អ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល លោក ស៊ីន ចាន់សិរីវត្ថា បានឲ្យដឹងថា ការកើនឡើងនៃសកម្មភាពជម្លោះយោធាថ្មីៗនៅតំបន់មជ្ឈិមបូព៌ា ដែលបានចាប់ផ្តើមតាំងពីថ្ងៃទី២៨កុម្ភៈមក បណ្តាលឱ្យមានការបិទដែនអាកាសជាបណ្តោះអាសន្ន រំខានប្រតិបត្តិការនៅអាកាសយានដ្ឋានមជ្ឈមណ្ឌលសំខាន់ៗក្នុងតំបន់ឈូងសមុទ្រ (Gulf), ការប្តូរផ្លូវហោះហើរនៅលើច្រកអាកាសចរណ៍រវាងអឺរ៉ុប–អាស៊ី និងការកើនឡើងនៃចំណាយប្រេងឥន្ធនៈ និងថ្លៃធានារ៉ាប់រងហានិភ័យសង្គ្រាម។

ទោះបីជាកម្ពុជាមានភូមិសាស្ត្រ ស្ថិតនៅឆ្ងាយពីតំបន់ជម្លោះក៏ដោយ តំបន់មជ្ឈិមបូព៌ានៅតែមានតួនាទីសំខាន់ជាស្ពានដឹកជញ្ជូនអន្តរជាតិ ដែលតភ្ជាប់អឺរ៉ុប អាហ្វ្រិក និងអាមេរិកខាងជើង មកកាន់តំបន់អាស៊ីអាគ្នេយ៍។

អ្នកនាំពាក្យអាកាសចរណ៍ស៊ីវិលរូបនេះបានបញ្ជាក់ថា បច្ចុប្បន្ននេះ កម្ពុជាការតភ្ជាប់ដោយផ្ទាល់ ឬ ដោយប្រយោលទៅកាន់តំបន់មជ្ឈិមបូព៌ា តាមរយៈមជ្ឈមណ្ឌលអាកាសចរណ៍ក្នុងតំបន់ (Hubs) ឈូងសមុទ្រ ដោយក្រុមហ៊ុនអាកាសចរណ៍មួយចំនួនរួមមាន Qatar Airways, Emirates Airlines និង Etihad Airways បានតភ្ជាប់ជើងហោះហើរអាកាសយានដ្ឋានកម្ពុជា។ ក្រុមហ៊ុនអាកាសចរណ៍ទាំងនេះ មានតួនាទីសំខាន់ និងជាបណ្តាញតភ្ជាប់សំខាន់របស់កម្ពុជាទៅកាន់ អឺរ៉ុប អាមេរិកខាងជើង អាហ្វ្រិក និងទេសចរណ៍ចូលមកពីតំបន់មជ្ឈិមបូព៌ា។

លោកបានបញ្ជាក់បន្ថែមថា មជ្ឈមណ្ឌលអាកាសចរណ៍ (Hubs) ទាំងនេះ បម្រើជាច្រកផ្លាស់ប្តូរជើងហោះហើរ សម្រាប់ចរាចរណ៍អ្នកដំណើរចូល និងចេញពីកម្ពុជា។ តាមការប៉ាន់ស្មានផលប៉ះពាល់ជាអវិជ្ជមានបឋម អាចមានអ្នកដំណើរ ប្រហែល ១២,៩៦០ នាក់ ក្នុងមួយសប្ដាហ៍ និង ប្រហែល ៥១,៨៤០ នាក់ ក្នុងមួយខែ។

យ៉ាងណាមិញ ប្រទេសកម្ពុជានៅតែមានសុវត្ថិភាព និងមានដំណើរការជាប្រក្រតី និងមិនរងផលប៉ះពាល់ពីទស្សនៈសន្តិសុខ ឬការគ្រប់គ្រងដែនអាកាសឡើយ។ អាកាសយានដ្ឋាន និងដែនអាកាសជាតិនៅតែបន្តដំណើរការតាមស្ថានភាពធម្មតា៕

The post ការផ្ទុះសង្គ្រាមនៅតំបន់មជ្ឈិមបូព៌ា ប៉ះពាល់ដល់ចរាចរណ៍អ្នកដំណើរចេញចូលកម្ពុជាជាង ៥ម៉ឺននាក់ ក្នុងមួយខែ appeared first on .

រដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា រាជរដ្ឋាភិបាលកម្ពុជា បានឯកភាពជាគោលការណ៍ កំណត់យកថ្ងៃទី២០ ខែតុលា ឆ្នាំ២០២៥ ចាប់ពីម៉ោង ៦:០០នាទី ដល់ម៉ោង ១២:០០នាទីព្រឹក សម្រាប់ការរៀបចំពិធីសម្ពោធដាក់ឱ្យប្រើប្រាស់ជាផ្លូវការ អាកាសយានដ្ឋានអន្តរជាតិតេជោ (KTI) លំដាប់ថ្នាក់ 4F ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ដើម្បីឱ្យការរៀបចំពិធីសម្ពោធជាផ្លូវការខាងលើនេះ ប្រព្រឹត្តទៅដោយរលូន ព្រមទាំងរក្សាបាននូវ សណ្តាប់ធ្នាប់ និងរបៀបរៀបរយសាធារណៈ រដ្ឋលេខាធិការដ្ឋានអាកាសចរណ៍ស៊ីវិល ស្នើសុំបងប្អូនមេត្តាយោគយល់ ប្រជាពលរដ្ឋទាំងអស់ដែលធ្វើដំណើរចេញ-ចូលឆ្លងកាត់អាកាសយានដ្ឋានអន្តរជាតិតេជោ និងអធ្យាស្រ័យ ដោយទីតាំងខាងលើនេះនឹងមានការរឹតបន្តឹងសន្តិសុខ និងសុវត្ថិភាព។

សូមបញ្ជាក់ថា អាកាសយានដ្ឋានអន្តរជាតិតេជោ (KTI) លាតសន្ធឹងលើផ្ទៃដី  ២,៦០០ ហិកតា ស្ថិតនៅស្រុកកណ្ដាលស្ទឹង ខេត្តកណ្ដាល និងផ្នែកខ្លះនៃស្រុកបាទី ខេត្តតាកែវ។ អាកាសយានដ្ឋានថ្មីនេះ មានទីតាំងយុទ្ធសាស្ត្រនៅភាគខាងត្បូងនៃរាជធានីភ្នំពេញ ដែលមានចម្ងាយប្រមាណ ២០ គីឡូម៉ែត្រពីកណ្ដាលក្រុង។

អាកាសយានដ្ឋានមួយនេះជាអាកាសយានដ្ឋានខ្នាតធំមិនធ្លាប់មាននៅកម្ពុជា ដែលត្រូវបានចាត់ថ្នាក់ ជាអាកាសយានដ្ឋាន 4F។ អាកាសយានដ្ឋានលំដាប់ 4F នេះអាចទទួលយន្តហោះខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។

មកដល់ពេលនេះ អាកាសយានដ្ឋានអន្តរជាតិតេជោបានចំណាយថវិកាសាងសង់អស់ទឹកប្រាក់ប្រមាណជាង ២០០០លានដុល្លារ សម្រាប់ដំណាក់កាលទី១។ អាកាសយានដ្ឋានអន្តរជាតិតេជោ ជាស្នាដៃកូនខ្មែរ និងជាសមិទ្ធផលដ៏អស្ចារ្យក្រោមសម័យតេជោធិបតី និងជាអាកាសយានដ្ឋានអន្តរជាតិ ជាប់ឈ្មោះជាសំណង់ស្ថាបត្យកម្មដ៏អស្ចារ្យបំផុតនៅលើពិភពលោក៕

The post នៅសល់តែប៉ុន្មានថ្ងៃទៀតប៉ុណ្ណោះ អាកាសយានដ្ឋានអន្តរជាតិតេជោ លំដាប់ 4F នឹងសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាព សម្តេចធិបតី ហ៊ុន ម៉ាណែត appeared first on .

គួរឱ្យដឹងថា Global X Airlines បានបើកដំណើរការនៅឆ្នាំ ២០២០ មានគោលបំណងផ្តល់សេវាកម្មអាកាសចរណ៍សម្រាប់អ្នកដំណើរ និងការដឹកជញ្ជូនទំនិញ។ Global X Airlines ផ្តោតលើការផ្តល់សេវាកម្មជូនទីផ្សារដែលមានតម្រូវការពិសេស ដូចជាការហោះហើរទៅកាន់កន្លែងខ្ពស់ ឬការប្រើប្រាស់អាកាសយានជាក្រុម។

ក្រុមហ៊ុននេះ បានប្រើប្រាស់យន្តហោះដែលមានសមត្ថភាពខ្ពស់ និងមានប្រព័ន្ធសុវត្ថិភាពទាន់សម័យ ។Global X Airlines ក៏មានគម្រោងនឹងពង្រីកបណ្តាញផ្តល់សេវាកម្ម និងការប្រតិបត្តិការ ដើម្បីបំពេញតម្រូវការរបស់អតិថិជននៅក្នុងទីផ្សារ។

គិតមកដល់ពេលនេះ កម្ពុជាមានក្រុមហ៊ុនអាកាសចរណ៍ចំនួន៤ហើយ ដែលកំពុងដំណើរការ មានមូលដ្ឋានក្នុងប្រទេស។ ក្រុមហ៊ុនទាំង៤នោះរួមមាន ក្រុមហ៊ុន Air Cambodia (អាកាសចរណ៍ជាតិកម្ពុជា), ក្រុមហ៊ុន Sky Angkor Ailines, ក្រុមហ៊ុន Cambodia Airway, ក្រុមហ៊ុន AirAsia Cambodia។

គិតត្រឹមឆ្នាំ២០២៤ អ្នកធ្វើដំណើរ តាមជើងហោះហើរ  មានប្រមាណ៥.៦លាននាក់។ ជាមួយគ្នានេះ កម្ពុជារំពឹងថា នៅឆ្នាំ២០២៥ននេះ ចំនួនអ្នកធ្វើដំណើរ តាមជើងហោះហើរ មានការកើនឡើង លើស៧លាននាក់ នៅក្នុងមួយឆ្នាំផងដែរ៕

The post ក្រុមហ៊ុន Global X Airlines ចង់បើកក្រុមហ៊ុនអាកាសចរណ៍នៅកម្ពុជា appeared first on .

ការសម្ពោធជើងហោះហើរដឹកជញ្ជូនតាមផ្លូវអាកាសជើងទី១នេះ ធ្វើឡើងក្រោមអធិបតីលោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល កាលពីថ្ងៃទី៣ ខែមិថុនា ឆ្នាំ២០២៥ នៅអាកាសយានដ្ឋានអន្តរជាតិអង្គរ ខេត្តសៀមរាប។

ពិធីសម្ពោធជើងហោះហើរដឹកជញ្ជូនតាមផ្លូវអាកាស របស់ក្រុមហ៊ុនអាកាសចរណ៍ Emirate Airlines (EK) នេះជាជើងហោះហើរទី១ រវាងខេត្តសៀមរាប នៃព្រះរាជាណាចក្រកម្ពុជា និងទីក្រុងឌូបៃ នៃប្រទេសអេមីរ៉ាត់អារ៉ាប់រួម ដោយឆ្លងកាត់ប្រទេសថៃ លើដំណាក់ផ្លូវ៖ ឌូបៃ-បាងកក-សៀមរាបអង្គរ-បាងកក-ឌូបៃ មានចំនួន ៣ជើង ក្នុង១សប្តាហ៍ ចាប់ពីថ្ងៃទី៣ ខែមិថុនា ឆ្នាំ២០២៥ នេះតទៅ ដោយមានការអញ្ជើញចូលរួមពីក្រុមហ៊ុនអាកាសចរណ៍ Emirate Airlines ក្រុមហ៊ុនYACA ថ្នាក់ដឹកនាំនិងមន្រ្តីរាជការនៃរដ្ឋលេខាធិការដ្ឋានអាកាសចរណ៍ស៊ីវិល និងអ្នកពាក់ព័ន្ធផ្សេងទៀត។

គួរបញ្ជាក់ថា ក្រុមហ៊ុនអាកាសចរណ៍ Emirate Airlines (EK) ក៏មានជើងហោះហើរ រវាងរាជធានីភ្នំពេញ នៃព្រះរាជាណាចក្រកម្ពុជា និងទីក្រុងឌូបៃ នៃប្រទេសអេមីរ៉ាតអារ៉ាប់រួម ដោយឆ្លងកាត់ប្រទេសសិង្ហបុរី ជារៀងរាល់ថ្ងៃផងដែរ លើដំណាក់ផ្លូវពីទីក្រុង ឌូបៃ-សិង្ហបុរី-ភ្នំពេញ-សិង្ហបុរី-ឌូបៃ ចំនួន ៧ជើង ក្នុង១សប្តាហ៍ ដែលបានចាប់ផ្តើមហោះហើរតាំងពីថ្ងៃទី១ ខែឧសភា ឆ្នាំ២០២៤មកម្ល៉េះ៕

The post ក្រុមហ៊ុនអាកាសចរណ៍លំដាប់អន្តរជាតិ Emirate Airlines ចាប់ផ្តើមហោះហើរជើងទី១ រវាងខេត្តសៀមរាប និងទីក្រុងឌូបៃ appeared first on .

របាយការណ៍បានឱ្យដឹងទៀតថា អាកាសយានដ្ឋានអន្តរជាតិទាំងបីរបស់ប្រទេសកម្ពុជាទទួលក្រុមហ៊ុនអាកាសចរណ៍ក្នុងស្រុក និងអន្តរជាតិបានចំនួន ១៧,៤៣៤ជើង នៅចន្លោះខែមករាដល់ខែមីនាឆ្នាំនេះ កើនឡើង ១៩ ភាគរយបើធៀបនឹងរយៈពេលដូចគ្នាកាលពីឆ្នាំមុន។

ប្រភពដដែលបានបន្តថា អាកាសយានដ្ឋានរបស់ប្រទេសកម្ពុជាក៏បានកត់ត្រាការកើនឡើង ១០ ភាគរយនៃបរិមាណទំនិញតាមផ្លូវអាកាសដល់ ១៧,១៤៧ តោនផងដែរ។

រដ្ឋលេខាធិការដ្ឋានអាកាសចរស៊ីវិល បានព្យាករថា ព្រះរាជាណាចក្រកម្ពុជានឹងទទួលបានអ្នកដំណើរតាមផ្លូវអាកាសចំនួន ៧,៥ លាននាក់ក្នុងឆ្នាំ ២០២៥ ដែលនឹងកើនឡើង ២០ ភាគរយពី ៦,២៤ លាននាក់ក្នុងឆ្នាំ២០២៤៕

The post ៣ខែ ឆ្នាំ២០២៥ កម្ពុជាទទួលអ្នកដំណើរតាមផ្លូវអាកាសជិត២លាននាក់ appeared first on .

លោកបណ្ឌិត ម៉ៅ ហាវណ្ណាល់ រដ្ឋមន្ត្រី ទទួលបន្ទុក រដ្ឋលេខាធិការដ្ឋានអាកាសចរណ៍ស៊ីវិលកម្ពុជា មានប្រសាសន៍ថា “ការពង្រឹងប្រព័ន្ធបណ្តុះបណ្តាលរបស់ NICA យើងបាននិងកំពុងវិនិយោគលើអនាគតនៃអ្នកជំនាញអាកាសចរណ៍របស់យើង និងធានាថាពួកគេត្រូវបានបំពាក់ដោយជំនាញចាំបាច់ដើម្បីឆ្លើយតបទៅនឹងបញ្ហាប្រឈមនានា។ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះការគាំទ្រ និងភាពជាដៃគូដ៏សប្បុរសរបស់ ទីភ្នាក់ងារ KOICA”។

គម្រោងដែលមានថវិកាសរុបចំនួន១២លានដុល្លារដែលជាជំនួយឥតសំណងរបស់កូរ៉េ នឹងត្រូវបានអនុវត្តចាប់ពីឆ្នាំ២០២៥ដល់ឆ្នាំ ២០២៩ដោយមានធាតុផ្សំសំខាន់ៗដូចជា ៖១) ការអភិវឌ្ឍន៍កម្មវិធីសិក្សា, ការធ្វើទំនើបកម្ម និងធ្វើបច្ចុប្បន្នភាពកម្មវិធីសិក្សាបណ្តុះបណ្តាលឱ្យស្របតាមស្តង់ដារអន្តរជាតិ និងការអនុវត្តល្អបំផុត។ ២) ការបណ្តុះបណ្តាលគ្រូ, ពង្រឹងជំនាញបច្ចេកទេសរបស់គ្រូនៅ NICA ។ ៣)ការកែលម្អហេដ្ឋារចនាសម្ព័ន្ធ, ការធ្វើឱ្យប្រសើរឡើងនូវកន្លែងបណ្តុះបណ្តាល និងការផ្តល់ឧបករណ៍ទំនើបៗ។ ៤) ការកសាងសមត្ថភាព, ការពង្រឹងសមត្ថភាពស្ថាប័នរបស់ NICA ក្នុងការគ្រប់គ្រង និងផ្តល់កម្មវិធីបណ្តុះបណ្តាលប្រកបដោយប្រសិទ្ធភាពនិង ៥) ការផ្តល់អ្នកជំនាញ, អ្នកជំនាញកូរ៉េនឹងត្រូវបានបញ្ជូនដើម្បីជួយសម្រួលដល់ការអភិវឌ្ឍន៍ប្រព័ន្ធបណ្តុះបណ្តាល នឹងចែករំលែកចំណេះដឹង និងបទពិសោធន៍។

លោកស្រី Choi Moonjung នាយិកាប្រចាំប្រទេសនៃការិយាល័យ KOICA ប្រចាំកម្ពុជាបានមានប្រសាសន៍គូសបញ្ជាក់ថា “គម្រោងនេះនឹងដើរតួយ៉ាងសំខាន់ក្នុងការអភិវឌ្ឍកម្លាំងពលកម្មជំនាញសម្រាប់វិស័យអាកាសចរណ៍ស៊ីវិល ដែលរួមចំណែកដល់កំណើន និងវិបុលភាពនៃប្រទេសកម្ពុជាទាំងមូល។ យើងមានមោទនភាពក្នុងការធ្វើជាដៃគូជាមួយ SSCA និង NICA លើគំនិតផ្តួចផ្តើមដ៏សំខាន់នេះ។

គម្រោងនេះត្រូវបានគេរំពឹងថានឹងមានឥទ្ធិពលយ៉ាងសំខាន់ទៅលើសុវត្ថិភាព ប្រសិទ្ធភាព និងនិរន្តរភាពនៃវិស័យអាកាសចរណ៍ស៊ីវិលរបស់កម្ពុជា។ តាមរយៈការវិនិយោគលើការអភិវឌ្ឍន៍ធនធានមនុស្ស គម្រោងនេះនឹងរួមចំណែកដល់កំណើនរយៈពេលវែងនៃឧស្សាហកម្មនេះ និងលើកកំពស់កម្ពុជាឲ្យក្លាយជាមជ្ឈមណ្ឌលអាកាសចរណ៍ក្នុងតំបន់”៕SL

The post រដ្ឋលេខាធិការដ្ឋានអាកាសចរស៊ីវិលចុះ MOUជាមួយ KOICA ដើម្បីពង្រឹងវិស័យអាកាសចរណ៍នៅកម្ពុជា appeared first on .

នេះបើតាមការថ្លែងរបស់ លោក ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋាន អាកាសចរណ៍ស៊ីវិល ក្នុងសន្និបាតបូកសរុបលទ្ឋផលការងារឆ្នាំ២០២៤ និងលើកទិសដៅការងារឆ្នាំ២០២៥ កាលពីថ្ងៃទី១២ ខែមីនា ឆ្នាំ២០២៥។

លោករដ្ឋមន្ត្រី បានឱ្យដឹងថា នៅឆ្នាំ២០២៤ អ្នកដំណើរតាមផ្លូវអាកាសមានចំនួនសរុបចំនួន៦,២៤ លាននាក់ ដែលមានកំណើនប្រមាណ២២% បើប្រៀបធៀបទៅនឹងរយៈពេលដូចគ្នា នៅក្នុងឆ្នាំ២០២៣ មានចំនួនអ្នកដំណើរសរុបចំនួន៥,១១ លាននាក់។

ចំពោះការដឹកជញ្ជូនតាមផ្លូវអាកាសវិញ លោក ម៉ៅ ហាវណ្ណាល់ បានឱ្យដឹងផងដែរថា ការដឹកជញ្ជូនទំនិញតាមផ្លូវអាកាសមានចំនួន ៧៧,៨ ពាន់តោន ដែលមានកំណើនវិជ្ជមានប្រមាណ៤០% បើប្រៀបធៀបទៅនឹងរយៈពេលដូចគ្នានៅក្នុងឆ្នាំ២០២៣ ដែលការដឹកជញ្ជូនទំនិញតាមផ្លូវអាកាសមានចំនួន ៥៥,៧ ពាន់តោន។ អាកាសចរណ៍ស៊ីវិល បានដាក់ទិសដៅការងារឆ្នាំ២០២៥ សម្រេចឱ្យបាននូវការដឹកជញ្ជូនអ្នកដំណើរតាមផ្លូវអាកាស ចំនួន៧,៥ លាន នាក់ និងទំនិញចំនួន ៨០ ពាន់តោននៅក្នុងឆ្នាំ២០២៥។

គួរជម្រាបថាក្នុងឆ្នាំ២០២៤ កម្ពុជាមានជើងហោះហើរសរុបចំនួន ៥៨ ៣៥៤ ជើង ដែលមានកំណើន១៤% បើប្រៀបធៀបទៅនឹងរយៈពេលដូចគ្នានៅក្នុងឆ្នាំ២០២៣ សរុបចំនួន ៥១ ១៤៩ ជើង។ ចំណែកជើងហោះហើររំលងមានសរុបចំនួន ៧១ ៦១៣ ជើង មានកំណើន ១៤% បើប្រៀប ធៀបទៅនឹងរយៈពេលដូចគ្នានៅក្នុងឆ្នាំ២០២៣ ដែលទទួលបានជើងហោះហើរសរុបចំនួន ៦៣ ០៨៧ ជើង៕

The post ឆ្នាំ២០២៤ អ្នកដំណើរតាមជើងយន្តហោះមានជាង៦លាននាក់ និងទំនិញតាមផ្លូវអាកាសជាង៧៧ពាន់តោន appeared first on .

រដ្ឋលេខាធិការដ្ឋានអាកាសចរណ៍ស៊ីវិល ​បានឱ្យដឹងថា អាកាសយានដ្ឋានអន្តរជាតិថ្មី ដែលមានទីតាំងស្ថិតនៅភូមិក្រៀលពង ឃុំពពេល និងភូមិប្រវាល ឃុំតាយ៉ែក ស្រុកសូទ្រនិគម ខេត្តសៀមរាប ត្រូវបានរាជរដ្ឋាភិបាលកម្ពុជា សម្រេចដាក់ឈ្មោះជាផ្លូវការថា៖ អាកាសយានដ្ឋានអន្តរជាតិសៀមរាបអង្គរ (Siem Reap Angkor Internatioral Airport) គ្រោងដាក់ឱ្យដំណើរការចាប់ពីថ្ងៃទី១៦ ខែតុលា ឆ្នាំ ២០២៣ តទៅ។

បន្ថែមពីនេះ រដ្ឋលេខាធិការដ្ឋានអាកាសចរណ៍ស៊ីវិល បានប្រកាសទៀតថា គ្រប់ជើងហោះហើរអាជីវកម្មដឹកជញ្ជូនអ្នកដំណើរ និងទំនិញតាមផ្លូវអាកាស ដែលកំពុងប្រតិបត្តិការហោះហើរនៅអាកាសយានដ្ឋានអន្តរជាតិសៀមរាប បច្ចុប្បន្ន នឹងធ្វើការរៀបចំផ្ទេរទាំងស្រុង និងតែមួយលើកគត់ ទៅអាកាសយានដ្ឋានអន្តរជាតិសៀមរាបអង្គរ ចាប់ពីម៉ោង ០០៖០០ នាទី (ម៉ោងនៅកម្ពុជា) នៅថ្ងៃទី១៦ ខែតុលា ឆ្នាំ២០២៣។

ទន្ទឹមគ្នានេះដែរ អាកាសយានដ្ឋានអន្តរជាតិសៀមរាបអង្គរ (Siem Reap Angkor International Airport) នឹងរៀបចំជើងហោះហើរសាកល្បងមួយចំនួនតាមការចាំបាច់ ដែលមិនមានលក្ខណៈពាណិជ្ជកម្ម និងមិនរកប្រាក់ចំណេញ នៅចន្លោះពីថ្ងៃទី៥ ដល់ថ្ងៃទី១៥ ខ តុលា ឆ្នាំ២០២៣ ខាងមុខនេះផងដែរ។ ហេតុនេះ តាមរយៈសេចក្តីជូនដំណឹងនេះ រដ្ឋលេខាធិការដ្ឋានអាកាសចរណ៍ស៊ីវិល ក៏សូមឱ្យប្រតិបត្តិករប្រកបរបរអាជីវកម្មដឹកជញ្ជូនតាមផ្លូវអាកាសជាតិ អន្តរជាតិ និងសាធារណជនទាំងអស់ ជា្រប់ជាព័ត៌មាន និងចូលរួមអនុវត្តតាមសេចក្តីជូនដំណឹងនេះឱ្យមានប្រសិទ្ធភាពខ្ពស់ផងដែរ។

សូមជម្រាបថា អាកាសយានដ្ឋានអន្តរជាតិសៀមរាប-អង្គរ បានចាប់ផ្តើមសាងសង់កាលពីខែមីនា ឆ្នាំ២០២០ ដោយក្រុមហ៊ុន Angkor International Airport Investment (Cambodia) Co.,Ltd (AIAI) ក្រោមទុនវិនិយោគប្រមាណជិត១ពាន់លានដុល្លារ។

អាកាសយានដ្ឋានអន្តរជាតិនេះ បាននិងកំពុងដំណើរការសាងសង់លើផ្ទៃដីប្រមាណជា៧០០ហិកតា ស្ថិតនៅក្នុងភូមិក្រៀលពង ឃុំពពេល និងភូមិប្រវ៉ាល ឃុំតាយ៉ែក ស្រុកសូទ្រនិគម ខេត្តសៀមរាប ដែលមានចម្ងាយប្រមាណ៥០គីឡូម៉ែត្រ ពីទីប្រជុំជនក្រុងសៀមរាប និងចម្ងាយ ៤០គីឡូម៉ែត្រ ពីរមណីយដ្ឋានអង្គរ ដែលចម្ងាយនេះមិនធ្វើឱ្យប៉ះពាល់ ដល់តំបន់ការពារបេតិកភណ្ឌនោះទេ។

អាកាសយានដ្ឋានអន្តរជាតិសៀមរាប-អង្គរ គឺជាអាកាសយានដ្ឋានអន្តរជាតិលំដាប់ 4E ជាមួយផ្លូវបត់រត់ប្រវែង ៣,៦០០ម៉ែត្រ មានសមត្ថភាពឱ្យយន្តហោះគ្រប់ប្រភេទចុះចតបាន ដោយបំពាក់បច្ចេកវិទ្យាថ្មីបំផុត សម្រាប់សុវត្ថិភាព និងសន្តិសុខដល់អ្នកដំណើរ។ អាកាសយានដ្ឋានមានចំណតយន្តហោះរហូតដល់ទៅ ៣៨។

នៅពេលដាក់ឱ្យដំណើរ ដែលគ្រោងធ្វើឡើងនៅខែតុលា ឆ្នាំ២០២៣ អាកាសយានដ្ឋាននេះអាចមានសមត្ថភាពទទួលអ្នកដំណើរប្រមាណ ៧លាននាក់ក្នុងមួយឆ្នាំ។ នៅក្នុងដំណាក់កាលទី២ អាចទទួលអ្នកដំណើរដល់ ១០លាននាក់ក្នុងមួយឆ្នាំ ហើយដំណាក់កាលទី៣ អាចទទួលអ្នកដំណើរបានរហូតដល់ ២០លាននាក់នៅក្នុងមួយឆ្នាំ៕

អត្ថបទ៖ ពិសី

The post ផ្លូវការហើយ! អាកាសយានដ្ឋានអន្តរជាតិសៀមរាបអង្គរ នឹងបើកដំណើរការថ្ងៃទី១៦ តុលា តទៅ appeared first on .

លោក ស៊ិន ចាន់សិរីវុត្ថា បានបញ្ជាក់ទៀតថា ចំនួនអ្នកដំណើរ និងជើងហោះហើរ មានការ​កើន​​ឡើង​នេះ គឺជាសញ្ញា​បង្ហាញថា កម្ពុជាកំពុងត្រឡប់ទៅរកគន្លងកំណើនឆ្ពោះ​ទៅរកកម្រិតមុន​ការរាតត្បាតជំងឺ​កូវីដ១៩ជាបណ្ដើរៗ។ 

ដ្បិតតែចំនួនអ្នកដំណើរ និងជើងហោះហើរ មានការ​កើន​​ឡើង ក៏ពិតមែន ប៉ុន្តែរយៈ​ពេល៨ខែក្នុងឆ្នាំនេះ ការដឹកជញ្ជូន​ទំនិ​ញ​​តាមផ្លូវអាកាសរបស់កម្ពុជា បែរជាធ្លាក់ចុះប្រមាណជាង​​១០ភាគរយ បើធៀបនឹង​​រយៈពេលដូចគ្នាកាលពីឆ្នាំ២០២១។ បើតាមកា​រពន្យល់របស់លោក ស៊ិន ចាន់សិរីវុត្ថា ថា​ការធ្លាក់ចុះ​នេះ​ ​គឺបណ្តាលមកពីវិបត្តិសង្រ្គាមនៅអ៊ុយក្រែន វិបត្តិកូវីដ​១៩ និងវិបត្តិសង្រ្គាមពាណិជ្ជកម្ម​ចិននិងអាមេរិក ។

គួរជម្រាបជូនថា គិតត្រឹមខែសីហា ក្នុង២០២២ កម្ពុជា បានតភ្ជាប់ក្រុមហ៊ុនអាកាសចរឡើងវិញ ចំនួន ២៥ក្រុមហ៊ុន នៅក្នុង​​នោះតាមការពិនិត្យឃើញថា មានការកើនឡើងអ្នកដំណើរជាលំដាប់ពីមួយខែ​ទៅមួយខែ។ កម្ពុជា រំពឹងថា ចំនួន​អ្នកធ្វើ​ដំណើរ​តាមផ្លូវអាកាសនឹងមានការកើនឡើង នៅចុងឆ្នាំ​​២០២៣ ឬដើមឆ្នាំ២០២៤ បើគ្មានបញ្ហាសកល​អ្វីកើតឡើង​​បន្ត​ទៀត៕

The post ៨ខែក្នុងឆ្នាំ២០២២នេះ អ្នក​ដំណើរ​តាមផ្លូវអាកាស បាន​កើន​ឡើង​​​​​​​​ជិត​​៦០០​​ភាគរយ ប៉ុន្តែ​ការ​ដឹក​ជញ្ជូន​​ទំនិ​ញ​​ធ្លាក់​ចុះ​ជាង​​១០​ភាគរយ appeared first on .