅ ឧកញ៉ា ម៉ុង ឫទ្ធី ជួយទិញជាងកន្លះតោនភ្លាមៗ និងផ្ញើសារមួយនេះត្រឡប់ទៅវិញ

ជុំវិញ​ឧកញ៉ា

អូសហ្វេសប៊ុកចុះឡើងៗ ឃើញបងប្អូនប្រជាកសិករ រអ៊ូរឿងដំណាំល្ពៅប្រមូលផលបានហើយ តែអត់មានទីផ្សារលក់ចេញ ឯកឧត្ដមបណ្ឌិតឧកញ៉ា ម៉ុង ឫទ្ធី ក៏បានទិញយក ចំនួន ៦.៥០០គីឡូក្រាម សម្រាប់ធ្វើជាចំណីសត្វចិញ្ចឹមរបស់ខ្លួននៅកសិដ្ឋាន។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោកឧកញ៉ា ចិត្តធម៌ សរសេររៀបរាប់ថា៖ «មេីលតាម​បណ្តាញសង្គម​ហ្វេសប៊ុក​ឃេីញ​កសិករ​ខេត្ត​សៀមរាប​ បង្ហោះ​អោយជួយទិញ​ផ្លែល្ពៅ​ដែលពួកគាត់​ដាំបានហេីយគ្មាន​អ្នកទិញ​ ខ្ញុំ​បាន​ជួយទិញពួកគាត់​សរុបទាំងអស់​បានចំនួន​៦.៥០០គីឡូក្រាម​ គុណភាពមិនសូវល្អទេ​ គាត់ដាំនៅ​ជិតបន្លែ ​តែល្ពៅនេះ​ស្ពោតៗខ្វះជាតិទឹក​»។  

ទន្ទឹមគ្នានេះដែរ លោកឧកញ៉ាដ៏ប៉ិនប្រសព្វក្នុងវិស័យកសិកម្មខ្មែររូបនេះ លោកក៏បានផ្ដាំផ្ញើសារទុកគ្រាន់ជាផ្នត់គំនិតមួយដល់បងប្អូនកសិករយ៉ាងដូច្នេះថា៖ «ខ្ញុំ​មានសំណូមពរ​ដល់​ប្រជាកសិករ​យេីង​ សូមមេត្តា​កុំចាំតែ​ស្រែកតាម​បណ្តាញសង្គម​ខ្លាំងពេក​ វាអាច​ធ្វេីអោយ​មានផល​ប៉ះពាល់​ដល់​កិត្តិយស​ជាតិ​របស់​យេីង។​ កសិករ​ត្រូវ​​តែ​ឆ្លាតវៃ​រាល់​ការដាំគួតែ​ចិញ្ចឹម​សត្វ​ដូចខ្ញុំ​ថតរូប​មួយ​ចំនួន​តូចនៅក្នុង​នេះ​ ពេលយេីង​លក់មិនចេញ​នោះត្រូវ​តែយកមកអោយសត្វសុី​ បេីយេីងគិតពី​តម្លៃ​វិញវាមិន​ថ្លៃ​ជាង​ចំណីសត្វទេ​គឺ​ផ្លែល្ពៅ​នេះ៦០០៛មួយគីឡូ​ ឈ្នួលដឹក​ជញ្ជូន​២០០៛សៀមរាប​ភ្នំពេញ​សរុប​៨០០៛​មួយគីឡូ​ បេីយេីងគឹតពី​តម្លៃ​ចំណី​សត្វ​ពេលនេះ១.៨០០៛​មួយគីឡូក្រាម​ ប្រមាណ​ជា​៤២៥ដុល្លារ​មួយតោន​ ៕