យ៉ាងណាមិញ ដោយបន្ថែមពីលើគម្រោងឧស្ម័នធម្មជាតិរាវ (LNG) និងបំពង់ទុយោបង្ហូរប្រេងនៅរដ្ឋ Alaska រដ្ឋបាលលោក ត្រាំ ក៏បានប្រកាសកាលពីថ្ងៃទី៣០ ខែកញ្ញា ថា រដ្ឋាភិបាលកូរ៉េខាងត្បូងនឹងគាំទ្រដល់ការសាងសង់រោងចក្រថាមពលបរមាណូថ្មីចំនួន ៨ និងរោងចក្រថាមពលឧស្ម័នធម្មជាតិទ្រង់ទ្រាយធំមួយនៅក្នុងរដ្ឋ Texas ផងដែរ។

គួរឲ្យដឹងថា ជុំវិញការប្រកាសពីលោក ត្រាំ នេះ បានកត់សម្គាល់នូវការវិនិយោគក្នុងគម្រោងធំៗដំបូង ក្រោមញ្ចប់វិនិយោគយុទ្ធសាស្ត្រសរុបចំនួន ៣៥០ពាន់លានដុល្លារ ដែលកូរ៉េខាងត្បូងបានប្តេជ្ញាចិត្តជាផ្នែកមួយនៃកិច្ចព្រមព្រៀងពាណិជ្ជកម្មឆ្នាំ២០២៥ ជាមួយសហរដ្ឋអាមេរិក។ កញ្ចប់ថវិកានេះរួមមាន ១៥០ពាន់លានដុល្លារសម្រាប់ឧស្សាហកម្មសាងសង់កប៉ាល់ និង ២០០ពាន់លានដុល្លារសម្រាប់ការវិនិយោគយុទ្ធសាស្ត្រផ្សេងទៀត។

ទន្ទឹមនឹងនេះ ទីក្រុងសេអ៊ូលក៏បានបញ្ជាក់ពីព័ត៌មានលម្អិតផ្សេងទៀតនៅក្នុងសេចក្តីថ្លែងការណ៍របស់លោកប្រធានាធិបតី ត្រាំ នោះ ដោយនិយាយថា ខ្លួននឹងវិនិយោគ ២២,៣ពាន់លានដុល្លារផ្សេងទៀត លើគម្រោងរោងចក្រថាមពលដើរដោយឧស្ម័ននៅក្នុងរដ្ឋ Texas ដើម្បីផ្គត់ផ្គង់ថាមពលដល់មជ្ឈមណ្ឌលទិន្នន័យ AI ព្រមទាំងថវិកា ១២០ពាន់លានដុល្លារដើម្បីសាងសង់ហេដ្ឋារចនាសម្ព័ន្ធបរមាណូចំនួន ៨ ផងដែរ៕​

The post លោក ត្រាំ ប្រកាសថាកូរ៉េខាងត្បូងនឹងបោះលុយវិនិយោគ ២០០ពាន់លានដុល្លារ នៅសហរដ្ឋអាមេរិក appeared first on .

នៅថ្ងៃទី១៦ ខែកក្កដា ក្រុមហ៊ុនខ្នាតយក្សរបស់តៃវ៉ាន់ TSMC បានប្រកាសថាខ្លួននឹងវិនិយោគបន្ថែម ១០០ពាន់លានដុល្លារ នៅរដ្ឋអារីហ្សូណា ពោលគឺបន្ទាប់ពីមានរបាយការណ៍ពីការកើនឡើងនៃប្រាក់ចំណេញបំបែកកំណត់ត្រានៅក្នុងត្រីមាសទីពីរ ដោយសារតម្រូវការសម្រាប់ខ្ពស់ក្នុងវិស័យ AI។

យ៉ាងណាមិញ ជុំវិញទំហំទឹកប្រាក់នៃការវិនិយោគនេះ នឹងត្រូវបានប្រើប្រាស់ដើម្បីសាងសង់រោងចក្រផលិតបន្ទះឈីបបន្ថែម នៅរដ្ឋអារីហ្សូណា ដែលធ្វើឱ្យការវិនិយោគសរុបរបស់ TSMC នៅសហរដ្ឋអាមេរិកកើនឡើងដល់ ២៦៥ពាន់លានដុល្លារ។

គួរជម្រាបជូនថា កាលពីខែមីនា ប្រធានាធិបតីអាមេរិក ដូណាល់ ត្រាំ និងនាយកប្រតិបត្តិក្រុមហ៊ុន TSMC លោក CC Wei បានប្រកាសថា ក្រុមហ៊ុនផលិតបន្ទះឈីបកំពូលនេះ មានគម្រោងចំណាយ ១០០ពាន់លានដុល្លារដើម្បីសាងសង់រោងចក្រចំនួនប្រាំនៅសហរដ្ឋអាមេរិកក្នុងរយៈពេលប៉ុន្មានឆ្នាំខាងមុខ។ ដោយឡែក ក្នុងខែមេសា ឆ្នាំ២០២៤ កន្លងទៅ ក្រុមហ៊ុនផលិតបន្ទះឈីបតៃវ៉ាន់មួយនេះ ក៏បានប្រកាសផងដែរថាខ្លួននឹងបង្កើនការវិនិយោគ នៅសហរដ្ឋអាមេរិកបន្ថែម ២៥ពាន់លានដុល្លារ ដែលធ្វើឱ្យចំនួនវិនិយោគសរុបនៅពេលនោះ កើនឡើងដល់ ៦៥ពាន់លានដុល្លារ៕

The post ក្រុមហ៊ុនយក្សតៃវ៉ាន់ TSMC ប្រកាសវិនិយោគលុយ ១០០ពាន់លានដុល្លារបន្ថែម នៅសហរដ្ឋអាមេរិក appeared first on .

ជុំវិញការចាក់បញ្ចូលទឹកប្រាក់ដ៏ច្រើនសន្ធឹកសន្ធាប់នេះ ត្រូវបានធ្វើឡើង នៅពេលដែលប្រទេសដែលមានសេដ្ឋកិច្ចធំជាងគេបំផុតទី៤ នៅអាស៊ីមួយនេះ កំពុងមានការរីកចម្រើនយ៉ាងខ្លាំងនៃបច្ចេកវិទ្យា AI សកល ដោយសារតែមានក្រុមហ៊ុនផលិតបន្ទះឈីបអង្គចងចាំកំពូលៗ នៅក្នុងប្រទេសរបស់ខ្លួន។

យ៉ាងណាមិញ​ ប្រធានាធិបតីលោក Lee Jae Myung បាននិយាយនៅក្នុងទីក្រុងសេអ៊ូល អំឡុងចូលរួមនៅក្នុងព្រឹត្ថិការណ៍បច្ចេកវិទ្យាមួយថា ការវិនិយោគនេះគឺមានជាសំខាន់ខ្លាំង ខណៈពេលដែលកូរ៉េខាងត្បូងកំពុងស្វែងរកប្រាក់ចំណេញពីតម្រូវការកើនឡើង និងដើម្បីអភិវឌ្ឍទៅកាន់តំបន់មួយចំនួន ដែលពីមុនមកត្រូវបានគេមើលរំលង។

មិនតែប៉ុណ្ណោះ រដ្ឋាភិបាលកូរ៉េខាងត្បូងបាននិយាយទៀតថា ក្រុមហ៊ុន Samsung Electronics និង SK Hynix នឹងចូលរួមនបោះទុនវិនិយោគក្នុងចំនួនបំបែកកំណត់ត្រា ៨០០ទ្រីលានវ៉ុន (៥១៨ពាន់លានដុល្លារ) នៅក្នុងមជ្ឈមណ្ឌលផលិតបន្ទះឈីបថ្មីមួយ នៅភាគនិរតីនៃប្រទេស។

គួរជម្រាបជូនផងដែរថា ក្រុមហ៊ុនខ្នាតយក្សទាំងពីរបានឃើញប្រាក់ចំណេញ និងតម្លៃភាគហ៊ុនរបស់ពួកគេ កើនឡើងយ៉ាងខ្លាំងក្នុងរយៈពេលប៉ុន្មានខែថ្មីៗនេះ ខណៈពេលដែលតម្រូវការដ៏ខ្លាំងក្លាសម្រាប់ហេដ្ឋារចនាសម្ព័ន្ធ AI បានធ្វើឱ្យការផ្គត់ផ្គង់បន្ទះឈីបអង្គចងចាំទូទាំងពិភពលោកកាន់តែរ៉ឹងមាំ៕​

The post កូរ៉េខាងត្បូង ត្រៀមលុយជិត ១,២ទ្រីលានដុល្លារ វិនិយោគលើបន្ទះឈីប និងមជ្ឈមណ្ឌលទិន្នន័យ AI appeared first on .

ជុំវិញការប្រកាសនេះ ត្រូវបានធ្វើឡើង បន្ទាប់ពីនាយករដ្ឋមន្ត្រីអង់គ្លេស លោក Keir Starmer បានជួបជាមួយនាយករដ្ឋមន្ត្រីជប៉ុន លោកស្រី Sanae Takaichi កាលពីថ្ងៃអាទិត្យ។

នៅក្នុងកិច្ចព្រមព្រៀងនោះផងដែរ រួមបញ្ចូលទាំងគម្រោងវិនិយោគរយៈពេល ៥ឆ្នាំរបស់ជប៉ុន ដែលមានតម្លៃជាង ៩ពាន់លានដុល្លារ ក្នុងហេដ្ឋារចនាសម្ព័ន្ធ និងសេវាកម្មហិរញ្ញវត្ថុ រួមជាមួយនឹងផែនការដើម្បីដោះសោរ ដែលមានតម្លៃ ៩ពាន់លានដុល្លារសម្រាប់គម្រោងថាមពលខ្យល់នៅឯនាយសមុទ្ររបស់ចក្រភពអង់គ្លេស។

ជុំវិញគ្រោងថាមពលខ្យល់នៅឯនាយសមុទ្រត្រូវបានគេរំពឹងថានឹងគាំទ្រសមត្ថភាព ៥,៩ ជីហ្គាវ៉ាត់នៅទូទាំងគម្រោងនានា នៅក្នុងប្រទេសស្កុតឡែន និងសមុទ្រ Celtic។ ប្រទេសទាំងពីរក៏នឹងចាប់ផ្តើមភាពជាដៃគូបច្ចេកវិទ្យាថ្មីមួយដែលគ្របដណ្តប់លើវិស័យដូចជា AI បន្ទះឈីបស៊ីមីកុងដុកទ័រ និងការគណនាកង់ទិច ផងដែរ។

គួរជម្រាបជូនផងដែរថា កិច្ចព្រមព្រៀងអាជីវកម្ម និងរដ្ឋាភិបាលផ្សេងទៀតត្រូវបានគេរំពឹងថានឹងត្រូវបានចុះហត្ថលេខាក្នុងអំឡុងពេលដំណើរទស្សនកិច្ចរបស់លោកស្រី Takaichi ដែលធ្វើឡើងមុនកិច្ចប្រជុំកំពូល G7 ចាប់ពីថ្ងៃទី ១៥-១៧ ខែមិថុនា នៅប្រទេសបារាំង៕​

The post អង់គ្លេស​ និងជប៉ុន គ្រោងព្រមព្រៀងគ្នាលើការវិនិយោគ និងភាពជាដៃគូបច្ចេកវិទ្យា មានតម្លៃ ២៤ពាន់លានដុល្លារ appeared first on .

នាឱកាសនោះ លោក ផាក ជូបុង បានលើកឡើងនូវទិដ្ឋភាពបរិយាកាសនៃការវិនិយោគនៅក្នុងប្រទេសកម្ពុជាដោយលោកបានរំលេចថាប្រទេសកម្ពុជាគឺជាប្រទេសមួយដែលមានសុវត្ថិភាពហើយទទួលបានការចាប់អារម្មណ៍ពីអ្នកវិនិយោគរបស់សាធារណរដ្ឋកូរ៉េ។ លោកបន្តថានៅពេលនេះក្រុមអ្នកវិនិយោគកំពុងតែស្វែងរកឱកាសបន្ថែមទៀតដើម្បីវិនិយោគនៅក្នុងប្រទេសកម្ពុជា ជាពិសេសទៅលើវិស័យកសិកម្ម ហើយអ្វីដែលជាការកត់សម្គាល់សំខាន់នោះគឺទៅលើស្វាយចន្ទី។

ក្នុងឱកាសនោះ សម្ដេចតេជោ បានសម្ដែងការអរគុណចំពោះការចាប់អារម្មណ៍របស់អ្នកវិនិយោគសាធារណរដ្ឋកូរ៉េមកកាន់ប្រទេសកម្ពុជា។ សម្ដេចតេជោបានសម្ដែងនូវការពេញចិត្តចំពោះការចាប់អារម្មណ៍ទៅលើការវិនិយោគផ្នែកកសិកម្មពោលគឺស្វាយចន្ទី ដោយសម្ដេចបានរំលេចថា ប្រទេសកម្ពុជាមាននូវផលិតផលជាច្រើនសម្រាប់ធ្វើការវិនិយោគបន្តទៀត ជាពិសេសគឺផលិតផលកសិកម្មដែលជាវត្ថុធាតុដើម។ សម្ដេចបន្តទៀតថា អ្វីដែលកម្ពុជាត្រូវការបន្ថែមនោះគឺអ្នកវិនិយោគដែលអាចកែច្នៃនូវកសិផលរបស់កម្ពុជាដើម្បីយកទៅលក់នៅទីផ្សារកូរ៉េផង និងនៅលើទីផ្សារពិភពលោកផង។

សម្ដេចតេជោ បានបន្តទៀតថា ចំណុចស្នូលនៃទំនាក់ទំនងរវាងកម្ពុជា និងកូរ៉េ គឺពាណិជ្ជកម្ម និងការវិនិយោគនេះឯង ដូច្នេះតាមរយៈក្រុមអ្នកវិនិយោគរបស់កូរ៉េខាងត្បូងមកកាន់ប្រទេសកម្ពុជានៅពេលនេះ នឹងជាឱកាសបន្ថែមទៀតដើម្បីធ្វើការវិនិយោគនៅក្នុងប្រទេសកម្ពុជាហើយជាមួយគ្នានេះ សម្ដេចតេជោបានសង្កត់ធ្ងន់ទៅលើទំនាក់ទំនងរវាងប្រទេសកម្ពុជា និងសាធារណរដ្ឋកូរ៉េ ដែលពេលនេះជាដៃគូយុទ្ធសាស្ត្រជាមួយគ្នាហើយសម្ដេចសង្ឃឹមថា ទៅថ្ងៃខាងមុខ ជាពិសេសនៅក្នុងឱកាសខួប៣០ឆ្នាំ នៃការបង្កើតទំនាក់ទំនងរវាងកម្ពុជា និងសាធារណរដ្ឋកូរ៉េឡើងវិញនោះ គឺប្រទេសទាំងពីរនឹងអាចដើរដល់ជំហានមួយទៀតគឺការបង្កើតជាដៃគូយុទ្ធសាស្ត្រគ្រប់ជ្រុងជ្រោយជាមួយគ្នា៕អត្ថបទ៖ហ្សាលីន

The post សភាពាណិជ្ជកម្មកូរ៉េ៖ កម្ពុជាជាប្រទេសមួយដែលមានសុវត្ថិភាពហើយទទួលបានការចាប់អារម្មណ៍ពីវិនិយោគកូរ៉េ appeared first on .

នាឱកាសនោះ លោក Rémi Maumont de Longevialle នាយកប្រតិបត្តិក្រុមហ៊ុន VINCI Airports បានជម្រាបជូនសម្តេចធិបតីអំពីវឌ្ឍនភាពនៃអាជីវកម្ម និងផែនការសកម្មភាពរបស់ក្រុមហ៊ុន ដែលកំពុងផ្តោតលើការផ្សារភ្ជាប់ និងពង្រឹងកិច្ចសហប្រតិបត្តិការជាមួយក្រុមហ៊ុនអាកាសចរណ៍នៃបណ្តាប្រទេសនានា ក្នុងគោលបំណងពង្រីកការតភ្ជាប់ជើងហោះហើរត្រង់ មកកាន់កម្ពុជា ព្រមទាំងជំរុញការផ្សព្វផ្សាយអំពីសក្តានុពលទេសចរណ៍ ដើម្បីទាក់ទាញភ្ញៀវទេសចរឱ្យមកកម្សាន្តនៅកម្ពុជា ឱ្យកាន់តែច្រើនថែមទៀត។

លោកក៏បានគូសបញ្ជាក់ពីការប្តេជ្ញាចិត្តរបស់ក្រុមហ៊ុន ក្នុងការចូលរួមជាមួយរាជរដ្ឋាភិបាល ដើម្បីជំរុញ និងអភិវឌ្ឍឧស្សាហកម្មអាកាសចរណ៍ ក៏ដូចជាស្វែងរកកាលានុវត្តភាពថ្មីៗក្នុងការបន្តពង្រីកការវិនិយោគ និងប្រតិបត្តិការអាជីវកម្មរបស់ខ្លួននៅកម្ពុជាបន្ថែមទៀត។

ជាការឆ្លើយតប, សម្តេចធិបតី បានវាយតម្លៃខ្ពស់ចំពោះតួនាទីដ៏មានសារៈសំខាន់ និងការរួមចំណែករបស់ក្រុមហ៊ុនក្នុងការអភិវឌ្ឍឧស្សាហកម្មអាកាសចរណ៍នៅកម្ពុជា។ សម្តេចធិបតីក៏បានជម្រាបជូនអំពីការដាក់ឱ្យដំណើរការជាផ្លូវការនូវ «អាកាសយានដ្ឋានអន្តរជាតិតេជោ» ហើយរាជរដ្ឋាភិបាលបានប្រគល់ភារកិច្ចជូនក្រសួងស្ថាប័នពាក់ព័ន្ធ ពិភាក្សាជាមួយក្រុមហ៊ុន និងវិស័យឯកជន ដើម្បីស្វែងរកមធ្យោបាយថ្មីៗ សំដៅជំរុញសមត្ថភាពប្រកួតប្រជែងរបស់កម្ពុជា។ សម្តេចធិបតីបានសង្កត់ធ្ងន់ថា គោលបំណងចម្បងរបស់កម្ពុជា គឺការពង្រីកជើងហោះហើរត្រង់មកកម្ពុជា ពីបណ្តាប្រទេសនានានៅជុំវិញពិភពលោក។

តាមរយៈជំនួបខាងលើ ប្រមុខរាជរដ្ឋាភិបាលកម្ពុជា ក៏បានលើកទឹកចិត្តឱ្យក្រុមហ៊ុនបន្តកិច្ចពិភាក្សា និងផ្សារភ្ជាប់ទំនាក់ទំនងឱ្យកាន់តែជិតស្និទ្ធជាមួយក្រសួងស្ថាប័នពាក់ព័ន្ធ ដើម្បីស្វែងរកកាលានុវត្តភាពថ្មីៗ និងអភិវឌ្ឍអាជីវកម្មរបស់ក្រុមហ៊ុនឱ្យកាន់តែជោគជ័យបន្ថែមទៀត៕អត្ថបទ៖ហ្សាលីន

The post ក្រុមហ៊ុនលំដាប់អន្តរជាតិ VINCI Airports ប្ដេជ្ញាជំរុញនិងអភិវឌ្ឍឧស្សាហកម្មអាកាសចរណ៍កម្ពុជា appeared first on .

ប្រភពដដែលបានបង្ហាញឲ្យដឹងទៀតថា ការវិនិយោគនេះត្រូវបានគេរំពឹងទុកថានឹងត្រូវបានប្រកាសនៅក្នុងកិច្ចប្រជុំកំពូលរវាងនាយករដ្ឋមន្ត្រី លោកស្រី Sanae Takaichi និងប្រធានាធិបតីអាមេរិក លោក ដូណាល់ ត្រាំ នៅទីក្រុងវ៉ាស៊ីនតោន ។

យ៉ាងណាមិញ ជាផ្នែកនៃផែនការវិនិយោគនេះ ក្រុមហ៊ុន Mitsubishi Heavy Industries, Toshiba, IHI និងក្រុមហ៊ុនជប៉ុនធំៗផ្សេងទៀត កំពុងពិចារណាចូលរួមក្នុងការសាងសង់រ៉េអាក់ទ័រនុយក្លេអ៊ែរជំនាន់ក្រោយរបស់ក្រុមហ៊ុនអាមេរិក Westinghouse Electric។

ជម្រាបជូនទៀតាថា កាលពីដើមខែនេះ សារព័ត៌មាន Reuters បានរាយការណ៍ថា ប្រទេសទាំងពីរកំពុងធ្វើការដើម្បីរួមបញ្ចូលគម្រោងថាមពលនុយក្លេអ៊ែរ នៅក្នុងកិច្ចព្រមព្រៀងជុំទីពីរ ក្រោមការសន្យាវិនិយោគមានទឹកប្រាក់រហូតដល់ទៅរាប់ពាន់លានដុល្លារ៕​

The post ជប៉ុន នឹងចាយលុយជាង ៦០ពាន់លានដុល្លារ សម្រាប់ដំណាក់កាលទីពីរនៃការវិនិយោគនៅអាមេរិក appeared first on .

ជាផ្នែកមួយនៃកិច្ចព្រមព្រៀងនេះ ក្រុមហ៊ុនផលិតបន្ទះឈីប និងបច្ចេកវិទ្យាតៃវ៉ាន់ នឹងបោះទុនវិនិយោគទឹកប្រាក់យ៉ាងហោចណាស់ ២៥០ពាន់លានដុល្លារ លើសមត្ថភាពផលិតរបស់ខ្លួន នៅសហរដ្ឋអាមេរិក ស្របពេលរដ្ឋភិបាលរបស់តៃវ៉ាន់ ក៏នឹងធានានូវការផ្តល់ឥណទានចំនួន ២៥០ពាន់លានដុល្លារ សម្រាប់ក្រុមហ៊ុនទាំងនេះផងដែរ។

យ៉ាងណាមិញ ជាថ្នូរទៅនឹងការវិនិយោគដ៏ធំនេះ សហរដ្ឋអាមេរិក នឹងបន្ធូរបន្ថយការដាក់ពន្ធលើតៃវ៉ាន់មកនៅត្រឹម ១៥% ពោលគឺបានធ្លាក់ចុះពីកម្រិត ២០% ហើយប្តេជ្ញានឹងមិនយកពន្ធបដិការទៅលើឱសថទូទៅ គ្រឿងផ្សំឱសថ គ្រឿងបន្លាស់យន្តហោះ និងធនធានធម្មជាតិមួយចំនួនទៀតនោះឡើយ។

ជម្រាបជូនផងដែរថា ក្នុងចំណោមនោះ ក្រុមហ៊ុន Taiwan Semiconductor Manufacturing Co. (TSMC) ដែលជាក្រុមហ៊ុនផលិតបន្ទះឈីបលំដាប់កំពូលរបស់ពិភពលោក បានទិញដីបន្ថែម ដើម្បីពង្រីករោងចក្ររបស់ខ្លួននៅក្នុងរដ្ឋអារីហ្សូណា ដែលជាផ្នែកមួយនៃកិច្ចព្រមព្រៀងនេះ។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្ម លោក Howard Lutnick​៕

The post តៃវ៉ាន់ បោះលុយវិនិយោគ ២៥០ពាន់លានដុល្លារនៅអាមេរិក ក្រោមកិច្ចព្រមព្រៀងពាណិជ្ជកម្មថ្មី​ appeared first on .

ឯកឧត្តម ជា វុទ្ធី អគ្គលេខាធិការគណៈកម្មការវិនិយោគកម្ពុជា ដែលបានដឹកនាំគណៈកម្មការអន្តរក្រសួងស្ថាប័នបានឱ្យដឹងថា ក្នុងដំណើរបេសកកម្មការងារនេះមានវត្តមានចូលរួមពីតំណាងក្រសួងសាធារណៈការនិងដឹកជញ្ជូន, ក្រសួងបរិស្ថាន, ក្រសួងផែនការ, ក្រសួងរៀបចំដែនដី នគរូបនីយកម្ម និងសំណង់, អគ្គនាយកដ្ឋានគយនិងរដ្ឋាករកម្ពុជា និងតំណាងរដ្ឋបាលខេត្តព្រៃវែងផងដែរ។

គម្រោងផែស្ងួតនេះជាគម្រោងទី១ដែលបាននិងកំពុងរៀបចំបង្កើតឡើងនៅតំបន់នោះ ក្នុងទំហំទុនវិនិយោគប្រមាណជាង ២០លានដុល្លារអាមេរិក លើផ្ទៃដីទំហំប្រមាណជាង១០ហិកតា។

គម្រោងនេះ នឹងចូលរួមចំណែកយ៉ាងសំខាន់គំាទ្រដល់សកម្មភាពដឹកជញ្ជូនទំនិញឆ្លងកាត់ព្រំដែននាពេលខាងមុខនៅច្រកទ្វារព្រំដែនអន្តរជាតិម៉ឺនជ័យ កម្ពុជា-វៀតណាម និងបង្កើតនូវការងារជាច្រើនកន្លែងសម្រាប់ប្រជាពលរដ្ឋនៅតំបន់នោះ។ ក្នុងទិដ្ឋភាពរួមរបស់គម្រោងផែស្ងួតនេះនឹងមានការសាងសង់នូវហេដ្ឋារចនាសម្ព័ន្ធចាំបាច់និងគំាទ្រនានាដែលរួមមាន អគារការិយាល័យ អគារពាណិជ្ជកម្ម កន្លែងផ្លាស់ប្តូរទំនិញ ទីតាំងតម្កល់កុងតឺន័រ និងឃ្លាំងស្តុកទំនិញជាដើម។

ក្រៅពីបានដឹកនាំក្រុមការងារចុះពិនិត្យទីតាំងគម្រោងវិនិយោគខាងលើ គណៈកម្មការអន្តរក្រសួងស្ថាប័ន ក៏បានឆ្លៀតចុះពិនិត្យមើលច្រកទ្វារព្រំដែនអន្តរជាតិអន្តរជាតិម៉ឺនជ័យ កម្ពុជា-វៀតណាមដើម្បីស្វែងយល់ពីទិដ្ឋភាពរួមនៃការវិវត្តរីកចម្រើននៅតំបន់នោះ។

ទន្ទឹមគ្នានេះ ឯកឧត្តម ជា វុទ្ធី ក៏បានជម្រាបជូនពីការត្រៀមលក្ខណៈរបស់គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាក្នុងការចូលរួមធ្វើការជាមួយគ្រប់ភាគីពាក់ព័ន្ធ ពិសេសរដ្ឋបាលខេត្តព្រៃវែងក្នុងការផ្សព្វផ្សាយសក្តានុពលវិនិយោគរបស់តំបន់នេះជូនដល់វិនិយោគិនជាតិនិងអន្តរជាតិផងដែរ៕ អត្ថបទ៖ហ្សាលីន 

The post អន្តរក្រសួងចុះពិនិត្យទីតាំងសំណើសុំវិនិយោគបង្កើតផែស្ងួត តម្លៃជាង២០លានដុល្លារ នៅព្រៃវែង appeared first on .

លោក Obaid Saeed Obaid Bintaresh Aldhaheri ឯកអគ្គរដ្ឋទូតនៃសហភាពអារ៉ាប់រួមប្រចាំ កម្ពុជា បានមានប្រសាសន៍ដូច្នេះក្នុងឱកាសជួបពិភាក្សាជាមួយលោក ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ នៅថ្ងៃទី២១ ខែឧសភា ឆ្នាំ២០២៥ រាជធានី ភ្នំពេញ។

ឯកអគ្គរដ្ឋទូតក៏បានបញ្ជាក់ផងដែរថា នឹងមានការហោះហើររបស់ក្រុមហ៊ុនអាកាសចរណ៍ថ្មីៗរវាងប្រទេសទាំងពីរចាប់ពីខែមិថុនាខាងមុខទៅ។

លោក Aldhaheri បានលើកឡើងថា៖ “យើងមើលមកប្រទេសកម្ពុជា យើងឃើញសក្តានុពល យើងឃើញការរីកចម្រើន។ សហភាពអារ៉ាប់រួមមានក្រុមហ៊ុនជំនាញ AI និងមជ្ឈមណ្ឌលទិន្នន័យទំនើប ហើយយើងនឹងនាំពួកគេមកកម្ពុជា យ៉ាងហោចណាស់ក៏អាចចែករំលែកបទពិសោធន៍ពាក់ព័ន្ធនឹង AI ការបង្កើត App និង Software ផ្សេងៗ។”

ក្នុងជំនួបជាមួយលោករដ្ឋមន្ត្រីក្រសួងឧស្សាហកម្ម ហែម វណ្ណឌី លោកឯកអគ្គរដ្ឋទូតបានពិភាក្សាអំពីកិច្ចសហប្រតិបត្តិការទ្វេភាគីក្នុងវិស័យឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដោយបន្តសន្ទុះនៃការអនុវត្តកិច្ចព្រមព្រៀងពាណិជ្ជកម្មសេរីរវាងប្រទេសទាំងពីរ។

លោក ហែម វណ្ណឌី បានស្វាគមចំពោះវឌ្ឍភាពនៃកិច្ចសហការកន្លងមកនិងបានកោតសរសើរសហភាពអារ៉ាប់រួមដែលសន្យាផ្តល់អាហារូបករណ៍សម្រាប់និស្សិតកម្ពុជាទៅសិក្សាជំនាញវិទ្យាសាស្ត្រ។

លោករដ្ឋមន្ត្រី បានលើកឡើងថា៖ “ការអភិវឌ្ឍធនធានមនុស្សក្នុងផ្នែកវិទ្យាសាស្ត្រ និងបច្ចេកវិទ្យាមានសារៈសំខាន់ណាស់ ព្រោះរាជរដ្ឋាភិបាលបានកំណត់យកបច្ចេកវិទ្យាជាមុំទី៥ នៃយុទ្ធសាស្ត្របញ្ចកោណ។”

លោកបានបន្ថែមថា៖ “កម្ពុជាក៏កំពុងធ្វើពិពិធកម្មសេដ្ឋកិច្ច ដោយផ្តោតលើឧស្សាហូបនីយកម្ម និងបរិវត្តកម្មឌីជីថល ហើយយើងបើកចំហចំពោះកិច្ចសហការជាមួយសហភាពអារ៉ាប់រួម លើការវិនិយោគ នវានុវត្តន៍ និងឧស្សាហកម្មដែលបង្កើតតម្លៃបន្ថែមខ្ពស់។”

លោក ហែម វណ្ណឌី ក៏បានស្នើឱ្យសហភាពអារ៉ាប់រួម អញ្ជើញក្រុមហ៊ុនបច្ចេកវិទ្យារបស់ខ្លួន មកចូលរួម និងចែករំលែកបទពិសោធន៍ក្នុងទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍របស់កម្ពុជា ដែលគ្រោងរៀបចំក្នុងខែមីនា ឆ្នាំ២០២៦ ផងដែរ៕

The post គណៈប្រតិភូធុរកិច្ច សហភាពអារ៉ាប់រួមនឹងមកកម្ពុជាចុងឆ្នាំនេះ ដើម្បីស្វែងរកឱកាសវិនិយោគ និងបើកការហោះហើររបស់ក្រុមហ៊ុនអាកាសចរណ៍ថ្មីៗ appeared first on .