ប្រេងសាំង និងម៉ាស៊ូត បន្តធ្លាក់ថ្លៃ ចាប់ពីថ្ងៃទី១៨ ខែមេសា ឆ្នាំ២០២៦

សេចក្តីជូនដំណឹងរបស់ក្រសួងពាណិជ្ជកម្ម នាល្ងាចថ្ងៃទី១៧ ខែមេសា បាន ឱ្យដឹងថា តម្លៃលក់រាយប្រេងសាំង និងប្រេងម៉ាស៊ូត នៅកម្ពុជា នឹងបន្តធ្លាក់ថ្លៃ ដោយចាប់ពីថ្ងៃទី១៨ ខែមេសា ឆ្នាំ២០២៦ ត្រូវលក់ក្នុងតម្លៃ ៤ ៩៥០រៀល​ សម្រាប់ប្រេងសាំង និង​ប្រេងម៉ាស៊ូត ៥ ៧០០រៀល ក្នុងមួយលីត្រ។

ក្រសួងពាណិជ្ជកម្ម បានបញ្ជាក់ថា ដោយរាជរដ្ឋាភិបាលបានបន្តបញ្ចុះចំនួន ៦,៥សេនដុល្លារ/លីត្រ ក្នុងគោលបំណងជួយសម្រួលដល់ជីវភាពរបស់ប្រជាពលរដ្ឋ និងបន្តបញ្ចុះ ១សេនដុល្លារ/លីត្របន្ថែមទៀត ដោយសារថ្លៃប្រេងសាំងអន្តរជាតិឡើងលើសពី ៩០ដុល្លារ/បារ៉ែល និងប្រេងម៉ាស៊ូតអន្តរជាតិ ឡើងលើស ១០០ដុល្លារ/បារ៉ែល ៣. ពន្ធគយ ០ (សូន្យ) ដុល្លារ

និងដោយផ្អែកតាមសភាពការណ៍ និងថ្លៃប្រេងឥន្ធនៈបន្តកើនឡើងនៅ ទីផ្សារអន្តរជាតិ ក៏ដូចជាថ្លៃដឹកជញ្ជូននិងថ្លៃធានារ៉ាប់រងមានការកើនឡើងខ្ពស់ សម្តេចធិបតីនាយករដ្ឋមន្ត្រី បានសម្រេច បញ្ចុះអាករបន្ថែមលើប្រេងសាំង និងប្រេងម៉ាស៊ូតមក ០ (សូន្យ) ដុល្លារ, បញ្ចុះអាករពិសេសលើប្រេងសាំងពី ៣០% មក ១៥% នឹង ប្រេងម៉ាស៊ូត ពី ៤% មក ០% និង បញ្ចុះអាករលើតម្លៃបន្ថែមលើប្រេងសាំងពី ១០% មក ៤% និងប្រេងម៉ាស៊ូត ពី ១០% មក ០% ដោយរាជរដ្ឋាភិបាលទទួលបន្ទុកជំនួសសរុបចំនួន ៦% សម្រាប់ប្រេងសាំង និង ១០% សម្រាប់ប្រេងម៉ាស៊ូត។

ដូច្នេះថ្លៃលក់រាយប្រេងឥន្ធនៈត្រូវអនុវត្ត ចាប់ពីថ្ងៃទី១៨ ខែមេសា ឆ្នាំ២០២៦ រហូតដល់ថ្ងៃជូនដំណឹងបន្ទាប់ គឺត្រូវលក់ ៤ ៩៥០រៀល/លីត្រ សម្រាប់ប្រេងសាំងធម្មតា (Gasoline 92) និង ៥៧០០រៀល/លីត្រ សម្រាប់ប្រេងម៉ាស៊ូត (Gasoil 10ppm)៕