ធនាគារពិភពលោក បាននិយាយនៅក្នុងសេចក្តីថ្លែងការណ៍មួយថា ខ្លួននឹងផ្តល់ប្រាក់កម្ចីចំនួន ៥០០លានដុល្លារ សម្រាប់គម្រោងហេដ្ឋារចនាសម្ព័ន្ធសាលារៀន។ គម្រោងនេះនឹងគាំទ្រដល់ការកសាងសាលារៀនឡើងវិញ នៅក្នុងតំបន់ដែលរងគ្រោះដោយសារការរញ្ជួយដី និងខ្យល់ព្យុះទីហ្វុង នាពេលថ្មីៗនេះ។

លោក Ndiame Diop នាយកធនាគារពិភពលោកប្រចាំប្រទេសព្រុយណេ ម៉ាឡេស៊ី ហ្វីលីពីន និងថៃ បាននិយាយថា ការអប់រំ គឺជាផ្នែកសំខាន់នៃការអភិវឌ្ឍធនធានមនុស្ស ហើយតាមរយៈការកែលម្អបរិយាកាសសិក្សា និងធ្វើឲ្យសាលារៀនមានសុវត្ថិភាព កុមារនឹងកាន់តែចង់មករៀន ជាមួយនឹងការអនុវត្តការសិក្សាកាន់តែល្អប្រសើរ និងបញ្ចប់ការសិក្សារបស់ពួកគេ។

ទន្ទឹមនឹងនេះ សម្រាប់ប្រាក់កម្ចីចំនួន ៧៥០លានដុល្លារផ្សេងទៀត នឹងត្រូវផ្តល់ជាកញ្ចប់ហិរញ្ញប្បទានដល់ប្រទេសហ្វីលីពីន ដើម្បីគាំទ្រដល់កំណែទម្រង់ដើម្បីបង្កើនការវិនិយោគក្នុងវិស័យសេវាកម្មសាធារណៈ ទាក់ទាញការវិនិយោគឯកជនក្នុងហេដ្ឋារចនាសម្ព័ន្ធសាធារណៈ ជាពិសេសការដឹកជញ្ជូនក្នុងស្រុក លើកកម្ពស់ថាមពលកកើតឡើងវិញ ការពារបរិស្ថាន និងកែលម្អភាពធន់ទៅនឹងអាកាសធាតុ ផងដែរ៕

The post ធនាគារពិភពលោក អនុម័តប្រាក់កម្ចីបន្ថែមជាង ១ពាន់លានដុល្លារ ដល់ប្រទេសហ្វីលីពីន appeared first on .

លោក Chang Won-sam ជាប្រធានស្ថាប័ន KOICA ដែលគ្រប់គ្រងទៅលើគម្រោងផ្តល់ជំនួយ ស្ថិតក្រោមរដ្ឋាភិបាលកូរ៉េខាងត្បូង បានប្រាប់ទៅកាន់ឧបនាយករដ្ឋមន្ត្រីវៀតណាម លោក Tran Luu Quang កាលពីពេលថ្មីៗនេះថា រដ្ឋាភិបាលកូរ៉េខាងត្បូង និងទីភ្នាក់ងារសហប្រតិបត្តិការអន្តរជាតិកូរ៉េ នៅតែបន្តវាយតម្លៃខ្ពស់ចំពោះវៀតណាម ក្នុងការផ្តល់ជំនួយជាប្រាក់កម្ចីបន្ថែមទៀត។

រំលឹកផងដែរថា នៅខែមិថុនា ឆ្នាំ២០២៣ កន្លងទៅ​ ប្រធានាធិបតីកូរ៉េខាងត្បូង លោក Yoon Suk-yeol បានធ្វើការសន្យាថានឹងអនុញ្ញាតឲ្យវៀតណាម ខ្ចីប្រាក់ចំនួន ២០០លានដុល្លារ នៅក្នុងកិច្ចព្រមព្រៀងជា ODA ចន្លោះពីឆ្នាំ២០២៤ ដល់ឆ្នាំ២០២៧ ដើម្បីផ្តោតទៅលើវិស័យបរិស្ថាន សេវាថែទាំសុខភាព ការអប់រំ និងការផ្លាស់ប្តូរឌីជីថល។

ទន្ទឹមនឹងនេះ ឧបនាយករដ្ឋមន្ត្រីវៀតណាម លោក Quang បានបង្ហាញឲ្យដឹងទៀតថា កន្លងមក កូរ៉េខាងត្បូងបាននិងកំពុងផ្តល់ប្រាក់កម្ចីជាច្រើនដល់វៀតណាម ប្រកបដោយប្រសិទ្ធភាព និងលឿនបំផុត ខណ:ពេលដែលរដ្ឋាភិបាលវៀតណាម ក៏កំពុងព្យាយាមជំរុញឲ្យកូរ៉េខាងត្បូង បង្កើនជំនួយបន្ថែមទៀត ជាពិសេសនៅក្នុងការផ្លាស់ប្តូរប្រព័ន្ធឌីជីថល និងការច្នៃប្រឌិតផ្សេងៗ។

ជម្រាបជូនផងដែរថា កូរ៉េខាងត្បូង បាននាំមុខគេលើការវិនិយោគផ្ទាល់ពីបរទេស របស់វៀតណាម ជាមួយនឹងដើមទុនចុះបញ្ជីសរុបដែលមានតម្លៃប្រាមណ ៨៦ពាន់លានដុល្លារ ខណ:ប្រទេសនេះ ក៏បានជាប់ចំណាត់ថ្នាក់ទីបី នៅក្នុងការធ្វើពាណិជ្ជកម្មទ្វេភាគីដែលមានចំនួន ៧៦ពាន់លានដុល្លារ កាលពីឆ្នាំមុន ផងដែរ៕

The post កូរ៉េខាងត្បូង គ្រោងបង្កើនប្រាក់កម្ចីដល់វៀតណាមជាង ៥០លានដុល្លារ នៅឆ្នាំនេះ appeared first on .

យោងតាមការចុះផ្សាយពីសារព័ត៌មាន CNA បានបង្ហាញឲ្យដឹងទៀតថា នៅឆ្នាំ២០៣០ ស្ថាប័នហិរញ្ញវត្ថុរបស់រដ្ឋចំនួន ៥ រួមទាំងធនាគារអភិវឌ្ឍកូរ៉េ ហៅកាត់ KDB នឹងផ្តល់ប្រាក់កម្ចីទាំងនោះ ដើម្បីលើកទឹកចិត្តដល់ក្រុមហ៊ុនក្នុងស្រុក ឲ្យងាកទៅរកការធ្វើផលិតកម្មដែលបំភាយឧស្ម័នកាបូនក្នុងកម្រិតទាប។

សេចក្តីថ្លែងការណ៍ដដែលនេះ បាននិយាយទៀតថា ផែនការបង្កើនការប្រយុទ្ធប្រឆាំងនឹងបម្រែបម្រួលអាកាសធាតុថ្មីនេះ ត្រូវបានដាក់បង្ហាញ នៅក្នុងកិច្ចប្រជុំរវាងមន្ត្រីរដ្ឋាភិបាល និងប្រធានធនាគារធំៗចំនួន ៥ របស់កូរ៉េខាងត្បូង។

ទន្ទឹមនឹងនេះ រដ្ឋាភិបាលកូរ៉េខាងត្បូង បានបន្ថែមទៀតថា KDB និងធនាគារធំៗផ្សេងទៀតរួមមាន Woori Bank និង Kookmin Bank ក៏នឹងបង្កើតមូលនិធិថ្មីមួយដែលមានតម្លៃ ៩ទ្រីលានវ៉ុន សម្រាប់ការសាងសង់រោងចក្រថាមពលបៃតងថ្មីៗ ផងដែរ៕

The post កូរ៉េខាងត្បូង ត្រៀមបញ្ចេញកម្ចីជាង ៣០០ពាន់លានដុល្លារ ដើម្បីកាត់បន្ថយការបញ្ចេញឧស្ម័នកាបូន appeared first on .

យោងតាមរយៈព្រឹត្តិបត្រវឌ្ឍនភាពនៃការធានាឥណទានប្រចាំខែរបស់ CGCC ដែលផ្សាយចេញនៅង្ងៃទី ១៨ ខែមីនា ឆ្នាំ២០២៤នេះ បានឱ្យដឹងថា បច្ចុប្បន្នភាពនៃទិន្នន័យការធានាឥណទានរបស់ CGCC គិតចាប់តាំងពីខែមេសា ឆ្នាំ២០២១ ដែល CGCC បានដាក់ឱ្យដំណើរការគម្រោងធានាឥណទានដំបូង រហូតដល់ថ្ងៃទី២៩ ខែកុម្ភៈ ឆ្នាំ២០២៤ គឺបានផ្តល់ការធានាឥណទានជូនដល់ ២០៧០ គណនី ក្នុងទំហំទឹកប្រាក់កម្ចីប្រហាក់ប្រហែល ១៧៤.៥៤ លានដុល្លារ។

ព្រឹត្តិបត្រដដែល បានបង្ហាញទៀតថា នោះសម្រាប់កម្ចីជាប្រាក់រៀល មានទំហំ​ឥណទាន​ដែល​មាន​ការ​ធានា​សរុប​ជាង ១២០.៥៨ លានដុល្លារ និង​ទំហំ​ការ​ធានា​ឥណទាន​មាន​ជិត ៨៦.៩៩ លានដុល្លារ។

ចំពោះ​ប្រភេទអាជីវកម្មដែលបានផ្តល់ជូន គិតត្រឹមរយៈពេលនេះដែរ សរុបមានចំនួនជាង ២ ពាន់​ក្រុមហ៊ុន​/សហគ្រាស ក្នុងនោះអាជីវកម្មដែលគ្រប់គ្រងដោយស្រ្តីមាន ៨៨១ សហគ្រាស និងមិន​គ្រប់​គ្រង​ដោយស្រ្តីមានជាង ១១៨៩ ក្រុមហ៊ុន/ សហគ្រាស ។ ចំណែកប្រភេទនៃការកម្ចីវិញ អាជីវកម្ម​ដែលមានការទ្រព្យធានាមានចំនួន ៧៧១ ក្រុមហ៊ុន/សហគ្រាស និងគ្មាន ទ្រព្យធានា មាន​ចំនួន ១ ២៩៩ ក្រុមហ៊ុន/សហគ្រាស។

គួររំលឹកថា សាជីវកម្មធានាឥណទានកម្ពុជា ត្រូវបានបង្កើតឡើង នៅចុងឆ្នាំ២០២០ ដើម្បីចូលរួមចំណែកជួយដល់អាជីវកម្ម រួមទាំងសហគ្រាសធុនតូច និងមធ្យម និងក្រុមហ៊ុនធំៗ ដើម្បីបង្កើនលទ្ធភាពទទួលបានប្រាក់កម្ចីផ្លូវការពីស្ថាប័នហិរញ្ញវត្ថុដែលចូលរួមសម្រាប់ដើមទុនធ្វើការ ការវិនិយោគ និងការពង្រីកអាជីវកម្មនៅកម្ពុជា៕ អត្ថបទ៖ រង្សី

The post ត្រឹមខែកុម្ភៈ ឆ្នាំនេះ៖ សាជីវកម្មធានាឥណទានកម្ពុជា បានធានាឥណទានដល់អាជីកម្មក្នុងស្រុក មានទឹកប្រាក់ជាង ១៧៤ លានដុល្លារ appeared first on .

ប្រធានាធិបតីឥណ្ឌូនេស៊ី លោក ចូកូ វីដូដូ កាលពីដើមខែនេះ បានប្រកាសដាក់ឱ្យដំណើរការផ្លូវដែកមានតម្លៃប្រមាណ ៧,៣ពាន់លានដុល្លារ ដែលតភ្ជាប់ពីរដ្ឋធាទីហ្សាកាតា ទៅកាន់ទីក្រុង Bandung ដោយគម្រោងនេះត្រូវបានសាងសង់ឡើង ដោយការសហការគ្នា រវាងក្រុមហ៊ុនរដ្ឋរបស់ឥណ្ឌូនេស៊ី និងក្រុមហ៊ុនរដ្ឋរបស់ចិន ហើយបានប្រើប្រាស់ថវិកាលើសផែនការចំនួន ១,២ពាន់លានដុល្លារ។

ទន្ទឹមនឹងនេះ លោក Kartika Wirjoatmodjo អនុរដ្ឋមន្ត្រីនៃក្រសួងសហគ្រាសរដ្ឋ បានថ្លែងប្រាប់អ្នកយកព័ត៌មាន នៅពេលត្រូវបានសួរអំពីស្ថានភាពប្រាក់កម្ចីនេះថា ៖ “សប្តាហ៍ក្រោយ ប្រាក់កម្ចីនេះគួរតែត្រូវបញ្ចប់ហើយ” ។

លោក Kartika បានបន្ថែមទៀត ការចុះហត្ថលេខាប្រាក់កម្ចីថ្មីនេះ អាចនឹងត្រូវធ្វើឡើងក្នុងអំឡុង​វេទិកា​ BRFនៅពេលដែលលោក​ វីដូដូ និងប្រធានាធិបតីចិន លោក ស៊ី​ ជិនពីង ត្រូវបានគេរំពឹងថានឹងសម្ពោធដាក់ឱ្យដំណើរការជាលក្ខណ:ពាណិជ្ជកម្ម សម្រាប់រថភ្លើងល្បឿនលឿននេះ តាមរយ:ប្រព័ន្ធអនឡាញ។

ជម្រាបជូនផងដែរថា ប្រាក់កម្ចីថ្មីនេះ គឺបន្ថែមពីលើប្រាក់កម្ចីចាស់ កាលពីឆ្នាំ ២០១៧ ដែលមានចំនួន ៤,៥៥ពាន់លានដុល្លារ ដែលត្រូវបានធនាគារអភិវឌ្ឍចិន អនុម័តសម្រាប់ក្រុមហ៊ុនសាងសង់ផ្លូវដែកនេះ។ ប្រាក់កម្ចីចាស់នោះ គឺមានសុពលភាពរយៈពេល ៤០ ឆ្នាំ ជាមួយនឹងរយៈពេលអនុគ្រោះរយៈពេល ១០ ឆ្នាំ និងអត្រាការប្រាក់ ២% ក្នុងមួយឆ្នាំ៕

The post ឥណ្ឌូនេស៊ី នឹងបញ្ចប់ការចុះហត្ថលេខាលើកម្ចីផ្លូវដែកជិត ៦០០លានដុល្លារពីចិន នៅសប្តាហ៍ក្រោយ appeared first on .

ប្រភពដែលបានដឹងអំពីផែនការនេះ បាននិយាយថា ថវិកាជាង ៧០០ពាន់លានបាត នៃកម្ចីសរុប នេះនឹងត្រូវផ្តល់ជាហិរញ្ញប្បទានដល់ឱនភាពថវិកា ខណ:ប្រហែល ១,៧ទ្រីលានបាត ផ្សេងទៀត ត្រូវបានកំណត់សម្រាប់ផ្តល់ហិរញ្ញប្បទានឡើងវិញ និងដើម្បីរៀបចំរចនាសម្ព័ន្ធបំណុល ដែលមានស្រាប់ផងដែរ ។

ប្រភពដដែល បាននិយាយទៀតថា ប្រហែលពាក់កណ្តាលនៃការស្វែងរកមូលនិធិនេះ នឹងត្រូវធ្វើឡើងតាមរយ:ការលក់មូលបត្របំណុលរដ្ឋាភិបាល ខណ:ចំនួនកម្ចីដែលនៅសេសសល់ នឹងត្រូវបានផ្តល់ជាហិរញ្ញប្បទានតាមរយ:វិក្កយបត្ររតនាគារ ប័ណ្ណសន្សំ ការប្តូរសញ្ញាប័ណ្ណ និងលិខិតសន្យា ។

ទន្ទឹមនឹងនេះ អាជ្ញាធរ ក៏គ្រោងនឹងលក់រហូតដល់ ២៧២ពាន់លានបាត នៃមូលបត្របំណុលរដ្ឋាភិបាល ក្នុងអំឡុងខែតុលា ដល់ខែធ្នូ ផងដែរ។ ហើយ​នៅពេលសួរអំពីផែនការនេះ ការិយាល័យគ្រប់គ្រងបំណុលសាធារណៈរបស់ក្រសួងហិរញ្ញវត្ថុថៃ មិនបានផ្តល់ព័ត៌មានលម្អិតណាមួយនោះឡើយ ប៉ុន្តែបាននិយាយថាកាលវិភាគប្រចាំត្រីមាស សម្រាប់ការដេញថ្លៃមូលបត្របំណុល នឹងត្រូវចេញផ្សាយនៅសប្តាហ៍ក្រោយ។

ជម្រាបជូនផងដែរថា ចំពោះផែនការលក់មូលបត្របំណុលនេះ បានកើតឡើង នៅពេលដែលរដ្ឋាភិបាលថ្មី ដែលដឹកនាំដោយគណបក្សភឿថៃ បានលើកឡើងពីគោលនយោបាយថ្មីៗ ដើម្បីជំរុញសេដ្ឋកិច្ចដែលធ្លាក់ចុះ ដោយសារតម្រូវការ​ទុន​សម្រាប់ការនាំចេញ និងទំនុកចិត្តវិនិយោគិនដែលមានកម្រិតទាប៕

The post ថៃ គ្រោងខ្ចីលុយជាង ៦៦ពាន់លានដុល្លារ សម្រាប់ឆ្នាំសារពើពន្ធ ២០២៤ appeared first on .

យោងតាមការចុះផ្សាយពីសារព័ត៌មាន Reuters បានបង្ហាញឱ្យដឹងទៀតថា ការផ្តល់ប្រាក់កម្ចីនេះ នឹងធ្វើឡើងនៅក្រោមកម្មវិធីមួយហៅថា កម្ចីប្រតិបត្តិការគោលនយោបាយអភិវឌ្ឍ (DPO) ដើម្បីជាការជួយដល់ប្រទេសកេនយ៉ា ក្នុងការបង្កើតកំណែទម្រង់ថ្មី សម្រាប់ការបង្កើតលំហសារពើពន្ធ និងធ្វើឱ្យប្រសើឡើងនូវការប្រកួតប្រជែងផ្នែកកសិកម្ម ក៏ដូចជាការកែលម្អផ្នែកអភិបាលកិច្ច ផងដែរ ។

លោក Aghassi Mkrtchyan ដែលជាសេដ្ឋវិទូជាន់ខ្ពស់របស់ធនាគារពិភពលោក ប្រចាំនៅកេនយ៉ា បាននិយាយថា ៖ ” កំណែទម្រង់របស់រដ្ឋាភិបាល ដែលគាំទ្រដោយកម្មវិធី DPO នេះ នឹងជួយឱ្យសម្រេចបាននូវការបង្រួបបង្រួមសារពើពន្ធ ដែលមានសារ:សំខាន់ខ្លាំង សម្រាប់ការកាត់បន្ថយបន្ទុកបំណុល និងហានិភ័យពាក់ព័ន្ធក្នុងលក្ខណ:សមធម៌ និងនិរន្តរភាព” ។

ជម្រាបជូនផងដែរ បន្ទាប់ពីទទួលបានជំនួយកម្ចីនេះ ប្រធានាធិបតីកេនយ៉ា លោក William Ruto ដែលត្រូវបានជ្រើសតាំង កាលពីឆ្នាំមុន បានធ្វើការសន្យាថា នឹងស្តារឡើងវិញនូវវិន័យសារពើពន្ធ បន្ទាប់ពីបំណុលសាធារណ:របស់ប្រទេសខ្លួន បានកើនឡើងខ្ពស់ អំឡុងស្ថិតនៅក្រោមអ្នកដឹកនាំពីមុន ៕

The post ធនាគារពិភពលោក អនុម័តផ្តល់ប្រាក់កម្ចី ១ពាន់លានដុល្លារ ដល់ប្រទេសកេនយ៉ា appeared first on .

បើតាម ធនាគារជាតិនៃកម្ពុជា បានឱ្យដឹងថា គ្រឹះស្ថានធនាគារ និងហិរញ្ញវត្ថុ បានផ្តល់ឥណាទានដល់វិស័យឯកជន ក្នុងឆ្នាំ២០២២ សរុប ២៣៣,៣ ទ្រីលានរៀល ឬប្រមាណ ៥៦,៦ ប៊ីលានដុល្លារអាមេរិក មានការកើនឡើង ១៨,៨% បើធៀបនឹងចុងត្រីមាសទី៤ នៃឆ្នាំ២០២១។

ជាមួយគ្នានោះ NBC បានបញ្ចាក់ថា ឥណទានជាប្រភពទុនយ៉ាងសំខាន់ក្នុងការគាំទ្រដល់សកម្មភាពសេដ្ឋកិច្ច និងបានបែងចែកទៅតាមប្រភេទជំនួញសំខាន់ៗក្នុងវិស័យសេដ្ឋកិច្ច។ក្នុងនោះ នៅចុងឆ្នាំ២០២២ ការផ្តល់ឥណទានតាមវិស័យសេដ្ឋកិច្ច រួមមាន វិស័យសំណង់ ៦៤ទ្រីលានរៀល កើនឡើង ២៧,៤% ធៀបនឹងឆ្នាំមុន។ ឥណទានប្រមាណ ៥៨,៦ ទ្រីលានរៀល គ្របដណ្តប់លើការជួញដូរដុំនិងរាយ កើនឡើង ២៥,១% ខណៈសេវាកម្ម មានទំហំ ២២,៥ ទ្រីលានរៀល កើនឡើង ៩,៦%។

ដោយឡែក សម្រាប់វិស័យកសិកម្មទទួលបានឥណទានពីគ្រឹះស្ថានធនាគារ និងហិរញ្ញវត្ថុ បានប្រមាណ ២២,៥ ទ្រីលានរៀល កើនឡើង ៩.៧% អង្គភាពគ្រួសារ ១២,៩ទ្រីលានរៀល កើនឡើង ៥,៥% និងកម្មន្តសាលកើនឡើង ៣,៥% ក្នុងទំហំទឹកប្រាក់ ៨,២ទ្រីលានរៀល រួមនិងផ្នែកផ្សេងៗប្រមាណ ៤៤,៥ទ្រីលានរៀល កើនឡើងប្រមាណ ១៩,២% ។

បើតាមការគូសបញ្ជាក់របស់ធនាគារជាតិនៃកម្ពុជា កន្លងទៅថា ប្រព័ន្ធធនាគារបានដើរតួនាទីយ៉ាងសកម្ម ដើម្បីបន្តគាំទ្រការងើបឡើងវិញនៃសេដ្ឋកិច្ច តាមរយៈការបន្តផ្តល់សេវាហិរញ្ញវត្ថុសមស្រប ដើម្បីឆ្លើយតបនឹងតម្រូវការសេដ្ឋកិច្ច៕

អត្ថបទ៖ ស៊ីណាត

The post ការផ្តល់កម្ចីរបស់គ្រឹះស្ថានធនាគារ និងហិរញ្ញវត្ថុ នៅកម្ពុជា មានការកើនឡើងជាង ១៨ភាគរយ appeared first on .

យោងតាមការបង្ហើបឲ្យដឹងពី IMF បានឲ្យដឹងថា ការឈ្លានពានពីរុស្ស៊ីទៅកាន់អ៊ុយក្រែន បានធ្វើឲ្យ​សេដ្ឋកិច្ចប្រទេសមួយនេះ ខូចខាតយ៉ាងដំណំពោលខាតបង់ប្រមាណ ៣០% កាលពីឆ្នាំទៅ និងធ្វើឲ្យអត្រាក្រីក្រកើនឡើងខ្ពស់។

មូលនិធិបន្ថែមរយៈពេល ៤៨ ខែ ត្រូវបានអនុម័តដោយក្រុមប្រឹក្សាភិបាលរបស់មូលនិធិ មានតម្លៃប្រហែល ១៥,៦ពាន់លានដុល្លារ។ នេះបើតាមការចុះផ្សាយពី CNA។

សូមជម្រាបដែរថា ក្នុងចំណោមទឹកប្រាក់ជាង ១៥​ពាន់លានដុល្លារនោះ អ៊ុយក្រែនអាចទទួល​បាន​ត្រឹម ២,៧ពាន់លានដុល្លារភ្លាមៗប៉ុណ្ណោះ ខណៈទឹកប្រាក់ដែលសេសសល់ និងត្រូវបើកម្ដងបន្តិចៗ រយៈពេល ៤ឆ្នាំខាងមុខ៕

The post IMF អនុម័តកម្ចីជាង ១៥ពាន់លានដុល្លារ ទៅកាន់អ៊ុយក្រែន appeared first on .

ថ្មីៗនេះ ប្រធានធនាគារកណ្ដាលចិន Yi Gang បានទម្លាយថា ប្រាក់កម្ចីបៃតងរបស់ចិនបច្ចុប្បន្ន មានលើស ២២ទ្រីលានយ៉ន់ ឬប្រមាណ ៣,២ទ្រីលានដុល្លារ ដែលស្មើនឹង ១០% នៃប្រាក់កម្ចីសរុបរបស់ប្រទេស។ នេះបើតាមការចុះផ្សាយពី Kelo។

ដើម្បីអាចកាត់បន្ថយការបំភាយឧស្ម័នកាបូន ធនាគារកណ្ដាលបានផ្ដល់ប្រាក់កម្ចី ៣០០ពាន់លានយ៉ន់ទៅកាន់ធនាគារមួយចំនួន ដើម្បីបង្កើនគម្រោងប្រាក់កម្ចីដល់ ៦០០ពាន់លានយ៉ន់​សម្រាប់គម្រោងការណ៍បៃតង។

សូមជម្រាបដែរថា ប្រទេសចិនមានបំណងចង់កាត់បន្ថយការបំភាយឧស្ម័នកាបូនឌីអុកស៊ីតឲ្យ​ដល់​ចំណុចកំពូល​ត្រឹមឆ្នាំ ២០៣០ និងលុបបំបាត់តែម្ដងមុនឆ្នាំ ២០៦០៕

The post ប្រធានធនាគារកណ្ដាល៖ ប្រាក់កម្ចីបៃតងចិនកើនលើស ៣,២ទ្រីលានដុល្លារ appeared first on .