លោក ហេង ផាន អគ្គនាយក វិរៈ ប៊ុនថាំ ហ្វ៊ូដ បានថ្លែងប្រាប់ដល់ Oknha News ឱ្យដឹងថា កាហ្វេ VET Coffee ជាប្រភេទកាហ្វេ Mix 3 in 1 Original ដែលផ្សំពីកាហ្វេលេខមួយ Arabica ហើយកាហ្វេនេះមិនផ្អែមពេក មិនសាបពេក មានរស់ជាតិល្មមសម្រាប់ប្រជាជនខ្មែរ។ ជាពិសេសរស់ជាតិនេះ ត្រូវបានផលិតឡើងជំនួសឱ្យផលិតផលរបស់ប្រទេសជិតខាង ព្រមទាំងមានតម្លៃសមរម្យ ដោយលក់រាយត្រឹម ៥០០រៀលក្នុងមួយកញ្ចប់។ ចំពោះយីហោនេះ គឺមានអ្នកជំនាញវិស្វករផ្នែកចំណីអាហារពីប្រទេសម៉ាឡេស៊ី។

លោកបន្តថា ក្រុមហ៊ុន វិរៈ ប៊ុនថាំ ហ្វ៊ូដ នឹងមានរោងចក្រផលិតកាហ្វេនៅក្នុងប្រទេសកម្ពុជាខ្លួនឯង ប៉ុន្តែដោយសារបច្ចុប្បន្នរោងចក្រកំពុងសាងសង់ ដូច្នេះអ្វីដែលយើងអាចធ្វើបាន គឺយើងផលិតនៅក្រៅប្រទេស នៅប្រទេសម៉ាឡេស៊ីសិន ដែលជាក្រុមហ៊ុនស្តង់ដារបស់ប្រទេសម៉ាឡេស៊ី និងមានការទទួលស្គាល់ទូទាំងពិភពលោក ហើយក្រុមហ៊ុននេះក៏មានផលិតកាហ្វេមួយចំនួនទៅកាន់ទីផ្សារសហរដ្ឋអាមេរិកផងដែរ។

មនុស្សប្រុសនិងមនុស្សស្រី ក៏អាចក្រេបជញ្ជក់នូវរស់ជាតិដ៏ឈ្ងុយឆ្ងាញ់របស់កាហ្វេក្រុមហ៊ុន វិរៈ ប៊ុនថាំ ហ្វ៊ូដ នេះផងដែរ។ កាហ្វេ VET Coffee ជាកាហ្វេលក្ខណៈធម្មជាតិ ដោយមិនមានដាក់សារធាតុទុកបានយូរ ឬដាក់ពណ៌នោះទេ ហើយជាប្រភេទកាហ្វេមិនមានលាយបន្លំសារធាតុផ្សេងៗ ពិសេសគឺធានាគុណភាពខ្ពស់។

កាហ្វេ VET Coffee ត្រូវបានវេចខ្ចប់ដោយម៉ាស៊ីនទំនើប មានថង់យួរដៃរចនាឡើងយ៉ាងស្រស់ស្អាត មានភាពងាយស្រួលកាន់ ដោយមាន១ថង់ចំនួន ៥ខ្សែ ហើយ១ខ្សែមានចំនួន ១២កញ្ចប់តូចៗ (សរុប ១ថង់ ស្មើ ៦០កញ្ចប់តូច)។ ក្នុងមួយកេស ក្រុមហ៊ុនខ្ចប់ត្រឹម ៦ថង់យួរដៃ ស្មើនឹង ៣៦០កញ្ចប់តូច ដែលងាយស្រួលសម្រាប់ទុកដាក់ ហើយតូបលក់ចាបហួយតូចៗក៏អាចមានលទ្ធភាពទិញយកទៅលក់បន្តផងដែរ។

បច្ចុប្បន្ននេះ ក្រុមហ៊ុន វិរៈ ប៊ុនថាំ ហ្វ៊ូដ ក៏កំពុងបើកជ្រើសរើសម្ចាស់ដេប៉ូលក់ចែកចាយនៅតាមបណ្តាស្រុក ទីរួមខេត្ត និងក្រុង ជាង ១០០ដេប៉ូ ដូច្នេះជាឱកាសសម្រាប់បងប្អូនលក់បោះដុំ អាចដាក់ពាក្យធ្វើជាតំណាង​ចែកចាយរបស់ក្រុមហ៊ុនបាន។ មូលហេតុក្រុមហ៊ុនរើសតំណាងចែកចាយច្រើនខុសពីក្រុមហ៊ុនដទៃ ដោយសារ វិរៈ ប៊ុនថាំ មានក្រុមហ៊ុនដឹកជញ្ជូន មានទីតាំងជាង ១៣០០សាខា ពិសេសគឺចង់ឱ្យផលិតផល ក្រុមហ៊ុន វិរៈ ប៊ុនថាំ ហ្វ៊ូដ មានលក់គ្រប់ទីកន្លែងទៅដល់តាមភូមិ ងាយស្រួលដល់បងប្អូនពលរដ្ឋខ្មែរគ្រប់គ្នា៕

The post ក្រុមហ៊ុន វិរៈ ប៊ុនថាំ ហ្វ៊ូដ របស់អ្នកឧកញ៉ា បណ្ឌិត សួរ វីរៈ គ្រោងចេញលក់កាហ្វេ VET Coffee appeared first on .

ក្នុងមហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជានេះដែរ ក្រុមហ៊ុនវិរៈ ប៊ុនថាំ បានរៀបចំស្តង់​ពិព័រណ៍ វិរៈ ប៊ុនថាំ និងស្តង់ VTENH  ដែលជាបុត្រសម្ព័ន្ធ ដើម្បីបង្ហាញពីសមិទ្ធផល និងសេវាកម្មដ៏សម្បូរបែប​របស់​ក្រុមហ៊ុន​ផងដែរ។

មហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើក​ទិសដៅការងារ​ឆ្នាំ២០២៦ ត្រូវបានធ្វើឡើងក្រោមអធិបតីភាពបើកដោយ អ្នកឧកញ៉ា គិត ម៉េង ប្រធានសភា​ពាណិជ្ជកម្ម​កម្ពុជា និងជាប្រធានក្រុម​ប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា និងអធិបតីភាពបិទដោយ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម។

សូមជម្រាបផងដែរថា អ្នកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អេចប្រេស ត្រូវបានអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា ចេញ​សេចក្តីសម្រេចតែងតាំងជា «ជាទីប្រឹក្សាជាន់ខ្ពស់សភាពាណិជ្ជកម្មកម្ពុជា» អាណត្តិទី៥ នៅថ្ងៃទី១៦ ខែមិថុនា ឆ្នាំ២០២៥៕

The post ក្រុមហ៊ុន វិរៈ ប៊ុនថាំ អ្នកឧកញ៉ា សួរ វីរៈ រួមចំណែកការរៀបចំ និងឧបត្ថម្ភ Platinum Sponsor ក្នុងមហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជា appeared first on .

តាមរយៈការប្រកាស ក្រុមហ៊ុនបានលើកឡើងថា មិនមែនស្ថានីយ៌ប្រេងឥន្ទន:ទេ តែជាស្ថានីយ៌សាកឡាន។ ក្លាយ​ជា​ម្ចាស់ដៃគូអាជីវកម្ម ស្ថានីយសាកឡានអគ្គីសនីវិរ: ប៊ុនថាំ ទូទាំងប្រទេស (VET EV Charging Station) អាជីវកម្មទំនើប ស្របតាមនិន្នាការរថយន្តអគ្គិសនី។

ក្រុមហ៊ុនបានបន្ថែមថា ស្ថានីយសាកឡានអគ្គីសនី​វិរ: ប៊ុនថាំ នឹងបំពាក់ដោយសេវាកម្មពេញលេញ រួមមានដូចជា៖ បន្ទប់ទឹកស្អាត និងមានស្តង់ដារ, មីនីម៉ាត និងហាងកាហ្វេ, បច្ចេកវិទ្យាគ្រប់គ្រងស្ថានីយន៏បែបទំនើប, ប្រព័ន្ធបង់​ប្រាក់ងាយៗ, ផែនទីស្វែងរកទីតាំងងាយស្រួលទូទាំងប្រទេស, អតិថិជនងាយស្រួលស្វែងរកទីតាំងតាមអេប VET EXPRESS ព្រមទាំងអត្ថប្រយោជន៌ជាច្រើនទៀត។

សម្រាប់លោកអ្នកចង់បានឱកាសល្អចង់វិនិយោគ និងបង្កើតចំណូលអនាគត សូមទាក់ទង៖ 086 668 234 ឬ Telegram: https://t.me/VET_STATION ៕

The post ក្រុមហ៊ុន វិរៈ ប៊ុនថាំ អេចប្រេស របស់អ្នកឧកញ៉ា សួរ វីរៈ ប្រកាសស្វែងរកដៃគូអាជីវកម្ម ស្ថានីយសាកឡានអគ្គីសនី​វិរ: ប៊ុនថាំ ទូទាំងប្រទេស appeared first on .

តាមរយៈបណ្ដាញសង្គមផ្លូវការ នៅថ្ងៃទី១៤ ខែធ្នូ ឆ្នាំ២០២៥ អ្នកឧកញ៉ា សួរ វីរៈ បានលើកឡើងថា «ឡានដឹក១០០០គ្រឿងរបស់វិរៈប៊ុនថាំនៅបន្ដដឹកស្បៀងជូនវីរៈកងទ័ព និងជនភៀសសឹក មិនគិតលុយតាមសំណូមពរ»។

អ្នកឧកញ៉ា បន្ថែមថា «VET នៅជាមួយប្រជាជនកម្ពុជាគ្រប់ពេលលំបាក»។

សូមជម្រាបថា ចាប់តាំងពីមានភាពតានតឹងបញ្ហាព្រំដែនកម្ពុជា-ថៃ អ្នកឧកញ៉ា សួរ វីរៈ និងលោកជំទាវ ប៊ុន ចន្ធូ បានជួយលើការងារសប្បុរធម៌ជាច្រើនដូចជា៖ ការបញ្ចេញរថយន្តទៅជួយទិញផ្លែល្ពៅពីកសិករខេត្តព្រះវិហារជិត ៣០០តោន, ការបញ្ចេញរថយន្តត្រជាក់ដឹកបន្លែពីសហគមន៍ទំនើបបន្លែផ្ទះសំណាញ់ត្រាំកក់ ចំនួន ១៥តោន ទៅកាន់តំបន់មុំបី និងការបញ្ចេញរថយន្តរាប់សិបគ្រឿង ដើម្បីដឹកជញ្ជូនស្បៀង ដឹកជំនួយជូនកងទ័ព និងដឹកជញ្ជូនពលករខ្មែរត្រឡប់មកពីប្រទេសថៃ ដោយឥតគិតថ្លៃ, ការនាំយកអំណោយទឹកដោះគោចំនួន ៥០០កេស និងអាហារខ្ចប់ចំនួនជាង ២៧០០ប្រអប់ ជូនដល់កងទ័ពជួរមុខកម្ពុជា និងជនភៀសសឹក នៅខេត្តព្រះវិហារ ផងដែរ៕

The post នៅជាមួយប្រជាជនកម្ពុជាគ្រប់គ្រាលំបាក! អ្នកឧកញ៉ា សួរ វីរៈ ប្រកាសបន្ដផ្ដល់ឡាន១០០០គ្រឿងរបស់វីរៈប៊ុនថាំ ដឹកស្បៀងជូនវីរៈកងទ័ព និងជនភៀសសឹក appeared first on .

ក្រុមហ៊ុន វិរៈ ប៊ុនថាំ អេចប្រេស បានសម្តែងការចូលរួមកោតសរសើរដល់ទឹកចិត្តដ៏សប្បុរស របស់កញ្ញា កុយ អេនណា ហើយក្នុងនោះផងដែរ អ្នកឧកញ៉ា សួរ វីរៈ អគ្គនាយកក្រុមហ៊ុន វិរៈ ប៊ុនថាំ បានចូលរួមចំណែក និងលើកទឹកចិត្ត ដោយចូលរួមបរិច្ចាគជាទឹកប្រាក់ចំនួន ៤លានរៀល ជូនទៅដល់កញ្ញា អេនណា ដើម្បីគាំទ្រដល់យុទ្ធនាការមួយនេះ។

កញ្ញា កុយ អេនណា បានថ្លែងអំណរគុណដល់ ក្រុមហ៊ុន វិរៈ ប៊ុនថាំ អេចប្រេស ដែលបានចូលរួមបរិច្ចាគថវិកា ក្នុងយុទ្ធនាការដ៏សំខាន់មួយនេះ។ តាមរយៈបណ្តាញសង្គមហ្វេសប៊ុក កញ្ញាបានបង្ហាញសារដូច្នេះថា៖ “សូមថ្លែងអរគុណដល់ ក្រុមហ៊ុន វិរៈ ប៊ុនថាំ អេចប្រេស ខូអិលធីឌី ដែលបានចូលរួមជាមួយដំណើររបស់នាងខ្ញុំ តាមរយៈការបរិច្ចាគថវិកាសប្បុរសធម៌ ទៅក្នុងមូលនិធិថ្មើរជើងទៅកាន់ខេត្តសៀមរាប ក្នុងចំនួនទឹកប្រាក់ ៤ លានរៀល ដើម្បីជួយដល់កុមារ ឬជនមានពិការភាព និងដើម្បីទេសចរណ៍កម្ពុជា”។

បវរកញ្ញាកម្ពុជារូបនេះ ក៏បានគោរពជូនពរដល់ក្រុមគ្រួរសារនៃក្រុមហ៊ុន វិរៈ ប៊ុនថាំ ជួបប្រទះនូវសេចក្តីសុខសេចក្តីចម្រើន រុងរឿងជានិរន្តរ៍តទៅ។ កញ្ញាបន្ថែមថា ការរួមចំណែករបស់លោកអ្នកពិតជាមានតម្លៃនៅក្នុងគ្រប់រាល់ជំហានដែលធ្វើឱ្យមានការផ្លាស់ប្តូរដ៏ធំចំពោះសង្គម។

សូមជម្រាបថា បវរកញ្ញា កុយ អេនណា បានធ្វើឱ្យមហាជនផ្ទុះការចាប់អារម្មណ៍ និងកោតសរសើរយ៉ាងខ្លាំង ខណៈតារាស្រីរូបនេះបានធ្វើបេសកកម្មក្នុងដំណើរថ្មើរជើងជាលើកដំបូង ពីរាជធានីភ្នំពេញទៅកាន់ខេត្តសៀមរាប ក្រោមប្រធានបទ “ដើរដោយក្តីសង្ឃឹម ដើរដើម្បីទេសចរណ៍”ផ្សារភ្ជាប់ក្តីសង្ឃឹមដើម្បីកុមារ ឬជនពិការនៅកម្ពុជា និងផ្សព្វផ្សាយទេសចរណ៍ក្នុងប្រទេស ក្រោមម្លប់សន្តិភាព។ ដំណើរថ្មើរជើងរបស់កញ្ញា អេនណា ទៅកាន់ខេត្តសៀមរាបនេះ គឺដើម្បីរៃអង្គាសថវិកាសប្បុរសធម៌ ជួយគាំទ្រដល់ក្មេងៗ ឬជនពិការក្នុងមណ្ឌលខ្វះខាតនៅកម្ពុជា និងចូលរួមផ្សព្វផ្សាយទេសចរណ៍ពីរាជធានីភ្នំពេញ ឆ្ពោះទៅកាន់ខេត្តសៀមរាបផងដែរ៕

The post អ្នកឧកញ៉ា សួរ វីរៈ បរិច្ចាគថវិកា ៤លានរៀល ជូនដល់មូលនិធិថ្មើរជើងទៅកាន់ខេត្តសៀមរាប តាមរយៈកញ្ញា កុយ អេនណា appeared first on .

អ្នកឧកញ៉ា សួរ វីរៈ បានបញ្ជាក់ថា៖ “យើងមានកិត្តិយសនិងរំភើបយ៉ាងខ្លាំង ក្នុងការប្រកាសអំពីកិច្ចសហការយុទ្ធសាស្ត្រថ្មីរវាងក្រុមហ៊ុនវិរៈ ប៊ុនថាំអិចប្រេស ឯ.ក (Vireak Buntham Express Co., Ltd.) និងក្រុមហ៊ុន Mad Monkey ដែលជាជំហានដ៏សំខាន់មួយ ក្នុងការជំរុញឧស្សាហកម្មទេសចរណ៍ នៅព្រះរាជាណាចក្រកម្ពុជា ជាពិសេសនៅខេត្តកំពត”។

កិច្ចព្រមព្រៀងនៃការសហការណ៍ខាងលើនេះ ត្រូវបានចុះហត្ថលេខាផ្លូវការរវាង អ្នកឧកញ៉ា សួរ វីរៈ អគ្គនាយកប្រតិបត្តិនៃក្រុមហ៊ុន វិរៈ ប៊ុនថាំអិចប្រេស ឯ.ក និង លោក Alex Darroch សហស្ថាបនិកនៃក្រុមហ៊ុន Mad Monkey ដើម្បីចាប់ផ្តើមគម្រោងសណ្ឋាគារថ្មីមួយ ក្នុងខេត្តកំពត ដែលមានឈ្មោះថា Mad Monkey Kampot ។

កិច្ចសហការនេះបានរួមគ្នាដោយថ្នាកដឹកនាំទាំងពីរជាមួយគ្នា ដែលមានបទពិសោធន៍លើហេដ្ឋារចនាសម្ព័ន្ធ ជាមួយក្រុមហ៊ុនដែលមានកេរ្តិ៍ឈ្មោះក្នុងវិស័យសណ្ឋាគារអន្តរជាតិ។ គោលបំណងរបស់គម្រោងនេះគឺ៖ ដើម្បីជំរុញទេសចរណ៍ជាតិ និងអន្តរជាតិ, បង្កើតឱកាសការងារថ្មីៗសម្រាប់សហគមន៍ និងលើកកម្ពស់សោភ័ណភាពធម្មជាតិ និងវប្បធម៌ដ៏សម្បូរបែប របស់ខេត្តកំពត ឱ្យកាន់ល្បីល្បាញទៅពិភពលោក។

ក្រុមហ៊ុនទាំងពីរបានត្រៀមខ្លួនជាស្រេចក្នុងការជំរុញកំណើនទេសចរណ៍ប្រកបដោយចីរភាព បង្កើនសមត្ថភាពសហគមន៍ក្នុងស្រុក និងបង្កើតគោលដៅទេសចរណ៍ថ្មីមួយ ដែលអ្នកទាំងអស់គ្នាមិនគួររំលងនាពេលអនាគត លើវិស័យបដិសណ្ឋារកិច្ច៕

The post អ្នកឧកញ៉ា សួរ វីរៈ អញ្ជើញចុះ MOU រវាងក្រុមហ៊ុន វិរៈ ប៊ុនថាំ អិចប្រេស និងក្រុមហ៊ុន Mad Monkey គ្រោងបង្កើតសណ្ឋាគារថ្មីមួយ នៅខេត្តកំពត appeared first on .

អ្នកឧកញ៉ា សួរ វីរៈ បានគូសបញ្ជាក់ថា បេសកម្មមិនទាន់បញ្ចប់ទៅណានោះទេ ក្រុមការងារវិរ:ប៊ុនថាំ កាន់តែបន្តយ៉ាងសកម្ម និងមមាញឹកលើសដើម ក្នុងការជួយដឹកជញ្ជូនបងប្អូនប្រជាពលរដ្ឋត្រលប់មកពីប្រទេសថៃ និងបញ្ជូនអំណោយជូនដល់វីរកងទ័ព និងជនភៀសសឹកជាមួយ រថយន្តរាប់សិបគ្រឿង ដែលបានទៅដល់គោលដៅរៀងរាល់ថ្ងៃប្រកបដោយសុវត្ថិភាព។ គ្រួសារវិរ:ប៊ុនថាំ ដើម្បីប្រជាជនកម្ពុជា។

សូមជម្រាបថា ក្នុងស្ថានភាពប្រទេសកម្ពុជា មានបញ្ហាសង្គ្រាមជាមួយប្រទេសថៃ ក្រុមហ៊ុន វិរៈ ប៊ុនថាំ របស់អ្នកឧកញ៉ា សួរ វីរៈ បានបញ្ជូនរថយន្តរាប់សិបគ្រឿង ទាំងរថយន្តធន់ធ្ងន់ រថយន្តដឹកអ្នកដំណើរ និងរថយន្តត្រជាក់ដឹកបន្លែផ្លែឈើ ដើម្បីដឹកជញ្ជូនពលករខ្មែរត្រឡប់មកពីប្រទេសថៃ នាំជូនអំណោយទៅកាន់វីរកងទ័ពជួរមុខ និងបងប្អូនជនភៀសសឹកខ្មែរយើងក្នុងគ្រាដ៏លំបាកមួយនេះ។

ជាមួយគ្នានេះ ក្រុមហ៊ុនក៏សូមថ្លែងអំណរគុណ ដល់សប្បុរសជនខ្មែរទាំងអស់គ្នានូវទឹកចិត្ត ក្នុងការចូលរួមជាអំណោយដូចជាស្បៀងអាហារ ថ្នាំសង្កូវ និងបរិក្ខាប្រើប្រាស់ផ្សេងៗជូនដល់បងៗវីរៈកងទ័ព និងសូមអរគុណសម្រាប់ការរួមចំណែកលើកទឹកចិត្ត ផ្ដល់ជាកម្លាំងចិត្តចំពោះបងៗវីរកងទ័ពរបស់ប្រជាជនកម្ពុជា៕

The post អ្នកឧកញ៉ា សួរ វីរៈ៖ រថយន្តរាប់សិបគ្រឿងកំពុងដឹកជញ្ជូនពលករខ្មែរត្រឡប់ពីថៃ និងដឹកជំនួយជូនវីរកងទ័ព រួមទាំងបងប្អូនខ្មែរកំពុងភៀសសឹក appeared first on .

កាលពីពេលថ្មីៗនេះ បងប្អូនប្រជាកសិករនៅខេត្តព្រះវិហារ បាននិងកំពុងជួបបញ្ហាទីផ្សារក្នុងការលក់ផ្លែល្ពៅ ដែលជាកសិផលខ្មែរសំខាន់មួយផងដែរ។ ពាក់ព័ន្ធនឹងបញ្ហានេះ ក្រសួងកសិកម្ម រុក្ខាប្រមាញ់ និងនេសាទ និងក្រសួងពាណិជ្ជកម្ម ក្នុងនាមជាសេនាធិការរបស់រាជរដ្ឋាភិបាល ក៏បានអំពាវនាវឱ្យភាគីពាក់ព័ន្ធមេត្តារួមគ្នាជួយតាមលទ្ធភាពដល់ប្រជាកសិករ។

អ្នកឧកញ៉ា សួរ វីរៈ បានលើកឡើងលើទំព័រហ្វេសប៊ុក កាលពីថ្ងៃទី២១ ខែមិថុនា បែបនេះថា៖ “តបតាមការស្នើរសុំរបស់ក្រសួងពាណិជ្ជកម្ម ខ្ញុំបាទបានបញ្ជូនរថយន្តដឹកទំនិញ ដើម្បីជួយដល់កសិករនៅខេត្តព្រះវិហារ ដែលកំពុងជួបបញ្ហាទីផ្សារលក់ផ្លែល្ពៅចំនួន ២០តោន ទៅកាន់រាជធានីភ្នំពេញ និង ចំនួនជាច្រើនតោនបន្ថែមទៀត ក្នុងពេលឆាប់ៗនេះ។ បើប្អូនត្រូវការទិញអាចទាក់ទងបានដឹកជញ្ជូន ១២៥០ទីតាំងរបស់សាខាវីរ:ប៊ុនថាំ។ ខ្មែរជួយខ្មែរ ខ្មែរគាំទ្រផលិតផលខ្មែរ”។

សូមជម្រាបថា ក្រោមកិច្ចសហការជាមួយក្រសួងពាណិជ្ជកម្ម ក្នុងការគាំទ្រប្រជាកសិករក្នុងខេត្តព្រះវិហារ បណ្តាផ្សារទំនើបធំៗមួយចំនួននៅកម្ពុជា ក៏បាននាំយកផ្លែល្ពៅមកដាក់លក់ក្នុងតម្លៃសមរម្យដល់បងប្អូនប្រជាពលរដ្ឋនៅរាជធានីភ្នំពេញផងដែរ៕

The post អ្នកឧកញ៉ា សួរ វីរៈ បញ្ជូនរថយន្តវីរៈប៊ុនថាំ ទៅជួយដឹកផ្លែល្ពៅរបស់កសិករនៅខេត្តព្រះវិហារ ចំនួន ២០តោន មកលក់នៅរាជធានីភ្នំពេញ appeared first on .

ថ្លែងប្រាប់ឧកញ៉ាញូស៍ កាលពីថ្ងៃទី០៨ ខែមិថុនា អ្នកឧកញ៉ា សួរ វីរៈ បានលើកឡើងថា គោលនយោបាយរបស់រាជរដ្ឋាភិបាល បានជំរុញឱ្យអ្នកវិនិយោគលើវិស័យកសិកម្មមានការកើនឡើង ព្រមទាំងមានការលើកទឹកចិត្តផងដែរ។ ក្នុងនោះដែរ ក្រុមហ៊ុន វីរៈ ប៊ុនថាំ ក៏បានចូលរួមមួយចំណែកធំ ក្នុងការជួយដឹកជញ្ជូនកសិផលកម្ពុជា ទៅកាន់ប្រទេសផ្សេងៗលើពិភពលោក ពិសេសទៅប្រទេសចិន។ ក្រុមហ៊ុន វីរៈ ប៊ុនថាំ បានបង្កើនក្រុមហ៊ុនថ្មីជាច្រើន ក្នុងការជួយនាំចេញផលិតផលកសិករកម្ពុជា ដូចជាការរៀបចំឯកសារច្បាប់ទម្លាប់ ដើម្បីឱ្យផលិតផលកសិកម្មអាចនាំចេញបាន។

អ្នកឧកញ៉ា សួរ វីរៈ បានគូសបញ្ជាក់បន្ថែមដូច្នេះថា៖ “លើសពីនេះ ក្រុមហ៊ុន វីរៈ ប៊ុនថាំ ក៏បានវិនិយោគលើរោងចក្រផលិតជី ដែលមកដល់ពេលនេះស្ទើរតែរួចរាល់ ១០០ភាគរយហើយ។ នេះជារោងចក្រផលិតជីសរីរាង្គ ជីជន្លេន និងផលិតជីគីមីផងដែរ ហើយកម្លាំងផលិតគឺយើងអាចផលិតបាន ២០០តោនក្នុងមួយថ្ងៃ។ យើងសង្ឃឹមថា នៅខែក្រោយនឹងអាចសម្ពោធបើកការលក់ជីរបស់ក្រុមហ៊ុន វីរៈ ប៊ុនថាំ ជូនដល់កសិករយើង។ ដោយសារក្រុមហ៊ុន វីរៈ ប៊ុនថាំ ជាក្រុមហ៊ុនដឹកជញ្ជូន ដូច្នេះខ្ញុំជឿជាក់ថា ការដឹកជញ្ជូនជីរបស់ក្រុមហ៊ុនយើង ជូនទៅដល់កសិករនៅតំបន់ដាច់ស្រយាល នឹងកាន់តែងាយស្រួល។ ចំពោះតម្លៃ ជីរបស់ក្រុមហ៊ុន វីរៈ ប៊ុនថាំ អាចនឹងធូរថ្លៃជាងជីដែលនាំចូលពីក្រៅប្រទេស ហើយយើងនឹងផ្តល់ការដឹកជញ្ជូនជីដល់កសិករយើងក្នុងតម្លៃមួយថេរ”។

សូមជម្រាបថា ក្រុមហ៊ុន វិរៈ ប៊ុនថាំ អេចប្រេស របស់អ្នកឧកញ៉ា សួរ វីរៈ តែងតែគិតគូនិងយកចិត្តទុកដាក់ខ្ពស់ ក្នុងការលើកស្ទួយវិស័យកសិកម្មកម្ពុជា ពិសេសគឺការជួយរកទីផ្សារកសិផលជូនបងប្អូនប្រជាកសិករខ្មែរ។ ជាក់ស្តែង អ្នកឧកញ៉ា ក៏ទើបប្រកាសនាំយករថយន្តត្រជាក់សរុបចំនួន ៥០០គ្រឿង ពីប្រទេសចិន ដើម្បីដឹកកសិផល បន្លែ ផ្លែឈើរបស់កម្ពុជា ទៅលក់ផ្ទាល់នៅប្រទេសចិនផងដែរ៕

The post អ្នកឧកញ៉ា សួរ វីរៈ បង្កើតរោងចក្រជីកសិកម្ម អាចផលិតបាន ២០០តោនក្នុងមួយថ្ងៃ លក់តម្លៃក្រោមទីផ្សារ ជូនដល់កសិករខ្មែរ appeared first on .

ក្នុងបទសម្ភាសន៍ជាមួយ ឧកញ៉ាញូស៍ កាលពីថ្ងៃទី០៨ ខែមិថុនា អ្នកឧកញ៉ា សួរ វីរៈ បានគូសបញ្ជាក់ថា រថយន្តនេះ ជាប្រភេទរថយន្តត្រជាក់របស់ចិន ដែលជាកិច្ចសហការរវាងក្រុមហ៊ុន វីរៈ ប៊ុនថាំ ជាមួយក្រុមហ៊ុនចិន នៅទីក្រុងគុនមីង ខេត្តយូណាន។ ការសាកល្បងដំបូង គឺធ្វើដំណើរចេញពីប្រទេសចិន ដោយឆ្លងកាត់ប្រទេសឡាវ មកកម្ពុជា ហើយជំហ៊ានបន្ទាប់នឹងសាកល្បងដឹកទំនិញពីកម្ពុជា ទៅកាន់ប្រទេសចិនវិញ។

អ្នកឧកញ៉ាអគ្គនាយក បានបន្ថែមថា លក្ខណៈពិសេសរបស់រថយន្ដត្រជាក់ GMS នេះដែរ គឺជាប្រភេទរថយន្តដែលមានកូតា អាចដឹកទំនិញឆ្លងកាតប្រទេសអនុតំបន់ទន្លេមេគង្គទាំង ៦ប្រទេសបាន រួមមាន ប្រទេសចិន មីយ៉ាន់ម៉ា ថៃ ឡាវ កម្ពុជា និងវៀតណាម ដោយមិនបាច់ផ្ទេរទំនិញតាមព្រំដែន។ ពិសេសរថយន្តនេះ នឹងផ្តោតសំខាន់លើការដឹកកសិផលរបស់កម្ពុជា ទៅកាន់ប្រទេសចិនផ្ទាល់បាន ដោយចំណេញទាំងពេលវេលា និងការចំណាយ។

«យើងបានចរចាជាមួយក្រុមហ៊ុនចិន លើរថយន្តត្រជាក់នេះចំនួន ៤០០គ្រឿង ដោយឡែកអ្វីដែលយើងបានព្រមព្រៀងគ្នាគឺ គេនឹងប្រើចំនួន ២០០គ្រឿង ដើម្បីមកជួយយើងក្នុងពេលដំបូង ហើយក្រុមហ៊ុន វីរៈ ប៊ុនថាំ យើងខ្លួនឯង ក៏បានកម្ម៉ង់រថយន្តបន្ថែមចំនួន ១០០គ្រឿងទៀតដែរ ហើយនឹងមកដល់ប្រទេសកម្ពុជាយើង ក្នុងពេលឆាប់ៗខាងមុខ»។ អ្នកឧកញ៉ា បានបញ្ជាក់បន្ថែម។

អ្នកឧកញ៉ា សួរ វីរៈ បានឱ្យដឹងទៀតថា ការនាំយករថយន្តត្រជាក់នេះ គឺដោយមើលឃើញពីតម្រូវការនៃការដឹកជញ្ជូន និងការធ្វើពាណិជ្ជកម្មរវាងចិន-កម្ពុជា មានការកើនឡើងខ្លាំង ជាពិសេសកសិផលរបស់កម្ពុជាយើង ក៏មានការកើនឡើងការនាំចេញទៅកាន់ប្រទេសចិន។ ជាក់ស្តែង យើងឃើញថា កម្ពុជាក៏ទើបទទួលបានកូតានាំចេញផ្លែទុរេន និងទឹកមាត់ត្រចៀកកាំ ហើយសង្ឃឹមថា នឹងមានកូតាថ្មីៗទៀត ក្នុងការនាំកសិផល ពីកម្ពុជាទៅចិនបន្ថែមទៀត ក្នុងពេលឆាប់ៗខាងមុខផងដែរ៕

The post អ្នកឧកញ៉ា សួរ វីរៈ នាំយករថយន្ដត្រជាក់កូតា GMS ពីចិន ៥០០គ្រឿង ដើម្បីដឹកបន្លែផ្លែឈើ កសិផលកម្ពុជា ទៅលក់ផ្ទាល់នៅប្រទេសចិន appeared first on .