អាជ្ញាធរបារាំង បានស្នើសុំឲ្យស្ថាបនិក្រុមហ៊ុន Telsa បង្ហាញខ្លួននៅទីក្រុងប៉ារីស ក្នុងអំឡុងសប្តាហ៍នេះ ប៉ុន្តែវាមិនច្បាស់នៅឡើយទេថា លោក Musk នឹងបង្ហាញខ្លួនឬអត់។ មិនតែប៉ុណ្ណោះ ទីក្រុងប៉ារីស ក៏បានផ្តល់ព័ត៌មានលម្អិតអំពីទីតាំង ឬពេលវេលានៃការសួចម្លើយដែលបានគ្រោងទុក ផងដែរ។

ជុំវិញការកោះហៅនេះ ទាក់ទងនឹងការស៊ើបអង្កេតមួយ ដែលបានផ្តួចផ្តើមឡើង នៅក្នុងខែមករា ឆ្នាំ២០២៥ មកម្លេះ ទៅលើការចោទប្រកាន់ថា ក្បួនដោះស្រាយនៃបណ្តាញសង្គម X ត្រូវបានប្រើដើម្បីជ្រៀតជ្រែកក្នុងនយោបាយបារាំង។

ហើយការស៊ើបអង្កេតនេះត្រូវបានពង្រីកជាបន្តបន្ទាប់ ដើម្បីរួមបញ្ចូលការចោទប្រកាន់ថា chatbot AI របស់បណ្តាញសង្គម X គឺកម្មវិធី Grok បានផ្សព្វផ្សាយព័ត៌មានជ្រុលហួសហេតុ វីដេអូក្លែងក្លាយ និងអាសអាភាស។

គួររំឮកផងដែរ រដ្ឋអាជ្ញាបារាំងបានឆ្មក់ចូលការិយាល័យរបស់បណ្តាញសង្គម X នៅទីក្រុងប៉ារីស កាលពីខែកុម្ភៈ ដែលជាសកម្មភាពមួយ ត្រូវបានក្រុមហ៊ុនប្រព័ន្ធផ្សព្វផ្សាយសង្គមយក្សអាមេរិកមួនេះ បានថ្កោលទោសថាជាការឆ្មក់ចូលដោយមានហេតុផលនយោបាយ និងការរំលោភបំពានអំណាចតុលាការ៕​

The post បារាំង កោះហៅមហាសេដ្ឋី Elon Musk ទៅបំភ្លឺពាក់ព័ន្ធនឹងបណ្តាញសង្គម X appeared first on .

កប៉ាល់ Kribi ដែលមានទង់ជាតិម៉ាល់តា និងជាកម្មសិទ្ធិរបស់ក្រុមហ៊ុនដឹកជញ្ជូនបារាំង CMA CGM បានឆ្លងកាត់តាមច្រកសមុទ្រ Hormuz ដើម្បីចាកចេញពីតំបន់ឈូងសមុទ្រ កាលពីរសៀលថ្ងៃទី២ ខែមេសា។ វាជារឿងដ៏គួរឲ្យភ្ញាក់ផ្អើលមួយ ដោយសារតែច្រកសមុទ្រដ៏សំខាន់នេះ ត្រូវបានរារាំងស្ទើរតែទាំងស្រុងដោយអ៊ីរ៉ង់ គិតចាប់តាំងពីជម្លោះនៅមជ្ឈិមបូព៌ាបានផ្ទុះឡើង។

គួរឲ្យដឹងថា នេះហាក់ជាលើកដំបូងហើយដែលកប៉ាល់មួយគ្រឿងមកពីក្រុមហ៊ុនដឹកជញ្ជូននៅអឺរ៉ុប បានឆ្លងកាត់ច្រកសមុទ្រ Hormuz គិតចាប់តាំងពីថ្ងៃទី១ ខែមីនា នៅពេលដែលអ៊ីរ៉ង់បានចាប់ផ្តើមការវាយប្រហារទៅលើកប៉ាល់ណាមួយដែលឆ្លងកាត់តាមច្រកសមុទ្រនេះ ដើម្បីសងសឹកទៅលើសហរដ្ឋអាមេរិក-អ៊ីស្រាអែលមក។

យ៉ាងណាមិញ ទិន្នន័យដឹកជញ្ជូនតាមសមុទ្របង្ហាញទៀតថា កប៉ាល់នេះបានធ្វើដំណើរឆ្លងកាត់ផ្លូវថ្មីមួយនៅក្នុងដែនទឹកអ៊ីរ៉ង់។ ផ្លូវនេះត្រូវបានអនុម័តដោយអ៊ីរ៉ង់ ហើយត្រូវបានគេដាក់រហស្សនាមថា “ស្ថានីយគិតថ្លៃរបស់ទីក្រុងតេអេរ៉ង់”។

ជម្រាបជូនថា យ៉ាងហោចណាស់មានកប៉ាល់ពីរគ្រឿងបានបង់ប្រាក់ដើម្បីប្រើប្រាស់ច្រករបៀងជុំវិញកោះ Larak ដែលមានទីតាំងនៅជិតឆ្នេរសមុទ្រអ៊ីរ៉ង់។ នេះបើតាមរបាយការណ៍ចេញផ្សាយដោយក្រុមហ៊ុនវិភាគ Lloyd’s List៕​

The post កប៉ាល់ដឹកទំនិញរបស់បារាំងឆ្លងកាត់ច្រកសមុទ្រ Hormuz ដោយសុវត្ថិភាព appeared first on .

រដ្ឋអាជ្ញាបារាំងនៅថ្ងៃទី៣ ខែកុម្ភៈ បានឆ្មក់ចូលការិយាល័យបណ្តាញសង្គម X ដែលគ្រប់គ្រងដោយមហាសេដ្ឋី Elon Musk ក្នុងការស៊ើបអង្កេតដែលត្រូវបានបានចាប់ផ្តើមតាំងពីនៅក្នុងខែមករា ឆ្នាំ២០២៥ មកម្លេះ ទៅលើការចោទប្រកាន់ថា វេទិកានេះត្រូវបានប្រើប្រាស់ដើម្បីជ្រៀតជ្រែកក្នុងនយោបាយបារាំង។

យ៉ាងណាមិញជុំវិញកិច្ចខិតខំប្រឹងប្រែងនេះ ត្រូវបានពង្រីកបន្ថែមទៀត ដើម្បីបើកការស៊ើបអង្កេត ទៅលើកម្មវិធី AI Grok របស់មហាសេដ្ឋី Elon Musk ផងដែរ ក្រោមការចោទប្រកាន់ថាកម្មវិធីនេះ បានបង្កើតជារូបភាពអាសអាភាស deepfake ជាច្រើន។

មិនតែប៉ុណ្ណោះ ពាក់ព័ន្ធនឹងការស៊ើបអង្កេតនេះ ការិយាល័យរដ្ឋអាជ្ញាសាធារណៈទីក្រុងប៉ារីស ក៏បានចេញដីកាកោះហៅលោក Musk និងលោកស្រី Linda Yaccarino ដែលជាអតីតនាយប្រតិបត្តិក្រុមហ៊ុន X សម្រាប់ការចូលមកបំភ្លឺ នៅថ្ងៃទី២០ ខែមេសា នៅទីក្រុងប៉ារីស។

ប៉ុន្តែទោះជាយ៉ាងណាក៏ដោយ នាយកដ្ឋានទំនាក់ទំនងរដ្ឋាភិបាល របស់ក្រុមហ៊ុនបណ្តាញសង្គម X បានរិះគន់ធ្ងន់ៗ ចំពោះការបង្ហាញព័ត៌មានជាសាធារណៈរបស់ការិយាល័យរដ្ឋអាជ្ញាសាធារណៈទីក្រុងប៉ារីសអំពីការឆ្មក់ចូលនេះ ដោយហៅវាថាជាការរំលោភអំណាច និងអនុវត្តគោលដៅនយោបាយខុសច្បាប់៕​

The post បារាំង ហៅមហាសេដ្ឋី Elon Musk មកបំភ្លឺ ក្រោយចូលឆែកឆេរការិយាល័យបណ្តាញសង្គម X appeared first on .

ក្នុងអំឡុងពេលកិច្ចប្រជុំមួយ កាលពីថ្ងៃទី១៩ ខែមករា នៅទីក្រុង Miami រដ្ឋ Florida លោក ត្រាំ ត្រូវបានអ្នកយកព័ត៌មានសួរអំពីសេចក្តីថ្លែងការណ៍របស់ប្រធានាធិបតីបារាំង Emmanuel Macron ថាលោកនឹងមិនចូលរួមក្នុងគំនិតផ្តួចផ្តើមក្រុមប្រឹក្សាសន្តិភាពរបស់លោក ត្រាំ ដែលមានគោលបំណងដោះស្រាយជម្លោះនៅជុំវិញពិភពលោកនោះឡើយ។

ជុំវិញបញ្ហានេះ លោក ត្រាំ បានឆ្លើយថា ៖”តើគាត់បាននិយាយបែបនោះមែនទេ? គ្មាននរណាម្នាក់ចង់ឱ្យគាត់ពាក់ព័ន្ធលើរឿងនេះទេ ព្រោះគាត់នឹងចាកចេញពីតំណែងឆាប់ៗនេះ។ ហើយប្រសិនបើគាត់នៅតែរ៉ឹងរូសខ្លាំង ខ្ញុំនឹងដាក់ពន្ធ ២០០% លើស្រាក្រហម និងស្រាសំប៉ាញរបស់បារាំង”។

យ៉ាងណាមិញ​ បន្ទាប់ពីមានសេចក្តីថ្លែងការណ៍របស់លោក ត្រាំ បែបនេះ សារព័ត៌មាន AFP បានដកស្រង់សម្តីរបស់មន្រ្តីម្នាក់ដែលជិតស្និទ្ធទៅនឹងលោក ​Macron ដោយបាននិយាយថា ការគំរាមកំហែងនៃការយកពន្ធគយ ២០០% នេះ គឺជារឿងមិនអាចទទួលយកបាន និងគ្មានប្រសិទ្ធភាពនោះឡើយ។

ជម្រាបជូនផងដែរថា ប្រធានាធិបតី លោក ត្រាំ បានលើកឡើងពីគំនិតនៃការបង្កើតក្រុមប្រឹក្សាសន្តិភាពមួយ នៅពេលប្រកាសផែនការរបស់លោកដើម្បីបញ្ចប់ជម្លោះនៅតំបន់ហ្គាហ្សាស្ទ្រីប ក្នុងខែកញ្ញា ឆ្នាំ២០២៥។ ក្នុងនោះប្រធានាធិបតីអាមេរិក បានពិពណ៌នាថាវាជាក្រុមប្រឹក្សាដ៏អស្ចារ្យ និងមានកិត្យានុភាពបំផុតដែលមិនធ្លាប់មាន។ ហើយការអញ្ជើញឱ្យចូលរួមនៅក្នុងក្រុមប្រឹក្សានេះ ត្រូវបានផ្ញើទៅកាន់ប្រទេសប្រហែល ៦០៕​

The post លោក ត្រាំ​ ដាក់សម្ពាធឲ្យបារាំងចូលរួមជាមួយក្រុមប្រឹក្សាសន្តិភាព បើមិនចង់រងពន្ធ ២០០% លើស្រា appeared first on .

លោក Macron បាននិយាយប្រាប់ទៅកាន់អ្នកយកព័ត៌មាន បន្ទាប់ពីដំណើរទស្សនកិច្ចរយៈពេលបីថ្ងៃទៅកាន់ប្រទេសចិនថា៖”​ ខ្ញុំបានព្យាយាមពន្យល់ដល់ចិនថា អតិរេកពាណិជ្ជកម្មរបស់ពួកគេមិនអាចមាននិរន្តរភាពបានទេ ពីព្រោះពួកគេកំពុងសម្លាប់អតិថិជនរបស់ពួកគេហើយ ជាពិសេសនៅពេលដែលប្រទេសចិនស្ទើតែនាំចូលទំនិញពីយើងទាំងស្រុងហើយនោះ។​​ ខ្ញុំធ្លាប់បាននិយាយថា ប្រសិនបើពួកគេមិនឆ្លើយតប អឺរ៉ុបនឹងត្រូវចាត់វិធានការយ៉ាងម៉ឺងម៉ាត់ ក្នុងរយៈពេលប៉ុន្មានខែខាងមុខនេះ”។

មិនតែប៉ុណ្ណោះ ប្រធានាធិបតីបារាំងរូបនេះ បានសង្កត់ធ្ងន់ទៀតថា វិធានការបែបនេះអាចនឹងត្រូវធ្វើឡើងបន្តលើជំហានដែលសហរដ្ឋអាមេរិកបានអនុវត្តរួចហើយ ដូចជាការដាក់ពន្ធគយខ្ពស់លើផលិតផលចិនជាដើម។

គួរឲ្យដឹងថា ឱនភាពពាណិជ្ជកម្មរបស់សហភាពអឺរ៉ុប (EU) ក្នុងទំនិញជាមួយប្រទេសចិន ដែលជាសេដ្ឋកិច្ចធំទីពីររបស់ពិភពលោក បានកើនឡើងជិត ៦០% ចាប់តាំងពីឆ្នាំ២០១៩ មក។ ឱនភាពនេះត្រូវបានគេរំពឹងថានឹងលើសពី ៣០០ពាន់លានអឺរ៉ូ (៣៥០ពាន់លានដុល្លារ) នៅឆ្នាំ២០២៤ ។ នេះបើយោងទិន្នន័យទទួលបានពី Les Echos។

ជម្រាបជូនថា លោក Macron ដែលជាមេដឹកនាំនៃប្រទេសដែលមានសេដ្ឋកិច្ចធំទីពីររបស់សហភាពអឺរ៉ុប បន្ទាប់ពីអាល្លឺម៉ង់ បានទទួលស្គាល់ថាវានឹងពិបាកក្នុងការឈានដល់ការឯកភាពគ្នាទូទាំងប្លុក លើការដាក់ពន្ធប្រឆាំងនឹងប្រទេសចិន ព្រោះថារហូតមដល់ពេលនេះ សមាជិកមួយចំនួនមិនទាន់មានការឯកភាពគ្នានៅឡើយទេ៕​

The post ប្រធានាធិបតីបារាំង ព្រមានថាសហភាពអឺរ៉ុប អាចនឹងដំឡើងពន្ធគយខ្ពស់ទៅលើប្រទេសចិន appeared first on .

​រដ្ឋអាជ្ញាទីក្រុងប៉ារីស លោក Laure Beccuau បាននិយាយកាលពីថ្ងៃទី២១ ខែតុលាថា ៖”​អ្នកថែរក្សាសារមន្ទីរ Louvre បានប៉ាន់ប្រមាណថាមានការខាតបង់រហូតដល់ទៅ ៨៨លានអឺរ៉ូ (ប្រហែល ១០២លានដុល្លារ)។ តែទោះជាយ៉ាងណា វាមិនត្រឹមតែខាតបង់ត្រឹមប្រាក់ប៉ុណ្ណោះទេ ប៉ុន្តែវាជាការខាតបង់នៃសម្បត្តិបេតិកភណ្ឌប្រវត្តិសាស្ត្ររបស់ប្រទេសបារាំងដែលមិនអាចកាត់ថ្លៃបាន”។

យ៉ាងណាមិញ ក្រុមអ្នកស៊ើបអង្កេតកំពុងតាមប្រមាញ់ជនល្មើសនៃអំពើចោរកម្ម កាលពីថ្ងៃទី២១ ខែតុលា ដែលពួកគេជឿជាក់ថាជាក្រុមឧក្រិដ្ឋកម្មដែលបានប្រើប្រាស់ឡានដឹកទំនិញដើម្បីទម្លុះចូលទៅក្នុងសារមន្ទីរ Louvre ហើយបានគាស់លួចយកវត្ថុមានតម្លៃជាច្រើន។

ជម្រាបជូនថា ក្នុង​ចំណោម​គ្រឿងអលង្ការ​ដែល​ក្រុមចោរ​បាន​យកទៅ​នោះរួម​មាន​ខ្សែក​ត្បូងមរកត និង​ត្បូង​ពេជ្រ​ដែល​អធិរាជ​ណាប៉ូឡេអុង​ប្រគល់​ឱ្យ​ភរិយា​របស់​ទ្រង់ Marie-Louise និង​ខ្សែក​របស់​អធិរាជ Eugenie ដែល​មាន​ពេជ្រ​ជិត ២០០០ គ្រាប់៕​

The post សារមន្ទីរ Louvre ប្រទេសបារាំង បាត់គ្រឿងអលង្ការតម្លៃជាង ១០០លានដុល្លារ ដោយសារចោរលួច appeared first on .

ដោយធ្វើការអត្ថធិប្បាយមួយកាលពីថ្ងៃទី១៣ ខែតុលា លោក Macron បានលើកឡើងថា៖”​ ខ្ញុំមានក្តីអាណត្តិពីប្រជាជនក្នុងការបម្រើប្រទេស ដើម្បីស្វែងរកដំណោះស្រាយ ចំពោះកង្វល់របស់ប្រជាជន និងធ្វើអ្វីៗគ្រប់បែបយ៉ាង នៅក្នុងអំណាចរបស់ខ្ញុំដើម្បីឯករាជ្យភាព។ នោះគឺជារឿងតែមួយគត់ដែលសំខាន់បំផុតសម្រាប់ខ្ញុំនៅពេលនេះ។ ខ្ញុំនឹងធានាឲ្យមានស្ថិរភាពសម្រាប់ប្រទេស។ ហើយនៅសេសសល់ពីនោះ គឺជាការងាររបស់រដ្ឋាភិបាល”។

គួរឲ្យដឹងផងដែរថា នយោបាយរបស់ប្រទេសបារាំង បានស្ថិតនៅក្នុងវិបត្តិដ៏ជ្រៅបំផុត ក្នុងរយៈពេលជាច្រើនទសវត្ស ដោយនាយករដ្ឋមន្ត្រីចំនួន ៥រូបមកហើយ ត្រូវបានតែងតាំងនៅក្នុងរយៈពេលតិចជាពីរឆ្នាំកន្លងមកនេះ។ កាលពីថ្ងៃទី១០ លោក Macron បានសម្រេចតែងតាំងលោក Sebastien Lecornu ជានាយករដ្ឋមន្ត្រីជាថ្មីម្តងទៀត ពោលគឺត្រឹមតែបួនថ្ងៃប៉ុណ្ណោះ បន្ទាប់ពីលោក Lecornu បានប្រកាសលាលែងពីតំណែង បន្ទាប់ពីជួរគណៈរដ្ឋមន្ត្រីថ្មីរបស់លោកត្រូវបានគេរិះគន់យ៉ាងខ្លាំង។

យ៉ាងណាមិញ ទាំងគណបក្សប្រឆាំងស្តាំនិយម និងឆ្វេងនិយម ក៏ដូចជាអតីតសម្ព័ន្ធមិត្តមួយចំនួនរបស់ប្រធានាធិបតីបារាំងបានអំពាវនាវម្តងហើយម្តងទៀតឱ្យលោក Macron លាលែងពីតំណែងក្នុងរយៈពេលប៉ុន្មានថ្ងៃថ្មីៗនេះ ទោះបីជាអាណត្តិបច្ចុប្បន្នរបស់លោក មានរយៈពេលរហូតដល់ឆ្នាំ២០២៧ ក៏ដោយ។​

ប៉ុន្តែទោះជាយ៉ាងណាក៏ដយ ដោយថ្លែងនៅក្នុងប្រទេសអេហ្ស៊ីប លោក Macron បានបន្តច្រានចោលលទ្ធភាពនៃការរំលាយសភា និងរៀបចំការបោះឆ្នោតទូទៅមុនកាលកំណត់ ដោយលោកបញ្ជាក់ថា លោក មិនចង់លេងល្បែងនយោបាយ និងចង់ឱ្យប្រទេសជាតិរីកចម្រើន៕​

The post លោក Macron បញ្ជាក់ច្បាស់ៗថា នឹងមិនចុះចេញពីតំណែងប្រធានាធិបតីបារាំងឡើយ appeared first on .

យោងតាមបញ្ជីគណៈរដ្ឋមន្ត្រីដែលចេញផ្សាយដោយការិយាល័យប្រធានាធិបតីបារាំង នៅថ្ងៃទី១២ ខែតុលា បានបង្ហាញថា លោក Jean-Noel Barrot នឹងនៅតែជារដ្ឋមន្ត្រីការបរទេសដដែល ខណៈពេលដែលរដ្ឋមន្ត្រីការងារលោកស្រី Catherine Vautrin នឹងប្តូរទៅកាន់តួនាទីដឹកនាំក្រសួងការពារជាតិ វិញ។

ជាមួយគ្នានេះ លោក Roland Lescure ដែលជាអ្នកស្មោះត្រង់ចំពោះលោក Macron នឹងក្លាយជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ជាមួយនឹងអាទិភាពកំពូលគឺការអនុម័តថវិកាជាតិ នៅឆ្នាំក្រោយ។

ដោយឡែក មេប៉ូលិសក្រុងប៉ារីស លោក Laurent Nunez នឹងត្រូវចូលកាន់តំណែងជារដ្ឋមន្ត្រីក្រសួងមហាផ្ទៃ ជំនួសលផល Bruno Retailleau ដែលមកពីគណបក្សសាធារណរដ្ឋស្តាំនិយម បន្ទាប់ពីគណបក្សនេះបានប្រកាសថាខ្លួននឹងមិនចូលរួមក្នុងរដ្ឋាភិបាលថ្មីឡើយ។ លោក Monique Barbut អតីតនាយកមូលនិធិសត្វព្រៃពិភពលោក (WWF) នៅប្រទេសបារាំង នឹងក្លាយជារដ្ឋមន្ត្រីក្រសួងបរិស្ថាន។

ទន្ទឹមនឹងនេះ​ លោក Gerald Darmanin នឹងនៅតែជារដ្ឋមន្ត្រីក្រសួងយុត្តិធម៌ ខណៈរដ្ឋមន្ត្រីក្រសួងវប្បធម៌ លោកស្រី Rachida Dati ដែលនឹងត្រូវកាត់ទោសនៅឆ្នាំក្រោយ ពីបទពុករលួយ នឹងនៅតែស្ថិតក្នុងតំណែងរបស់លោកស្រីដដែល ផងដែរ។

គួរឲ្យដឹងថា ជួររដ្ឋាភិបាលថ្មីរបស់បារាំង នឹងត្រូវបង្ហាញសេចក្តីព្រាងថវិកាឆ្នាំ២០២៦ របស់ខ្លួន នៅត្រឹមថ្ងៃទី១៤ ខែតុលា ដែលជាថ្ងៃផុតកំណត់ ដើម្បីធានាដល់ការត្រួតនិនិត្យផែនការមុនដំណាច់ឆ្នាំ។

ជម្រាបជូនផងដែរថា ជុំវិញការតែងតាំងរដ្ឋាភិបាលថ្មី បានកើនឡើង បន្ទាប់ពីលោក Macron បានសម្រេចជ្រើសតាំងលោក Lecornu ឲ្យក្លាយជានាយករដ្ឋមន្ត្រីជាថ្មីម្តងទៀត បន្ទាប់ពីការលាលែងពីតំណែងបានត្រឹមតែប៉ុន្មានថ្ងៃ​៕​

The post ទីបំផុត បារាំង ប្រកាសសមាសភាពជួររដ្ឋាភិបាលថ្មី ចំពេលប្រទេសធ្លាក់ចូលក្នុងវិបត្តិ appeared first on .

យោងតាមវិមាន Elysee បាននិយាយថា ៖” ប្រធានាធិបតី លោក Macron កាលពីថ្ងៃទី១០ ខែតុលា បានតែងតាំងលោក Lecornu ជានាយករដ្ឋមន្ត្រីនៃប្រទេសបារាំង និងបានប្រគល់ភារកិច្ចឲ្យលោកបង្កើតជួររដ្ឋាភិបាលថ្មីៗផងដែរ”។

យ៉ាងណាមិញក្រោយការប្រទេសនេះ លោក Lecornu ក៏បានចេញសារមួយនៅលើបណ្តាញសង្គម X ដោយសន្យាថានឹងធ្វើអ្វីៗគ្រប់បែបយ៉ាងដើម្បីជួយប្រទេសបារាំង ឲ្យឆ្លងកាត់ការអនុម័តកញ្ចប់ថវិកាមុនដំណាច់ឆ្នាំ ដោយបញ្ជាក់ទៀតថា ការស្តារហិរញ្ញវត្ថុសាធារណៈ នឹងនៅតែជាអាទិភាពកំពូលសម្រាប់អនាគតរបស់ប្រទេស។

គួរឲ្យដឹងផងដែរថា​ លោក Lecornu ត្រូវបានតែងតាំងជានាយករដ្ឋមន្ត្រីបារាំងម្តងហើយ ដោយប្រធានាធិបតី Macron កាលពីថ្ងៃទី៩ ខែកញ្ញា។ ប៉ុន្តែដោយសារតែមានការតវ៉ា និងស្ថិតនៅក្រោមសម្ពាធខ្លាំង បានបង្ខំឲ្យបុរសវ័យ ៣៩ឆ្នាំរូបនេះ​សម្រេចដាក់លិខិតលាលែងពីតំណែងវិញ​ ។

ជម្រាបជូនថា នយោបាយបារាំងកាន់តែមិនស្ថិតស្ថេរ ចាប់តាំងពីលោក Macron ត្រូវបានជាប់ឆ្នោតជាថ្មីនៅឆ្នាំ២០២២ ដោយមិនមានគណបក្ស ឬក្រុមចម្រុះកាន់កាប់សំឡេងភាគច្រើននៅក្នុងសភានោះឡើយ។ លោក Macron បាន​កោះហៅឲ្យមានការឆ្នោត​សភា​មុនកាលកំណត់ ​កាល​ពី​ឆ្នាំ​មុន ដោយបានបង្ក​ធ្វើ​ឲ្យមាន​វិបត្តិ​កាន់នយោបាន​តែ​ផុងជ្រៅ៕​

The post បារាំង សម្រេចតែងតាំងលោក Lecornu ជានាយករដ្ឋមន្ត្រីជាថ្មីម្តងទៀត appeared first on .

ការិយាល័យប្រធានាធិបតីបារាំង បាននិយាយនៅក្នុងសេចក្តីថ្លែងការណ៍មួយកាលពីថ្ងៃទី៨ ខែតុលាថា ៖”​ សមាជិកសភាភាគច្រើនជំទាស់ទៅនឹងការរំលាយសភា។ យើងនៅតែមានផ្លូវដែលអាចធ្វើទៅបាន ដើម្បីឈានដល់ការអនុម័តថវិកាជាតិ នៅមុនថ្ងៃទី៣១ ខែធ្នូ។ ដូច្នេះហើយ លោកប្រធានាធិបតី នឹងតែងតាំងនាយករដ្ឋមន្ត្រីថ្មី ក្នុងរយៈពេល ៤៨ម៉ោងបន្ទាប់”។

គួរឲ្យដឹងផងដែរថា លោក Lecornu ដែលត្រូវបានតែងតាំងដោយលោក Macron កាលពីខែមុន បានសម្រេចលាលែងចេញពីតំណែងរបស់ខ្លួនវិញ នៅថ្ងៃទី៦ ខែតុលា ពោលគឺនៅត្រឹមតែប៉ុន្មានម៉ោងប៉ុណ្ណោះ បន្ទាប់ពិគណៈរដ្ឋមន្ត្រីថ្មីត្រូវបានប្រកាស។

លោក Lecronu គឺជាយករដ្ឋមន្ត្រីទី៥ ហើយដែលត្រូវបានតែងតាំងដោយប្រធានាធិបតីលោក Macron ក្នុងរយៈពេលតិចជាង ២ឆ្នាំមកនេះ។ ហើយបន្ទាប់ពីការចុះចេញពីតំណែងនេះ​លោក Macron បានស្នើឱ្យលោក Lecornu ជំរុញឱ្យមានការចរចារហូតដល់ថ្ងៃទី៨ ខែតុលា ដើម្បីស្វែងរកដំណោះស្រាយចំពោះវិបត្តិនាពេលបច្ចុប្បន្ន។

ទន្ទឹមនឹងនេះ លោក Lecornu មិន​បាន​បញ្ជាក់​ថា​នរណា​នឹង​ក្លាយ​ជា​នាយក​រដ្ឋមន្ត្រី​បន្ទាប់​របស់​បារាំង​ទេ ដោយ​គ្រាន់​តែ​បញ្ជាក់​ថា​ការងារ​របស់​លោក​ត្រូវ​បាន​ធ្វើ​រួចរាល់ហើយ ដោយឡែកសម្រាប់​ការ​សម្រេច​ចិត្ត​គឺជា​របស់​ប្រធានាធិបតី លោក Macron។ ហើយសេចក្តីថ្លែងការណ៍របស់វិមាន Elysee ក៏មិនបានលើកឡើងថាអ្នកណាអាចជាអ្នកស្នងតំណែងរបស់លោក Lecornu ផងដែរ៕​

The post លោក Macron គ្រោងតែងតាំងនាយករដ្ឋមន្ត្រីបារាំងទី៦ ក្នុងរយៈពេលតិចជាង ២ឆ្នាំ appeared first on .