តែទោះជាយ៉ាងណាក៏ដោយ ពាក់ព័ន្ធជាមួយតម្លៃនាំចេញវិញបានធ្លាក់ចុះ ១១,២% ដោយសារតែតម្លៃចុះទាប។ នេះបើយោងតាមសមាគមកាកាវកាហ្វេវៀតណាម។

សហភាពអឺរ៉ុប និងសហរដ្ឋអាមេរិកនៅតែជាទីផ្សារនាំចេញសំខាន់សម្រាប់កាហ្វេវៀតណាម។ ទន្ទឹមនឹងនេះ ទីផ្សារអាស៊ីជាច្រើន ជាពិសេសប្រទេសចិន កំពុងលេចចេញជាកម្លាំងចលករថ្មីសម្រាប់កំណើននៅក្នុងឧស្សាហកម្មនេះ។

យ៉ាងណាមិញ ទាក់ទងនឹងតម្លៃកាហ្វេនេះ ត្រូវបានគេព្យាករថាបានកើតឡើងដោយសារតែកត្តាជាច្រើន រួមទាំងការប្រែប្រួលអាកាសធាតុ និងភ្លៀងធ្លាក់ខ្លាំងដែលបានពន្យារពេលការប្រមូលផលនៅប្រេស៊ីល ខណៈពេលដែលបាតុភូតអាកាសធាតុ El Nino រលកកំដៅ និងគ្រោះរាំងស្ងួតត្រូវបានគេរំពឹងថានឹងប៉ះពាល់ដល់តំបន់អាស៊ី នៅចុងឆ្នាំ២០២៦ និង២០២៧ ដែលអាចប៉ះពាល់ដល់ការផលិត និងការផ្គត់ផ្គង់កាហ្វេ។

ប៉ុន្តែទោះជាយ៉ាងណាក៏ដោយ លោក Nguyen Nam Hai ប្រធានសមាគមកាហ្វេវៀតណាម បាននិយាយថា កាហ្វេវៀតណាមមានឱកាសជាច្រើនដើម្បីពន្លឿនកំណើនទាំងបរិមាណ និងតម្លៃនៅក្នុងខែចុងក្រោយនៃឆ្នាំនេះ៕​

The post ត្រឹមរយៈពេល ៨ខែ វៀតណាមកើបចំណូលលើសពី ៦ពាន់លានដុល្លារ ពីការនាំចេញកាហ្វេ appeared first on .

ថ្លែងក្នុងកិច្ចប្រជុំ លោក ធន់ វឌ្ឍនា អនុប្រធានទី២ ព្រឹទ្ធសភា បានឱ្យដឹងថា កិច្ចប្រជុំស្តីពី «ការជំរុញគោលនយោបាយកាហ្វេនៅកម្ពុជា» ធ្វើឡើងក្នុងគោលបំណងជំរុញ និងលើកទឹកចិត្តឱ្យភាគីពាក់ព័ន្ធរួមគ្នាអភិវឌ្ឍកាហ្វេជាដំណាំមានតម្លៃខ្ពស់ និងជាដំណាំយុទ្ធសាស្ត្រសម្រាប់កសិករ ជាពិសេសនៅប៉ែកឦសាន ដើម្បីបង្កើនផលិតកម្មក្នុងស្រុក កាត់បន្ថយការពឹងផ្អែកលើការនាំចូល និងបង្កើនចំណូលជូនពលរដ្ឋ។

លោកបញ្ជាក់ថា ការអភិវឌ្ឍវិស័យកាហ្វេត្រូវផ្អែកលើទិន្នន័យ និងការសិក្សាច្បាស់លាស់ ដើម្បីកំណត់តំបន់ដែលមានសក្តានុពលសម្រាប់ពង្រីកការដាំដុះ។ ខេត្តមណ្ឌលគិរីគួរជាតំបន់គោលដៅសំខាន់ ខណៈរតនគិរី កោះកុង និងពោធិ៍សាត់ គួរត្រូវបានសិក្សាបន្ថែម។ ជាមួយគ្នានេះ ត្រូវជំរុញការស្រាវជ្រាវ និងអភិវឌ្ឍពូជកាហ្វេក្នុងស្រុក ដែលមានគុណភាព តម្លៃសមរម្យ និងធន់នឹងអាកាសធាតុ ជំងឺ និងសត្វល្អិត ព្រមទាំងពង្រឹងបច្ចេកទេសដាំដុះ ការប្រមូលផល និងការកែច្នៃ ដើម្បីបង្កើនទិន្នផល និងគុណភាពកាហ្វេកម្ពុជា។

លោកក៏បានជំរុញការកសាង ខ្សែច្រវាក់តម្លៃពីចម្ការដល់ទីផ្សារ ដោយភ្ជាប់កសិករ អ្នកផ្គត់ផ្គង់ធាតុចូល អ្នកប្រមូលទិញ អ្នកកែច្នៃ ស្ថាប័នហិរញ្ញវត្ថុ និងទីផ្សារ ហើយការងារនេះត្រូវមានប្រព័ន្ធច្បាស់លាស់ ដើម្បីកាត់បន្ថយថ្លៃដើម ពង្រឹងគុណភាព និងបង្កើនសមត្ថភាពប្រកួតប្រជែង។ ទន្ទឹមនឹងនោះ លោកក៏បានលើកទឹកចិត្តឱ្យសមាគមចាប់ផ្តើមខ្សែច្រវាក់តម្លៃនេះពីសមាជិក និងកសិករនៅតំបន់សក្តានុពល និងបន្តពង្រីកទៅកសិករផ្សេងទៀត ដោយមានការចូលរួមពីវិស័យឯកជន ស្ថាប័នស្រាវជ្រាវ និងដៃគូអភិវឌ្ឍន៍។

បើតាមមន្រ្តីជាន់ខ្ពស់នៃព្រឹទ្ធសភា ដដែលបានបញ្ជាក់ដែរថា កាហ្វេអាចជា «ដំណាំយុទ្ធសាស្ត្ររបស់កសិករ» តាមរយៈការស្រាវជ្រាវ ការវិនិយោគ ការកសាងប្រព័ន្ធផលិតកម្ម និងការភ្ជាប់ទីផ្សារឱ្យបានច្បាស់លាស់៕ អត្ថបទ៖ហ្សាលីន

The post ព្រឹទ្ធសភា ជំរុញឱ្យភាគីពាក់ព័ន្ធរួមគ្នាអភិវឌ្ឍកាហ្វេជាដំណាំយុទ្ធសាស្រ្ត ដើម្បីទទួលបានតម្លៃខ្ពស់ appeared first on .

ស្ថានទូតអូស្រ្តាលីប្រចាំព្រះរាជាណាចក្រកម្ពុជា បានឱ្យដឹងថបន្តថា ឧស្សាហកម្មកាហ្វេនៅកម្ពុជាកំពុងរីកចម្រើនយ៉ាងឆាប់រហ័ស ប៉ុន្តែកសិករក្នុងស្រុកបច្ចុប្បន្នអាចផ្គត់ផ្គង់បានត្រឹមតែ ១០ ភាគរយប៉ុណ្ណោះនៃតម្រូវការកាហ្វេក្នុងស្រុក។ នេះបង្កើតឱកាសដ៏ធំមួយសម្រាប់កសិករនៅតំបន់ខ្ពង់រាបនៃប្រទេសកម្ពុជា ដែលមានអាកាសធាតុ និងលក្ខខណ្ឌភូមិសាស្ត្រសមស្របសម្រាប់ការដាំដុះកាហ្វេ។

ប្រភពដដែលបន្តថា អូស្ត្រាលីកំពុងធ្វើការជាមួយក្រុមហ៊ុនកាហ្វេកម្ពុជា និងកសិករខ្នាតតូច ដើម្បីធ្វើឲ្យប្រសើរឡើងនូវទិន្នផល គុណភាព និងស្ថិរភាពនៃផលិតកម្មកាហ្វេ។ ការគាំទ្រនេះជួយឲ្យកសិករជាច្រើន ជាពិសេសពីសហគមន៍ជនជាតិដើមភាគតិច អាចបង្កើនប្រាក់ចំណូល និងបង្កើតការងារដែលមាននិរន្តរភាព។

បើតាមស្ថានទូត បានបញ្ជាក់ទៀតថា អូស្ត្រាលីកំពុងគាំទ្រកម្ពុជា ក្នុងការកសាងសេដ្ឋកិច្ចដែលកាន់តែមានភាពធន់ និងបរិយាបន្ន ដែលកាលានុវត្តភាពសេដ្ឋកិច្ចប្រកបដោយគុណភាពអាចទទួលបានសម្រាប់មនុស្សគ្រប់គ្នា ហើយអាជីវកម្មរីកអាចចម្រើនបាន៕ អត្ថបទ៖ហ្សាលីន

The post អូស្ត្រាលី កំពុងជួយជំរុញផលិតកម្មកាហ្វេនៅកម្ពុជា ដើម្បីធ្វើឲ្យប្រសើរឡើងនូវទិន្នផលនិងគុណភាព appeared first on .

យោងតាមរបាយការណ៍ “ហាងកាហ្វេ និងតែនៅអាស៊ីអាគ្នេយ៍ឆ្នាំ២០២៦” ដែលចេញផ្សាយដោយក្រុមហ៊ុនមូលធនបណ្តាក់ទុន Momentum Works បាននិយាយថា នៅវៀតណាម ទីផ្សារហាងកាហ្វេ មានតម្លៃសរុបប្រមាណ៧២៥លានដុល្លារ ខណៈទីផ្សារហាងតែមានតម្លៃ ៦១៧លានដុល្លារ។

យ៉ាងណាមិញ សម្រាប់ទីផ្សារធំបំផុតនៅក្នុងតំបន់អាស៊ីអាគ្នេយ៍ គឺប្រទេសឥណ្ឌូណេស៊ី ជាមួយតម្លៃសរុប ៣,១៥ពាន់លានដុល្លារ និងប្រទេសថៃ ដែលមានតម្លៃប្រមាណ ២,២៥ពាន់លានដុល្លារ។

មិនតែប៉ុណ្ណោះ របាយការណ៍នេះ បានបង្ហាញឲ្យដឹងទៀតថា វៀតណាមគឺជាទីផ្សារដែលមានការរីកចម្រើនលឿនបំផុតទីពីរទាក់ទងនឹងទីផ្សារទាំងពីរ គិតចាប់តាំងពីឆ្នាំ២០២៣ ដោយក្នុងនោះហាងកាហ្វេ កើនឡើង ២៨% និងតែ កើនឡើង ២៧% ។

ជម្រាបជូនថា ហាងកាហ្វេធំជាងគេបំផុត បើគិតតាមចំនួន ក្នុងប្រទេសវៀតណាម គឺ Milano Coffee ដែលមានហាងសរុបប្រហែល ២ ៥០០ កន្លែងទូទាំងប្រទេស ស្របពេល ToCoToCo កាន់កាប់លើផ្នែកតែ ជាមួយនឹងហាងសរុបជិត ១ ០០០ ហាង៕​

The post ទីផ្សារហាងកាហ្វេ និងតែ វៀតណាម ហក់ឡើងជាង ១,៣ពាន់លានដុល្លារ ជាប់លេខ៣ នៅអាស៊ីអាគ្នេយ៍ appeared first on .

លោកបញ្ជាក់ថា បច្ចុប្បន្នផលិតកម្មកាហ្វេ ក្នុងខេត្តមណ្ឌលគិរី អាចឆ្លើយតបបានត្រឹមតែប្រមាណ ១០% ប៉ុណ្ណោះនៃតម្រូវការទីផ្សារសរុបក្នុងប្រទេស។ នេះគឺជាសញ្ញាវិជ្ជមានដែលបង្ហាញពីកាលានុវត្តភាពដ៏ធំធេងសម្រាប់កសិករ និងវិនិយោគិន ក្នុងការបង្កើនផ្ទៃដីដាំដុះកាហ្វេ និងកាកាវ ដើម្បីកាត់បន្ថយការនាំចូល។

ក្នុងឱកាសចុះពិនិត្យដោយផ្ទាល់នៅចម្ការកាហ្វេ ភីដា (PIDA Coffee Farm) ដែលជាគំរូនៃជោគជ័យក្នុងវិស័យកាហ្វេនៅខេត្តមណ្ឌលគិរី លោកក៏បានផ្តល់អនុសាសន៍ និងលើកទឹកចិត្តឱ្យមានកិច្ចសហប្រតិបត្តិការរវាងវិទ្យាស្ថានជាតិកសិកម្មព្រែកលៀប ជាមួយ PIDA Coffee Farmដើម្បីរៀបចំវគ្គបណ្តុះបណ្តាលជំនាញឯកទេសកាហ្វេ។ ជំរុញការស្រាវជ្រាវ និងផលិតពូជកាហ្វេដែលមានគុណភាពខ្ពស់ក្នុងស្រុក ដើម្បីផ្តល់ជូនកសិករនូវពូជដែលផ្តល់ទិន្នផលខ្ពស់ និងធន់នឹងអាកាសធាតុ។

លោកបានបញ្ជាក់ថា រាជរដ្ឋាភិបាលមានគោលនយោបាយច្បាស់លាស់ក្នុងការប្រែក្លាយតំបន់ភូមិភាគឦសាន ឱ្យទៅជាប៉ូលសេដ្ឋកិច្ចដ៏សំខាន់។ ក្នុងន័យនេះ កាហ្វេ និងកាកាវ គួរត្រូវបានបញ្ចូលជាដំណាំយុទ្ធសាស្ត្របន្ថែមលើដំណាំដែលមានស្រាប់ដូចជា ចេក ស្វាយចន្ទី កៅស៊ូ និងដំឡូងមី។

កាហ្វេមណ្ឌលគិរី ត្រូវបានទទួលស្គាល់ថាជាដំណាំកសិកម្មមួយប្រភេទដែលមានកេរ្តិ៍ឈ្មោះល្បី ដោយសារតែគុណភាព និងរសជាតិទទួលស្គាល់ពីពលរដ្ឋទូទៅ។ បច្ចុប្បន្ននេះ ដំណាំកាហ្វេ គឺជាប្រភេទដំណាំ ដែលកំពុងមានតម្រូវការខ្ពស់នៅក្នុងទីផ្សារ ទាំងនៅក្នុងនិងក្រៅប្រទេស៕

The post អនុប្រធានទី២ ព្រឹទ្ធសភា៖ បច្ចុប្បន្នផលិតកម្មកាហ្វេក្នុងខេត្តមណ្ឌលគិរី អាចឆ្លើយតបបានត្រឹមតែ ១០% ប៉ុណ្ណោះនៃតម្រូវការទីផ្សារក្នុងស្រុក appeared first on .

សមាគមបាននិយាយទៀតថា ការព្យាករនេះ គឺផ្អែកទៅលើកត្តាសំខាន់ៗចំនួនបី រួមមាន គុណភាពផលិតផលមានភាពប្រសើរឡើង សមាមាត្រកើនឡើងនៃផលិតផលកែច្នៃ និងការពង្រីកទីផ្សារដោយផ្អែកលើផែនការយុទ្ធសាស្រ្តរយៈពេលវែង។

ទន្ទឹមនឹងនេះ ក្រសួងកសិកម្ម និងបរិស្ថានបានរាយការណ៍ថា វៀតណាមបាននាំចេញកាហ្វេចំនួន ១,៣ លានតោនក្នុងតម្លៃ ៧,៤១ពាន់លានដុល្លារ ក្នុងរយៈពេល ១០ខែដំបូងនៃឆ្នាំនេះ ដែលជាកំណើនដ៏ខ្ពស់បំផុតមិនធ្លាប់មានពីមុនមក។

ជាមួយគ្នានេះ ការដឹកជញ្ជូនទៅកាន់ទីផ្សារជាច្រើនក៏បានឃើញពីកំណើនគួរឱ្យកត់សម្គាល់ផងដែរ ដោយក្នុងនោះការនាំចេញទៅកាន់ប្រទេសម៉ិកស៊ិក ដែលចាទីផ្សារធំបំផុតមួយ បានកើនឡើងដល់ ៣៤,៧ ដង។

ជម្រាបជូនថា ដោយសារការផ្គត់ផ្គង់ទូទាំងពិភពលោកមានការថយចុះ និងតម្រូវការបន្តកើនឡើង តម្លៃកាហ្វេបានកើនឡើងយ៉ាងខ្លាំង ដែលជំរុញឱ្យប្រាក់ចំណូលពីការនាំចេញកាហ្វេរបស់វៀតណាម ឈានដល់កម្រិតកំណត់ត្រាបែបនេះ៕​

The post វៀតណាម រំពឹងកើបលុយបាន ៨ពាន់លានដុល្លារ ពីការនាំចេញកាហ្វេ នៅឆ្នាំនេះ appeared first on .

យោងតាមនាយកដ្ឋាននាំចេញ-នាំចូល ស្ថិតនៅក្រោមក្រសួងឧស្សាហកម្ម និងពាណិជ្ជកម្ម បាននិយាយថា នៅក្នុងខែកញ្ញាតែមួយ ការនាំចេញកាហ្វេរបស់វៀតណាម បានកើនឡើងដល់ ៨៤ ០០០ តោន ពោលគឺកើនឡើង ៦៣% គិតជាបរិមាណ និង ៦៦% គិតជាតម្លៃ។ ហើយក្នុងរយៈពេល ៩ខែដំបូងនៃឆ្នាំនេះ ការនាំចេញ បានកើនឡើងដល់ចំនួន ១,២៣ លានតោន ដែលមានតម្លៃសរុប ៦,៩៨ពាន់លានដុល្លារ។

គួរឲ្យដឹងផងដែរថា ជុំវិញការកើនឡើងយ៉ាងខ្លាំងនៃការនាំចេញ និងតម្លៃនេះ​បានកើតឡើង ដោយសារតែការធ្លាក់ចុះនៃប្រាក់ដុល្លារអាមេរិក និងផលប៉ះពាល់នៃបាតុភូតរាំងស្ងួត El Nino លើការផ្គត់ផ្គង់ពីប្រទេសដែលជាអ្នកផលិតកាហ្វេធំបំផុតរបស់ពិភពលោក ដូចជាប្រេស៊ីល និងឥណ្ឌូណេស៊ី។

ជម្រាបជូនថា យោងតាមសមាគមកាហ្វេ និងកាកាវវៀតណាម បានបង្ហាញឲ្យដឹងទៀតថា សហរដ្ឋអាមេរិកទើបតែដាក់ពន្ធ ៥០% លើទំនិញប្រេស៊ីល ដែលធ្វើឲ្យកាហ្វេប្រេស៊ីលនាំចូលមកអាមេរិកមានតម្លៃថ្លៃជាង។ ក្នុងបរិបទដែលអាមេរិកជាទីផ្សារធំបំផុតមួយ ការផ្លាស់ប្តូរនេះ ត្រូវបានចាត់ទុកថាជាឱកាសដ៏ល្អសម្រាប់កាហ្វេវៀតណាមដើម្បីទទួលបានចំណែកទីផ្សារកាន់តែច្រើន៕

The post វៀតណាម កើបចំណូលបានជិត ៧ពាន់លានដុល្លារ ពីការនាំចេញកាហ្វេ ត្រឹម ៩ខែដំបូង appeared first on .

យោងតាមការប៉ាន់ស្មានរបស់ក្រសួងកសិកម្ម និងបរិស្ថាន បានឲ្យដឹងថា នៅក្នុងខែសីហា វៀតណាម បាននាំចេញកាហ្វេប្រមាណ ៩៥ ០០០ តោន ដែលមានតម្លៃជាង ៤២៩លានដុល្លារ។ ហើយក្នុងរយៈពេល ៨ខែដំបូងនៃឆ្នាំនេះ បរិមាណនៃការនាំចេញកាហ្វេសរុបមានដល់ទៅ ១,២ លានតោន ដែលមានតម្លៃ ៦,៤២ពាន់លានដុល្លារ កើនឡើង ៨,៧% ក្នុងបរិមាណ និង ៥៩,១% លើតម្លៃ បើធៀបនឹងរយៈពេលដូចគ្នាកាលពីឆ្នាំមុន។

ជុំវិញការកើនឡើងដ៏គួរឲ្យកត់សម្គាស់នេះ គឺត្រូវបានកើតឡើងដោយសារតែការកាត់បន្ថយការផ្គត់ផ្គង់ពីប្រទេសប្រេស៊ីល និងឥណ្ឌូណេស៊ី ដែលជាប្រទេសផលិតគ្រាប់កាហ្វេធំបំផុតទាំងពីររបស់ពិភពលោក ដោយសារតែបាតុភូតរាំងស្ងួត El Nino ខណៈដែលតម្រូវការនៅអឺរ៉ុប និងអាមេរិកខាងជើង នៅតែមានកម្រិតខ្ពស់។

ទន្ទឹមនឹងនេះ​ ប្រទេសលីងគ្រាប់កាហ្វេធំៗបំផុត ជាពិសេសនៅអាល្លឺម៉ង់ អ៊ីតាលី និងអេស្ប៉ាញ បានបង្កើនការទិញរបស់ពួកគេ ដោយធ្វើឲ្យទីផ្សារទាំងបីនេះក្លាយជាគោលដៅធំបំផុតសម្រាប់កាហ្វេវៀតណាម ដែលស្មើនឹងជិត ៣០% នៃប្រាក់ចំណូលសរុប៕​

The post គ្រាន់តែនាំចេញកាហ្វេ វៀតណាមកើបចំណូលបានជាង ៦,៤ពាន់លានដុល្លារ ត្រឹម ៨ខែដំបូង appeared first on .

ក្រសួងឧស្សាហកម្ម និងពាណិជ្ជកម្ម បង្ហាញថា ក្នុងរយៈពេលពីរខែដំបូងនៃឆ្នាំនេះ ប្រទេសថៃបាននាំចូលកាហ្វេពី ១៨ ប្រទេស និងដែនដី ជុំវិញពិភពលោក។ ក្នុង​នោះ ឡាវ​ជា​អ្នក​ផ្គត់​ផ្គង់​កាហ្វេ​ធំ​ជាង​គេ​ទៅ​ប្រទេស​ថៃ​ ជាមួយចំនួនសរុប ៣ ៤៦០ តោន ដែល​មាន​តម្លៃ ១៣,៤លាន​ដុល្លារ។ កម្រិតនេះបានកើនឡើង ១៦,២% គិតនៅក្នុងបរិមាណ និង ៤៨,៥% គិតជាតម្លៃ បើធៀបនឹងរយៈពេលដូចគ្នាកាលពីឆ្នាំមុន។

យ៉ាងណាមិញ ដោយសារការកើនឡើងនៃតម្រូវការកាហ្វេដោយជនជាតិថៃ ចំណែកទីផ្សារកាហ្វេរបស់ឡាវ នៅក្នុងការនាំចូលសរុបនៅក្នុងទីផ្សារនេះ បានកើនឡើងពី ៤២,២២% ក្នុងរយៈពេលពីរខែដំបូងនៃឆ្នាំមុន ដល់ ៦១,៧៤% ក្នុងរយៈពេលដូចគ្នា ក្នុងឆ្នាំនេះ។

ក្រៅពីឡាវ ថៃក៏បានបង្កើនការនាំចូលកាហ្វេពីប្រទេសឥណ្ឌូណេស៊ី ម៉ាឡេស៊ី និងប្រេស៊ីល ផងដែរ។

ផ្ទុយ​ទៅ​វិញ វៀតណាម​ ដែលធ្លាប់តែគ្រងតំណែងលេខ១ បាន​ក្លាយ​ជា​អ្នក​ផ្គត់​ផ្គង់​កាហ្វេ​ធំ​លំដាប់ទី​ពីរ​ សម្រាប់​ប្រទេស​ថៃវិញ។ ជាក់ស្តែងក្នុងរយៈពេលពីរខែដំបូងនៃឆ្នាំនេះ ប្រទេសថៃបាននាំចូលកាហ្វេពីប្រទេសវៀតណាមចំនួន ១ ៣៦០ តោន ដែលមានតម្លៃ ៧,៤៣លានដុល្លារ។ តួលេខនេះបានថយចុះចំនួន ៦៤,៧% ក្នុងបរិមាណ និង ៣៥,៦% គិតជាតម្លៃ ធៀបនឹងរយៈពេលដូចគ្នាកាលពីឆ្នាំមុន។

ជាលទ្ធផលចំណែកទីផ្សារកាហ្វេរបស់វៀតណាម ក្នុងការនាំចូលសរុបទៅកាន់ប្រទេសថៃ បានថយចុះពី ៥៤,៥៤% ក្នុងរយៈពេលពីរខែដំបូងនៃឆ្នាំ២០២៤ មកនៅត្រឹម ២៤,២៤% ក្នុងរយ:ពេលដូចគ្នា នៅឆ្នាំនេះ៕

The post ឡាវ វ៉ាដាច់វៀតណាម ក្លាយជាប្រទេសនាំចេញកាហ្វេច្រើនបំផុតទៅកាន់ថៃ appeared first on .

លោក Do Ha Nam អនុប្រធានសមាគមកាហ្វេ និងកាកាវវៀតណាម (VICOFA) និងជាប្រធាន និងនាយកប្រតិបត្តិនៃក្រុមហ៊ុន Intimex Group បានចាត់ទុកឆ្នាំ២០២៤ នេះ ជាឆ្នាំដ៏ពិសេសបំផុតសម្រាប់ឧស្សាហកម្មកាហ្វេ ខណៈពេលដែលតម្លៃកាហ្វេវៀតណាម បានហក់ឡើងដល់កម្រិតខ្ពស់បំផុត នៅលើពិភពលោកជាលើកដំបូង។

គួរឲ្យដឹងថា ក្នុងខែមករា កាហ្វេមានតម្លៃត្រឹមតែជាង ៣ពាន់ដុល្លារក្នុងមួយតោន ប៉ុណ្ណោះ ប៉ុន្តែក្រោយមកបានហក់ឡើងដល់តម្លៃជិត ៦ពាន់ដុល្លារក្នុងមួយតោន នៅក្នុងខែតុលា ពោលតម្លៃនេះ គឺបានកើនឡើងដល់ទៅ ៩០% ក្នុងរយៈពេលត្រឹមតែ ១០ខែប៉ុណ្ណោះ។

យោងតាមទិន្នន័យពីក្រសួងកសិកម្ម និងអភិវឌ្ឍន៍ជនបទវៀតណាម បានឲ្យដឹងថា តម្លៃនាំចេញកាហ្វេក្នុងអំឡុងពេល ១១ខែដំបូងនៃឆ្នាំ២០២៤ ជាមធ្យមទទួលបានតម្លៃជាង ៤ពាន់ដុល្លារក្នុងមួយតោន ពោលគឺបានកើនឡើង ៥៦,៩% បើធៀបនឹងរយៈពេលដូចគ្នា កាលពីឆ្នាំមុន។

នៅចន្លោះខែមករាដល់ខែវិច្ឆិកា ប្រទេសក្នុងតំបន់អាស៊ីអាគ្នេយ៍មួយនេះ បាននាំចេញកាហ្វេសរុបជិត ១,២ លានតោនទៅក្រៅប្រទេស ជាមួយនឹងប្រាក់ចំណូលសរុប ៤,៨៤ពាន់លានដុល្លារ ខណ:អាល្លឺម៉ង់ អ៊ីតាលី និងអេស្ប៉ាញ គឺជាទីផ្សារនាំចូលធំជាងគេបំផុតទាំងបី សម្រាប់កាហ្វេវៀតណាម៕​

​

The post វៀតណាម រំពឹងទុកខ្ពស់ថាការនាំចេញកាហ្វេរបស់ខ្លួនអាចហក់ឡើងដល់ ៥ពាន់លានដុល្លារជាលើកដំបូង appeared first on .