យោងតាមរបាយការណ៍របស់ធនាគារវិនិយោគ Hong Leong ដោយផ្នែកលើទិន្នន័យពីអង្គការសន្តិសុខសង្គម បានបង្ហាញឲ្យដឹងថា ចំនួននៃការបាត់បង់ការងារបានកើនឡើងខ្ពស់បំផុត នៅក្នុងខែមករា ដោយមានការបញ្ឈប់ប្រហែល ១០ ៧០០ ករណី មុនពេលថយចុះមកនៅត្រឹម ៧ ៥០០ ករណី​ នៅក្នុងខែកុម្ភៈ និង ៥ ៩០០ ករណី នៅក្នុងខែមីនា។

គួរឲ្យដឹងថា វិស័យផលិតកម្មគឺជាផ្នែកដែលងាយរងគ្រោះបំផុត ជុំវិញការកាត់បន្ថយកម្លាំងពលកម្មនេះ ដោយសារតែការពឹងផ្អែកយ៉ាងខ្លាំងទៅលើពាណិជ្ជកម្មសកល និងតម្រូវការខាងក្រៅ ខណៈវិស័យលក់ដុំ និងលក់រាយ ក៏ដូចជាវិស័យទាក់ទងនឹងភស្តុភារ ក៏មើលឃើញពីផលប៉ះពាល់ខ្លាំងផងដែរ។

ធនាគារ Hong Leong ក៏បានបង្ហាញឲ្យដឹងទៀតផងដែរថា ជុំវិញការកើនឡើងនៃការបញ្ឈប់ការងារទាំងនេះ ត្រូវបានជំរុញដោយផ្នែកមួយដោយភាពមិនប្រាកដប្រជានៃសេដ្ឋកិច្ចពិភពលោក និងភាពតានតឹងខាងភូមិសាស្ត្រនយោបាយ ដែលបានបង្ខំឱ្យអាជីវកម្មនានាសម្របខ្លួនទៅនឹងបរិយាកាសប្រតិបត្តិការដែលមានការប្រែប្រួលកាន់តែខ្លាំងឡើង៕

The post អត្រាបញ្ឈប់ការងារនៅម៉ាឡេស៊ី កើនឡើងជិត ៥០% ក្នុងត្រីមាសទី១ ឆ្នាំនេះ appeared first on .

នាយកដ្ឋានពន្លត់អគ្គីភ័យ និងជួយសង្គ្រោះរដ្ឋ Sabah បាននិយាយថា អគ្គីភ័យដ៏ធំសម្បើមបានឆាបឆេះភូមិមួយក្នុងស្រុក Sandakan នៅយប់ថ្ងៃទី១៩ ខែមេសា ដោយបានបំផ្លាញផ្ទះជាង ១ ០០០ ខ្នងដែលសាងសង់នៅលើទឹកក្នុងទំហីផ្ទៃដី ៤ ហិកតា។

គួរឲ្យដឹងថា គ្មានរបាយការណ៍អំពីអ្នកស្លាប់ និងរបួសនៅក្នុងអគ្គីភ័យនោះទេ ខណៈនាយកដ្ឋានពន្លត់អគ្គីភ័យរដ្ឋ Sabah បានវាយតម្លៃស្ថានភាពនៅក្នុងតំបន់នោះថាត្រូវបានគ្រប់គ្រងទាំងស្រុងហើយ។ លោក George Abd Rakman អធិការនគរបាលស្រុក Sandakan បាននិយាយថា គ្រោះអគ្គីភ័យទ្រង់ទ្រាយធំនេះ បានប៉ះពាល់ដល់មនុស្សជាង ៩ ០០០ នាក់ ដែលធ្វើឲ្យពួកគេបាត់បង់ផ្ទះសំបែង និងត្រូវចម្លៀសចេញភ្លាមៗ។

ជម្រាបជូនថា ភូមិដែលអគ្គីភ័យបានកើតឡើង គឺជាជម្រករបស់សហគមន៍ក្រីក្របំផុតមួយរបស់ប្រទេសម៉ាឡេស៊ី ពួកគេត្រូវរស់នៅក្នុងផ្ទះឈើដែលមានចំនួនមនុស្សរស់នៅយ៉ាងណែនណាន់តាន់តាប់ ដែលភាគច្រើនត្រូវបានសាងសង់ពីលើទឹក៕

The post ភ្លើងឆេះភូមិបណ្តែតទឹកនៅម៉ាឡេស៊ី បំផ្លាញផ្ទះសំបែងពលរដ្ឋអស់ជាង ១ ០០០ ខ្នង appeared first on .

ព្រះនាង Tunku Tun Aminah បានចូលកាន់តំណែងនេះ ចាប់ពីថ្ងៃទី១៣ ខែមីនា ខណៈពេលដែលលោក Tan ដែលជាស្ថាបនិក និងជាអតីតប្រធានក្រុមហ៊ុន នៅតែបន្តតំណែងជាទីប្រឹក្សារបស់ក្រុមប្រឹក្សាភិបាល ដើម្បីផ្តល់ការណែនាំ និងគាំទ្រដល់ការរីកចម្រើនជាបន្តបន្ទាប់របស់ក្រុមហ៊ុន។

ក្រុមហ៊ុនទូរគមនាគមន៍ U Mobile បាននិយាយក្នុងសេចក្តីថ្លែងការណ៍មួយរបស់ខ្លួនថា ព្រះនង Tunku Tun Aminah នឹងនាំមកនូវបទពិសោធភាពជាអ្នកដឹកនាំ និងអភិបាលកិច្ចយ៉ាងទូលំទូលាយ ដោយទ្រង់ក៏ធ្លាប់បានដឹកនាំអង្គការឯកជននៅទូទាំងឧស្សាហកម្មជាច្រើន និងបានបម្រើការនៅក្នុងក្រុមប្រឹក្សាភិបាលរបស់ក្រុមហ៊ុនដែលបានចុះបញ្ជី និងឯកជនជាច្រើនរួចមកហើយ។

ជម្រាបជូនផងដែរថា ជុំវិញការតែងតាំងព្រះនាង Tunku Tun Aminah ជាប្រធានក្រុមហ៊ុន U Mobile នេះ បានកើតឡើងនៅពេលដែល Mawar Setia ដែលជាក្រុមហ៊ុនវិនិយោគដែលព្រះនាងបានសហការបង្កើតឡើងរួមគ្នាជាមួយលោក Tan បានកាន់កាប់ភាគហ៊ុនគ្រប់គ្រងមួយផ្នែកធំនៅក្នុង U Mobile តាមរយៈការទិញភាគហ៊ុនពីក្រុមហ៊ុន Singapore Technologies Telemedia៕​

The post បុត្រីស្តេចម៉ាឡេស៊ី ត្រូវបានតែងតាំងជាប្រធានថ្មីរបស់ក្រុមហ៊ុនផ្តល់សេវា 5G U Mobile appeared first on .

យោងតាមការស្រាវជ្រាវមួយដែលចេញផ្សាយ នៅថ្ងៃទី១០ ខែមីនា ដោយធនាគារវិនិយោគ Kenanga Bhd (Kenanga IB) បាននិយាយថា ការប្រើប្រាស់ហ្វូតូនិកកើនឡើងខ្លាំងក្នុងការទំនាក់ទំនងទិន្នន័យ ជាពិសេសនៅក្នុងបណ្តាញមជ្ឈមណ្ឌលទិន្នន័យ AI ។

មិនតែប៉ុណ្ណោះរបាយការណ៍ដដែលនេះ​ ជុំវិញការកើនឡើងនេះ បានធ្វើឲ្យក្រុមហ៊ុនបន្ទះឈីបកំពូលៗជាច្រើនរបស់ម៉ាឡេស៊ី អាចចូលរួមក្នុងការពង្រីកសមត្ថភាពរបស់ខ្លួន ជាពិសេសនៅកន្លែងដែលអតិថិជនត្រូវការ ដើម្បីធ្វើឲ្យមានប្រព័ន្ធគុណភាពរឹងមាំ វិន័យទិន្នផល ការតាមដាន និងការត្រួតពិនិត្យភាពជឿជាក់ ជាដើម។

ទន្ទឹមនឹងនេះ​ ដោយផ្អែកលើការព្យាករដោយ LightCounting ដែលជាក្រុមហ៊ុនស្រាវជ្រាវទីផ្សារដែលមានជំនាញខាងទំនាក់ទំនងអុបទិក និងហ្វូតូនិក បានបង្ហាញថា ចំណែករបស់ក្រុមហ៊ុនផលិតបន្ទះឈីប នៅក្នុងទីផ្សារម៉ាឡេស៊ី អាចកើនឡើងពីប្រហែល ១,៧ពាន់លានដុល្លារ នៅឆ្នាំ២០២៥ ឬអាចឈានដល់ ៤,៦ពាន់លានដុល្លារនៅឆ្នាំ២០៣០ ដែលតំណាងឲ្យអត្រាកំណើនប្រចាំឆ្នាំប្រហែល ២២%៕​

The post ម៉ាឡេស៊ី រំពឹងកើបចំណូលបាន ៤,៦ពាន់លានដុល្លារ ពីទីផ្សារបន្ទះឈីប នៅឆ្នាំ២០៣០ appeared first on .

ជុំវិញការតែងតាំងនេះ បានចូលជាធរមានភ្លាមៗ បន្ទាប់ពីមានការប្រាសកាលសប្តាហ៍មុន។ នេះបើយោងតាមឯកសារមួយដែលបានដាក់ជូនផ្សារហ៊ុនដោយក្រុមហ៊ុន PPB Group ដែលជាក្រុមហ៊ុនចម្រុះ និងមានដើមទុនចុះបញ្ជីសរុបប្រមាណ ៣,៩ពាន់លានដុល្លារ។

យោងតាមកាសែត The Business Times បានបង្ហាញឲ្យដឹងផងដែរថា លោក Meng Xiong ជាសមាជិកនៃជំនាន់ទីបីរបស់គ្រួសារ Kuok ដែលទទួលបានសញ្ញាបត្របរិញ្ញាបត្រផ្នែកគ្រប់គ្រងសណ្ឋាគារពីសាកលវិទ្យាល័យ Cornell របស់សហរដ្ឋអាមេរិក។

បច្ចុប្បន្នលោក Meng Xiong បម្រើការជានាយកគ្រប់គ្រងនៃក្រុមហ៊ុន Kuok Brothers ដែលជាក្រុមហ៊ុនវិនិយោគឯកជនលើយានជំនិះរបស់ជីតា Robert Kuok។

ជម្រាបជូនថាលោក Robert Kuok ក្នុងវ័យជាង ១០០ឆ្នាំ លោកត្រូវបានចាត់ចំណាត់ថ្នាក់ជាអ្នកមានដាច់គេបំផុតរបស់ប្រទេសម៉ាឡេស៊ី ជាមួយទ្រព្យសម្បត្តិសរុបជាង ១៤ពាន់លានដុល្លារ នៅក្នុងឆ្នាំ២០២៦ នេះ៕​

The post អ្នកមានដាច់របស់ម៉ាឡេស៊ី​ Robert Kuok តែងតាំងចៅប្រុសឲ្យកាន់តំណែងក្នុងក្រុមប្រឹក្សាភិបាលក្រុមហ៊ុន appeared first on .

ជុំវិញយុទ្ធនាការនេះ ផ្តោតលើម្ចាស់រថយន្តលំដាប់ខ្ពស់ និងបទល្មើសផ្សេងទៀតដូចជាពន្ធផ្លូវដែលមិនទាន់បង់ ការធានារ៉ាប់រង និងប័ណ្ណបើកបរផុតកំណត់ ឬមិនត្រឹមត្រូវជាដើម។ រថយន្តដែលត្រូវបានរឹបអូសក៏រួមមានម៉ូដែល Mercedes-Benz និង BYD ផងដែរ។

មិនតែប៉ុណ្ណោះ នាយកដ្ឋានបាននិយាយនៅក្នុងសេចក្តីថ្លែងការណ៍មួយថា ៖”ការអនុវត្តច្បាប់ថ្មីនេះ មានន័យថានាយកដ្ឋាន នឹងមិនសម្របសម្រួលជាមួយភាគីណាមួយដែលមិនគោរពតាមបទប្បញ្ញត្តិចរាចរណ៍ផ្លូវគោកនោះទេ។ ហើយការកាន់កាប់រថយន្តប្រណីតៗ មិនមែនជាលេសដើម្បីបង្កឲ្យមានការធ្វេសប្រហែសចំពោះការទទួលខុសត្រូវក្នុងនាមជាអ្នកប្រើប្រាស់ផ្លូវស្របច្បាប់នោះឡើយ”។

ជាមួយគ្នានេះ លោក Datuk Muhammad Kifli Ma Hassan នាយកអនុវត្តច្បាប់ជាន់ខ្ពស់ បាននិយាយទៀតថា សកម្មភាពអនុវត្តច្បាប់បានបង្កើនការយល់ដឹងក្នុងចំណោមម្ចាស់រថយន្ត និងធ្វើឲ្យវាលែងសូវឃើញរថយន្តប្រណីតៗណា បើកបរដោយគ្មានពន្ធផ្លូវត្រឹមត្រូវ៕​

The post ម៉ាឡេស៊ី រឹបអូសរថយន្តប្រណីតៗតម្លៃជាង ៥០លានដុល្លារ ដោយសារល្មើសច្បាប់ចរាចរណ៍ appeared first on .

ជុំវិញការសម្រេចចិត្តនេះ ត្រូវបានធ្វើឡើងបន្ទាប់ពីមានប្រតិកម្មជាសកល ទៅលើមុខងាររបស់កម្មវិធី​ AI Grok នេះ ដែលអនុញ្ញាតឲ្យអ្នកប្រើប្រាស់អាចបង្កើតរូបភាពលើស្ត្រី និងកុមារដែលមានលក្ខណៈផ្លូវភេទ ដោយត្រឹមតែប្រើប្រាស់សារសាមញ្ញប៉ុណ្ណោះ។

ទន្ទឹមនឹងជាមួយគ្នានេះ ប្រទេសឥណ្ឌូណេស៊ី កាលពីថ្ងៃសៅរ៍ បានក្លាយជាប្រទេសដំបូងគេដែលហាមឃាត់មិនឲ្យចូលទៅប្រើប្រាស់កម្មវិធី AI នេះ ដែលត្រូវបានកំណត់គោលដៅយ៉ាងជាក់លាក់ចំពោះអ្នកដែលបង់ប្រាក់ទៅលើការប្រើប្រាស់សេវាកម្មនេះ នៅកន្លែងផ្សេងទៀត។

យ៉ាងណាមិញ បើតាមគណៈកម្មការទំនាក់ទំនង និងពហុមេឌាម៉ាឡេស៊ីបាននិយាយនៅក្នុងសេចក្តីថ្លែងការណ៍មួយថា ខ្លួនបានដឹកនាំការរឹតបន្តឹងជាបណ្តោះអាសន្នលើការចូលទៅប្រើប្រាស់បញ្ញាសិប្បនិម្មិត Grok សម្រាប់អ្នកប្រើប្រាស់នៅក្នុងប្រទេសម៉ាឡេស៊ី ដោយឲ្យមានប្រសិទ្ធភាពភ្លាមៗ។

មិនតែប៉ុណ្ណោះ និយតករបាននិយាយទៀតថា សកម្មភាពនេះកើតឡើងបន្ទាប់ពីការប្រើប្រាស់ Grok ខុសម្តងហើយម្តងទៀតដើម្បីបង្កើតរូបភាពអាសអាភាស ការប្រមាថមើលងាយ និងការរៀបចំឡើងដោយមិនបានព្រមព្រៀងគ្នា៕​

The post ម៉ាឡេស៊ី ហាមឃាត់ពលរដ្ឋមិនឲ្យចូលប្រើប្រាស់កម្មវិធី AI Grok របស់មហាសេដ្ឋី Elon Musk appeared first on .

សាជីវកម្មសេដ្ឋកិច្ចឌីជីថលម៉ាឡេស៊ីបាននិយាយនៅក្នុងសេចក្តីថ្លែងការណ៍មួយថា ប្រភពវិនិយោគឌីជីថលកំពូលទាំងបួនដែលត្រូវបានអនុម័តនៅក្នុងត្រីមាសទី៣នោះ រួមមានវិនិយោគិនដែលមានមូលដ្ឋាននៅសិង្ហបុរី ដែលរួមចំណែក ២៥,១ពាន់លានរីងហ្គីត បន្ទាប់មកគឺវិនិយោគិនមកពីប្រទេសម៉ាឡេស៊ី (១៧,២ពាន់លានរីងហ្គីត) សហរដ្ឋអាមេរិក (៦,៤ពាន់លានរីងហ្គីត) និងប្រទេសចិន (៣ពាន់លានរីងហ្គីត)។

សេចក្តីថ្លែងការណ៍ដដែលនេះ បាននិយាយទៀតថា ៖”​ការវិនិយោគទាក់ទងទៅនឹងបញ្ញាសិប្បនិម្មិត (AI) តែមួយ បានរួមចំណែកបង្កើតការងាររហូតដល់ ៨ ៣២៨ កន្លែង ដែលតំណាងឲ្យ ៣៨% នៃការងារសរុប ដោយនេះបានឆ្លុះបញ្ចាំងពីតម្រូវការកើនឡើងសម្រាប់អ្នកជំនាញឌីជីថល អ្នកវិទ្យាសាស្រ្ត វិស្វករ AI និងអ្នកមានទេពកោសល្យលើសេវាកម្មឯកទេស”។

ទន្ទឹមនឹងនេះ​រដ្ឋមន្ត្រីឌីជីថលម៉ាឡេស៊ី លោក Gobind Singh Deo បាននិយាយថា សន្ទុះវិនិយោគដ៏រឹងមាំនេះ បានឆ្លុះបញ្ចាំងពីការត្រៀមខ្លួនរបស់ប្រទេសក្នុងការដឹកនាំនៅក្នុងយុគសម័យ AI ដែលអនុញ្ញាតឲ្យអ្នកប្រើប្រាស់បច្ចេកវិទ្យា អាចក្លាយអ្នកបង្កើតដំណោះស្រាយសម្រាប់ AI ដែលមានការប្រកួតប្រជែងទូទាំងពិភពលោក៕​

The post ម៉ាឡេស៊ី ទាញចំណូលបានជាង ១៣ពាន់លានដុល្លារ ពីការវិនិយោគឌីជីថល ក្នុងត្រីមាសទី៣ appeared first on .

នាយករដ្ឋមន្ត្រីម៉ាឡេស៊ី លោក Anwar Ibrahim បាននិយាយនៅលើបណ្តាញសង្គមថា ការប៉ះទង្គិចគ្នាឡើងវិញនេះ ប្រឈមមុខទៅនឹងហានិភ័យនៃការបំផ្លាញការងារដែលសម្រេចបានដោយប្រុងប្រយ័ត្នដើម្បីធ្វើឲ្យស្ថិរភាពនៃទំនាក់ទំនងរវាងប្រទេសទាំងពីរ។

មិនតែប៉ុណ្ណោះ លោក Anwar បានមានប្រសាសន៍ទៀតថា ក្នុងនាមជាដៃគូជិតស្និទ្ធរបស់ម៉ាឡេស៊ី និងសមាជិកសំខាន់ៗនៃអាស៊ាន ប្រទេសថៃ និងកម្ពុជា ត្រូវបាជំរុញឲ្យមានការការអត់ធ្មត់ជាអតិបរមា រក្សាបណ្តាញទំនាក់ទំនងដោយបើកចំហ និងប្រើប្រាស់យន្តការដែលមានស្រាប់ឲ្យបានពេញលេញ ដើម្បីបន្ធូរបន្ថយភាពតានតឹង។

លោក Anwar បានកត់សម្គាល់ទៀតថា ៖”តំបន់អាស៊ានរបស់យើងមិនអាចមានមើលឃើញជម្លោះយូរអង្វែងនេះ ធ្លាក់ចូលទៅដំណាក់កាលនៃការប្រឈមមុខដាក់គ្នារហូតនោះទេ។ អាទិភាពបន្ទាន់គឺការបញ្ឈប់ការប្រយុទ្ធ ការពារជនស៊ីវិល និងត្រឡប់ទៅរកមាគ៌ាការទូតដែលគាំទ្រដោយច្បាប់អន្តរជាតិ និងស្មារតីអ្នកជិតខាងដែលអាស៊ានពឹងផ្អែកលើ”។

លើសពីនេះ នាយករដ្ឋមន្ត្រីម៉ាឡេស៊ីរូបនេះ ក៏បាននិយាយទៀតផងដែរថា ប្រទេសម៉ាឡេស៊ីត្រៀមខ្លួនជាស្រេចដើម្បីគាំទ្រជំហានដែលអាចជួយស្តារភាពស្ងប់ស្ងាត់ និងជៀសវាងឧប្បត្តិហេតុបន្ថែមទៀត៕​

The post នាយករដ្ឋមន្ត្រីម៉ាឡេស៊ី អំពាវនាវឲ្យមានការអត់ធ្មត់ ជុំវិញការប៉ះទង្គិចគ្នាឡើងវិញរវាងកម្ពុជា-ថៃ appeared first on .

យោងតាមលោក Datuk Seri Johari Abdul Ghani រដ្ឋមន្ត្រីក្រសួងដំណាំ និងទំនិញរបស់ប្រទេសម៉ាឡេស៊ី បានសន្មតថាផ្នែកមួយនៃការធ្លាក់ចុះនេះ គឺដោយសារតែបញ្ហាប្រឈមផ្នែកភស្តុភារ និងការកើនឡើងនៃតម្លៃប្រេងដូង ដែលបានលើសពីតម្លៃប្រេងសណ្តែកសៀង និងបានក្លាយជាជម្រើសទីមួយសម្រាប់អ្នកទិញចិនវិញ។

មិនតែប៉ុណ្ណោះ លោក Ghani បានមានប្រសាសន៍ទៀតថា ប្រទេសចិន គឺជាទីផ្សារដ៏សំខាន់ និងជាយុទ្ធសាស្ត្រសម្រាប់ប្រទេសម៉ាឡេស៊ី ដោយរក្សាតំណែងរបស់ខ្លួនជាគោលដៅនាំចេញប្រេងដូងកំពូលមួយរបស់ប្រទេសនេះ អស់រយៈពេលជាងមួយទសវត្សមកហើយ ខណៈការធ្លាក់ចុះយ៉ាងខ្លាំងនៃការនាំចេញប្រេងដូងនេះ បានបង្ហាញពីបញ្ហាប្រឈមកាន់តែជ្រៅ ដែលមិនត្រឹមតែទាក់ទងនឹងការប្រកួតប្រជែង និងភស្តុភារប៉ុណ្ណោះទេ ប៉ុន្តែថែមទាំងទាក់ទងនឹងសក្ដានុពលតម្លៃ និងទីតាំងទីផ្សារផងដែរ។

ប្រទេសម៉ាឡេស៊ី នឹងបន្តរក្សាគោលនយោបាយនាំចេញដែលមានតម្លាភាព និងអាចព្យាករបាន ដើម្បីធានាថាសកម្មភាពរបស់ខ្លួនមិនរំខានដល់ផលប្រយោជន៍របស់ដៃគូពាណិជ្ជកម្មសំខាន់ៗរបស់ខ្លួនឡើយ។ នេះបើតាមការបញ្ជាក់បន្ថែមរបស់លោក Ghani ៕​

The post ម៉ាឡេស៊ី ព្យាយាមដណ្តើមយកចំណែកទីផ្សារប្រេងដូងនៅចិនឡើងវិញ ក្រោយការនាំចេញធ្លាក់ចុះខ្លាំង appeared first on .