ថ្លែងប្រាប់ Oknha News អតីតកូនអ្នកស្រុកក្រូចឆ្មា លោកឧកញ៉ា សំ សុខនឿន បញ្ជាក់ថា៖ “ការចូលរួមឧបត្ថម្ភជាថវិការបស់ខ្ញុំបាទនេះ គឺដើម្បីជួយជំរុញវិស័យម្ហូបអាហារ ផ្សារភ្ជាប់ទៅនឹងវិស័យទេសចរណ៍នៅកម្ពុជាឱ្យកាន់តែសម្បូរបែប និងមានភាពទាក់ទាញភ្ញៀវទេសចរជាតិ និងអន្តរជាតិឱ្យស្គាល់កាន់តែទូលំទូលាយតាមរយៈស្នាដៃចងក្រងសៀវភៅម្ហូបអាហារ រួមទាំងផលិតផលសាច់ក្រកនេះឡើង។”

នៅលើបណ្ដាញសង្គមហ្វេសប៊ុកផ្ទាល់ខ្លួន លោកបណ្ឌិតសភាចារ្យ សុខ ទូច មានប្រសាសន៍ថ្លែងអំណរគុណជាពន្លឹកចំពោះលោកឧកញ៉ា សំ សុខនឿន ដែលមានគំនិតចូលរួមលើកតំកើនការផ្សព្វផ្សាយសៀវភៅ “ការផលិតសាច់ច្រក (សាច់ក្រក)” នេះ។

“ព្រឹកថ្ងៃទី១៣ ខែធ្នូ ឆ្នាំ២០២២នេះ ខ្ញុំបានជួបពិភាក្សាជាមួយលោកឧកញ៉ា សំ សុខនឿន ប្រធានសមាគមអចលនទ្រព្យសកល និងជាអគ្គនាយកក្រុមហ៊ុន SAM SN REALTY ។ លោកឧកញ៉ា បានចូលរួមថវិកាដើម្បីបោះពុម្ព សៀវភៅស្តីពី «ការផលិតសាច់ច្រក (សាច់ក្រក)» នៅលើពិភពលោក ចំនួន ៥ ពាន់ដុល្លារសហរដ្ឋអាម៉េរិក”។ ប្រសាសន៍របស់លោកបណ្ឌិតសភាចារ្យ សុខ ទូច ។

សូមជម្រាបថា រាជបណ្ឌិត្យសភាកម្ពុជា បាននឹងកំពុងតែរៀបចំបកប្រែសៀវភៅធ្វើសាច់ក្រកតាមបែបអឺរ៉ុបដែលមានជាង៦០០ទំព័រ ហើយក៏ត្រៀមនឹងបោះពុម្ភផ្សព្វផ្សាយជាសាធារណៈ ដើម្បីចងក្រងជាឯកសារ និងរួមចំណែកលើកម្ពស់វិស័យម្ហូបអាហារ-ធុរកិច្ចនៅប្រទេសកម្ពុជា។

ដោយឡែក កាលពីខែមករា ដើមឆ្នាំ២០២២ រាជបណ្ឌិត្យសភាកម្ពុជា ក៏បានបើកដំណើរការវគ្គបណ្ដុះបណ្ដាលវិជ្ជាជីវជំនាញចុងភៅ រួមទាំងជំនាញឆុងកាហ្វេ ភេសជ្ជ: និងក្រឡុកដល់សិក្ខាកាមទូទៅផងដែរ។

គួររំឮកដែរថា កាលពីថ្ងៃទី២៣ ខែវិច្ឆិកា ឧកញ៉ា សំ សុខនឿន ក៏ទើបតែបានដឹកនាំសប្បុរសជនខ្មែរ និងសប្បុរសជនជប៉ុន នាំយករថយន្តគិលានសង្គ្រោះចំនួន ៥គ្រឿង ជូនឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងជាមេបញ្ជាការ បញ្ជាការដ្ឋានជាតិកម្លាំងពិសេសប្រឆាំងភេរវកម្មផងដែរ។

ក្រៅពីជាអ្នកជំនួញក្នុងវិស័យអចលនទ្រព្យ ឧកញ៉ា សំ សុខនឿន តែងតែចូលរួមសកម្មភាពសប្បុរធម៌ចុះជួយសង្គមជាហូរហែ៕

The post ឧកញ៉ា សំ សុខនឿន ឧបត្ថម្ភថវិកា ៥ពាន់ដុល្លារ ជូនរាជបណ្ឌិត្យសភាកម្ពុជា បោះពុម្ភសៀវភៅ “ការផលិតសាច់ក្រក និងផលិតផលឆ្អើរ” appeared first on .

នៅថ្ងៃទី២១ ខែតុលានេះ តាមរយៈបណ្តាញសង្គមហ្វេសប៊ុកផ្ទាល់ បណ្ឌិត សុខ ទូច ប្រធានរាជបណ្ឌិតសភាកម្ពុជា បានធ្វើការចែករំលែកចំណេះដឹងមួយជ្រុង ទៅកាន់សាធារណជននៅលើបណ្តាញសង្គមថា ដើម្បីដឹកនាំស្ថាប័នមួយ ឱ្យទទួលបានជោគជ័យចាំបាច់ត្រូវមានចំនុចសំខាន់ចំនួន៧ ដូចខាងក្រោម៖
១. ត្រូវមានចក្ខុវិស័យ ការរៀបចំចក្ខុវិស័យនេះត្រូវការបញ្ញវន្តកម្រិតខ្ពស់ដែលពាក់ព័ន្ធ។
២. រៀបចំប្លង់មេរបស់ស្ថាប័ន។
៣. សិក្សាអំពីតម្រូវការដែលពាក់ព័ន្ធ ក៏ដូចជាផលប៉ះពាល់។
៤. រៀបចំយុទ្ធសាស្ត្រដើម្បីទទួលនិងជម្រុញឱ្យប្លង់មេនោះដំណើរការ។
៥. ត្រូវមានកញ្ចប់ថវិកាក្នុងការអនុវត្តគម្រោង។
៦. ត្រូវតម្កល់ជាតិជាធំ។
៧. ត្រូវមានសីលធម៌នៃវិជ្ជាជីវ កុំបង្ហាញមុខ បើមិនទាន់រៀបចំនូវកិច្ចការទាំងនេះ។

តាមរយៈការលើកឡើងនៅចំនុចទាំង៧ខាងលើនេះ ត្រូវបានប្រធាន រាជបណ្ឌិត សភាកម្ពុជារូបនេះ អះអាងថា គ្រាន់តែជាការយល់ឃើញមួយជ្រុងរបស់លោកប៉ុណ្ណោះ។

យ៉ាងណា តាមរយៈចំនុចទាំងអស់នេះ គេអាចយល់បានថា លោក ទំនងជាចង់ដាស់តឿនទៅកាន់សារធារណៈជន ពិសេសថ្នាក់ដឹកនាំនៅក្នុងស្ថាប័នរដ្ឋ និងឯកជនណាមួយ ឱ្យធ្វើការគិតពិចារណាលើការដឹកនាំរបស់ខ្លួន ដើម្បីកុំឱ្យខាតបង់ពេលវេលា ខាតទាំងធនធាន និងបាត់ទំនុកចិត្តពីអ្នកជុំវិញខ្លួនផងដែរ៕

អត្ថបទ៖ រង្សី

The post បណ្ឌិតសុខ ទូច៖ ដើម្បីឱ្យស្ថាប័នមួយទទួលបានជោគជ័យ ចាំបាច់ត្រូវមាន៧ចំនុចនេះ appeared first on .

បណ្ឌិត សុខ ទូច បច្ចុប្បន្នជាប្រធានរាជបណ្ឌិត្យសភាកម្ពុជា ដែលមានឋានៈស្មើ រដ្ឋមន្ត្រី ត្រូវបានតែងតាំងកាលពីថ្ងៃទី១៨ ខែមករា ឆ្នាំ ២០២០កន្លងទៅ ជំនួស​លោកស្រីបណ្ឌិត ខ្លូត ធីតា ទៅ​តាម​ការ​ស្នើ​សុំ​របស់​សម្តេច​នាយករដ្ឋមន្ត្រី ហ៊ុន សែន។

បន្ថែមទៀតនោះ លោកជាសមាជិកក្រុមប្រឹក្សាជាតិភាសាខ្មែរ នៃក្រុមប្រឹក្សាជាតិភាសាខ្មែរ មានគោរមងារ «បណ្ឌិតសភាចារ្យ»។

ថ្មីៗនេះ តាមទំព័រហ្វេសប៊ុកផ្លូវការ បណ្ឌិត សុខ ទូច បានចាត់ទុកឋានៈ និង តួនាទី ប្រធានរាជបណ្ឌិត្យសភាកម្ពុជា នេះ មិនមែនជាលាភសក្ការៈ ឬគ្រឿងលម្អនោះទេ ពោលវាគឺជាអម្រែក។ លោកថា ក្នុងរយៈពេល៥ឆ្នាំកន្លងមកនេះ លោកបានទទួលបានគ្រប់រសជាតិ គឺស្ទើរតែគ្មានពេលវេលាសម្រាប់ខ្លួនឯង គឺដើម្បីឱ្យស្ថាប័នមានដំណើរការ៕

The post ប្រមុខរដ្ឋស្តីទី សម្តេចវិបុលសេនាភក្តី សាយ ឈុំ ដំឡើងថ្នាក់បន្ថែមជូនបណ្ឌិត សុខ ទូច appeared first on .

បណ្ឌិត សុខ ទូច ប្រធានរាជបណ្ឌិត្យសភាកម្ពុជា បានលើកឡើងអំពីសារៈសំខាន់នៃការពង្រឹងធនធានមនុស្សដើម្បីឆ្ពោះទៅកាន់ការអភិវឌ្ឍសង្គមជាតិកម្ពុជា។ លោកថា នៅក្នុងការអភិវឌ្ឍសង្គមជាតិមួយ ទាមទារជាចាំបាច់នូវធនធានមនុស្សដែលជាកត្តាមិនអាចខ្វះបានក្នុងជំរុញវឌ្ឍនភាពប្រទេស ស្របទៅនឹងបរិបទថ្មីនៃពិភពលោកក្នុងសម័យឧស្សាហកម្មទំនើប។

បណ្ឌិត សុខ ទូច ថ្លែងសង្កត់ធ្ងន់ថា «គេត្រូវតែហ៊ានសម្រួចឈើខ្លឹម កុំចូលចិត្តសម្រួចឈើពុក ប្រសិនបើខ្លួនអស់សមត្ថភាពហើយ ត្រូវផ្ដល់ឱកាសឱ្យទៅយុវជន »។

ដោយគូសបញ្ជាក់អំពីវប្បធម៌បន្តវេនពីអ្នកជំនាន់មុន ទៅកាន់អ្នកជំនាន់ក្រោយ បណ្ឌិត សុខ ទូច បានបកស្រាយបន្ថែមទៀតថា «ឈើខ្លឹមគឺសម្ដៅទៅលើអ្នកដែលមានចំណេះដឹងខ្ពស់ ហើយឈើខ្លឹមពិបាកសម្រួចណាស់ ព្រោះគេមានទស្សនៈរបស់គេ តែបើសម្រួចហើយ មិនងាយនឹងបាក់នោះទេ តែបើឈើពុក ទោះបីជាកាំបិតមុតយ៉ាងណាក៏ដោយ ក៏វាអត់ងាយស្រួចដែរ […]»។

បន្ថែមពីនេះ ប្រធានរាជបណ្ឌិត្យសភាកម្ពុជា ក៏បានបដិសេធមិនគាំទ្រនូវការលើកឡើងពីសំណាក់មជ្ឈដ្ឋានមួយចំនួន ដែលបានយកហេតុផលរយៈពេលបំពេញការងារអស់ជាច្រើនឆ្នាំ ធ្វើជារនាំងការពារការបន្តកាន់តំណែងរបស់ខ្លួន ប៉ុន្តែបែរជាមិនបានអភិវឌ្ឍសមត្ថភាពរបស់ខ្លួនឯងទៅវិញ ដែលត្រង់ចំណុចនេះត្រូវបានលោកចាត់ទុកថា គឺជាកំហុសឆ្គងមួយ។ ក្នុងន័យនេះដែរ លោកថា គេមិនអាចសន្មត់ថា មនុស្សដែលមានអាយុច្រើនជាង មានន័យថាមានចំណេះដឹងជ្រៅជ្រះជាងមនុស្សវ័យក្មេងនោះឡើយ។

ជាមួយគ្នានេះ បណ្ឌិត សុខ ទូច បានលើកទឹកចិត្តដល់អ្នកជំនាន់មុន ត្រូវចេះបង្កើតវប្បធម៌បន្តវេនទៅកាន់អ្នកជំនាន់ក្រោយ ដើម្បីធានានូវនិរន្តរភាពនៃការរីកចម្រើន ចៀសវាងការជាន់ដានប្រវត្តិសាស្ត្រក្នុងពេលអតីតកាល។ លោកលើកឡើងថា «[…] ត្រូវមានអ្នកបន្តវេន បើសិនយើងប្រកាន់បែបនេះ យើងនឹងជាន់ប្រវត្តិសាស្ត្ររបស់ខ្មែរយើង។ ជាន់យ៉ាងម៉េច? អង្គរវត្ត! អស់ពីជ័យវរ្ម័នទី៧ទៅ ស្រុកយើងទៅជាស្អី? គេហែកចែកគ្នា ដោយសារអី? ដោយសារយើងអត់ផ្ដល់ឱកាសឱ្យយុវជន »។

ទោះបីជាយ៉ាងណា លោកបណ្ឌិតលើកទឹកចិត្តយុវជនឱ្យចូលរួមនៅគ្រប់ឱកាស និងកម្មវិធីសិក្ខាសាលានានា ដែលខ្លួនអាចទទួលបាននូវចំណេះដឹងថ្មីដើម្បីទទួលបានការពង្រឹងជំនាញ និងចំណេះដឹងបន្ថែម ឆ្ពោះទៅការបង្កើនចំណូលទាំងសម្រាប់ខ្លួនឯង គ្រួសារ និងសង្គមជាតិ៕

The post បណ្ឌិត សុខ ទូច លើកទឹកចិត្តឱ្យអ្នកជំនាន់មុន ត្រូវចេះបង្កើតវប្បធម៌បន្តវេនទៅកាន់អ្នកជំនាន់ក្រោយ appeared first on .

ថ្លែងតាមរយៈទំព័រហ្វេសបុកនៅរសៀលថ្ងៃទី២៩ ខែកក្តដា ឆ្នាំ២០២២នេះ បណ្ឌិត សុខ ទូច បានលើកឡើងថា៖ ថ្ងៃនេះ ជាខួប៥ឆ្នាំ ដែលរាជរដ្ឋាភិបាលកម្ពុជាផ្តល់សេចក្តីទុកចិត្ត តែងតាំងរូបខ្ញុំ ជាប្រធានរាជបណ្ឌិត្យសភាកម្ពុជា។

លោកថា ក្នុងរយៈពេល៥ឆ្នាំកន្លងមកនេះ ខ្ញុំបាទ ទទួលបានគ្រប់រសជាតិ គឺស្ទើរតែគ្មានពេលវេលាសម្រាប់ខ្លួនឯង គឺដើម្បីឱ្យស្ថាប័នមានដំណើរការ ព្រោះឋានៈ តួនាទីមិនមែនជាលាភសក្ការៈឬគ្រឿងលម្អទេ តែវាជាអម្រែក។

លោក សុខ ទូច ចូលកាន់តំណែង​ជាប្រធាន​រាជបណ្ឌិត្យ​សភា​កម្ពុជា ថ្ងៃទី១១ ខែសីហា ឆ្នាំ២០១៧។ លោក​កើត​នៅ​​​ឆ្នាំ​ ១៩៦៥ ដែលមាន​បង​ប្អូន​​ប្រាំ​នាក់​ ស្រី​​ពីរ​នាក់​ និង​ ប្រុស​បី​នាក់​ ស្ថិតនៅ​​ភូមិ​តា​កយ​ ឃុំ​ព្រែក​ដំបូក ស្រុក​ស្រីសន្ធរ ​​ខេត្ត​កំពង់​ចាម។ ​​​

ថ្មីៗកន្លងទៅ បណ្ឌិត សុខ ទូច បានធ្វើការសិក្សាស្រាវជ្រាវ​បញ្ហាការទន្រ្ទាន និងកាន់កាប់ដីព្រៃលិចទឹកជុំវិញបឹងទន្លេសាប ដែលលោកចាត់ថាកំពុងមានភាពធ្ងន់ធ្ងរ ស្ថិតនៅក្នុងភាពប្រកាសអាសន្នដែល​តម្រូវ​ឲ្យមានការ​ទប់ស្កាត់​ជាបន្ទាន់ ពោលគឺអស់រាប់ម៉ឺនហិកតា ហើយលោកបានរាយការណ៍ទៅកាន់សម្តេចនាយករដ្ឋមន្រ្តីកម្ពុជា។ ភ្លាមៗ សម្តេច ហ៊ុន សែន បានចេញបទបញ្ជាឲ្យបង្កើតក្រុមការងារអន្តរក្រសួងចុះស្រាវជ្រាវ និងដកហូតដីព្រែលិចទឹកពីអ្នកមានអំណាច អ្នកជំនួញ និងប្រជាពលរដ្ឋដែលកាន់កាប់ទន្ទ្រានយកដីរដ្ឋ។

លោក​​បញ្ជាក់ថា​ “ចំណាត់​ការ​របស់​រដ្ឋាភិបាល​ពីចម្រុះ​ក្រសួង​គឺជារឿង​ត្រឹមត្រូវ​ ដើម្បី​បង្រ្កាប​ដោយ​ប្រើប្រាស់​កណ្តាប់​ដៃដែក”។​

+ស្នាដៃបោះពុម្ភផ្សាយរបស់លោក ដូចខាងក្រោម៖
-ចលនា​ភូមិ​មួយ​ផលិតផល​មួយ​ បោះ​ពុម្ព​​ឆ្នាំ​២០០២
-តួនាទី​អង្គការ​សហប្រជាជាតិ​ បោះ​ពុម្ព​​ឆ្នាំ​២០០៣
-ទ្រឹស្ដី​ទំនាក់​ទំនង​អន្តរជាតិ​ បោះ​ពុម្ព​​ឆ្នាំ​២០០៣
-ទំនាក់​ទំនង​រវាង​កម្ពុជា​​ជា​មួយ​សហរដ្ឋ​អាមេរិក​ ចិន​ និង​វៀតណាម​ បោះ​ពុម្ព​​ឆ្នាំ​២០០៧
-វេទិកា ​បណ្ឌិត​សភា​លើក​ទី​៣ ស្ដី​ពី​ខួប​​ទី​១៥​ឆ្នាំ​ នៃ​កិច្ច​ព្រមព្រៀង​សន្តិភាព​ក្រុង​ប៉ារីស​ ស្ដី​ពី​ដំណោះ​ស្រាយ​នយោបាយ​រួម​នៅ​​កម្ពុជា​ បោះ​ពុម្ព​​ឆ្នាំ​២០០៨
-ទំនាក់​ទំនង​អន្តរជាតិ​ កម្ពុជា​ក្រោម​ក្រសែ​ភ្នែក​មហាអំណាច​ បោះ​ពុម្ព​​ឆ្នាំ​២០០៣
-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ១ បោះ​ពុម្ព​​ឆ្នាំ​២០០៨
-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ២ បោះ​ពុម្ព​​ឆ្នាំ​២០០៩
-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ៣ បោះ​ពុម្ព​​ឆ្នាំ​២០១០
-ទំនាស់​ព្រំដែន​រវាង​ប្រទេស​ថៃនិង​ប្រទេស​ជិត​ខាង​ បោះ​ពុម្ព​​ឆ្នាំ​២០១០

The post កាន់ដំណែងប្រធានរាជបណ្ឌិត្យសភាកម្ពុជា ៥ឆ្នាំ បណ្ឌិត សុខ ទូច ស្ទើរតែគ្មានពេលវេលាសម្រាប់ខ្លួនឯង appeared first on .

បណ្ឌិតសភាចារ្យ សុខ ទូច ​​ប្រធាន​រាជបណ្ឌិត្យសភាកម្ពុជា ​​បាន​បង្ហាញ​ពី​ប្រវត្តិ​ខ្លី​មួយ​ទាក់ទង​នឹង​បុណ្យ​​​ច្រត់​ព្រះនង្គ័ល​នេះ។ ឯកឧត្តម​បាន​បង្ហោះ​សារ​លើ​ទំព័រហ្វេសប៊ុក នៅ​ព្រឹក​ថ្ងៃ​ព្រហស្បតិ៍​​នេះ​ថា “បុណ្យច្រត់ព្រះនង្គ័លនេះ ចាប់ផ្ដើមមានប្រសិទ្ធភាពនៅក្រោយខ្មែរបែកបាក់សម័យអង្គរ។ ខ្មែរតែងតែ​ច្បាំង​សាច់ញាតិ បងប្អូន ជាតិសាសន៍ខ្មែរឯង ហើយតែងតែតាំងខ្លួនជាវីរជន។ ពេលច្បាំងគ្នា ពេលណាដល់​រដូវវស្សា​គេបានបង្កើតបុណ្យនេះ គេសន្មត់ឈ្មោះហៅថា “បុណ្យច្រត់ព្រះនង្គ័ល” ដើម្បីឱ្យកសិករធ្វើស្រែ ព្រោះគេបាន​ប្រកាន់ពាក្យថា “ធ្វើស្រែនឹងទឹក ធ្វើសឹកនឹងបាយ” ។ បើអត់មានស្បៀងអាហារ មិនអាចបន្តច្បាំងគ្នាបានទេ។ ដូច្នេះ គេបង្ហាញអំពីបុណ្យច្រត់ព្រះនង្គ័លនេះក្នុងទិសដៅ “ឈប់ច្បាំងគ្នា ទុកពេលវេលាឱ្យកសិករធ្វើស្រែ”។ ចូរអានប្រវត្តិសាស្ត្រ។ នេះគ្រាន់ជាគំនិតមួយជ្រុងរបស់ខ្ញុំបាទ ពីការអានប្រវត្តិសាស្ត្រខ្មែរប៉ុណ្ណោះ”៕

The post បណ្ឌិត សុខ ទូច បង្ហាញពីប្រវត្តិខ្លីនៃពិធីបុណ្យច្រត់ព្រះនង្គ័ល appeared first on .

សូមស្តាប់ប្រសាសន៍បណ្ឌិត សុខ ទូច៖

The post បណ្ឌិត សុខ ទូច៖ មួយយប់អំពើឆក់ត្រីខុសច្បាប់នៅបឹងទន្លេសាប ធ្វើឲ្យរដ្ឋខាតលុយប្រមាណ ១ម៉ឺនដុល្លារ appeared first on .

ថ្ងៃនេះសារព័ត៌មានឧកញ៉ាញូស៍ សូមបើកបង្ហាញប្រវត្តិ និងបទពិសោធនការងាររបស់លោក សុខ ទូច ដូចតទៅ៖

 លោក សុខ ទូច ចូលកាន់តំណែង​ជាប្រធាន​រាជបណ្ឌិត្យ​សភា​កម្ពុជា ថ្ងៃទី១១ ខែសីហា ឆ្នាំ២០១៧។ លោក​កើត​នៅ​​​ឆ្នាំ​ ១៩៦៥ ដែលមាន​បង​ប្អូន​​ប្រាំ​នាក់​ ស្រី​​ពីរ​នាក់​ និង​ ប្រុស​បី​នាក់​ ស្ថិតនៅ​​ភូមិ​តា​កយ​ ឃុំ​ព្រែក​ដំបូក ស្រុក​ស្រីសន្ធរ ​​ខេត្ត​កំពង់​ចាម។ ​​​លោក​បាន​ប្រឡង​បញ្ចប់​ថ្នាក់​បឋម​ (ថ្នាក់​ទី​បួន) ក្នុង​​ឆ្នាំ​១៩៨៤។ ក្រោយប្រឡង​ជាប់​ថ្នាក់​បឋម​មកគ្រួសារ​បាន​ផ្លាស់​ប្ដូរ​ទី​លំនៅ​មក​រស់​នៅ​ទីក្រុង​​ភ្នំ​ពេញ​។​ ​​

លោក ​សុខ ​ទូច ​​​​ឡើង​មក​​រៀន​បន្ត​​​ថ្នាក់​មធ្យម​សិក្សា​កម្រិត​មួយ​នៅ​ក្រុង​ភ្នំ​ពេញ​ គឺ​នៅ​​​សាលា​ចតុមុខ​​ និងបាន​បន្ត​ចូល​រៀន​ថ្នាក់​វិទ្យាល័យគឺ​សាលា​ភ្នំ​ដូន​ពេញ​​ បច្ចុប្បន្ន​សាលា​ស៊ីសុវត្ថិ។ ​​​នៅ​រៀន​សាលា​នេះ​ លោកបាន​ឆ្លង​កាត់​ការ​លំបាក​ជា​ច្រើន​ ពីព្រោះ​ស្ថានភាព​គ្រួសារ​មិន​មាន​លុយ​គ្រប់​គ្រាន់​ផ្គត់​ផ្គង់​ឲ្យ​​លោក​ រៀន​​ សូម្បី​សំលៀក​បំពាក់​ក៏​​ខ្វះ​ដែរ។ ​​ពេល​ខ្លះ​ត្រូវ​​ធាក់​កង់​​ឌុប​ដើម្បី​យក​លុយ​ផ្គត់​ផ្គង់​ការ​រៀន​សូត្រ ។​​ លោក​ថា​ “​មាន​អាវ​ស​តែ​មួយ​គត់​រៀន​បី​ឆ្នាំ​ នៅ​ពេល​គក់​ម្ដង​ៗ​​​ត្រូវ​អង្គុយ​យាម​​ទាល់​តែ​ស្ងួត​ព្រោះ​ខ្លាច​​គេ​ លួច”។ ​បើ​ទោះ​បី​ឆ្លង​កាត់​ការ​លំបាក​ច្រើន​យ៉ាង​នេះ​ក៏​ដោយ​ ​ក៏​រូប​លោក​​​បាន​ជម្នះ​ឧបសគ្គ​ ហើយ​បាន​​ប្រឡង​​​បញ្ចប់​​ថ្នាក់​បាក់​ឌុប​​​​ទទួល​បាន​ជោគជ័យ​នៅ​ឆ្នាំ​ ១៩៨៩​​។

ក្រោយ​មក ​​​លោក​ សុខ ទូច ​ក៏​បាន​សម្រេច​ចិត្ត​ដាក់​អាហារូបករណ៍​ទៅ​បរទេស​បន្ត​ តែ​ដូរ​ពី​អាហារូបករណ៍​កម្រិត​ឧត្ដម​ទៅ​​អាហារូបករណ៍​​​កម្រិត​មធ្យម​ឯកទេស។ ​អាច​ចាត់​ទុក​​បាន​ថា​ ជា​សំណាង​ល្អ​របស់​លោក​ដែរ​ ពី​ព្រោះ​បាន​ប្រឡង ​[ជាប់​​​បម្រុង]។ លោកថ្លែងថា៖ “នៅ​​សល់​ត្រឹម​តែ​ពីរ​សប្ដាហ៍​ មុន​ពេល​ចេញ​ដំណើរ​ទៅ​រៀន​នៅ​ក្រៅ​ប្រទេស ​មាន​បេក្ខជន​​កម្រិត​មធ្យម​ឯកទេស​​​ម្នាក់​ដួល​​ម៉ូតូ​បាក់​ដៃ​ មិន​អាច​ទៅ​រៀន​បាន​ លោក​ក៏​ត្រូវ​បាន​គេ​ជ្រើស​រើស​ឲ្យ​ទៅ​រៀន​​ជំនួស​​គេ​ទៅ​”។

លោក​ចូល​រៀន​ថ្នាក់​ឯកទេស​ដំបូង​​ក្នុង​​ឆ្នាំ​១៩៩០​​ នៅ​​រដ្ឋ​គីជីស្តង់​ (បច្ចុប្បន្ន​ប្រទេស​គីជីស្ដង់)។ រៀន​ទី​នោះ​បាន​មួយ​ឆ្នាំ​ ដោយ​សារ​​លោក​រៀន​ពូកែ​ខាង​សាលា​​ក៏​បាន​ជំរុញ​លោក​ឲ្យ​រៀន​​ថ្នាក់​ឧត្ដម​ ដោយ​ត្រូវ​ទៅ​បន្ត​នៅ​រដ្ឋ​​មួយ​ទៀត​​​​ក្នុង​ប្រទេស​រុស្សី។ ការ​​ទៅ​សិក្សា​នៅ​​​ប្រទេស​រុស្ស៊ី​ជា​រឿង​លំបាក​បំផុត ​ពី​ព្រោះ​ រដ្ឋ​​ផ្ដល់​ប្រាក់​​អាហារូបករណ៍​​ត្រឹម​តែ​​៥​ដុល្លារ​ ចំណែក​ខាង​រដ្ឋាភិបាល​រុស្ស៊ី​​ឲ្យ​​ត្រឹម​តែ​១០​ដុល្លារ​ ​សរុប​ទៅ​ទទួល​បាន​ត្រឹម​តែ​១៥​ដុល្លារ​ក្នុង​​មួយ​ខែ​ ដែល​ដូរ​ជា​លុយ​រូប​ (រូបិយប័ណ្ណ​របស់​រុស្ស៊ី) ​វិញ​បាន​ត្រឹម​តែ​៤០០​រូប​ប៉ុណ្ណោះ​ ហើយ​បើ​យក​៤០០​រ៉ូប​​ទៅ​ទិញ​នំប៉័ង​​​​វិញ​បាន​ត្រឹម​តែ​៤០០​នំប៉័ង​ ប៉ុណ្ណោះ។

​នៅរៀន​រដ្ឋ​រុស្សី​បាន​ដល់​​ឆ្នាំ​ទី​ពីរ​ គឺ​នៅ​ឆ្នាំ​១៩៩២​ លោក​បាន​បាក់​ចិត្ត​ស្រឡាញ់​នារី​ជន​ជាតិ​រុស្សី​ម្នាក់។ ​នៅ​សម័យ​នោះ​ ​ពិភពលោក​មាន​ការ​បែង​ចែក​ពណ៌​​សម្បុរ​ ​ពោល​គឺ​បែង​ចែក​រវាង​​អ្នក​នៅ​​អាស៊ី​ ​នៅ​អឺរ៉ុប​ និង​​អ្នក​នៅ​អាហ្វ្រិក​។ តែ​នារី​ដែល​រូប​លោក​ស្រឡាញ់​ មិន​បាន​បែង​ចែក​​នោះ​ទេ ​ដោយ​បាន​បាក់​ចិត្ត​ស្រឡាញ់​​លោក​ជា និស្សិត​​​ដ៏​កម្សត់​ គ្មាន​ទ្រព្យ​ធន​ ថែម​ទាំង​​មិន​ទាន់​មាន​ការ​ងារ​ទៀត​ផង​នោះ។ ​​​ដោយ​សារ​មនោសញ្ចេតនា​ដ៏​ជ្រាល​ជ្រៅ​បែប​នេះ​ ទើប​រូប​លោក​សម្រេច​ចិត្ត​​រៀប​ការ​ជា​មួយ​គ្នា​​នៅ​ឆ្នាំ​១៩៩២​​។

ជា​រឿង​កម្សត់​បំផុត​ ពេល​ខ្លះ​ លោក​​និង​​ភរិយា​ គ្មាន​អី​ញ៉ាំ​ទាល់​តែ​សោះ​​ ​​ជា​ពិសេស​នៅ​រដូវរងា (​ខែ​ទឹកកក​) ​លោក​ត្រូវ​បេះ​[កន្ទិចអាល]​ស្រុះ​​​ជា​មួយ​ទឹក​​យក​មក​ញ៉ាំ​​ជា​មួយ​ នំប៉័ង។ នៅ​ពេល​ព្រឹក​​គ្មាន​អី​ញ៉ាំ​ទេ​​ក្រៅ​ពី[ទឹក​​តែ​មួយ​ពែង] ហើយ​ជា​រៀង​រាល់​ពេល​មុន​ទៅ​សាលា​ លោក​ញ៉ាំ​តែ​តែ​មួយ​ពែង​គត់​។ ​លោក​បញ្ជាក់​ថា​ “​ទៅ​រៀន​មិន​ហ៊ាន ​អង្គុយ​មុខ​គេ​​ទេ… មិន​មែន​រៀន​មិន​ចេះ​នោះ​ទេ​ តែ​ខ្លាច​កូរ​ពោះ​ឭ​ដល់​មិត្តភ័ក្ដិ​​អង្គុយ​ជិត​ ពីព្រោះ​ព្រឹក​ឡើង​គ្មាន​អី​ញ៉ាំ​​ក្រៅ​ពី​ទឹក​តែ​មួយ​ពែង នោះ…”។

នៅ ​ឆ្នាំ​១៩៩៤​ លោក​បញ្ចប់​ថ្នាក់​បរិញ្ញាបត្រ​ ដោយ​ប្រឡង​បញ្ចប់​​ទទួល​បាន​ជោគ​ជ័យ​ និង​ទទួល​​​បាន​ពិន្ទុ​ខ្ពស់​ទៀត​ផង។ ​ក្រោយ​មក ​លោក​បាន​បន្ត​ថ្នាក់​​អនុ​បណ្ឌិត​​​ផ្នែក​វិទ្យាសាស្ត្រ​នយោបាយ​​​នៅ​សាលា​ ដដែល។ ​ជីវិត​នៅ​ពេល​កំពុង​រៀន​ថ្នាក់​អនុបណ្ឌិត​ ក៏​មិន​ខុស​អ្វី​​​ កាល​ពី​​នៅ​រៀន​ថ្នាក់​បរិញ្ញាបត្រ​ដែរ។ ​លោក​ត្រូវ​ទៅ​ធ្វើ​​ការ​ស៊ី​ឈ្នួល​គេ​ដូច​មុន ហើយ​ត្រូវ​​ឆ្លៀត​​ពេល​​​រៀន​ខ្លួន​​ឯង​ផង​ រហូត​​ទទួល​បាន​ជោគជ័យ​ថ្នាក់​អនុបណ្ឌិត​។ លោក​ថា​ “​ពេល​ណា​ក៏​ខ្ញុំ​ដាក់​សៀវភៅ​តាម​ខ្លួន​ដែរ​ មិន​ថា​ធ្វើ​ការ​ មិន​ថា​ទៅ​ទី​ណា​ ​សូម្បី​ដាំ​បាយ​ក៏​មើល​ដែរ​ ឲ្យ​តែ​មាន​ពេល​​គឺ​មើល​រហូត​…​”។

នៅ​ឆ្នាំ​១៩៩៥ លោក ​​សុខ​ ទូច ​បាន​បញ្ចប់​ថ្នាក់​អនុបណ្ឌិត​ ​ហើយ​នៅ​ពេល​នោះ​​ប្រទេស​រុស្សី​ ត្រូវ​ការ​ជ្រើស​រើស​​និស្សិត​ចំនួន​១២​នាក់​ ចេញ​ពី​និស្សិត​​៧០០​​នាក់​មក​ពី​ប្រទេស​​ជាង​១២០​​​ ដើម្បី​ឲ្យ​​​សិក្សា​បន្ត​​ថ្នាក់​បណ្ឌិត​។ ​នៅ​ពេល​នោះ ​លោក​ត្រូវ​​ត្រឡប់​មក​ស្រុក​ខ្មែរ​វិញ​ ដើម្បី​ស្រាវ​ជ្រាវ​​ប្រវត្តិសាស្ត្រ​ និង​បរិបទ​នយោបាយ​នៅ​កម្ពុជា​ សម្រាប់​ធ្វើ​ជា​​គម្រោង​សរសេរ​និក្ខេបបទ​​ការពារ​ថ្នាក់​អនុបណ្ឌិត​ដើម្បី​ ​ទទួល​បាន​​ជោគជ័យ​សិក្សា​​​បន្ត​​​ថ្នាក់​បណ្ឌិត។​ ដោយ​សារ​តែ ​និក្ខេបបទ​របស់​លោក​ធ្វើ​បាន​ល្អ​ និង​​ការ​ពារ​​បាន​ល្អ​ផង​នោះ ​​ធ្វើ​ឲ្យ​គណៈកម្មការ​​​​​វាយ​តម្លៃ​និក្ខេបបទ​​​ បាន​ឲ្យ​ពិន្ទុ​លោក​ខ្ពស់​ និង​ជាប់​បាន​ទៅ​​សិក្សា​បន្ត​ថ្នាក់​បណ្ឌិត​​ក្នុង​ចំណោម​សិស្ស​ឆ្នើម​ទាំង ​១២​នាក់។ នៅ​ពេល​ដែល​លោក​ សុខ ទូច​ បន្ត​ថ្នាក់​បណ្ឌិត​ ភរិយា​របស់​លោក​បាន​ប្រសូត​បុត្រា​មួយ​ទៀត​ក្នុង​ឆ្នាំ​១៩៩៦​ បន្ទាប់​ពី​នោះ​​ ភរិយា​របស់​លោក​បាន​​ឈប់​រៀន​ ហើយ​លោក​បាន​បញ្ចប់​ថ្នាក់​បណ្ឌិត​ទទួល​បាន​​ជោគជ័យ​នៅ​ឆ្នាំ​១៩៩៩។

នៅ​ពេល​ដែល​​លោក​ សុខ​ ទូច ​​បន្ត​​​ថ្នាក់​បណ្ឌិត​ គឺ​​​បន្ត​ជំនាញ​វិទ្យាសាស្ត្រ​នយោបាយ។ នៅ​ពេល​សរសេរ​និក្ខេបបទ​​ លោក​សរសេរ​ទាក់​ទង​ទៅ​នឹង​នយោបាយ​។ តែ​ដោយ​សារ​​នៅ​សាលា​ដែល​លោក​​រៀន​ ពុំ​មាន​សាស្ត្រាចារ្យ​ត្រួត​ពិនិត្យ​ និង​វាយ​តម្លៃ​និក្ខេប​បទ​​​លើ​ជំនាញ​​នេះ​ គឺ​ត្រូវ​ទៅ​ការ​ពារ​និក្ខេបបទ​របស់​ខ្លួន​នៅ​ទីក្រុង​​មូស្គូ​។ ​ដោយ​សារ​ ពុំ​មាន​លុយ​គ្រប់​គ្រាន់​​ទៅ​ការ​ពារ​នៅ​ទីនោះ លោក​ សុខ ​ទូច ​សុខ​​ចិត្ត​ប្ដូរ​​មក​ការ​ពារ​ផ្នែក​​​ប្រវត្តិសាស្ត្រ​វិញ​។ អីចឹង​ហើយ​ ទើប​លោក​​បញ្ចប់​សញ្ញាបត្រ​បណ្ឌិត​ផ្នែក​ប្រវត្តិសាស្ត្រ​ មិន​មែន​​វិទ្យាសាស្ត្រ​នយោបាយ​ទេ ខណៈ​ដែល​រៀន​ថ្នាក់​បរិញ្ញាបត្រ​​អនុបណ្ឌិត​ និង​បណ្ឌិត​ជំនាញ​វិទ្យាសាស្ត្រ​នយោបាយ​។

ក្រោយ​ពី​បញ្ចប់​​ថ្នាក់​បណ្ឌិត​សព្វ​គ្រប់​ លោក​បណ្ឌិត​ សុខ​ ទូច​ បាន​​នាំ​ភរិយា​ និង​កូន​ទាំង​ពីរ​​ត្រឡប់​មក​ស្រុក​ខ្មែរ​វិញ។ ​នៅ​ពេល​នោះ​​ លោក​បាន​ដាក់​ពាក្យ​បង្រៀន​នៅ​មហាវិទ្យាល័យ​ក្នុង​​ស្រុក​ខ្មែរ​មួយ​ចំនួន​ ទាំង​ឯកជននិង​រដ្ឋ​ ​តែ​សាលា​ទាំង​នោះ​មិន​​ព្រម​ទទួល​លោក​ឲ្យ​បង្រៀន​​​ទេ​ ដោយ​​គិត​ថា​លោក​ក្មេង​ពេក​ និង​​ថា​​​រូប​លោក​មិន​បាន​រៀន​អី​​ទេ​ ​ដោយ​ចោទ​ថា​ [ទិញ​សញ្ញាបត្រ]។​ ក្រោយ​មក​ លោក​ ក៏​បាន​ដាក់​ពាក្យ​ចូល​ធ្វើ​ការ​នៅ​​ក្រសួង​ការ​បរទេស។ ​ ​ដោយ​សារ​​តែ​ខ្វះ​​សំលៀកបំពាក់​​​​ដើម្បី​ឲ្យ​សម​មុខ​​សម​មាត់​ជា​មន្ត្រី​ ការទូត​ លោក​ក៏​សុំ​ប្ដូរ​​​ដូរ​មក​​ទីស្ដីការ​គណៈរដ្ឋ​មន្ត្រី​ តែ​ដោយ​សារ​​​ ​ចូល​ចិត្ត​​ខាង​​​ស្រាវជ្រាវ​ មិន​ចូល​ចិត្ត​ធ្វើ​ការ​នៅ​ការិយាល័យ​​​​ ​​ទើប​​លោក​​សម្រេច​ចិត្ត​​​ទៅ​ធ្វើ​ការ​នៅ​​រាជបណ្ឌិត្យសភា​​វិញ​រហូត​ដល់​ សព្វ​ថ្ងៃ​នេះ។

នៅ​រាជបណ្ឌិត​សភា​កម្ពុជា​ លោក​បាន​សហការ​ជា​មួយ​ដៃ​គូ​មួយ​ចំនួន​បង្កើត​ថ្នាក់​អនុបណ្ឌិត​មុន​គេ​ បំផុត​នៅ​ក្នុង​ស្រុក​ខ្មែរ​ នៅ​​ក្នុង​ឆ្នាំ​២០០០​ ហើយ​ក្រោយ​មក​បង្កើត​បាន​វិទ្យាស្ថាន​​ទំនាក់​ទំនង​អន្តរជាតិ​​មួយ​ទៀត​ ក្នុង​ឆ្នាំ​២០០៤។

លោក​បណ្ឌិត​ សុខ ទូច ថ្លែងប្រាប់សារព័ត៌មានសប្បាយថា​ ​ក្នុង​ឆ្នាំ​២០០០​​ លោក​បាន​ចូល​រួម​បង្កើត​សាលា​ឯកជន​មួយ តែលោក​សុំ​មិន​បញ្ចេញ​​ឈ្មោះ​ទេ​​ ដែល​បណ្ដុះ​បណ្ដាល​លើ​ជំនាញ​ថ្នាក់​បណ្ឌិត​ដំបូង​​​ក្នុង​ប្រទេសកម្ពុជា​។ ​ពាក្យ​ថា​​ថ្នាក់​​បណ្ឌិត​​​នេះ​ គឺ​​លោក​​​ជា​អ្នក​​ផ្ដួច​ផ្ដើម​ឲ្យ​មាន​មុន​គេ​បំផុត​ នៅ​ក្នុង​ស្រុក​ខ្មែរ​ តែ​ក្រោយ​​ពី​សាលា​នេះ​ទទួល​បាន​ជោគ​ជ័យ​ ក៏​បាន​ដេញ​លោក​ចេញ​។ ក្រោយមក​លោក​ សុខ ទូច ​​​បាន​ទៅ​បង្កើត​សាលា​ឲ្យ​គេ​មួយ​ទៀត​ ​ដែល​​លោក​មាន​តួនាទី​ជា​​សកលវិទ្យាធិការ​​​​​​ ហើយការណោះ ប្រាក់​កម្រៃ​ដែល​លោក​ទទួល​បាន​​ប្រមាណ​១៥០០​ដុល្លារ​ក្នុង​មួយ​ខែ​។ ៦០​%​ ដែល​លោក​ទទួល​បាន​ពី​ប្រាក់​កម្រៃ​នេះ​ លោក​យក​មក​​ទុក​​ធ្វើ​ជា​​ទុន​សម្រាប់​​​​បង្កើត​សាកលវិទ្យាល័យ​របស់​ខ្លួន​ មួយ​ទៀត​​គឺ​សាកលវិទ្យាល័យ​ខេមរៈ។

នៅ​ឆ្នាំ​២០០៤​ លោក​​បាន​បង្កើត​សាកលវិទ្យាល័យ​នេះ​​​​​ឡើង​។​ ​មាន​​ម្ចាស់ភាគហ៊ុន​ជា​ច្រើន​ជួយ​ជ្រោមជ្រែង​សាលា​​ ដែល​គេ​ឲ្យ​ប្រាក់​បៀវត្ស​​សកលវិទ្យាធិការ​រូប​នេះ​ត្រឹម​តែ​១៥០​ដុល្លារ​ ប៉ុណ្ណោះ។ ប្រាក់​បៀវត្ស​ទាំង​នេះ​ លោក​​បាន​បង្វែរ​ទុក​ជា​អាហារូបករណ៍​ដល់​សិស្ស​ទាំង​អស់​។ លោកបានចូលរួមបង្កើត​វិទ្យាស្ថាន​ទំនាក់​ទំនង​អន្តរជាតិ​ នៃ​រាជ្យ​បណ្ឌិត​សភា​កម្ពុជា​ ក្រោមចំណុះ​ទីស្ដីការ​គណៈរដ្ឋ​មន្ត្រី ​​និង​បាន​បង្កើត​ថ្នាក់​អនុបណ្ឌិត​ដំបូង​បំផុត​នៅ​ស្រុក​ខ្មែរ​ ​ហើយ​​​ក្រោយ​មក​​​បាន​ក្លាយ​​ជា​អនុ​ប្រធាន​​វិទ្យាស្ថាន​នេះ។

ក្រោយ​​ពី​បាន​​រស់​នៅ​ជួប​ជុំ​គ្នា​ជា​មួយ​ប្រពន្ធ និង​កូន​ទាំង​ពីរ​​បាន​ប្រាំ​ពីរ​ឆ្នាំ​ ភរិយា​​របស់​លោក​​​ មិន​ចេះ​រស់​នៅ​ប្រទេស​កម្ពុជា​ ក៏​នាំ​​កូន​ទាំង​ពីរ​ទៅ​ប្រទេស​​រុស្សី​វិញ។ ​លោក​ថា​ ប្រពន្ធ​របស់​លោក​ ​ចង់​​​ឲ្យ​រូប​លោក​ចូល​ជា​សញ្ជាតិ​រុស្សី​ និង​ត្រឡប់​ទៅ​​រស់​នៅ​រុស្សី​ដែរ​ តែ​លោក​បដិសេធ​។ លោក​​ថា​ “​វា ​ជា​រឿង​​ឈឺ​ចាប់​បំផុត… ធ្លាប់​រស់​នៅ​ក្នុង​ស្ថានភាព​អន់​ឃ្លាន​មាន​ស៊ី​ និង​តស៊ូ​ជា​មួយ​គ្នា​ជិត​ម្ភៃ​​ឆ្នាំ​តែ​ត្រូវ​បែក​គ្នា…ពីរ​ឆ្នាំ​បន្ទាប់ ​ពី​គាត់​ចាក​ចេញ​ទៅ​​ធ្វើ​ឲ្យ​ខ្ញុំ​វិល​វល់​មែន​ទែន!“។

បណ្ឌិត ​វ័យ​ក្មេង​រូប​នេះ​​បញ្ជាក់​ពី​មូល​ហេតុ​មិន​​ត្រឡប់​ទៅ​រស់​នៅ​ជា​មួយ​ ប្រពន្ធ​​និង​កូន​ជា​ទី​ស្រឡាញ់​នៅ​រុស្សី​ថា​ ​ហេតុ​ផល​តែ​មួយ​គត់​គឺ​ស្រឡាញ់​និង​ចង់​​ជួយ​ប្រទេស​​ខ្មែរ​។ “​ខ្ញុំ​បាន​ទៅ​ធ្វើ​ជា​វាគ្មិន​​នៅ​ប្រទេស​ជា​ច្រើន​នៅ​ជុំ​វិញ​ពិភពលោក​​ …បើ​ទោះ​បី​ជា​​នៅ​ស្រុក​គេ​ស្អាត​ប៉ុណ្ណា​ក៏​ដោយ​​​ ​ក៏​ខ្ញុំ​​មើល​ឃើញ​ និង​ចង់​រស់​នៅ​តែ​ប្រទេស​ខ្មែរ​មួយ​គត់…”។

លោក​​បណ្ឌិត ​​សុខ ទូច​ អះអាង​ថា​ បើ​ទោះ​បី​លោក​បាន​បញ្ចប់​សញ្ញាប័ត្រ​បណ្ឌិត​ និង​មាន​ឯក​ទេស​ខាង​នយោបាយ​​យ៉ាង​ណា​ក៏​ដោយ ​ក៏​លោក​មិន​ចូល​ធ្វើ​នយោបាយ​ដែរ​ ពី​ព្រោះ​លោក​ចង់​បង្ហាញ​អ្វី​ដែល​ជា​ការ​ពិត​ចំពោះ​​​ការ​យល់​ឃើញ​របស់​លោកដល់​សាធារណជន​ ឲ្យ​ចេះ​វិភាគ​ និង​ថ្លឹង​ថ្លែង​ពី​ការ​ពិត។ ​លោក​ថា​ ​”ខ្ញុំ​ចង់​បង្រៀន​និង​​និយាយ​ពី​អ្វី​ដែល​ជា​ការ​ពិត… ​នៅ​ពេល​ដែល​លោក​ចូល​ប្រឡូក​ក្នុង​​នយោបាយ​ ​លោក​នឹង​មិន​អាច​​បញ្ចេញ​អ្វី​ដែល​ពិត​បាន​ទៀត​ទេ ​​​ពី​ព្រោះ​​ការ​​​និយាយ​មិន​ពិត​គឺ​ជា​យុទ្ធសាស្ត្រ​យក​ឈ្នះ​របស់​អ្នក​ នយោបាយ​​…”។

+ស្នាដៃបោះពុម្ភផ្សាយរបស់លោកបណ្ឌិត សុខ ទូច

-ចលនា​ភូមិ​មួយ​ផលិតផល​មួយ​ បោះ​ពុម្ព​​ឆ្នាំ​២០០២

-តួនាទី​អង្គការ​សហប្រជាជាតិ​  បោះ​ពុម្ព​​ឆ្នាំ​២០០៣

-ទ្រឹស្ដី​ទំនាក់​ទំនង​អន្តរជាតិ​ បោះ​ពុម្ព​​ឆ្នាំ​២០០៣

-ទំនាក់​ទំនង​រវាង​កម្ពុជា​​ជា​មួយ​សហរដ្ឋ​អាមេរិក​ ចិន​ និង​វៀតណាម​ បោះ​ពុម្ព​​ឆ្នាំ​២០០៧

-វេទិកា ​បណ្ឌិត​សភា​លើក​ទី​៣ ស្ដី​ពី​ខួប​​ទី​១៥​ឆ្នាំ​ នៃ​កិច្ច​ព្រមព្រៀង​សន្តិភាព​ក្រុង​ប៉ារីស​ ស្ដី​ពី​ដំណោះ​ស្រាយ​នយោបាយ​រួម​នៅ​​កម្ពុជា​ បោះ​ពុម្ព​​ឆ្នាំ​២០០៨

-ទំនាក់​ទំនង​អន្តរជាតិ​ កម្ពុជា​ក្រោម​ក្រសែ​ភ្នែក​មហាអំណាច​ បោះ​ពុម្ព​​ឆ្នាំ​២០០៣

-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ១ បោះ​ពុម្ព​​ឆ្នាំ​២០០៨

-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ២ បោះ​ពុម្ព​​ឆ្នាំ​២០០៩

-ទស្សនាវដ្ដី​វិទ្យាសាស្ត្រ​របស់​វិទ្យាស្ថាន​ទំនាក់​ទំនង​អន្តរជាតិ​កម្ពុជា​ លេខ ៣ បោះ​ពុម្ព​​ឆ្នាំ​២០១០

-ទំនាស់​ព្រំដែន​រវាង​ប្រទេស​ថៃនិង​ប្រទេស​ជិត​ខាង​  បោះ​ពុម្ព​​ឆ្នាំ​២០១០

The post បណ្ឌិត សុខ ទូច ផ្តួចផ្តើមបង្កើតសាលារៀនថ្នាក់បណ្ឌិត តែ​ក្រោយសាលា​​ទទួល​​ជោគ​ជ័យ​ លោកក៏​ត្រូវបាន​ដេញ​ចេញ​ appeared first on .

ទាក់ទងនឹងបញ្ហាការទន្រ្ទានដីព្រៃលិចទឹកនេះដែរ ក្រុមការងារអន្តរក្រសួង ចុះពិនិត្យ និងស្រាវជ្រាវការទន្ទ្រានដីព្រៃលិចដោយខុសច្បាប់ជាជំហានទី ១ ក្នុងតំបន់៣ ស្ថិតនៅស្រុកក្រគរ ស្រុកកណ្តៀង និងស្រុកបាកាន ខេត្តពោធិ៍សាត់ ដោយរកឃើញអ្នកទន្ទ្រានដីរដ្ឋចំនួន ១៩២១គ្រួសារ លើ៦៧ទីតាំង ក្នុងភូមិចំនួន៣៧ ឃុំចំនួន១៥ ស្មើនឹងផ្ទៃដីប្រមាណ ៤៤៣៤,០៧ហិកតា។ បើតាមកិច្ចប្រជុំអន្តរក្រសួងដើម្បីត្រួតពិនិត្យលទ្ធផលការងារសម្រេចបាន ក្នុងការចុះពិនិត្យ និងស្រាវជ្រាវការទន្ទ្រានដីព្រៃលិចទឹកនៅតំបន់បឹងទន្លេសាប (តំបន់៣) ស្ថិតក្នុងភូមិសាស្ត្រខេត្តពោធិ៍សាត់ នៅថ្ងៃទី២១ ខែធ្នូ ឆ្នាំ២០២១នេះ។

កិច្ចប្រជុំនេះ បានពិភាក្សា និងឯកភាពបន្តសំអាតទិន្នន័យ និងព័ត៌មានដែលបានចុះពិនិត្យជាក់ស្តែងកន្លងមក ដោយធ្វើការបញ្ជាន់និន្នន័យដែលបានចុះពិនិត្យជាក់ស្តែង ធៀបទៅនឹងផែនទីរបស់អាជ្ញាធរទន្លេសាប ដោយអាជ្ញាធរនឹងរៀបចំផ្តល់ជូន ជាមួយនឹងក្រុមការងារជំនាញ រៀបចំផែនការ និងចាត់ចែងដាំគ្រាប់ត្នោត តាមស្រុកគោលដៅទាំង៣ ដើម្បីចុះបញ្ជីដីព្រៃលិចទឹក តំបន់៣ របស់រដ្ឋ។

ដី​ព្រៃ​លិច​ទឹក​ក្នុង​ខេត្ត​ទាំង​៦​ជុំវិញ​បឹង​ទន្លេសាប​រួម​មាន​ខេត្ត​កំពង់ឆ្នាំង​ពោធិ៍សាត់​ បាត់ដំបង​ បន្ទាយ​មានជ័យ​ សៀមរាប​និង​កំពង់ធំ​មាន​ចំនួន​ប្រមាណ​៦៥​ម៉ឺន​ហិកតា។​ អាជ្ញាធរ​ខេត្ត​ត្រូវ​បាន​កំណត់​ភារកិច្ច​កាតព្វ​កិច្ច​និង​ការ​ទទួល​ខុស​ត្រូវ​លើ​ការ​គ្រប់គ្រង​ការ​ការពារ​និង​ការ​ថែ​រក្សា​ដែន​ព្រៃ​លិច​ទឹក​ហើយ​ចំពោះ​ការ​បាត់​បង់​ដែន​ព្រៃ​លិច​ទឹក​និង​ព្រៃ​លិច​ទឹក​ដែល​ស្ថិត​ក្នុង​ដែន​សមត្ថ​កិច្ច​នៃ​ខេត្ត​ណា​ គណៈអភិបាល​នៃ​ខេត្ត​នោះ​ត្រូវ​ទទួល​ខុស​ត្រូវ​ទាំង​ស្រុង​ចំពោះ​មុខ​រដ្ឋាភិបាល។

ក្រឡែកមក លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា និង​ជាអ្នកស្រាវជ្រាវ​ករណីនេះ​ដែរ​ បានបង្ហាញការឈឺចាប់ នឹងទង្វើអ្នក ដែលបំផ្លាញព្រៃលិចទឹក និងទន្ទ្រានយកដីតាមបឹងទន្លេសាប អស់រាប់ម៉ឺនហិកតា តែបែរជាឆ្លើយថា តែ២ទៅ ៣ពាន់ហិកតា។ ការប្រតិកម្មរបស់លោកបណ្ឌិត សុខ ទូច ធ្វើឡើងក្នុងពិធីបិទសន្និសីទអន្តរជាតិប្រចាំឆ្នាំលើកទី១៦ ស្តីពី បរិបទថ្មីនៃទំនាក់ទំនងអាស៊ាន និង សាធារណរដ្ឋកូរ៉េ នៅថ្ងៃទី១៧ ខែធ្នូ ឆ្នាំ២០២១។

 លោកបណ្ឌិត​ សុខ ទូច​ បាន​អះអាង​ថា ​ការកាប់​ទន្ទ្រាន​ដីព្រៃលិច​ទឹកនាពេល​នេះមាន​ភាពធ្ងន់ធ្ងរ​ អាច​និយាយ​បានថា​ស្ថិតនៅក្នុង​ភាព​ប្រកាស​អាសន្ន​ ដែល​តម្រូវ​ឲ្យមានការ​ទប់ស្កាត់​ជាបន្ទាន់។​ លោក​បណ្ឌិត​ សុខ ទូច​ បញ្ជាក់ថា​ ចំណាត់​ការ​របស់​រដ្ឋាភិបាល​ពីចម្រុះ​ក្រសួង​គឺជារឿង​ត្រឹមត្រូវ​ ដើម្បី​បង្រ្កាប​ដោយ​ប្រើប្រាស់​កណ្តាប់​ដៃដែក។​

គួររម្លឹកថា អង្គភាពប្រឆាំងអំពើពុករលួយ នៅថ្ងៃទី១៦ធ្នូ បានឲ្យដឹងថា ACU សម្រេចឃាត់ខ្លួនមន្ត្រីពីររូប បន្ទាប់ពីបានសាកសួរហើយរកឃើញថា មន្ត្រីទាំងនោះបានទន្រ្ទានយកដីព្រៃលិចទឹកក្នុងភូមិសាស្រ្តខេត្តកំពង់ឆ្នាំង។ មន្ត្រីទាំងពីររូបនោះ រួមមាន លោក ស៊ុំ សុជាតិ ស្នងការរងនៃស្នងការដ្ឋាននគរបាលខេត្តកំពង់ឆ្នាំង និងលោក កែវ ណារុន ប្រធានការិយាល័យអន្តរាគមន៍និងតម្រួតបទបញ្ជានៃស្នងការដ្ឋាននគរបាលខេត្តកំពង់ឆ្នាំង។ អង្គភាពប្រឆាំងអំពើពុករលួយបានអះអាងថា ការឃាត់ខ្លួននេះ ធ្វើឡើងដើម្បីបន្តនីតិវិធីទៅតាមផ្លូវច្បាប់៕

The post គ្រាន់តែស្រុក៣ នៅខេត្តពោធិ៍សាត់ រកឃើញអ្នកទន្រ្ទានដីព្រៃលិចទឹកជាង ៤ពាន់ហិកតា appeared first on .

ជុំវិញការបើកយុទ្ធនាការរបស់អាជ្ញាធរខេត្តជាប់បឹងទន្លេសាប ចាប់ផ្តើមដាំកូនឈើនោះ លោកបណ្ឌិត សិខ ទូច ប្រធានរាជបណ្ឌិត្យសភាកម្ពុជា បានសាទរទៅនឹងការដាំដើមឈើ ប៉ុន្តែលោកហាក់មិនយល់ស្រប ចំពោះការដាំដើមឬស្សី និងដើមត្នោតជាដើម ដែលលោកចាត់ថា វាមិនសូវសមហេតុផលនៅតំបន់បឹងទន្លេសាបនោះទេ។

លោកបណ្ឌិត សុខ ទូច ថ្លែងក្នុងន័យដើមថា សូមអរគុណអ្នកដែលដាំដើមឈើឡើងវិញនៅតំបន់ព្រៃលិចទឹកនៅជុំវិញបឹងទន្លេសាប គួរតែដាំប្រភេទដើមឈើណាដែលធ្លាប់ដុះនៅតំបន់នោះ ដែលវាផ្តល់អត្ថប្រយោជន៍ដល់ជាជម្រកសម្រាប់ត្រីពង និងផ្តល់ជាស្លែឬចំណីផ្សេងៗដល់ត្រី ដូចជាដើមឈើកែង, ដើមរាំងទឹក,ដើមរំដេញ និងប្រភេទដើមឈើដែលដុះក្នុងតំបន់នោះ ។

លោកថា ការផ្តល់អាទិភាពដាំ ដើមឫស្សី ហាក់មិនសូវសមហេតុផលនៅតំបន់បឹងទន្លេសាបទេ ព្រោះឫស្សីគេដាំដើម្បីទប់ដី កុំឱ្យបាក់ច្រាំង នៅតាមព្រែក ប្រឡាយ អូរជាដើម រីឯដើមត្នោតក៏មិនបានផ្តល់ជាជម្រកដល់ត្រីដែរ។

បើអ្នកស្រាវជ្រាវរូបនេះ ព្រៃរនាមនៅតំបន់ព្រៃលិចទឹក បើយើងមិនព្យួររាស់ទន្ទ្រានទេ តែរយៈពេល២ទៅ៣ឆ្នាំ វានឹងដុះមកវិញមិនខាន។


គួររំលឹកថា ក្នុងកិច្ចប្រជុំគណៈរដ្ឋមន្រ្តី នាពាក់កណ្តាលខែធ្នូ ឆ្នាំ២០២១នេះ ប្រមុខរដ្ឋាភិបាលសម្តេច ហ៊ុន សែន បានប្រកាសថា ត្រូវប្តូរផ្តាច់ការពារបឹងទន្លេសាប ឲ្យបានជាដាច់ខាត៕

The post បណ្ឌិត សុខ ទូច ហាក់មិនយល់ស្របការដាំដើមឬស្សី និងដើមត្នោតនៅបឹងទន្លេសាប ខណៈរដ្ឋាភិបាលប្រកាសប្តូរផ្តាច់ការពារ appeared first on .