ភ្នំពេញ — ថ្ងៃអង្គារ ទី៤ ខែសីហា ឆ្នាំ២០២៦ — ក្រុមហ៊ុន វិរៈ ប៊ុនថាំ អេចប្រេស (VET Express) អ្នកឧកញ៉ា បណ្ឌិត សួរ វីរៈ របស់កម្ពុជា និងក្រុមហ៊ុន Phuong Trang FUTA Express Service Corp. (FUTA Express) របស់វៀតណាម បានចុះហត្ថលេខាលើអនុស្សរណៈនៃការយោគយល់គ្នា (MOU) ដើម្បីអភិវឌ្ឍរួមគ្នានូវសេវាកម្មដឹកជញ្ជូនទំនិញឆ្លងកាត់ព្រំដែន និងសេវាកម្មដឹកជញ្ជូនកញ្ចប់ទំនិញរវាងប្រទេសទាំងពីរ។
ពិធីចុះហត្ថលេខានេះត្រូវបានប្រារព្ធឡើងក្រោមវត្តមានរបស់ថ្នាក់ដឹកនាំក្រុមហ៊ុន ដៃគូសហការ និងភ្ញៀវកិត្តិយស ដែលពាក់ព័ន្ធក្នុងវិស័យតភ្ជាប់ និងសម្រួលពាណិជ្ជកម្មក្នុងតំបន់។
ភាពជាដៃគូយុទ្ធសាស្ត្រដឹកជញ្ជូនឆ្លងកាត់ព្រំដែនដោយរលូន
យោងតាមអនុស្សរណៈនៃការយោគយល់គ្នា (MOU) ក្រុមហ៊ុនទាំងពីរនឹងរួមបញ្ចូលគ្នានូវចំណុចខ្លាំង និងបណ្តាញប្រតិបត្តិការរៀងៗខ្លួន ដើម្បីផ្តល់ជូននូវដំណោះស្រាយផ្នែកដឹកជញ្ជូន ដ៏ទូលំទូលាយនៅទូទាំងប្រទេសកម្ពុជា និងវៀតណាម។ កិច្ចសហប្រតិបត្តិការនេះផ្តោតលើវិស័យសំខាន់ៗចំនួនពីរ៖
- សេវាកម្មដឹកជញ្ជូនពេញមួយរថយន្ត (FTL) និងពេញមួយកុងតឺន័រ (FCL) សម្រាប់ការដឹកជញ្ជូនទំនិញបរិមាណច្រើន និងទំនិញឧស្សាហកម្មប្រកបដោយប្រសិទ្ធភាព។
- សេវាកម្មដឹកជញ្ជូនទំនិញមិនពេញមួយរថយន្ត (LCL) កញ្ចប់ទំនិញ និងការដឹកជញ្ជូនសម្រាប់ វិស័យពាណិជ្ជកម្មអេឡិចត្រូនិក (e-commerce) ដើម្បីឆ្លើយតបទៅនឹងតម្រូវការដែលកំពុងកើនឡើងរបស់អាជីវកម្ម និងអ្នកប្រើប្រាស់ នៃសេវាកម្មដឹកជញ្ជូនដ៏ឆាប់រហ័ស និងទុកចិត្តបាន។
តាមរយៈការបែងចែកការទទួលខុសត្រូវដែលបំពេញឱ្យគ្នាទៅវិញទៅមក VET Express នឹងគ្រប់គ្រងការទំនាក់ទំនង និងនីតិវិធីគយនៅផ្នែកខាងកម្ពុជា ចំណែក FUTA Express នឹងទទួលបន្ទុកប្រតិបត្តិការដែលពាក់ព័ន្ធនៅប្រទេសវៀតណាម ដើម្បីធានាបាននូវដំណើរការដ៏រលូន និងមានប្រសិទ្ធភាពពេញលេញ ចាប់ពីចំណុចចាប់ផ្តើមរហូតដល់គោលដៅចុងក្រោយ។
មូលដ្ឋានគ្រឹះសម្រាប់កិច្ចសហប្រតិបត្តិការរយៈពេលវែង
ក្នុងឱកាសនោះ ឯកឧត្តមអ្នកឧកញ៉ាបណ្ឌិត សួរ វីរៈ អគ្គនាយកក្រុមហ៊ុន វិរៈ ប៊ុនថាំ អេចប្រេស បានមានប្រសាសន៍ថា៖ «នេះមិនមែនគ្រាន់តែជាពិធីចុះហត្ថលេខាប៉ុណ្ណោះទេ ប៉ុន្តែវាជាការចាប់ផ្តើមនៃភាពជាដៃគូដ៏ពិតប្រាកដមួយ ដែលកសាងឡើងលើមូលដ្ឋាននៃទំនុកចិត្តទៅវិញទៅមក និងចក្ខុវិស័យរួមក្នុងការតភ្ជាប់ប្រទេសកម្ពុជា និងវៀតណាម តាមរយៈសេវាកម្មដឹកជញ្ជូន និងភស្តុភារកម្ម (logistics) ដែលលឿនរហ័ស និងអាចទុកចិត្តបាន»។
អនុស្សរណៈនៃការយោគយល់គ្នា (MOU) នេះឆ្លុះបញ្ចាំងពីបំណងប្រាថ្នា និងការប្តេជ្ញាចិត្តរួមរបស់ក្រុមហ៊ុនទាំងពីរ ក្នុងការរួមបញ្ចូលគ្នានូវចំណុចខ្លាំង ដែលនឹងអាចដោះស្រាយបញ្ហាស្មុគស្មាញនៃការដឹកជញ្ជូនឆ្លងកាត់ព្រំដែន និងផ្តល់ជូននូវគុណតម្លៃពិតប្រាកដដល់អតិថិជននៅក្នុងប្រទេសទាំងពីរ។
អំពី VET Express
ក្រុមហ៊ុន Vireak Buntham Express Co., Ltd. គឺជាក្រុមហ៊ុនឈានមុខគេផ្នែកដឹកជញ្ជូនទំនិញរហ័ស នៅប្រទេសកម្ពុជា ដែលតែងប្តេជ្ញាចិត្តក្នុងការផ្តល់សេវាកម្មដឹកជញ្ជូន និងបញ្ញើរហ័ស មានប្រសិទ្ធភាព និងអាចទុកចិត្តបាននៅទូទាំងក្នុងប្រទេស និងក្នុងតំបន់។
អំពី FUTA Express
ក្រុមហ៊ុន Phuong Trang FUTA Express Service Corp. គឺជាអ្នកផ្តល់សេវាកម្មដឹកជញ្ជូន និងសេវាបញ្ជូនទំនិញរហ័សដ៏លេចធ្លោនៅប្រទេសវៀតណាម ដែលមានបណ្តាញប្រតិបត្តិការយ៉ាងទូលំទូលាយ និងមានការប្តេជ្ញាចិត្តខ្ពស់ក្នុងការផ្តល់សេវាកម្មប្រកបដោយគុណភាពល្អឥតខ្ចោះ។
