នេះជាកិច្ចប្រជុំកំពូលលើកទីមួយ ផ្នែកលំហអាកាស ដែលមានគោលបំណង ប្រមូលផ្ដុំបណ្ដាប្រទេសពាក់ព័ន្ធដើម្បី ប្រកាសរួមគ្នា អំពីឧត្តមបំណងនៃការប្រើប្រាស់លំហអាកាស សម្រាប់គោលដៅសន្តិភាព និងប្រកបដោយចីរភាពក្នុង បរិការណ៍នៃការប្រកួតប្រជែងក្នុងផ្នែក លំហអាកាស ដើម្បីគោលដៅសេដ្ឋកិច្ចនិងគោលដៅយុទ្ធសាស្ត្ររបស់បណ្ដាប្រទេសនានាលើពិភពលោក។ នៅក្នុងកិច្ចប្រជុំកំពូលនេះ កម្ពុជាក៏បានផ្តល់ការគាំទ្រ (Endorsement) ចំពោះសេចក្តីថ្លែងការណ៍ចំនួន ៣ ដែលផ្តួចផ្តើមដោយសាធារណរដ្ឋបារាំងផងដែរ។

ឆ្លៀតឱកាសនោះផងដែរ លោក ជា វ៉ាន់ដេត បានជួបសម្តែងការគួរសមដាច់ដោយឡែក ជាមួយ លោក Philippe Baptiste រដ្ឋមន្ត្រីក្រសួងឧត្ដមសិក្សាការស្រាវជ្រាវ និងលំហអាកាសរបស់បារាំង និង លោកស្រី Eléonore Caroit រដ្ឋមន្ត្រីប្រតិភូទទួលបន្ទុកហ្វ្រង់កូហ្វូនី ភាពជាដៃគូ អន្តរជាតិ និងជនជាតិបារាំងនៅក្រៅប្រទេស។ លោករដ្ឋមន្ត្រី និងលោក Philippe Baptiste បានពិភាក្សាអំពីលទ្ធភាពក្នុងការសហការលើការងារបច្ចេកទេស ក៏ដូចជាការបណ្តុះបណ្តាលធនធានមនុស្សលើជំនាញបច្ចេកវិទ្យាផ្កាយរណបនិងលំហអាកាសជាដើម ជាពិសេស ភាគីបារាំងបានថ្លែងអំណរគុណភាគីកម្ពុជា ដែលបានផ្តល់ការគាំទ្រលើសេចក្តីថ្លែងការណ៍ទាំង ៣។

ចំណែកនៅក្នុងជំនួប ជាមួយ លោកស្រី ​ Eléonore Caroit ភាគីទាំងពីរបានពិភាក្សាលម្អិតអំពីលទ្ធភាព ពង្រីកកិច្ចសហប្រតិបត្តិការកម្ពុជា-បារាំង លើផ្នែកបញ្ញាសិប្បនិម្មិត លំហអាកាស សន្តិសុខសាយប័រ បច្ចេកវិទ្យាកង់ទិច និង សឺមីកុងឌុចទ័រ។

គួរបញ្ជាក់ថា បន្ទាប់ពីកិច្ចប្រជុំនេះ លោករដ្ឋមន្ត្រី ក៏បានបន្តដឹកនាំគណៈប្រតិភូទៅធ្វើទស្សនកិច្ចការងារនៅស្ថាប័ន និងក្រុមហ៊ុន លំហអាកាសនៅទីក្រុងទូលូស ដែលជាបណ្ដុំលំហអាកាស ដ៏ធំនៅប្រទេសបារាំងនិង អឺរ៉ុប ថែមទៀត៕

The post កម្ពុជា-បារាំង សហការបណ្តុះបណ្តាលធនធានមនុស្សលើជំនាញបច្ចេកវិទ្យាផ្កាយរណបនិងលំហអាកាស ក្នុងកិច្ចប្រជុំកំពូល អន្តរជាតិស្ដីពីលំហអាកាស នៅប៉ារីស appeared first on .

ថ្លែងក្នុងឱកាសនោះ លោករដ្ឋមន្ត្រីបានរំឭកពីប្រវត្តិបច្ចេកវិទ្យាផ្កាយរណបនៅកម្ពុជាតាំងពីឆ្នាំ១៩៨៧ និងបានគូសបញ្ជាក់ថា បច្ចុប្បន្ន ក.ប.ទ. កំពុងពន្លឿនការរៀបចំក្របខណ្ឌគោលនយោបាយ លិខិតបទដ្ឋានគតិយុត្ត និងផែនការមេផ្នែកផ្កាយរណប និងលំហអាកាស។ ជាមួយគ្នានេះ ក្រសួងក៏បាន និងកំពុងផ្ដោតលើការបណ្ដុះបណ្ដាលធនធានមនុស្ស ដោយបានជ្រើសរើសយុវជន ៤៨រូបឱ្យទៅសិក្សានៅបរទេស (ចិន ឥណ្ឌា និងបារាំង) ព្រមទាំងរៀបចំវគ្គបណ្តុះបណ្តាលថ្នាក់បរិញ្ញាបត្រជំនាញផ្កាយរណប និងលំហអាកាសទម្រង់ Fast Track នៅក្នុងស្រុកផងដែរ។

លោករដ្ឋមន្រ្តីបានបន្ថែមថា សិក្ខាសាលានេះគឺជាចំណុចចាប់ផ្តើមដ៏សំខាន់ក្នុងការផ្សព្វផ្សាយ និងត្រៀមលក្ខណៈសម្បត្តិដល់សិស្ស-និស្សិតកម្ពុជា ក្នុងការក្រសោបយកជំនាញបច្ចេកវិទ្យាផ្កាយរណប និងលំហអាកាស ដើម្បីបម្រើដល់ការអភិវឌ្ឍសេដ្ឋកិច្ច និងជាតិមាតុភូមិទៅថ្ងៃអនាគត៕

The post កម្ពុជាបើកសិក្ខាសាលា ប្រកួតសរសេរកូដបញ្ជារ៉ូបូតនៅលើស្ថានីយលំហអាកាស ពង្រឹងសមត្ថភាពយុវជនលើបច្ចេកវិទ្យាផ្កាយរណប appeared first on .

លោករដ្ឋមន្ត្រី​និង​គណៈប្រតិភូ​បាន​អញ្ជើញ​ទស្សនា​ស្តង់ពិព័រណ៍និង​ពិភាក្សា​ការងារ​ជាមួយ​​ក្រុមហ៊ុនធំៗមួយចំនួនដូចជា Huawei, ZTE, China Telecom និង​ Alibaba។ ក្នុងនោះ ក្រុមហ៊ុន​នានាក៏​បាន​បង្ហាញ​អំពី​បច្ចេកវិទ្យា​ចុងក្រោយលើផ្នែក​បញ្ញាសិប្បនិម្មិតនិងផ្នែក​ពាក់ព័ន្ធ រួមមានម៉ាស៊ីនគណនានិង​សេវូបករណ៍​​ឯកទេសសម្រាប់​បញ្ញាសិប្បនិម្មិត ប្រព័ន្ធ​ប្រតិបត្តិការ ថ្នាល​បច្ចេកវិទ្យា​ពពក និង​ថ្នាល​អភិវឌ្ឍ​និង​ដំណើរការ​ប្រព័ន្ធ​បញ្ញាសិប្បនិម្មិត ដែល​មាន​សមត្ថភាព​ថ្មីៗនិង​ល្បឿន​លឿន​ជាងមុន ដើម្បី​សម្របទៅនឹង​តម្រូវការ​ហេដ្ឋារចនាសម្ព័ន្ធ​សម្រាប់​យុគសម័យ​បញ្ញាសិប្បនិម្មិត។

ឆ្លៀតក្នុងឱកាសនោះ លោក ជា វណ្ណដេត ​ក៏បាន​លើកទឹកចិត្ត​ឱ្យ​ក្រុមការងារ​បច្ចេកទេស​នៃ​ភាគី​ទាំង​អស់​សហការ​គ្នា​កាន់តែជិតស្និទ្ធ​ដើម្បី​ពន្លឿន​កិច្ចសហការ​បន្ថែមទៀតផងដែរ៕

The post រដ្ឋមន្រ្តីប្រៃសណីយ៍ ជួបជាមួយបណ្ដា​ក្រុមហ៊ុនធំៗបរទេស​ ស្វែងយល់ពីការវិវឌ្ឍ​ចុងក្រោយ​នៃ​បច្ចេកវិទ្យា​បញ្ញាសិប្បនិម្មិត នៅប្រទេសចិន appeared first on .

ក្នុងកិច្ចប្រជុំនេះ បណ្តាហត្ថលេខីនៃកិច្ចព្រមព្រៀងបង្កើតអង្គការ WAICO បានបញ្ជាក់ជាថ្មីពីជំហររបស់ខ្លួនក្នុងការពូនជ្រុំក្របខណ្ឌសកលក្នុងការធ្វើអភិបាលកិច្ចនិងបង្កើនកិច្ចសហការលើបញ្ញាសិប្បនិម្មិត។ បណ្តាប្រទេសផ្សេងទៀតដែលមានវត្តមានបានគាំទ្រស្មារតីរួមមួយថាបរិវត្តកម្មបញ្ញាសិប្បនិម្មិតគប្បីចាត់ទុកសុខមាលភាពមនុស្សជាអាទិភាព និងត្រូវបែងចែកផ្លែផ្កាដោយសមធម៌ជាមួយគ្រប់បណ្ដាប្រទេស។

គួរឱ្យដឹងថា ឆ្លៀតឱកាសនោះដែរ លោក ជា វណ្ណដេត ក៏បានជួបពិភាក្សាទ្វេភាគីជាមួយ លោកជំទាវ Minette Libom Li Likeng រដ្ឋមន្ត្រីក្រសួងប្រៃសណីយ៍និងទូរគមនាគមន៍នៃប្រទេសកាមេរូន និង លោក Nguema Nze រដ្ឋមន្ត្រីក្រសួងប្រៃសណីយ៍ ទូរគមនាគមន៍ និងសេដ្ឋកិច្ចឌីជីថលនៃសាធារណរដ្ឋកុងហ្គោ។

ជំនួបនេះ ក៏បានពិភាក្សា ផ្លាស់ប្ដូរបទពិសោធអំពីបរិវត្តកម្មឌីជីថល និងអញ្ជើញសមភាគីទាំងពីរ ចូលរួមកម្មវិធី Francotech ដែលនឹងរៀបចំក្នុងខែវិច្ឆិកា ឆ្នាំ២០២៦ ជាព្រឹត្តិការណ៍អមនៃកិច្ចប្រជុំកំពូលហ្វ្រង់កូហ្វូនី ដែលកម្ពុជានឹងធ្វើជាម្ចាស់ផ្ទះ៕

The post កម្ពុជា ចូលរួមកិច្ចប្រជុំជាន់ខ្ពស់ស្ដីពីអភិបាលកិច្ចសកលនៃបញ្ញាសិប្បនិម្មិត ក្នុងចំណោមរដ្ឋមន្ត្រីនិងតំណាងជាន់ខ្ពស់នៃប្រទេសចំនួន៦៥ appeared first on .

បន្ថែមលើនេះ គណៈប្រតិភូ ក.ប.ទ. ក៏បានស្វែងរកឱកាសសហការបន្ថែមទៀតតាមរយ:ការជួបពិភាក្សាការងារជាមួយវិទ្យាស្ថាន និងមន្ទីរពិសោធន៍ឈានមុខគេរបស់បារាំង។ កិច្ចពិភាក្សាជាយុទ្ធសាស្ត្រទាំងនោះបានផ្តោតលើការពង្រីកការអប់រំ និងការស្រាវជ្រាវលើជំនាញបច្ចេកវិទ្យាទំនើបៗជំនាន់ថ្មីដូចជា សន្តិសុខសាយប័រ មីក្រូអេឡិចត្រូនិក វិទ្យាសាស្ត្រកុំព្យូទ័រកង់ទិច ព្រមទាំងវិស្វកម្មអវកាសនិងផ្កាយរណប។

បើតាមក្រសួងប្រៃសនីយ៍ ការបង្កើតភាពជាដៃគូយុទ្ធសាស្ត្រទាំងនេះ បានស្តែងឱ្យឃើញយ៉ាងច្បាស់ពីការប្តេជ្ញាចិត្តយ៉ាងមុតមាំរបស់ក្រសួងប្រៃសណីយ៍និងទូរគមនាគមន៍ ក្នុងការកសាងសមត្ថភាពក្នុងស្រុកដ៏រឹងមាំ ឆ្ពោះទៅរកការអភិវឌ្ឍការស្រាវជ្រាវ និងនវានុវត្តន៍បច្ចេកវិទ្យាឌីជីថលឈានមុខនៅកម្ពុជានាពេលអនាគត៕

The post កម្ពុជា-បារាំង សហការកសាងធនធានមនុស្សជំនាញ និងនវានុវត្តន៍ផ្នែកAI និងបច្ចេកវិទ្យាឌីជីថលឈានមុខ appeared first on .

បញ្ញាសិប្បនិម្មិត​មាន​សក្ដានុពល​ធំធេង​ក្នុង​ការ​ជំរុញការ​អភិវឌ្ឍសេដ្ឋកិច្ចនិងសង្គម តែក៏នាំមកនូវ​ហានិភ័យ​ជាច្រើនផងដែរ។ គណៈវិទ្យាសាស្ត្រ​​ឯករាជ្យ​អន្តរជាតិលើ​បញ្ញាសិប្បនិម្មិត ដែល​មាន​សមាជិក​ ​៤០រូប ជា​អ្នក​ជំនាញ​មកពីជុំវិញពិភពលោក បាន​រាយការណ៍​ជូនតំណាង​រដ្ឋសមាជិក ​នូវ​លទ្ធផល​នៃ​ការ​សិក្សា​របស់​ខ្លួន​អំពី​បញ្ញាសិប្បនិម្មិត ដោយ​​បង្ហាញយ៉ាងច្បាស់ថា បញ្ញាសិប្បនិម្មិតកំពុង​អភិវឌ្ឍលឿន​ជាង​សមត្ថភាព​គ្រប់គ្រង​ ហើយ​សមត្ថភាព​នេះប្រមូលផ្ដុំ​ក្នុង​ប្រទេស​មួយចំនួនតូច ខណៈផលប៉ះពាល់​អាច​ជះឥទ្ធិពល​ដល់​គ្រប់​ប្រទេស​ជុំវិញពិភពលោក។ គណៈវិទ្យាសាស្ត្រ​អំពាវនាវ​ឱ្យ​បណ្ដា​រដ្ឋសមាជិក​ធ្វើ​ការ​សម្រេច​ចិត្ត​ជា​នយោបាយឱ្យ​បាន​រួសរាន់ ដើម្បីធានា​ថា​បញ្ញាសិប្បនិម្មិត​បម្រើ​ប្រយោជន៍​របស់​មនុស្សជាតិ​។

ក្នុងនាមតំណាង​កម្ពុជា លោក ជា វ៉ាន់ដេត បានថ្លែង​ដោយ​ផ្ដោត​លើ​ចំណុច​សំខាន់ៗរួមមាន៖

(១) អភិបាលកិច្ច​បញ្ញាសិប្បនិម្មិត​ ត្រូវផ្ដោតលើ​ការ​​គាំទ្រសក្ដានុពលវិជ្ជមាន​ ដើម្បីជំរុញ​​នវានុវត្តន៍ ពង្រីក​លទ្ធភាព​ប្រើប្រាស់ និងកសាងទំនុកចិត្ត។

(២) ដើម្បី​កសាង​ទំនុកចិត្ត អភិបាលកិច្ច​ត្រូវ​ឆ្លើយតប​នឹង​ហានិភ័យ​ ឆ្លើយតបទាន់សភាពការណ៍ និង​សំឡឹង​មើលទៅមុខ ដោយត្រូវ​ទប់ស្កាត់មុនផលប៉ះពាល់មកដល់ ក្នុងករណីចាំបាច់។

(៣) ស្របតាម​និន្នាការ​អាស៊ាន កម្ពុជា​នឹង​ធ្វើ​អភិបាលកិច្ច​បញ្ញាសិប្បនិម្មិត​ដោយឈរ​លើគោលការណ៍ និង​ចាត់ទុក​វិស័យឯកជន គ្រឹះស្ថាន​អប់រំស្រាវជ្រាវ សង្គមស៊ីវិល និង​ប្រជាពលរដ្ឋ​ជា​ដៃគូដ៏សំខាន់។

(៤) សហគមន៍អន្តរជាតិ​ត្រូវសហការលើ​ការ​កសាងសមត្ថភាព​ជូន​និយ័តករ ចែករំលែកព័ត៌មាន អំពី​ការ​វិវឌ្ឍថ្មីៗ និងចែករំលែក​បទពិសោធ​និយ័តកម្ម​និង​ការ​តាមដាន​ឧប្បត្តិហេតុ​បញ្ញាសិប្បនិម្មិត។

(៥) កម្ពុជា​អំពាវនាវ​ឱ្យ​ក្រុមហ៊ុន​បច្ចេកវិទ្យា​សហការ​យ៉ាង​ពិតប្រាកដ​ជា​មួយ​បណ្ដា​រដ្ឋាភិបាល​ ដើម្បី​ធ្វើ​អភិបាលកិច្ច​បញ្ញាសិប្បនិម្មិត។

The post កម្ពុជា​ ចូលរួម​ជាមួយ​ប្រទេស​ជាង​១៧០ ដើម្បី​កំណត់ទិសដៅ​អភិបាលកិច្ចបញ្ញាសិប្បនិម្មិត​សាកល appeared first on .

យុទ្ធនាការនេះ មានគោលបំណងការពារសុវត្ថិភាពឌីជីថលរបស់ប្រជាពលរដ្ឋ និងកាត់ផ្តាច់ឫសគល់នៃបទល្មើសតាមប្រព័ន្ធបច្ចេកវិទ្យា ដើម្បីឈានទៅដល់ការលុបបំបាត់ ស៊ីមកាតគ្មានអត្តសញ្ញាណអ្នកប្រើប្រាស់ច្បាស់លាស់ និងកំពុងត្រូវបានប្រើប្រាស់នៅក្នុងប្រព័ន្ធធនាគារ។

លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានថ្លែងថា យុទ្ធនាការដែលយើងកំពុងប្រកាសបើកនាថ្ងៃនេះ គឺពិតជាមានសារៈសំខាន់ខ្លាំងណាស់សម្រាប់ អ្នកប្រើប្រាស់ស៊ីមកាតទូទៅ ពីព្រោះថា លេខទូរសព្ទរបស់ លោក លោកស្រី និងអ្នកប្រើប្រាស់ទូទៅ គឺសុទ្ធសឹងតែភ្ជាប់ជាមួយគណនីធនាគារ កាបូបលុយឌីជីថល (Wallet) ការផ្ទេរប្រាក់ បណ្តាញសង្គមដូចជា Telegram, Facebook, Tik Tok សេវាសាធារណៈ និងឯកជន និងកិច្ចការផ្សេងៗទៀត ដើម្បីជួយសម្រួលដល់ជីវភាពរស់នៅប្រចាំថ្ងៃ។

លោក ជា វ៉ាន់ដេត បានគូសរំលេចបន្ថែមទៀតថា ការផ្ទៀងផ្ទាត់អត្តសញ្ញាណអ្នកប្រើប្រាស់ស៊ីមកាត ជាមួយនឹងអត្តសញ្ញាណគណនីធនាគារ ឬគណនីទូទាត់សងប្រាក់ គឺជារបាំងការពារដ៏រឹងមាំមួយសម្រាប់អ្នកប្រើប្រាស់ ក្នុងការកាត់ផ្តាច់ឫសគល់នៃឧក្រិដ្ឋកម្មតាមប្រព័ន្ធបច្ចេកវិទ្យា និងបទល្មើសផ្សេងៗនៅក្នុងស្រុក។

លោកស្រីបណ្ឌិត ជា សិរី ទេសាភិបាលធនាគារជាតិនៃកម្ពុជា បានថ្លែងថា «ការបញ្ជាក់ភាពត្រឹមត្រូវនៃលេខទូរសព្ទ និងស៊ីមកាតរបស់អ្នកប្រើប្រាស់ ពិតជាមានសារៈសំខាន់ខ្លាំងណាស់ ក្នុងការការពារសុវត្ថិភាពទិន្នន័យផ្ទាល់ខ្លួន ដូចជាកូដ OTP និងគណនីរបស់អ្នកប្រើប្រាស់ ព្រមទាំងជួយទប់ស្កាត់បទល្មើសឆបោកតាមប្រព័ន្ធបច្ចេកវិទ្យា ក្នុងសង្គមផងដែរ»។

សូមជម្រាបជូនផងដែរថា តាមរយៈគំនិតផ្តួចផ្តើមនេះ ប្រជាពលរដ្ឋអាចផ្ទៀងផ្ទាត់អត្តសញ្ញាណស៊ីមកាតក្នុងកម្មវិធី SIM Verifier Mini App ដែលមាននៅក្នុងថ្នាលសេវាឌីជីថលរួម DG Super App ដែលបានតភ្ជាប់ប្រព័ន្ធស្វ័យប្រវត្តិកម្ម របស់គ្រឹះស្ថានធនាគារនិងហិរញ្ញវត្ថុ។ គំនិតផ្តួចផ្តើមនេះ ក៏នឹងរួមចំណែកក្នុងការជំរុញការធ្វើបរិវត្តកម្ម និងនវានុវត្តន៍ឌីជីថលនៅក្នុងវិស័យទូរគមនាគមន៍ និងវិស័យធនាគារ ដែលជាគន្លឹះគាំទ្រដល់សេដ្ឋកិច្ច ​និងសង្គមឌីជីថលនៅកម្ពុជា៕

The post ក្រសួងប្រៃសណីយ៍ និងធនាគារជាតិនៃកម្ពុជា បើកយុទ្ធនាការផ្ទៀងផ្ទាត់អត្តសញ្ញាណស៊ីមកាត ការពារសុវត្ថិភាពឌីជីថលរបស់ប្រជាពលរដ្ឋ appeared first on .

នៅក្នុងឱកាសនោះ លោករដ្ឋមន្រ្តី បានថ្លែងសង្កត់ធ្ងន់ថា បច្ចេកវិទ្យាបញ្ញាសិប្បនិម្មិត (AI) ជាពិសេស Generative AI និងម៉ូដែលភាសាទូលាយ (Large Language Models) មិនមែនជារឿងឆ្ងាយដៃ ឬជាក្តីស្រមៃសម្រាប់ថ្ងៃអនាគតទៀតឡើយ។ ផ្ទុយទៅវិញ វាកំពុងតែផ្លាស់ប្តូរទម្រង់ការងារ របៀបគិត វិធីសាស្ត្រវិភាគទិន្នន័យ និងការធ្វើសេចក្តីសម្រេចចិត្តរបស់យើងជារៀងរាល់ថ្ងៃ។ លោកក៏បានជំរុញឱ្យថ្នាក់ដឹកនាំនិងមន្រ្តីរាជការទាំងអស់ ត្រូវតែចាប់យកនិងរៀនប្រើប្រាស់ AI ធ្វើជាជំនួយការដ៏វៃឆ្លាត ដើម្បីបង្កើនប្រសិទ្ធភាពការងារ និងកែលម្អការផ្តល់សេវាសាធារណៈជូនប្រជាពលរដ្ឋឱ្យកាន់តែរហ័សនិងមានតម្លាភាព។

លើសពីនេះទៅទៀត លោករដ្ឋមន្ត្រី បានរំលឹកពីតួនាទីដ៏សំខាន់របស់ក្រសួងថា៖ «ក.ប.ទ. ក្នុងនាមជាក្រសួងមានសមត្ថកិច្ចដឹកនាំបច្ចេកវិទ្យាឌីជីថល ត្រូវតែនាំមុខ និងធ្វើជាគម្រូដល់ក្រសួង ស្ថាប័នផ្សេងទៀត ក្នុងការចាប់យកបច្ចេកវិទ្យា AI»។ ការរៀបចំវគ្គបណ្ដុះបណ្ដាលនេះ មិនត្រឹមតែជួយឱ្យមន្ត្រីរាជការចេះទាញយកផលប្រយោជន៍ជាអតិបរមាពី AI ប៉ុណ្ណោះទេ ប៉ុន្តែថែមទាំងជួយឱ្យពួកគាត់យល់ដឹងច្បាស់ពីហានិភ័យ និងក្រមសីលធម៌ក្នុងការប្រើប្រាស់បច្ចេកវិទ្យានេះផងដែរ ដែលជាគ្រឹះយ៉ាងរឹងមាំក្នុងការកសាងរដ្ឋាភិបាលឌីជីថលប្រកបដោយនិរន្តរភាព៕

The post គាស់រំលើងសក្តានុពលឌីជីថល៖ មន្ត្រីរាជការជិត ១,០០០នាក់ ផ្ទុះការចាប់អារម្មណ៍ខ្លាំងលើវគ្គបណ្តុះបណ្តាល AI ដើម្បីបដិវត្តការងាររដ្ឋបាលសាធារណៈ appeared first on .

សិក្ខាសាលាផ្សព្វផ្សាយនេះ បានធ្វើឡើងកាលកាលរសៀលថ្ងៃទី៤ ខែឧសភា ឆ្នាំ២០២៦ ក្រោមអធិបតីភាពរបស់ ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ (ដ.ន.ស.)  លោក ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ (ក.ប.ទ.)ដោយមានការអញ្ជើញចូលរួមពីថ្នាក់ដឹកនាំ ដ.ន.ស. និង ក.ប.ទ. និងមន្រ្តីជំនាញនៃក្រសួងទាំងពីរ តំណាងប្រតិបត្តិករទូរគមនាគមន៍ និងវិស័យឯកជនប្រមាណ ៣៦០រូប នៅទីស្ដីការ ដ.ន.ស.។

រដ្ឋាភិបាល ជំរុញការសាង់សង់ហេដ្ឋារចនាសម្ព័ន្ធទូរគមនាគមន៍នៅទូទាំងប្រទេស គឺនឹងធ្វើឡើងតាមរយៈ ការសាងសង់ហេដ្ឋារចនាសម្ព័ន្ធទូរគមនាគមន៍នៅទីប្រជុំជន តំបន់លំនៅឋាន អគារសហកម្មសិទ្ធិ អគារពាណិជ្ជកម្ម អគារផ្សាទំនើប តំបន់ឧស្សាហកម្ម តំបន់សេដ្ឋកិច្ចពិសេស និងតំបន់ឬសំណង់ប្រហាក់ប្រហែលផ្សេងទៀត”។

ថ្លែងក្នុងពិធីនេះ លោករដ្ឋមន្រ្តី ជា វ៉ាន់ដេត បានគូសបញ្ជាក់អំពីកិច្ចខិតខំប្រឹងប្រែងក្នុងការពង្រឹងគុណភាពសេវាទូរគមនាគមន៍ តាមរយៈការសាង់សង់ហេដ្ឋារចនាសម្ព័ន្ធទូរគមនាគមន៍នៅទូទាំងប្រទេស រួមមានស្ថានីយអង់តែនទូរសព្ទ ស្ថានីយអង់តែនក្នុងអគារ និងបណ្ដាញខ្សែកាបអុបទិក។ សិក្ខាសាលាថ្ងៃនេះ នឹងផ្សព្វផ្សាយអំពីលក្ខខណ្ឌតម្រូវនិងបទដ្ឋានបច្ចេកទេសនៃការសាងសង់ហេដ្ឋារចនាសម្ព័ន្ធទូរគមនាគមន៍ នៅទីប្រជុំជន តំបន់លំនៅឋាន អគារសហកម្មសិទ្ធិ អគារពាណិជ្ជកម្ម អគារផ្សាទំនើប តំបន់ឧស្សាហកម្ម តំបន់សេដ្ឋកិច្ចពិសេស និងតំបន់ឬសំណង់ប្រហាក់ប្រហែលផ្សេងទៀត។

ជាមួយគ្នានេះដែរ លោក ក៏បានលើកឡើងអំពីការចាប់យកបច្ចេកវិទ្យាឌីជីថលមកប្រើប្រាស់ក្នុងវិស័យរៀបចំដែនដី នគរូបនីយកម្ម និងសំណង់ ជាអាទិ៍ ការប្រើប្រាស់ថ្នាលផ្ទៀងផ្ទាត់ឯកសាររបស់រាជរដ្ឋាភិបាល verify.gov.kh លើវិញ្ញាបនបត្រសម្គាល់ម្ចាស់អចលនវត្ថុ សម្រាប់ការផ្ទៀងផ្ទាត់ភាពត្រឹមត្រូវ និងការរៀបចំប្រព័ន្ធអាសយដ្ឋាន ជាដើម។

សូមជម្រាបដែរថា តាមរយៈសិក្ខាសាលាខាងលើ លោកឧបនាយករដ្ឋមន្ត្រី សាយ សំអាល់ បានបញ្ជាក់អំពីការផ្តល់កិច្ចសហការជាមួយ ក.ប.ទ. ក្នុងការរៀបចំហេដ្ឋារចនាសម្ព័ន្ធទូរគមនាគមន៍តាមរយៈការដាក់លក្ខខណ្ឌតម្រូវ និងបទដ្ឋានបច្ចេកទេស ក្នុងលិខិតអនុញ្ញាតសាងសង់ សំដៅសម្រេចបានគោលដៅនៃការពង្រឹងសេវាទូរគមនាគមន៍កាន់តែមានគុណភាពប្រសើរឡើង។ ជាមួយគ្នានេះ លោកឧបនាយករដ្ឋមន្ត្រី ក៏បានលើកឡើងអំពីសារសំខាន់នៃបច្ចេកវិទ្យាឌីជីថលក្នុងការអនុវត្តការងាររៀបចំដែនដី នគរូបនីយកម្ម និងសំណង់ និងកោតសរសើរ ឯកឧត្តមរដ្ឋមន្រ្តី ក.ប.ទ. ចំពោះសមិទ្ធផលជាសារវន្តនៃវិស័យឌីជីថល៕ អត្ថបទ៖ហ្សាលីន

The post រដ្ឋាភិបាល ​​ជំរុញការសាង់សង់ហេដ្ឋារចនាសម្ព័ន្ធទូរគមនាគមន៍ក្នុងវិស័យសំណងនៅទូទាំងប្រទេស appeared first on .

ឆ្លៀតក្នុងឱកាសនោះ លោកក៏បានទៅធ្វើទស្សនកិច្ចការងារ នៅទីភ្នាក់ងាររុករកអវកាសជប៉ុន (Japan Aerospace Exploration Agency) ដើម្បីស្វែងយល់អំពីការអភិវឌ្ឍនិងការប្រើប្រាស់អវកាស ជាពិសេសផ្កាយរណប ដែលជាផ្នែកមួយកំពុងជឿនលឿននៃបច្ចេកវិទ្យាទូរគមនាគមន៍និងឌីជីថល។

ក្នុងដំណើរទស្សនកិច្ចនោះ លោករដ្ឋមន្រ្តីក៏បានទទួលជំនួបពិភាក្សាការងារជាមួយនឹងក្រុមហ៊ុនជប៉ុនចំនួន៣ ដើម្បីពិនិត្យលទ្ធភាពឱ្យក្រុមហ៊ុនមកដាក់ទីតាំងក្នុងសួនឌីជីថលនៅកម្ពុជា ពិភាក្សាការងារលើការរៀបចំបញ្ជូននិស្សិតជំនាញឌីជីថល ជំនាន់ទី១ ដែលចេះភាសាជប៉ុន មកធ្វើការងារនៅប្រទេសជប៉ុនក្រោមកម្មវិធី IT Pathway ដែលគាំទ្រដោយក្រសួងប្រៃសណីយ៍និងទូរគមនាគមន៍។

គួរបញ្ជាក់ដែរថា ដំណើរទស្សនកិច្ចលោករដ្ឋមន្រ្តីក្រសួងប្រៃសណីយ៍និងទូរគមនាគមន៍ នាពេលនេះ ជាផ្នែកមួយនៃការពង្រឹងទំនាក់ទំនងវិស័យឌីជីថលរវាងកម្ពុជានិងជប៉ុន ដែលមានការរីកចម្រើនជាលំដាប់ តាមរយៈការស្វែងយល់អំពីការអភិវឌ្ឍនិងប្រើប្រាស់អវកាស ការវិនិយោគក្នុងវិស័យឌីជីថល ទូរគមនាគមន៍ ធនធានមនុស្សឌីជីថល និងហេដ្ឋារចនាសម្ព័ន្ធឌីជីថល៕

The post រដ្ឋមន្រ្តីប្រៃសណីយ៍ ទស្សនកិច្ចនៅទីភ្នាក់ងារអវកាស និងក្រុមហ៊ុនបច្ចេកវិទ្យាជប៉ុន ដើម្បីស្វែងយល់ពីការប្រើប្រាស់អវកាស និងផ្កាយរណប appeared first on .