នេះបើយោងតាមជំនួបពិភាក្សារវាង លោក សំ សិទ្ធិស័ក្តិ អនុរដ្ឋលេខាធិការក្រសួងពាណិជ្ជកម្ម ជាមួយលោក LIANG Songshou ប្រធានសមាគមស្រាវជ្រាវសេដ្ឋកិច្ច និងឧស្សាហកម្មតំបន់ឆ្នេរ Guangdong-Hong Kong-Macao និងគណៈប្រតិភូ កាលថ្ងៃទី២០ ខែមករា ឆ្នាំ២០២៦ នៅទីស្តីក្រសួងពាណិជ្ជកម្ម។

លោក សំ សិទ្ធិស័ក្តិ អនុរដ្ឋលេខាធិការក្រសួងពាណិជ្ជកម្ម ជំនួបពិភាក្សាខាងលើ ក្នុងគោលបំណងដើម្បីពង្រឹង និងពង្រីកកិច្ចសហប្រតិបត្តិការរវាងសមាគម និងក្រសួងពាណិជ្ជកម្មក៏ដូចជាកិច្ចសហប្រតិបត្តិការសម្រាប់ការវិនិយោគនាពេលអនាគត ការបណ្តាក់ទុនអាជីវកម្ម និងស្វែងរកឱកាសសហប្រតិបត្តិការបន្ថែមទៀត។

ក្នុងជំនួបពិភាក្សានេះ លោក បានស្វាគមន៍ និងសាទរចំពោះការចង់ស្វែងយល់អំពីកាលានុវត្តន៍ភាព និងបរិយាកាសធុរកិច្ច និងវិនិយោគនៅកម្ពុជា ព្រមទាំងបានលើកឡើងអំពីគោលនយោបាយ និងយុទ្ធសាស្រ្តសំខាន់ៗរបស់រាជរដ្ឋាភិបាលកម្ពុជា ក្នុងការធ្វើឱ្យប្រសើរឡើងនូវបរិយាកាសធុរកិច្ច និងការទាក់ទាញការវិនិយោគបន្ថែមទៀតពីគ្រប់មជ្ឈដ្ឋាន។

ជាការឆ្លើយតប តំណាងប្រតិភូចិន លោក LIANG Songshou បានថ្លែងអំណរគុណចំពោះជំនួបនេះ និងបានបញ្ជាក់ថា កម្ពុជាគឺជាប្រទេសមួយដែលមានសក្តានុពលសម្រាប់ពាណិជ្ជកម្ម និងវិនិយោគព្រមទាំងបានបង្ហាញពីគោលបំណងក្នុងការនាំចេញអង្ករ និងដំឡូងមីទៅកាន់ទីផ្សារប្រទេសចិន ជាពិសេសក្នុងតំបន់ឆ្នេរ Guangdong-Hong Kong-Macao ផងដែរ៕ អត្ថបទ៖ហ្សាលីន

The post សមាគមស្រាវជ្រាវសេដ្ឋកិច្ចចិន ចង់នាំចេញអង្ករ និងដំឡូងមីទៅកាន់ទីផ្សារក្នុងតំបន់ឆ្នេរនៃប្រទេសចិន appeared first on .

កិច្ចប្រជុំក្រុមការងារអន្តរក្រសួង ក៏មានការចូលរួមពី ឯកឧត្តម លោក លោកស្រី ដែលជាអនុប្រធាន និងសមាជិក នៃក្រុមការងារអន្តរក្រសួង ស្ថាប័ននេះ តំណាងអភិបាលនៃគណអភិបាលខេត្តទាំង ២៥ តាមប្រព័ន្ធវីដេអូ តំណាងសហព័ន្ធដំឡូងមីកម្ពុជា និងសមាគមសម្ព័ន្ធដំឡូងមីកម្ពុជា-ចិន ផងដែរ។

កិច្ចប្រជុំនេះ ត្រូវបានរៀបចំឡើងក្នុងគោលបំណងដើម្បីពិនិត្យ និងការវាយតម្លៃចុងអាណត្តិនៃការអនុវត្តគោលនយោបាយជាតិស្តីពីដំឡូងមី ២០២០-២០២៥ និងការពិភាក្សាលើយន្តការអនុវត្តបន្តសមស្រប ដើម្បីបន្ដជំរុញការអភិវឌ្ឍវិស័យដំឡូងមីកម្ពុជា។

ជាលទ្ធផល កិច្ចប្រជុំក្រុមការងារអន្តរក្រសួង ស្ថាប័ននេះ បានបន្តឯកភាពលើសក្តានុពលនៃវិស័យដំឡូងមីកម្ពុជា ដែលមានតួនាទីសំខាន់ក្នុងការទាក់ទាញការវិនិយោគបន្ថែម លើកកម្ពស់ជីវភាពរស់នៅរបស់ប្រជាជន បង្តើតឱកាសការងារ និងកាត់បន្ថយភាពក្រីក្រ។

នៅក្នុងកិច្ចប្រជុំនេះដែរ អន្តរក្រសួងក៏បាន ឯកភាពក្នុងការស្នើសុំរៀបចំគោលនយោបាយជំហ៊ានទី២ ដែលផ្តោតសំខាន់លើយុទ្ធសាស្ត្រទាំង ៣ រួមមាន៖ ការផលិត ការកែច្នៃ និងការនាំចេញ ដើម្បីបន្តដោះស្រាយបញ្ហាប្រឈមចំពោះមុខ និងស្របតាមនិន្នាការទីផ្សារក្នុងតំបន់និងពិភពលោក ក៏ដូចជាការលើកកម្ពស់ភាពជាដៃគូរវាងរដ្ឋ ឯកជន និងភាគីពាក់ព័ន្ធ។

សូមជម្រាបថា នៅក្នុងប្រទេសកម្ពុជា មានផ្ទៃដីដាំដុះដំឡូងមីជាង ១លានហិចតា បច្ចុប្បន្នបានអនុវត្តន៍ការដាំដុះបានចន្លោះពី ៧០-៨០ម៉ឺនហិចតា​ និងមាន ១៧ខេត្តជាគោលដៅ៕អត្ថបទ​៖ហ្សាលីន

The post អន្តរក្រសួង កំពុងជំរុញការអនុវត្តគោលនយោបាយជាតិស្តីពីដំឡូងមី រយៈពេល៥ឆ្នាំ appeared first on .

ពិធីចុះអនុស្សរណៈនេះ ធ្វើឡើងដោយមានការចូលរួមពី លោក រាជ រ៉ា និង លោក វ៉ា រុតសាន រដ្ឋលេខាធិការក្រសួងពាណិជ្ជកម្ម គណៈប្រតិភូក្រសួងពាណិជ្ជកម្ម អភិបាលរងខេត្តត្បូងឃ្មុំ ស្វាយរៀង និងព្រៃវែង សមាជិកសមាគមសហព័ន្ធដំឡូងមីកម្ពុជា និងភាគីពាក់ព័ន្ធ កាលពីថ្ងៃទី៣ ខែធ្នូ ឆ្នាំ២០២៥។

តាមរយៈនៃការចុះកិច្ចសន្យាកុងត្រាទិញ-លក់ដំឡូងមីស្រស់នេះ ក្រុមហ៊ុនរបស់កម្ពុជាចំនួន ២ នឹងផ្គត់ផ្ទង់ដំឡូងមីស្រស់ចំនួន ៦ ៧៩០ ០០០ តោន រយៈពេល ៥ឆ្នាំ ដល់ក្រុមហ៊ុនវៀតណាមចំនួន ១៩ ដោយអនុវត្តទៅតាមលក្ខខណ្ឌនៃកិច្ចសន្យាទិញ-លក់។

គួរបញ្ជក់ផងដែរថា ការចុះកិច្ចសន្យាខាងលើគឺជាកាអនុវត្តលើ MOU ដែលបានចុះហត្ថលេខារវាងសមាគមសហសព័ន្ធដំឡូងមីកម្ពុជា ជាមួយសមាគមដំឡូងមីវៀតណាម ក្នុងបរិមាណ ៩ លានតោន កាលពីថ្ងៃទី២៣ ខែតុលា ឆ្នាំ២០២៥ នៅក្រសួងពាណិជ្ជកម្មនៃព្រះរាជាណាក្រកម្ពុជា៕

The post កម្ពុជា នឹងផ្គត់ផ្គង់ដំឡូងមីស្រស់ជិត៧លានតោន ទៅកាន់ទីផ្សារវៀតណាម appeared first on .

លោក វ៉ា រុតសាន រដ្ឋលេខាធិការក្រសួងពាណិជ្ជកម្ម និងជាអ្នកទទួលបន្ទុកខាងវិស័យដំឡូងមីមានប្រសាសន៍ថា ការចុះអនុស្សរណៈយោគយល់រវាងសហព័ន្ធដំឡូងមីកម្ពុជា និងសមាគមដំឡូងមីវៀតណាមចំនួន៩លានតោនក្នុងមួយឆ្នាំនេះ មានសុពលភាពរយៈពេល៥ឆ្នាំ ហើយនៅក្នុងមួយឆ្នាំៗ និងមានការបង្កើនការលក់បន្ថែមពីបរិមាណដំឡូងមីសរុបចន្លោះ៥ទៅ១០%ជារៀងរាល់ឆ្នាំ ។

បើតាមលោក វ៉ា រុតសាន អនុស្សរយៈយោគយល់រវាងសហព័ន្ធដំឡូងមីកម្ពុជា និងសមាគមដំឡូងមីវៀតណាមដែលបរិមាណ៩លានតោនក្នុងមួយឆ្នាំនេះ គឺមានសុពលភាពរយៈពេល៥ឆ្នាំ និងអាចចាប់ផ្តើមនៅចុងឆ្នាំ២០២៥នេះ។

ទាក់ទងនិងដំឡូងមីនេះដែរ បើតាមប្រធានសមាគមកសិករដំឡូងមីខ្មែរ បានយល់ឃើញថា ការនាំចេញដំឡូងមីកម្ពុជាទៅប្រទេសវៀតណាមក្នុងមួយឆ្នាំៗមានប្រហាក់ប្រហែល៩លានតោនក្នុងមួយឆ្នាំៗ ហើយការចុះកិច្ចសន្យារវាងសហព័ន្ធដំឡូងមីកម្ពុជានិងសមាគមដំឡូងមីវៀតណាមកន្លងមកនេះធ្វើឡើងដើម្បីផ្តល់ទំនុកទុកចិត្តដល់បងប្អូនកសិករដាំដុះដំឡូងមី កុំឱ្យគាត់បារម្ភនៅពេលបិទច្រកព្រំដែនជាមួយប្រទេសថៃ សម្រាប់កម្ពុជាក៏នៅតែមានទីផ្សារលក់ដំឡូងមីក្នុងមួយឆ្នាំពី៨ទៅ៩លានតោនដែរ។

លោក អិល ឈិញ ប្រធានសមាគមកសិករដំឡូងមីខ្មែរបានឱ្យដឹងថា “បើយើងមើលទៅលើកិច្ចសន្យាទិញ លក់ដំឡូងមីកម្ពុជាចំនួន៩លានតោនក្នុងមួយឆ្នាំ រវាងសហព័ន្ធដំឡូងមីកម្ពុជា និងសមាគមដំឡូងមីវៀតណានេះ គឺមានបរិមាណមួយដ៏ច្រើន។ ដូចនេះបើសិនដំឡូងមីកម្ពុជាអាចនាំចេញទៅប្រទេសវៀតណាមបាន៩លានតោន ដូចនៅក្នុងកិច្ចសន្យាពិតមែន មានន័យថាយើងទទួលបានជោគជ័យធំមែនទែន”។

ដោយឡែកពាក់ព័ន្ធនិងទីផ្សារ លោក អិល ឈិញ មើលឃើញថា បច្ចុប្បន្នកម្ពុជាមានច្រកលក់ដំឡូងមីចំនួន៣៖ ១) ការនាំចេញដំឡូងមីទៅទីផ្សារប្រទេសវៀតណាមចំនួន៩លានតោន , ២)នាំចេញដំឡូងមីស្រស់តាមកិច្ចសន្យាឆ្នាំ២០២៥ -២០២៦ទៅចិនចន្លោះពី២០ម៉ឺនតោនទៅ៥០ម៉ឺនតោន និង៣)ការប្រើប្រាស់ក្នុងស្រុកក៏មានសន្ទុះកើនឡើងគួរឱ្យកត់សម្គាល់ផងដែរ។ផ្នែកលើច្រកលក់ចេញទាំង៣នេះ បើវាដំណើរការទៅដោយរលូន គឺគ្មានដំឡូងមីនៅសល់នោះទេ៕

The post មន្ត្រីជំនាញ៖ អនុស្សរណៈយោគយល់នាំចេញដំឡូងមីកម្ពុជា៩លានតោនក្នុងមួយឆ្នាំ នឹងចាប់ផ្តើមនៅចុងឆ្នាំ២០២៥ appeared first on .

ការចុះអនុស្សរណៈនេះ បានធ្វើឡើងកាលពីថ្ងៃទី២៣ ខែតុលា ឆ្នាំ២០២៥ នៅទីស្ដីការក្រសួងពាណិជ្ជកម្ម ក្រោមអធិបតី លោកស្រី ចម និម្មល រដ្ឋមន្ត្រីក្រសួងពាណិជ្ជ ដោយមានការអញ្ជើញចូលរួមពីថ្នាក់ដឹកនាំក្រសួងពាណិជ្ជកម្ម តំណាងស្ថានទូតវៀតណាមនៅកម្ពុជា សហព័ន្ធដំឡូងមីកម្ពុជា សមាគមដំទ្បូងមីវៀតណាម តំណាងធនាគារ ARDB, ធនាគារ SME, និងក្រុមហ៊ុនប្រមូលទិញដំឡូងមីកម្ពុជា និងវៀតណាម ព្រមទាំងដៃគូអភិវឌ្ឍន៍ ជាច្រើនទៀត។

ក្រសួងពាណិជ្ជកម្ម បានឱ្យដឹងថា អនុស្សរណៈនៃការយោគយល់គ្នានេះ មានគោលបំណង ពង្រឹង និងកែលម្អផលិតកម្ម ការកែច្នៃ និងជំរុញការទិញលក់ដំឡូងមីរវាងកម្ពុជា និងវៀតណាម ដែលតាមរយៈនេះ នឹងជំរុញការនាំចេញ ដំឡូងមីស្រស់ពីកម្ពុជាប្រមាណ៩លានតោនក្នុង១ឆ្នាំ។

សូមញ្ជាក់ជូនថា នាឱកាសនោះ ក៏មានការចុះកិច្ចសន្យាទិញលក់រវាងក្រុមហ៊ុនប្រមូលទិញដំទ្បូងមីកម្ពុជា-វៀតណាមចំនួន៤ ដែលនឹងទទួលទិញដំឡូងមីស្រស់ពីកម្ពុជា ក្នុងរង្វង់ជាង៣លានតោនក្នុង១ឆ្នាំ ផងដែរ។

សូមជម្រាបជូនដែរថា បើយោងទៅតាមក្រសួងកសិកម្ម ក្នុងត្រីមាសទី១ ឆ្នាំ២០២៥នេះ ការនាំចេញដំឡូងមីស្រស់របស់កម្ពុជាសម្រេចបាន ១,០៨ លានតោន មានការធ្លាក់ចុះជាង ១៦%, ចំណែកចំណិតដំឡូងមី កើន ៣៣,៧០% និងម្សៅដំឡូងមី កើនឡើង ១,៦៧%៕

The post កម្ពុជា-វៀតណាម សហការគ្នានាំចេញ ដំឡូងមីស្រស់ប្រមាណ៩លានតោនក្នុង១ឆ្នាំ ពីកម្ពុជា appeared first on .

យោងតាមរបាយការណ៍ ស្តីពីស្ថានភាពនៃការនាំចេញផលិតផលដំណាំរបស់អគ្គនាយកដ្ឋានកសិកម្មថ្មីៗបានបង្ហាញថា ការនាំចេញដំឡូងមីស្រស់គិតត្រឹមរយៈពេល៨ខែមានជាង១,៩លានតោន ពោលធ្លាក់ចុះជិត១២ភាគរយ និងការនាំចេញផ្លែស្វាយស្រស់ក្នុងរយៈពេល៨ខែនេះមានជាង១៨៤ពាន់តោន ពោលគឺការធ្លាក់ចុះ ៤ភាគរយបើប្រៀបធៀបនិងរយៈពេលដូចគ្នាឆ្នាំ២០២៤។

បើតាមរបាយការណ៍ខាងលើបានគូសបញ្ជាក់ថា “ការនាំចេញដំឡូងមីស្រស់មានការថយចុះ គឺដោយសារប្រជាកសិករបំប្លែងពីដំឡូងមីស្រស់ទៅក្រៀម និងកែច្នៃ ជាម្សៅ ដើម្បីអាចរក្សាទុកបានយូរ និងមានតម្លៃខ្ពស់។

ក្នុងរយៈពេល៨ខែ ឆ្នាំ២០២៥នេះ ការនាំចេញដំឡូងមីក្រៀមកើនឡើងចំនួន ៥៩,៦៨ភាគរយ និងម្សៅដំឡូងមីកើនឡើងចំនួន៧៦,៨៣ភាគរយ បើធៀបនឹង រយៈពេលដូចគ្នាឆ្នាំ២០២៤ ។ ចំណែកការនាំចេញផ្លែស្វាយស្រស់ថយចុះ ដោយសាររោងចក្រដំណាប់ស្វាយក្នុងស្រុកបានប្រមូលទិញផ្លែ ស្វាយស្រស់មកកែច្នៃជាដំណាប់ស្វាយដើម្បីនាំចេញទៅទីផ្សារក្រៅប្រទេស។ គិតត្រឹមរយៈពេល៨ខែឆ្នាំ២០២៥នេះការនាំចេញដំណាប់ស្វាយមានការកើនឡើងចំនួន២៣,០១ភាគរយបើធៀបនឹងរយៈពេលដូចគ្នាឆ្នាំ២០២៤”។

ទាក់ទងនិងដំឡូងមីនេះ, លោក អិល ឈិញ ប្រធានសមាគមកសិករដំឡូងមីខ្មែរ ធ្លាប់ប្រាប់ឱ្យដឹងថា ក្នុងនាមជាអ្នកធ្វើការផ្ទាល់ជាមួយកសិករប្រកបមុខរបដាំដំឡូងមី លោកចង់បានការដាក់ទុនសាងសង់រោងចក្រប្រមូលទិញដំឡូងមីស្រស់បន្ថែមទៀត សម្រាប់ធ្វើការកែច្នៃដំឡូងមីស្រស់ទៅស្ងួត ដើម្បីអាចកាត់បន្ថយហានិភ័យទីផ្សារនៅពេលរដូវប្រមូលមានការកើនឡើងស្ថិតនៅតាមតំបន់។ លើសពីនេះ លោកចង់ឱ្យមានក្រុមហ៊ុនកែច្នៃដំឡូងមីទៅជាផលិតផលសម្រេចសម្រាប់ផ្គត់ផ្គង់ទៅដល់រោងចក្រកែច្នៃ ឬហាងនំដើម្បីកែច្នៃដំឡូងមីទៅជាអាហារផងដែរ៕

The post ផលិតផលដំណាំសក្តានុពល២ប្រភេទនាំចេញធ្លាក់ចុះក្នុងរយៈពេល៨ខែ ឆ្នាំនេះ appeared first on .

យោងតាមក្រសួងពាណិជ្ជកម្មបានឱ្យដឹងថា អនុស្សរណៈនៃការយោគយល់គ្នាខាងលើនេះ បានឆ្លុះបញ្ចាំងពីកិច្ចខិតខំប្រឹងប្រែងយ៉ាងខ្លាំងរបស់រាជរដ្ឋាភិបាល តាមរយៈក្រសួងពាណិជ្ជកម្មក្នុងនាមជាសេនាធិការ ក្នុងការលើកកម្ពស់ផលិតផលក្នុងស្រុក ពង្រីកនិងធ្វើពិពិធកម្មទីផ្សារ ព្រមទាំងការចូលរួមពង្រឹងសមត្ថភាពផលិតកម្ម និងកែច្នៃឱ្យស្របតាមស្តង់ដារគុណភាពអន្តរជាតិក្នុងខ្សែច្រវាក់ផ្គត់ផ្គង់ក្នុងតំបន់។

ក្រសួងពាណិជ្ជកម្មបានគូសបញ្ជាក់ថា ក្នុងរយៈពេល៦ខែនេះ ក្រសួងពាណិជ្ជកម្ម បានសម្របសម្រួលជំរុញការប្តេជ្ញាចិត្តនាំចេញដំឡូងមីស្ងួតសរុបជាង ៧០០ ពាន់តោន ទៅកាន់ប្រទេសចិន ។ អនុស្សរណៈនៃការយោគយល់គ្នា សម្រាប់នាំចេញ ដំទ្បូងមីស្ងួត ៥០០ ពាន់តោន នាពេលនេះ គឺបន្ថែមពីលើ អនុស្សរណៈនៃការយោគយល់គ្នាសម្រាប់ការនាំចេញដំទ្បូងមីស្ងួតចំនួន ២០០ ពាន់តោន ដែលបានចុះហត្ថលេខាក្នុងខែមីនា ឆ្នាំ២០២៥ កន្លងទៅ ដែលការណ៍នេះ បង្ហាញឱ្យឃើញពីវឌ្ឍនភាព និងការកើនឡើងនូវទំនុកចិត្តលើផលិតផលកសិកម្មកម្ពុជា និងជាជំហានឆ្ពោះទៅមុខដ៏សំខាន់ក្នុងការជំរុញកិច្ចសហប្រតិបត្តិការពាណិជ្ជកម្មកម្ពុជា-ចិន។

ពាក់ព័ន្ធនិងដំឡូងមីកម្ពុជានេះដែរ បើយោងតាមរបាយការណ៍ស្តីពីស្ថានភាពនៃការនាំចេញផលិតផលដំណាំរយៈពេល៧ខែឆ្នាំ២០២៥របស់អគ្គនាយកដ្ឋានកសិកម្ម បានធ្វើការប៉ាន់ស្មានឱ្យដឹងថា ការប្រមូលផលដំឡូងមីលើផ្ទៃដីដែលបានដាំដុះរួចក្នុងឆ្នាំ២០២៥នៅក្នុងខេត្តជាប់ព្រំដែនថៃចំនួន៥ ចាប់ពីខែសីហាដល់ខែធ្នូមានប្រមាណ ១០លានតោនក្នុងនោះការបម្រូលផលច្រើនជាងគេនៅធ្នូ អាចមានប្រមាណជាង៣២ភាគរយ ហើយការប្រមូលផលដំឡូងមីពុំផលប៉ះពាល់នោះទេ ដោយសារក្រុមហ៊ុនបានបង្វែរទិសដៅនាំចេញដំឡូងមីក្រៀមទៅកាន់ប្រទេសចិន ។

ជាក់ស្តែងក្នុងរយៈពេល៧ខែឆ្នាំ២០២៥នេះ ការនាំចេញចំណិតដំឡូងមីក្រៀមទៅកាន់ប្រទេសចិនមានប្រមាណ៥៣ពាន់តោន កើនឡើង៥០ពាន់តោន បើប្រៀបធៀបនឹងរយៈពេលដូចគ្នាឆ្នាំ២០២៤មានចំនួន៣ ០៤៤តោន៕

The post ក្រុមហ៊ុនចិនមួយនាំចេញដំឡូងមីស្ងួតកម្ពុជា៥០០ពាន់តោន ទៅកាន់ប្រទេសចិន appeared first on .

នេះបើយោងតាមពិធីចុះហត្ថលេខាលើអនុស្សរណៈនៃការយោគយល់គ្នា (MoU) រវាងក្រសួងពាណិជ្ជកម្ម ជាមួយនិងក្រុមហ៊ុន COFCO Biotechnology Co., Ltd. ដើម្បីនាំចេញដំឡូងមីស្ងួតចំនួន ៥០០ ០០០ តោនទៅកាន់ប្រទេសចិនសម្រាប់ឆ្នាំ២០២៥-២០២៦ កាលថ្ងៃទីទី២១ ខែសីហា ឆ្នាំ២០២៥។

នាឱកាសនោះ លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានឱ្យដឹងថា ពិធីចុះហត្ថលេខានេះ មានការអញ្ជើញចូលរួមពីថ្នាក់ដឹកនាំក្រសួងពាណិជ្ជកម្ម គណៈប្រតិភូជាន់ខ្ពស់មកពីតំបន់ស្វយ័តក្វាងស៊ី និងតំណាងក្រុមហ៊ុន COFCO Biotechnology Co., Ltd.។

លោកស្រីបន្តថា អនុស្សរណៈនៃការយោគយល់គ្នានេះ បានឆ្លុះបញ្ចាំងពីកិច្ចខិតខំប្រឹងប្រែងយ៉ាងខ្លាំងរបស់រាជរដ្ឋាភិបាល តាមរយៈក្រសួងពាណិជ្ជកម្មក្នុងនាមជាសេនាធិការ ក្នុងការលើកកម្ពស់ផលិតផលក្នុងស្រុក ពង្រីកនិងធ្វើពិពិធកម្មទីផ្សារ ព្រមទាំងការចូលរួមពង្រឹងសមត្ថភាពផលិតកម្ម និងកែច្នៃឱ្យស្របតាមស្តង់ដារគុណភាពអន្តរជាតិក្នុងខ្សែច្រវាក់ផ្គត់ផ្គង់ក្នុងតំបន់។

សូមគូសបញ្ជាក់ជូនថា ក្នុងរយៈពេលប្រាំមួយខែនេះ ក្រសួងពាណិជ្ជកម្ម បានសម្របសម្រួលជំរុញការប្តេជ្ញាចិត្តនាំចេញដំឡូងមីស្ងួតសរុបជាង ៧០០ ០០០តោន ទៅកាន់ប្រទេសចិន ។ អនុស្សរណៈនៃការយោគយល់គ្នា សម្រាប់នាំចេញ ដំទ្បូងមីស្ងួត ៥០០ ០០០តោន នាថ្ងៃនេះ គឺបន្ថែមពីលើ អនុស្សរណៈនៃការយោគយល់គ្នាសម្រាប់ការនាំចេញដំទ្បូងមីស្ងួតចំនួន ២០០ ០០០ តោន ដែលបានចុះហត្ថលេខាក្នុងខែមីនា ឆ្នាំ២០២៥ កន្លងទៅ ដែលការណ៍នេះ បង្ហាញឱ្យឃើញពីវឌ្ឍនភាព និងការកើនឡើងនូវទំនុកចិត្តលើផលិតផលកសិកម្មកម្ពុជា និងជាជំហានឆ្ពោះទៅមុខដ៏សំខាន់ក្នុងការជំរុញកិច្ចសហប្រតិបត្តិការពាណិជ្ជកម្មកម្ពុជា-ចិន៕ អត្ថបទ៖ ហ្សាលីន

The post ៦ខែ ឆ្នាំ២០២៥៖ ក្រសួងពាណិជ្ជកម្ម បានជំរុញការនាំចេញដំឡូងមីស្ងួតជាង ៧០ម៉ឺតោនទៅកាន់ប្រទេសចិន appeared first on .

លោក អិល ឈិញ ប្រធានសមាគមកសិករដំឡូងមីខ្មែរបានឱ្យដឹងថា ការប្រមូលផលដំឡូងមីស្រស់របស់ប្រជាកសិករនៅតាមខេត្តជាប់ព្រំដែនថៃ ចូលមកដល់ខែសីហានេះមានចំនួនតិចតួច ហើយកសិករលក់បានថ្លៃជាង១០០រៀលក្នុងមួយគីឡូក្រាម ប៉ុន្តែនៅខាងខេត្តស្ទឹងត្រែង និងកំពង់ចាម កសិករអាចលក់បានថ្លៃ២៤០រៀលក្នុងមួយគីឡូក្រាម។

តែទោះជាបែបនេះក្តី លោក អិល ឈិញ យល់ឃើញថា សព្វថ្ងៃនេះដំឡូងមីដាំនៅជាប់ព្រំដែនថៃ មិនទាន់មានបញ្ហានោះទេ ព្រោះការប្រមូលផលកសិករទើបចាប់ផ្តើមបានពី៥ទៅ១០ភាគរយ មិនទាន់អាចវាយតម្លៃបាននោះទេ រង់ចាំំដល់ខែតុលានិងវិច្ឆិកាទើបអាចសន្និដ្ឋានបាន។

បើតាមប្រធានសមាគមខាងលើ,ដំឡូងមីនៅខេត្តជាប់ព្រំដែនថៃ បើការប្រមូលផលមានកើនឡើងច្រើននៅពេលខាងមុខ ហើយតម្លៃនៅរក្សាបានថ្លៃដូចពេលចាប់ផ្តើមដំបូងៗ សម្រាប់កសិករនឹងជួបបញ្ហា។

យោងតាមរបាយការណ៍ស្តីពីស្ថានភាពនៃការនាំចេញផលិតផលដំណាំរយៈពេល៧ខែ ឆ្នាំ២០២៥ របស់អគ្គនាយកដ្ឋានកសិកម្មបានធ្វើការសន្និដ្ឋានថា ការប្រមូលផលផ្អែកលើផ្ទៃដីដែលបានដាំដុះរួចក្នុងឆ្នាំ២០២៥ បរិមាណផលដំឡូងមី ដែលគ្រោងនឹងប្រមូលផលក្នុងខេត្តជាប់ព្រំដែនថៃចំនួន៥ ចាប់ពីខែសីហា ដល់ខែធ្នូ មានប្រមាណ១០លានតោន ក្នុងនោះការប្រមូលផលច្រើនជាងគេនៅខែធ្នូអាចមានប្រមាណ៣២,៥០ភាគរយ ហើយការប្រមូលផលដំឡូងមី ពុំមានផលប៉ះពាល់ទេ ដោយសារក្រុមហ៊ុនបានបង្វែរទិសដៅនាំចេញដំឡូងមីក្រៀមទៅកាន់ប្រទេសចិន។ ជាក់ស្តែងក្នុង រយៈពេល៧ខែ ឆ្នាំ២០២៥ ការនាំចេញចំណិតដំឡូងមីក្រៀមទៅកាន់ប្រទេសចិនមានចំនួន ៥,៣ម៉ឺនតោន កើនឡើង ៥ម៉ឺនតោន ឬស្មើប្រមាណ១ ៧៥៥ភាគរយ បើធៀបនឹងរយៈពេលដូចគ្នាឆ្នាំ២០២៤មានចំនួន៣ ០៤៤តោន។

ពាក់ព័ន្ធនិងវិស័យដំឡូងមីនេះដែរ យោងតាមប្រធានសមាគមកសិករដំឡូងមីខ្មែរខាងលើ បើកសិករដាំដំឡូងមីធ្វើការកែច្នៃទៅជាដំឡូងមីស្ងួតឱ្យបាន៤០ទៅ៦០ភាគរយ កសិករអាចចៀសផុតពីបញ្ហាទីផ្សារ ហើយទាមទារឱ្យមានក្រុមហ៊ុនប្រមូលទិញដំឡូងមីស្រស់, ក្រុមហ៊ុនប្រមូលទិញដំឡូងក្រៀម ក៏ដូចជាក្រុមហ៊ុនកែច្នៃម្សៅដំឡូងមីបន្ថែម ទៅលើក្រុមហ៊ុនដែលមានសព្វថ្ងៃ៕

The post កសិករដាំដំឡូងមីក្នុងខេត្តជាប់ព្រំដែនថៃអាចនឹងជួបបញ្ហាដែរទេ នៅរដូវប្រមូលផលក្នុងឆ្នាំនេះ? appeared first on .

នេះបើតាមការឱ្យដឹងពីលោក កៅ ថាច ប្រតិភូរាជរដ្ឋាភិបាលទទួកបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម (ARDB) នៅក្នុងដំណើរចុះពិនិត្យមើលទីលានហាល និងឃ្លាំងស្តុកទុកដំឡូងមីនៅខេត្តឧត្តរមានជ័យ និងបន្ទាយមានជ័យ កាលពីថ្ងៃទី១៣ ខែកក្កដា ឆ្នាំ២០២៥។

នាដំណើរចុះពិនិត្យនោះ លោក កៅ ថាច បានអំពាវនាវដល់ពាណិជ្ជករនិងឈ្មួញ ឱ្យបន្តប្រមូលទិញដំឡូមីពីបងប្អូនកសិករបន្ថែមទៀត ខណៈធនាគារ ARDB នៅតែបន្តគាំទ្រផ្នែកឥណទាន ដើម្បីដោះស្រាយបញ្ហាចំពោះមុខរបស់ប្រជាកសិករនឹងលើកកម្ពស់សេដ្ឋកិច្ចជនបទ។

ទន្ទឹមនោះ លោកក៏បានស្នើឲ្យអ្នកដែលធ្វើពាណិជ្ជកម្មដំឡូងមី ត្រូវប្រើប្រាស់រូបិយវត្ថុជាតិគឺប្រាក់រៀល ក្នុងប្រតិបត្តិការទិញ-លក់កសិផលនៅតាមមូលដ្ឋានរាងៗខ្លួនដើម្បីកាត់បន្ថយនូវហានិភ័យនៃអត្រាប្តូរប្រាក់។

លោកក៏បានគូសបញ្ជាក់ថា «ក្នុងមួយឆ្នាំៗ ដំឡូងមីកម្ពុជា ត្រូវបានផលិតដោយកសិករលើផ្ទៃដីដាំដុះប្រមាណជាង ៨៤ ម៉ឺនហិកតា ផ្តល់ទិន្នផលស្រស់ប្រមាណ ១៥ លានតោន ជាមួយផលសេដ្ឋកិច្ចប្រមាណណ ១,២៥៥ លានដុល្លារ គិតត្រឹមឆ្នាំ២០២៤, ចំណែកឯពោតក្រហមប្រមាណជាង ២៨ ម៉ឺនហិកតា ផ្តល់ទិន្នផលស្រស់ប្រមាណ ១ លានតោន ផ្តល់ផលសេដ្ឋកិច្ចប្រមាណជាង ២០០ លានដុល្លារ»។

សូមបញ្ជាក់ថា មើមដំឡូងមីអាចត្រូវបានកែច្នៃទៅជាផលិតផលច្រើនប្រភេទ រួមមានម្សៅដំឡូងមី និងកែច្នៃបន្ត (reprocessing) ទៅជាផលិតផលចំណីអាហារ ដូចជានំប៉័ង នំស្រួយ ភេសជ្ជៈ ឬចំណីសត្វជាដើម។កម្ពុជា​ជាប់ចំណាត់ថ្នាក់​ជាប្រទេស​នាំចេញ​ដំឡូងមីធំជាងគេទី៤ នៅអាស៊ី និងទី១០នៅលើ​ពិភព​​​លោក។

យ៉ាងណាមិញ បើយោងទៅតាមក្រសួងកសិកម្ម ក្នុងត្រីមាសទី១ ឆ្នាំ២០២៥នេះ ការនាំចេញដំឡូងមីស្រស់សម្រេចបាន ១,០៨ លានតោន មានការធ្លាក់ចុះជាង ១៦%, ចំណិតដំឡូងមី កើន ៣៣,៧០% និងម្សៅដំឡូងមី កើនឡើង ១,៦៧%៕SN

The post ក្នុងមួយឆ្នាំៗ ដំឡូងមីកម្ពុជាផ្តល់ទិន្នផលស្រស់ប្រមាណ ១៥ លានតោន គិតជាទឹកប្រាក់ប្រមាណ១,២៥៥លានដុល្លារ appeared first on .