ឧកញ៉ា លីម ប៊ុណ្ណា ទទួលបានការតែងតាំងជា «ជំនួយការ» របស់សម្តេចតេជោ ហ៊ុន សែន

ជុំវិញ​ឧកញ៉ា

កាលពី​ថ្ងៃទី​១៨ ខែសីហា ឆ្នាំ​២០២២​ ឧកញ៉ា លីម ប៊ុណ្ណា ហៅខ្នា អគ្គនាយកក្រុមហ៊ុន អិលប៊ីអិន គ្រុប (LBN Group) ទទួល​បាន​ការ​តែងតាំង​ជា​ «ជំនួយការ» ​របស់​សម្តេចអគ្គមហាសេនាបតីតេជោ ហ៊ុន សែន ដែល​ការ​តែងតាំង​នេះ ជា​ការ​តែងតាំង​ក្នុង​ក្របខណ្ឌ​មន្ត្រី​គណបក្ស។ នេះ​បើ​តាម​សេចក្តីសម្រេច​លេខ ៣៣៦/០៨២២/សស.គក ដែល​បាន​ចុះ​ហត្ថលេខា​ដោយ​សម្តេច​តេជោ ហ៊ុន សែន ប្រធាន​គណបក្ស​ប្រជាជន​កម្ពុជា។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ឧកញ៉ា លីម ប៊ុណ្ណា និងភរិយា លោកជំទាវ ថុង ធីតា បាន​បង្កើត​បណ្តុំអាជីវកម្ម អិលប៊ីអិន គ្រុប កាល​ពី​ឆ្នាំ​២០០២ ​​ដែល​រហូត​មក​ដល់​បច្ចុប្បន្ន​មាន​​ប្រភេទ​​អាជីវកម្ម​ជា​ច្រើន​​​ដូច​ជា អចលទ្រព្យ និង​សំណង់, វិស័យ​កសិកម្ម និង​ឧស្សាហកម្ម, ការ​ដឹក​ជញ្ជូន និង​​នាំ​ចេញ​នាំ​ចូល, ស្ថានីយប្រេងឥន្ធនៈ និង​មីនីម៉ាត, ភោជនីយ​ដ្ឋាន និង​ហាង​កាហ្វេ, សណ្ឋាគារ និង​ស្កាយបារ, ក្លឹប​បាល់ទាត់, ម៉ាស្សា ស្បារ និង​ខេធីវី, រមណីយដ្ឋាន និង​តំបន់​អេកូទេសចរណ៍ និង​សហគ្រាស​កែច្នៃ​ផ្លែឈើ។

បច្ចុប្បន្ន អិលប៊ីអិន គ្រុប មាន​ក្រុមហ៊ុន និង​អាជីវកម្ម​ធំៗ​​ជា​បុត្រ​សម្ព័ន្ធ​ចំនួន ១៧ ​មាន​ដូចជា៖ តាំក្រះធើយ​កម្ពុជា, ចម្ការតាខ្នា, រមណីយដ្ឋានអិលប៊ិអិន កែងគោល-ស្ទោង, លីម ប៊ុណ្ណា ផែស្ងួត, ប៊ីអេចអិល អង្គរ អ៊ីម​ផត-អិចផត, ការដ្ឋានកិនថ្ម លីម ប៊ុណ្ណា, អិលប៊ិអិន អង្ករកម្ពុជា, អិលប៊ីអិន អ៊ីនធើធេនមេន, អិលប៊ីអិន ក្លឹប​បាល់ទាត់, ស្ថានីយប្រេងឥន្ធនៈ លីម ប៊ុណ្ណា (ប្រធាតុ), ប៊ីអេចអិល បេតុងលាយស្រេច, បុរី លីម ប៊ុណ្ណា, ចំណតរថយន្ត​ច្រក​ទ្វារ​អន្តរជាតិ​ត្រពាំង​ផ្លុង, គម្រោង​អភិវឌ្ឍ​ដីឡូត៍​លំនៅឋាន, សហគ្រាស អិលប៊ីអិន អេហ្គ្រីខលឈ័រ, អេស៊ានស្ប៉ា និងខេធីវី និងសណ្ឋាគារ អិលប៊ីអិន អេស៊ាន និង ឌឹរីវើ ស្កាយបារ។

​សូមជម្រាបជូនថា លោក លឹម ប៊ុណ្ណា ហៅ ខ្នា ដែល​គេ​ស្គាល់​ថា ជា​អ្នក​ជំនួញ​មួយ​រូប​ដ៏​ឆ្នើម​នៅ​កម្ពុជា​​ ទទួលបាន​ការតែងតាំង​គោរមងារ​ជា ឧកញ៉ា ដោយ​ព្រះរាជក្រឹត្យ​លេខ នស​/​រកត​/០១១១/០៤៨ ចុះ​ថ្ងៃទី​១៤ ខែមករា ឆ្នាំ​២០១១៕