លោករដ្ឋមន្រ្ដីលើកឡើងបែបនេះ ក្នុងឱកាសអញ្ជើញជាអធិបតីក្នុងពិធីបិទសិក្ខាសាលាស្តីពី “បច្ចេកទេសក្នុងការតាមដាននិងប្រមូលទិន្នន័យតាមរយៈផ្កាយរណប និងបច្ចេកវិទ្យាផ្កាយរណប” កាលពីរសៀលថ្ងៃទី២៣ ខែមេសា ឆ្នាំ២០២៦។

ថ្លែងក្នុងឱកាសនេះ លោករដ្ឋមន្រ្តីបានលើកឡើងថា ក្រសួងតែងគិតគូរជាអាទិភាពលើការបណ្តុះបណ្តាលធនធានមនុស្សលើជំនាញលើផ្កាយរណបនិងលម្ហអាកាស ដោយបានចាត់មន្រ្តីជំនាញទៅធ្វើទស្សនកិច្ចសិក្សាក្រុមហ៊ុនបច្ចេកវិទ្យាផ្កាយរណប ឬស្ថាប័នបណ្តុះបណ្តាល និងចូលរួមវគ្គបណ្តុះបណ្តាលនានា លើផ្នែកផ្កាយរណបនិងលំហអាកាស។ ហើយនៅពេលខាងមុខ ក្រសួងនឹងពិនិត្យលទ្ធភាពផ្តល់អាហារូបករណ៍ឱ្យនិស្សិតសិក្សាជំនាញទូរគមនាគមន៍ ដោយផ្តោតលើមុខវិជ្ជាសំខាន់ៗពាក់ព័ន្ធនឹងបច្ចេកវិទ្យាផ្កាយរណប (Satellite-related Courses) នៅបណ្ឌិត្យសភាបច្ចេកវិទ្យាឌីជីថល និងគ្រឹះស្ថានឧត្តមសិក្សាដៃគូ។

ជាមួយគ្នានេះដែរ លោករដ្ឋមន្រ្តី ក៏បានបញ្ជាក់ថា  ក្នុងពេលដែលកម្ពុជាពិចារណាប្រើប្រាស់សេវាផ្កាយរណបពីក្រុមហ៊ុនផ្សេងៗ សម្រាប់វិស័យកសិកម្ម បរិស្ថាន ដែនដីនគរូបនីយកម្ម យើងក៏ត្រូវគិតគូរអំពីលទ្ធភាពនៃការបង្ហោះផ្កាយរណបដោយឯងក្នុងរយៈពេល ៥ឆ្នាំ ខាងមុខ។

បន្ថែមលើនេះ  លោក ជា វ៉ាន់ដេត លើកឡើងថា ក្រសួងកំពុងសិក្សាអំពីឧត្តមានុវត្តនៃការបង្កើតអង្គភាពទទួលបន្ទុកគ្រប់គ្រងលំហអាកាសជាតិមួយ ដើម្បីសម្របសម្រួលការងារពាក់ព័ន្ធនឹងលំហអាកាសផងដែរ៕

The post រដ្ឋមន្ត្រីក្រសួងប្រៃសណីយ៍ បញ្ជាក់ថា កម្ពុជាកំពុងគិតគូរពីលទ្ធភាពនៃការបង្ហោះផ្កាយរណបដោយឯងក្នុងរយៈពេល ៥ឆ្នាំ ខាងមុខ appeared first on .

នេះបើយោងតាមប្រសាសន៍លោក ជា វ៉ាន់ដេត រដ្ឋមន្រ្តីក្រសួងប្រៃសណីយ៍និងទូរគមនាគមន៍ ថ្លែងក្នុងកិច្ចប្រជុំពិនិត្យលើវឌ្ឍនភាពការងារ របស់ក្រុមការងារលើកកម្ពស់គុណភាពសេវាទូរគមនាគមន៍នៅក្នុងរាជធានីភ្នំពេញ ទាំង​៩ក្រុម កាលថ្ងៃទី៧ ខែឧសភា ឆ្នាំ២០២៤។

នាឱកាសនោះ លោក ជា វ៉ាន់ដេត បានណែនាំដល់ក្រុមការងារបន្តពង្រឹងគុណភាពសេវាក្នុងរាជធានីភ្នំពេញ ដោយបញ្ចប់កិច្ចសន្យាផ្តល់សិទ្ធិផ្តាច់មុខដល់ប្រតិបត្តិករណាមួយក្នុងការផ្គត់ផ្គង់សេវាអ៊ីនធឺណិត និងស្នើសុំកិច្ចសហការពីម្ចាស់បុរី​ និងទីតាំងអគារខ្ពស់ៗ​ ក្នុងការជំរុញគុណភាពសេវា។

ជាមួយគ្នានេះដែរ លោកក៏បានណែនាំក្រុមការងារទទួលបន្ទុកតាមតំបន់នីមួយៗក្នុងរាជធានីភ្នំពេញ ត្រូវបន្តសម្របសម្រួលការចុះសម្ភាសន៍តាមតំបន់ក្នុងការសិក្សាស្វែងយល់អំពីស្ថានភាព និងកត្តាកំពុងប្រឈមនានា ជុំវិញការប្រើប្រាស់សេវាទូរសព្ទ និងអ៊ីនធឺណិត ដើម្បីជាធាតុចូលក្នុងការរៀបចំជាដំណោះស្រាយឱ្យបានទាន់ពេលវេលាផងដែរ។

គួរបញ្ជាក់ដែរថា គិតមកដល់ថ្ងៃទី៧ ខែឧសភា ឆ្នាំ២០២៤ ក្រុមការងារលើកកម្ពស់គុណភាពសេវាទូរគមនាគមន៍នៅតាមបុរី បានសាង់សង់ “បង្គោលអង់តែនរួម” ៧៤បង្គោល ដែល “បង្គោលអង់តែនរួម” នីមួយៗអាចបំពាក់បានស្ថានីយ៍អង់តែនរបស់ប្រតិបត្តិករចំនួន៣ក្រុមហ៊ុន។ ស្ថានីយអង់តែនចំនួន១៥៧ បានដាក់ឱ្យដំណើរការ ក្នុងនោះក្រុមហ៊ុន Cellcard ចំនួន ៣៧ ស្ថានីយ, ក្រុមហ៊ុន Metfone ចំនួន ៥៨ ស្ថានីយ, និងក្រុមហ៊ុន Smart ចំនួន ៦២ ស្ថានីយ ដែលប្រតិបត្តិករបានបំពាក់ស្ថានីយអង់តែនតាមការបានគ្រោងទុក។

ជាមួយគ្នានេះ ខណ្ឌទាំង១៤ ក្នុងរាជធានីភ្នំពេញ បានសាងសង់បន្ថែម “បង្គោលអង់តែនរួម” ២៩៨ បង្គោល ដែលស្ថានីយអង់តែនចំនួន៣២០ បានដាក់ឱ្យដំណើរការ ក្នុងនោះក្រុមហ៊ុន Cellcard ចំនួន ២៥ ស្ថានីយ, ក្រុមហ៊ុន Metfone ចំនួន ១០៣ ស្ថានីយ, និងក្រុមហ៊ុន Smart ចំនួន ១៩២ ស្ថានីយ។ ប្រតិបត្តិករនឹងបន្តបំពាក់ស្ថានីយអង់តែនបន្តទៀតរហូតគ្រប់ចំនួនតាមការគ្រោងទុកផងដែរ៕

The post រដ្ឋមន្រ្តីប្រៃសណីយ៍ ណែនាំដល់ក្រុមការងារខណ្ឌទាំង១៤ ពន្លឿនពង្រឹងគុណភាពសេវាក្នុងរាជធានីភ្នំពេញ appeared first on .

ការបញ្ជាក់បែបនេះ ត្រូវបានធ្វើឡើងក្នុងពីធីចុះហត្ថលេខា លើអនុស្សរណៈនៃការយោគយល់គ្នា រវាងក្រសួងប្រៃសណីយ៍ និងក្រសួងកសិកម្ម កាលរសៀលថ្ងៃទី២ ខែឧសភា ឆ្នាំ២០២៣នេះ។

លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានឱ្យដឹងថា គណៈកម្មាធិការជាតិ រៀបចំការប្រកួតកីឡាស៉ីហ្គេម លើកទី៣២ (CAMSOC) បានចំណាយថវិកាប្រហែល៥០ម៉ឺនដុល្លារ ដើម្បីបំពាក់ WiFi សាធារណៈដោយឥតគិតថ្លៃ (Public WiFi) គឺទី១. នៅពហុកីឡដ្ឋានជាតិមរតកតេជោ និងទី២. ពហុកីឡដ្ឋានជាតិអូឡាំពិក នៃព្រឹត្តិការណ៍ស៊ីហ្គេម។

លោក ជា វ៉ាន់ដេត បានបញ្ជាក់ថា៖«ដើម្បីប្រើ Public WiFi នេះ អ្នកចូលរួមគ្រាន់តែស្កេន QR Code នៅតាមទីតាំងជាក់ស្តែង ដែលបានកំណត់ ដើម្បីភ្ជាប់ WiFi នោះនឹងអាចប្រើប្រាស់ WiFi បានភ្លាមៗ ខណៈ Public WiFi នៅពហុកីឡដ្ឋានជាតិទាំង២នេះ គឺអត់មានបញ្ហាអ្វីនោះទេ ក្នុងរយៈពេលព្រឹត្ដិការណ៍ស៊ីហ្គេម»។

ចំណែកឯការប្រើប្រាស់ សម្រាប់ការផ្សាយចេញក្រៅប្រទេសវិញ លោកថា ក្រសួង ក៏បានចរន្ដក្រុមហ៊ុនខ្សែកាបមួយចំនួន និងក្រុមហ៊ុនរដ្ឋ ចូលតទៅពហុកីឡដ្ឋានជាតិទាំង២នេះ ដោយអត់មានបញ្ហានោះទេ នូវសមត្ថភាពបញ្ចូលខ្សែអ៊ីនធើណែន និងបង្គោលអង់តែន នៅទីនោះ។

គួរបញ្ជាក់ដែរថា ព្រឹត្តិការណ៍ប្រកួតកីឡាស៊ីហ្គេម លើកទី៣២ នឹងត្រូវប្រារព្ធពិធីបើកការប្រកួត នាថ្ងៃទី០៥ ខែឧសភា ឆ្នាំ២០២៣ខាងមុខ។ ក្នុងនោះដែរ ចំពោះព្រឹត្តការណ៍ SEA Games: ចាប់ផ្តើមពីថ្ងៃទី០៥-១៧ ខែឧសភា ឆ្នាំ២០២៣ និង ASEAN Para Games: ចាប់ផ្តើមពីថ្ងៃទី០៣-០៩ ខែមិថុនា ឆ្នាំ២០២៣៕ អត្ថបទ៖ ពិសី

The post គ្រាន់តែទីតាំង២នេះ! ក្រសួងចំណាយរហូត៥០ម៉ឺនដុល្លារ ដើម្បីបំពាក់បំពាក់ Public WiFi  ត្រៀមសម្រាប់ស៊ីហ្គេម appeared first on .

ក្នុងពិធីបិទទិវាជាតិ «វិទ្យាសាស្ត្រ បច្ចេកវិទ្យា និងនវានុវត្តន៍» កាលថ្ងៃ២៨ ខែមីនា ឆ្នាំ២០២៣ នៅសណ្ឋាគារភ្នំពេញ លោក ជា វ៉ាន់ដេត បានថ្លែងបញ្ជាក់ថា «ក្នុងរយៈពេល៣ឆ្នាំ ដែលខ្ញុំបានចូលមកកាន់តួនាទី ជារដ្ឋមន្ត្រីក្រសួងប្រៃសណីយ៍ និងទូរគមនាគមន៍ យើងបានធ្វើការងារកែទម្រង់ច្រើន ហើយជាលទ្ធផល គឺចំណូលរបស់រដ្ឋ បានកើនឡើង៤ដង នៃរយៈពេល៣ឆ្នាំនេះធៀបនឹង៣ឆ្នាំមុន ដែលខ្ញុំបានចូលមកកាន់ក្រសួង»។

សមទ្ធិផលមួយដ៏ធំនេះ លោក ជា វ៉ាន់ដេត បានចាត់ទុកថា ការណ៍នេះបានធ្វើឲ្យមន្ត្រីរាជការក្នុងក្រសួងមានទឹកចិត្ត និងសប្បាយរីករាយ ហើយថ្មីៗនេះលោកបានធ្វើការស្ទង់មតិមន្ត្រី ដែលនៅក្នុងអគ្គនាយកដ្ឋានខ្លះ គឺមន្ដ្រីគាំទ្រ១០០ភាគរយ នៃការកែទម្រង់របស់ក្រសួង។

លោកបន្តថា នៅក្នុងការកំណែទម្រង់នេះ គឺក្រសួងប្រៃសណីយ៍ និងទូរគមនាគមន៍ បានយកចិត្តទុកដាក់ទៅលើវិស័យ៣ គឺ៖ វិស័យប្រៃសណីយ៍ វិស័យពាណិជ្ជកម្មអេឡិចត្រូនិក និងវិស័យបច្ចេកវិទ្យា និងទូរគមនាគមន៍ព័ត៌មាន។

បើតាមលោក ជា វ៉ាន់ដេត ក្នុងពេលអនាគត ក្នុងរយៈពេល៥ឆ្នាំ ទៅ១០ឆ្នាំខាងមុខនេះ តាមការព្យាករណ៍របស់អ្នកសេដ្ឋកិច្ចមួយចំនួន វិស័យពាណិជ្ជកម្មអេឡិចត្រូនិក គឺជាវិស័យមួយដ៏ធំនៅក្នុងសេដ្ឋកិច្ចជាតិរបស់ប្រទេសនីមួយៗ ក៏ដូចជានៅក្នុងពិភពលោកផងដែរ៕

The post រយៈពេល៣ឆ្នាំកាន់ដំណែងរដ្ឋមន្រ្តី លោក ជា វ៉ាន់ដេត ធ្វើការកែទម្រង់ជួយឲ្យក្រសួងប្រៃសណីយ៍រកចំណូលកើនឡើង៤ដង appeared first on .

នៅចំពោះមុខប្រជាពលរដ្ឋអ្នករស់នៅបុរី ប៉េងហួត លោក ជា វ៉ាន់ដេត លើកឡើងថា តាមរយ:ការដោះស្រាយបញ្ហាផ្ទាល់  និងសហការជាមួយម្ចាស់បុរី ព្រមទាំងប្រតិបត្តិករទូរគមនាគមន៍ការពង្រឹងគុណភាពសេវាទូរសព្ទចល័ត នៅក្នុងបុរីមានភាពល្អប្រសើរជាងមុន  ៧០% បន្ទាប់ពីក្រុមការងារបានសាងសង់បង្គោលអង់តែនរួម បន្ថែមចំនួន ១២បង្គោល ដែលបង្គោលអង់តែនរួមនីមួយៗអាចបំពាក់បានស្ថានីយ៍អង់តែនរបស់ប្រតិបត្តិកររហូតដល់៣ក្រុមហ៊ុន។

លោកបន្តថា គិតត្រឹមថ្ងៃទី២៧ ខែមករា ឆ្នាំ២០២៣នេះ ស្ថានីយ៍អង់តែនបន្ថែមចំនួន២៩ បានដាក់ឱ្យដំណើរការ ហើយប្រតិបត្តិករនឹងបន្តបំពាក់ស្ថានីយ៍អង់តែនបន្តទៀតរហូតគ្រប់ចំនួនតាមការគ្រោងទុក។

លើសពីនោះ លោករដ្ឋមន្ត្រី ក៏បានលើកឡើងពីគោលបំណងស្នើទៅរាជរដ្ឋាភិបាលក្នុងការសាកល្បងដំណើរសេវា  5G នាពេលអនាគត នៅបុរីប៉េងហួតមុនគេ និងស្នើឱ្យអ្នកមានលទ្ធភាពអាចទិញទូរសព្ទដែលអាចប្រើបានទាំង  4G និង  5G ឱ្យបានកាន់តែច្រើន  ព្រោះបច្ចុប្បន្ន មានត្រឹមប្រមាណ៤០ម៉ឺនគ្រឿងប៉ុណ្ណោះ។

សូមជម្រាបថា តាមរយ:បទពិសោធនៃការពង្រឹងគុណភាពសេវានៅបុរីប៉េងហួតបឹងស្នោនេះ  ក្រសួងនឹងយកទៅអនុវត្តនៅតាមបុរីផ្សេងទៀត ព្រមទាំងពង្រឹងសេវានៅតាមខណ្ឌទាំង១៤  ក្នុងរាជធានីភ្នំពេញបន្ថែមទៀតដំណាលគ្នាដោយចាប់ផ្ដើមពីខណ្ឌដូនពេញមុនគេ។

បើតាមលោក ជា វ៉ាន់ដេត ដើម្បីការពារសិទ្ធិនិងផលប្រយោជន៍របស់អ្នកប្រើប្រាស់ក្នុងការទទួលបានសេវាទូរគមនាគមន៍ប្រកបដោយគុណភាព និងដើម្បីលើកកម្ពស់តម្លាភាពនៃការផ្តល់ទិន្នន័យនិងព័ត៌មានជាក់លាក់អំពីស្ថានភាពនៃការប្រើប្រាស់ ក្រសួង បានដាក់ឱ្យប្រើប្រាស់កម្មវិធីវាស់ស្ទង់គុណភាពសេវាទូរសព្ទ និងល្បឿនអ៊ីនធឺណិត “ MPTC Speed Test ” ដែលមានមុខងារចម្បងសម្រាប់វាស់ស្ទង់កម្រិតសេវាទូរសព្ទ និងដំណើរការអ៊ីនធឺណិតនៅគ្រប់ទីកន្លែង និងគ្រប់ពេលវេលា។ ក្នុងន័យនេះ ក្នុងករណីដែលការវាស់ស្ទង់នេះបានបង្ហាញលទ្ធផលថា គុណភាពសេវាទូរសព្ទ ឬអ៊ីនធឺណិតមានភាពមិនប្រក្រតី ឬស្ថិតនៅកម្រិតមួយមិនអាចប្រើប្រាស់បាន អ្នកប្រើប្រាស់អាចរាយការណ៍មកនិយ័តករទូគមនាគមន៍កម្ពុជា ដើម្បីប្តឹងតវ៉ា និងស្វែងរកដំណោះស្រាយ។

បន្ថែមពីនោះ ក្រសួង បានចាត់តាំងក្រុមការងារចំនួន៨ ក្នុងការពង្រឹងគុណភាពសេវានៅតាមបុរីក្នុងរាជធានីភ្នំពេញ ដោយបញ្ចប់កិច្ចសន្យាផ្តល់សិទ្ធិផ្តាច់មុខដល់ប្រតិបត្តិករណាមួយក្នុងការផ្គត់ផ្គង់សេវាអ៊ីនធឺណិត និងស្នើសុំកិច្ចសហការពីម្ចាស់បុរីក្នុងការជំរុញគុណភាពសេវា។ ម៉្យាងទៀត ក៏បានទិញឧបករណ៍វាស់ស្ទង់សេវាដែលបំពាក់លើរថយន្ត (Drive Test) សម្រាប់ធ្វើការវាស់ស្ទង់គុណភាពសេវា ដើម្បីជំរុញឱ្យប្រតិបត្តិករកែលំអរសេវា ឬវិនិយោគបន្ថែមផងដែរ៕

The post ក្រសួងប្រៃសណីយ៍ គ្រោងស្នើសុំរដ្ឋាភិបាលសាកល្បងដំណើរសេវា 5G នាពេលអនាគត នៅបុរីប៉េងហួត មុនគេ appeared first on .

ក្រសួងប្រៃសណីយ៍ ដឹកនាំដោយលោក ជា វ៉ាន់ណេត ជារដ្ឋមន្ត្រី ក្រោយពីការរុះរើគណៈរដ្ឋមន្រ្តីថ្មីនៅពាក់កណ្តាលអាណត្តិនេះ ដែលជាឈាមថ្មីជាបញ្ញាវ័ន្តក្រោមវ័យចំណាស់ ដែលចេញមកពីនិស្សិតអាហារូបករណ៍ទៅសិក្សានៅក្រៅប្រទេស។

តាមរយៈគេហទំព័រផ្លូវការ ក្រសួងប្រៃសណីយ៍ និងទូរគមនាគមន៍ បានដាក់ចេញនៅគោលការណ៍ជាបេសកកម្មធំ ៧ចំណុច ដើម្បីជំរុញការអភិវឌ្ឍវិស័យប្រៃសណីយ៍ និងទូរគមនាគមន៍៖

១- ដឹកនាំ និងគ្រប់គ្រងវិស័យប្រៃសណីយ៍ និងទូរគមនាគមន៍ព្រមទាំងបច្ចេកវិទ្យាគមនាគមន៍ និងព័ត៌មាន ដោយឈរលើគោលការណ៍សេដ្ឋកិច្ចទីផ្សារសេរី និងសមធម៌សង្គម។
២- ពង្រីកការកសាងហេដ្ឋារចនាសម្ព័ន្ធឆ្អឹងខ្នងរឹងមាំ ល្បឿនលឿន សុវត្ថិភាព និងជឿទុកចិត្ត ឱ្យបានដល់គ្រប់ទីកន្លែងនៅកម្ពុជា ។
៣- អភិវឌ្ឍវិស័យប្រៃសណីយ៍ និងទូរគមនាគមន៍ ព្រមទាំងបច្ចេកវិទ្យាគមនាគមន៍ និងព័ត៌មាន ឱ្យមានលក្ខណៈទំនើប មានគុណភាពខ្ពស់ មានតម្លៃសមរម្យ និងមានសេវាគ្របដណ្ដប់ទូទាំងប្រទេសដែលប្រជាជនទូទៅអាចប្រើប្រាស់ និងទទួលបានផលប្រយោជន៍ពីសេវានេះ។

៤- អភិវឌ្ឍប្រព័ន្ធរដ្ឋាភិបាលអេឡិចត្រូនិចនៅថ្នាក់ជាតិ និងថ្នាក់ក្រោមជាតិ ដើម្បីជំរុញការសម្របសម្រួលការគ្រប់គ្រងកិច្ចការរដ្ឋបាលរវាងក្រសួងស្ថាប័នជាសេនាធិការរបស់រាជរដ្ឋាភិបាល និងការផ្តល់សេវាសាធារណៈជូនប្រជាជន ប្រកបដោយភាពរហ័ស ប្រសិទ្ធភាព តម្លាភាព សុវត្ថិភាព សន្សំសំចៃខ្ពស់ និងចំណេញពេលវេលា។
៥- ជំរុញការបញ្ជ្រាបការយល់ដឹងអំពីការប្រើប្រាស់ និងផលប្រយោជន៍ នៃបច្ចេកវិទ្យាគមនាគមន៍ និងព័ត៌មាន តាមរយៈការផ្សព្វផ្សាយឱ្យបាន ទូលំទូលាយ ការបណ្ដុះបណ្ដាល និងការកសាងសមត្ថភាពមន្ត្រីរាជការ សិស្ស និស្សិត រួមទាំងវិស័យឯកជន។
៦- លើកទឹកចិត្តវិនិយោគិនធ្វើទំនើបកម្មវិស័យប្រៃសណីយ៍ និង ទូរគមនាគមន៍ ព្រមទាំងបច្ចេកវិទ្យាគមនាគមន៍ និងព័ត៌មាន និងធ្វើការ រៀបចំអភិក្រម ដើម្បីលើកកម្ពស់ការស្រាវជ្រាវ និងអភិវឌ្ឍលើវិស័យ ទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន។

៧- ជំរុញប្រតិបត្តិករនៃវិស័យប្រៃសណីយ៍ និងទូរគមនាគមន៍ ព្រមទាំងបច្ចេកវិទ្យាទូរគមនាគមន៍ និងព័ត៌មាន អនុវត្តសិទ្ធិ និងកត្វកិច្ច ស្របតាម លក្ខខណ្ឌ និងបទបញ្ញត្តិជាធរមាន ដើម្បីធានាការប្រកួតប្រជែងដោយ ស្របច្បាប់ និងស្មោះត្រង់ និងដើម្បីការពារសិទ្ធិរបស់អ្នកប្រើប្រាស់៕

The post បេសកកម្ម ៧ចំណុចធំៗ ក្រសួងដាក់ចេញដើម្បីជំរុញវិស័យប្រៃសណីយ៍ និងទូរគមនាគមន៍ appeared first on .

The post ក្រសួងប្រៃសណីយ៍ ហាមប្រាមប្រតិបត្តិករទូរស័ព្ទបញ្ឈប់ផ្តល់សេវាកម្ចីលុយជូនអតិថិជន appeared first on .

ថ្លែងក្នុង​កិច្ចប្រជុំអន្តរក្រសួង ដើម្បី​ពិនិត្យ និងផ្តល់ធាតុចូលលើសេចក្តីព្រាងគោលនយោបាយ​ជាតិ​ស្តីពីការ​អភិវឌ្ឍវិស័យ​ឌីជីថល ២០៣០ កាល​ពី​ថ្ងៃ​ទី​២៧ ខែ​មេសា ឆ្នាំ​២០២២ ឯកឧត្តម ជា វ៉ាន់ដេត ​​បាន​បញ្ជាក់​ថា៖ “យើង​កំពុង​ខិត​ខំ​ដើម្បី​លុប​​បំបាត់​ភាព​ផ្តាច់មុខ និង​​ភាព​អត់​មាន​សេវា​អ៊ីនធើណែត​នៅ​តាម​បុរី។ ខ្ញុំ​បាន​បង្កើត​ក្រុម​ការងារ​ចំនួន​៨ ដើម្បី​ធ្វើការ​ជាមួយ​បុរី​ជាង​១០០​នៅ​ភ្នំពេញ និង​កំពុង​ធ្វើ​ការ​រាល់​សប្តាហ៍។ ឥឡូវ​បាន​ឯកភាព​គ្នា​មួយ​ចំនួន ដោយ​បុរី​ខ្លះ​​​គេ​អនុញ្ញាត​ឱ្យ​សាង​សង់​បង្គោល​អង់តែន និង​ជីក​លូ​អូស​ខ្សែ​អ៊ីនធើណែត​ចូល​ហើយ។ អ្នក​នៅ​បុរី​ ជា​អ្នក​ដែល​ប្រើ​ប្រាស់​សេវា​អ៊ីនធើណែត​ច្រើន ព្រោះ​ពួកគាត់​​ភាគ​ច្រើន​ជា​អ្នក​ធ្វើ​ការ និង​ជា​អ្នក​រកស៊ី”៕  

The post ក្រសួងប្រៃសណីយ៍ ​​កំពុង​ធ្វើ​ឱ្យ​បុរី​ជាង​១០០​នៅ​ភ្នំពេញ​ មាន​សេវា​អ៊ីនធើណែត​ប្រើប្រាស់​ពេញ​លេញ appeared first on .

លោក​រដ្ឋមន្ត្រីមានប្រសាសន៍ថា ការជួបប្រទះបញ្ហាប្រឈមទាក់ទងនឹងសេវាទូរសព្ទចល័ត បានធ្វើ​ឱ្យប៉ះពាល់ដល់ការធ្វើការ ការប្រកបអាជីវកម្ម ក៏ដូចជាការសិក្សាក្នុងអំឡុងពេលកូវីដ-១៩។ បញ្ហាគុណភាពសេវានេះ មានជាច្រេីនឆ្នាំមកហេីយ ជាពិសេសនៅពេលមានកំណេីនលំនៅឋាន និងប្រជាពលរដ្ឋ។

ឯកឧត្តមរដ្ឋមន្ត្រី មានប្រសាសន៍បន្តថា ក្រសួងប្រៃសណីយ៍និងទូរគមនាគមន៍ បាន​បំពាក់ឧបករណ៍វាស់ស្ទង់គុណភាពសេវា បង្កើតក្រុមការងារដោះស្រាយបញ្ហាផ្ទាល់នៅតាមបុរី និងសហការជាមួយម្ចាស់បុរី ព្រមទាំងប្រតិបត្តិករទូរគមនាគមន៍ ដើម្បីដោះស្រាយបញ្ហាប្រឈមជាក់ស្ដែងនីមួយៗ ក្នុងគោលដៅបង្កើនប្រសិទ្ធភាព និងពង្រឹងគុណភាពសេវាទូរសព្ទចល័ត និងសេវាអ៊ីនធឺណិត​ឱ្យបានល្អប្រសេីរ។ ក្នុងនោះក្រុមការងារនឹងសាងសង់បង្គោលអង់តែនបន្ថែមជាច្រើនទៀត ហើយត្រូវមានប្រតិបត្តិករចំនួន ៣ ប្រើប្រាស់រួមគ្នាលើបង្គោលមួយ ដែលមានទម្រង់ជាដើមឈើ ប្រកបដោយសោភ័ណភាព។

ថ្លែងសន្យា​ចំពោះមុខ​ប្រជាពលរដ្ឋ​ដែលរស់នៅបុរីប៉េងហួត​បឹងស្នោ លោក​រដ្ឋមន្រ្តី​ថានឹងត្រលប់មកទីតាំងដដែលនេះវិញ ក្នុងរយៈពេល ៣ខែក្រោយ ដើម្បីពិនិត្យមើលគុណភាពសេវាអ៊ីនធឺណិត និងសេវាទូរសព្ទទាំងអស់ ហើយប្រសិនបើពុំមានការកែលម្អគុណភាព​សេវាទាំងអស់នេះទេ ក្រសួងនឹងចាត់វិធានការតាមផ្លូវច្បាប់។

ជា​ការ​ឆ្លើយតប​ តំណាង​បុរី​ប៉េង ហួតបាន​បញ្ជាក់​ថា ក្រុមហ៊ុន​នឹង​សហការ​ជាមួយ​ក្រសួង​ដើម្បីឆ្លើយតបទៅនឹងសំណូមពររបស់ប្រជាពលរដ្ឋ។ ជាមួយគ្នា​ បុរីក៏​ថ្លែង​អំណរគុណ​សម្រាប់បងប្អូនប្រជាពលរដ្ឋចំពោះភាពអត់ធ្មត់កន្លងមកនេះ។

ក្រុមហ៊ុន ប៉េង ហួត គ្រុប នឹងបន្តខិតខំសហការគ្រប់បែបយ៉ាងជាមួយប្រតិបត្តិករ និងក្រសួងប្រៃសណីយ៍និងទូរគមនាគមន៍ ក្នុងការផ្តល់ជូននូវសេវាទូរស័ព្ទ និងអ៊ីនធើណេតបាននូវគ្រប់គម្រោងរបស់ បុរី ប៉េង ហួត និងដើម្បីចូលរួមចំណែកជាមួយគោលនយោបាយសេដ្ឋកិច្ចនិងសង្គមឌីជីថលរបស់រាជរដ្ឋាភិបាល៕

The post រដ្ឋមន្រ្តី​ក្រសួង​ប្រៃសណីយ៍​ចុះ​​ដោះស្រាយ​រឿងបញ្ហា​​សេវា​ទូរសព្ទ ដល់បុរី​ប៉េង ហួត បឹង​ស្នោ appeared first on .