ក្រោមយុទ្ធនាការ «ដឹកជញ្ជូនអន្តរជាតិ ពីប្រទេសចិន» វិរៈ ប៊ុនថាំ ផ្តល់ជូនសេវាដឹកជញ្ជូនទំនិញពីប្រទេសចិន ក្នុងតម្លៃពិសេសត្រឹមតែ ៤,០០០រៀលក្នុងមួយគីឡូ និងចាប់ពី 180$ក្នុងមួយម៉ែត្រគូប ដើម្បីឆ្លើយតបទៅនឹងតម្រូវការរបស់អាជីវករ អ្នកលក់អនឡាញ និងអតិថិជនដែលមានបំណងនាំចូលទំនិញពីប្រទេសចិន។

ដឹកជញ្ជូនរហ័ស សន្សំពេលវេលា និងគាំទ្រការរីកចម្រើនអាជីវកម្មក្នុងស្រុក

តាមរយៈបទពិសោធន៍ជាច្រើនឆ្នាំក្នុងសេវាដឹកជញ្ជូន និងឡូជីស្ទិក ឥឡូវនេះ វិរៈ ប៊ុនថាំ ផ្តល់ជូនជម្រើសដឹកជញ្ជូនរហ័ស សន្សំពេលវេលា និងមានទំនុកចិត្តខ្ពស់ តាមផ្លូវគោក និងផ្លូវអាកាស ដើម្បីឱ្យអតិថិជនអាចជ្រើសរើសសេវាកម្មសមស្របទៅតាមប្រភេទទំនិញ និងតម្រូវការពេលវេលារបស់ខ្លួន។

– ដឹកជញ្ជូនតាមផ្លូវគោកពីប្រទេសចិន៖ រយៈពេលតិចជាង 10 ថ្ងៃ។

– ដឹកជញ្ជូនតាមផ្លូវអាកាសពីប្រទេសចិន៖ រយៈពេលត្រឹមតែ 3 ថ្ងៃប៉ុណ្ណោះ។

ដោយរយៈពេលដឹកជញ្ជូនអាចប្រែប្រួលទៅតាមប្រភេទទំនិញ ទីតាំងដើម និងលក្ខខណ្ឌប្រតិបត្តិការ។ ដឹកជញ្ជូនឥតគិតថ្លៃទូទាំងរាជធានីភ្នំពេញ ដើម្បីបង្កើនភាពងាយស្រួលដល់អតិថិជន វិរៈ ប៊ុនថាំ នឹងផ្តល់ជូនសេវាដឹកជញ្ជូនដោយឥតគិតថ្លៃទូទាំងរាជធានីភ្នំពេញ សម្រាប់ចម្ងាយក្នុងរង្វង់ 10 គីឡូម៉ែត្រ គិតចេញពីឃ្លាំង វិរៈ ប៊ុនថាំ ជ្រោយចង្វារ ខណ្ឌជ្រោយចង្វារ។

អត្ថប្រយោជន៍នេះនឹងជួយកាត់បន្ថយភាពស្មុគស្មាញក្នុងការទទួលទំនិញ និងផ្តល់ភាពងាយស្រួលបន្ថែមសម្រាប់អាជីវករ និងអតិថិជននៅរាជធានីភ្នំពេញ ប្រកបដោយទំនុកចិត្តខ្ពស់។

សេវាកម្មដឹកជញ្ជូនអន្តរជាតិដ៏មានស្តង់ដារ

ក្រៅពីការដឹកជញ្ជូនពីប្រទេសចិន វិរៈ ប៊ុនថាំ ក៏ផ្តល់ជូនសេវាកម្មដឹកជញ្ជូនអន្តរជាតិដ៏ទូលំទូលាយ រួមមាន៖

– ការដឹកជញ្ជូនតាមផ្លូវគោក

– ការដឹកជញ្ជូនតាមផ្លូវសមុទ្រ

– ការដឹកជញ្ជូនតាមផ្លូវអាកាស

– និងឃ្លាំងផ្ទុកទំនិញអន្តរជាតិ

សេវាកម្មទាំងនេះត្រូវបានរៀបចំឡើង ដើម្បីគាំទ្រដល់តម្រូវការដឹកជញ្ជូនរបស់អតិថិជនចាប់ពីការនាំចូលទំនិញ រហូតដល់ការទទួល និងចែកចាយទៅកាន់គោលដៅ ដោយអស់កង្វល់។

បណ្តាញសាខាជិត ១,៥០០ ទីតាំង គ្របដណ្តប់ទូទាំងប្រទេសកម្ពុជា

ជាមួយបណ្តាញសាខាវិរៈ ប៊ុនថាំ ជិត ១,៥០០ ទីតាំង ដែលគ្របដណ្តប់ទូទាំងប្រទេស និងការតភ្ជាប់ទៅកាន់បណ្តាញអន្តរជាតិ វិរៈ ប៊ុនថាំ បន្តពង្រឹងសមត្ថភាពក្នុងការផ្តល់សេវាទទួល និងចែកចាយទំនិញឱ្យកាន់តែមានភាពងាយស្រួល និងទូលំទូលាយ។

តាមរយៈការពង្រីកសេវាដឹកជញ្ជូនអន្តរជាតិពីប្រទេសចិន វិរៈ ប៊ុនថាំ មានគោលបំណងក្លាយជាដៃគូដឹកជញ្ជូនដែលអាជីវករ និងអតិថិជនកម្ពុជាអាចពឹងផ្អែកបាន សម្រាប់ការនាំចូលទំនិញ និងការពង្រីកអាជីវកម្មរបស់ខ្លួន។

តស់ ដឹកជញ្ជូនពីប្រទេសចិន ជាមួយវិរៈ ប៊ុនថាំ ឥឡូវនេះ!

សម្រាប់ព័ត៌មានបន្ថែម និងការសាកសួរអំពីសេវាកម្ម សូមទាក់ទង៖ 098 880 456 | 092 880 456

ឬទាញយកកម្មវិធី VET Express តាម App Store និង Google Play។

អំពីក្រុមហ៊ុន វិរៈ ប៊ុនថាំ

វិរៈ ប៊ុនថាំ គឺជាក្រុមហ៊ុនផ្តល់សេវាដឹកជញ្ជូន និងឡូជីស្ទិក ដែលមានបណ្តាញប្រតិបត្តិការទូលំទូលាយនៅកម្ពុជា និងការតភ្ជាប់ទៅកាន់សេវាដឹកជញ្ជូនអន្តរជាតិ។ ក្រុមហ៊ុនប្តេជ្ញាផ្តល់ជូនដំណោះស្រាយដឹកជញ្ជូនដែលឆ្លើយតបទៅនឹងតម្រូវការរបស់អតិថិជន និងគាំទ្រដល់ការរីកចម្រើននៃអាជីវកម្មនៅកម្ពុជា៕

The post ក្រុមហ៊ុន វិរៈ ប៊ុនថាំ របស់អ្នកឧកញ៉ា បណ្ឌិត សួរ វីរៈ ដាក់ចេញសេវាកម្មដឹកជញ្ជូនអន្តរជាតិពីចិន តម្លៃត្រឹមតែ ៤,០០០រៀល/គីឡូ និងចាប់ពី $180/CBM ដោយទំនុកចិត្ត! appeared first on .

នៅលើបណ្តាញសង្គមហ្វេសប៊ុក នាថ្ងៃទី១៩ ខែសីហា ឆ្នាំ២០២៦ អ្នកឧកញ៉ា បណ្ឌិត បានលើកឡើងថា៖ “ថវិកា​ដែល​បានមកពីកម្មវិធី Fun Run Kirrirom  និងអំណោយមួយចំនួនរបស់ក្រុមហ៊ុន វិរ: ប៊ុនថាំ បានប្រគល់​ជូនដល់ សាលាដូង គីរីរម្យ ជាមួយថ្នាក់ដឹកនាំ EHM និងកញ្ញា កយ អេណា ដើម្បីជួយសម្រួលដល់​សាលាដូង ក្នុងការបន្ត​យុទ្ធនាការ សម្អាតសំរាម និងបន្តការបណ្តុះបណ្តាលដល់សិស្សានុសិស្សទាំង ១៦៧នាក់ លើភ្នំគីរីរម្យ។ សូមជូនពរ​សាលាដូង ទទួលបានជោគជ័យក្នុងបេសកកម្មមនុស្សធម៌នៅកម្ពុជា។ #វប្បធម៌ចែករំលែក #គ្រួសារវីរ:ប៊ុនថាំ”។

សូមជម្រាបថា សាលាដូង ស្ថិតនៅលើភ្នំគិរីរម្យ ខេត្តកំពង់ស្ពឺ កំពុងត្រូវបានការយកចិត្តទុកដាក់ខ្ពស់ពី​រាជរដ្ឋាភិបាល ខណៈដែលនាព្រឹកថ្ងៃទី១៩ ខែសីហា ប្រមុខរាជរដ្ឋាភិបាលកម្ពុជា សម្តេចធិបតី ហ៊ុន ម៉ាណែត បានចេញបទបញ្ជាឱ្យយោធភូមិភាគទី៣ និងតំបន់ប្រតិបត្តិការសឹករងកំពង់ស្ពឺ ផ្អាកការអនុវត្តការរុះរើ និងឱ្យសាលាដូងបន្តដំណើរការទៅមុខដូចធម្មតាដើម្បីបង្រៀនសិស្ស។

ជាមួយគ្នានោះ សម្តេចធិបតី បានជួយសម្រាលបន្ទុកដល់សាលា ដោយសម្តេចនិងភរិយា បានសម្រេចផ្ដល់ការ​ឧបត្ថមជាថវិកាចំនួន ៥លានរៀល និងអង្ករ ១តោន ក្នុងមួយខែជូនដល់សាលាដូង ដោយគិតចាប់ពីខែកញ្ញាឆ្នាំ ២០២៦ នេះតទៅផងដែរ៕

The post អ្នកឧកញ៉ា បណ្ឌិត សួរ វីរៈ នាំយកថវិកានិងអំណោយរបស់ក្រុមហ៊ុន វិរៈ ប៊ុនថាំ ទៅប្រគល់ជូន សាលាដូង គីរីរម្យ appeared first on .

ពិធីចុះកិច្ចសន្យាថ្មីនេះបានធ្វើឡើង ក្រោមអធិបតីភាព ឯកឧត្តម ឃឹម ហ្វីណង់ អនុរដ្ឋលេខាធិការ និងជាអ្នកនាំ​ពាក្យក្រសួងកសិកម្ម រុក្ខាប្រមាញ់ និងនេសាទ និងអ្នកឧកញ៉ា បណ្ឌិត សួរ វីរៈ អគ្គនាយកក្រុមហ៊ុន វ៉េត អេហ្គ្រីខលឈ័រ អ៊ីមផត អេន អិចផត ឯ.ក ដែលជាបុត្រសម្ព័ន្ធក្រុមហ៊ុន វិរៈ ប៊ុនថាំ គ្រុប កាលថ្ងៃចន្ទ ទី២៧ ខែកក្កដា ឆ្នាំ២០២៦។

អ្នកឧកញ៉ា បណ្ឌិត សួរ វីរៈ បានបង្ហោះសារលើបណ្តាញសង្គមហ្វេសប៊ុក នៅថ្ងៃទី២៨ ខែកក្កដានេះថា៖ “គ្រួសារ​វិរ:ប៊ុនថាំ បន្តកិច្ចសន្យាជួយទិញស្រូវជុំទី២ សម្រាប់រយ:ពេល ៣ខែ ចាប់ពីថ្ងៃ ០១ ខែសីហា ដល់ថ្ងៃទី ៣០ ខែតុលា ឆ្នាំ២០២៦ ចំនួន ១១,០០០តោន លើផ្ទៃដី ២,៣០០ហិកតា ពីសហគមន៍ទំនើបចំនួន ៣ នៅខេត្ត​បាត់ដំបង និងការធានាទិញតម្លៃលើសទីផ្សាជាក់ស្តែង។ សូមជូនពរប្រជាកសិករជៀសផុតពីគ្រោះ​រាំស្ងួតក្នុង​ពេលឆាប់ៗនេះ”។

សូមជម្រាបជូនផងដែរថា ការចុះកិច្ចសន្យានាពេលនេះលើផ្ទៃដីទំហំ ២,៣០០ហិកតា និងបរិមាណផលប្រមាណ ១០,៧៥០តោន ក្នុងនោះ (១)សហគមន៍កសិកម្មទំនើបស្រូវប្រព័ន្ធធារាសាស្រ្តកង្ហត លើផ្ទៃដីទំហំ ៧០០ហិកតា និងបរិមាណផលប្រមាណ ៣,១៥០តោន (២)សហគមន៍កសិកម្មទំនើបស្រូវរូងជ្រៃមានជ័យ លើផ្ទៃដីទំហំ ៨០០ហិកតា និងបរិមាណផលប្រមាណ ៣,៦០០តោន និង(៣)សហគមន៍កសិកម្មទំនើបស្រូវអង្ករគុណភាព​មោងឫស្សី លើផ្ទៃដីទំហំ ៨០០ហិកតា និងបរិមាណផលប្រមាណ ៤,០០០តោន សម្រាប់ការកំណត់តម្លៃប្រែប្រួល​តាមទីផ្សារ និងកំណត់តម្លៃទាបបំផុត៨០០៛/គ.ក ដោយបូកតម្លៃបន្ថែម ៦០៛/គ.ក៕

The post ក្រុមហ៊ុន វិរៈ ប៊ុនថាំ អ្នកឧកញ៉ា បណ្ឌិត សួរ វីរៈ បន្តកិច្ចសន្យាជួយទិញស្រូវជុំទី២ រយៈពេល៣ខែ ចំនួន ១១,០០០តោន ពីសហគមន៍ទំនើបចំនួន៣ នៅខេត្តបាត់ដំបង appeared first on .

ឯកឧត្តម គួច ចំរើន អភិបាលខេត្តកណ្តាល នៅព្រលប់ថ្ងៃទី១៧ ខែកក្កដា បានបង្ហោះវីដេអូឃ្លីបមួយ ករណី​អ្នកបើក​ម៉ូតូកង់បី បានយកសំរាមទៅបោះចោលតាមដងផ្លូវ ដោយភ្ជាប់ជាមួយសារបែបនេះថា៖ “អាចាស់​ មិនទាន់​ចប់​ អាថ្មីបន្ទាប់មកដល់​ ប្រឹងសម្អាតទៅយើង​។ សូមចូលខ្លួនមកបង់ផាកពិន័យ​ បន្តបន្ទាប់មក​ សាលាស្រុក​មុខកំពូល​ រង់ចាំ​ស្វាគមន៍​”។

យ៉ាងណាក្តី ក្រោយឃើញវីដេអូនេះ អ្នកឧកញ៉ា បណ្ឌិត សួរ វីរៈ ក្នុងនាមថ្នាក់ដឹកនាំកំពូលក្រុមហ៊ុន វិរៈ ប៊ុនថាំ មិន​បានបង្អង់យូរនោះទេ ពោលគឺអ្នកឧកញ៉ាបានធ្វើដំណើរចុះទៅសួរនាំផ្ទាល់ភ្លាមៗតែម្តង។ អ្នកឧកញ៉ា បណ្ឌិត ក៏បានបង្ហោះសារសូមអភ័យទោសបែបនេះថា៖ “ជាដំបូងខ្ញុំបាទសូមអភ័យទោស ចំពោះឯកឧត្តម គួច ចំរើន លើករណីអ្នកបើកម៉ូតូកង់បីដែលបានយកសំរាមទៅបោះចោលតាមដងផ្លូវ។

ភ្លាមៗក្រោយបានឃើញវីដេអូដែលបានបង្លោះក្នុងផេក ឯកឧត្តម គួច ចំរើន ខ្ញុំបាទបានធ្វើដំណើរភ្លាមទាំងយប់​ទៅកាន់សាខាព្រែកអញ្ចាញ ដើម្បីសួរនាំអ្នកបើកបរ និងប្រធានសាខាពីបញ្ហាដែលបានកើតមានឡើង ហើយបាន​ណែនាំឱ្យគាត់ទៅទទួលការផាកពិន័យតាមផ្លូវច្បាប់ និងសន្យាថានឹងមិនមានករណីនេះកើតឡើងទៀតនោះទេ។

សូមជំរាបជូនសាធារណ:ជនទាំងអស់ថា ទង្វើរបស់គាត់ធ្វើមិនមានការចង្អុលបង្ហាញពីក្រុមហ៊ុននោះទេ គែគាត់ធ្វើ​ដោយខ្លួនឯងតែប៉ុណ្ណោះ។ សំរាប់ខ្ញុំដែលតែងតែស្រលាញ់បរិស្ថានស្អាត ហើយបានចំណាយលុយរាប់សែន​ដុល្លារ​ក្នុងការជួយសម្អាតបរិស្ថានជាច្រើនកន្លែងទូទាំងប្រទេស ពេលឃើញទង្វើដ៏ឆោតល្ងង់ ស្អប់ខ្ពើមរបស់របស់គាត់ ខ្ញុំឃើញហើយពិតជាញ័រសាច់តែម្តង ងើបពីគេងហើយហោះទៅរកគាត់តែម្តង”។

ជាថ្មីម្តងទៀត ក្នុងនាមក្រុមហ៊ុនវិរៈ ប៊ុនថាំ អេសប្រេស (VET Express) ក្រុមហ៊ុនសូមសម្តែងនូវការសោកស្តាយ និងសូមអភ័យទោសដោយស្មោះចំពោះ ហេតុការណ៍ដែលបានកើតឡើង ផលប៉ះពាល់ និងបង្កជាការរំខានដល់​សាធារៈណជន។

ក្រុមការងារ VET Express បានឃើញ និងទទួលដំណឹងពីករណីមួយនេះ ហើយថ្នាក់ដឹកនាំក្រុមហ៊ុន បានចុះ​ពិនិត្យដោយផ្ទាល់ និងចាត់វិធានការដោះស្រាយជាបន្ទាន់។ ក្រុមហ៊ុនសូមទទួលយកមតិយោបល់ទាំងអស់ដោយការគោរព ហើយនឹងពង្រឹងការគ្រប់គ្រងឱ្យបានកាន់តែល្អ​ប្រសើរ ដើម្បីបង្ការមិនឱ្យបញ្ហាបែបនេះកើតឡើងម្ដងទៀតនោះទេ៕

The post ភ្លាមៗក្រោយឃើញវីដេអូ អ្នកឧកញ៉ា បណ្ឌិត សួរ វីរៈ បានធ្វើដំណើរទាំងយប់ ចុះទៅសួរនាំអ្នកបើកម៉ូតូកង់បី ដែលបានយកសំរាមទៅបោះចោលតាមដងផ្លូវ appeared first on .

ផលិតផល ជី វិរៈ ប៊ុនថាំ កសិកម្ម ត្រូវបានផលិតនៅ រោងចក្រ វិរៈ ប៊ុនថាំ ដោយអនុវត្តតាមស្តង់ដារផលិតកម្ម និងប្រើប្រាស់បច្ចេកវិទ្យាទំនើប ដើម្បីធានាគុណភាព និងប្រសិទ្ធភាពក្នុងការប្រើប្រាស់។ ជីមាន សារធាតុចិញ្ចឹម​សំខាន់ៗចំនួន ២២ មុខ ដែលជួយពង្រឹងប្រព័ន្ធឫស បង្កើនការលូតលាស់របស់ដំណាំ ធ្វើឱ្យស្លឹកមាន​ពណ៌បៃតងរឹងមាំ ជំរុញការចេញផ្កា និងផ្លែ ព្រមទាំងជួយបង្កើនគុណភាព និងទិន្នផលកសិកម្ម។

ជាមួយនឹងការស្រាវជ្រាវ និងអភិវឌ្ឍជាបន្តបន្ទាប់ ផលិតផលរបស់ក្រុមហ៊ុនសាកសមសម្រាប់ដំណាំជាច្រើនប្រភេទ រួមមានស្រូវ បន្លែ ដំណាំហូបផ្លែ និងដំណាំឧស្សាហកម្ម ដោយផ្តល់ជូនដំណោះស្រាយដែល​ឆ្លើយតបទៅនឹង​តម្រូវការរបស់កសិករនាពេលបច្ចុប្បន្ន។

យើងប្តេជ្ញាផលិតជីដែលមានគុណភាពខ្ពស់ ដោយរួមបញ្ចូលបច្ចេកវិទ្យាពីប្រទេសជប៉ុន និងការផលិតនៅរោងចក្រ វិរៈ ប៊ុនថាំ ដើម្បីធានាបាននូវស្តង់ដារផលិតកម្ម និងប្រសិទ្ធភាព។ យើងជឿជាក់ថា ការផ្តល់ជូនផលិតផល​ដែលមានសារធាតុចិញ្ចឹមគ្រប់គ្រាន់ និងមានគុណភាព គឺជាគន្លឹះក្នុងការជួយឱ្យកសិករខ្មែរទទួលបានទិន្នផលខ្ពស់ និងបង្កើនប្រាក់ចំណូលប្រកបដោយនិរន្តរភាព។

ក្រៅពីការផលិតផលិតផលដែលមានគុណភាព ជី វិរៈ ប៊ុនថាំ កសិកម្ម ក៏ផ្តោតលើការផ្តល់ចំណេះដឹង បច្ចេកទេស និងការណែនាំអំពីការប្រើប្រាស់ជីឱ្យបានត្រឹមត្រូវ ដើម្បីជួយឱ្យកសិករប្រើប្រាស់ជីប្រកបដោយប្រសិទ្ធភាព និងទទួលបានលទ្ធផលល្អបំផុត។

The post ជី វិរៈ ប៊ុនថាំ កសិកម្ម នាំយកបច្ចេកវិទ្យាជប៉ុន ដើម្បីលើកកម្ពស់គុណភាពកសិកម្មកម្ពុជា appeared first on .

Asendia ត្រូវបានបង្កើតឡើងក្រោមការបណ្តាក់ទុនរួមគ្នារវាងក្រុមហ៊ុន La Poste របស់បារាំង និងក្រុមហ៊ុន Swiss Post របស់ប្រទេសស្វីស ដោយក្រុមហ៊ុននេះ ដំណើរការទូទាំងពិភពលោកក្រោមម៉ាកយីហោ “Asendia” ដែលមានទីតាំងការិយាល័យចំនួន ៣២ នៅក្នុងប្រទេសចំនួន ១៦ និងមានទីស្នាក់ការកណ្តាលបច្ចុប្បន្ន នៅទីក្រុងបារីស ប្រទេសបារាំង និងទីក្រុង Bern ប្រទេសស្វីស។

គួរឲ្យដឹងទៀតថា Asendia ត្រូវបានចាត់ទុកថាជាក្រុមហ៊ុនមានជំនាញខ្លាំងខាងពាណិជ្ជគម្មអេឡិចត្រូនិកអន្តរជាតិ និងភស្តុភារកម្មប្រៃសណីយ៍ដ៏ទូលំទូលាយ ដែលគ្រប់គ្រងលើការដឹងជញ្ជូន គយ វេចខ្ចប់ទំនិញ និងការផ្ញើទំនិញត្រលប់មកវិញ។ 

ក្រុមហ៊ុន Asendia រក្សាវត្តមានរបស់ពួកគេ នៅទ្វីបអឺរ៉ុប អូសេអានី អាស៊ី និងអាមេរិកខាងជើងតាមរយៈបណ្តាញការិយាល័យចំនួន ៣២ របស់ខ្លួន ក្នុងប្រទេសចំនួន ១៦ ដោយក្នុងនោះរួមមានអូស្ត្រាលី អូទ្រីស បែលហ្ស៊ិក ចិន ដាណឺម៉ាក បារាំង អាល្លឺម៉ង់ អ៊ីតាលី ហូឡង់ ន័រវេស សិង្ហបុរី អេស្ប៉ាញ ស៊ុយអែត ស្វីស ចក្រភពអង់គ្លេស និងសហរដ្ឋអាមេរិក។

គួរជម្រាបជូនផងដែរថា ថ្មីៗនេះ ក្រុមហ៊ុនវិរៈ ប៊ុនថាំ ដែលជាប្រតិបត្តិករដឹកជញ្ជូន ឈានមុខគេមួយ​នៅ​កម្ពុជា​ បានប្រកាសតែងតាំងក្រុមហ៊ុន Asendia Singapore ជាអ្នកផ្ដល់សេវាដឹកជញ្ជូនឆ្លងដែនរបស់ខ្លួន ក្រោមកិច្ចសហការពាណិជ្ជកម្ម សំដៅពង្រឹងសមត្ថភាពដឹកជញ្ជូនទៅអន្តរជាតិរបស់កម្ពុជា។ 

ពិធីដ៏ធំនេះ ត្រូវបានរៀបចំឡើងក្រោមអធិបតីភាពឯកឧត្តមអ្នកឧកញ៉ា បណ្ឌិត សួរ វីរៈ អគ្គនាយកក្រុមហ៊ុនវិរៈ ប៊ុនថាំ គ្រុប និងលោក Senthil Kumar នាយកប្រតិបត្តិក្រុមហ៊ុន Asendia ប្រចាំនៅប្រទេសសិង្ហបុរី និងអាស៊ីខាងត្បូង៕

The post មកស្គាល់ប្រវត្តិ ក្រុមហ៊ុនពាណិជ្ជកម្មអេឡិចត្រូនិក និងប្រៃសណីយ៍អន្តរជាតិ Asendia ទើបសហការជាមួយ ក្រុមហ៊ុន វិរៈ ប៊ុនថាំ គ្រុប អ្នកឧកញ៉ា បណ្ឌិត សួរ វីរៈ appeared first on .

តាមរយៈសារលើបណ្តាញសង្គម នៅថ្ងៃទី៧ ខែមេសា លោក តាន់ គឹមសួរ ស្ថាបនិកគម្រោង «សិល្បៈដើម្បីសន្តិភាព» បានលើកឡើងបែបនេះថា៖ “គោរពជម្រាបជូនឯកឧត្ដម អ្នកឧកញ៉ា បណ្ឌិត សួរ វីរៈ អគ្គនាយកនៃក្រុមហ៊ុន វិរៈ ប៊ុនថាំ អេចប្រេស។ យើងខ្ញុំសូមសម្តែងនូវអំណរគុណដ៏ជ្រាលជ្រៅ និងការកោតសរសើរយ៉ាងស្មោះស្ម័គ្រចំពោះបងប្រុសដែលបានផ្តល់ការគាំទ្រយ៉ាងសប្បុរស និងបន្តឈរជាមួយគម្រោងរបស់យើងជានិច្ច។

ការឧបត្ថម្ភនូវថវិកា និងការគាំទ្រផ្នែកដឹកជញ្ជូនពី ពីក្រុមហ៊ុន វិរៈ ប៊ុនថាំ សម្រាប់សិល្បករ និងក្រុមការងារសម្របសម្រួលពីបណ្តាខេត្តផ្សេងៗ មកកាន់ខេត្តព្រៃវែង បានដើរតួនាទីយ៉ាងសំខាន់ក្នុងការធ្វើឲ្យគម្រោងនេះអាចប្រព្រឹត្តទៅបានដោយជោគជ័យ។

ឆ្នាំនេះគឺជា យើងបានរៀបចំគម្រោង ៣ ជាប់ៗគ្នា ហើយវិរៈប៊ុនថាំបានបន្តគាំទ្រយើង។ ការជឿជាក់ និងការចូលរួមរបស់បងប្រុស គឺជាកម្លាំងដ៏ធំមួយសម្រាប់ក្រុមការងារ ក៏ដូចជាសហគមន៍ដែលទទួលបានអត្ថប្រយោជន៍ពីគម្រោង «សិល្បៈដើម្បីសន្តិភាព» នេះ។

ខណៈដែលការគាំទ្រផ្នែកធ្វើដំណើរបានអនុញ្ញាតឲ្យសិល្បករ និងក្រុមការងារមកពីខេត្តផ្សេងៗ អាចធ្វើដំណើរមកជួបជុំគ្នានៅខេត្តព្រៃវែង ដើម្បីបង្កើតស្នាដៃដ៏មានន័យនេះជាមួយគ្នា។ ដោយសារការគាំទ្ររបស់បងប្រុស ចម្ងាយមិនមែនជាឧបសគ្គសម្រាប់ការច្នៃប្រឌិត និងសាមគ្គីភាពឡើយ”។

លោក តាន់ គឹមសួរ បានបញ្ជាក់ថា ការឧបត្ថម្ភនេះ មិនមែនត្រឹមតែជាការផ្តល់សេវាកម្មប៉ុណ្ណោះទេ ប៉ុន្តែជាការវិនិយោគលើ សន្តិភាព ការលើកទឹកចិត្តយុវជន ការអភិរក្សវប្បធម៌ និងសាមគ្គីភាពជាតិ តាមរយៈសិល្បៈ។ ក្រុមការងាររបស់លោកមានកិត្តិយសយ៉ាងខ្លាំងដែលបានបន្តដំណើរដ៏មានន័យនេះជាមួយដៃគូដ៏ជឿជាក់ និងគាំទ្រតាំងពីជំពូកដំបូង រហូតមកដល់ជំពូកទី ៣ នេះ។ លោកសូមថ្លែងអំណរគុណយ៉ាងជ្រាលជ្រៅចំពោះការគាំទ្រជាបន្តបន្ទាប់ និងសង្ឃឹមថាអាចបន្តសហការបង្កើតជំពូកដ៏មានន័យជាច្រើនទៀតនាពេលអនាគត៕

The post លោក តាន់ គឹមសួរ ផ្ញើសារថ្លែងអំណរគុណនិងកោតសរសើរ អ្នកឧកញ៉ា បណ្ឌិត សួរ វីរៈ ដែលបន្តឧបត្ថម្ភគាំទ្រគម្រោង «សិល្បៈដើម្បីសន្តិភាព» នៅខេត្តព្រៃវែង appeared first on .

តាមរយៈមុខងារថ្មី Taobao នៅលើ VTENH នេះ អ្នកប្រើប្រាស់អាចទិញទំនិញរាប់លានមុខពីប្រទេសចិន បានយ៉ាងងាយស្រួល៖

១.មិនស្មុគស្មាញក្នុងការបំពេញអាសយដ្ឋានឃ្លាំងនៅចិន៖ គ្រាន់តែបំពេញអាសយដ្ឋាននៅប្រទេសកម្ពុជា ឬជ្រើសរើសសាខា វិរៈ ប៊ុនថាំ ដែលនៅជិតលោកអ្នក។

២.តម្លៃសមរម្យ៖ បញ្ជាទិញដោយឥតគិតថ្លៃសេវាជួយទិញ ជាមួយតម្លៃដឹកជញ្ជូនពីចិនមកកម្ពុជា ក្នុងតម្លៃសមរម្យ។

៣.មិនចាំបាច់ចេះភាសាចិន និងបង្កើតគណនី Taobao៖ មិនចេះភាសាចិន ក៏អាចកុម្ម៉ង់ទំនិញពីចិនបានយ៉ាងងាយស្រួល តាមរយៈកម្មវិធី VTENH ដោយមិនចាំបាច់មានគណនី Taobao ផ្ទាល់។

៤.ទទួលទិញចូលវិញសម្រាប់ទំនិញដែលខុសពីការកុម្ម៉ង់៖ ប្រសិនបើទំនិញដែលទទួលបាន ខុសពីការកុម្ម៉ង់ ក្រុមហ៊ុននឹងជួយដោះស្រាយ ឬទទួលទិញចូលវិញក្នុងតម្លៃកំណត់ណាមួយ។

ដោយរួមបញ្ចូលវេទិកា VTENH ជាមួយបណ្តាញដឹកជញ្ជូនអន្តរជាតិរបស់ វិរៈ ប៊ុនថាំ ការចូលប្រើ និងទិញទំនិញពី Taobao កាន់តែងាយស្រួល ខណៈពេលដែលការដឹកជញ្ជូនពីប្រទេសចិន មកកម្ពុជា ត្រូវបានធានាឱ្យមានប្រសិទ្ធភាព និងអាចទុកចិត្តបាន។

កាន់តែពិសេស ចាប់ពីថ្ងៃសម្ពោធនេះ រហូតដល់ថ្ងៃទី២៧ ខែមេសា ឆ្នាំ២០២៦ លោកអ្នកនឹងទទួលបានការដឹកជញ្ជូនឥតគិតថ្លៃជាមួយ វិរៈ ប៊ុនថាំ ពីចិនមកខ្មែររហូតដល់ ៣ដង រាល់ការទិញទំនិញកញ្ចប់ក្រោម 1KG ពី Taobao លើ VTENH ដោយមិនកំណត់លក្ខខណ្ឌចំណាយ។

សម្រាប់ព័ត៌មានលម្អិត និងការអាប់ដេតពីប្រម៉ូសិន សូមតាមដាន Facebook Page VTENH និង Vireak Buntham International Logistics ៕

The post ក្រុមហ៊ុន VTENH របស់អ្នកឧកញ៉ាបណ្ឌិត សួរ វីរៈ សម្ពោធមុខងារថ្មី TAOBAO ថែមចំណេញដឹកតាម VET appeared first on .

តាមរយៈបណ្តាញសង្គម អ្នកឧកញ៉ាបណ្ឌិត បានលើកឡើងបែបនេះថា៖ “ ប្រេងឡើងថ្លៃ តែជីកសិកម្មវិរ:ប៊ុនថាំមិនឡើងថ្លៃទេ។ ប្រេងផ្គត់ផ្គង់អត់គ្រប់ តែជីកសិកម្មវិរ:ប៊ុនថាំ ផ្គត់ផ្គងគ្រប់គ្រាន់សម្រាប់ប្រជាកសិករគ្រប់រូប”។

អ្នកឧកញ៉ាបណ្ឌិត បានបន្ថែមថា ក្រុមហ៊ុន វិរៈ ប៊ុនថាំ មានរោងចក្រផលិតជីធំជាងគេនៅកម្ពុជា ជាមួយការផលិតជីសរីរាង្គ និងជីគីមីគ្រប់ប្រភេទ។ លើសពីការផលិតចែកចាយ តែវិរ:ប៊ុនថាំតែងតែជួយទិញ និងស្វែងរកទីផ្សារបន្ថែមជូនកសិករ។ មហាគ្រួសារវីរ:ប៊ុនថាំ ដើម្បីកសិកម្មនៅកម្ពុជា។

សូមជម្រាបថា ថ្មីៗនេះ អ្នកឧកញ៉ាបណ្ឌិត សួរ វីរៈ បានប្រកាសដាក់ចេញផែនការអាជីវកម្មចំនួន ១៤ ក្នុងឆ្នាំ២០២៦នេះ ក្នុងនោះរួមទាំង ការសម្ពោធរោងចក្រជីកសិកម្ម វិរៈ ប៊ុនថាំ ដែលផលិតជីកសិកម្មយ៉ាងពិសេស ដើម្បីឱ្យអ្នកប្រើប្រាស់គ្រប់រូប មិនថាកសិករអាជីព ឬអ្នកដាំដុះលក្ខណៈគ្រួសារ អាចប្រើប្រាស់បានយ៉ាងមានប្រសិទ្ធភាព ជួយបង្កើនគុណភាពដំណាំរ និងបង្កើនទិន្នផល៕

The post អ្នកឧកញ៉ាបណ្ឌិត សួរ វីរៈ ប្រកាសមិនឡើងថ្លៃជីកសិកម្ម វិរៈ ប៊ុនថាំ នោះទេ ទោះបីតម្លៃប្រេងឥន្ធនៈកើនឡើង appeared first on .

គម្រោងអភិវឌ្ឍន៍ខាងលើនេះ រួមជាមួយគម្រោងទីពីរដែលកំពុងដំណើរការ និងគម្រោងអនាគតជាច្រើនទៀតក្នុងផែនការ បានបើកឱកាសសម្រាប់វិនិយោគិនទាំងក្នុង និងក្រៅប្រទេស ដោយមានវីឡាជាច្រើនជម្រើសសម្រាប់ការវិនិយោគដ៏ពិសេស។

VET ផ្តល់ជូនកម្មសិទ្ធិវីឡាឯកជន ជាមួយអត្រាចំណូលប្រចាំឆ្នាំរហូតដល់ 7% (GRR) ព្រមទាំងផ្តល់ភាពបត់បែនពេញលេញឱ្យម្ចាស់ផ្ទះអាចជួលវីឡាទៅអតិថិជនផ្សេងទៀត ឬគ្រប់គ្រងការជួលដោយខ្លួនឯង ដែលធ្វើឱ្យតំបន់កោះស្តេចក្លាយជាគោលដៅវិនិយោគដ៏មានសក្តានុពលខ្ពស់សម្រាប់ទេសចរណ៍ នាពេលអនាគត និងការវិនិយោគរយៈពេលវែង។

សម្រាប់ព័ត៌មានបន្ថែម សូមចូលរួម Telegram channel https://t.me/VETPropertyManagement ។

The post អ្នកឧកញ៉ាបណ្ឌិត សួរ វីរៈ កំពុងដឹកនាំក្រុមហ៊ុន VET Property Management អភិវឌ្ឍគម្រោងដីឆ្នេរដ៏ប្រណិតទំហំ ១០០ហិកតា នៅតំបន់កោះស្តេច appeared first on .